Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

«Որոշ երկրների կողմից Հայաստանին զինելու ջանքերը վտանգ են ներկայացնում խաղաղ գործընթացին». Բայրամով
 |azatutyun.am|

«Որոշ երկրների կողմից Հայաստանին զինելու ջանքերը վտանգ են ներկայացնում խաղաղ գործընթացին». Բայրամով |azatutyun.am|

azatutyun.am: «Հայաստանի կողմից խաղաղությանն ու կայունությանը չծառայող երրորդ կողմերին տարածաշրջանում ներգրավելը» սպառնալիք է խաղաղության գործընթացի համար, իրանցի գործընկերոջ հետ հանդիպմանն ասել է Ադրբեջանի արտգործնախարարը։ Հանդիպման մասին հաղորդում են ադրբեջանական լրատվամիջոցները, իրանական կողմը հաղորդագրությամբ հանդես չի եկել։ Ըստ ադրբեջանական աղբյուրների՝ Ջեյհուն Բայրամովը Հոսեյն Ամիր Աբդոլլահիանին ասել է, թե «որոշ պետությունների կողմից Հայաստանին զինելու ջանքերը» ևս վտանգ են ներկայացնում խաղաղ գործընթացի համար։ ԱԺ փոխնախագահ Ռուբեն Ռուբինյանը ռազմականացման պնդմանն ի պատասխան՝ Անթալիայի ֆորումին ասել էր, որ Հայաստանը դա չի անում, այլ պարզապես պաշտպանում է իրեն, ինչը տրամաբանական է՝ հաշվի առնելով, որ անվտանգության առումով անհանգստություն կա Ադրբեջանի պատճառով: «Մենք ագրեսիվ վարքագիծ կամ նման մոտիվացիա չունենք մեր հարևանների նկատմամբ, հարգում ենք նրանց տարածքային ամբողջականությունը, միաժամանակ մենք իրավունք ունենք կառուցել մեր պաշտպանությունը», - ասել էր նա՝ հիշեցնելով, որ Ադրբեջանը գնել ու գնում է զենք տարբեր երկրներից։ Ի տարբերություն Երևանի՝ Բաքուն ձեռք է բերում ոչ միայն պաշտպանական սպառազինություն, հավելել էր Ռուբինյանը:
22:39 - 05 մարտի, 2024
Շիրակի մարզպետը և ՀՀ-ում Իրանի դեսպանը քննարկել են գյուղատնտեսության, մշակույթի, սպորտի ոլորտներում հնարավոր համագործակցությանն առնչվող հարցեր

Շիրակի մարզպետը և ՀՀ-ում Իրանի դեսպանը քննարկել են գյուղատնտեսության, մշակույթի, սպորտի ոլորտներում հնարավոր համագործակցությանն առնչվող հարցեր

Շիրակի մարզպետ Մուշեղ Մուրադյանն այսօր հյուրընկալել է Հայաստանում Իրանի Իսլամական Հանրապետության արտակարգ և լիազոր դեսպան Մեհդի Սոբհանիի գլխավորած պատվիրակությանը։  Մուշեղ Մուրադյանը ողջունել է ճանաչողական այցով մարզ այցելած դեսպանին և ներկայացրել Շիրակի մարզը: «Ձերդ գերազանցություն, պարոն դեսպան, բարով եք եկել Շիրակի մարզ։ Սիրով կուզենամ ներկայացնել մեր մարզն ու պատմել Շիրակի մասին։ Հայաստանի ամենահյուսիսային, միևնույն ժամանակ հյուրասեր ու հումորով, հետաքրքիր մարզերից մեկն է Շիրակը։ Գյումրին մեծությամբ Հայաստանի երկրորդ քաղաքն է, մեր քաղաքը մշակույթի մայրաքաղաք է համարվում։ Այն հիասքանչ ճարտարապետություն ունի, որը պահպանել է 19-րդ դարի քաղաքային կոլորիտը, ինչպես նաև մեծ ներուժ՝ զարգանալու և նոր ձեռքբերումներ ունենալու։ Մեր երկրները դարավոր բարեկամության ու գործընկերության ճանապարհ են անցել և այժմ էլ հայ-իրանական հարաբերություններն ընթանում են դինամիկ զարգացման ճանապարհով»,- ներկայացրել է նա։ Դեսպան Սոբհանին շնորհակալություն է հայտնել մարզպետին ջերմ և անմիջական ընդունելության համար՝ նշելով, որ գնահատելի է, երբ մարզային իշխանությունները հոգացավ են ու պատրաստակամ համագործակցելու և քննարկելու համատեղ ծրագրեր․ «Պարոն Մուրադյան, շատ ուրախ եմ հանդիպման համար, կարևոր է, երբ կա համագործակցության պատրաստակամություն։ Դուք ճիշտ նկատեցիք, որ մեր երկրները դարավոր բարեկամներ են և մենք պետք է ուժերի ներածին չափով անենք հնարավորը դրանց ամրապնդման նպատակով»։ Կողմերը քննարկել են գյուղատնտեսության, կրթության, մշակույթի, սպորտի բնագավառներում հնարավոր համագործակցությանն առնչվող հարցեր, պայմանավորվածություն է ձեռքբերվել կրկին հանդիպելու՝ փոխադարձ հետաքրքրություն ներկայացնող հարցերի շուրջ գործնական քայլեր ձեռնարկելու համար։ «Շիրակի մարզպետի աշխատակազմը, լիազորությունների և հնարավորությունների շրջանակում, կանի հնարավորը փոխադարձ հետաքրքրություն ներկայացնող ոլորտներում գործնական ծրագրեր նախանշելու, քննարկելու և իրականացնելու առումով։ Մենք պատրաստ ենք համագործակցության, բաց ենք քննարկումների ու երկխոսության համար»,- ընդգծել է Շիրակի մարզպետը։ Հանդիպման ավարտին Մուշեղ Մուրադյանը հուշանվերներ է հանձնել պատվիրակության անդամներին։
17:36 - 02 մարտի, 2024
Դավիթ Խուդաթյանն այցելել է իրանական կապիտալով աշխատող Քարակերտի քարաձուլման գործարան, ծանոթացել արտադրական հզորությանը

Դավիթ Խուդաթյանն այցելել է իրանական կապիտալով աշխատող Քարակերտի քարաձուլման գործարան, ծանոթացել արտադրական հզորությանը

Բաղրամյան համայնք կատարած այցի ընթացքում Արմավիրի մարզպետ Դավիթ Խուդաթյանը համայնքի ղեկավար Շանթ Առաքելյանի և ոլորտային պատասխանատուների հետ այցելել է իրանական կապիտալով աշխատող Քարակերտի քարաձուլման գործարան։ Այս մասին հայտնում են Արմավիրի մարզպետարանից: Այցի ընթացքում մարզպետը ծանոթացել է գործարանի արտադրական հզորությանը և ծավալին: Գործարանն օգտագործում է Հայաստանում գոյություն ունեցող մետաղների ջարդոնը։ Տարիներ շարունակ չշահագործվող գործարանի շինարարությունը սկսվել էր դեռևս 2021 թվականին, իսկ արտադրության մեկնարկը տրվել է 2023 թվականին։ Ներկա պահին արտադրվում է օրական 60 տոննա ձուլակտոր, գործարանն այս պահին ունի 170 աշխատակից, որոնցից շուրջ 40-ը Իրանից են, 130-ը` Հայաստանից: Նախատեսվում է այս տարվա ընթացքում սկսել ամրանների և մետաղալարերի արտադրությունը: Գործարանի հզորությունը տարեկան կազմելու է 200,000 տոննայի մետաղական պրոֆիլներ և ձուլակտորներ: Գործարանի՝ ողջ ծավալով շահագործման արդյունքում աշխատատեղերի թիվը կհասնի շուրջ 400-ի։
10:02 - 02 մարտի, 2024
Իրանում մեկնարկել են խորհրդարանի և Փորձագետների խորհրդի ընտրությունները
 |1lurer.am|

Իրանում մեկնարկել են խորհրդարանի և Փորձագետների խորհրդի ընտրությունները |1lurer.am|

1lurer.am: Ուրբաթ Իրանում սկսվել է Մեջլիսի՝ երկրի 290 տեղանոց խորհրդարանի ընտրությունը: Ընտրելու իրավունք ունեն երկրի 87 միլիոն քաղաքացիներից ավելի քան 61 միլիոնը։ Ընտրողների քվեաթերթիկները հիմնականում հաշվում են ձեռքով, ուստի ընտրությունների արդյունքների հրապարակումը կարող է տևել ընտրությունների օրվանից մինչև երեք օր: Իրանի Իսլամական Հանրապետության առաջնորդ այաթոլլա Ալի Խամենեին իր համաքաղաքացիներին կոչ է արել քվեարկել՝ այս քվեարկությունը համարելով որոշիչ երկրի հետագա ճակատագրի համար։ Իրանի առաջնորդը հույս է հայտնել, որ ընտրություններին մասնակցությունը գերազանց կլինի։ Խամենեին հավելել է, որ ընտրությունները բոյկոտելու կոչ անող իրանցիները «պետք է մի փոքր երկար մտածեն»։ Ինչպես նշում են արևմտյան ԶԼՄ-ները, այս հայտարարությունները հնչել են մտավախության ֆոնին, որ իրանցի ընտրողներն այս անգամ ընտրության նկատմամբ ոգևորություն չեն ցուցաբերի։ Ընտրությանը թույլատրվել է մասնակցել ռեկորդային թվով թեկնածու՝ ավելի քան 15000 մարդ, նրանցից 1700-ը կանայք են։ Իրանի Սահմանադրության համաձայն՝ խորհրդարանում հինգ տեղ հատկացված է կրոնական փոքրամասնությունների ներկայացուցիչներին։ Ավանդաբար այդ հինգ տեղից երկուսը զբաղեցնում են հայ համայնքի ներկայացուցիչները:  Ընտրություններին մասնակցելու իրավունք ունեցող յուրաքանչյուր թեկնածու պետք է հաստատման ընթացակարգ անցնի Նպատակահարմարության խորհրդում՝ այաթոլլա Խամենեիի հսկողության տակ գտնվող 12-տեղանոց խորհրդակցական մարմնում: Մարտի 1-ին անցկացվում է նաև նաև Իրանի ղեկավարի խորհրդատվական մարմնի՝ Փորձագետների խորհրդի ընտրությունը։ Խորհրդի 88 տեղի համար կպայքարի 144 թեկնածու։ Նպատակահարմարության խորհուրդը նրանց ընտրել է ընտրությանը մասնակցելու համար գրանցված 510 դիմորդներից։
12:28 - 01 մարտի, 2024
Իրանը պահանջում է վերացնել միջուկային զենքի համաշխարհային բոլոր պաշարները. Աբդոլլահիան |1lurer.am|

Իրանը պահանջում է վերացնել միջուկային զենքի համաշխարհային բոլոր պաշարները. Աբդոլլահիան |1lurer.am|

1lurer.am: Իրանը պահանջում է վերացնել միջուկային զենքի համաշխարհային բոլոր պաշարները, քանի որ այն մարդկության համար ամենամեծ սպառնալիքն է` հայտարարել է Իսլամական Հանրապետության արտաքին գործերի նախարար Հոսեյն Ամիր Աբդոլլահիանը՝ զինաթափման վերաբերյալ համաժողովի ժամանակ։ «Միջուկային զենքի ամբողջական վերացումը Հիրոշիմայի և Նագասակիի նման ողբերգությունների կրկնությունը կանխելու միակ գործուն և հուսալի միջոցն է»,- նշել է նախարարը: Նրա խոսքով՝ զանգվածային ոչնչացման զենքի չկիրառման միակ երաշխիքը դրա «ամբողջական, անդառնալի և ստուգելի ոչնչացումն է»: «Իրանը խորապես համոզված է, որ միջուկային զենքի չտարածման մասին պայմանագրի ամբողջականությունն ու արդյունավետությունը կախված են դրանում պարունակվող բոլոր պարտավորությունների ամբողջական կատարումից, ներառյալ՝ 6-րդ հոդվածը, որի համաձայն՝ միջուկային զենք ունեցող երկրները պարտավոր են բանակցություններ վարել արդյունավետ ապամիջուկայնացման հարցով»,- ասել է Աբդոլլահիանը:
12:37 - 27 փետրվարի, 2024
Նախապատրաստական աշխատանքներ են ընթանում. ՀՀ ԱԳՆ-ն՝ Թավրիզում հյուպատոսության բացման մասին |armeniasputnik.am|

Նախապատրաստական աշխատանքներ են ընթանում. ՀՀ ԱԳՆ-ն՝ Թավրիզում հյուպատոսության բացման մասին |armeniasputnik.am|

armeniasputnik.am: Իրանի Իսլամական Հանրապետության Թավրիզ քաղաքում Հայաստանի գլխավոր հյուպատոսության բացման ուղղությամբ նախապատրաստական աշխատանքներ են ընթանում։ Տեղեկությունը հայտնել է ՀՀ ԱԳՆ-ն՝ պատասխանելով Sputnik Արմենիայի գրավոր հարցմանը։ «Հայտնում ենք, որ ընթանում են նախապատրաստական աշխատանքներ։ Հետագա զարգացումների վերաբերյալ ՀՀ արտաքին գործերի նախարարությունը պատշաճ կերպով կիրազեկի»,- նշված է հաղորդագրության մեջ։ Ավելի վաղ Իրանի Իսլամական Հանրապետության ԱԳ նախարար Հոսեյն Ամիր Աբդոլլահիանը հայտարարել էր, որ Իրանը հույս ունի, որ Թավրիզում Հայաստանի գլխավոր հյուպատոսությունը կբացվի 2024 թվականի սկզբին։ 2023 թվականի հոկտեմբերի 21-ին ՀՀ ԱԳ նախարար Արարատ Միրզոյանը և Իրանի ԱԳ նախարար Հոսեյն Ամիր Աբդոլլահիանը ՀՀ Սյունիքի մարզկենտրոն Կապանում մասնակցել են Իրանի գլխավոր հյուպատոսության բացման արարողությանը:
10:18 - 24 փետրվարի, 2024
Մեր իրավունքն է համագործակցել Ֆրանսիայի հետ, Իրանի հետ, և դա ի գիտություն պիտի լինի բոլորին․ Սուրեն Պապիկյան

Մեր իրավունքն է համագործակցել Ֆրանսիայի հետ, Իրանի հետ, և դա ի գիտություն պիտի լինի բոլորին․ Սուրեն Պապիկյան

Երբ խոսում ենք պարտավորությունների մասին, կարծում եմ՝ այն պիտի դիտարկենք երկուստեք։ Այս մասին հայտարարեց ՀՀ պաշտպանության նախարար Սուրեն Պապիկյանը՝ պատասխանելով հարցին, թե արդյոք հայ-ֆրանսիական հարաբերությունների խորացումը հակադրության մեջ չի՞ մտնում Հայաստան-Ռուսաստան պարտավորությունների կամ ՀԱՊԿ անդամակցությամբ ստանձնած պարտավորությունների մասով։ Պապիկյանը հիշեցրեց 2022թ․ դեպքերը, երբ ՀՀ սուվերեն տարածքը ենթարկվեց ագրեսիայի, և Ադրբեջանի օկուպացիայի տակ հայտնվեցին ՀՀ տարածքներ։ Նրա խոսքով հենց այդ ժամանակ Հայաստանն առաջին անգամ հայտարարեց, որ ռազմատեխնիկական համագործակցությունը և այս ոլորտը դիվերսիֆիկացնելու խնդիր է դրել։ «Կարծում եմ՝ հարցը, որ տալիս եք, դա Հայաստանի սուվերեն իրավունքն է, և ՀՀ-ն իրավասու է որոշել ում հետ և ինչ աստիճանի համագործակցություն ունենալ։ Սա բխում է Հայաստանի ժողովրդի և պետականության շահերից։ Այս հարցում մենք շատ հստակ ենք, պարզ և անթաքույց»,- հավելեց նա։ Հարցի մյուս մասին, թե Իրանի տրամադրությունները ստուգվե՞լ են այս առումով, Պապիկյանը պատասխանելով ևս մեկ անգամ ընդգծեց, որ հայ-ֆրանսիական համագործակցությունը հանուն Հայաստանի Հաարապետության է և որևէ մեկի դեմ չէ։ «Մեր իրավունքն է համագործակցել Ֆրանսիայի հետ, Իրանի հետ, և դա ի գիտություն պիտի լինի բոլորին։ Մեր ֆրանսիացի գործընկերները բնականաբար հարգում են մեր համագործակցությունը այլ գործընկերների հետ, մեր իրանցի գործընկերները հարգում են մեր համագործակցությունը այլ գործընկերների հետ։ Կարծում եմ՝ մեր Ռուսաստանի գործընկերներն էլ նույնը պետք է անեն, և մնացած մեր բոլոր գործընկերները՝ ևս»,- ընդգծեց նախարարը։ Պապիկյանը հայտարարեց, որ Հայաստանը չունի տաբուներ՝ համագործակցելու ի շահ Հայաստանի Հանրապետության․ «Կարիք չկա, որ ինչ-որ մեկը մտահոգվի, որովհետև մտահոգվողը պիտի մենք լինենք, խոսքը վերաբերում է մեր շահին»։
12:39 - 23 փետրվարի, 2024
Սյունեցիներն այժմ իրենց ավելի հանգիստ են զգում․ Կապանում Իրանի գլխավոր հյուպատոս
 |news.am|

Սյունեցիներն այժմ իրենց ավելի հանգիստ են զգում․ Կապանում Իրանի գլխավոր հյուպատոս |news.am|

news.am: Հայաստանում Իրանի գլխավոր հյուպատոս Մորթեզա Աբեդին Վարամինը կարծում է, որ Կապանում Իրանի հյուպատոսության հիմնումից հետո սյունեցիներն անվտանգային առումով իրենց ավելի հանգիստ են զգում։ «Ես լավ հիշում եմ այն օրը, երբ Կապանում բացվեց հյուպատոսությունը։ Այն ժամանակվա համեմատ ներկայումս, կարող ենք ասել, մարդկանց զգացողությունը 180 աստիճանով փոխվել է։ Կարծում եմ՝ մարդիկ այժմ ավելի հանգիստ են, եւ դա մենք զգում ենք»,- ասաց հյուպատոսը։ Մորթեզա Աբեդին Վարամինը հյուպատոսության ավելի քան մեկ տարվա գործունեությունն արդյունավետ է գնահատում։ Նրա խոսքով առաջնահերթություն են համարում երկու երկրների քաղաքացիների միջեւ շփումներն ակտիվացնելն ու փոխայցերն ավելացնելը։ «Կապանը փոքր լեռնային քաղաք է եւ նախկինում սահմանափակ  հարաբերություններ է ունեցել սահմանից այն կողմ գտնվող Իրանի հետ։ Վերջին շրջանում, սակայն, շփումները բավական ակտիվացել են։  Այս Ամանորին առաջին անգամ Կապանից մարդիկ ավտոբուսով Իրան մեկնեցին, որտեղ ծանոթացան Ջուլֆայի տեսարժան վայրերին, այցելեցին Սուրբ Ստեփանոս վանք։ Իրանից Հայաստան եկողները կանգ չեն առնում Կապանում, այլ միանգամից գալիս են Երեւան։ Պետք է փորձենք այնպես անել, որ թե՛ իրանցիների համար մեծացնենք հետաքրքրությունը Կապանի հանդեպ, թե՛ կապանցիների համար՝ Իրանի հանդեպ»,- նշեց հյուպատոսը։   
11:25 - 17 փետրվարի, 2024
Իրանի համար անընդունելի է տարածքային որևէ փոփոխություն․ դեսպանը՝ «Զանգեզուրի միջանցքի» մասին
 |armenpress.am|

Իրանի համար անընդունելի է տարածքային որևէ փոփոխություն․ դեսպանը՝ «Զանգեզուրի միջանցքի» մասին |armenpress.am|

armenpress.am: Իրանի Իսլամական Հանրապետության վերջանական դիրքորոշումը այն է, որ պետք է հարգել տարածաշրջանային երկրների տարածքային ամբողջականությունը։ Այս մասին հայտարարեց ՀՀ-ում Իրանի Իսլամական Հանրապետության արտակարգ և լիազոր դեսպան Մեհդի Սոբհանին՝ պատասխանելով հարցին, թե արդյոք փոխվել է Իրանի դիրքորոշումը «Զանգեզուրի միջանցքի» վերաբերյալ։ «Իրանի Իսլամական Հանրապետության վերջանական դիրքորոշումը այն է, որ ոչ մի կերպ չենք կարող ընդունել տարածքային փոփոխություն։ Ցանկացած տարածքային փոփոխություն պետք է տեղի ունենան երկու երկրների փոխադարձ տարածքային ամբողջականության ճանաչման հիմքով և դա լինելու է մեր վերջանական դիրքորոշումը։ Իրանի Իսլամական Հանրապետության վերջանական դիրքորոշումը այն է, որ պետք է հարգել տարածաշրջանի երկրների տարածքային ամբողջականությունը»,- ընդգծեց դեսպանը։ Դիվանագետի խոսքով՝ Իրանի համար անընդունելի է տեսնել Հայաստանի շուրջ լարված իրավիճակ։  «Բոլոր կողմերին աջակցում ենք, որպեսզի հնարավորինս շուտ ջերմ ու խաղաղ հարաբերություններ հաստատվեն։ Մենք վստահ ենք և կարծում ենք, որ միակ ճանապարհը խաղաղ հարաբերություններ ունենալն է և բարեկամական երկխոսությունն է։ Եվ մենք բոլոր կողմերի հետ հարաբերություններ և երկխոսություն ունենք, որպեսզի կարողանանք խաղաղություն հաստատել տարածաշրջանում»,-ասաց դեսպանը։
21:59 - 16 փետրվարի, 2024
Երևանի քաղաքապետը և ԻԻՀ դեսպանն անդրադարձել են ՀՀ մայրաքաղաքում նախատեսվող որոշակի ծրագրերի

Երևանի քաղաքապետը և ԻԻՀ դեսպանն անդրադարձել են ՀՀ մայրաքաղաքում նախատեսվող որոշակի ծրագրերի

 Երևանի քաղաքապետ Տիգրան Ավինյանը հանդիպել է Հայաստանում Իրանի արտակարգ և լիազոր դեսպան Մեհդի Սոբհանիի հետ: Ինչպես տեղեկացրին Երևանի քաղաքապետարանից, անդրադառնալով երկու մայրաքաղաքների միջև հաստատված գործակցությանը՝ կողմերը փաստել են, որ առկա է լայն դաշտ՝ երկուստեք հարաբերությունների ողջ ներուժն օգտագործելու և քաղաքային ենթակառուցվածքների զարգացմանն ուղղված համատեղ ծրագրեր իրականացնելու համար:  Ըստ աղբյուրի՝ քաղաքապետ Ավինյանն առանձնակի կարևորել է բոլոր այն նոր ծրագրերի շրջանակը, որոնք նոր թափ են հաղորդում երկու երկրների ու քաղաքների հարաբերություններին:  Շնորհակալություն հայտնելով գործակցությունն ընդլայնելու պատրաստակամության համար՝ դեսպան Մեհդի Սոբհանին իր հերթին նշել է, որ իրանական բազմաթիվ ընկերություններ կան, որոնք հետաքրքրված են Երևանում ներդրումներ իրականացնելու հարցով:  Նշվում է, որ անդրադարձ է կատարվել Երևանում մետրոյի նոր կայարանի կառուցմանը, ավտոբուսային հավաքակայանը էլեկտրական ավտոբուսներով համալրելու ծրագրին, այգիների ու խաղահրապարակների կառուցման նախագծերին:    Կողմերը կարևորել են նաև իրանցի զբոսաշրջիկների հետաքրքրությունը Երևանի նկատմամբ: 2023թ. Երևան է այցելել շուրջ 120 000 զբոսաշրջիկ: 
18:47 - 16 փետրվարի, 2024
Իրանը սահմանը փակում է միայն Աֆղանստանի հետ |civilnet.am|

Իրանը սահմանը փակում է միայն Աֆղանստանի հետ |civilnet.am|

civilnet.am: Փետրվարի 16-ին շրջանառվեց տեղեկություն, թե Իրանը, անվտանգության նկատառումներից ելնելով, պատրաստվում է փակել ցամաքային սահմանները իր հարևան երկրների հետ։ #CivilNetCheck-ն ուսումնասիրել է իրանական լրատվամիջոցները և պարզել, որ խոսքը Հայաստանի հետ սահմանին չի վերաբերում։ Իրանի պետական IRNA գործակալության փոխանցմամբ՝ Իրանի ԶՈՒ ցամաքային զորքերի հրամանատար Քիումարս Հեյդարին երկրի ցամաքային սահմանները փակելու մասին հայտարարել է փետրվարի 16-ին Իրան-Աֆղանստան սահման կատարած այցի ընթացքում։ Հեյդարին հայտարարել է, որ Աֆղանստանի հետ սահմանային գոտու փակումը համարում է «երկրի կարևորագույն ազգային ծրագրերից մեկը», և որ 74 կիլոմետր երկարությամբ երկրի հյուսիսարևելյան սահմանների արգելափակակումը կիրականցվի ինժեներական զորքերի կողմից։ Ցամաքային զորքերի հրամանատարը նշել է, որ Իրանին սահմանակից բոլոր երկրները հարգում են իրենց բարիդրացիական հարաբերությունները, և որ Իրանը երբեք մտադրություն չի ունեցել որևէ երկրից տարածքներ զավթել։ «Կայուն խաղաղության ապահովումը խնդիր է, որն ընկած է զինված ուժերի ուսերին և այդ կայուն խաղաղությունը երբեմն իրականացվում է դրոններով և տեսանկարահանող սարքերով, իսկ երբեմն էլ՝ ֆիզիկական ներկայությամբ սահմաններն արգելափակելով»,- հայտարարել է Հեյդարին և հավելել, որ ուրիշները Իրանին չեն կարող թելադրել, թե ինչ պետք է անեն իրենց սահմաններին։
17:28 - 16 փետրվարի, 2024
Լենա Նանուշյանը և Իրանի սննդամթերքի և դեղերի վարչության պետը քննարկել են առողջապահության ոլորտում համագործակցության ընդլայնմանն առնչվող հարցեր

Լենա Նանուշյանը և Իրանի սննդամթերքի և դեղերի վարչության պետը քննարկել են առողջապահության ոլորտում համագործակցության ընդլայնմանն առնչվող հարցեր

Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի 18-րդ նիստի շրջանակներում առողջապահության նախարարի առաջին տեղակալ Լենա Նանուշյանը հանդիպել է Իրանի սննդամթերքի և դեղերի վարչության պետ Հայդեր Մոհամմադիի հետ: Այդ մասին հայտնում են ՀՀ առողջապահության նախարարությունից: Նրանք քննարկել են առողջապահության ոլորտում համագործակցության ընդլայնմանն առնչվող հարցեր: Մասնավորապես, Լենա Նանուշյանն անդրադարձել է դեղերի շրջանառության, բժշկական տուրիզմի զարգացման ուղղությամբ համագործակցությանը և համատեղ գործողությունների ծրագրի ընթացքին: Նանուշյանն ընդգծել է, որ Հայաստանը պատրաստ է ավելի մանրամասն ներկայացնելու դեղերի գրանցման գործընթացը, ինչը կնպաստի դեղագործական արտադրանքի և բժշկական սարքավորումների արտահանմանը Եվրասիական տարածաշրջան, ինչպես նաև` Հայաստանում դեղագործության և բժշկական սարքավորումների մասնագիտացված ցուցահանդեսների անցկացմանը: Նշվել է, որ համատեղ աշխատանքային խմբի ձևավորման միջոցով կապահովվի գործողությունների ծրագրի իրականացման համար անհրաժեշտ հարթակները:
16:02 - 16 փետրվարի, 2024
Մհեր Գրիգորյանը Էբրահիմ Ռայիսիի հետ հանդիպմանը բարձր է գնահատել Իրանի հստակ դիրքորոշումը Հայաստանի տարածքային ամբողջականության մասին

Մհեր Գրիգորյանը Էբրահիմ Ռայիսիի հետ հանդիպմանը բարձր է գնահատել Իրանի հստակ դիրքորոշումը Հայաստանի տարածքային ամբողջականության մասին

Աշխատանքային այցով Թեհրանում գտնվող փոխվարչապետ Մհեր Գրիգորյանը հանդիպում է ունեցել Իրանի Իսլամական Հանրապետության նախագահ Էբրահիմ Ռայիսիի հետ: Հանդիպման ընթացքում Մհեր Գրիգորյանը բարձր է գնահատել Իրանի Իսլամական Հանրապետության բարձրագույն ղեկավարության հստակ դիրքորոշումը Հայաստանի Հանրապետության տարածքային ամբողջականության և ինքնիշխանության անձեռնմխելիության վերաբերյալ: Քննարկվել են նաև Հայաստանի և Իրանի միջև տնտեսական համագործակցությանը վերաբերող հարցեր: Այցի շրջանակներում փետրվարի 14-15-ը ՀՀ փոխվարչապետ Մհեր Գրիգորյանի և ԻԻՀ նախագահի տեղակալ, Ծրագրավորման և բյուջետային կազմակերպության ղեկավար Դավուդ Մանզուրի համանախագահությամբ Թեհրանում կայացել է Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի 18-րդ նիստը: Նիստի ավարտին ստորագրվել է փոխըմբռնման հուշագիր, որում արձանագրվել են Հայաստանի և Իրանի միջև համագործակցության փոխադարձ հետաքրքրություն ներկայացնող բոլոր ուղղություններում հարաբերությունների զարգացմանը միտված պայմանավորվածություններ: Նիստին նախորդել է ԻԻՀ նախագահի տեղակալի հետ երկկողմ հանդիպում, որի ընթացքում երկուստեք ընդգծվել է Հայաստանի և Իրանի միջև քաղաքական հարաբերությունների բարձր մակարդակը և առևտրատնտեսական հարաբերությունների զարգացման համար առկա մեծ ներուժը: Ընդգծվել է նախորդ՝ 2023 թվականին «Գազ-էլեկտրաէներգիայի դիմաց» ծրագրի երկարաձգման վերաբերյալ պայմանագրի ստորագրումը և Ագարակ-Քաջարան 32 կմ ճանապարհահատվածի շինարարության աշխատանքներում իրանական ընկերությունների ներգրավվածությունը: Փոխվարչապետ Գրիգորյանը հույս է հայտնել, որ ընթացիկ տարում ավարտին կհասցվեն Իրան-Հայաստան բարձրավոլտ էլեկտրահաղորդման երրորդ գծի շինարարական աշխատանքները:
19:14 - 15 փետրվարի, 2024
Իրանը պատրաստակամություն է հայտնել Հայաստան դեղամիջոցներ արտահանել
 |armenpress.am|

Իրանը պատրաստակամություն է հայտնել Հայաստան դեղամիջոցներ արտահանել |armenpress.am|

armenpress.am:  Իսլամական Հանրապետությունը Իրան-Հայաստան համատեղ տնտեսական հանձնաժողովի 18-րդ նիստում պատրաստակամություն է հայտնել Հայաստան արտահանել իրանական արտադրության դեղագործական արտադրանք։ Այս մասին հայտնում է IRNA-ն: Փետրվարի 14-ին կայացած Իրան-Հայաստան համատեղ տնտեսական հանձնաժողովի 18-րդ նիստի ընթացքում մտքեր են փոխանակվել տնտեսական համագործակցության հետագա ընդլայնման ուղղությամբ։ Իրանի Պարենի և դեղերի վարչության ղեկավար Հեյդար Մոհամադին հայտարարել է, որ երկիրը պատրաստ է Հայաստան արտահանել հայրենական արտադրության դեղամիջոցներ։ Նշվում է, որ Հայաստանի առողջապահության փոխնախարար Լենա Նանուշյանն ասել է, որ Իրանը զգալի առաջընթաց է գրանցել դեղերի և բժշկական սարքավորումների արտադրության ոլորտում։ Հայաստանը ողջունում է Իրանի հետ համագործակցությունը առողջապահական զբոսաշրջության և այլ բնագավառներում:
19:11 - 15 փետրվարի, 2024
Համաձայն չենք Հրվ. Կովկասում խնդիրները լուծելու պատրվակով օտարների ներկայությանը, ինչն ավելի մեծ խնդիր կդառնա տարածաշրջանի համար. Ռաիսին՝ Մհեր Գրիգորյանին
 |tert.am|

Համաձայն չենք Հրվ. Կովկասում խնդիրները լուծելու պատրվակով օտարների ներկայությանը, ինչն ավելի մեծ խնդիր կդառնա տարածաշրջանի համար. Ռաիսին՝ Մհեր Գրիգորյանին |tert.am|

tert.am: Հայաստանի փոխվարչապետ, ՀՀ-Իրան  տնտեսական համագործակցության համատեղ հանձնաժողովի նախագահ Մհեր Գրիգորյանը Թեհրանում հանդիպել է Իրանի նախագահ Էբրահիմ Ռաիսիի հետ, հայտնում է president.ir կայքը: «Մենք աջակցում ենք Թեհրանի և Երևանի միջև ձեռք բերված պայմանավորվածությունների լիարժեք իրականացմանը», - ասել է Ռաիսին։ Ռաիսին Գրիգորյանի և նրան ուղեկցող պատվիրակության հետ հանդիպման ժամանակ ընդգծել է, որ Թեհրանի և Երևանի միջև հարաբերությունները պատմական են, բարեկամական և կառուցողական: Անդրադառնալով Հարավային Կովկասի խնդիրներին՝ նա նշել է Իսլամական Հանրապետության ջանքերը կայունության և անվտանգության պահպանման ուղղությամբ։ Իրանի նախագահն այնուհետև ողջունել և իր աջակցությունն է հայտնել Հայաստանի և Ադրբեջանի միջև խաղաղության բանակցություններին՝ ընդգծելով Իրանի Իսլամական Հանրապետության կամքն ու պատրաստակամությունը՝ երաշխավորելու կովկասյան տարածաշրջանի ռազմավարական անվտանգությունը և այդ հարցում Թեհրանի կարմիր գծերը։ «Մենք համաձայն չենք խնդիրներ լուծելու պատրվակով օտարների ներկայությանը տարածաշրջանում, և կարծում ենք, որ նրանց ներկայությունը ոչ միայն չի լուծի խնդիրը, այլ ավելի մեծ խնդիր կդառնա տարածաշրջանի ազգերի և կառավարությունների համար», - ասել է Իրանի նախագահը։ Հայաստանի փոխվարչապետն իր հերթին ասել է, որ ՀՀ կառավարության և ժողովրդի համար արժեքավոր և կարևոր է Հայաստանի անկախությանը, ինքնիշխանությանը և տարածքային ամբողջականությանն Իրանի Իսլամական Հանրապետության աջակցությունը։ Նա ընդգծել է Հայաստանի կառավարության շահագրգռվածությունն ու կամքը՝ զարգացնելու տնտեսական և առևտրային հարաբերությունները Իրանի Իսլամական Հանրապետության հետ, հատկապես էներգետիկայի և տարանցման ոլորտներում։
16:40 - 15 փետրվարի, 2024