Միացյալ Թագավորություն

Պետական կարգը՝ միապետություն
Մայրաքաղաքը՝ Լոնդոն
Տարածքը՝ 244 հզ. կմ
Բնակչությունը՝ 59,8 մլն
Պետական լեզուն՝ անգլերեն
Դրամական միավորը՝ ֆունտ ստեռլինգ

Միացյալ Թագավորությունն ունի մասամբ կարգավորվող շուկայական տնտեսություն։ Ըստ շուկայական փոխարժեքների՝ Միացյալ Թագավորությունը համարվում է աշխարհում 8-րդ և Եվրոպայում 2-րդ (Գերմանիայից հետո) ամենամեծ տնտեսություն ունեցող պետությունը։ Թագուհու գանձապետարանը, որը գլխավորում է կանցլերը, պատասխանատու է բրիտանական կառավարության կողմից հասարակական ֆինանսական և տնտեսական քաղաքականության մշակման և կիրառման համար։

Անգլիայի բանկը կամ Միացյալ Թագավորության կենտրոնական բանկը պատասխանատու է ազգային արտարժույթի՝ ֆունտ ստերլինգի թողարկման համար։ Տուրիզմը համարվում է բրիտանական տնտեսության ամենակարևոր մասը, և 2004թ․ 27 մլն զբոսաշրջիկներով պետությունը զբաղեցնում է 6-րդ տեղը համաշխարհային տուրիզմի շարքերում, իսկ Լոնդոնը համարվում է զբոսաշրջիկների կողմից ամենաշատ այցելվող քաղաքը աշխարհում։

Բրիտանիան ևս տարհանում է Կիևում իր դեսպանատան աշխատակիցներին |azatutyun.am|

azatutyun.am: Մեծ Բրիտանիայի իշխանությունները Միացյալ Նահանգների օրինակով սկսել են տարհանել Կիևում գտնվող բրիտանական դեսպանատան աշխատակիցներին։ Այս մասին երկուշաբթի օրը տեղեկացրել է Բրիտանիայի արտգործնախարարությունը՝ նշելով, որ նման որոշումն ընդունվել է «Ռուսաստանի կողմից աճող սպառնալիքի» ֆոնին։ Բրիտանական դիվանագիտական գերատեսչության համաձայն՝ Ուկրաինայում Միացյալ Թագավորության դեսպանատունը այդուհանդերձ շարունակում է մնալ բաց և իրականացնել իր կարևոր աշխատանքը։ Եվրամիության դիվանագիտության ղեկավար Ժոզեպ Բորելը, մինչդեռ, հայտարարել է, որ պատճառ չկա Ուկրաինայից տարհանելու դիվանագետներին ու նրանց ընտանիքներին, քանի դեռ Ռուսաստանի հետ բանակցությունները շարունակվում են։ «Ես չեմ կարծում, որ պետք է դրամատիզացնել», - ասել է Բորելը։ ԱՄՆ Պետքարտուղարությունը Կիևի դեսպանատանն աշխատող ամերիկացի դիվանագետներին և նրանց ընտանիքներին կարգադրել է լքել Ուկրաինան։ Որոշման պատճառը «Ռուսաստանի ռազմական գործողությունների պահպանվող սպառնալիքն է»։ Գերմանական Bild պարբերականն ավելի վաղ հայտնել է, որ Գերմանիայի արտգործնախարարությունը մշակում է Ուկրաինայում գերմանական դեսպանատան աշխատակիցների և նրանց ընտանիքների տարհանման պլան՝ երկրում իրավիճակի սրացման դեպքում։

17:10 - 24 հունվարի, 2022

Մեծ Բրիտանիան Մոսկվային մեղադրել է Ուկրաինայում ռուսամետ քաղաքական գործիչներին իշխանության բերելու փորձի մեջ․ ՌԴ ԱԳՆ-ն արձագանքել է մեղադրանքներին |tert.am|

tert.am: Մեծ Բրիտանիան, հիմնվելով իր հետախուզական տվյալների վրա, Մոսկվային մեղադրել է Ուկրաինայում ռուսամետ քաղաքական գործիչներին իշխանության բերելու փորձի համար։ Մեծ Բրիտանիայի ԱԳՆ-ն Ուկրաինայի ղեկավարի պաշտոնում Կրեմլի թեկնածու է անվանել Գերագույն Ռադայի նախկին պատգամավոր Եվգենի Մուրաևին, գրում է Daily Mail-ն։Մեծ Բրիտանիայի արտաքին գործերի նախարար Լիզ Թրասը հայտարարության մեջ ասել է, որ «այսօր հրապարակված տեղեկատվությունը լույս է սփռում Ռուսաստանի գործողությունների ծավալի վրա, որոնք ուղղված են Ուկրաինային տապալելուն և պատկերացում են տալիս Կրեմլի մտածելակերպի մասին»:Ինչպես գրում է ՏԱՍՍ-ը, ՌԴ ԱԳՆ-ն, մեկնաբանելով Մեծ Բրիտանիայի արտաքին գործերի նախարարության հայտարարությունն Ուկրաինայի վերաբերյալ իբր Մոսկվայում կառուցվող ծրագրերի մասին, բրիտանացի գործընկերներին կոչ է արել դադարեցնել սադրանքները։«Բրիտանական ԱԳՆ-ի տարածած ապատեղեկատվությունը ևս մեկ վկայություն է, որ ՆԱՏՕ-ի երկրներն են՝ անգլո-սաքսոնների գլխավորությամբ, որոնք սրում են լարվածությունը Ուկրաինայի շուրջ։

14:55 - 23 հունվարի, 2022

Հայ-բրիտանական դիվանագիտական հարաբերությունների հաստատման 30-ամյակի առթիվ ՀՀ վարչապետը շնորհավորական ուղերձ է հղել Բորիս Ջոնսոնին

Վարչապետ Նիկոլ Փաշինյանը շնորհավորական ուղերձ է հղել Մեծ Բրիտանիայի և Հյուսիսային Իռլանդիայի Միացյալ Թագավորության վարչապետ Բորիս Ջոնսոնին՝ երկու երկրների միջև դիվանագիտական հարաբերությունների հաստատման 30-ամյակի առթիվ: Ինչպես հայտնում են ՀՀ կառավարությունից, ուղերձում, մասնավորապես, ասված է. «Ձերդ Գերազանցություն, Ջերմորեն շնորհավորում եմ Հայաստանի Հանրապետության և Մեծ Բրիտանիայի և Հյուսիսային Իռլանդիայի Միացյալ Թագավորության միջև դիվանագիտական հարաբերությունների հաստատման 30-ամյա հոբելյանի կապակցությամբ։ 30 տարի առաջ՝ հունվարի 20-ին, մեր պետությունները սկիզբ դրեցին հայ-բրիտանական միջպետական փոխգործակցության և բարեկամ ժողովուրդների միջև սերտ շփումների ամրապնդման գործընթացին՝ հիմնված պատմական առնչությունների, ընդհանուր արժեհամակարգի, գործնական շահերի և փոխադարձ հարգանքի վրա։ Այս հոբելյանը կարևոր հանգրվան է՝ արժևորելու երկու երկրների միջև ձևավորված փոխհարաբերությունները, վերաիմաստավորելու համատեղ անցած ճանապարհը և ուրվագծելու համագործակցության նոր հեռանկարները։ Միացյալ Թագավորությունը նորանկախ Հայաստանի Հանրապետության պետականաշինության ճանապարհին կարևոր գործընկեր է եղել և այսօր էլ իր ավանդն է բերում մեր երկրում ընթացող ժողովրդավարական բարեփոխումներին, մարդու իրավունքների պաշտպանության և օրենքի գերակայության ամրապնդմանը։ Համոզված եմ, որ այս տարիների ընթացքում ձեռք բերված հարուստ փորձը լայն հնարավորություններ է ընձեռում հայ-բրիտանական համագործակցության ողջ ներուժի բացահայտման և համապարփակ օգտագործման համար՝ նոր խթան հաղորդելով երկկողմ հարաբերություններին, այդ թվում՝ տնտեսական գործընկերությանը և բարձրացնելով դրանք որակական նոր մակարդակի։ Այս համատեքստում խորհրդանշական եմ համարում առաջիկայում ակնկալվող ՀՀ-ՄԹ Համապարփակ և ընդլայնված գործընկերության համաձայնագրի ամփոփումը, որը նոր որակ կհաղորդի երկկողմ հարաբերություններին։ Լիահույս եմ, որ համատեղ ջանքերով առաջիկա տարիների ընթացքում կկարողանանք նոր նախաձեռնություններով և ծրագրերով հագեցնել հայ-բրիտանական երկկողմ օրակարգը՝ ի շահ մեր պետությունների և բարեկամ ժողովուրդների։ Ձերդ Գերազանցություն, ևս մեկ անգամ շնորհավորում եմ մեզ բոլորիս 30-ամյա հոբելյանի կապակցությամբ՝ մաղթելով մեր երկրներին հոբելյանական տարեդարձներով լեցուն բեղմնավոր փոխգործակցություն»:

12:40 - 20 հունվարի, 2022

Բրիտանական ռազմա-փոխադրական ինքնաթիռները մեկ օրում հինգ չվերթ են կատարել Ուկրաինա |armenpress.am|

armenpress.am: Մեծ Բրիտանիայի Թագավորական ռազմաօդային ուժերի C-17A Globemaster III ծանր ռազմա-փոխադրական առնվազն հինգ ինքնաթիռներ վերջին օրվա ընթացքում թռիչքներ են կատարել Ուկրաինա: Այդ մասին հետեւում Է արեւմտյան ավիառեսուրսների տվյալներից: Բրիտանական ինքնաթիռները, որոնք թռել են Անգլիայի «Բրայն Նորթոն» ռազմաօդային բազայից, վայրԷջք են կատարել Կիեւում: Գործողությանը, մասնավորապես, գործի են դրվել RRR6891, RRR6890, RRR6888, RRR6887 եւ RRR6886 համարներով ինքնաթիռները: Յուրաքանչյուր C-17A Globemaster III-ը կարող Է տեղափոխել մինչեւ 77,7 տոննա բեռ: Ավելի վաղ Մեծ Բրիտանիայի պաշտպանության նախարար Բեն Ուոլեսը, ելույթ ունենալով խորհրդարանում, հայտարարել Է, որ Միացյալ Թագավորությունը հակատանկային սպառազինություն կմատակարարի Ուկրաինային: Բրիտանական ռազմա-փոխադրական ինքնաթիռները Ուկրաինա թռիչքների ժամանակ շրջանցել են Գերմանիայի օդային տարածությունը, որը դեմ Է արտահայտվել Ուկրաինա զենքի մատակարումներին: Բրիտանական ինքնաթիռների երթուղին անցել Է Դանիայի եւ Լեհաստանի վրայով: Բացի այդ, նախօրյակին ԱՄՆ-ի Հանթսվիլ քաղաքից (Ալաբամայի նահանգ) Լվով Է ժամանել ուկրաինական Ան-24 ծանր փոխադրական ինքնաթիռը: Հանթսվիլ քաղաքի մերձակայքում տեղակայված Է ԱՄՆ-ի բանակի Ռեդսթոունի զինանոցը: Հունվարի 18-ին Ուկրաինայի երկնքում գրանցվել Է ԱՄՆ-ի ռազմաօդային ուժերի RC-135W Rivet Joint ռազմավարական հետախուզական ինքնաթիռի բազմաժամյա թռիչքը: Նա երթեւեկել Է Դոնբասի եւ Ղրիմից դեպի հյուսիս սահմանազատման գծի երկայնքով, հաղորդել Է «Ինտերֆաքս»-ը:

17:05 - 18 հունվարի, 2022

Միջուկային 5 գերտերություններ համատեղ հայտարարել են ատոմային զենքի կիրառման անթույլատրելիության մասին |azatutyun.am|

azatutyun.am: Միջուկային 5 գերտերություններ՝ ԱՄՆ-ն, Բրիտանիան, Ֆրանսիան, Ռուսաստանը և Չինաստանը համատեղ հայտարարություն են տարածել, որտեղ նշված է, որ իրենց առաջնահերթ պատասխանատվությունն են համարում ատոմային զենք ունեցող երկրների միջև պատերազմի անթույլատրելիությունն ու ռազմավարական ռիսկերի նվազեցումը։ «Մենք հայտարարում ենք, որ ատոմային պատերազմում չեն կարող հաղթողներ լինել և այն երբեք չպետք է տեղի ունենա»,- ըստ Կրեմլի պաշտոնական կայքում տեղադրված հաղորդագրության, հայտարարել են հինգ երկրները, նշելով, որ իրենց միջուկային զենքերը չպետք է ուղղված լինեն միմյանց, ինչպես նաև այլ երկրների դեմ։ Նրանք նաև ընդգծել են, որ քանի դեռ միջուկային սպառազինությունները շարունակում են գոյություն ունենալ, նրանք պետք է ծառայեն պաշտպանական նպատակների՝ ագրեսիան զսպելու ու պատերազմները կանխելու համար։ Համատեղ հայտարարությունում 5 երկրները իրենց հավատարմությունն են հայտնել միջուկային զենքի չտարածման պայմանագրին։

19:19 - 03 հունվարի, 2022

Ժոզեպ Բորելն արձագանքել է Ռուսաստանի պահանջին՝ դադարեցնել ՆԱՏՕ-ի և ԵՄ-ի ընդլայնումը դեպի արևելք |1lurer.am|

1lurer.am: ԵՄ արտաքին և անվտանգության քաղաքականության գերագույն ներկայացուցիչ Ժոզեպ Բորելը գերմանական Welt հրատարակության հետ հարցազրույցում անդրադարձել է Ռուսաստանի պահանջին՝ դադարեցնել ՆԱՏՕ-ի և ԵՄ-ի ընդլայնումը դեպի արևելք։ Բորելը Մոսկվայի պայմանները անվանել է «ամբողջովին անընդունելի» և նշել, որ դա «զուտ ռուսական օրակարգ է»։ Նա ընդգծել է, որ Մոսկվան առաջին անգամ է գրավոր ներկայացրել իր դիրքորոշումը։ «Միայն հաղթողներն են այդպես անում. ասում են, որ իմ պայմանները սրանք են»,- ասել է եվրոպացի դիվանագետը: Դեկտեմբերի 17-ին ՌԴ ԱԳՆ-ն հայտարարել էր ՆԱՏՕ-ի և ԱՄՆ-ի հետ անվտանգության երաշխիքների վերաբերյալ համաձայնությունների նախագծերի մասին։ Փաստաթղթերում կոչ է արվել Մոսկվային թշնամի չհամարել, ռազմական էսկալացիայի սպառնալիք չստեղծել և հրաժարվել ՆԱՏՕ-ի դեպի արևելք ընդլայնումից։ Ռուսաստանը նաև Հյուսիսատլանտյան դաշինքի անդամ երկրներին առաջարկել է Ուկրաինային չընդգրկել կազմակերպության կազմում։ Մեծ Բրիտանիայի արտգործնախարար Լիզ Թրասի հետ հեռախոսազրույցի ժամանակ էլ Ժոզեպ Բորելն ընդգծել է, որ Եվրոպայի անվտանգությանն առնչվող հարցերի քննարկումը չի կարող անցկացվել առանց ԵՄ-ի մասնակցության, հաղորդում է Interfax-ը։

12:13 - 29 դեկտեմբերի, 2021

Մեծ Բրիտանիայի պաշտպանության նախարարը քիչ հավանական է համարում Ուկրաինա բրիտանական զորքերի ուղարկումը |hetq.am|

hetq.am: Մեծ Բրիտանիայի պաշտպանության նախարար Բեն Ուոլեսը հայտարարել է, որ ռուսական հնարավոր ագրեսիայից պաշտպանելու նպատակով Ուկրաինայի տարածքում բրիտանական զորքերի տեղակայումը քիչ հավանական է, քանի որ Ուկրաինան ՆԱՏՕ-ի անդամ պետություն չէ։ Այդ մասին գրում է BBC-ն՝ հղում անելով Spectator ամսագրի խմբագիր Էնդրյու Նիլին Բեն Ուոլեսի տված հարցազրույցին։ Ուոլեսն ընդգծել է, որ ոչ ոք չպետք է խաբված մնա և Ուկրաինան տեղյակ է, որ Լոնդոնը չի պատրաստվում զորքեր ուղարկել։ «Այսինքն, նրանք իրենց հույսի՞ն են»,- հարցրել է լրագրողը։ Ուոլեսը, ի պատասխան, դարձյալ հիշեցրել է, որ Ուկրաինան ՆԱՏՕ-ի անդամ չէ և ընդգծել, որ Բրիտանիան ու իր դաշնակիցները ձեռնարկում են դիվանագիտական բոլոր ջանքները, որպեսզի թույլ չտան իրավիճակի սրում։ Այս տարվա նոյեմբերին Ուկրաինայի պաշտպանության նախարար Ալեքսեյ Ռեզնիկովի հետ համատեղ հայտարարության մեջ բրիտանացի նախարարն իր աջակցությունն էր հայտնել Կիևին։ «Միացյալ Թագավորությունը մեջք մեջքի կանգնած է Ուկրաինայի ժողովրդի հետ»,- նշվում էր հայտարարության մեջ։ Ավելի վաղ, Ջո Բայդենը հայտարարել էր, որ ներկայումս չի դիտարկվում Ուկրաինա ամերիկյան զորքերի ուղարկումը։ «Այդուհանդերձ, դա կախված կլինի նրանից, թե ինչի են պատրաստ գնալ ՆԱՏՕ-ի մյուս երկրները»,- հավելել էր ամերիկացի նախագահը։

17:17 - 19 դեկտեմբերի, 2021

Պուտինն ու Ջոնսոնը քննարկել են Ուկրաինայի շուրջ ստեղծված իրավիճակը |tert.am|

tert.am: ՌԴ նախագահ Վլադիմիր Պուտինն ու Մեծ Բրիտանիայի վարչապետ Բորիս Ջոնսոնը հեռախոսազրույց են ունեցել, որի ընթացքում քննարկված թեմաներից գլխավորն Ուկրաինայի շուրջ տիրող իրավիճակն էր: Կրեմլի մամուլի ծառայությունից հայտնել են, որ ՌԴ նախագահն օրինակներ է բերել «Մինսկի համաձայնագրերը խափանելու Կիևի ապակառուցողական քայլերից» և հայտարարել է, որ ուկրաինական իշխանությունները «նպատակաուղղված սրում են իրավիճակը շփման գծում»: Պուտինն ընդգծել է, որ դա տեղի է ունենում ՆԱՏՕ-ի և Ուկրաինայի մերձեցման ֆոնին: Մեծ Բրիտանիայի վարչապետի գրասենյակից հայտնել են, որ Ջոնսոնը մտահոգություն է հայտնել Ուկրաինայի հետ սահմանին ռուսական զորքերի ավելացման առնչությամբ:

09:21 - 14 դեկտեմբերի, 2021

Մեծ Բրիտանիան հայտնում է կորոնավիրուսի օմիկրոն շտամով պայմանավորված մահվան դեպքի մասին |armenpress.am|

armenpress.am: Մեծ Բրիտանիայում գրանցվել է կորոնավիրուսի նոր շտամով՝ օմիկրոնով պայմանավորված մահվան դեպք: «Deutsche Welle» -ն տեղեկացնում է, որ այս մասին հայտնել է Մեծ Բրիտանիայի վարչապետ Բորիս Ջոնսոնը: «Ցավոք, օմիկրոնն իր ազդեցությունն է թողնում հոսպիտալացումների վրա: Ցավոք, նաև հաստատվել է այն, որ մահացել է կորոնավիրուսով վարակված մեկ անձ, ում մոտ հաստատվել էր օմիկրոն շտամը»,-նշել է Մեծ Բրիտանիայի վարչապետը: Լրատվամիջոցը հայտնում է, որ օմիկրոն շտամով պայմանավորված աշխարհում առաջին մահվան դեպքի մասին հայտնում է Մեծ Բրիտանիան: Կորոնավիրուսի նոր շտամն արդեն հայտնաբերվել է աշխարհի 60-ից ավելի երկրում: Առողջապահության համաշխարհային կազմակերպությունն իր անհանգստությունն է հայտնել և նշել, որ տարածվածության ռիսկը բավական բարձր է:

21:47 - 13 դեկտեմբերի, 2021

Զելենսկին հայտնել է Բրիտանիայի կողմից Ուկրաինային հավելյալ 1 մլրդ ֆունտ հատկացնելու մասին |armenpress.am|

armenpress.am: Մեծ Բրիտանիան հավելյալ 1 մլրդ ֆունտ ստերլինգ կհատկացնի Ուկրաինային: Այս մասին հայտարարել է Ուկրաինայի նախագահ Վլադիմիր Զելենսկին: Նա հայտնել է, որ խոսքը նոր ներդրումների, ինչպես նաև առևտրի ու անվտանգության ապահովմանն ուղղված գումարների մասին է: «Մեծ Բրիտանիայի վարչապետ Բորիս Ջոնսոնի հետ բանակցությունների արդյունքում բրիտանական աջակցություն ընդհանուր չափը կհասնի 3.5 մլրդ ֆունտի»,- «Թվիթեր»-ում գրել է Զելենսկին:

21:53 - 08 դեկտեմբերի, 2021

Կարեն Անդրեասյանը Մեծ Բրիտանիայի դեսպանին է ներկայացրել հանրային ծառայությունների մատուցման ոլորտի թվայնացմանը վերաբերող մանրամասները

Արդարադատության նախարար Կարեն Անդրեասյանն այսօր՝ դեկտեմբերի 8-ին, ընդունել է Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերին։ Հանդիպման ընթացքում նախարարն, առաջին հերթին, ներկայացրել է արդարադատության ոլորտի, ներառյալ՝ կոռուպցիայի դեմ պայքարի, դատաիրավական, մարդու իրավունքների պաշտպանության ոլորտում իրականացվող բարեփոխումները և նոր Սահմանադրության մշակման գործընթացը: Դեսպան Ջոն Գալագերին բարձր է գնահատել Հայաստանի ջանքերը, որոնք ուղղված են ժողովրդավարության զարգացմանը։ Գալագերին անդրադարձել է անաչառ և թափանցիկ ՏԻՄ ընտրությունների անցկացմանն ու պատրաստակամություն է հայտնել աջակցել Հայաստանում արդյունավետ կառավարման և ժողովրդավարության ամրապնդմանը։ Դեսպանը ներկայացրել է Մեծ Բրիտանիայի կողմից Հայաստանում իրականացվող ծրագրերը՝ մասնավորապես անդրադառնալով պետական մարմինների կողմից մատուցվող ծառայությունների թվայնացման ոլորտում իրականացված գործողություններին։ Նախարար Կարեն Անդրեասյանը դեսպանին է ներկայացրել էլեկտրոնային արդարադատության ոլորտում, ինչպես նաև հանրային ծառայությունների մատուցման ոլորտի թվայնացմանը վերաբերող մանրամասներն ու սպասվելիք բարեփոխումները։ Արդարադատության նախարարն անդրադարձել է նաև կառավարության ծրագրով ամրագրված «Զանգվածային լրատվության մասին» օրենսդրության բարեփոխումներին, որոնց շրջանակներում նախատեսվում է լրագրողական հանրույթի և այլ շահագրգիռ անձանց հետ քննարկումների կազմակերպում` «Զանգվածային լրատվության մասին» նոր օրենսդրության մշակման նպատակով` ուղղված ոլորտի համապարփակ կարգավորմանը, լրագրողական էթիկայի կանոնների սահմանմանը և դրանց նկատմամբ վերահսկողության գործիքների ներդրմանը։ Այս ոլորտում նախարարը կարևորել է նաև Մեծ Բրիտանիայի ունեցած փորձառությունը։ Նախարարը ներկայացրել է նաև Հայաստանում նոր արբիտրաժային կենտրոնի ստեղծման ծրագրերը՝ ընդգծելով ոլորտում Մեծ Բրիտանիայի ունեցած առաջատար փորձառությունը Հայաստանում ներդնելու հնարավորությունը։ Հանդիպման ավարտին կողմերը շնորհակալություն են հայտնել միմյանց և պատրաստակումություն հայտնել շարունակելու և առավել խորացնելու առկա համագործակցությունը:

21:52 - 08 դեկտեմբերի, 2021

Ավստրալիան միացել է Չինաստանի Օլիմպիական խաղերի դիվանագիտական բոյկոտին, Մեծ Բրիտանիան դեռ մտածում է |1lurer.am|

1lurer.am: Ավստրալիան միացել է Չինաստանի Օլիմպիական խաղերի դիվանագիտական բոյկոտին։ Այս մասին հայտարարել է Ավստրալիայի վարչապետ Սքոթ Մորիսոնը՝ հայտնում է The Sydney Morning Herald-ը։ Նրա խոսքով՝ Ավստրալիայի իշխանության ներկայացուցիչները Պեկին չեն մեկնի, սակայն ավստրալացի մարզիկները ներկա կլինեն միջազգային մրցումներին։ Խաղերը կանցկացվեն 2022 թվականի փետրվարի 4-ից 20-ը։ Ավելի վաղ Սպիտակ տունը հայտնել էր, որ ԱՄՆ ղեկավարությունը չի մեկնի Օլիմպիական խաղերին, բայց ամերիկացի մարզիկներին թույլատրվել է ինքնուրույն որոշումներ կայացնել խաղերին մասնակցելու վերաբերյալ։ Չինաստանի Օլիմպիական խաղերին դիվանագիտական բոյկոտ է հայտարարել նաև Նոր Զելանդիան, իսկ Մեծ Բրիտանիան վերջնական որոշում դեռ չի կայացրել: Այդ մասին չորեքշաբթի հայտնել է Telegraph թերթը՝ վկայակոչելով վարչապետ Բորիս Ջոնսոնի վարչակազմի ներկայացուցիչներին: Ըստ պարբերականի, քննարկվող տարբերակներից մեկը նախարարների և այլ պաշտոնյաների՝ Պեկին մեկնելուց հրաժարվելն է, սակայն երկիրը կարող է պաշտոնապես ներկայացնել Չինաստանում Մեծ Բրիտանիայի դեսպան Քերոլայն Ուիլսոնը։ Օլիմպիական խաղերի դիվանագիտական բոյկոտի հարցում Միջազգային օլիմպիական կոմիտեն (ՄՕԿ) որոշել է քաղաքական չեզոքություն պահպանել։ ՄՕԿ-ը բացատրել է, որ խաղերին պետական պաշտոնյաների և դիվանագետների ներկայությունը կամ բացակայությունը յուրաքանչյուր երկրի ներքին խնդիրն է:

12:11 - 08 դեկտեմբերի, 2021

Բլինքենը և Ստոլտենբերգը կարևորում են ՆԱՏՕ-ի միասնությունը |azatutyun.am|

azatutyun.am: Երեկ Միացյալ Նահանգների պետքարտուղար Էնթոնի Բլինքենը բանակցություններ է վարել ՆԱՏՕ-ի գլխավոր քարտուղար Յենս Ստոլտենբերգի հետ Ռիգայում՝ Հյուսիսատլանտյան դաշինքի երկրների նախարարական հանդիպման շրջանակում։ Ըստ Պետքարտուղարության՝ Բլինքենը վերահաստատել է Միացյալ Նահանգների հավատարմությունը Հյուսիսատլանտյան պայմանագրի 5-րդ հոդվածին, ըստ որի՝ ՆԱՏՕ-ի անդամ երկրներից մեկի վրա հարձակումը հարձակում է Դաշինքի մասնակից բոլոր պետությունների վրա։ Բլինքենը և Ստոլտենբերգը նաև կարևորել են շարունակական խորհրդակցությունները և դաշինքի միասնությունը բոլոր առանցքային հարցերի շուրջ՝ ներառյալ Ուկրաինային աջակցելը և ռուսական ագրեսիայի զսպումը, ինչպես նաև ՆԱՏՕ-ի նոր ռազմավարական հայեցակարգի մշակումը, սպառազինությունների վերահսկումը և տարածաշրջանային անվտանգությունը։ ԱՄՆ պետքարտուղարը Ռիգայում բանակցություններ է վարել նաև Ֆրանսիայի, Գերմանիայի և Մեծ Բրիտանիայի ԱԳ նախարարների հետ։ Բանակցություններում, ըստ Պետդեպարտամենտի, հատուկ ուշադրություն է դարձվել Ուկրաինային և Իրանի միջուկային ծրագրի թեմաներին։

12:17 - 01 դեկտեմբերի, 2021

Լա Մանշում նավակի խորտակման հետևանքով 27 մարդ է մահացել |armenpress.am|

armenpress.am: Ֆրանսիայի ներքին գործերի նախարարությունը (ՆԳՆ) հայտնել է նորացված տվյալներ, որոնց համաձայն Ֆրանսիայի ափերի մոտ նավակի խորտակման հետեւանքով զոհված միգրանտների թիվը կազմել է 27, նոյեմբերի 24-ին հաղորդել Է BFMTV հեռուստաալիքը:ՆԳՆ-ի տվյալներով՝ երկու հոգու հաջողվել Է փրկել: Ավելի վաղ Ֆրանսիայի նախագահ Էմանուել Մակրոնը հայտնել Էր 31 զոհվածների մասին: Նոյեմբերի 24-ին Կալեի շրջանում ջրասույզ Է եղել շուրջ 50 անօրինական միգրանտների տեղափոխող նավակը:Նրանք մտադրվել Էին անցնել Լա Մանշը՝ Մեծ Բրիտանիա հասնելու համար: Փրկարարները շարունակում են անհայտ կորած միգրանտների որոնումը: Դյունկերկ նավահանգստի դատախազությունը հայտարարել Է հետաքննություն սկսելու մասին՝ «չկանխամտածված սպանությունթյուն ծանրացուցիչ հանգամանքներով» հոդվածով, հաղորդել Է ՏԱՍՍ-ը:

10:40 - 25 նոյեմբերի, 2021

G7-ի երկրների ԱԳ նախարարությունների ղեկավարների հանդիպումը կկայանա դեկտեմբերին Մեծ Բրիտանիայում |armenpress.am|

armenpress.am: Դեկտեմբերին Մեծ Բրիտանիայում կանցկացվի G7-ի երկրների («մեծ յոթնյակ») արտաքին գործերի նախարարների հանդիպումը: Այդ մասին հաղորդել Է Միացյալ Թագավորության արտաքին քաղաքական գերատեսչությունը: «Հաջորդ ամսին Մեծ Բրիտանիայի Լիվերպուլ քաղաքում տեղի կունենա G7-ի երկրների արտաքին գործերի եւ զարգացման նախարարների գագաթնաժողովը»,-ասվում Է հաղորդագրության մեջ: Հանդիպմանը կմասնակցեն Ֆրանսիայի, Գերմանիայի, Իտալիայի, Կանադայի, Ճապոնիայի եւ ԱՄՆ-ի Պետդեպարտամենտի ղեկավարները: Գագաթնաժողովն անցկացվելու Է երեք օր՝ դեկտեմբերի 10-ից մինչեւ 12-ը: Բացի այդ, ճշտում Է բրիտանական ԱԳ նախարարությունը, նաեւ մասնակցելու են ԱՍԵԱՆ-ի երկրների ներկայացուցիչները, «ինչը Մեծ Բրիտանիայի Հնդկա-Խաղաղօվկիանոսյան աճող միտումի նշան Է»: Նախարարները «կքննարկեն մի շարք գլոբալ հարցեր, ներառյալ տնտեսական կայունությունը GOVID-ից հետո, գլոբալ առողջապահությունը եւ մարդու իրավունքները», հաղորդել Է «Ինտերֆաքս»-ը:

11:47 - 22 նոյեմբերի, 2021

Մեծ Բրիտանիայի ռազմաօդային ուժերի F-35 ինքնաթիռը կործանվել է Միջերկրական ծովում |armtimes.com|

armtimes.com: Մեծ Բրիտանիայի թագավորական ռազմաօդային ուժերի F-35 կործանիչը Queen Elizabeth ավիակրից հերթական թռիչքի ժամանակ ընկել է Միջերկրական ծովը, օդաչուն հասցրել է ցատկվել և փրկվել։ Այս մասին ասվում է Միացյալ Թագավորության պաշտպանության նախարարության չորեքշաբթի տարածած հաղորդագրության մեջ։ Queen Elizabeth նավը մայիսից երկար ճանապարհորդության մեջ է եղել բրիտանական էսկադրիլիայի գլխավորությամբ և ներկայում ուղևորվում է Միացյալ Թագավորություն, որտեղ պետք է հասնի դեկտեմբերին: Նավարկության ժամանակ բրիտանական ռազմաօդային ուժերի ութ F-35 և Միացյալ Նահանգների ծովային հետևակային կորպուսի տասը F-35 ինքնաթիռներ են ուղեկցել նավին ամբողջ ընթացքում: Բրիտանական կործանիչները բազմիցս օդ են բարձրացել ավիակրի վրայից՝ մասնակցելու զորավարժություններին և իրականացնելու տարբեր առաքելություններ, այդ թվում՝ ռուսական օդատիեզերական ուժերի ինքնաթիռների ուղեկցում։ Մեկ F-35-ի ընդհանուր արժեքը բրիտանական բյուջեի համար փորձագետները գնահատում են 190 միլիոն ֆունտ ստեռլինգ (256 միլիոն դոլար՝ ընթացիկ փոխարժեքով):

10:54 - 18 նոյեմբերի, 2021