Դավիթ Խաժակյան

Դավիթ Խաժակյանը Երևանի ավագանու «Լույս» խմբակցության անդամ, «Լուսավոր Հայաստան» կուսակցության կառավարման խորհրդի անդամ։

Ծնվել է 1994թ. ապրիլի 9-ին Երևանում: 2010թ. ավարտել է Հայաստանի պետական ճարտարագիտական համալսարանի հենակետային վարժարանը: 2010-2012թթ. սովորել է ՀՊՃՀ ռադիոտեխնիկայի և կապի համակարգերի ֆակուլտետում:

2012-2014թթ. սովորել է «Միկրոէլեկտրոնային սխեմաներ և համակարգեր» միջֆակուլտետային ամբիոնում: 2014թ. ստացել է բակալավրի աստիճանի գերազանցության դիպլոմ՝ «Ինֆորմատիկա և հաշվողական տեխնիկա» մասնագիտությամբ: 2016թ․ ավարտել է ՀՊԱՀ՝ ստանալով կենսագործունեության անվտանգության մագիստրոսի աստիճան։ 2016թ.-ից ՀՊԱՀ ասպիրանտ է։

2013 թվականից աշխատում է «Սինոփսիս Արմենիա» ընկերությունում որպես Որակի ապահովման մասնագետ։ 2014թ. hոկտեմբերի 28-ին ՏՏ ոլորտում ամենամյա մրցանակաբաշխության ժամանակ նախագահ Ս․ Սարգսյանի կողմից պարգևատրվել է «լավագույն բակալավր» անվանակարգում: 017թ. մայիսի 14-ին «ԵԼՔ» կուսակցությունների դաշինքի համամասնական ցուցակով ընտրվել է Երևանի ավագանու անդամ: 2018թ. սեպտեմբերի 23-ին «ԼՈՒՅՍ» դաշինքի համամասնական ցուցակով վերընտրվել է:

Պարգեւավճարների վերաբերյալ փաստաթղթեր չեն թաքցվել. Հակոբ Կարապետյանն արձագանքել է Դավիթ Խաժակյանի գրառմանը

Պարգեւավճարների վերաբերյալ փաստաթղթեր չեն թաքցվել. Հակոբ Կարապետյանն արձագանքել է Դավիթ Խաժակյանի գրառմանը

Պարգեւավճարների վերաբերյալ փաստաթղթեր չեն թաքցվել։ Այս մասին ֆեյսբուքյան իր էջում գրել է Երեւանի քաղաքապետի մամուլի խոսնակ Հակոբ Կարապետյանը՝ անդրադառնալով Երեւանի ավագանու «Լույս» խմբակցության ղեկավար Դավիթ Խաժակյանի այն հայտարարությանը, թե պաշտոնական կայքում չի հրապարակվել քաղաքապետ Հայկ Մարությանի կարգադրությունը, որով հունիսին 6,7 մլն դրամի պարգեւատրում է տրվել։ Նա, մասնավորապես, նշել է. «Պարգեւավճարների վերաբերյալ փաստաթղթեր չեն թաքցվել Ավագանու անդամ Դավիթ Խաժակյանը իր կարճատեւ, բայց հագեցած քաղաքական կարիերայի ընթացքում առնվազն մի բան լավ է յուրացրել՝ պարզ փաստերը ներկայացնել այնպես, որ հանրության որոշակի հատվածի մոտ «սենսացիոն բացահայտման» տպավորություն ստեղծվի: Առնվազն վերջին մեկ-մեկուկես տարվա պրակտիկայից լիքը օրինակներ կարելի է բերել (հիշենք թեկուզ՝ «կամազգեյթ»-ի մեգապղպջակն ու «փո՛ղ են տվել, ժողովուրդ ջան, ոչ թե Կամազ»՝ այդպես էլ օդում կախված դատարկ պնդումը): Այսօր էլ պարոն Խաժակյանը նման մի գրառում է արել «Թաքցվել են պարգեւավճարների վերաբերյալ փաստաթղթերը» հնչեղ վերնագրի ներքո: Հիշեցնելով նախորդ տարվա փետրվարի իմ մի գրառումը, որով հայտնում էի 2017 թվականին տրված 287(!) միլիոն դրամի պարգեւավճարները թաքցնելու մասին, Խաժակյանը «բացահայտում է», որ հուլիսին Yerevan.am պաշտոնական կայքում չի հրապարակվել պարգեւավճարներին վերաբերող 1(մեկ) կարգադրություն։ Մինչդեռ, ընդամենը օրեր առաջ իմ գործընկեր Հովսեփ Կուբատյանը հունիս ամսի կարգադրությունների մի խմբի չհրապարակվելու պատճառների մասին արդեն պարզաբանում տվել է հենց Դավիթ Խաժակյանին, այն է՝ քանի որ արձանագրային բաժնի աշխատակիցների զգալի մասը կորոնավիրուսի վարակի պատճառով բացակայում է, փաստաթղթերի մի ամբողջ տրցակ որոշակի ուշացմամբ է տեղադրվում կայքում (ոչ թե միայն մեկը կամ երկուսը, ինչպես փորձում է ներկայացնել Խաժակյանը): Ուստի, հաշվի առնելով այս հանգամանքը եւ առավելեւս այն, որ պարգեւավճարներին վերաբերող քաղաքապետի ԲՈԼՈՐ կարգադրությունները վերջին մեկուկես տարվա ընթացքում անխտիր հրապարակվել են, «թաքցնելու» մասին պնդումը անհիմն է»։
17:22 - 07 հուլիսի, 2020
Երևանի բյուջեի կատարողականը թերակատարվել է 30, առանձին դեպքերում՝ 90 տոկոսով, ուզում եմ հասկանալ՝ ո՞վ է սրա համար պատասխանատու. Դավիթ Խաժակյան |tert.am|

Երևանի բյուջեի կատարողականը թերակատարվել է 30, առանձին դեպքերում՝ 90 տոկոսով, ուզում եմ հասկանալ՝ ո՞վ է սրա համար պատասխանատու. Դավիթ Խաժակյան |tert.am|

tert.am:  Երևանի ավագանին քննարկում է 2019 թվականի ծրագրի իրականացման հաշվետվությունը: Հիմնական զեկույցով հանդես եկավ փոխքաղաքապետ Հայկ Սարգսյանը: Երևանի ավագանու «Լույս» դաշինքի անդամ Դավիթ Խաժակյանը փոխքաղաքապետին ասաց, որ ավագանու նախորդ նիստին հայտարարվել է, թե շուրջ 100 նոր ավտոբուս պետք է ձեռք բերվի փետրվարի վերջին, ժամանակն անցել է, սակայն գնումը հայտարարված չէ, և դրա կապակցությամբ քաղաքապետարանը որևէ տեսակետ չի ներկայացրել, պարզաբանում չի տվել, և հետաքրքրվեց՝ ինչո՞ւ չի կատարվել մինչև փետրվարի վերջ 100 ավտոբուս ձեռք բերելու խոստումը:Հարցին արձագանքեց քաղաքապետ Հայկ Մարությանը և նշեց, որ խոսքը ոչ թե արդեն գնելու մասին է եղել, այլ մրցույթ հայտարարելու:Փոխքաղաքապետ Հրաչյա Սարգսյանն ասաց, որ տեխնիկական որոշ պատճառներից ելնելով է, որ մրցույթը չի հրապարակվել: «Երեկ արդեն խոսակցություն ենք ունեցել մեր գործընկեր-մասնագետների հետ, ովքեր հիմա նայում են տեխնիկական բնութագիրը և արդեն հաջորդ շաբաթվա վերջում մրցույթը կհայտարարենք: Հնարավորություն չեղավ տեխնիկական էքսպերտներին հյուրընկալել Երևանում, իրականացրինք մեյլերի միջոցով»,- ասաց նա:Քաղաքապետն էլ պարզաբանեց, որ այս համաճարակով պայմանավորված է եղել, որ չեն կարողացել հյուրընկալել էքսպերտներին:Հարակից զեկույցով էլ հանդես եկավ Ֆինանսավարկային, տնտեսական հարցերի մշտական հանձնաժողովի նախագահ Լևոն Հովհաննիսյանը, որը նշեց՝ հանձնաժողովը դրական եզրակացություն է տվել: Դավիթ Խաժակյանն էլ վերջինից հետաքրքրվեց, թե որպես Ֆինասատնտեսական հանձնաժողովի նախագահ ինչ կարծիք ունի այն հարցի վերաբերյալ, որ բյուջեի կատարողականի այս տարվա թերակատարումը գերազանցել է երբևէ Երևանում եղած թերկատարումներին: Ավագանու անդամը նշեց, որ թերակատարումը կազմել է շուրջ 30 տոկոս, իսկ առանձին կարևորագույն ծախսային հոդվածներով կա 90 տոկոսի թերաատարում. «Այսինքն՝ կատարվել է նախատեսված աշխատանքների 10 տոկոսը»,- ասաց նա:Լևոն Հովհաննիսյանը նշեց, որ շատ լավ ցուցանիշներ են գրանցվել սեփական եկամուտների հավաքագրման մասով, բազմաթիվ հոդվածներ կան, որոնք գերակատարված են: «Թերակատարման մասով իհարկե չի գոհացնում ցուցանիշը, հույս ունեմ՝ այս տարի ավելի լավ կատարողական կունենանք ծախսային մասով, որովհետև եկամունտրեի մասով շատ լավ պատկեր է»,- ասաց նա:Ելույթով հանդես եկավ դավիթ Խաժակյանը և նշեց, որ իրենք լավին լավ են ասում, վատին՝ վատ: «Լավին ասելով լավ, ասում ենք, որ այս տարի եկամուտների մասն իրոք կատարվել է: , Եկամտային մասը կատարվել է, և սա լավ է, կամ սա նորմալ է, նորմալ բաներին հիմնականում չենք անդրադառնում և կենտրոնանում ենք անելիքների վրա»,- ասաց նա:Խաժակյանն ըդնգծեց, որ 2019-ի բյուջեն, որը ծրագրավորվել է ամբողջությամբ այս ավագանու կողմից և իրականացվել է ամբողջությամբ այս քաղաքային իշխանությունների կողմից և իր բացասական ցուցանիշով ծախսային մասով գերազանցել է 2018-ին, երբ մենք ամիսներ շարունակ ունեինք անցումային, նախընտրական շրջան:«Նախադպրոցական հաստատություների՝ մանկապարտեզների հիմնանորոգման և վերանարոգման համար Երևանի ավագանին նախատեսել էր 1 մլրդ 397 մլն դրամ, ես ուզում եմ հասկանալ, թե մենք ի՞նչ սրտով ենք այս կատարողականին կողմ քվեարկելու, եթե կատարվել է նախատեսված գումարից ընդամենը 125 մլն դրամը, որը կազմում է տասը տոկոսը՝ տարեկան ճշտվածի և 8.97 տոկոսը՝ հաստատվածի: Այսինքն՝ մենք ունենք 90 և ավել տոկոս թերակատարում, ինչը նշանակում է, որ մեր հարկատուները վճարել են, որ 2019-ի համար մանկապարտեզներ վերանորոգենք, և մենք այդ գումարից ծախսել ենք ընդամնեը 10 տկոսը, աշխատանքը մնացել է: Մանկապարտեզների գույքի համալրման աշխատանքի կեսից ավելին չի կատարվել, պետք է ծախսվեր 150 մլն դրամ, ձեռք բերվեր գույք, սակայն դրա կեսն է ձեռք բերվել»,- ասաց նա։Ավելին՝ tert.am-ում
13:19 - 19 մարտի, 2020
ՀՔԾ-ն մերժել է Դավիթ Խաժակյանի հաղորդման հիման վրա քրեական գործի հարուցումը |news.am|

ՀՔԾ-ն մերժել է Դավիթ Խաժակյանի հաղորդման հիման վրա քրեական գործի հարուցումը |news.am|

news.am։ Հատուկ քննչական ծառայությունը մերժել է քրեական գործի հարուցումը Երևանի ավագանու «Լույս» խմբակցության ղեկավար Դավիթ Խաժակյանի հաղորդման հիման վրա հանցակազմի բացակայության հիմքով։ Դավիթ Խաժակյանն ասաց՝ հակված են բողոքարկելու, հիմա քննարկումների փուլում են։ «Տպավորությունն այնպիսին է, որ ՀՔԾ-ն ամեն ինչ անում է, որ խուսափի հանցակազմ գտնելուց, բայց այնքան չի ստացվել, որ կան աբսուրդային ձևակերպումներ, որոնք առաջիկայում կվերհանվեն ավելի մանրամասն»,-ասաց Խաժակյանը։ Նրա խոսքով՝ անձանց շրջանակը, որոնք կանչվել են բացատրություն տալու, արդեն իսկ մատնանշում էր, թե ինչ ուղղությամբ է գործը տարվում․ «Ըստ էության կանչել են այն մարդկանց, որոնք այդ ամենը իրականացնողներն են եղել և պետք է ամեն ինչ անեին, որ քողարկեին դա, իսկ այն անձինք, ում ես մատնանշել եմ, որ կարող են լրացուցիչ և կարևոր տեղեկություն հաղորդել, նրանք չեն հրավիրվել»։ Հարցին՝ երբ ինքը հայտարարում է, որ փաստերը շատ հիմնավոր են և գործ չհարուցելու մեկ պատճառ կա՝ քաղաքական որոշումը, հիմա արդյոք սա քաղաքական որոշո՞ւմ էր, նա ասաց․ «Ես այդ մասով հայտարարությամբ հանդես կգամ, բայց այն ձևակերպումները, որ ես տվել եմ, այս որոշմամբ հիմնավորվեցին»։ Անցած տարվա դեկտեմբերի 28-ին Խաժակյանը հաղորդում էր ներկայացրել դատախազություն՝ քաղաքապետի լիազորություններն անցնելու ու պաշտոնեական կեղծիքի վերաբերյալ: Նրա խոսքով՝ քաղաքապետ Հայկ Մարությանն արձակուրդ մեկնելիս լիազորությունները փոխանցել էր փոխքաղաքապետ Հայկ Սարգսյանին, սակայն քաղաքապետի ժամանակավոր պաշտոնակատար կարող է լինել միայն քաղաքապետի առաջին տեղակալը՝ Հրաչյա Սարգսյանը: Դավիթ Խաժակյանը ՀՔԾ-ի դիմաց հայտարարեց, որ պաշտոնյան գերազանցել է իր լիազորությունները, և նրա ստորագրած շուրջ 70 իրավական ակտը առոչինչ են։
09:45 - 14 հունվարի, 2020
Հաստիքացուցակի փոփոխման արդյունքում Երևանի քաղաքապետի աշխատավարձը 570 հազար դրամից դառնում է 1 մլն 200 հազար դրամ. Խաժակյան |aysor.am|

Հաստիքացուցակի փոփոխման արդյունքում Երևանի քաղաքապետի աշխատավարձը 570 հազար դրամից դառնում է 1 մլն 200 հազար դրամ. Խաժակյան |aysor.am|

aysor.am: Երևանի ավագանու «Լույս» խմբակցության ղեկավար Դավիթ Խաժակյանն այսօր Facebook-յան ուղիղ եթերում անդրադարձավ Երևանի քաղաքապետարանի հաստիքացուցակներին։ «Երբ քաղաքապետարանից ասում էին, որ օպտիմալացման արդյունքում կարող է հաստիքացուցակն ավելանալ, մտածում էի, որ բառախաղ կա։ Մեծ քանակությամբ հաստիքներ կան, որոնք պարզապես անարդյունավետ են քաղաքում ունենալը։ Հիմա փոփոխություն է տեղի ունեցել և այդ հաստիքացուցակների թիվն էլ ավելի է մեծացվել», - ասաց Դ. Խաժակյանը։ Վերջինս անդրադարձավ նաև Երևանի քաղաքապետարանում աշխատավարձերի բարձրացման թեմային։ «Երբ վերլուծում եմ, թե ինչ համամասնությամբ են քաղաքապետարանի աշխատակիցների աշխատավարձերը բարձրացրել, արձանագրում եմ հետևյալը. միջին և ստորին օղակները, որոնք մասնագիտական որոշակի ունակություններ են պահանջում, համայնքային ծառայողի ստաժ են պահանջում, աշխատավարձերը բարձրացել է միջինը 25-30 տոկոսով։ Բայց քաղաքապետի, տեղակալների, թաղապետերի, թաղապետերի տեղակալների, թաղապետարանների աշխատակազմի քարտուղարների աշխատավարձը կրկնպատկվել է, 100 տոկոսով աճել է», - ասաց «Լույս» խմբակցության ղեկավարը։ Նա նշեց, թե դրանով մեծ բևեռացում է տեղի ունենում աշխատակազմերի միջև և դա անթույլատրելի է։ Խաժակյանը նաև հարց բարձրացրեց, թե քաղաքապետին ինչու է պետք 7 խորհրդական, 4 օգնական։ «Ես այս թվերը համեմատում եմ վարչապետի աշխատակազմի հետ։ Եթե մի ժամանակ Տարոն Մարգարյանին էինք ասում, որ այդքան օգնական ունես, այդքան խորհրդական ունես, օպտիմալացման տեղ կա... Ի դեպ, ամեն խորհրդականի հասնում է մեկ գործավար, մեկ վարորդ, մեկ մեքենա, բնականաբար, այս ամենը մի մեծ թիվ է կազմում քաղաքի համար», - նկատեց Խաժակյանը։ Նա նաև նշեց, որ հաստիքացուցակի փոփոխման արդյունքում Երևանի քաղաքապետի աշխատավարձը 570 հազար դրամից դառնում է 1 մլն 200 հազար դրամ։
10:13 - 06 մայիսի, 2019