Ջո Բայդեն

ԱՄՆ 46-րդ նախագահը՝ Դեմոկրատական կուսակցությունից։

Ծնվել է 1942 թվականի նոյեմբերի 20-ին, ԱՄՆ-ի Փենսիլվանիա նահանգում։ Ամերիկացի քաղաքական գործիչ է, 2009 թվականի հունվարի 20-ին դարձել է Միացյալ նահանգների փոխնախագահը։ Մինչ փոխնախագահ դառնալը՝ նա սենատոր է եղել Դելավեր նահանգից՝ 1973-2009 թվականներին։ Նա ԱՄՆ դեմոկրատական կուսակցությունից առաջադրվել է 2020 թվականի նախագահական ընտրություններում՝ ընդդեմ գործող նախագահ Դոնալդ Թրամփի եւ նոյեմբերի 7-ին` վերջնական արդյունքներով ընտրվել է ԱՄՆ-ի նախագահ։

Սովորել է Դելավերի համալսարանում՝ ստանալով իրավաբանի մասնագիտություն։ 1970 թվականին ընտրվել է Նյու Քասլի շրջանի խորհրդում եւ դարձել վեցերորդ ամենաերիտասարդ սենատորը ԱՄՆ-ի պատմության մեջ, երբ 1972 թվականի ԱՄՆ-ի սենատորների ընտրություններում հաղթեց Դելավերում։ Բայդենը երկար ժամանակ Սենատի արտաքին հարաբերությունների հանձնաժողովի անդամ է եղել, նաեւ հանձնաժողովի նախագահ։ Նա դեմ էր 1991 թվականի Իրաք-քուվեյթյան պատերազմին, սակայն կողմ էր ՆԱՏՕ-ի ընդարձակմանը՝ դեպի Արեւելյան Եվրոպա եւ նրա ներքաշմանը 1990-ականների Հարավսլավիայի պատերազմներին։ Նա կողմ էր 2002 թվականի Իրաքի պատերազմի բանաձեւին, բայց դեմ էր 2007 թվականին Իրաքի պատերազմում ԱՄՆ զորքերի ավելացմանը։ Բայդենը ղեկավարել է Սենատի դատական հանձնաժողովը՝ 1987 թվականից մինչեւ 1995 թվականը, զբաղվել թմրանյութերի քաղաքականությամբ, հանցագործությունների կանխարգելմամբ եւ քաղաքացիական ազատությունների խնդիրներով։

Բայդենը վերընտրվել է Սենատում վեց անգամ եւ հրաժարվել Սենատորի պաշտոնից 2008 թվականի նախագահական ընտրություններին մասնակցելու համար՝ որպես Բարաք Օբամայի փոխնախագահ։ Օբաման եւ Բայդենը վերընտրվել են 2012 թվականին։

Ստոլտենբերգն անհնար է համարել ԱՄՆ դուրս գալուց հետո Աֆղանստանում ՆԱՏՕ-ի զորքեր պահելը |armenpress.am|

armenpress.am: ՆԱՏՕ-ում Միացյալ Նահանգների դաշնակիցները չէին կարողանա շարունակել ռազմական գործողություններն Աֆղանստանում այնտեղից ամերիկյան ուժերի դուրսբերումից հետո: Այս մասին հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը The New York Times-ին տված հարցազրույցում: Նրա խոսքով՝ ԱՄՆ նախագահ Ջո Բայդենն ապրիլին ՆԱՏՕ-ի գործընկերների հետ խորհրդակցություններ էր անցկացրել Աֆղանստանից զորքերը դուրս բերելու վերաբերյալ, և «բոլոր դաշնակիցները համաձայնվել էին» նրա որոշման հետ: «Առանց ԱՄՆ-ի մյուս դաշնակիցներին դժվար կլիներ շարունակելու ռազմական գործ գործողությունները: Դա իրատեսական տարբերակ չէր»,- անկեղծացել է Ստոլտենբերգը: Նա նշել է, որ բոլորը գիտակցում էին, որ դա ծանր ու բարդ որոշում է եղել և ՆԱՏՕ-ի բոլոր երկրները գիտակցում էին Քաբուլում կառավարության նակման և թալիբների՝ իշխանության վերադառնալու անխուսափելիությունը:

11:51 - 11 սեպտեմբերի, 2021

Բայդենը հանձնարարել է գաղտնազերծել սեպտեմբերի 11-ի ահաբեկչական գործողությունների վերաբերյալ փաստաթղթերը |hetq.am|

hetq.am: ԱՄՆ նախագահ Ջո Բայդենը հրաման է ստորագրել 2001 թվականի սեպտեմբերի 11-ի ահաբեկչական գործողություններին առչվող կառավարական փաստաթղթերի վերանայման, գաղտնազերծման և հրապարակման վերաբերյալ։ Այդ հրամանով ԱՄՆ գլխավոր դատախազ Մերիք Գարլանդը պարտավորվում է առաջիկա վեց ամիսների ընթացքում հրապարակել համապատասխան փաստաթղթերը։ «Ահաբեկչությունների վերաբերյալ տեղեկատվությունը չպետք է գաղտնի մնա, եթե դրա նկատմամբ հանրային հետաքրքրությունը գերազանցում է Միացյալ Նահանգների ազգային անվտանգության համար հնարավոր վնասը»,- նշվում է փաստաթղթում։ Այսպիսով, ԱՄՆ 46-րդ նախագահն իրագործում է իր նախընտրական քարոզարշավի հերթական խոստումը։ Բայդենն այն ժամանակ հայտարարել էր, որ իր ընտրվելու պարագայում կհանձնարարի գլխավոր դատախազին «անձամբ ուսումնասիրել բոլոր գործերի հանգամանքները», որտեղ կառավարությունը հղում էր անում պետական գաղտնիքի պահպանմանը և հանդես կգա «երկու տասնամյակ առաջ տեղի ունեցածի հետ կապված տեղեկատվության բացահայտման օգտին»։ Շարունակությունը՝ hetq.am-ում։

19:22 - 04 սեպտեմբերի, 2021

Բայդենին զեկուցել են Քաբուլի օդանավակայանին մոտակայքում տեղի ունեցած հարձակման և օդակայանի աշխատանքի մասին |tert.am|

tert.am: ԱՄՆ վարչակազմի աշխատակիցները զեկուցել են երկրի նախագահ Ջո Բայդենին Քաբուլի օդանավակայանի մոտակայքում հասցված ավիահարվածի մասին: ՏԱՍՍ գործակալության փոխանցմամբ՝ այս մասին հայտնել է Սպիտակ տան խոսնակ Ջեն Փսակին:«Նախագահին տեղեկացրել են, որ Համիդ Քարզայի անվան օդանավակայանում աշխատանքը շարունակվում է առանց խափանումների: Նա հաստատել է հրամանը, որի համաձայն հրամանատարները պետք է բազմապատկեն ջանքերն առաջանահերթ առաջադրանքների կատարման համար և անեն ամեն անհրաժեշտ բան մեր քաղաքացիներին երկրում պաշտպանելու համար»,- ասվում է Փսակիի հաղորդագրության մեջ:Ինչպես ավելի վաղ հայտնի է դարձել, որ ամերիկյան ՀՕՊ համակարգերն առնվազն 5 հրթիռային հարված է որսացել երկուշաբթի առավոտյան Քաբուլի օդանավակայանի մոտակայքում:

10:47 - 30 օգոստոսի, 2021

Բայդենը հրաման է տվել Քաբուլի պայթյուններից հետո հարվածներ պատրաստել ԻՊ-ին |armenpress.am|

armenpress.am: ԱՄՆ-ի նախագահ Ջո Բայդենը հրաման Է տվել հարվածներ պատրաստել «Վիլայաթ Խորասան» ահաբեկչական խմբավորման պարագլուխներին եւ օբյեկտներին, որը «Իսլամական պետության» բջիջն Է եւ մեղադրվում Է Քաբուլի օդանավակայանի մերձակայքում պայթյուններ կազմակերպելու մեջ: «Մենք հրաման ենք տվել մեր հրամանատարությանը՝ հարվածների օպերատիվ պլաններ մշակել, որոնք կհասցվեն ԻՊ-Խ-ի ակտիվներին, ղեկավարությանն ու օբյեկտներին: Մենք ուժեղ եւ ճիշտ կպատասխանենք այն ժամանակ եւ այն վայրում, որոնք ինքներս կընտրենք»,-ասել Է Բայդենը: Նա ընդգծել Է, որ գրոհի համար պատասխանատուները կգտնվեն եւ կպատժվեն: Բայդենը հավաստիացրել Է, որ ԱՄՆ-ը կգտնի նրանց հասնելու միջոցները: Դրա հետ մեկտեղ պետության ղեկավարը հայտարարել Է, որ «հիմնավորապես» ընդունում Է իր պատասխանատվությունն այն ամեն համար, ինչը տեղի Է ունենում Աֆղանստանում: Օգոստոսի 26-ին երկու պայթյուն Է որոտացել Քաբուլի օդանավակայանի մերձակայքում, դրանցից մեկը՝ «Բերոն» հյուրանոցից ոչ հեռու, որտեղ, ըստ ԶԼՄ-ների տվյալների, հավաքվել Էին օտարերկրացիներ, այդ թվում՝ Մեծ Բրիտանիայի եւ ԱՄՆ-ի քաղաքացիներ: Առաջին պայթյունը կազմակերպել Էր մահապարտ ահաբեկիչը, այնուհետեւ պայթել Է ականապատված ավտոմեքենան: Աֆղանստանի առողջապահության նախարարության տվյալներով՝ ահաբեկչական գործողության հետեւանքով զոհվել Է 103 մարդ, այդ թվում 13 ամերիկացի զինծառայող: Վերքեր Է ստացել ավելի քան 150 մարդ, այդ թվում՝ ԱՄՆ-ի 18 զինվորական: ԶԼՄ-ները, վկայակոչելով ԻՊ-ի հայտարարությունը, հաղորդել են, որ հարձակման համար պատասխանատվությունն ստանձնել Է «Իսլամական պետություն» ահաբեկչական կազմակերպությունը: ԱՄՆ-ը կարծում Է, որ գրոհներին մասնակցել Է «Վիլայաթ Խորասան» ահաբեկչական խմբավորումը, որը, գործում Է Աֆղանստանի եւ Պակիստանի տարածքներում, հաղորդել Է ՌԻԱ Նովոստին:

16:18 - 27 օգոստոսի, 2021

Պուտինը եւ Բայդենը քննարկել են Աֆղանստանից ԱՄՆ-ի զորքերի դուրսբերումը. Պեսկով |armenpress.am|

armenpress.am: ՌԴ-ի եւ ԱՄՆ-ի նախագահներ Վլադիմիր Պուտինը եւ Ջո Բայդենը արծարծել են Աֆղանստանում կոլապսից առաջ ամերիկյան զորքերի դուրսբերումը, հանրության մակարդակով նրբերանգները հեռարձակելն անընդունելի Է, լրագրողներին հայտարարել Է ՌԴ-ի նախագահի մամուլի քարտուղար Դմիտրի Պեսկովը։Նրան խնդրել են մեկնաբանել առանձին ԶԼՄ-ների տեղեկատվությունն այն մասին, թե իբր Պուտինը Բայդենի հետ Ժնեւում կայացած հանդիպմանը հանդես Է եկել Միջին Ասիայում եւ Աֆղանստանում ԱՄՆ-ի ներկայության դեմ:Պեսկովը նշել Է, որ անպայման չԷ, որ յուրաքանչյուր տեղեկատվություն, լինի դա ճշմարիտ կամ «սուտ լուր», պետք Է մեկնաբանվի Կրեմլի կամ ԱԳ նախարարության կողմից, «առավել եւս, երբ խոսքը գնում Է պետությունների՝ Ռուսաստանի եւ ԱՄՆ-ի, ղեկավարների բանակցությունների բովանդակությանը»:«Կարելի Է ասել մեկ բան, որ իսկապես դեռ այն ժամանակ, երբ չԷր պատահել ահա այս աֆղանական կոլապսը, իսկապես, Աֆղանստանի թեման եւ այդ պահին Աֆղանստանից ամերիկացիների դուրսբերման՝ առաջիկա ավարտվելը քննարկվել Է, արծարծվել են բանակցություններում, բայց նրբերանգները մենք, որպես կանոն, դե իհարկե, չենք հեռարձակի հանրային մակարդակով, այդպես ընդունված չԷ»,-պարզաբանել Է Պեսկովը, հաղորդել Է ՌԻԱ Նովոստին:

18:07 - 24 օգոստոսի, 2021

Բայդենը Մակրոնի հետ քննարկել է Աֆղանստանի իրադրությունը |armenpress.am|

armenpress.am: ԱՄՆ-ի եւ Ֆրանսիայի նախագահներ Ջո Բայդենը եւ Էմանուել Մակրոնն օգոստսի 19-ին հեռախոսով քննարկել են Աֆղանստանի իրադրությունը, այդ թվում Քաբուլի օդանավակայանից երկրների մարդկանց տարահանման գործընթացը: Այդ մասին հայտնել Է Սպիտակ տան մամուլի ծառայությունը։ «Նրանք ընդգծել են Աֆղանստանի վերաբերյալ դաշնակիցների եւ ժողովրդավարական գործընկերների շրջանում սերրտ համակարգումը շարունակելու կարեւորությունը, այդ թվում (…) հումանիտար օգնության եւ փախստականների աջակցության հարցերի շուրջը»,-ասված Է հաղորդագրության մեջ: Նրանք նաեւ ողջունել են Աֆղանստանի վերաբերյալ հաջորդ շաբաթ Յոթի խմբի վիրտուալ գագաթնաժողովի անցկացման պլանները, հաղորդել Է ՏԱՍՍ-ը:

12:48 - 20 օգոստոսի, 2021

Բայդենը և Ջոնսոնն անհրաժեշտ են համարում Աֆղանստանի հարցով Մեծ յոթնյակի հանդիպումը |azatutyun.am|

azatutyun.am: Միացյալ Նահանգների և Միացյալ Թագավորության ղեկավարները քննարկում են Աֆղանստանի վերաբերյալ գործողությունների հետագա համակարգումը: ԱՄՆ նախագահ Ջո Բայդենը երեկ Մեծ Բրիտանիայի վարչապետ Բորիս Ջոնսոնի հետ հեռախոսազրույցում պայմանավորվել է հաջորդ շաբաթ Մեծ յոթնյակի (G7) առաջնորդների վիրտուալ հանդիպում անցկացնել Աֆղանստանում տիրող իրավիճակի վերաբերյալ, ասված է Սպիտակ տան հայտարարությունում: Բայդենը և Ջոնսոնը հայտարարել են նման հանդիպման անհրաժեշտության մասին՝ «Աֆղանստանում ճգնաժամի կարգավորման ընդհանուր ռազմավարության և մոտեցման քննարկման համար»:

10:37 - 18 օգոստոսի, 2021

Բայդենը 500 միլիոն դոլար կհատկացնի Աֆղանստանից փախստականներին օգնելու համար |armenpress.am|

armenpress.am: ԱՄՆ-ի նախագահ Ջո Բայդենը որոշում Է ընդունել 500 միլիոն դոլար հատկացնել Աֆղանստանից փախստականներին օգնելու համար: Այդ մասին հաղորդել Է Սպիտակ տունը: Ինչպես ասվում Է Բայդենի կողմից ստորագրված հուշագրում, որի տեքստը տարածել Է Սպիտակ տան մամուլի ծառայությունը, միագումար միջոցները, որը չի գերազանցում ԱՄՆ-ի 500 միլիոն դոլարը, կօգտագործվեն փախստականների, հակամարտության զոհերի եւ մյուս այն անձանց անհետաձգելի կարիքները բավարարելու համար, որոնք ռիսկի են ենթարկվել Աֆղանստանում ստեղծված իրադրության հետեւանքով: Ավելի վաղ Պենտագոնի ներկայացուցիչները հաղորդել Էին, որ ԱՄՆ-ի տարածքում գտնվող երեք ռազմակայանները (Վիրջինիայի, Թեքսասի եւ Վիսկոնսինի նահանգներում) պատրաստվում են ընդունել Աֆղանստանի մինչեւ 22 հազար տարհանված քաղաքացիների: Իրադրությունն Աֆղանստանում հատկապես սրվել Է վերջին շաբաթներին՝ կապված խոշոր քաղաքների վրա թալիբների հարձակման հետ: Օգոստոսի 15-ին ԶԼՄ-ները եւ աղբյուրները հաղորդել են, որ խռովարարները վերահսկում են սահմանային բոլոր անցումները: Այդ նույն օրն ավելի ուշ զինյալները հայտարարել են, որ մտել են Քաբուլ եւ իրենց հսկողության տակ վերցրել նախագահական պալատը: Աֆղանստանի նախագահ Աշրաֆ Ղանին հայտարարել Է, որ հեռացել Է երկրից, «որպեսզի կանխի կոտորածը»: Օգոստոսի լույս 16-ի գիշերը «Թալիբան»-ի քաղաքական գրասենյակի պաշտոնական ներկայացուցիչ Մուհամեդ Նայիմը հայտարարել Է, որ պատերազմն Աֆղանստանում վերջացել Է, եւ պետության կառավարման ձեւը պարզ կդառնա մոտ ժամանակներս, հաղորդել Է ՌԻԱ Նովոստին:

14:19 - 17 օգոստոսի, 2021

Բայդենն ուղերձով դիմեց հայրենակիցներին՝ Աֆղանստանում ստեղծված իրավիճակի կապակցությամբ |azatutyun.am|

azatutyun.am: ԱՄՆ նախագահ Ջո Բայդենը երեկ երեկոյան Քեմփ Դեյվիդի նստավայրից վերադարձել է Սպիտակ տուն՝ Աֆղանստանում ստեղծված ողբերգական իրավիճակի կապակցությամբ հայրենակիցներին հատուկ ուղերձով դիմելու համար: Նախագահն ասել է, որ Ամերիկան 20 տարի առաջ է սկսել այս ռազմական արշավը, որի հստակ նպատակն էր պատժել և վնասազերծել 2001 թվականի սեպտեմբեր 11-ի գրոհի կազմակերպիչներին: «Խնդիրն ամբողջությամբ լուծվել է, «Ալ-Ղաիդա»-ն հիմնահատակ ավերվել է, Ուսամա Բին Լադենին գտնելու և ոչնչացնելու հարցը եղել է օրակարգում և լուծվել է: Մենք դա արել ենք, 20 տարի է անցել», - ասել է Բայդենը: Նրա փոխանցմամբ, Միացյալ Նահանգների համար երբևէ առաջնահերթություն չի եղել Աֆղանստանում ազգային դեմոկրատական պետություն կերտելու գաղափարը: Ապա Միացյալ Նահանգների ղեկավարը խոսել է Աֆղանստանի պետության ձախողման պատճառների մասին: «Պետության ղեկավարները հեռացել են երկրից, բանակը հանձնվել է, ամերիկացի զինծառայողները չպետք է կռվեն և զոհվեն Աֆղանստանի համար պատերազմում, եթե հենց աֆղանստանցի զինվորները չեն ուզում կռվել», - ասել է Բայդենը: ԱՄՆ նախագահի խոսքով՝ Ամերիկան ավելի քան մեկ տրիլիոն դոլար է տրամադրել Աֆղանստանին, ապահովել է զենք ու զինամթերք և տեխնիկա, նույնիսկ վճարել է զինծառայողների աշխատավարձը: «300 հազարի հասնող լավ զինված բանակ՝ դա հզոր ուժ է, ավելի մեծ, քան ունեն ՆԱՏՕ-ից մեր որոշ դաշնակիցներ», - ասել է նախագահը: Ջո Բայդենն ընդգծել է, որ չի զղջում Աֆղանստանից զորքը դուրս հանելու որոշման համար: Նա հայտնել է, որ Ամերիկան այս ընթացքում արդեն տարհանել է ավելի քան 2 հազար աֆղանստանցիների, ովքեր 20 տարիների ընթացքում համագործակցել են ԱՄՆ պետության և բանակի հետ՝ խոսքը թարգմանիչների, տեխնիկական աշխատողների մասին է, մարդիկ, ովքեր, վստահաբար, կարող են դառնալ թալիբների վրեժխնդրության թիրախը: Այդ մարդկանց տարհանումը կշարունակվի: «Կատարելով ամերիկացի դիվանագետներին և այլ ծառայողներին, դաշնակիցներին և վտանգված աֆղանստանցիներին դուրս բերելու խնդիրը՝ Ամերիկան կավարտի իր ամենաերկարատև արյունալի պատերազմը», - հայտարարել է Բայդենը:

09:53 - 17 օգոստոսի, 2021

Բայդենը ողջունել Է հատուկ ծրագրով ԱՄՆ տեղափոխված աֆղանների առաջին խմբին |armenpress.am|

armenpress.am: ԱՄՆ-ի նախագահ Ջո Բայդենը ողջունել Է ավելի քան 200 աֆղաններից բաղկացած խմբին, որոնց Միացյալ Նահանգների իշխանությունները երկիր են տեղափոխում հատկ ներգաղթային ծրագրով՝ Աֆղանստանից իրենց զորքերի դուրսբերման ֆոնին: Հուլիսի 30-ին հայտնել Է Սպիտակ տան մամուլի ծառայությունը: «Ես ցանկանում եմ շնորհակալություն հայտնել այս խիզախ աֆղաններին այն բանի համար, որ նրանք աջակցություն են ցույց տալիս Միացյալ Նահանգներին: Այսօր ես հպարտությամբ եմ նրանց ասում. «Բարի գալուստ տուն»»,- հայտարարել Է ԱՄՆ-ի ղեկավարը: Նա նաեւ նշել Է, որ, չնայած զորքերի դուրսբերմանը ԱՄՆ-ը կաշարունակի Աֆղանստանին ցույց տալ օժանդակություն անվտանգության բնագավառում, մարդասիրական օգնություն եւ օգնություն հետագա զարգացման համար»: Ներքին անվտանգության հարցերով ԱՄՆ-ի նախագահի խորհրդականի օգնական Ռաս Թրեվերստի խոսքով՝ մոտ ժամանակներս Միացյալ Նահանգների իշխանությունները մտադիր են առաջնահերթ կարգով հատուկ ներգաղթային ծրագրով Աֆղանստանից ԱՄՆ վերաբնակեցնել շուրջ 700 մարդու, ովքեր հայտեր են տվել: Նրանց ընտանիքների անդամների հետ ընդհանուր թիվը կկազմի 2 500: Արեւմտյան զանգվածային լրատվամիջոցների տվյալների համաձայն՝ ընդամենը շուրջ 18 հազար աֆղաններ, ովքեր օգնել են ամերիկյան զորքերին, այդ թվում որպես թարգմանիչներ, եւ նրանց ընտանիքների եւս շուրջ 53 հազար անդամներ այս պահին հուսով են ստանալու հատուկ ներգաղթային այցագրեր, հաղորդել Է ՏԱՍՍ-ը:

15:38 - 30 հուլիսի, 2021

Բայդենը հայտնել է, որ հնարավոր չէ դադարեցնել «Հյուսիսային հոսք 2» գազատարի շինարարությունը |tert.am|

tert.am: ԱՄՆ նախագահ Ջո Բայդենը հայտնել է, որ հնարավոր չէ դադարեցնել «Հյուսիսային հոսք 2» գազատարի շինարարությունը: Այս մասին նա հայտարարել է CNN-ի եթերում տրված հարցերի պատասխանների ժամանակ, գրում է Kp.ru-ն: Երկրի ղեկավարը նաև նշել է, որ ծրագրի իրականացման գործընթացը 99% է կազմում:

09:12 - 22 հուլիսի, 2021

Ուկրաինայի նախագահը Վաշինգտոնում կհանդիպի Ջո Բայդենի հետ |armenpress.am|

armenpress.am: Միացյալ Նահանգների նախագահ Ջո Բայդենը օգոստոսի 30-ին Սպիտակ տանը կընդունի Ուկրաինայի նախագահ Վլադիմիր Զելենսկիին: Այս մասին ասել է ԱՄՆ նախագահի մամուլի քարտուղար Ջեն Պսակին՝ իր տարածած հայտարարության մեջ: «Նախագահ Բայդենն անհամբերությամբ է սպասում օգոստոսի 30-ին՝ Սպիտակ տանը ողջունելու Ուկրաինայի նախագահ Վլադիմիր Զելենսկիին: Այս այցը կհաստատի ԱՄՆ աներեր աջակցությունը Ուկրաինայի ինքնիշխանությանն ու տարածքային ամբողջականությանը, ինչպես նաև մեր սերտ համագործակցությունը էներգետիկ անվտանգության ոլորտում»,- հայտարարել է Պսակին:

21:51 - 21 հուլիսի, 2021

Մենենդեսը ԱՄՆ պետքարտուղարի տեղակալի թեկնածուի մոտ բարձրացրել է 907-րդ ուղղումը վերականգնելու հարցը |armenpress.am|

armenpress.am: ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը Եվրոպայի և Եվրասիայի հարցերով պետքարտուղարի տեղակալի պաշտոնում Քերըն Դոնֆրայդի թեկնածության հաստատման լսումների ժամանակ իր մտահոգությունն է բարձրացրել նախագահ Ջո Բայդենի վարչակազմի կողմից «Ազատության աջակցության ակտի» 907-րդ ուղղումից հրաժարվելու որոշման առնչությամբ: Այս մասին հայտնում է Հայ դատի ԱՄՆ հանձնախումբը: «Ադրբեջանն այժմ սահմանային վեճի արդյունքում ներխուժել է Հայաստանի ֆիզիկական տարածք, և ես կարծում եմ՝ նրանք կշարունակեն իրենց ագրեսիվ վարքագիծը, քանի դեռ հստակ ուղերձ չեն ստացել այն մասին, որ դա անընդունելի է»,- նշել է Մենենդեսը: Ի պատասխան այս նկատառման՝ Դոնֆրայդը հայտարարել է, որ եթե այդ տեղեկությունը հաստատվի, ինքն այդ հարցով սերտորեն կհամագործակցի Մենենդեսի և Սենատի արտաքին հարաբերությունների հանձնաժողովի հետ: «Խիստ անհրաժեշտ է վստահ լինել, որ ցանկացած աջակցություն, որ մենք տրամադրում ենք Ադրբեջանին, որևէ կերպ չի խաթարում ուժերի հավասարակշռությունը, և որ մենք հանձնառու ենք Լեռնային Ղարաբաղի [խնդրի] կարգավորմանը»,- ասել է Դոնֆրայդը:

10:23 - 21 հուլիսի, 2021

Բայդենը Հորդանանի թագավորի հետ քննարկել Է Մերձավոր Արեւելքի իրադրությունը |armenpress.am|

armenpress.am: ԱՄՆ-ի նախագահ Ջո Բայդենը հանդիպել Է Հորդանանի Աբդալա Բ թագավորի հետ եւ նրա հետ քննարկել մի շարք հարցեր, այդ թվում մերձավորարեւելյան տարածաշրջանի իրադրությունը: Հուլիսի 20-ին այդ մասին հաղորդել Է Սպիտակ տան մամուլի ծառայությունը: «Ղեկավարները քննարկել են այն մարտահրավերները, որոնք կապված են COVID-19-ի համավարակի հետ իրենց երկրներում եւ ամբողջ աշխարհում (…), քննության ենթարկել հնարավորությունները Մերձավոր Արեւելքում խաղաղության եւ կայունության զարգացման համար»,- ասված Է հաղորդագրության մեջ: Նշվում Է, որ Բայդենն աջակցոււթյուն Է հայտնել Հորդանանի ղեկավաին Իսրայելի նոր կառավարության հետ հարաբերությունների հաստատման՝ երկրի ջանքերում: Երկու պետությունների ղեկավարները նաեւ քննարկել են ռազմական համագործակցությունը եւ հորդանանյան ռազմաօդային ուժերի արդիականացումը: ԱՄՆ-ի նախագահը հավաստիացրել Է, որ Միացյալ Նահանգների վարչակազմը մտադիր Է ուժեղացնել երկկողմ համագործակցությունը մի շակք բնագավառներում, այդ թվում տնտեսության ոլորտում, հաղորդել Է ՏԱՍՍ-ը:

11:05 - 20 հուլիսի, 2021

Տիխանովսկայան հույս է հայտնել, որ Բայդենի օգնությամբ բելառուսական ընդդիմությունը կարող է հաղթել |tert.am|

tert.am: Բելառուսի նախագահական ընտրությունների նախկին թեկնածու, ըննդդիմության առաջնորդ Սվետլանա Տիխանովսկայան կարծիք է հայտնել, որ իր կողմնակիցները կկարողանան հաղթանական տանել ԱՄՆ նախագահ Ջո Բայդենի օգնությամբ: Այս մասին Տիխանովսկայան հայտնել է The National Interest պարբերականի հետ զրույցում: «Բայդենի օգնությամբ մենք կհաղթենք»,- ասել է ընդդիմադիր գործիչը: Ավելի վաղ Տիխանովսկայայի մամուլի ծառայությունը տեղեկացրել էր, որ ԱՄՆ կատարելիք այցի շրջանակում վերջինս բարձր մակարդակով հանդիպումներ կունենա Պետքարտուղարությունում և Սպիտակ տանը: Ինչպես աղբյուրը հայտնում է, Տիխանովսկայան նաև հույս է հայտնել, որ Բայդենի վարչակազմը կաջակցի Բելառուսի ընդդիմությանը և «ժողովրդվարական կդարձնի» երկիրը:

09:12 - 19 հուլիսի, 2021

Բայդենն ու Պուտինը քննարկել են Ռուսաստանից իրականացվող հաքերային հարձակումների համատեղ հակազդեցության հնարավորությունը |azatutyun.am|

azatutyun.am: Միացյալ Նահանգների նախագահ Ջոզեֆ Բայդենն ու Ռուսաստանի ղեկավար Վլադիմիր Պուտինը ուրբաթ երեկոյան կայացած հեռախոսազրույցի ընթացքում քննարկել են Ռուսաստանի տարածքում գործող հաքերային խմբավորումների կողմից ամերիկյան ընկերությունների դեմ իրականացվող հարձակումների թեման։ Այս մասին տեղեկացնում է Սպիտակ տան մամուլի ծառայությունը։ Հեռախոսազրույցի ընթացքում նախագահ Բայդենը կոչ է արել իր ռուսաստանցի պաշտոնակցին գործուն միջոցներ ձեռնարկել ռուսաստանցի այն հաքերային խմբավորումների դեմ, որոնք ներթափանցում են ամերիկյան մասնավոր ընկերությունների ներքին ցանցեր, վերահսկողություն սահմանում դրանց հանդեպ և այդ ցանցերի բնականոն աշխատանքը վերականգնելու դիմաց փրկագին են պահանջում։ «Ես հստակորեն ասել եմ Ռուսաստանի նախագահին։ Մեր ակնկալիքը հետևյալն է՝ եթե հաքերային հարձակումները անգամ ուղղորդված չեն պետության կողմից սակայն կատարվում են Ռուսաստանի տարածքից, միևնույն է, ռուսաստանյան պաշտոնական մարմինները, ամերիկյան կողմից ստացված բավարար տեղեկատվության հիման վրա, պետք է հստակ քայլեր ձեռնարկեն», - հայտարարել է Բայդենը։ Կրեմլի հաղորդագրության համաձայն, սակայն, վերջին մեկ ամսում հաքերային հարձակումների հարցով ամերիկյան իրավապահ համակարգից որևէ դիմում Մոսկվայում չի ստացվել։ «Չնայած դրան ռուսական կողմը պատրաստ է այս հարցում համագործակցել Վաշինգտոնի հետ «տվյալների փոխանակման հատուկ խողովակների կիրառմամբ և առանց հարցը քաղաքականացնելու», - նշված է Կրեմլի հաղորդագրության մեջ։

18:35 - 10 հուլիսի, 2021