Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։ Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

«Պնդելու եմ աղետի միջազգային հետաքննություն»․ Զելենսկին՝ ԻԼ-26-ի կործանման մասին |azatutyun.am|

azatutyun.am: «Պնդելու եմ աղետի միջազգային հետաքննություն», - երեկ ուշ երեկոյան հայտարարել է Ուկրաինայի նախագահ Վլադիմիր Զելենսկին՝ մեկնաբանելով Բելգորոդի շրջանում երեկ ռուսական Իլ-76 ռազմական ինքնաթիռի կործանումը, որը, ըստ ռուսական կողմի, փոխանակման նպատակով ուկրաինացի ռազմագերիներ էր տեղափոխում։ Ռուսաստանի պաշտպանության նախարարությունը պնդում է, որ օդանավը խոցվել է ուկրաինական բանակի կողմից։ «Ակնհայտ է, որ ռուսները խաղում են ուկրաինացի բանտարկյալների կյանքի, հարազատների զգացմունքների և մեր հասարակության հույզերի հետ»,- մասնավորապես, ասել է Զելենսկին։ Ուկրաինայի նախագահը, սակայն, որևէ խոսք չի ասել ինքնաթիռի կործանման հնարավոր պատճառների ու ինքնաթիռում փոխանակման նպատակով ռազմագերիների առկայության մասին։

12:02 - 25 հունվարի, 2024

Վլադիմիր Զելենսկին վտանգավոր է համարում 24 ժամվա ընթացքում պատերազմի դադարեցման վերաբերյալ Թրամփի հայտարարությունը |hetq.am|

hetq.am: Ուկրաինայի նախագահ Վլադիմիր Զելենսկին հերթական անգամ Կիև է հրավիրել ԱՄՆ 45-րդ նախագահ Դոնալդ Թրամփին: Նա «շատ վտանգավոր» է անվանել ԱՄՆ նախկին նախագահի խոսքերն այն մասին, որ Թրամփը ռուս-ուկրաինական հակամարտությունը կարող է ավարտել 24 ժամվա ընթացքում։ «Այսինքն՝ նա ասում է, որ ինքնուրույն որոշումներ կկայացնի: Ես նույնիսկ չեմ խոսում Ռուսաստանի մասին՝ առանց երկու կողմերի, այսինքն՝ առանց մեզ։ Սա ասում է այն մասին, որ եթե նրա գաղափարը, որը ոչ ոք չի լսել, չի աշխատի մեր ու մեր ժողովրդի համար, ապա նա ամեն ինչ կանի, որ ամեն դեպքում հասնի իր գաղափարի փոխանցմանը: Եվ դա ինձ մի փոքր անհանգստացնում է», - Channel 4 News հեռուստաընկերությանը տված հարցազրույցում հայտարարել է Ուկրաինայի առաջնորդը։ Դոնալդ Թրամփը բազմիցս ասել է, որ կկարողանա 24 ժամվա ընթացքում վերջ դնել ռուս-ուկրաինական հակամարտությանը: Նա նաև հավաստիացրել է, որ կկարողանա համոզել եվրոպացի դաշնակիցներին ավելի շատ գումար ծախսել Ուկրաինայի վրա։ Վլադիմիր Զելենսկին 2023 թվականի նոյեմբերին Թրամփին առաջարկել էր այցելել Ուկրաինա, որպեսզի տետատետ հանդիպման ժամանակ բացատրի Ռուսաստանի հետ հակամարտությունը մեկ օրում ավարտելու անհնարինությունը։ ԱՄՆ նախկին նախագահը հրաժարվել էր։

17:46 - 20 հունվարի, 2024

Դավոսում Զելենսկին կոչ է արել հավելյալ ռազմական օգնություն զուցաբերել Կիևին

09:36 - 18 հունվարի, 2024

Էրդողանն ու Զելենսկին քննարկել են Ղրիմում գերիների ազատ արձակման հարցը |azatutyun.am|

azatutyun.am: Ուկրաինայի և Թուրքիայի նախագահներ Վլադիմիր Զելենսկին և Ռեջեփ Էրդողանը հեռախոսազրույց են ունեցել, որի ընթացքում քննարկել են Ղրիմում գերիների ազատ արձակման հարցը: «Բանտարկյալների և բոլոր նրանց վերադարձը, ում նկատմամբ բռնաճնշումներ են իրականացվում օկուպացված տարածքում, մասնավորապես Ղրիմում։ Թուրքիայի միջնորդությունը շատ կարևոր է, որպեսզի բոլորը՝ մեծահասակները և երեխաները, զինվորներն ու քաղաքացիական անձինք, ազատ արձակվեն», - ասել է Զելենսկին իր տեսաուղերձում։ Վլադիմիր Զելենսկու խոսքով քննարկվել է «խաղաղության բանաձևի» վրա աշխատանքը, այդ թվում՝ խորհրդատվական մակարդակով նոր հանդիպում, որը տեղի կունենա հունվարին Դավոսում։ Միևնույն ժամանակ, Թուրքիայի նախագահի մամուլի ծառայությունը հայտնում է, որ հեռախոսազրույցի ընթացքում Էրդողանը նշել է արյունահեղությունը դադարեցնելու և կայուն խաղաղություն հաստատելու Թուրքիայի ինտենսիվ ջանքերը։ Թե կոնկրետ ինչ ջանքերի մասին է խոսքը, չի նշվում։ «Էրդողանն ասել է, որ Թուրքիան պատրաստ է ստանձնել միջնորդի դերը և ընդունել խաղաղ բանակցությունները՝ Ուկրաինայում խաղաղությունը վերականգնելու համար»,- ասվում է Թուրքիայի նախագահի մամուլի ծառայության հաղորդագրության մեջ։

12:13 - 06 հունվարի, 2024

Վլադիմիր Զելենսկին ժամանել է ԱՄՆ Կոնգրես |hetq.am|

hetq.am: Ուկրաինայի նախագահ Վլադիմիր Զելենսկին այսօր՝ դեկտեմբերի 12-ին, ժամանել է ԱՄՆ Կոնգրես։ Այնտեղ նա մի քանի հանդիպումներ կունենա։ Նրա այցն ամերիկյան օրենսդիր մարմին ուղիղ եթերով լուսաբանում է Sky News-ը։ Կոնգրեսում Ուկրաինայի նախագահը ցանկանում է հանդիպել ամերիկացի սենատորների հետ: Հավանական է, որ քննարկման գլխավոր թեման կլինի Ուկրաինային ռազմական օգնության նոր փաթեթի տրամադրումը։ Այդ նպատակով նախագահ Ջո Բայդենն ավելի քան 100 միլիարդ դոլար է խնդրել Կոնգրեսից։ Զելենսկին նաև բանակցություններ կվարի Ներկայացուցիչների պալատի խոսնակ Մայք Ջոնսոնի հետ, որտեղ առանցքային թեման կլինի նաև Ուկրաինային աջակցությունը: Հիշեցնենք, որ դեռ նախօրեին՝ դեկտեմբերի 11-ին, Ուկրաինայի նախագահ Վլադիմիր Զելենսկին Ջո Բայդենի հրավերով ժամանել էր Միացյալ Նահանգներ։

19:29 - 12 դեկտեմբերի, 2023

Եվրախորհրդարանը Զելենսկիի խնդրանքով ներկայացուցչություն կբացի Ուկրաինայում |armenpress.am|

armenpress.am: Եվրախորհրդարանը (ԵԽ) համաձայնել է ներկայացուցչություն բացել Ուկրաինայում՝ Գերագույն ռադային աջակցությունն ուժեղացնելու և Եվրախորհրդարանի հանձնաժողովների հետ կապեր հաստատելու համար։ Այդ մասին հաղորդում է Euractiv հրատարակությունը՝ վկայակոչելով իր տրամադրության տակ հայտնված փաստաթուղթը։ Եվրախորհրդարանի բյուրոյի փաստաթղթի համաձայն՝ որոշումը հաստատվել է նոյեմբերի 20-ի երեկոյան և ուղղված է Գերագույն ռադայի հետ հարաբերությունների պարզեցմանը, մասնավորապես՝ Եվրախորհրդարանի «համապատասխան հանձնաժողովների» հետ նրա կապերի հաստատմանը և վարչական աշխատանքի դյուրացմանը։ Ըստ Euractiv-ի՝ փաստաթղթում նշվում է, որ Ուկրաինայի նախագահ Վլադիմիր Զելենսկին երկրում Եվրախորհրդարանի ներկայացուցչություն ստեղծելու խնդրանքով դիմել էր ԵԽ նախագահ Ռոբերտա Մեցոլային, երբ վերջինս մարտին այցելել էր Լվով։ Ըստ փաստաթղթի՝ ԵԽ ներկայացուցչության առկայությունը Կիևում կապահովի, որ Եվրախորհրդարանի հանձնաժողովները «պարբերաբար տեղեկացված լինեն ընթացիկ խնդիրների և գործընթացների մասին» ոչ միայն Ուկրաինայում, այլև «Արևելյան գործընկերության երկրներում»: Եվրախորհրդարանը կապի գրասենյակ ունի յուրաքանչյուր անդամ երկրում։ Եվրոպական երկիր չհանդիսացող շատ քիչ երկրներում կան ԵԽ գրասենյակներ։

12:43 - 22 նոյեմբերի, 2023

Թրամփը հրաժարվել է Ուկրաինա այցելելու Զելենսկիի առաջարկից |hetq.am|

hetq.am: ԱՄՆ նախկին նախագահ Դոնալդ Թրամփը մերժել է Ուկրաինայի նախագահ Վլադիմիր Զելենսկիի՝ Ուկրաինա այցի հրավերը։ «Ես հարգում եմ նախագահ Զելենսկիին, բայց կարծում եմ, որ այս պահին տեղին չէր լինի մեկնել Ուկրաինա։ Նրա հետ ներկայումս հարաբերվում է Բայդենի վարչակազմը, և ես չեմ ցանկանում շահերի բախում ստեղծել»,- Newsmax-ին տված հարցազրույցում հայտարարել է Բայդենը։ Ավելի վաղ Վլադիմիր Զելենսկին NBC հեռուստաընկերությանը տված հարցազրույցում Թրամփին հրավիրել էր Ուկրաինա և հայտարարել, որ 24 րոպեում նրան կբացատրի, որ Թրամփը չի կարողանա մեկ օրում հասնել խաղաղության կարգավորման։ Թրամփը բազմիցս հայտարարել է, որ 2024 թվականին ԱՄՆ նախագահի պաշտոնում ընտրվելու պարագայում 24 ժամվա ընթացքում կկարողանա կարգավորել ուկրաինական հակամարտությունը։

12:38 - 07 նոյեմբերի, 2023

Արմեն Գրիգորյանը Մալթայում հանդիպել է Ուկրաինայի նախագահի աշխատակազմի ղեկավարի հետ

Հոկտեմբերի 28-ին Մալթայում կայացել է Հայաստանի անվտանգության խորհրդի քարտուղար Արմեն Գրիգորյանի և Ուկրաինայի նախագահի աշխատակազմի ղեկավար Անդրեյ Երմակի հանդիպումը: Այդ մասին հայտնում է Ուկրաինայում Հայաստանի դեսպանությունը՝ հղում անելով Ուկրաինայի նախագահականին։ «Զրուցակիցները քննարկել են Հայաստանի և Ուկրաինայի միջև երկկողմ հարաբերությունների ներկա վիճակը։ Այս առումով նշվել է Հայաստանի վարչապետ Նիկոլ Փաշինյանի հետ Ուկրաինայի նախագահ Վլադիմիր Զելենսկիի առաջին հանդիպման կարևորությունը, որը տեղի է ունեցել հոկտեմբերի 5-ին Գրանադայում՝ Եվրոպական քաղաքական համայնքի գագաթնաժողովի շրջանակներում»,- ասված է հաղորդագրությունում։ Անդրեյ Էրմակը շնորհակալություն է հայտնել սեպտեմբերի սկզբին Կիևում կայացած Առաջին տիկնանց և պարոնների գագաթնաժողովին ՀՀ վարչապետի տիկնոջ Աննա Հակոբյանի մասնակցության և ուկրաինացի դպրոցականների համար մարդասիրական օգնություն տրամադրելու համար․ «Ուկրաինայի նախագահի աշխատակազմի ղեկավարը հաստատել է ուկրաինական կողմի հանձնառությունը Հայաստանի հետ համագործակցության ամրապնդման հարցում, մասնավորապես, եվրաինտեգրման հարցերում»։ «Կողմերը շնորհավորել են միմյանց Ատոմային էներգիայի միջազգային գործակալության Կառավարիչների խորհրդի կազմում Հայաստանի և Ուկրաինայի ընտրվելու կապակցությամբ և քննարկել են երկու երկրների փոխգործակցությունը այդ կազմակերպության շրջանակներում և ընդհանուր՝ էներգետիկայի ոլորտում»,- նշված է հաղորդագրության մեջ։ Արմեն Գրիգորյանն աշխատանքային այցով Մալթա էր մեկնել հոկտեմբերի 27-ին՝ Մալթայի Արտաքին, եվրոպական հարցերի և առևտրի նախարար Իան Բորգի հրավերով և մասնակցել է «Մալթա. խաղաղության բանաձև» հանդիպմանը:

14:50 - 30 հոկտեմբերի, 2023

Ռուսաստանը շահագրգռված է Մերձավոր Արևելքում պատերազմ հրահրելու հարցում. Վլադիմիր Զելենսկի |hetq.am|

hetq.am: Ռուսաստանի իշխանություններն ուղղակիորեն շահագրգռված են Մերձավոր Արևելքում հակամարտության հրահրման հարցում։ Այդ մասին հայտարարել է Ուկրաինայի նախագահ Վլադիմիր Զելենսկին՝ պատերազմի 593-րդ օրվա երեկոյան իր տեսաուղերձում։ Նա նշել է, որ խորհրդակցություն է անցկացրել ուկրաինական հետախուզության ղեկավարների և դիվանագետների հետ, որը նվիրված է եղել Մերձավոր Արևելքում առկա իրավիճակին և Իսրայելի վրա «Համաս» խմբավորման հարձակմանը։ «Ըստ առկա տեղեկատվության, որը շատ հստակ է, Ռուսաստանը շահագրգռված է Մերձավոր Արևելքում պատերազմ հրահրելու մեջ, որպեսզի ցավի և տառապանքի նոր աղբյուրը թուլացնի համաշխարհային միասնությունը, ավելացնի պառակտում և հակասություններ, և դրանով օգնի Ռուսաստանին Եվրոպայում ոչնչացնելու ազատությունը»,- ասել է Զելենսկին։ Նա նշել է, որ այժմ ռուս պրոպագանդիստները «չարախնդում են», իսկ «Մոսկվայի իրանցի բարեկամները բացահայտորեն կանգնում Իսրայելի վրա հարձակվողների թիկունքին»: «Եվ այս ամենը շատ ավելի մեծ սպառնալիք է, քան աշխարհը հիմա ընկալում է։ Անցյալի համաշխարհային պատերազմները բռնկվեցին հենց լոկալ ագրեսիաների արդյունքում։ Եվ մենք գիտենք, թե ինչպես հակազդել այդ սպառնալիքին։ Եվ պատրաստում ենք պատասխան քայլեր։ Եվ ամենակարևորը, մենք պաշտպանում ենք աշխարհի առավելագույն միասնության անհրաժեշտությանը»- հավելել է Զելենսկին։

12:29 - 10 հոկտեմբերի, 2023

Կենտրոնացել ենք Հարավային Կովկասում անվտանգության իրավիճակի վրա․ Գրանադայում հանդիպել են Փաշինյանն ու Զելենսկին

Իսպանիայի Գրանադա քաղաքում ԵՄ գագաթնաժողովի շրջանակներում կարճատև հանդիպում են ունեցել ՀՀ վարչապետ Նիկոլ Փաշինյանն ու Ուկրաինայի նախագահ Վլադիմիր Զելենսկին։ Վլադիմիր Զելենսկին՝ X-Ի իր միկրոբլոգում անդրադարձել է հանդիպմանը․ «Մեր առաջին հանդիպման ժամանակ Հայաստանի վարչապետ Նիկոլ Փաշինյանի հետ կենտրոնացել ենք Հարավային Կովկասում անվտանգության իրավիճակի վրա։ Ուկրաինան շահագրգռված է տարածաշրջանի կայունությամբ և ազգերի հետ իր բարեկամական հարաբերություններով։ Քննարկեցինք նաև մեր երկկողմ համագործակցությունը և միջտարածաշրջանային տնտեսական նախագծերը»,- գրել է Զելենսկին։

17:17 - 05 հոկտեմբերի, 2023

Աննա Հակոբյանը հանդիպել է Վլադիմիր Զելենսկիին և նրա տիկնոջը

ՀՀ վարչապետ Նիկոլ Փաշինյանի տիկին Աննա Հակոբյանը Կիևում հանդիպել է Ուկրաինայի նախագահ Վլադիմիր Զելենսկիին և նրա տիկնոջը՝ Օլենա Զելենսկային։ Այս մասին տեղեկանում ենք վարչապետի տիկնոջ ֆեյսբուքյան էջում հրապարակված լուսանկարից։ Հիշեցնենք՝ Աննա Հակոբյանը երեկ մեկնել է Ուկրաինայի մայրաքաղաք և մասնակցել Առաջին տիկնանց և պարոնների ամենամյա գագաթնաժողովին։ Թեև գագաթնաժողովի թեման հոգեկան առողջությունն է, այնուամենայնիվ Հակոբյանն իր ելույթում անդրադարձել է նաև Արցախի շրջափակմանը և դրա հետևանքով այնտեղ գտնվող 30 հազար երեխաների իրավունքներին։ «Գագաթնաժողովի ժամանակ խոսեցի խաղաղության, ապագա սերունդներին ավելի լավ աշխարհ ժառանգելու մասին։ Բարձրացրեցի Լաչինի միջանցքի բլոկադայի արդյունքում 30 հազար հայ երեխաների իրավունքների ոտնահարման և կյանքի անմարդկային պայմանների հարցը»,- ֆեյսբուքյան էջում գրել է նա։

11:56 - 07 սեպտեմբերի, 2023

Գերագույն ռադան Ուկրաինայի պաշտպանության նախարարի պաշտոնում հաստատել է Ռուստեմ Ումերովի թեկնածությունը |hetq.am|

16:11 - 06 սեպտեմբերի, 2023

Աննա Հակոբյանը Կիևում կմասնակցի Առաջին տիկնանց և ամուսինների ամենամյա գագաթնաժողովին |hetq.am|

hetq.am: ՀՀ վարչապետ Նիկոլ Փաշինյանի կինը՝ Աննա Հակոբյանը, սեպտեմբերի 6-ին Ուկրաինայի մայրաքաղաք Կիևում կմասնակցի Առաջին տիկնանց և ամուսինների ամենամյա գագաթնաժողովին։ Վերջինս անցկացվում է Ուկրաինայի նախագահ Վլադիմիր Զելենսկիի կնոջ՝ Օլենա Զելենսկիի նախաձեռնությամբ։ Ինչպես նշվում է գագաթնաժողովի պաշտոնական կայքէջում, Աննա Հակոբյանը կմասնակցի 3-րդ պանելային քննարկմանը, որի թեման ապագայի սերունդն ու հոգեկան առողջությունն է։ Պանելը կվարի Theirworld բարեգործական հիմնադրամի համահիմնադիր և նախագահ Սառա Բրաունը։ Աննա Հակոբյանից զատ, պանելային այդ քննարկմանը կմասնակցեն նաև Էստոնիայի առաջին տիկին Սիրյե Կարիսը, Սերբիայի առաջին տիկին Տամարա Վուչիչը, Սլովակիայի նախագահի զուգընկեր Յուրայ Ռիզմանը, հոգեբան Նատալյա Պիդլիսնան, ուկրաինացի սթենդափ կատակերգու և կամավոր Վասիլ Բայդակը, ինչպես նաև դերասան Ռիչարդ Գիրը, որը պանելային քննարկմանը կմիանա առցանց։ Ինչպես նշվում է պանելային քննարկման նկարագրության մեջ, կքննարկվի դեռահասների թվային խնդիրները, թե ինչ սպառնալիքներ ու հնարավորություններ է տալիս թվայնացումը, ինչպես նաև դրա ազդեցությունը դեռահասների հոգեկան առողջության վրա։ Սա այս ձևաչափով արդեն երրորդ գագաթնաժողովն է։ Նախորդ երկուսը տեղի էին ունեցել 2021 և 2022 թվականներին։ Ընդհանուր գագաթնաժողովի թեման այս տարի հոգեկան առողջությունն է։ Գագաթնաժողովի նախաձեռնությունն Ուկրաինայի նախագահի տիկնոջինն է, որը ևս այս տարի կհյուրընկալի այն։ Մասնակիցների ցանկում են նաև գրող Սթիվեն Ֆրայը, դերասան Շոն Փենը, The Economist-ի գլխավոր խմբագիր Զենի Մինթոն Բեդոուսը, Լիտվայի, Չեխիայի, Դանիայի, Ավստրիայի, Ալբանիայի, Մեծ Բրիտանիայի առաջին տիկինները, Սլովենիայի նախագահի ամուսինը։

13:26 - 06 սեպտեմբերի, 2023

Զելենսկին հայտարարել է ՊՆ ղեկավար Ռեզնիկովին պաշտոնանկ անելու մասին, հայտնի է փոխարինողի անունը |factor.am|

factor.am: Ուկրաինայի նախագահ Վլադիմիր Զելենսկին երեկոյան ելույթի ժամանակ հայտարարել է, որ որոշել է պաշտոնանկ անել Ուկրաինայի պաշտպանության նախարար Ալեքսեյ Ռեզնիկովին։ Նրա տեղը կզբաղեցնի Պետական գույքի հիմնադրամի ղեկավար Ռուստեմ Ումերովը՝ Գերագույն Ռադայի կողմից նրա թեկնածությունը հաստատվելուց հետո, փոխանցում է BBC-ի ռուսական ծառայությունը։ «Ալեքսեյ Ռեզնիկովն անցել է լայնածավալ պատերազմի ավելի քան 550 օրերի միջով։ Կարծում եմ, որ նախարարությանն անհրաժեշտ են նոր մոտեցումներ և փոխգործակցության այլ ձևաչափեր ինչպես զինվորականների, այնպես էլ ողջ հասարակության հետ»,- ասել է Ուկրաինայի նախագահը։ «Այժմ նախարարությունը պետք է գլխավորի Ռուստեմ Ումերովը։ Ուկրաինայի Գերագույն Ռադան լավ է ճանաչում այս մարդուն, և պարոն Ումերովը լրացուցիչ ներկայացման կարիք չունի։ Ակնկալում եմ, որ խորհրդարանը կպաշտպանի այս թեկնածությունը։ Աշունն ամրապնդվելու ժամանակն է»,- ասել է Զելենսկին։

11:34 - 04 սեպտեմբերի, 2023

Աթենքը Կիևին կաջակցի օդաչուների վերապատրաստման հարցում․ շարունակվում է Զելենսկիի այցը Հունաստան |armenpress.am|

armenpress.am: Ուկրաինայի նախագահ Վլադիմիր Զելենսկին օգոստոսի 21-ի երեկոյան այցելել է Հունաստան, որտեղ հանդիպում է անցկացրել երկրի նախագահ Կատերինա Սակելարոպուլուի, ինչպես նաև վարչապետ Կիրիակոս Միցոտակիսի հետ։ Այս մասին տեղեկանում ենք Ուկրաինայի նախագահի գրառումներից X (նախկինում՝ Twitter) սոցիալական ցանցում։ «Հունաստանը միացել է ավիացիոն կոալիցիային․ այն կվերապատրաստի մեր օդաչուներին F-16-երի վրա թռչելու համար։ Հունաստանը նաև նոր ռազմական օգնություն է նախապատրաստում Ուկրաինայի համար», - գրել է Զելենսկին։ Նա հավելել է, որ կողմերը քննարկել են նաև Հունաստանի մասնակցությունն Ուկրաինայի վերակառուցմանը, հացահատիկի արտահանումների համար սևծովյան նոր միջանցքը և այլն։ Զելենսկին նաև շնորհակալություն է հայտնել Միցոտակիսին՝ Ուկրաինայի եվրաատլանտյան ինտեգրմանն աջակցության հռչակագիրը ստորագրելու համար։ Հունաստանում նաև կազմակերպվել է Ուկրաինա-Բալկաններ գագաթնաժողովը։ Զելենսկին հանդիպել է Բուլղարիայի վարչապետ Նիկոլայ Դենկովի հետ՝ քննարկելով հետագա համագործակցության հարցերը։ Ուկրաինայի նախագահը նաև հայտնել է, որ օգոստոսի 22-ին կհանդիպի Բալկանյան մյուս երկրների ղեկավարների հետ։

12:03 - 22 օգոստոսի, 2023

Զելենսկին հայտնել է Պոկրովսկում հրթիռակոծության զոհերի թվի ավելացման մասին |armenpress.am|

armenpress.am: Ուկրաինայի նախագահ Վլադիմիր Զելենսկին օգոստոսի 8-ի երեկոյան տեսաուղերձում հայտնել է, որ Դոնեցկի մարզի Պոկրովսկ քաղաքում ռուսական հրթիռակոծության զոհերի թիվը հասել է 9-ի։ Ավելի վաղ հաղորդվում էր 7 զոհի մասին։ Ուղերձում Զելենսկին նաև շնորհակալություն է հայտնել փրկարարներին և նշել, որ երկրորդ հարվածը հասցվել է այն ժամանակ, երբ փրկարարները հասել են դեպքի վայր։ «Ինը մարդ զոհվել է։ Ցավակցում եմ հարազատներին ու մտերիմներին։ 82 մարդ վիրավոր է։ Բոլորին ցուցաբերվում է անհրաժեշտ օգնությունը։ Վիրավորների մեջ կա երկու երեխա, երկուսն էլ՝ տղա։ Նրանցից մեկի վիճակը ծանր է», - ասել է Ուկրաինայի նախագահը։ Պոկրովսկը երկու անգամ հրթիռակոծվել է օգոստոսի 7-ի երեկոյան։ Ըստ Ուկրաինայի իշխանությունների՝ հարվածի հետևանքով վնասվել են բնակելի շենքեր և հյուրանոց։

10:27 - 09 օգոստոսի, 2023