Ռեջեփ Թայիփ Էրդողան

Թուրքիայի Հանրապետության նախագահն է։

Ռեջեփ Թայիփ Էրդողանը ծնվել է 1954 թվականին փետրվարի 26-ին։ 1965 թվականին Էրդողանը ավարտել է Կասըմփաշայ թաղամասի Փիալե տարրական դպրոցը, իսկ 1973 թվականին իմամ հաթիբների կրոնական լիցեյը Ստամբուլում։ 1976 թվականին նա դառնում է Ստամբուլի Բեյօղլու շրջանի «Ազգային փրկություն» կուսակցության երիտասարդական սկզբնական կազմակերպությոան նախագահը։ Նույն թվականին նա դառնում է նաև Ստամբուլյան մասնաճյուղի նախագահը։

1980 թվականին Էրդողանը աշխատում էր Ստամբուլի տրանսպորտային ընկերություններում։ 1980 թվականի սեպտեմբերի 12-ին երկրում տեղի է ունենում ռազմական հեղաշրջում և բոլոր քաղաքական կուսակցությունները արգելվում են։ Ռազմական հեղաշրջումից հետո Էրդողանը աշխատում է մասնավոր սեկտորում։ 1981 թվականին նա ավարտում է Մարմարայի համալսարանի էկոնոմիկայի և առևտրային գիտությունների բաժինը։ 1984 թվականին Էրդողանը դառնում է «Բարoրություն» կուսակցություն Բեյօղլուի մասնաճյուղի նախագահ, իսկ 1985 թվականին արդեն դառնում է Ստամբուլի մասնաճյուղի նախագահ, ինչպես նաև կուսակցությունը ղեկավարող գերագույն խորհրդի անդամ։ Իր քաղաքական հայացքների վրա մեծ ազդեցություն է ունենում «քաղաքական իսլամի» հիմնադիր Նեջմեթթին Էրբաքանը: Քաղաքական գործունեություն 1994 թվականին նա ընտրվում է Ստամբուլի քաղաքապետ։

1996 թվականին «Բարօրություն» կուսակցությունը մասնակցում է ղեկավարող իսլամական կոալիցիային, սակայն 1997 թվականի ռազմական հեղաշրջումից հետո կուսակցությունը արգելվում է, իսկ Էրդողանը 4 ամսով ազատազրկվում է։ 2001 թվականի հուլիսին Էրդողանը հիմնում է «Արդարություն և զարգացում» կուսակցությունը, որը 2002 թվականի նոյեմբերին հաղթում է պառլամենտական ընտրություններում։ Դատվածությունը խանգարում է Էրդողանին վարչապետ դառնալ, սակայն Իրաքի դեմ ռազմական գործողություններ սկսելուց հետո, թուրքական էլիտան, որ ուղղված էր ԱՄՆ-ի կողմը, համաձայնություն է տալիս օրենքենրի փոփոխությանը և թույլ է տալիս Էրդողանին ղեկավարել կաավարությունը։ Թուրքիան որոշում է ընդունում զորքեր մտցնել Իրաքի հյուսիս, որտեղ ապրում էին քրդերը: Էրդողանը կողմնակից էր Թուրքիայի Եվրամիությանը միանալուն։ 2014 թվականից Թուրքիայի նախագահն է: 

Էրդողանն ու Զելենսկին քննարկել են Ղրիմում գերիների ազատ արձակման հարցը |azatutyun.am|

Էրդողանն ու Զելենսկին քննարկել են Ղրիմում գերիների ազատ արձակման հարցը |azatutyun.am|

azatutyun.am: Ուկրաինայի և Թուրքիայի նախագահներ Վլադիմիր Զելենսկին և Ռեջեփ Էրդողանը հեռախոսազրույց են ունեցել, որի ընթացքում քննարկել են Ղրիմում գերիների ազատ արձակման հարցը: «Բանտարկյալների և բոլոր նրանց վերադարձը, ում նկատմամբ բռնաճնշումներ են իրականացվում օկուպացված տարածքում, մասնավորապես Ղրիմում։ Թուրքիայի միջնորդությունը շատ կարևոր է, որպեսզի բոլորը՝ մեծահասակները և երեխաները, զինվորներն ու քաղաքացիական անձինք, ազատ արձակվեն», - ասել է Զելենսկին իր տեսաուղերձում։ Վլադիմիր Զելենսկու խոսքով քննարկվել է «խաղաղության բանաձևի» վրա աշխատանքը, այդ թվում՝ խորհրդատվական մակարդակով նոր հանդիպում, որը տեղի կունենա հունվարին Դավոսում։ Միևնույն ժամանակ, Թուրքիայի նախագահի մամուլի ծառայությունը հայտնում է, որ հեռախոսազրույցի ընթացքում Էրդողանը նշել է արյունահեղությունը դադարեցնելու և կայուն խաղաղություն հաստատելու Թուրքիայի ինտենսիվ ջանքերը։ Թե կոնկրետ ինչ ջանքերի մասին է խոսքը, չի նշվում։ «Էրդողանն ասել է, որ Թուրքիան պատրաստ է ստանձնել միջնորդի դերը և ընդունել խաղաղ բանակցությունները՝ Ուկրաինայում խաղաղությունը վերականգնելու համար»,- ասվում է Թուրքիայի նախագահի մամուլի ծառայության հաղորդագրության մեջ։
12:13 - 06 հունվարի, 2024
Իսրայելի դեսպանը չի վերադառնա Անկարա, քանի դեռ Էրդողանը նախագահ է․ Իսրայելի ԱԳ նախարար

 |factor.am|

Իսրայելի դեսպանը չի վերադառնա Անկարա, քանի դեռ Էրդողանը նախագահ է․ Իսրայելի ԱԳ նախարար |factor.am|

factor.am: Իսրայելի արտգործնախարար Էլի Քոենը հայտարարել է, որ իր երկիրը չի վերականգնի Անկարայում դեսպանի պաշտոնը, քանի դեռ Թուրքիայի նախագահը Ռեջեփ Թայիփ Էրդողանն է։ Այս մասին նա հայտնել է X-ի իր միկրոբլոգում «Քանի դեռ Էրդողանը Թուրքիայի նախագահն է, Իսրայելի դեսպանի վերադարձի համար տեղ չկա» գրառմամբ։ Հավելենք, որ Էրդողանն ավելի վաղ Իսրայելի վարչապետ Բենիամին Նեթանյահուին համեմատել էր Ադոլֆ Հիտլերի հետ՝ նշելով, որ ոչ մի տարբերություն չկա Նեթանյահուի և Հիտլերի գործողությունների միջև։ Նեթանյահուն պատասխանել էր՝ ասելով, որ Էրդողանը քրդերի դեմ ցեղասպանություն է իրականացնում։ Նշենք, որ Իսրայել-ՀԱՄԱՍ պատերազմի ֆոնին, Թել Ավիվը անվտանգության նկատառումներից ելնելով, հոկտեմբերին Թուրքիայից ժամանակավորապես հետ էր կանչել իր բոլոր դիվանագիտներին՝ երկրում հակաիսրայելական լայնածավալ ցույցերի և տրամադրությունների ֆոնին, որոնք կապված են Գազայի վրա հարձակումների հետ։ Դեսպան Իրիտ Լիլիանը նույնպես լքել էր Թուրքիան։ ՀԱՄԱՍ-Իսրայել հակամարտությունը սկսվեց այն ժամանակ, երբ Թուրքիան նոր էր կարգավորում իր հարաբերությունները Իսրայելի հետ երկար տարիների լարվածությունից հետո: Իսրայելը և Թուրքիան 2022 թվականի օգոստոսին էին հայտարարել հարաբերությունների ամբողջական վերականգնման և երկու երկրներ դեսպանների վերադարձի մասին։
13:50 - 29 դեկտեմբերի, 2023
Բայդենն ու Էրդողանը քննարկել են Շվեդիայի՝ ՆԱՏՕ-ին անդամակցության հարցը |shantnews.am|

Բայդենն ու Էրդողանը քննարկել են Շվեդիայի՝ ՆԱՏՕ-ին անդամակցության հարցը |shantnews.am|

shantnews.am: ԱՄՆ նախագահ Ջո Բայդենը Թուրքիայի առաջնորդ Ռեջեփ Թայիփ Էրդողանի հետ զրույցում քննարկել է ՆԱՏՕ-ի ամրապնդման հարցը՝ մատնանշելով Շվեդիան դաշինքում արագ ընդգրկելու անհրաժեշտությունը, հայտնել են Սպիտակ տանը։ «Նրանք քննարկել են ՆԱՏՕ-ի դաշինքի ամրապնդման կարևորությունը, ներառյալ Շվեդիային որպես դաշնակից որքան հնարավոր է շուտ ընդունելու կարևորությունը, ինչպես նաև Թուրքիայի փոխհամատեղելիության հետագա ամրապնդումը», - ասվում է հաղորդագրության մեջ: Բայդենը և Էրդողանը նաև պայմանավորվել են սերտ կապի մեջ մնալ 2024 թվականի հուլիսին Վաշինգտոնում կայանալիք ՆԱՏՕ-ի գագաթնաժողովից առաջ: Բացի դրանից, Բայդենը Էրդողանին աջակցություն է հայտնել Հունաստանի և Թուրքիայի հարաբերություններում վերջին կառուցողական քայլերի համար։ Հինգշաբթի օրը թուրքական T24 հրատարակությունը հայտնել է, որ թուրքական խորհրդարանի կողմից ՆԱՏՕ-ին Շվեդիայի անդամակցության արձանագրության վավերացման հետ կապված իրավիճակը բարդացել է Իսրայելի և պաղեստինյան ՀԱՄԱՍ շարժման միջև հակամարտություն սկսելուց հետո, և կա Անկարայի և Վաշինգտոնի միջև վստահության բացակայություն: Շվեդիան՝ որպես Եվրամիության անդամ, Թուրքիայի նախագահ Ռեջեփ Թայիփ Էրդողանի հետ բանակցություններում համաձայնել է, որ դիմումը վավերացնելու դիմաց, նպաստի ԵՄ-ին Թուրքիայի անդամակցության գործընթացի ակտիվացմանը։ Միաժամանակ ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Շվեդիայի՝ ՆԱՏՕ-ին անդամակցելու և Թուրքիայի՝ ԵՄ-ին անդամակցելու հարցերը «կապված չեն միմյանց հետ»։ Օգոստոսին նա ասաց, որ լավատես է, որ Շվեդիան կմիանա դաշինքին այս աշնանը:
10:06 - 15 դեկտեմբերի, 2023
 Էրդողանը սադրանք է որակել Ֆրանսիայից Հայաստան զենքի մատակարարումը

Էրդողանը սադրանք է որակել Ֆրանսիայից Հայաստան զենքի մատակարարումը

Այն, ինչ անում է Ֆրանսիան, ուղղակի սադրանք է։ Ֆրանսիան պետք է իմանա, որ Հայաստանին լավություն չի անում, հակառակը՝ չարություն է անում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ անդրադառնալով Ֆրանսիայի կողմից Հայաստանին զենքի մատակարարումներին։  «Նախկինում էլ բազմաթիվ անգամներ Հայաստանիւն աջակցել են, ի՞նչ արդյունքի են հասել․ ոչ մի։ Ֆրանսիան Մինսկի խմբի եռյակում է։ Աշխատանքն ավարտվել է, արդյունք չկա․ Ֆրանսիան նորից սադրում է։  Եթե զրահափոխադրիչ ուղարկեր, ի՞նչ օգուտ կլիներ․ այդտեղից օգուտ չի կարող լինել։ Որովհետև հիմա կա Ադրբեջան, որը վերջ է տվել սեփական տարածքի օկուպացիային»,- ասել է Էրդողանը։  Էրդողանը պնդել է, թե Ղարաբաղի հարցի հետևանքներն ակնհայտ են։ «Հիմա այս ռազմական մեքենաները, եթե ուղարկեք, ի՞նչ կստանաք։ Նախկինում Հայաստան ուղարկված տանկերը, թնդանոթներն ու հրացանները Ադրբեջանի ձեռքն են ընկել։ Ոչ թե ինչ-որ արդյունքի են հասնելու, այլ ուղղակի Հայաստանին են խաբում։ Հայաստանի վարչակազմը պետք է դասեր քաղի իր վերջին փորձից և չտրվի սադրանքներին։ Հայաստանին ձեռնտու կլինի օգտվել խաղաղության հնարավորությունից և չընկնել ապակողմնորոշող երկրների ծուղակը։ Ադրբեջանի հետ խաղաղության վրա հիմնված հարաբերությունները լավագույն տարբերակն են Հայաստանի համար։ Նրանք, ովքեր զենք են դնում իրենց ձեռքը, կարճ ժամանակում Հայաստանին միայնակ կթողնեն»,- եզրափակել է Էրդողանը։ 
14:54 - 08 դեկտեմբերի, 2023
Հունաստանը և Թուրքիան բարեկամության մասին հռչակագիր են ստորագրել

Հունաստանը և Թուրքիան բարեկամության մասին հռչակագիր են ստորագրել

Հունաստանը և Թուրքիան բարեկամության և բարիդրացիական հարաբերությունների մասին հռչակագիր են ստորագրել վարչապետ Կիրիակոս Միցոտակիսի և նախագահ Ռեջեփ Էրդողանի հանդիպման ժամանակ: Այդ մասին հայտնել է Հունաստանի կառավարության ղեկավարը Էրդողանի հետ համատեղ մամուլի ասուլիսում։ «Հռչակագիրը, որը մենք հենց նոր ստորագրեցինք՝ լիովին հարգելով երկու երկրների ինքնիշխանությունից բխող իրավունքները, վերահաստատում է մեր միջև բարեկամական հարաբերությունները, սահմանում մեր երկխոսության սկզբունքներն ու ուղենիշները, ինչպես նաև մեր համագործակցության հնարավորությունները և՛ տարածաշրջանային, և՛ միջազգային մակարդակով»,- ընդգծել է Միցոտակիսը: Նրա կարծիքով՝ Հունաստանն ու Թուրքիան հնարավորություն ունեն հետագայում ընդլայնել երկխոսության օրակարգը, տնտեսական համագործակցությունը և ամրապնդել վստահությունը: Հունաստանի ղեկավարի խոսքով՝ հաջորդ քայլը կարող է լինել սահմանազատման հետ կապված խնդիրների լուծումը: Էրդողանն իր հերթին հայտարարել է, որ Թուրքիայի և Հունաստանի միջև չկան խնդիրներ, որոնք հնարավոր չէ լուծել: Նա Միցոտակիսին առաջարկել է ամրապնդել վստահությունը երկու երկրների միջև:
20:16 - 07 դեկտեմբերի, 2023
Էրդողանի գլխավորած պատվիրակությունը ժամանել է Աթենք |azatutyun.am|

Էրդողանի գլխավորած պատվիրակությունը ժամանել է Աթենք |azatutyun.am|

azatutyun.am: Թուրքիայի նախագահ Ռեջեփ Թայիփ Էրդողանի գլխավորած պատվիրակությունը ժամանել է Աթենք: Հունաստանի մայրաքաղաքի միջազգային օդակայանում բարձրաստիճան հյուրերին դիմավորել է արտաքին գործերի նախարար Յորգոս Գերապետրիտիսը: Այցի ընթացքում նախատեսվում է Հունաստանի հետ ստորագրել փոխգործակցության հուշագրեր և համաձայնագրեր։ Թուրքիայի ղեկավարը նախ կհանդիպի Հունաստանի նախագահ Կատերինա Սաքելարոպուլուի հետ։ Զուգահեռաբար, հույն նախարարները բանակցություններ կվարեն թուրք գործընկերների հետ՝ քննարկելու ստորագրվելիք փաստաթղթերը։ Պաշտպանության նախարարներն առանձին կհանդիպեն։ Ապա վարչապետի նստավայրում՝ Մաքսիմա պալատում, տեղի կունենա Հունաստանի վարչապետ Կիրիակոս Միցոտակիսի և Թուրքիայի նախագահ Ռեջեփ Թայիփ Էրդողանի հանդիպումը: Երկու ղեկավարները հանդես կգան մամուլի համար հայտարարություններով։ Նախատեսվում է նաև երկու երկրների համագործակցության բարձրագույն խորհրդի լիագումար նիստը՝ Միցոտակիսի և Էրդողանի գլխավորությամբ։ Անկարայում Աթենքի հետ հարաբերությունների ներկա մակարդակը գնահատում են որպես կայուն և երկխոսության ընդարձակման նոր հնարավորություններ ընձեռող: Աթենքը հուսով է առաջ շարժվել Թուրքիայի հետ քաղաքական երկխոսության, վստահության ամրապնդման միջոցների և երկկողմ համագործակցության դրական օրակարգի զարգացման ճանապարհով:
14:23 - 07 դեկտեմբերի, 2023
Համոզված ենք՝ հարևանների հետ կապված ցանկացած խնդիր կարելի է հաղթահարել. Էրդողան
 |tert.am|

Համոզված ենք՝ հարևանների հետ կապված ցանկացած խնդիր կարելի է հաղթահարել. Էրդողան |tert.am|

tert.am: Թուրքիայի նախագահ Ռեջեփ Թայիփ Էրդողանը Աթենք ժամանելուց 24 ժամ առաջ Kathimerini-ին տված բացառիկ հարցազրույցում անդրադարձել է թուրք-հունական հարաբերություններին վերաբերող մի շարք հարցերի: Էրդողանը կարևորել է երկկողմ հարաբերություններում «նոր էջ» բացելու իր տեսլականը, որը հիմնված է «երկու կողմի շահելու» սկզբունքի վրա։ «Իմ ընկեր Կիրիակոս, մենք ձեզ չենք սպառնա, եթե դուք չսպառնաք մեզ»,- ասել է Էրդողանը՝ դիմելով Հունաստանի վարչապետին: «Ոչ մի մարտահրավեր անհաղթահարելի չէ երկխոսության և փոխադարձ բարի կամքի հիման վրա», - ասել է Էրդողանը: Միևնույն ժամանակ Էրդողանը պարզաբանել է իր «մենք կարող ենք մի գիշեր հանկարծակի գալ» խորհրդավոր հայտարարությունը՝ նշելով, որ այն վերաբերում է «Թուրքիայի անվտանգությունը վտանգող ահաբեկչական տարրերին»։ «Հունաստանը մեր հարևանն է, և մենք կշարունակենք մնալ հարևաններ. մենք ունենք ընդհանուր աշխարհագրություն և կիսում ենք նույն ծովը։ Մենք շնչում ենք նույն օդը։ Մենք փոխկապակցված ենք մեր անցյալով։ Մեր միջև չլուծված խնդիրներ կան. մեր երկու երկրներն էլ ընդունում են այս իրողությունը։ Սակայն մեզնից է կախված՝ թույլ կտա՞նք արդյոք այս հարցերը լարվածություն և տարաձայնություններ առաջացնել մեր կառավարությունների և մեր ժողովրդի միջև։ Հենց այս համատեքստում ես խոսեցի մեր հարաբերություններում «նոր էջի» և «երկու կողմի շահելու» սկզբունքի մասին։ Այս սկզբունքը բնորոշ է միջազգային հարաբերություններին և դիվանագիտությանը Թուրքիայի մոտեցմանը: Երկխոսության միջոցով սահուն կերպով լուծելով տարաձայնությունները և ընդհանուր լեզու գտնելով՝ մենք բոլորս կարող ենք օգուտներ քաղել:Մենք Հունաստանին երբեք չենք ընկալել որպես թշնամի կամ մրցակից։ Ինչպես ցանկացած ազգ, մենք ընկերներ ենք փնտրում, ոչ թե թշնամիներ: Ես հաճախ եմ ընդգծում մեր համոզմունքը, որ մեր հարևանների, հատկապես Հունաստանի հետ կապված ցանկացած խնդիր կարելի է հաղթահարել:Հունաստանը, կարծես, հասկանում է, որ մենք բարեկամության ձեռք մեկնելու ընդունակ ժողովուրդ ենք», -ասել է Էրդողանը:
13:55 - 06 դեկտեմբերի, 2023
Նեթանյահուն վտանգում է ողջ Մերձավոր Արևելքի անվտանգությունն՝ իր քաղաքական կյանքը երկարացնելու համար․ Էրդողան |azatutyun.am|

Նեթանյահուն վտանգում է ողջ Մերձավոր Արևելքի անվտանգությունն՝ իր քաղաքական կյանքը երկարացնելու համար․ Էրդողան |azatutyun.am|

azatutyun.am: Իսրայելի վարչապետ Բենիամին Նեթանյահուի կառավարությունը վտանգում է ողջ Մերձավոր Արևելքի անվտանգությունն ու ապագան՝ իր քաղաքական կյանքը երկարացնելու համար, Դոհայում, Պարսից ծոցի համագործակցության խորհրդի գագաթնաժողովում հայտարարել է Թուրքիայի նախագահ Ռեջեփ Թայիփ Էրդողանը։ Միջազգային հանրությունը չպետք է թույլ տա, որ «Գազայի հատվածում իրականացված վայրագությունները վերաճեն տարածաշրջանային պատերազմի, որը կներառի Սիրիան», ըստ Anadolu գործակալության, ասել է Էրդողանը՝ շեշտելով՝ Իսրայելի և Պաղեստինի պատերազմի հարցով Թուրքիայի առաջնահերթությունը կրակի անհապաղ և մշտական դադարեցումն է և Գազայի հատված մարդասիրական օգնության անխափան առաքման ապահովումը։ Իսրայելի գործողությունները Գազայի հատվածում որակելով հանցագործություն մարդկության դեմ՝ Էրդողանը շեշտել է՝ Իսրայելը ռազմական հանցագործությունների համար պետք է պատասխանատվության ենթարկվի։ «17 հազար անմեղ պաղեստինցիների մահը, հիմնականում՝ երեխաներ և կանայք, հանցագործություն է մարդկության դեմ, ռազմական հանցագործություն։ Իսրայելը չպետք է հեշտ ազատվի պատասխանատվությունից»,- մասնավորապես, ասել է Թուրքիայի ղեկավարը։ Մոտ մեկ շաբաթ տևած ժամանակավոր հրադադարից հետո ծանր ռազմական գործողությունները Գազայում շարունակվում են, Իսրայելի օդուժը հարվածներ է հասցնում ԱՄՆ-ի և ԵՄ-ի կողմից ահաբեկչական կազմակերպություն ճանաչված «Համաս»-ի դիրքերին, որին Թել Ավիվը մեղադրում է կրակի դադարեցման ռեժիմը խախտելու համար: «Ռազմական գործողությունների վերսկսմամբ մենք ընդգծում ենք՝ Իսրայելի կառավարությունը հավատարիմ է պատերազմի նպատակներին՝ ազատել մեր պատանդներին, վերացնել «Համաս»-ը և երաշխավորել, որ Գազայի հատվածը երբեք վտանգ չի ներկայացնի Իսրայելի բնակիչների համար», - հայտարարել է Իսրայելի վարչապետ Բենյամին Նեթանյահուի գրասենյակը։  
09:31 - 06 դեկտեմբերի, 2023
Էրդողանը Հայաստանին կոչ է արել իր անվտանգությունը հարևանների հետ համագործակցության մեջ փնտրել
 |tert.am|

Էրդողանը Հայաստանին կոչ է արել իր անվտանգությունը հարևանների հետ համագործակցության մեջ փնտրել |tert.am|

tert.am: Թուրքիայի նախագահ Ռեջեփ Թայիփ Էրդողանը կոչ է արել Հայաստանին իր անվտանգություն փնտրել հարևանների հետ համագործակցության մեջ, այլ ոչ թե հազարավոր կիլոմետրեր հեռու: Ինչպես գրում է Անադոլու գործակալությունը, Թուրքիայի ղեկավարն այս մասին ասել է նոյեմբերի 20-ին կառավարության նիստից հետո ժողովրդին ուղղված իր ուղերձում։ «Արևմտյան որոշ գերտերություններ մինչ այս պահը չեն գիտակցում, որ ԼՂ պատերազմից սկսած` մեր տարածաշրջանում նոր դարաշրջան է բացվում: Հայ ժողովրդի ու նրա ղեկավարների համար լավ կլիներ անվտանգություն փնտրել ոչ թե հազարավոր կիլոմետրեր հեռու, այլ հարևանների հետ խաղաղության ու համագործակցության մեջ»,- ասել է նա։ Թուրքայի առաջնորդն ընդգծել է, որ Արևմտյան երկրների կողմից ուղարկված զենքն ու զինամթերքը չեն կարող կայուն խաղաղություն ապահովել։ Նա նաև կոչ է արել Հայաստանին սեղմել Ադրբեջանի մեկնած «բարեկամության ձեռքը»։
09:41 - 21 նոյեմբերի, 2023
Էրդողանը հայտարարել է, թե Իսրայելը կհիասթափվի այնպես, ինչպես Հայաստանը Ղարաբաղյան հակամարտությունում

Էրդողանը հայտարարել է, թե Իսրայելը կհիասթափվի այնպես, ինչպես Հայաստանը Ղարաբաղյան հակամարտությունում

Թուրքիայի նախագահ Ռեջեփ Թայիփ Էրդողանը, խոսելով տարածաշրջանում տիրող իրավիճակի մասին, ասել է, թե տարածաշրջանային զարգացումները ևս մեկ անգամ հիշեցրել են՝ ինչ կենսական նշանակություն ունի Թուրքիայի համար պաշպտանական արդյունաբերության ոլորտում անկախացումը։ Դիմելով թուրք ազգին՝ Էրդողանը ընդգծել է ամեն բնագավառում, այդ թվում՝ տնտեսական, քաղաքական, ռազմական, ուժեղ և միասնական լինելու կարևորությունը և ինչքան էլ «իրենց հողերի նկատմամբ չար մտադրություն ունեցողները զգույշ վարվեն, միևնույն է բացահայտվում են»։ Էրդողանը, խոսելով Իսրայելի վրա ՀԱՄԱՍ-ի հարձակումից հետո Մերձավոր Արևելքում ստեղծված իրավիճակի մասին, նաև հայտարարել է, թե Իսրայելը կհիասթափվի այնպես, ինչպես Հայաստանը Ղարաբաղյան հակամարտությունում։ «Հայաստանը տարիներ շարունակ մեր հողերի մասին անիրական երազանքներ էր հետապնդում։ Ղարաբաղյան պատերազմից հետո, սակայն, դասեր քաղեց և նստեց տեղը։ Հիմա էլ Իսրայելի ղեկավարներն են սկսել նման մոլորություններ արտահայտել։ Պետք չէ անհանգստանալ, նրանք նույնպես կբախվեն այնպիսի հիասթափության, ինչպես հազարամյակների ընթացքում անհամար երազողներ։ Մեր հարևաններին մեր դեմ հրահրողների, ՔԲԿ-ին («Քրդական բանվորական կուսակցություն») մեզ վրա սանձազերծողներին, FETÖ-ին («Ֆեթուլլահական ահաբեկչական կազմակերպություն») մեր մեջ բերողների հավակնությունները կշարունակենք տապալել։ Սրա համար նախևառաջ հարկավոր է ամրապնդել մեր ազգային միասնությունն ու համերաշխությունը։ Քանի դեռ մենք՝ 85 միլիոնս, միասնական ենք, մեզ ոչ ոք չի կարող տապալել»,- ասել է Էրդողանը։ 
15:28 - 15 նոյեմբերի, 2023
Թուրքիան Իսրայելի վարչապետի դեմ հայց է ներկայացրել ՄՔԴ՝ մեղադրելով նրան ցեղասպանության մեջ |armeniasputnik.am|

Թուրքիան Իսրայելի վարչապետի դեմ հայց է ներկայացրել ՄՔԴ՝ մեղադրելով նրան ցեղասպանության մեջ |armeniasputnik.am|

armeniasputnik.am: Թուրքիան հայց է ներկայացրել Միջազգային քրեական դատարան Իսրայելի վարչապետ Բենիամին Նեթանյահուի դեմ: Տեղեկությունը հայտնում են տեղական լրատվամիջոցները՝ հղում անելով իշխող «Արդարություն և զարգացում» կուսակցության փաստաբաններին։ Անկարան Իսրայելի կառավարության ղեկավարին մեղադրում է Գազայի հատվածում ցեղասպանության մեջ։   «Այսօր, ներկայացնելով Թուրքիայի Հանրապետության քաղաքացիների խիղճը, մենք հայց ենք ներկայացրել Հաագայի Միջազգային քրեական դատարան ընդդեմ 21-րդ դարի Հիտլերի` Իսրայելի վարչապետ Նեթանյահուի, որը պետք է դատարանի առաջ կանգնի Գազայի հատվածում իր իրականացրած ցեղասպանության և մարդկության դեմ բոլոր հանցագործությունների համար», - հայտարարել է փաստաբան Մեթին Կյուլյունքը:   Ավելի վաղ Էրդողանը հայտարարել էր, որ Նեթանյահուին այլևս իր զրուցակիցը չի համարում, և որ «ջնջել է նրան»:
20:45 - 14 նոյեմբերի, 2023
Գազան պաղեստինցիների հողն է. եթե ​​ԱՄՆ-ն չհամաձայնի դրան, մենք չենք կարողանա համաձայնության գալ․ Էրդողան |news.am|

Գազան պաղեստինցիների հողն է. եթե ​​ԱՄՆ-ն չհամաձայնի դրան, մենք չենք կարողանա համաձայնության գալ․ Էրդողան |news.am|

news.am: Գազան առաջին հերթին պաղեստինյան ժողովրդի հողն է: ԱՄՆ-ն պետք է ընդունի դա։ Եթե ​​(ԱՄՆ նախագահ Ջո) Բայդենը կողմնակից է այլ դիրքորոշման՝ ասելով. «Ոչ, սա օկուպացնող վերաբնակների կամ Իսրայելի հողն է, ոչ թե Պաղեստինի ժողովրդինը», մենք չենք կարողանա համաձայնության գալ, ասել է Թուրքիայի նախագահ Ռեջեփ Թայիփ Էրդողանը, հաղորդում է Anadolu-ն։ Ինչպես նշում է թուրքական ԶԼՄ-ն, նա ողջունել է նաև արաբաիսլամական գագաթնաժողովի բանաձևը, որով առաջարկվում է համաժողով անցկացնել տարածաշրջանի ապամիջուկայնացման վերաբերյալ՝ տարածաշրջանում Իսրայելի միջուկային զենքի պատճառով։ «Առաջին անգամ մենք առաջարկում ենք «Ապամիջուկայնացման համաժողով» անցկացնել տարածաշրջանում՝ Իսրայելի միջուկային զենքի պատճառով», - նախագահական ինքնաթիռում լրագրողներին է ասել է Էրդողանը Սաուդյան Արաբիայի մայրաքաղաք Էր-Ռիադից վերադառնալիս, որտեղ շաբաթ օրը մասնակցել էր արաբաիսլամական արտակարգ գագաթնաժողովին։ Ըստ Թուրքիայի նախագահի, ապամիջուկայնացման հարցը շատ կարևոր է «Իսրայելին աջակցող սուբյեկտների» բացահայտման տեսանկյունից։ «Բոլոր այն թեմաները, որոնք նախատեսել էինք նախքան գագաթնաժողով գնալը, ներառված են վերջնական տեքստում։ Բանաձևի տեքստը պարունակում է բազմաթիվ գործնական կետեր, որոնց մասին նախկինում երբեք չի խոսվել, որոնք իսրայելական վերաբնակիչներին բնորոշում են որպես ահաբեկիչներ և նույնիսկ ստեղծում են աշխարհառազմավարություն։ Հիմա շատ կարևոր է, որ և՛ Իսլամական համագործակցության կազմակերպությունը, և՛ Արաբական պետությունների լիգան միավորվեն և ձեռնարկեն այս քայլը (բանաձևը), քանի որ երկու կազմակերպությունների պատմության մեջ սա առաջին դեպքն է, որ նման հանդիպում է տեղի ունեցել»,- հավելել է նա։ 
19:16 - 12 նոյեմբերի, 2023
Սիոնիստական ​​ռեժիմի հանցագործությունները Թեհրանի և Անկարայի համար ամենակարևոր խնդիրն են. Իրանի նախագահ |news.am|

Սիոնիստական ​​ռեժիմի հանցագործությունները Թեհրանի և Անկարայի համար ամենակարևոր խնդիրն են. Իրանի նախագահ |news.am|

news.am: Իրանի և Թուրքիայի նախագահներ Էբրահիմ Ռաիսին և Ռեջեփ Թայիփ Էրդողանը ընդգծել են Գազայի հատվածում շարունակվող պատերազմի վերաբերյալ Իսլամական համագործակցության կազմակերպության (ԻՀԿ) առաջիկա նիստում արդյունավետ և գործնական լուծումների ընդունման անհրաժեշտությունը։ Երկու կողմերը հինգշաբթի օրն Ուզբեկստանի մայրաքաղաք Տաշքենդում Տնտեսական համագործակցության կազմակերպության (ՏՀԿ) 16-րդ գագաթնաժողովի շրջանակներում Գազայի հատվածի ճգնաժամի շուրջ մանրամասն քննարկումներ են անցկացրել, հաղորդում է IRNA-ն: Նրանք համաձայնել են, որ Գազայի ճգնաժամի կարգավորման համար արդյունավետ և գործնական լուծումներ պետք է ձեռնարկվեն։ Երկու նախագահներն էլ ասել են, որ Իսրայելի կողմից Գազայի հատվածի ռմբակոծումը պետք է անհապաղ դադարեցվի, և ռեժիմը պետք է վերացնի այդ տարածքի շրջափակումը: Ռաիսին նաև ասել է, որ Պաղեստինի խնդիրը և Գազայի ժողովրդի դեմ «Սիոնիստական ​​ռեժիմի» սարսափելի հանցագործությունները ներկայումս Իրանի, Թուրքիայի և նույնիսկ իսլամական աշխարհի ամենակարևոր խնդիրն են։
21:25 - 09 նոյեմբերի, 2023