Ղազախստան

Ղազախստանը պետություն է Եվրասիայում։ Մինչև 1936 թվականը եղել է Ռուսաստանի Սովետական Ֆեդերատիվ Սոցիալիստական Հանրապետության կազմում՝ որպես ինքնավար հանրապետություն։ Հետագայում՝ մինչև անկախացումը (1991 թվական), ունեցել է ԽՍՀՄ միութենական հանրապետության կարգավիճակ։ Այդ ընթացքում մայրաքաղաքը եղել է Ալմա Աթան, անկախացումից հետո տեղափոխվել է Նուր-Սուլթան։

Երկրի նախագահը Կասիմ-Ժոմարտ Տոկաևն է։

Ղազախստանի նախագահը հայտնել է, որ այսօրվանից գլխավորում է հանրապետության Անվտանգության խորհուրդը

Ղազախստանի նախագահ Կասիմ-Ժոմարտ Տոկաևը հայտնել է, որ այսօրվանից գլխավորում է հանրապետության Անվտանգության խորհուրդը։ Այս մասին հայտնում է ria.ru-ն։ Որոշման մասին պետության ղեկավարը հայտարարել է այսօրվա ընթացքում ողջ երկրում ծավալվող անկարգությունների ֆոնին ժողովրդին ուղղված իր արդեն երկրորդ ուղերձում։ Տոկաևը նշել է, որ բախումների արդյունքում սպանվել և վիրավորվել են իրավապահներ, ուստի իշխանությունները այսուհետ կգործեն հնարավորինս կոշտ միջոցներով։ Նախագահը նշել է, որ մնում է ժողովրդի կողքին և խոստացել է առաջիկայում հանդես գալ իրավիճակի կարգավորման նոր առաջարկներով։ «Ինչ էլ լինի, ես մայրաքաղաքում եմ լինելու»,- ասել է նա։

17:29 - 05 հունվարի, 2022

ԵԱՀԿ նախագահը կոչ է արել դեէսկալացնել իրավիճակը Ղազախստանում

ԵԱՀԿ գործող նախագահն ու Լեհաստանի արտգործնախարար Զբիգնև Ռաուն չորեքշաբթի կոչ է արել դեէսկալացիայի ենթարկել իրավիճակը Ղազախստանում և հայտնել իր վստահությունն առ այն, որ բռնությունը չի լուծի խնդիրը։ Հայտնում է tass.ru-ն։«Որպես ԵԱՀԿ նախագահ՝ ես ուշադիր հետևում եմ Ղազախստանում տեղի ունեցող վերջին զարգացումներին: Բռնությունը երբեք ճիշտ ուղի չէ ընթացիկ խնդիրներին լուծում տալու համար: Կոչ եմ անում դեէսկալացնել իրավիճակը և սկսել երկխոսություն՝ համապատասխան ԵԱՀԿ պարտավորություններին»,- ասված է Twitter-յան միկրոբլոգում արված գրառման մեջ մեջ։

17:04 - 05 հունվարի, 2022

Խնդիրները պետք է լուծվեն իրավական դաշտի, այլ ոչ թե փողոցային անկարգությունների միջոցով. ՌԴ ԱԳՆ-ն Ղազախստանում իրադարձությունների վերաբերյալ հայտարարություն է տարածել |tert.am|

tert.am: Ռուսաստանն ուշադրությամբ հետևում է Ղազախստանում տեղի ունեցող իրադարձություններին և հանդես է գալիս հարևան երկրում առկա խնդիրների խաղաղ ճանապարհով լուծման օգտին, ասվում է ՌԴ ԱԳՆ-ի չորեքշաբթի տարածած հայտարարության մեջ։«Մենք կողմ ենք բոլոր խնդիրների խաղաղ լուծմանը սահմանադրական և իրավական դաշտի և երկխոսության շրջանակներում, այլ ոչ թե փողոցային անկարգությունների և օրենքների խախտման միջոցով։ Հենց դրան են ուղղված Ղազախստանի Հանրապետության նախագահ Կասիմ Ժոմարտ Տոկաևի՝ իրավիճակի կայունացման, առկա խնդիրների, այդ թվում՝ ցուցարարների օրինական պահանջների մեջ պարունակվող խնդիրների օպերատիվ լուծման քայլերը»,-ասվել է հայտարարությունում։

16:13 - 05 հունվարի, 2022

Ղազախական լրատվամիջոցների կայքերը երկրից դուրս անհասանելի են դարձել

Երկրում բողոքի ակցիաների ֆոնին ղազախական լրատվամիջոցների կայքերը արտասահմանից ժամանակավորապես անհասանելի են դարձել։ Հայտնում է ria.ru-ն։Մասնավորապես, հնարավոր չէ մուտք գործել zakon.kz, tengrinews.kz և vlast.kz պորտալների կայքէջերը, անհասանելի է նաև Sputnik-Ղազախստան կայքէջը։ Ղազախստանի մի շարք կառավարական գերատեսչությունների կայքեր նույնպես դադարել են հասանելի լինել արտերկրից, հայտնում են ria.ru-ի թղթակիցները։ Ավելի վաղ Ղազախստանի տեղեկատվության և սոցիալական զարգացման նախարարությունը լրատվամիջոցներին զգուշացրել էր արտակարգ դրության պայմաններում կանխամտածված կեղծ տեղեկատվություն տարածելու համար քրեական և վարչական պատասխանատվության և ուժեղացված հսկողության մասին։

16:02 - 05 հունվարի, 2022

Մեր ղազախ ընկերները կարող են ինքնուրույն լուծել իրենց ներքին խնդիրները․ Պեսկով

ՌԴ նախագահի մամուլի քարտուղար Դմիտրի Պեսկովը բացասական պատասխան է տվել այն հարցին, թե արդյոք Ղազախստանը օգնություն է խնդրել Ռուսաստանից։ Այս մասին հայտնում է ria.ru-ն։ «Մենք համոզված ենք, որ մեր ղազախ ընկերները կարող են ինքնուրույն լուծել իրենց ներքին խնդիրները»,- ասել է Պեսկովը գործակալության հետ զրույցում։ Ղազախստանում շարունակվում են զանգվածային ցույցերըը՝ պայմանավորված հեղուկ գազի թանկացմամբ։ Հանրապետության իշխանություններն արդեն հայտարարել են վառելիքի ինքնարժեքի իջեցման մասին, սակայն բողոքի ակցիաները չեն դադարում։

15:39 - 05 հունվարի, 2022

Ղազախստանում բախումների հետևանքով 190 քաղաքացի դիմել է բուժօգնության |armenpress.am|

armenpress.am: 190 մարդ Է դիմել Ալմաթիի բուժհիմնարկներ քաղաքում տեղի ունեցող բողոքի ակցիաների պատճառով: Հունվարի 5-ին այդ մասին հայտնել Է մեգապոլիսի Հանրային առողջապահության վարչության մամուլի ծառայությունը: «Բուժհիմնարկներ Է դիմել 190 մարդ, նրանցից շտապ օգնության միջոցով 150-ը եւ 40-ն՝ ինքնուրույն: Հոսպիտալացվել Է 40 մարդ, այդ թվում վերակենդանացման բաժանմունքում Է գտնվում յոթ տուժած, նրանցից ոստիկանության չորս աշխատակիցներ»,- ասված Է հաղորդագրության մեջ: Ընդամենը, գերատեսչության տվյալներով, տուժածների թվում են 137 ոստիկան եւ 53 քաղաքացիական անձ, հաղորդել Է ՏԱՍՍ-ը:

12:56 - 05 հունվարի, 2022

Ցուցարարների և ուժայինների բախումներ՝ արցունքաբեր գազի և խլացուցիչ նռնակների կիրառմամբ. Ղազախստանի նախագահը Ալմաթիի մարզում արտակարգ դրություն է սահմանել |tert.am|

tert.am: Ղազախստանի նախագահ Կասիմ Ժոմարտ Տոկաևը Ալմաթիի մարզում արտակարգ դրություն է մտցրել՝ կապված անցած գիշեր տեղի ունեցած անկարգությունների հետ։ Համապատասխան հրամանագիրը հրապարակվել է պետության ղեկավարի կայքում, գրում է «ՌԻԱ Նովոստի»-ն։ Ղազախստանում բողոքի ակցիաները սկսվել են նոր տարվա առաջին օրերին։ Ժանաոզեն և Ակտաու քաղաքների բնակիչները դուրս են եկել ցույցերի՝ բողոքելով հեղուկ գազի գնի կրկնակի թանկացման դեմ։Տոկաևը հանձնարարել է ստեղծել հանձնաժողով՝ ուսումնասիրելու իրավիճակը, որը հունվարի 4-ին հայտարարել է, որ պատրաստ է կատարել ցուցարարների հիմնական պահանջը և նվազեցնել գազի գինը։ Սակայն բողոքի ակցիաները տարածվել են այլ քաղաքներում։ Ալմաթիում հունվարի 4-ին ցուցարարները բախումներ են կազմակերպել անվտանգության աշխատակիցների հետ, որոնք էլ ի պատասխան արցունքաբեր գազ և խլացուցիչ նռնակներ են կիրառել։Իսկ մինչ այդ Ալմաթիի կենտրոնում կրկին ցուցարարներ են հավաքվում։ Սոցցանցերում հրապարակված տեսանյութերում երևում են մի խումբ երիտասարդներ, որոնցից մեկի ձեռքին հատուկ ջոկատի վահան է, որը, ամենայն հավանականությամբ, ցուցարարները գրավել են երեկվա բախումների ժամանակ։ Երթի մասնակիցներից ոմանք օգտագործում են հատուկ մեքենաներ, որոնք կարող են պատկանել նաև ուժայիններին։

12:34 - 05 հունվարի, 2022