Տավուշի մարզ

Ադրբեջանի կողմից հայկական դիրքերի գրավման փորձ չի եղել |infocheck.am|

infocheck.am: Համացանցում տեղեկություն է տարածվում, թե իբր Տավուշի մարզում ադրբեջանական կողմը փորձել է հայկական դիրքեր գրավել։ Գրառման մեջ օգտատերը մինչև անգամ նշել էր, թե ադրբեջանցիները «հրետանի են պատրաստել»՝ անհրաժեշտության դեպքում կիրառելու համար։ Պաշտպանության նախարարությունից հայտնեցին, որ լուրը չի համապատասխանում իրականությանը։ «Սահմանային իրավիճակը վերահսկելի է և որևէ միջադեպ չի արձանագրվել»,- հայտնեցին նախարարությունից։

16:01 - 08 մայիսի, 2021

Քննարկվել է ՄԱԿ-ի Պարենի համաշխարհային ծրագրի կողմից Տավուշի մարզում իրականացվող ծրագրերի ընթացքը

Տավուշի մարզպետ Հայկ Ղալումյանն ընդունել է ՄԱԿ-ի Պարենի համաշխարհային ծրագրի (ՊՀԾ) ղեկավարի տեղակալ Նաննա Ակաուին։ Հանդիպմանը ներկա է եղել նաև ՀՀ էկոնոմիկայի նախարարի տեղակալ Արման Խոջոյանը։ Քննարկվել է ՊՀԾ-ի կողմից իրականացվող զարգացման ծրագրերի ընթացքը, հայտնում են մարզպետարանից: Մարզում ծրագրեր են իրականացվում դպրոցամերձ տարածքներում պտղատու ինտենսիվ այգիների հիմնման ուղղությամբ, որը երեխաներին կապահովի ոչ միայն թարմ ու բազմազան սննդով, այլև կբերի լրացուցիչ եկամուտներ դպրոցի այլ կարիքները հոգալու համար։ Անդրադարձ է եղել նաև Տավուշի մարզում ցորենի արժեշղթայի զարգացման, ինչպես նաև հատիկաընդեղենի մշակության արժեշղթայի զարգացման ծրագրերին։ Հանդիպման ընթացքում քննարկվել են նաև ՊՀԾ-ի հետ համագործակցության այլ հնարավորություններ։

12:34 - 07 մայիսի, 2021

«Մենք պատերազմը պարտվեցինք, բայց խաղաղությունը պարտավոր ենք հաղթել»․ Կողբում տնկվեց 7000 ծառ

2020 թվականի հոկտեմբերին լրացավ «Կողբ» հիմնադրամի 7-ամյակը, ինչի առթիվ Տավուշի մարզի Կողբ համայնքի վարչական տարածքում` 5 հեկտար հողատարածքում, տնկվեց 7000 անտառային, անտառային-պտղատու եւ գեղազարդ ծառ: Հիմնադրամի կազմակերպած ծառատունկից հավաքագրված ամբողջ գումարն ուղղվելու է Կողբ գյուղում կառուցվող «Թումո» կենտրոնի շինարարությունն ավարտին հասցնելուն։ Կենտրոնի կառուցմանը աջակցում էին հենց իրենք՝ այցելուները, որոնք նախօրոք ամրագրել էին իրենց անվանական ծառերն ու եկել Կողբ՝ տնկելու դրանք։ Կողբ գյուղում կառուցվող «Թումո» կենտրոնում տեխնոլոգիական կրթություն կստանան 1000 պատանիներ՝ Կողբից եւ հարակից բնակավայրերից, ինչպես նաեւ մոտակա զորամասի զինծառայողները։ Կառուցվելիք կենտրոնի բետոնային աշխատանքներն ավարտին են հասցվել, եւ այցելուները հնարավորություն ունեցան շրջելու շինհրապարակի տարածքում։ Այցելուները եւ հյուրերը Կողբի թանգարանային ցուցանմուշների սրահում ծանոթացան գյուղի անցյալին եւ ապրելակերպին։ Ցուցասրահում պահպանված էին Հայրենական մեծ պատերազմի մասնակիցների նամակներն ու սեւ թղթերը։ Կողբից Հայրենական մեծ պատերազմին մասնակցել է 750 հոգի, զոհվել՝ 276-ը։ Կողբի մշակույթի կենտրոնի տնօրեն Սասուն Մուրադյանը նշեց, որ պատրաստվում են վերծանել նամակները եւ ներկայացնել այցելուներին։ «Այստեղ փորձել ենք ներկայացնել գյուղի պատմությունը, կան մեզ համար ե՛ւ ցավալի, ե՛ւ հպարատանալու առիթ տվող իրադարձություններ»,–նշեց նա; Այնուհետեւ Կողբի Գեղարվեստի դպրոցում այցելուները ծանոթացան սաների աշխատանքներին։ Տնօրենը նշեց, որ դպրոցում աշխատում է տասը ուսուցիչ, որոնք հիմնականում աջակցություն չեն ստանում ո՛չ պետությունից, ո՛չ համայնքից։ «Դպրոցը ինքնաբավ դարձնելու ճանապարհին ենք։ Ունենք ոչ միայն նկարչական ճյուղերի խմբակներ, այլեւ քանդակագործություն, կավագործության, այժմ նաեւ 3D մոդելավորման, արդեն պատվերներ ենք ստանում, ցանկություն ունենք նաեւ ստարտափ հիմնելու։ Մենք ամեն ինչ անում ենք, որպեսզի մրցունակ կադրեր տանք․ մինչ այս ունեցել ենք 120 ուսանող»,–նշեց տնօրեն Կարապետ Ղուլիջանյանը՝ հավելելով, որ իրենց ուսանողները, կրթություն ստանալով, վերադառնում են գյուղ՝ անվճար հիմունքներով ուսուցիչների գործը շարունակելու։ Այնուհետեւ միջոցառման մասնակիցները ուղեւորվեցին դեպի «Զիկատար» պետական Արգելոց՝ տնկելու իրենց անվանական ծառերը։ Օրվա վերջում տեղի ունեցավ երաժշտական միջոցառում, որի ընթացքում ելույթ ունեցան «Լավ էլի» եւ «Թմբաթա» երաժշտական խմբերը։ Միջոցառումը երզրափակվեց «Կողբ» հիմնադրամի հոգաբարձուների խորհրդի նախագահ Արման Բարսեղյանի խոսքով․ «Մենք պատերազմը պարտվեցինք, բայց խաղաղությունը պարտավոր ենք հաղթել եւ հենց այս ձեւով»։ Զարա Խաչատրյան

19:41 - 02 մայիսի, 2021

Մայրաքաղաքում և մարզերում էլեկտրաէներգիայի պլանային անջատումներ կլինեն

09:43 - 30 ապրիլի, 2021

Նիկոլ Փաշինյանի որոշմամբ Նարեկ Ղուշչյանը նշանակվել է Տավուշի մարզպետի տեղակալ

ՀՀ վարչապետի պաշտոնակատար Նիկոլ Փաշինյանը որոշում է ստորագրել Նարեկ Ղուշչյանին Տավուշի մարզպետի տեղակալ նշանակելու մասին: «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Նարեկ Ղուշչյանին նշանակել Հայաստանի Հանրապետության Տավուշի մարզպետի տեղակալ»,- ասված է վարչապետի որոշման մեջ:

12:22 - 29 ապրիլի, 2021

Թաթուլ Ստեփանյանն ազատվել է Տավուշի մարզպետի տեղակալի պաշտոնից

Նիկոլ Փաշինյանը որոշում է ստորագրել Թաթուլ Ստեփանյանին Տավուշի մարզպետի տեղակալի պաշտոնից ազատելու մասին։ «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 9-րդ մասով՝ Թաթուլ Ստեփանյանին ազատել Հայաստանի Հանրապետության Տավուշի մարզպետի տեղակալի պաշտոնից»,– ասվում է որոշման մեջ:

10:22 - 27 ապրիլի, 2021

Մի քանի ժամով լույս չի լինի Երևանում և Հայաստանի 8 մարզում

«Հայաստանի էլեկտրական ցանցեր» ընկերությունը տեղեկացնում է, որ ապրիլի 26-ին ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Թումանյան փ. 11, 11ա շենքեր, Նալբանդյան փ. 90, 96, 98 շենքեր, Վարդանանց փ. 5ա շենք, Մյասնիկյան պող. 16-55 սեփական տներ, Մաշտոցի պող. 54, Կորյունի փ. 21, 23, 25 շենքեր և հարակից ոչ բնակիչ-բաժանորդներ, 11:00-15:00 Բեռնակիրների փ. 28-85 սեփական տներ, 11:00-17:00 Ա.Խաչատրյան փ. 26/1, 26/2 շենքեր, Արաբկիր 49 փողոցի սեփական տներ և հարակից ոչ բնակիչ-բաժանորդներ, Կոմիտասի պող. 3 շենք, Քեռու փողոցի սեփական տներ և հարակից ոչ բնակիչ-բաժանորդներ, թիվ 75 դպրոց, Ներքին Շենգավիթ 1, 2, 3, 4, 7, 8, 9 12 փողոցների սեփական տներ, թիվ 9 պոլիկլինիկա, Շիրակի փ․30, Կարմիր Բլուր փ․27ա շենքեր ,Շիրակի փ․3-րդ նրբանցքի սեփական տներ, Արտաշիսյան փ. 79 շենքը և հարակից ոչ բնակիչ- բաժանորդներ, Նորք Մարաշ՝ Նորքի 7-րդ փողոցի սեփական տներ, Նորքի 7-րդ փողոցի 1-ին նրբանցքի սեփական տներ, թիվ 124 մսուր-մանկապարտեզ և հարակից ոչ բնակիչ-բաժանորդներ, Արագածոտնի մարզում՝ 11։00-12։00 Կարին գյուղ և Գիտավան 1, 2 թաղամասեր, 11։00-13։00 Արագածավան գյուղի հարակից տարածքներ, Կոտայքի մարզում՝ 10։00-16։00 Եղվարդ համայնք` Արա Գեղեցիկ, Սաֆարյան, Նոր Թաղ, Նար-Դոսի, Պարույր Սևակի 1, 2, 3 փողոցներ և հարակից ոչ բնակիչ-բաժանորդներ, Քանաքեռավան համայնք՝ 9, 10, 11 փողոցներ և հարակից ոչ բնակիչ-բաժանորդներ, 11։00-17։00 Ձորաղբյուր, Գեղաշեն և Նոր-Գյուղ գյուղեր մասնակի, Արարատի մարզում՝ 10:00-13:00 Զորակ գյուղ մասնակի, 10:30-13:00 Մրգավան գյուղ մասնակի, 10:30-16:00 Դալար գյուղ մասնակի, 13:00-14:00 Գեղանիստ գյուղ մասնակի, 13:30-16:00 Արտաշատ քաղաք` Իսակովի փողոց մասնակի, Վայոց Ձորի մարզում՝ 10:00-15:00 Գետափ գյուղ մասնակի, 11:00-15:00 Քարագլուխ գյուղ մասնակի, Տավուշի մարզում՝ 10:30-13:30 Դիլիջան քաղաք՝ Կամոյի փողոց, 11:00-14:00 Դիլիջան համայնք` Պարզ լճի փողոց, Թեղուտ գյուղ, Թբիլիսյան խճուղի մասնակի, Լոռու մարզում՝ 11:00-15:30 Արծնի և Ապավեն գյուղեր, 11:00-17:00 Օձուն, Դանուշավան Արդվի, Աքորի, Կաճաճկուտ, Ամոջ և Հագվի գյուղեր, Շիրակի մարզում՝ 11:00-17:00 Արթիկ քաղաք` բացառությամբ Շահումյան, Բաղրամյան, Տուֆագործների, Պռոշյան, Սայաթ-Նովա փողոցներ), Անկախության հրապարակ, Արթիկի բժշկական կենտրոն և ծննդատուն, Սյունիքի մարզում՝ 10:00-12:00 Աղիտու, Նորավան, Վաղատին, Որոտան, Շամբ, Գետաթաղ, Լծեն, Լոր, Շենաթաղ գյուղեր և հարակից ոչ բնակիչ-բժանորդներ, 10:00-11:30 Քարահունջ գյուղ մասնակի, 10:00-11:00 Սիսիան քաղաք` Մաքսիմ Գորկի, Եսենինի, Ն.Ստեփանյան, Արցախի փողոցներ, 11:30-12:30 Սիսիան քաղաք՝ Սպանդարյան, Կոմիտասի, Շահումյան, Մյասնիկյան փողոցներ մասնակի, Մելիք Թանգի, Հովնան Որոտնեցի փողոցներ, 13:00-14:00 Սիսիան քաղաք՝ Գ.Լուսավորիչ, Տեր-Ղազարյան փողոցներ, Ադոնցի փ. 3, 6 շենքեր և Սիսական փ. 19 շենք, 14:30-15:30 Սիսիան քաղաք՝ Ադոնցի նրբանցք, Ա.Մանուկյան, Լալայան, Աբովյան, Արցախի փողոցներ:

10:30 - 26 ապրիլի, 2021

Էլեկտրաէներգիայի պլանային անջատումներ կլինեն Երևանի և մարզերի մի շարք հասցեներում

09:22 - 23 ապրիլի, 2021

Էլեկտրաէներգիայի պլանային անջատումներ կլինեն Երևանի և մարզերի մի շարք հասցեներում

«Հայաստանի էլեկտրական ցանցեր» ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Խորենացի փ. 6-12, Մաշտոցի պող. 6, Զաքյան փ. 6 շենքեր և հարակից ոչ բնակիչ-բաժանորդներ, Ավան Առինջ՝ 1-ին զանգ.՝ Բաբաջանյան նրբանցք 17 (2/11) շենք և հարակից ոչ բնակիչ-բաժանորդներ, 11:00-17:00 Կոմիտասի պող. 3, Փափազյան փ. 22ա, Բաբայան փ. 36, Կիևյան փ. 10, Բաղրամյան պող. 53 շենքեր և հարակց ոչ բնակիչ-բաժանորդներ, Հ․Հովհաննիսյան և Պապովի փողոցների սեփական տներ, Արտաշիսյան փ. 54, 56, 58, 60, 60ա, 62 շենքեր, Արտաշիսյան նրբանցքի սեփական տներ, Կատովսկու, Մուսայելյան, Օդեսայի, Դոդոխյան, Հրազդանի փողոցների սեփական տներ և հարակից ոչ բնակիչ-բաժանորդներ, Ա․Սարգսյան, Միրաքյան փողոցները և հարակից ոչ բնակիչ բաժանորդներ, Արագածոտնի մարզում՝ 11:00-17:00 Աշտարակ քաղաք՝ Նարեկացի, Սիսակյան, Վ․Պետրոսյան, Պռոշյան, Ս․Շահազիզի, Շիրազի և Տերյան փողոցներ, Արարատի մարզում՝ 10:00-14:00 Դարակերտ և Ղուկասավան գյուղեր մասնակի, 10:30-14:30 Այգեստան, Բերդիկ և Հնաբերդ գյուղեր մասնակի, 10:30-16:00 Մրգավան գյուղ մասնակի, Վայոց Ձորի մարզում՝ 10:00-15:00 Գետափ գյուղ մասնակի, 10:00-16:00 Կարմրաշեն և Հեր Հեր գյուղեր, 11:00-15:00 Եղեգնաձոր քաղաք՝ Ավագյան, Խանջյան, Բաղրամյան փողոցներ մասնակի, Լոռու մարզում՝ 11:00-15:00 Արջուտ գյուղ, Արջուտ կայարան և Սավաշի զինավան, Տավուշի մարզում՝ 10:00-15:00 Դիլիջան համայնք`Հովք, Գոշ, Խաչարձան, Աղավնավանք գյուղեր, Սյունիքի մարզում՝ 09:15-11:15 Լեռնաձոր գյուղ մասնակի, 11:00-17:00 Շաղաթ գյուղ մասնակի:

09:28 - 22 ապրիլի, 2021

Տավուշի մարզպետը ՀՀ-ում Ֆրանսիայի դեսպանի հետ քննարկել է 44-օրյա պատերազմից տուժած ընտանիքներին աջակցելու հարցը

ՀՀ Տավուշի մարզպետ Հայկ Ղալումյանն այսօր ընդունել է Հայաստանում Ֆրանսիայի արտակարգ և լիազոր դեսպան Նորին գերազանցություն պարոն Ջոնաթան Լաքոտին և նրա ղեկավարած պատվիրակությանը։ Ողջունելով հյուրերին՝ մարզպետը շնորհակալություն է հայտնել բարեկամ երկրին հայ ժողովրդի կողքին լինելու և աջակցելու համար, իր պատրաստակամությունը հայտնել՝ մարզի հետ համագործակցությունն էլ ավելի առարկայական դարձնելու ու զարգացնելու։ Հանդիպման ընթացքում քննարկվել են ընդհանուր հետաքրքրություն ներկայացնող մի շարք հարցեր, այդ թվում նաև Արցախյան 44-օրյա պատերազմից տուժած ընտանիքներին աջակցելու հարցը։ Կարևորվել է համագործակցության զարգացումը ապակենտրոնացված համագործակցության, կրթության, գյուղատնտեսության և էկոտուրիզմի զարգացման ոլորտներում։ Անդրադարձ է եղել Ֆրանսիայի Օ-դը-Սեն դեպարտամենտի հետ գյուղատնտեսական զարգացման ծրագրերի ընթացքին, մասնավորապես, Ֆրանսիայի հայկական հիմնադրամի կողմից ստեղծված ՀիմնաՏավուշ զարգացման հիմնադրամի գործունեությանը։ Մարզպետի ուղեկցությամբ Ֆրանսիայի դեսպանն այցելել է նաև Իջևանի թիվ 1 հիմնական դպրոց, որտեղ սկսած 2015-2016 ուստարվանից ֆրանսերենն ուսումնասիրվում է խորացված եղանակով։

17:04 - 21 ապրիլի, 2021

Էլեկտրաէներգիայի պլանային անջատումներ կլինեն Երևանի և մարզերի մի շարք հասցեներում

09:11 - 20 ապրիլի, 2021

ՊՆ-ն տեղեկություն չունի՝ Տավուշում 102-րդ ռազմաբազայի զորավարժություններին քանի ռուս զինծառայող է մասնակցել

2021 թվականի մարտի 7-ին սոցիալական հարթակներում եւ տարբեր ԶԼՄ-ներում լուրեր տարածվեցին, թե Տավուշի մարզի մի քանի գյուղերում մոտ 500 ռուս խաղաղապահներ չափագրումներ են իրականացնում։ Այս առնչությամբ ՀՀ նախկին վարչապետ Հրանտ Բագրատյանը հայտարարել էր, թե «ադրբեջանցի «խաղաղապահ» զինվորները չափագրումներ են կատարում Տավուշի մարզի Ազատամուտ համայնքում` նախկին Բարխուդարլիի մերձակայքում»: Նույն օրը ՊՆ-ն հերքեց շրջանառվող տեղեկությունները՝ նշելով, թե լուրը բացարձակ մտացածին է եւ չի համապատասխանում իրականությանը, սակայն հավելյալ մանրամասներ չհայտնեց։ Մեր հարցերին ի պատասխան՝ նախարարության տեղեկատվության բաժնից խնդրեցին գրավոր հարցում ուղարկել։ Հարցման հինգերորդ օրը ՊՆ-ն տեղեկություն տրամադրելու համար երեսուն օր պահանջեց։ Ապրիլի 2-ին պատասխանեցին, որ ՀՀ պետական սահմանի սահմանագծման եւ սահմանազատման աշխատանքների համար ՀՀ փոխվարչապետ Տիգրան Ավինյանի նախագահությամբ ստեղծվել է աշխատանքային խումբ։ Խմբում ընդգրկված են ներկայացուցիչներ ԶՈՒ գլխավոր շտաբից։ Աշխատանքները կատարվում են Սյունիքի մարզում։ Տավուշի մարզում աշխատանքներ չեն կատարվում։ Մեր հարցին, թե արդյոք սույն թվականի մարտի 5-ից իրենց ծառայության շրջանակներում ռուս զինվորականներ այցելե՞լ են Տավուշի մարզ, եթե այո, ապա քանի՞ ծառայող, նախարարությունից պատասխանել են, թե ՀՀ-ում տեղակայված 102-րդ ռազմաբազայի կողմից անցկացվելիք զորավարժությունների շրջանակներում ռուս զինծառայողները այցելել են Տավուշի մարզ, իսկ քանակի վերաբերյալ ՊՆ-ն տեղեկություններ չունի։ «Համաձայն 102-րդ ռազմաբազայի 2021 թվականի մարտական պատրաստության պլանի՝ նախատեսված է եղել զորավարժություն, որի շրջանակներում անցկացվել են տեղզննման (ուսումանկան) աշխատանքներ նշված ուղղություններով»,- ասված է պատասխանում։ Infocom.am-ի մյուս հարցերին, թե արդյոք ռուս խաղաղապահներ կամ սահմանապահներ պե՞տք է տեղակայվեն Տավուշի մարզի հայ-ադրբեջանական դիրքերում, եթե այո, ապա ո՞ր հատվածներում է նախատեսվում նրանց տեղակայումը, եթե տեղակայում նախատեսվում է, ապա իրավական ի՞նչ ակտերի հիմքով, նախարարության հասարակայնության հետ կապերի վարչությունից ի պատասխան նշել են, որ ռուս խաղաղապահների կամ սահմանապահների՝ Տավուշի մարզի հայ- ադրբեջանական սահմանում տեղակայման վերաբերյալ հարց չի քննարկվել։ Այսպիսով, ՊՆ-ն, արձագանքելով ռուս խաղաղապահների՝ Տավուշում ինչ-որ գործողությունների վերաբերյալ տարածվող լուրերին, նախ միայն հերքեց դրանք՝ ասելով, թե լուրը բացարձակ մտացածին է եւ չի համապատասխանում իրականությանը, եւ որեւէ այլ մեկնաբանություն չտվեց։ Միայն գրավոր հարցումից հետո գերատեսչությունից պատասխանեցին, որ ՀՀ-ում տեղակայված 102-րդ ռազմաբազայի կողմից անցկացվելիք զորավարժությունների շրջանակներում ռուս զինծառայողները այցելել են Տավուշի մարզ։ Իսկ թե քանի զինծառայող է մասնակցել այդ զորավարժություններին, ՊՆ-ն, փաստորեն, տեղեկություն չունի։ Ի դեպ, նախարարությունը, հավատարիմ մնալով իր գործելաոճին, տեղեկություն տրամադրելու համար դարձյալ երեսնօրյա ժամկետ պահանջեց․ նշենք, որ «Տեղեկատվության ազատության մասին» օրենքի 9-րդ հոդվածի 7-րդ կետի 3-րդ ենթակետի համաձայն՝ 30-օրյա ժամկետում պատասխանում են միայն այն դեպքում, երբ գրավոր հարցման մեջ նշված տեղեկությունը տրամադրելու համար անհրաժեշտ է կատարել լրացուցիչ աշխատանք։ Ասպրամ Փարսադանյան

11:46 - 15 ապրիլի, 2021

Էլեկտրաէներգիայի պլանային անջատումներ կլինեն մի շարք հասցեներում

«Հայաստանի էլեկտրական ցանցեր» ընկերությունը տեղեկացնում է, որ ապրիլի 13-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Սպենդիարովի փ. 4, 6 շենքեր, Կորյունի փ. 2 շենք, Հերացի փ. 2 շենքեր և հարակից ոչ բնակիչ-բաժանորդներ, Նոր Նորք 1-ին զանգ.՝ Նանսենի փ. 1Ա, 1, 2, 3, 4, 5, 5/1, 5/2, 5/3, 7 շենքեր, Սաֆարյան փ. 2, 4, 10 շենքեր, Գայի պող. 8, 10 շենքեր, թիվ 1 վարժարան, թիվ 106 դպրոց, թիվ 98 մսուր-մանկապարտեզ և հարակից ոչ բնակիչ-բաժանորդներ, 11:00-17:00 Արաբկիր 37փ. 3/2 շենք, Ռուբինյանց փ. 2/1, 4 շենքեր, Կոմիտասի պող. 30, 39 շենքեր, Շովրոյան փողոցի սեփական տներ և հարակից ոչ բնակիչ-բաժանորդներ, Նոր Խարբերդ՝ 7-14; 12-23; 24-26; 23-26; 24-31 փողոցներ, Ս․Զորավարի փ․ 40, 42, 48 շենքեր և սեփական տներ, Արշակունյաց պող․ 53/33, Գարեգին Նժդեհի փ․ 35 շենքեր, Բագրատունյաց պող․ 43, 47 շենքեր, ՙՙԳոռ Նան՚՚ ՍՊԸ, քաղ. Բ. Կառնազյան, քաղ. Մ. Սարգսյան, ջրային կառույցներ, արագաչափ և հարակից ոչ բնակիչ- բաժանորդներ, Արարատի մարզում՝ 10:00-12:00 Արարատ, Գոռավան և Սիսավան գյուղեր մասնակի, 10:30-13:00 Մխչյան գյուղ մասնակի, 10:30-16:00 Կանաչուտ և Արևշատ գյուղեր մասնակի, 11:00-12:00 Սուրենավան գյուղ և Զինմաս, 11:00-17:00 Այնթափ գյուղ մասնակի, 12:00-15:00 Լուսառատ գյուղ մասնակի, 12:00-16:00 Դաշտաքար գյուղ մասնակի, Վայոց Ձորի մարզում՝ 10։00-13։00 Վայք քաղաք՝ Շահումյան փողոց մասնակի, 10։00-14։00 Մալիշկա գյուղ, Կոտայքի մարզում՝ 11։00-14։00 Ջրվեժի և Ձորաղբյուրի ամառանուցներ, Ջրվեժ և Ձորաղբյուր գյուղեր մասնակի, 11։00-17։00 Կապուտան, Կամարիս, Գեղաշեն, Նոր-Գյուղ գյուղեր մասնակի, Ջրվեժ՝ Մայակ, թաղամաս մասնակի, Գառնի, Գողթ, Գեղադիր, Հացավան, Ողջաբերդ և Գեղարդ գյուղեր, Գեղարքունիքի մարզում՝ 10։30-11։30 Սևան քաղաք՝ Նաիրյան, Մյասնիկյան, Հրազդան, Ազնավուր, Շիրազի, Լճափնյա, Չարենցի, Արա Գեղեցիկ, Շահումյան, Կարմիր Բանակի, Ելենովկա, Պռոշյան, Օրբելի, Աշոտ Երկաթի փողոցներ, Ավագ դպրոց, թիվ 4 դպրոց, “Մեծեփասար”, “Էս Քոմպանի”, “Գոլդ Մաստեր” ՍՊԸ-ներ, “Հ.Ասատրյան”, “Հ. Սանեյան” ԱՁ-ներ, “Սևանի հոգեբուժական հիվանդանոց” ՓԲԸ, Ազգային Պարկ և հարակից ոչ բնակիչ-բաժանորդներ, 12։00-14։00 Հայրավանք, Բերդկունք, Լճափ և Ծովազարդ գյուղեր, “ԱԼԻՔ” ՍՊԸ, Գազալցակայան, Լճափ գյուղին հարակից գազալցակայան, “Յուքոմ” ընկերության բջջային կայան, “Աքվատիք” ՍՊԸ, Ծովազարդ գյուղին հարակից “Պալունի Հայրապետյան” գազալցակայան և “Օնիկ Գասպարյան” ԱՁ, Լոռու մարզում՝ 11:00-17:00 Ալավերդի քաղաք՝ Զորավար Անդրանիկի, Մարքսի, Մադան, Էնգելսի և Փիրուզյան թաղամասեր, Տավուշի մարզում՝ 12:00-14:00 Դիլիջան համայնք՝ Հովք գյուղ, Շիրակի մարզում՝ 11:00-17:00 Ախուրյանի տարածաշրջան՝ Կառնուտ, Հովիտ, Բասեն, Ջրառատ գյուղեր, Ախուրյան գյուղ՝ Ջրաշինարարների և Ճանշին բանավաններ, Նոր Ախուրյան թաղամաս, Ախուրյան գյուղի հարավային մաս, “Ճանշին”, “Մերձմոսկովյան”, “ԱՐԳԻԳ”, Ախուրյանի հացի գործարան “ՅՈՒՄՍ”, Ախուրյանի գազալցակայան, Ախուրյանի նավթաբազա, Ախուրյանի բենզալցակայան ձեռնարկություններ, “Ախուրյանի մոր և մանկան” կենտրոն, Ախուրյանի առողջության կենտրոն, ոստիկանության Ախուրյանի բաժին, Սյունիքի մարզում՝ 10:30-15:30 Գորիս քաղաք` 6-րդ թաղամաս, 11:00-16:00 Խոտ գյուղ մասնակի:

09:15 - 13 ապրիլի, 2021

Սուրեն Պապիկյանը ներկայացրել Տավուշի նորանշանակ մարզպետին

Տարածքային կառավարման և ենթակառուցվածքների նախարար Սուրեն Պապիկյանը Տավուշի մարզպետարանի աշխատակազմին է ներկայացրել նորանշանակ մարզպետ Հայկ Ղալումյանին: Այս մասին հայտնեցին ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժնից: Հանդիպմանը ներկա էին Բարձր տեխնոլոգիական արդյունաբերության նախարար Հայկ Չոբանյանը, համայնքների, մարզպետարանի ենթակա կազմակերպությունների, տեսչական մարմինների մարզային կառույցների ղեկավարներ: Նախարարը շնորհակալություն է հայտնել Հայկ Չոբանյանին իր պաշտոնավարման ընթացքում մարզի զարգացմանն ուղղված ավանդի և հատկապես՝ պատերազմական և հետպատերազմական շրջանում սահմանամերձ մարզի առջև ծառացած մարտահրավերների լուծմանն ուղղված գործուն ջանքերի համար։ Սուրեն Պապիկյանը հաջողություն է մաղթել Հայկ Չոբանյանին նույնպիսի կարևորություն ունեցող կառավարման ոլորտում ստանձնած աշխատանքներում։ ՏԿԵ նախարար Սուրեն Պապիկյանն իր խոսքում կարևորել է պետության համար այս բարդ ժամականերում պետական կառավարման բոլոր օղակների համագործակցված և փոխվստահության վրա հիմնված աշխատանքը։ «Մեր պետականության առջև ծառացած խնդիրները ստիպում են մեզ դառնալ ավելի ամուր և տոկուն։ Միայն տեղական ինքնակառավարման, տարածքային կառավարման, պետական կառավարման բոլոր օղակների համակարգված և համատեղ աշխատելու պարագայում մենք կկարողանանք լուծել այդ խնդիրները։ Այս ճանապարհին մենք դեռ շատ անելիքներ ունենք, որոնց համար մեզ պետք է աշխատասիրություն, բարձր պատասխանատվություն և կամք»,- նշել է նա։ Շնորհավորելով մարզպետ Հայկ Ղալումյանին՝ նախարարը շնորհակալություն է հայտնել Իջևանի քաղաքապետի պաշտոնում իրականացրած աշխատանքների համար և վստահություն հայտնել, որ ՏԻ համակարգում կառավարման փորձը և մարզում արդեն իսկ ստեղծված ձեռքբերումները լավ նախադրյալներ են հետագա արդյունավետ աշխատանքների համար։ «Տավուշի մարզին ծառայությունը ծառայություն է սահմանում»,-նշել է նախարար Սուրեն Պապիկյանը և նորանշանակ մարզպետին մաղթել հաջողություններ: ԲՏԱ նախարար Հայկ Չոբանյանը, բարձր գնահատելով 2 տարվա ընթացքում մարզում կատարված աշխատանքները, նոր ձեռքբերումներ է մաղթել մարզին՝ նորանշանակ մարզպետի գլխավորությամբ: Մարզպետ Հայկ Ղալումյանն իր հերթին շնորհակալություն է հայտնել վստահության համար և հավաստիացրել, որ տեղեկացված է մարզի խնդիրներից և համոզված է, որ դրանք համատեղ աշխատանքի արդյունքում կկարողանան հաղթահարել։

16:55 - 09 ապրիլի, 2021

Հայկ Ղալումյանը նշանակվեց Տավուշի մարզպետ

Կառավարության այսօրվա որոշմամբ Հայկ Ղալումյանը նշանակվեց Տավուշի մարզպետ: Հարցն ընդգրկված էր Կառավարության այսօրվա նիստում։ Ղալումյանը շնորհակալություն հայտնեց վստահության համար և հավաստիացրեց, որ ոչինչ չի խնայելու հանուն Տավուշի մարզի տնտեսական զարգացման և մեր ժողովրդի բարեկեցության: Նշենք, որ այսօր ՀՀ վարչապետ Նիկոլ Փաշինյանի որոշմամբ Հայկ Ղալումյանն ազատվեկ է Հայաստանի Հանրապետության Տավուշի մարզի Իջևան համայնքի ղեկավարի պաշտոնակատարի պաշտոնից․ այդ պաշտոնին նշանակվել է Արթուր Ճաղարյանը։

12:02 - 08 ապրիլի, 2021

Գնում եմ Արցախ. Էդգար Ճաղարյանը հերքում է մարզպետ նշանակվելու մասին լուրը |armtimes.com|

armtimes.com: Այսօր ՀՀ տնտեսական մրցակցության պաշտպանության պետական հանձնաժողովի անդամի պաշտոնից հրաժարական տված Էդգար Ճաղարյանն իր աշխատանքը կշարունակի Արցախում: Նա ՀԺ-ի հետ զրույցում հերքեց այն տեղեկությունը, թե նշանակվելու է Տավուշի մարզպետ: Էդգար Ճաղարյանի հետ զրույցը ստորեւ. - Պարո՛ն Ճաղարյան, ճի՞շտ են այն տեղեկությունները, որ դուք նշանակվելու եք Տավուշի մարզպետի պաշտոնում: - Ո՛չ, դա չի համապատասխանում իրականությանը: - Իսկ ինչո՞վ եք զբաղվելու, այլ պաշտոնի նշանակվելո՞ւ եք: - Այո՛, ես տեղափոխվում եմ Արցախ, աշխատանքս շարունակելու եմ Արցախում: - Ի՞նչ պաշտոնի կնշանակվեք Արցախում: - Դեռ պարզ չէ, համենայնդեպս Արցախի զարգացման համար եմ տեղափոխվում:Նշենք, որ Հայկ Չոբանյանը Կառավարության վաղվա նիստում կազատվի զբաղեցրած պաշտոնից:

21:20 - 31 մարտի, 2021