Էկոնոմիկայի նախարարություն

ՀՀ էկոնոմիկայի նախարարությունը գործադիր իշխանության հանրապետական մարմին է, որը ՀՀ օրենսդրությամբ իրեն վերապահված ոլորտներում մշակում է տնտեսական քաղաքականությունը, ապահովում դրա իրականացնումը եւ արդյունքների գնահատումը։

Էկոնոմիկայի նախարարն է Վահան Քերոբյանը, տեղակալներն են Ավագ Ավանեսյանը, Տիգրան Գաբրիելյանը, Նաիրա Մարգարյանը, Վարոս Սիմոնյանը, Արման Խոջոյանը։

Կառավարության հակաճգնաժամային 1-ին միջոցառման մասով տրամադրվել են 520 միլիոն դրամի վարկային միջոցներ․ Էկոնոմիկայի նախարար Տիգրան Խաչատրյան

Կառավարության հակաճգնաժամային 1-ին միջոցառման մասով տրամադրվել են 520 միլիոն դրամի վարկային միջոցներ․ Էկոնոմիկայի նախարար Տիգրան Խաչատրյան

Այսօր հրավիրված մամուլի ասուլիսի ժամանակ Էկոնոմիկայի նախարար Տիգրան Խաչատրյանն անդրադարձավ Կառավարության հակաճգնաժամային այն միջոցառումներին, որոնք ունեն տնտեսական բնույթ։ Նա նշեց, որ դրանցից առաջինը վերաբերում է կառավարության աջակցությանը այն կազմակերպություններին, որոնց վարկավորման կամ սուբսիդվորման վերաբերյալ որոշումները կայացվում են առևտրային բանկային համակարգի օգնությամբ։ «Սա այն դեպքն է, երբ, հաշվի առնելով, որ ծրագրերի գնահատման կարողությունները գտնվում են ֆինանսական հատվածում, և մեր բանկերն ու վարկային կազմակերպություններն են, որ ճանաչում են իրենց այն գործընկերներին, որոնց հետ ունեն երկարաժամկետ համագործակցություն և վստահություն, որ նրանց կողմից իրականացվող ծրագրերը կարող են հաջողության հասնել կառավարության ֆինանսական աջակցությամբ, կառավարությունը տրամադրում է համաֆինանսավորման, վերաֆինանսավորման կամ տոկոսների սուբսիդավորման եղանակով աջակցություն»,- ասաց նա։ Նախարարը հայտնեց, որ  երեկվա դրույամբ՝ 1-ին միջոցառման մասով բանկային համկարգի կողմից  բավարարված են եղել ընդհանուր արժեքով 1 միլիարդ 433 միլիոն դրամի վարկային փաթեթներ, փաստացի տրամադրված են  եղել 520 միլիոն դրամի վարկային միջոցներ։ «2-րդ միջոցառումը վերաբերում է  գյուղատնտեսության ոլորտում կառավարության աջակցության ծրագրերին։ Փաթեթը, բացառությամբ մեկ բաղադրիչի, նոր չէ, իրականացվում էր նաև մինչև ապրիլ ամիսը։ Ապրիլից սկսած՝ մենք  փոխեցինք հիմնական մոտեցումը․ տոկոսները սուբսիդավորում ենք ամբողջությամբ, ոչ թե մասնակի։ Կարևոր լրացում կատարեցինք․ մինչև 1 միլիոն դրամ արժեքով միկրովարկերն այլևս հասանելի կլինեն գյուղացիական տնտեսություններին»,- նշեց նա։ Տիգրան Խաչատրյանի խոսքով՝ երեկվա դրությամբ՝  իրենք ունեն 2-րդ միջոցառման մասով իրականացվող ծրագրերի առնրությամբ 1․1 միլիարդ դրամ ընդհանուր արժեքով հաստատված վարկային հայտեր և 600 մլն դրամ ընդհանուր արժեքով փաստացի տրամադրված վարկեր։  «3-րդ միջոցառումը վերաբերում է փոքր ձեռնարկություններին վարկային աջակցությանը։ Այս դեպքում մենք ոչ թե կազմակերպությունների ընտրությունը կատարում ենք ֆինանսական համակարգի օգնությամբ, այլ հաշվի ենք առնում այն փաստը, որ կազմակերպությունները 2019 թ․ ընթացքում ցուցաբերել են բարեխիղճ հարկային  և վարկային վարքագիծ։ Երեկվա դրությամբ ունենք բավական լավ ցուցանիշներ՝ հաշվի առնելով, որ ընդամենը 3  փաստացի աշխատանքային օր ենք ունեցել այդ վարկային հայտերը դիտարկելու և դրանց վերաբերյալ համապատասխանությունը հաստատելու համար»,- նշեց նա։ Նախարարն ասաց, որ արդեն կան 27 հայտատուներ, որոնք ընդհանուր արժեքով 280 միլիոն դրամ գումարով վարկային ռեսուրսներ կարող են ստանալ։  «Այս 4 օրերի ընթացքում ստացված 356 հայտերից մոտ 270-ը տարբեր անհամապատասխանության պատճառներով առայժմ չեն դիտարկվում, որովհետև ի սկզբանե դուրս են եղել Կառավարության կողմից հայտարարված չափորոշիչների շրջանակից։ Բայց մենք ուսումնասիրում ենք նաև այդ պատճառները՝ հասկանալու համար, թե որտեղ են խտացված այն գործոնները, որոնց փոքր փոփոխությունների արդյունքում այդ կազմակերպությունների մի մասին նույնպես առաջիկայում կարող ենք դարձնել այս վարկային ֆինանսական աջակցության շահառու»,- նշեց նա։ Փոխվարչապետ Մհեր Գրիգորյանը հավելեց, որ պարբերաբար ճշգրտումներ են արվում։ «Մենք պայամանները կճշգրտենք, կփոփոխենք ուղիղ այնքան, ինչքան մենք թիրախների շրջանակում կզգանք, որ բաց են մնացել պոտենցիալ մասնակիցներ։ Մեր ցանկությունն է, որ գործիքակազմը, որը վերաբերում է մասնավորապես տնտեսական բլոկին,  ոչ թե լինի հակաճգնաժամային գործիքակազմ, այլ եթե նույնիսկ այս պահին համարվի հակաճգնաժամային, հետագայում աշխատի ի նպաստ մասնավոր հատվածի զարգացման»,- ասաց նա։ 
14:45 - 09 ապրիլի, 2020
Տնտեսվարողները չպետք է առիթից օգտվեն և ՀԴՄ չտրամադրեն․ Էկոնոմիկայի փոխնախարար |tert.am|

Տնտեսվարողները չպետք է առիթից օգտվեն և ՀԴՄ չտրամադրեն․ Էկոնոմիկայի փոխնախարար |tert.am|

tert.am: Այսօր լրագրողների հետ հանդիպման ժամանակ Էկոնոմիկայի փոխնախարար Վարոս Սիմոնյանը, խոսելով արտակարգ դրության պայմաններում որոշ տնտեսվարողների կողմից ՀԴՄ չտրամադրվելու մասին, նշեց՝ պետք չէ առիթից օգտվել և ՀԴՄ չտրամադրել, այդ վարքագիծը չի ընդունվում:«Օրենսդրությունն ինչպես գործում էր արտակարգ դրությունից առաջ, գործում է նաև հիմա, կարծում եմ՝ ավելի խիստ կգործի այս տեսակի վարքագիծ դրսևորելու պարագայում»,- ասաց նա:Հարցին, թե այս շրջանում կա՞ն տնտեսվարողներ, որոնք ախտահանիչ նյութեր են սկսել արտադրել, ուսումնասիրությունները ցույց են տալիս, որ նման բնութագրով ապրանքենր չկան, սակայն նրանք ունեն համապատասխան հավատարմագիր, Սիմոնյանը պատասխանեց, որ անցած շաբաթվա ստուգմուների արդյունքում 20 արտադրողներից 19-ի մոտ կային այդ հավատարմագրերը, և արտադրած ապրանքները համապատասխանում էին նորմային:
16:32 - 06 ապրիլի, 2020
Իրականացվում են այլընտրանքային միջոցառումներ, որոնք հնարավորինս կզսպեն առաջին անհրաժեշտության ապրանքների գների բարձրացումները․ Էկոնոմիկայի նախարարի տեղակալ

Իրականացվում են այլընտրանքային միջոցառումներ, որոնք հնարավորինս կզսպեն առաջին անհրաժեշտության ապրանքների գների բարձրացումները․ Էկոնոմիկայի նախարարի տեղակալ

Այսօրվա մամուլի ասուլիսի ժամանակ Էկոնոմիկայի նախարարի տեղակալ Վարոս Սիմոնյանն ասաց, որ շուկան վերահսկվում է, ՏՄՊՊՀ-ն իրականացնում է ամենօրյա մոնիթորինգ։ «Հնարավոր են գների որոշակի բարձրացումներ։ Իրականացվում են այլընտրանքային միջոցառումներ, որոնք հնարավորինս կզսպեն առաջին անհրաժեշտության ապրանքների գների բարձրացումները-, նշեց նա։  Վարոս Սիմոնյանն անդրադարձավ նաև Վրաստանում գործող սահմանափակումներին։  «Վերին Լարսում մարտ ամսին որոշակի դժվարություններ կային՝ կապված ձյան հետ, և սահմանակետը փակ էր։ Պետք է խնդրենք մեր բոլոր բեռնափոխադրողներին և ընկերություններին, որ որոշակի գործողություններ կազմակերպելուց առաջ հաշվի առնեն թե՛ գործող եղանակային պայմանները, թե՛ այս օրերին  կորոնավիրուսի դեմ պայքարի շրջանակներում երկրների կողմից իրականացվող միջոցառումները, որոնք, իհարկե, լրացուցիչ դժվարություններ են առաջացնում բոլոր տնտեսվարողների համար»,- ասաց նա։  
14:05 - 06 ապրիլի, 2020
Տնտեսական գործունեության սահմանափակումների ցանկը պարբերաբար վերանայվում է․ Էկոնոմիկայի նախարարի տեղակալ

Տնտեսական գործունեության սահմանափակումների ցանկը պարբերաբար վերանայվում է․ Էկոնոմիկայի նախարարի տեղակալ

Այսօր հրավիրված մամուլի ասուլիսի ժամանակ Էկոնոմիկայի նախարարի տեղակալ Վարոս Սիմոնյանը, անդրադառնալով ՀՀ պարետի որոշումներին, նշեց, որ այս պահին գործում է պարետի համար 6 որոշումը, որով բժշկական նշանակության սարքավորումների և դեղամիջոցների արտահանումը սահմանափակված է։ «Գործում էր մեկ այլ որոշում՝ համաձայն որի՝ Իրանից ապրանքների փոխադրումն իրականացվում էր՝ համաձայն գործող ցանկի։ Այս պահի դրությամբ գործում է միայն բժշկական սարքավորումների և դեղամիջոցների արտահանման սահմանափակումը։ Ապրանքների փոխադրումը սահմանով իրականացվում է՝ համաձայն գործող կարգի։ Իրականացվում է ապրանքների փոխաբեռնում Մեղրի անցումային կետում կամ Ագարակ մաքսային տերմինալում։ Եթե անհնար է իրականացնել կոնկրետ ապրանքատեսակի փոխաբեռնումը, գործում է երրորդ միջոցը․ դա ապրանքի տեղափոխումն է ուղեկցմամբ։ Ուղեկցումն իրականացվում է միայն ՊԵԿ-ի թույլտվության դեպքում»,- ասաց Սիմոյանը։ Նրա խոսքով՝ այս պահի դրությամբ մենք չունենք որևէ տեսակի սահմանափակում Իրանի հետ՝ բացառությամբ գործող կարգավորման, որը սահմանում է, թե ինչ պայմաններում կարելի է իրականացնել ոչ բժշկական ապրանքատեսակների թե՛ ներմուծում, թե՛ արտահանում ։ «Այդ ամբողջ գործընթացը նաև կախված է սահմանային անցակետի բացթողումային հնարավորություններից և այդ պահին տիրող իրավիճակից։ Թե՛ փոխաբեռնումը, թե՛ ուղեկցմամբ աշխատանքներն իրականացվում են Առողջապահության նախարարության, ոստիկանության, ինչպես նաև ԱԱԾ-ի և ՊԵԿ-ի աշխատակիցների հսկողության ներքո»,- ասաց նա։  Վարոս Սիմոնյանի խոսքով՝ ՀՀ ողջ տարածքում գործող տնտեսական գործունեության սահմանափակումների ցանկը պարբերաբար վերանայվում է, և կախված իրավիճակից՝ գործունեության տեսակներն ավելացվում կամ հանվում են։ «Դա պայմանավորված է հիվանդության տարածման շղթայի հնարավորինս սահմանափակմամբ և մարդկանց տեղաշարժի գործող կանոններով։ Հնարավոր է լինեն որշակի բացառություններ, որովհետև պարետի որոշմամբ սահմանված են, թե ինչ դեպքերում է հնարավոր գրավոր թույլատրություն կոնկրետ գործունեության տեսակը թույլատրելու վերաբերյալ»,- նշեց նա։ 
13:29 - 06 ապրիլի, 2020
ԵՏՀ-ի կողմից որոշում է կայացվել, համաձայն որի՝ որոշ բժշկական նշանակության ապրանքների ներմուծման մաքսատուրքերը զրոյացվել են․ Էկոնոմիայի նախարարի տեղակալ

ԵՏՀ-ի կողմից որոշում է կայացվել, համաձայն որի՝ որոշ բժշկական նշանակության ապրանքների ներմուծման մաքսատուրքերը զրոյացվել են․ Էկոնոմիայի նախարարի տեղակալ

Էկոնոմիկայի նախարարի տեղակալ Վարոս Սիմոնյանը այսօր Կառավարությունում հրավիրված մամուլի ասուլիսի ժամանակ անդրադարծավ կորոնավիրուսի դեմ պայքարի շրջանակներում ԵՏՀ-ի կայացրած որոշումներին։ «Մարտի 16-ին ԵՏՀ-ի կողմից որոշում է կայացվել, համաձայն որի՝ որոշ բժշկական նշանակության ապրանքների ներմուծման մաքսատուրքերը զրոյացվել են։ Ապրիլի 3-ին այդ որոշման մեջ փոփոխություն կատարվեց խորհրդի հերթական նիստի ժամանակ, և ցանկն ընդլայնվեց։ Ցանը վերաբերում է բժշկական նշանակության ապրանքներին, ինչպես նաև դեղորայքի արտադրության մեջ կիրառվող նյութերին»- նշեց նա։ Վարոս Սիմոնյանն ասաց, որ այդ ապրանքատեսակները ներմուծելու դեպքում տնտեսվարողը համապատասխան դիմում-հայտ է ներկայացնում Առողջապահության նախարարություն, և դրական եզրակացությունը ստանալու պարագայում այդ ապրանքատեսակները ներմուծվում են ՀՀ  զրոյական մաքսատուրքերով։ «Ցանկում առկա են գրեթե բոլոր այն բժշկական սարքավորումները և հումքատեսակները, որոնք անհրաժեշտ են դեղորայքի արտադրության համար։ Ժամկետը գործում է մինչև սեպտեմբերի 30-ը, այսինքն՝ 6 ամիս ժամանակահատվածով, և սկիզբ է առնում մարտի 16-ից ծագած իրավահարաբերությունների հիման վրա, այսինքն՝ եթե այս հատվածում ներմուծում է տեղի ունեցել ցանկում նախատեսված ապրանքատեսակների մասով, տնտեսվարողները կարող են դիմել Առողջապահության նախարարություն, ստանալ համապաստասխան եզրակացություն և որոշ վարչական աշխատանքների արդյունքում կարող են համապատասխան մեխանիզմների միջոցով ունենալ զրոյական մաքսատուրք»,- նշեց նա։   ԵՏՀ-ի մեկ այլ որոշմամբ  3 ամիս ժամանակահատվածով՝ ապրիլի 1-ից մինչև հունիսի 30-ը, արգելվում է որոշ ապրանքատեսակների արտահանումը ԵԱՏՄ-ից։ Վարոս Սիմոնյանն ասաց, ու խոսքը վերաբերում է առաջին անհրաժեշտության պարենային ապրանքատեսակներին։ Արգելքը չի արածվում հումանիտարական նշանակության բեռների փոխադրման վրա։ «Ապրիլի 3-ին ԵՏՀ խորհրդի կողմից ընդունվել է և շուտով կհրապարակվի որոշումը այն զգայուն ապրանքների վերաբերյալ, որոնց ներմուծման մաքսատուրքերը 3 ամիս ժամկետով կզրոյացվեն։ Որոշումը կգործի ապրիլի 1-ից մինչև հունիսի 30-ը ներառյալ։ Խոսքը գնում է, օրինակ, կարտոֆիլի, սոխի, սխտորի, գազարի և այլ ապրանքատեսակների մասին»,- նշեց Սիմոնյանը։
12:44 - 06 ապրիլի, 2020
Ճգնաժամը հաղթահարելու համար կառավարությունը չի բացառում պարտքի ավելացումը |civilnet.am|

Ճգնաժամը հաղթահարելու համար կառավարությունը չի բացառում պարտքի ավելացումը |civilnet.am|

civilnet.am: Էկոնոմիկայի նախարար Տիգրան Խաչատրյանը չի բացառում, որ կորոնավիրուսի համաճարակի պատճառած տնտեսական ճգնաժամի հաղթահարման համար կառավարությունն ավելացնի պարտքային բեռը: «Կառավարությունը նախատեսում է ֆինանսական ծախսերի ավելացում, այդ թվում նաև՝ անհրաժեշտության պարագայում պարտքի ավելացման հաշվին», - ասաց նա՝ պատասխանելով Սիվիլնեթի հարցին: Միևնույն ժամանակ, նախարարի կարծիքով, պարտքի ավելացման քաղաքականությունը պետք է լինի խելամտության սահմանում:  «Պարտքային բեռը ևս մեր հասարակությունը և ժողովուրդն է վերադարձնելու», - նկատեց նախարարը՝ անդրադառնալով կառավարության հակաճգնաժամային քաղաքականության քննադատների՝ պարտքային բեռի ավելացման ու հարկային արձակուրդների տրամադրման մասին պնդումներին: Քննադատները կարծում են, որ կառավարությունը ճգնաժամի հետևանքների մեղմման համար պետք է գործի դներ ոչ թե վարկային, այլ հարկային գործիքակազմը՝ տրամադրելով հարկային արձակուրդներ ճգնաժամից առավել տուժած ոլորտներին: Դրանք են զբոսաշրջությունը, ծառայություններն ու հանքարդյունաբերությունը: Նրանց կարծիքով, վարկային գործիքներից բիզնեսը չի հասցնի օպերատիվ օգտվել և իրացվելիության համար միջոցներ ներգրավել, իսկ ուշացումները կարող են ճակատագրական լինել՝ անշրջելի որոշումների կայացման տեսանկյունից: Կառավարության «կորոնավիրուսի տնտեսական հետևանքների չեզոքացման ծրագրի» ընդհանուր բյուջեն կազմում է 150 մլրդ դրամ, որից 25 մլրդ դրամն ուղղվելու է ճգնաժամից տուժած ոլորտներին աջակցելու, նույնքան գումար էլ հատկացվելու է սոցիալապես անապահով խավերին: Շուրջ 80 մլրդ դրամ էլ կառավարությունը տրամադրելու է զարգացման ծրագրերին, որոնք, վարչապետ Փաշինյանի ձևակերպմամբ, ուղղված կլինեն «հետկորոնավիրուսային աշխարհի» փոփոխությունների նախապատրաստվելուն: Միևնույն ժամանակ վարչապետն ու կառավարության անդամներն այս պահին հստակ պատրեկացում չունեն, թե ինչպիսին է լինելու «հետկորոնավիրուսային աշխարհը»: Սակայն այդ նպատակի համար հատկացնում են զգալի ֆինանսական միջոցներ: Շուրջ 20 մլրդ դրամ կառավարությունը պահում է որպես ռեզերվային միջոց՝ ըստ անհրաժեշտության օգտագործելու համար:       Նախարար Խաչատրյանն այնուամենայնիվ կարծում է, որ անհրաժեշտության դեպքում պետությունը դիտարկում է հավելյալ պարտքային միջոցներ ներգրավելու հնարավորությունը: Նպատակը սակայն կապիտալ ծախսերի ավելացումն է, ոչ թե հնարավոր հարկային արձակուրդները կոմպենսացնելը։ Տիգրան Խաչատրյանը նկատեց, որ պարտքի ավելացման վերաբերյալ առաջիակայում քննարկումներ ու պարզաբանումներ կլինեն: Ավելին՝ civilnet.am-ում
17:14 - 03 ապրիլի, 2020
Կորոնավիրուսի տնտեսական վնասներն էական կլինեն. նախարար |lragir.am|

Կորոնավիրուսի տնտեսական վնասներն էական կլինեն. նախարար |lragir.am|

lragir.am: Դեռ վաղ է գնահատական տալ, թե այս տարի Հայաստանի տնտեսությունն ինչ վնասներ կկրի, բայց բնական է, որ կորուստները լինելու են էական։ Այս մասին այսօր կառավարությունում հրավիրած ասուլիսում ասաց էկոնոմիկայի նախարար Տիգրան Խաչատրյանը։ Նա նշեց, որ այս իրավիճակում բոլորս պետք է մտահոգված լինենք նրանով, որ որքան հնարավոր է քիչ առողջական վնասներ կրի հանրությունը։ «Ցավոք, 2020-ն այն տարին է, որ մենք պետք է զգույշ լինենք, որ քիչ տնտեսական վնասներ ունենանք, բայց պետք է նաև ընդունենք այն միտքը, որ առանց էական կորուստների չի լինելու»,- նշեց նա։ Տիգրան Խաչատրյանն անդրադարձավ հարցին, թե կան արդյոք հաշվարկներ՝ մարտ ամսին ՀՀ տնտեսությունն արդեն ինչքա՞ն վնաս է կրել։ «Մարտ ամսվա վերաբերյալ մենք ունենք որոշակի ցուցանիշներ, հարցում ենք կատարել մասնավոր հատվածի հատկապես այն կազմակերպությունների շրջանում, որոնք արդեն մարտի կեսից կամ ավելի շուտ տարբեր գործոնների ազդեցությամբ սահմանափակել են իրենց տնտեսական գործունեության ծավալները։ Դրանք թվով ավելի քան 1200 ընկերություններ են, որոնք մասնակցել են այդ հարցմանը։ Զգալի են այն ծավալները, որոնք կրճատվել են։ Տարվա համար դեռևս շուտ է գնահատականներ տալու համար, որովհետև կախված է այն հանգամանքից, թե մենք որքանով արագ կարող ենք կառավարելի դարձնել կորոնավիրուսի տարածման հետ կապված երևույթները կամ որքանով արագ կկարողանանք ազատականացնել գործունեության այն տեսակները, որոնք ներկայում սահմանափակված են։ Մենք կարծում ենք, որ այդ պահից սկսած, երբ արդեն հանրության համաձայնությամբ կգանք այն եզրակացության, որ կարող ենք աստիճանաբար հնարավորություն ստեղծել, որ կազմակերպությունները վերադառնան իրենց բնականոն կյանք, իրավիճակը կշտկվի»,- ասաց նա։ Նախարարը նշեց, որ կառավարության կողմից գործարկվելու են նաև աջակցության նոր եղանակներ։ Կառավարությունում հույս ունեն, որ վերականգնումը պետք է տեղի ունենա շատ արագ՝ նաև ի շնորհիվ այդ աջակցության գործիքների, հավելեց Խաչատրյանը։
13:38 - 03 ապրիլի, 2020
Պետության աջակցությունից օգտվելու համար երկու օրում հայտ է ներկայացրել արդեն ավելի քան 120 ՓՄՁ |armenpress.am|

Պետության աջակցությունից օգտվելու համար երկու օրում հայտ է ներկայացրել արդեն ավելի քան 120 ՓՄՁ |armenpress.am|

armenpress.am: Հայաստանի կառավարության՝ կորոնավիրուսի տնտեսական հետևանքների չեզոքացման միջոցառումների շրջանակում արդեն ավելի քան 120  փոքր ու միջին ձեռնարկություն է դիմել աջակցություն ստանալու համար: Այս մասին ասաց ՀՀ էկոնոմիկայի նախարար Տիգրան Խաչատրյանը: «Դեռևս վաղ է, որ կարողանամ ամփոփ թվերով խոսել: Բայց այս երկու օրում երրորդ միջոցառման՝ փոքր ու միջին բիզնեսին աջակցության գործիքի շրջանակում, այդ կազմակերպություններից արդեն ստացել ենք 120-ից ավելի դիմումներ: Դրանց ընդհանուր արժեքը կազմում է 1,4 մլրդ դրամը գերազանցող վարկային պահանջ»,-ասաց Խաչատրյանը: Պետությունն այդ դիմումները ստանաուց հետո դեռ պետք է պարզի, թե արդյոք նրանք բավարարո՞ւմ են անհրաժեշտ պահանջներին, օրինակ՝ ունե՞ն հարկային և վարկային կարգապահություն: Այդ տեղեկությունը ստուգում են թե ԱԿՌԱ համակարգում, թե ՊԵԿ-ում: Աջակցության այս գործիքից կարող են օգտվել այն կազմակերպությունները, որոնք 2019-ին ունեցել են 24-500 մլն դրամ իրացման շրջանառություն, չեն ունեցել ժամկետանց վարկային պարտավորություններ, ժամկետանց հարկային պարտավորություններ: Աջակցության համար կարող են դիմել մշակող արդյունաբերության, կացության, հանրային սննդի, փոխադրումների, պահեստային տնտեսության, զբոսաշրջային ծառայությունների, առողջապահական ծառայությունների, սպասարկման այլ ծառայություներում գործող ՓՄՁ-ները: Վարկերը տրամադրվում են 36 ամսով, առաջին երեկու տարին, այսինքն՝ 24 ամիսը կլինեն անտոկոս: 25-36-րդ ամիսների համար կգործի 12 տոկոս տոկոսադրույք, օգտվողներն ունենալու են հնարավորություն՝ առաջին 6 ամսվա ընթացքում չմարել վարկերը:  Այս միջոցները կարող են օգտագործվել աշխատավարձի վճարման համար ոչ ավել, քան 3 ամիս, պետական համայնքային բյուջե հարկեր և տուրքեր պարտադիր վճարումներ անելու համար, հումքի գնման և ներմուծման համար` պայմանով, որ հումքը պետք է օգտագործվի Հայաստանում, ինչպես նաև՝ հանրային ծառայությունների վճարման և վարձակալական վճարումների համար: Անդրադառնալով գյուղատնտեսության աջակցության գործիքին՝ նախարարը հիշեցրեց, որ այն նոր չէ կառավարության աջակցության տեսանկյունից, սակայն նոր է միայն աջակցության ծավալների տեսանկյունից: Ուղղությունները նույնն են մնացել, ավելացվել է մեկ կարևոր ուղղություն՝ գյուղատնտեսական գործունեությամբ զբաղվողները կարող են դիմել նաև մինչև 1 մլն դրամ միկրովարկավորման համար: Գյուղատնտեսական կոպերատիվների համար ևս հնարավորություն կա, այն նոր պետական համաֆինանսավորման հնարավորություն է պարունակում:
13:12 - 03 ապրիլի, 2020
Հարկային պարտավորությունները պետք է սպասարկվեն իրենց բնականոն եղանակով. Էկոնոմիկայի նախարար |pastinfo.am|

Հարկային պարտավորությունները պետք է սպասարկվեն իրենց բնականոն եղանակով. Էկոնոմիկայի նախարար |pastinfo.am|

pastinfo.am: Արտակարգ դրությունն ուղիղ կապ չունի այն պարտավորությունների հետ, որ կազմակերպություններն ունեն պետության առջև, մասնավորապես հարկային պարտավորությունների: Այս մասին այսօր մամուլի ասուլիսի ժամանակ ասաց Էկոնոմիկայի նախարար Տիգրան Խաչատրյանը անդրադառնալով հարցին, որ որոշ կազմակերպություններ բողոքում են ՊԵԿ-ը կալանք է դնում հաշիվների վրա և բռնագանձումներ անում: «Հարկային պարտավորությունները պետք է սպասարկվեն իրենց բնականոն եղանակով: Համապատասխանաբար, եթե մի տեղ զարգացումները հասել են նրան, որ ՊԵԿ-ը կամ ԴԱՀԿ-ն ստիպված են այդ կազմակերպությունների նկատմամբ միջոցներ ձեռնարկել, որ նրանք կատարեն իրենց պարտավորությունները պետության կամ երրորդ անձանց նկատմամբ, ապա այդ պարտավորությունները պետք է կատարվեն: Համապատասխանաբար գիտենք, որ ժամանակները դժվար են, որ այս իրավիճակում կարիք ունեցող խմբեր կան, որոնց կառավարությունն աջակցում է թե' սոցիալական, թե' տնտեսական գործիքների միջոցով, բայց այն կազմակերպությունները և անհատները, որոնք ունեն պարտավորություններ, պետք է իրենց պարտավորությունները սպասարկեն»,-ասաց Տիգրան Խաչատրյանը:
12:46 - 03 ապրիլի, 2020
Ապրիլին 1-ից գործում են բիզնեսին աջակցության 4 ծրագրերը |lragir.am|

Ապրիլին 1-ից գործում են բիզնեսին աջակցության 4 ծրագրերը |lragir.am|

lragir.am: Ապրիլի 1-ից գործում են կառավարության կողմից հաստատված ու կորոնավիրուսի տնտեսական հետևանքների չեզքոքացմանն ուղղված բոլոր 4 ծրագրերը, որոնք վերաբերում են բիզնեսի աջակցությանը։ Այս մասին կառավարությունում հրավիրած ասուլիսում ասաց էկոնոմիկայի նախարար Տիգրան Խաչատրյանը։ Նա ևս մեկ անգամ մանրամասնեց ծրագրերը։ Առաջին գործիքի նպատակն այն է, որ արագ եղանակով ֆինանսական միջոցներ հասցվեն այն տնտեսվարողներին, որոնք առևտրային բանկերի համար հանդիսանում են հուսալի գործընկեր։ Ըստ նախարարի՝ առևտրային բանկերն են որոշում, թե որ կազմակերպություններն են այն հուսալի վարկառուները, որոնք կարող են օգտվել կառավարության համաֆինանսավորման, վերաֆինանսավորման կամ տոկոսադրույքի սուբսիդավորման ծրագրերից։ Երկրորդ միջացառումն, ըստ նախարարի, վերաբերում է գյուղատնտեսության ոլորտում կառավարության կողմից իրականացվող աջակցությանը։ «Գիտենք, որ այս ուղղությունը նոր չէ կառավարության համար, նախորդ տարի նույնպես շատ մեծ ծավալի աջակցություն է ցուցաբերված եղել։ Մենք այս տարի որոշակի առանձնահատկություններ ենք նաև ընդգծել, լրացումներ ենք արել՝ նպատակ ունենալով հատկապես գարնան գյուղատնտեսական աշխատանքներից առաջ հասանելի դարձնել այն ֆինանսական միջոցները, որոնք մեր ֆերմերային տնտեսությունները կօգտագործեն»,- ասաց նախարարը։ Տիգրան Խաչատրյանի խոսքով՝ երրորդ ուղղությունը փոքր և միջին բիզնեսի, հատկապես փոքր բիզնեսի համար արագացված ընթացակարգով, առանց ֆինանսական ու բանկային կազմակերպությունների միջնորդությամբ վարկավորման հնարավորությունն է, եթե իրենք 2019 թվականի ընթացքում դրսևորվել են որպես օրինապահ պարտաճանաչ հարկատուներ ու վարկառուներ։ «Եվ չորրորդ գործիքը մեր աջակցության գործիքն է այն կազմակերպությույններին, որոնք չնայած դժվար ժամանակներին, 2020 թվականի մարտի վերջի դրությամբ չեն կրճատել աշխատակիցների քանակն ու աշխավարձերի ֆոնդը։ Եվ մենք հայտարարեցինք, որ այդ կազմակերպությունների դեպքում յուրաքանչյուր 5-րդ աշխատակցի մեկ միջին աշխատավարձը վճարում է կառավարությունը»,- ասաց նա։
12:42 - 03 ապրիլի, 2020
Գյուղատնտեսության ոլորտին առաջարկվող բոլոր ծրագրերի համար սահմանվել է 0 տոկոս տոկոսադրույք․ Էկոնոմիկայի փոխնախարար Արման Խոջոյան

Գյուղատնտեսության ոլորտին առաջարկվող բոլոր ծրագրերի համար սահմանվել է 0 տոկոս տոկոսադրույք․ Էկոնոմիկայի փոխնախարար Արման Խոջոյան

Այսօր հրավիրված մամուլի ասուլիսի ժամանակ Էկոնոմիկայի փոխնախարար Արման Խոջոյանը նշեց, որ Էկոնոմիակայի նախարարության կողմից գյուղատնտեսության ոլորտին առաջարկվող բոլոր ծրագրերի համար սահմանվել է 0 տոկոս տոկոսադրույք, ինչպես նաև արտոնյալ ժամկետ՝ 3-ից մինչև 12 ամիս ժամկետով, իսկ ինտենսիվ այգիների դեպում՝ մինչև 5 տարի աժմկետով։ «Մեր կողմից առաջարկվող ծրագրերը 2 տարբերակ են իրենցից ներկայացնում։ Առաջինը վարկավորումն է, մյուսը փոխհատուցման բաղադրիչն է։ Եթե քաղաքացին ցանկանում է դիմել վարկի, նա դիմում է ֆինանսական կառույցին։ Այնուհետև ֆինանսական կառույցը հավանական վարկառուների ցուցակը ներկայացնում է նախարարությանը։ Նախարարությունը մարզերում կազմակերպում է այդ խմբի համար դասընթացներ։ Կորոնավիրուսի ստեղծած իրավիճակով պայմանավորված՝ այդ դասընթացներն այս պահին հեռակա են կազմակերպվում»,- ասաց նա։ Փոխնախարարի խոսքով՝ դասընթացներից հետո մարդիկ ստանում են հավաստագիր և հավաստագիրը կարողանում են ներկայացնել ֆինանսական կառույցին։ Յուրաքանչյուր բանկ կամ վարկային կազմակերպություն ինքն է կատարում  վարկունակության գնահատում, որոշում է՝ տրամադրե՞լ վարկը, թե՞ ոչ։  «Շատ մարդիկ ասում են՝ մենք գումար ունենք, չենք ուզում վարկ վերցնել։ Նման մարդկանց համար մենք առաջարկում ենք մի քանի տարբերակ։ Օրինակ, եթե ջերմոցային տնտեսություններ, խելացի անասնաշենքեր, ինտենսիվ այգիներ կառուցելու, ոռոգման համակարգերի ներդրման, տոհմային ոչխարաբուծության նպատակով արտադրությունների ցանկություն կա, մենք առաջարկում ենք փոխհատուցման տարբերակներ»-, նշեց նա։ Արման Խոջոյանն ասաց, որ յուրաքանչյուր տարբերակի համար սահմանված են տարբեր տոկոսադրույքներ։ Օրինակ, եթե խելացի անասնաշենք է կառուցվում, նախարարության գնահատմամբ՝ առաջին մոդելը 11 մլն դրամ է, և նախարարությունը փոխհատուցում է 5,5 մլն դրամը։ Փոխնախարարը նշեց, որ եթե վարկի դեպքում պետք է դիմել վարկային կազմակերպություններին, ապա փոխհատուցման բաղադրիչի դեպքում պետք է դիմել Էկոնոմիկայի նախարարությանը։  «Մի վարկատեսակ ունենք՝ մինչև 1 մլն և 3-ից 15 մլն դրամ։ Այն ունի նաև 12 ամիս արտոնյալ ժամկետ։ Այդ վարկատեսակից կարող են օգտվել՝ կատարելու վարի աշխատանքներ, ձեռք բերելու սերմացուներ, ոռոգման համակարգեր, սարքավորումներ, գյուղտեխնիկա։ Այն ամենը, ինչ առանձնացված ծրագրերով չունենք, տեղավորվում է մեր մինչև 15 մլն վարկատեսակի տրամաբանության մեջ»-, ասաց նա։  Փոխնախարարը նշեց, որ  առաջարկվող բոլոր ծրագրերի մաս են կազմում 11 բանկ և մոտ 7 վարկային կազմակերպություն։ Ամեն ծրագիր ունի ցանկություն հայտնած բանկեր։ Նախարարության կողմից յուրաքանչյուր ծրագիր հայտարարվում է առանձին, և բանկերը ցանկություն են հայտնում մաս կազմելու այդ ծրագրին։ 
13:52 - 01 ապրիլի, 2020
Կորոնավիրուսի տնտեսական հետևանքների չեզոքացման երկրորդ և երրորդ ծրագրի շահառուներն արդեն կարող են դիմել աջակցության համար |lragir.am|

Կորոնավիրուսի տնտեսական հետևանքների չեզոքացման երկրորդ և երրորդ ծրագրի շահառուներն արդեն կարող են դիմել աջակցության համար |lragir.am|

lragir.am: Կորոնավիրուսի տնտեսական հետևանքների չեզոքացման երկրորդ և երրորդ ծրագրի շահառուներն արդեն կարող են դիմել աջակցության համար։ Դրանք վերաբերում են ՓՄՁ-ին ու գյուղացիական տնտեսություններին աջակցելուն։ Երեկ ու այսօր հաստատվում են ծրագրին դիմելու կարգերը։ Աջակցության ծրագրերի համար գործում են թեժ գժեր՝ 8105 և 041 01-05-23 հեռախոսահամարներով։ Այսօր կառավարությունում հրավիրած ասուլիսում Էկոնոմիկայի փոխնախարար Նաիրա Մարգարյանը մանրամասնեց աջակցության երրորդ ծրագիրը։ «Այս միջոցառումը փոքր և միջին ձեռնարկությունների աջակցությանն է միտված։ Կարող են մասնակցել այն կազմակերպությունները, որոնք գործում են զբոսաշրջության, առողջապահության, կացության, հանրային սնունդի, մշակվող արդյունաբերության ոլորտում, որոնց 2019 թվականի շրջանառությունը եղել է 24-500 մլն դրամի շրջանակներում, որոնց մեկ եռամսյակի շրջանառությունն ամբողջ տարվա շրջանառության 10 տոկոսից ավելի է, որոնք ունեն բարվոք հարկային ու վարկային պատմություն։ Նրանք կարող են դիմել ու ստանալ անտոկոս վարկեր։ Մենք դրանք անվանում ենք արտոնյա վարկեր, 36 ամսով տրամադրվող վարկեր են, որոնց առաջին երկու տարվա, այսինքն՝ 24 ամիսների համար վարկը գործում է անտոկոս, վերջին մեկ տարվա համար՝ 12 տոկոս պայմանով»,- ասաց փոխնախարարը։ Նաիրա Մարգարյանի խոսքով՝ վարկը տրամադրվում է միայն անկանխիկ միջոցով և կարող է ծախսվել վարձակալության, աշխատավարձերի, հարկերի, հումքի, կոմունալների վճարների ուղղությամբ։ Վարկերն ունեն 6 ամիս արտոնյալ ժամկետ, այսինքն՝ վեց ամսվա ընթացքում շահառուն որևէ մարում չի անելու։ Իսկ 7-րդ ամսից սկսած հավասարաչափ մարումներ են գործելու։ Զբոսաշրջության և կացության ոլորտների համար կա լրացուցիչ պայման, եթե այդ շահառուն այդ երկու ոլորտից է և իր վերցրած վարկը չի գերազանցում 10 մլն դրամը, նորից մարման գրաֆիկը 7-12-րդ ամսում սահմանվում է հավասարաչափ, բայց ոչ ավելի, քան ամսական 70 հազար դրամ, որից հետո 13-րդ ամսից սկսած նորից հավասարաչափ մարումներ են լինելու։ Վաղաժամ մարումներ հնարավոր են, այդ դեպքում տուգանք նախատեսված չէ։ Բոլոր դիմումներն ընդունվելու են միայն առցանց` Ներդրումների աջակցման կենտրոնի կայքում։ Կայքում գործելու է նաև թեժ գիծ։ Պահանջվող փաստաթղթերի ցանկը պարզ է։ «Երկու կետ նշեմ, որը կարող է բարդություններ առաջացնել։ Որպեսզի մենք վարկային պատմությունը կարողանանք ճշտել, պետք է դիմենք ԱՔՌԱ համակարգին կամ շահառուն պետք է դիմի։ Որպեսզի ավելի արագ կարողանանք հայտադիմումը մշակել, առաջարկում ենք տրամադրել Ներդրումների աջակցման կենտրոնին լիազորագիր, որով կենտրոնը կարող է դիմել ԱՔՌԱ համակարգ։ Լիազորագրի օրինակն առցանց կա, այն պետք ստորագրված լինի էլեկտրոնային ստորագրությամբ։ Մենք նաև խնդրել ենք, որպեսզի շահառուները ներբեռնեն իրենց հարկային հաշվետվությունները»,- ասաց նա։
13:11 - 01 ապրիլի, 2020
Արտոնյալ վարկերը սահմանում են 6 ամիս արտոնյալ ժամկետ, այդ 6 ամիսների ընթացքում շահառուն որևիցե մարում չի անում․ էկոնոմիկայի փոխնախարար Նաիրա Մարգարյան

Արտոնյալ վարկերը սահմանում են 6 ամիս արտոնյալ ժամկետ, այդ 6 ամիսների ընթացքում շահառուն որևիցե մարում չի անում․ էկոնոմիկայի փոխնախարար Նաիրա Մարգարյան

Այսօր հրավիրված մամուլի ասուլիսի ժամանակ Էկոնոմիկայի փոխնախարար Նաիրա Մարգարյանը ներկայացրեց կորոնավիրուսի տնտեսական հետևանքների չեզոքացման 3-րդ միջոցառումը, որը միտված է ՓՄՁ-ների աջակցմանը։ «Կարող են մասնակցել այն կազմակերպությունները, որոնք գործում են զբոսաշրջության, առողջապահության, կացության, հանրային սննդի, մշակող արդյունաբերության ոլորտներում, որոնց 2019 թ․ շրջանառությունը եղել է 24-ից 500 մլն դրամի շրջանակում, և 2019 թ․ յուրաքանչյուր եռամսյակի շրջանառությունը ամբողջ տրվա շրջանառության 10 տոկոսից ավել է, ունեն բարվոք հարկային հարկային և վարկային պատմություն։ Այս ՓՄՁ-ները կարող են դիմել՝ ստանալու անտոկոս վարկեր»,- ասաց նա։ Նաիրա Մարգարյանը նշեց, որ անտոկոս կամ արտոնյալ վարկերը 36 ամսով տրամադրվող վարկեր են, որոնք առաջին երկու տարվա՝ 24 ամիսների համար գործում են անտոկոս պայմանով։ Երրորդ տարվա համար վարկը գործում է 12 տոկոսով։ Վարկ տրամադրվում է միայն անկանխիկ միջոցով և կարող է ծախսվել աշխատավարձի, հարկերի, վարձակալության, հումքի, կոմունալ վճարների ուղղությամբ։   «Վարկերը սահմանում են 6 ամիս արտոնյալ ժամկետ, այսինքն՝ այդ 6 ամիսների ընթացքում շահառուն որևիցե մարում չի անում։ 7-րդ ամսից սկսած՝ հավասարաչափ մարումներ են նախատեսված մինչև վարկի պայմանագրի ավարտը։ Զբոսաշրջային ծառայությունների և կացության ոլորտների համար կա լրացուցիչ պայման․ եթե շահառուն այդ 2 ոլորտից է և իր վերցրած վարկը չի գերազանցում 10 միլիոնը, ապա 7-ից 12-րդ ամիսներին նորից մարման գրաֆիկը սահմանվում է հավասարաչափ, բայց ոչ ավել, քան ամսական 70 հազար դրամ, որից հետո՝ 13-րդ ամսից մինչև պայմանագրի ավարտը, նորից հավասարաչափ մարումներ են տեղի ունենում»,- ասաց նա։  Նաիրա Մարգարյանի խոսքով՝ այս վարկերի վաղաժամ մարումներ հնարավոր են և նաև խրախուսվում են։ Հայտ ներկայացնելու համար նրանք, ովքեր համապատասխանում են 3-րդ միջոցառման պահանջներին, պետք է այցելեն isc.am կայք և լրացնեն կայքում տեղադրված առցանց դիմումը։ Էկոնոմիկայի նախարարությունը հայտերն ընդունում է միայն առցանց տարբերակով։
12:45 - 01 ապրիլի, 2020