Տավուշի մարզ

Էլեկտրաէներգիայի անջատումներ՝ Երևանում և 6 մարզում

11:20 - 19 նոյեմբերի, 2022

Ապօրինի ծառահատման դեպքի առթիվ նախաձեռնված քրեական վարույթի շրջանակներում երեք անձ է ձերբակալվել. ՔԿ

ՀՀ քննչական կոմիտեի Տավուշի մարզային քննչական վարչության Դիլիջանի քննչական բաժնում նախաձեռնված քրեական վարույթի շրջանակներում բացահայտվել է «Դիլիջան ազգային պարկ» ՊՈԱԿ-ի «Հաղարծին» տեղամաս-մասնաճյուղի ղեկավարի կողմից ծառայողական լիազորությունները չարաշահելու, լիազորություններն անցնելու պայմաններում կազմակերպված խմբի կողմից ապօրինի ծառահատման դեպք:Քննվող քրեական վարույթի շրջանակներում կատարված մեծածավալ քննչական և վարութային այլ գործողությունների, ինչպես նաև ՀՀ դատախազության, ՀՀ ԱԱԾ և ՀՀ ոստիկանության աշխատակիցների հետ համատեղ ձեռնարկված միջոցառումների արդյունքում փաստական տվյալներ են ձեռք բերվել այն մասին, որ ՀՀ շրջակա միջավայրի նախարարության «Դիլիջան ազգային պարկ» ՊՈԱԿ-ի «Հաղարծին» տեղամաս-մասնաճյուղի ղեկավարը, ով 2022թ. սեպտեմբերից զբաղեցնում է հիշյալ պաշտոնը, իր ծառայողական լիազորությունները և դրանցով պայմանավորված ազդեցությունն ի վնաս ծառայողական շահերի օգտագործելով և իր լիազորությունների շրջանակից դուրս գալով, 2022թ. նոյեմբերի 9-ից մինչև նոյեմբերի 15-ն ընկած ժամանակահատվածում խախտելով իր պաշտոնի նկարագրով և «Բնության հատուկ պահպանվող տարածքների մասին» ՀՀ օրենքով նախատեսված «Ազգային պարկի պահպանության ռեժիմ»-ի կանոնները, թույլատրել է նույն մարզի Թեղուտ գյուղի բնակչին պատկանող թրթուրավոր տրակտորի մուտքը իր պահպանության տակ գտնվող տարածք, հանձնարարել է անտառապահին տևական ժամանակով դեպի տարածք տանող ուղեփակոցի բանալին տրամադրել Թեղուտ գյուղի հիշյալ բնակչի կողմից ուղարկված անձին՝ այդ կերպ առանց հսկողության ու վերահսկողության թողնելով իր պահպանության տակ գտնվող տարածքը:Արդյունքում Թեղուտ գյուղի բնակիչը, ապօրինի փայտանյութ ձեռք բերելու դիտավորությամբ, Հաղարծին գյուղի երկու բնակիչների միջոցով կազմակերպել և ղեկավարել է բնության հատուկ պահպանվող տարածքում կոտրելու և արմատախիլ անելու միջոցով թվով 13 հատ հաճարենի տեսակի թաց կանգուն ծառերի՝ մինչև աճի դադարեցման աստիճանի վնասումը՝ պետությանը պատճառելով խոշոր չափերի՝ 4.552.500 ՀՀ դրամի գույքային վնաս:Փաստի առթիվ «Դիլիջան ազգային պարկ» ՊՈԱԿ-ի «Հաղարծին» տեղամաս-մասնաճյուղի ղեկավարի նկատմամբ հանրային քրեական հետապնդում է հարուցվել՝ ՀՀ քրեական օրենսգրքի 441-րդ հոդվածի (Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը) 1-ին մասով, Թեղուտ գյուղի բնակչի նկատմամբ՝ ՀՀ քրեական օրենսգրքի 46-387-րդ հոդվածի 2-րդ մասի 2-րդ, 4-րդ և 6-րդ կետերով, իսկ Հաղարծին գյուղի բնակիչներից մեկի նկատմամբ` ՀՀ քրեական օրենսգրքի 387-րդ հոդվածի (Ծառերը, թփերը կամ բուսածածկն ապօրինի հատելը կամ ապօրինի ձեռք բերված կոճղերը, ծառերը կամ թփերը տեղափոխելը) 2-րդ մասի 2-րդ, 4-րդ և 6-րդ կետերով: Երեք անձ, այդ թվում՝ «Հաղարծին» տեղամաս-մասնաճյուղի ղեկավարը, հետաքննության մարմնի կողմից հայտնաբերվել, ձերբակալվել և ներկայացվել է վարույթն իրականացնող մարմնին: Ձեռնարկվում են միջոցառումներ՝ Հաղարծին գյուղի մյուս բնակչին հայտնաբերելու և վարույթն իրականացնող մարմնին ներկայացնելու ուղղությամբ:Նախաքննությունը շարունակվում է:Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

22:12 - 18 նոյեմբերի, 2022

«Կոթի պրոդուկտ»․ ապրելով ու արտադրելով գյուղում

Գուրգեն Աբովյանը 2011 թվականին սահմանամերձ Կոթի գյուղում հիմնադրել է կաթի վերամշակման արտադրամաս։ «Կոթի պրոդուկտ» պանրի արտադրամասն այսօր մրցունակ արտադրանք է կարողանում հանել շուկա։ Գուրգեն Աբովյանը պատմում է Կոթիից հեռու մեծանալու ու դպրոցից հետո գյուղ վերադառնալու, արտադրամասի հիմնադրման ու չնայած մի շարք խնդիրներին՝ ստացվող արդյունքներից չդժգոհելու մասին։

17:13 - 13 նոյեմբերի, 2022

Հարցին չեմ պատասխանում. Տավուշի մարզպետը հորդորեց իրեն գյուղեր հանձնելու մասին հարցեր չտալ |pastinfo.am|

pastinfo.am: 44-օրյա պատերազմից հետո Տավուշի սահմաններին ոչինչ տեղի չի ունեցել: Կրակոցները հատուկենտ են լինում, լուրջ ոչինչ չկա։ Լրագրողների հետ զրույցում հայտարարել է Տավուշի մարզպետ Հայկ Ղալումյանը: Մարզպետը հրաժարվեց պատասխանել հարցին՝ Տավուշում կա՞ն գյուղեր որոնք առաջիկայում հնարավոր է հանձնվեն Ադրբեջանին: Նա լրագրողներին հորդորեց հաջորդ անգամ իրեն գյուղեր հանձնելու մասին հարցեր չտալ. «Այս մասին ես չեմ խոսում, հաջորդ անգամ ինձ էլ այդ հարցը չտաք»,-ասաց Ղալումյանը: Հարցին՝ կարո՞ղ եք վստահեցնել, որ Տավուշի մարզից որևէ գյուղ չի հանձնվի Ադրբեջանին` Ղալումյանն արձագանքեց. «Չեմ հասկանում, ամեն ինչ ասացի, ասում եմ՝ հարցին չեմ պատասխանում, ինչո՞ւմն է խնդիրը: Համենայնդեպս, այս պահին նման խնդիր չունենք, չի քննարկվում», - ասաց նա։ Իսկ թե կարո՞ղ է բացառել, որ նման բան չի լինի՝ մարզպետն արձագանքեց. «Չեմ կարող բացառել»։ Նա նաև նշեց, որ դեռևս 90-ականներից Տավուշի մարզի հողերից մոտ 5000 հա գտնվում է ադրբեջանցիների տիրապետություն տակ, ուստի կարող է տարածքների փոխանակման հարց բարձրացվի:

13:39 - 07 նոյեմբերի, 2022

Բացահայտվել է Տավուշի նախկին մարզպետի կողմից հայտարարագրում տվյալները դիտավորությամբ թաքցնելու դեպք. քրեական վարույթի նախաքննությունն ավարտվել է

ՀՀ հակակոռուպցիոն կոմիտեում նախաձեռնված քրեական վարույթի նախաքննության ընթացքում բացահայտվել է պաշտոնատար անձ հանդիսացող ՀՀ Տավուշի նախկին մարզպետի կողմից հայտարարագրման ենթակա առանձնապես խոշոր չափերով 7 անշարժ գույքերի վերաբերյալ տվյալները թաքցնելու դեպք: Մասնավորապես` պարզվել է, որ Հ. Ա.-ն, 2014 թվականի մայիսի 15-ից զբաղեցնելով ՀՀ Տավուշի մարզպետի պաշտոնը և հանդիսանալով հայտարարատու պաշտոնատար անձ, ունենալով պաշտոնեական պարտականությունները դադարեցնելու դեպքում գույքի, եկամուտների ու շահերի հայտարարագիր ներկայացնելու պարտականություն, 2018 թվականի հունիսի 26-ին Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրում դիտավորությամբ չի ներառել` թաքցրել է հայտարարագրման ենթակա, Երևան քաղաքում և Տավուշի մարզում գտնվող առանձնապես խոշոր չափերով` 3.035.946 ՀՀ դրամ կադաստրային արժեքով 7 անշարժ գույքերի վերաբերյալ տվյալները: Վերը նշված հանցավոր արարքի կատարման համար Հ. Ա.-ին մեղադրանք է ներկայացվել ենթադրյալ հանցանքը կատարելու պահին գործող ՀՀ քրեական օրենսգրքի (ուժի մեջ է մտել՝ 2003 թվականի օգոստոսի 1-ին, ուժը կորցրել է 2022 թվականի հուլիսի 1-ին) 314.3-րդ հոդվածի 2-րդ մասով (հայտարարագրում տվյալները դիտավորությամբ թաքցնելը): Հ. Ա.-ի վերաբերյալ քրեական վարույթի նախաքննությունն ավարտվել է: Վարույթի նյութերը մեղադրական եզրակացությամբ հանձնվել են հսկողություն իրականացնող դատախազին` այն հաստատելու և դատարան ուղարկելու միջնորդությամբ: Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

18:11 - 02 նոյեմբերի, 2022

Հոկտեմբերի 24-ին ժամանակավորապես կդադարեցվի մի շարք հասցեների էլեկտրամատակարարումը

12:01 - 22 հոկտեմբերի, 2022

Հարություն Մանուչարյանը հրաժարվեց Բերդ համայնքի ավագանու մանդատից, դատարանը կալանքից ազատեց նրան |hetq.am|

hetq.am: Տավուշի մարզի Բերդ համայնքում տեղական ինքնակառավարման ընտրություններում ամենամեծ թվով քվե ստացած «Զորավոր համայնք» դաշինքը գլխավորող Հարություն Մանուչարյանը հոկտեմբերի 7-ին հայտարարեց, որ հրաժարվել է համայնքի ավագանու մանդատից։ Այս հայտարարությունից հետո դատարանը փոխեց նրա խափանման միջոցը, և երեկ նա 6 մլն դրամ գրավի դիմաց ազատվեց կալանքից։ Բերդ համայնքի նախկին ղեկավար Հարություն Մանուչարյանը 2021թ․ նոյեմբերի 9-ից կալանավորված էր և դատաքննությունը դեռևս չի ավարատվել։ Հ․ Մանուչարյանը և իր գլխավորած «Զորավոր համայնք» դաշինքի ավագանու թեկնածուներից ևս երկուսը սեպտեմբերի 25-ին տեղի ունեցած ընտրություններից մի քանի օր անց ինքնաբացարկ ներկայացրին։ Նրանցից մեկը Բերդ համայնքի ղեկավարի տեղակալ Սամվել Հովսեփյանն է, որին ընտրություններից անմիջապես հետո ձերբակալեցին և երկու ամսով կալանավորեցին։ Հ․ Մանուչարյանին կալանավորելուց հետո նա համայնքի ղեկավարի ժամանակավոր պաշտոնակատար էր նշանակվել և «Զորավոր համայնք» դաշինքի ընտրացուցակում երկրորդն էր։ Ինքնաբացարկ ներկայացրեց նաև ընտրացուցակի 10-րդ համարը՝ Սարգիս Մարգարյանը։ Սեպտեմբերի 24-ի երեկոյան իրավապահները ձերբակալեցին «Զորավոր համայնք» դաշինքի ընտրացուցակի ևս երկու անձանց՝ Բերդի համայնքապետարանի աշխատակազմի ղեկավար Հասմիկ Մելիքյանին եւ Ներքին Կարմիրաղբյուր գյուղի վարչական ղեկավար Լեւոն Առաքելյանին։ Դատարանը երկու ամսով կալանավորեց նրանց՝ Ներքին Կարմիրաղբյուր գյուղի մանկապարտեզի տնօրենի պաշտոնակատարին քարոզչության հարկադրելու մեղադրանքով։ Շարունակությունը՝ սկզբնաղբյուր կայքում Լուսանկարը «Զորավոր համայնք» դաշինքի ֆեյսբուքյան էջից

17:07 - 08 հոկտեմբերի, 2022

Փաստեր են ստացվել Բերդ համայնքում ՏԻՄ ընտրություններին քարոզչություն կատարելուն հարկադրելու դեպքի առթիվ

Քննչական կոմիտեն տեղեկացնում է, որ ՏԻՄ ընտրություններին քարոզչություն կատարելուն հարկադրելու դեպքի առթիվ նախաձեռնված քրեական վարույթով ստացվել են ապացուցողական նշանակություն ունեցող փաստական հանգամանքներ։ «Տավուշի մարզային քննչական վարչությունում շարունակվում է 2022 թվականի սեպտեմբերի 25-ին Բերդ համայնքում տեղական ինքնակառավարման մարմինների ընտրություններին քարոզչություն կատարելուն հարկադրելու դեպքի առթիվ ՀՀ ազգային անվտանգության ծառայության քննչական դեպարտամենտում նախաձեռնված քրեական վարույթի նախաքննությունը: Բացի քրեական վարույթի շրջանակներում տուժող ճանաչված «Ներքին Կարմիաղբյուրի մանկապարտեզ» համայնքային ոչ առևտրային կազմակերպության տնօրենի պաշտոնակատարի կողմից իրավապահներին հայտնած տեղեկություններից, քննչական գործողությունների ճանապարհով տվյալներ են ձեռք բերվել ինչպես վերջինիս՝ ընտրություններին քարոզչություն կատարելուն հարկադրելու, այնպես էլ՝ քրեական վարույթով ապացուցողական նշանակություն ունեցող այլ փաստական հանգամանքներ ևս։ Մասնավորապես, օրենքով սահմանված կարգով Բերդի համայնքապետարանի վարչական շենքում՝ համայնքապետի, համայնքապետի տեղակալի, աշխատակազմի քարտուղարի աշխատասենյակներում, կատարվել են խուզարկություններ, որոնց արդյունքում հայտնաբերվել են 80 անձանց տվյալներ պարունակող ձեռագիր գրառումներով ցուցակներ՝ հիշյալ անձանց ստորագրություններով, ինչպես նաև՝ Բերդ համայնքի համայնքապետարանի ենթակայության տակ գտնվող կազմակերպությունների ղեկավարների՝ համայնքապետի տեղակալին հասցեագրված աշխատանքից ազատվելու վերաբերյալ դիմումներ, որոնց ընթացք չի տրվել: Բացի այդ, օրենքով սահմանված կարգով կատարվել է նաև աշխատակազմի քարտուղարի կողմից օգտագործվող բջջային հեռախոսահամարի՝ «Հեռախոսային հաղորդակցության վերահսկում» օպերտիվ-հետախուզական միջոցառումը, որի արդյունքում պարզվել է, որ Բերդի համայնքապետարանի աշխատակազմի քարտուղարը և նույն համայնքի Ներքին Կարմիրաղբյուր բնակավայրի վարչական ղեկավարը, ընտրություններին նախորդող ժամանակահատվածում, հեռախոսազրույց են վարել՝ ՀՈԱ կազմակերպության տնօրենի ժամանակավոր պաշտոնակատարի նկատմամբ ազդեցություն գործադրելու և այդ կերպ նրան «Զորավոր համայնք» դաշինքի օգտին նախընտրական քարոզչություն կատարելուն հարկադրելու մասին։ Ավելի վաղ տեղեկացրել էինք, որ ձեռք բերված բավարար ապացույցների համակցությամբ՝ Բերդ համայնքի ղեկավարի տեղակալին, Բերդի համայնքապետարանի աշխատակազմի քարտուղարին և նույն համայնքի Ներքին Կարմիրաղբյուր բնակավայրի վարչական ղեկավարին մեղադրանքներ են առաջադրվել՝ ՀՀ քրեական օրենսգրքի 211-րդ հոդվածի 2-րդ մասի 3-րդ և 5-րդ կետերով: Որպես խափանման միջոց նրանց նկատմամբ ընտրվել էր կալանավորումը»: Նախաքննությունը շարունակվում է:

18:51 - 01 հոկտեմբերի, 2022

Կալանավորվել է Բերդ համայնքի ղեկավարի տեղակալը. ՔԿ

ՀՀ քննչական կոմիտեի Տավուշի մարզային քննչական վարչությունում շարունակվում է 2022 թվականի սեպտեմբերի 25-ին Բերդ համայնքում տեղական ինքնակառավարման մարմինների ընտրություններին քարոզչություն կատարելուն հարկադրելու դեպքի առթիվ ՀՀ ազգային անվտանգության ծառայության քննչական դեպարտամենտում նախաձեռնված քրեական վարույթի նախաքննությունը: Իրականացված քննչական և վարութային մեծածավալ գործողությունների արդյունքում պարզվել են դեպքի՝ էական նշանակություն ունեցող մի շարք հանգամանքներ: Ավելի վաղ տեղեկացրել էինք, որ տեղական ինքնակառավարման մարմնի՝ ՀՀ Տավուշի մարզի Բերդի համայնքապետարանի աշխատակազմի քարտուղարը և նույն համայնքի Ներքին Կարմիրաղբյուր բնակավայրի վարչական ղեկավարը, 2022 թ. սեպտեմբերի 25-ին Բերդ համայնքում կայացած տեղական ինքնակառավարման մարմինների ընտրություններին սատարելով «Զորավոր համայնք» դաշինքին, օգտագործելով իրենց լիազորությունները և ազդեցությունը, Բերդ համայնքի ղեկավարի և «Ներքին Կարմիրաղբյուրի մանկապարտեզ» ՀՈԱ կազմակերպության տնօրենի ժամանակավոր պաշտոնակատարի միջև կնքված աշխատանքային պայմանագիրը լուծելու և պայմանագրի ժամկետը դադարեցնելու սպառնալիքով վերջինիս հարկադրել են ընդգրկվել նշված դաշինքում և նույն դաշինքի օգտին կատարել քարոզչություն՝ այդ կերպ հարկադրելով հրաժարվել իր նախընտրած կուսակցության օգտին նախընտրական քարոզչություն կատարելուց: Տեսնելով, որ տնօրենի ժամանակավոր պաշտոնակատարը չի տրվում իրենց սպառնալիքներին և չի կատարում իրենց պահանջները, աշխատակազմի քարտուղարը, նրա կամքի և գիտակցության վրա առավել գործուն միջոցով ազդելու և իրենց հանցավոր մտադրությունն իրագործելու համար, Բերդ համայնքի ղեկավարի տեղակալի ստորագրությամբ, ծանուցագիր էր ուղարկել՝ հիշյալ պայմանագրի գործողությունը դադարեցնելու մասին, սակայն տեղեկանալով, որ վերջինս պատրաստվում է իրենց հանցավոր գործողությունների վերաբերյալ հայտնել իրավապահ մարմիններին, նրա հետ կնքված աշխատանքային պայմանագիրը չէին լուծել: Հաշվի առնելով, որ համայնքի ղեկավարի տեղակալի գործողություններում ևս առկա են քրեական հետապնդում հարուցելու բավարար հիմքեր, վարույթն իրականացնող մարմնի կողմից միջնորդություն է ներկայացվել նախաքննության նկատմամբ հսկողություն իրականացնող դատախազին՝ նրա նկատմամաբ հանրային քրեական հետապնդում հարուցելու մասին, որը բավարարվել է: Ձեռք բերված բավարար ապացույցների համակցությամբ՝ վերջինիս մեղադրանք է ներկայացվել՝ ՀՀ քրեական օրենսգրքի 211-րդ հոդվածի (Քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը) 2-րդ մասի 3-րդ և 5-րդ կետերով: Միջնորդություն է ներկայացվել դատարան՝ նրա նկատմամբ կալանավորումը որպես խափանման միջոց կիրառելու վերաբերյալ, ինչը բավարարվել է: Հիշեցնենք, որ ավելի վաղ մեղադրանքներ էին ներկայացվել նաև Տավուշի մարզի Բերդի համայնքապետարանի աշխատակազմի քարտուղարին և նույն համայնքի Ներքին Կարմիրաղբյուր բնակավայրի վարչական ղեկավարին՝ ՀՀ քրեական օրենսգրքի 211-րդ հոդվածի 2-րդ մասի 3-րդ և 5-րդ կետերով: Որպես խափանման միջոց՝ նրանց նկատմամբ ընտրվել էր կալանավորումը: Նախաքննությունը շարունակվում է: Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

19:20 - 30 սեպտեմբերի, 2022

Տավուշի մարզում սահմանային իրավիճակը հանգիստ է. մարզպետարանի պարզաբանումը

Տավուշի մարզպետարանը հայտարարությամբ է հանդես եկել` կրկին հորդորելով չտարածել ապատեղեկություն, չվտանգել սահմանների և սահմանապահ բնակիչների անվտանգությունը: «Շրջանառվող այն տեղեկատվությունը, ըստ որի` Տավուշի մարզի Նոյեմբերյան համայնքի սահմանամերձ բնակավայրերում տարհանում է իրականացվում, իրականության հետ որևէ առնչություն չունի: Հարգելի տավուշցիներ, շրջանցեք տարածվող ապատեղեկատվությունը: Տավուշի մարզում սահմանային իրավիճակը հանգիստ է»,- ասված է հաղորդագրության մեջ:

21:32 - 23 սեպտեմբերի, 2022

Իջևանի գինու գործարանի մոտակայքում շարունակվում են հրդեհաշիջման աշխատանքները

09:58 - 03 սեպտեմբերի, 2022

Ուսուցիչը

Նոյեմբերյանում ուրբաթ երեկոներն ինտելեկտուալ են․ 1998 թվականի աշնանը ուսուցիչ Արմեն Ամիրաղյանը և ընկերները հիմնադրեցին «Նոյեմբերյանի ինտելեկտուալ կրթության ակումբը», որի շրջանակում էլ յուրաքանչյուր ուրբաթ անց է կացվում «Ի՞նչ, որտե՞ղ, ե՞րբ» խաղի մրցաշրջանի հերթական հանդիպումը։ 26 տարի դպրոցում դասավանդած, այնուհետև համայնքապետարանում աշխատած, իսկ ներկայումս Նոյեմբերյանի պետական քոլեջի դասախոս Արմեն Ամիրաղյանն արդեն 24 տարի` յուրաքանչյուր ուրբաթ, անասունին տուն է բերում, խնամում, վերցնում նախօրոք նախապատրաստած հարցերն ու գնում ակումբ՝ քաղաքին պարգևելու ևս մեկ ինտելեկտուալ ուրբաթ երեկո։

20:20 - 31 օգոստոսի, 2022

Նոյեմբերյանում անցկացվեց «Ապագայի նախատիպը» կոնֆերանսը

«Protolab» ստարտափի նախագծերի ղեկավար Մերի Գիշյանը պատմում է օգոստոսի 20-ին և 21-ին Նոյեմբերյանում անցկացված «Ապագայի նախատիպը» կոնֆերանսի մասին։

13:31 - 23 օգոստոսի, 2022

Արցախցի Bitty-ները՝ Նոյեմբերյանում անցկացվող «Ապագայի նախատիպը» կոնֆերանսում

Մարզերի ու Երևանի 150 պատանիների ու երիտասարդների համախմբել էր «Ապագայի նախատիպը» կոնֆերանսը: Կոնֆերանսը կազմակերպել էր «Protolab» ստարտափի թիմը` ստարտափի հիմնադրման 1-ամյակի առթիվ: Կոնֆերանսի բանախոսներն էին հայաստանյանն ՏՏ ընկերությունների մասնագետները, իսկ մասնակիցները հնարավորություն ունեցան նրանց հարցեր տալու և խորհուրդներ լսելու: Կոնֆերանսի նպատակն է մարզերի պատանիներին գիտելիք տալն ու մոտիվացնելը, որ ամեն մեկն իր մարզում թիմեր ձևավորի ու գաղափարներ իրագործի։

13:29 - 21 օգոստոսի, 2022

Սեպտեմբերին 25-ին մի շարք համայնքներում կլինեն ՏԻՄ ընտրություններ |hetq.am|

hetq.am: Սեպտեմբերի 25-ին հանրապետության ութ մարզերում ՏԻՄ ընտրություններ են սպասվում: Ընտրություններ լինելու են Արագածոտնի մարզի Թալին (26695 ընտրող), Ալագյազ (2672 ընտրող), Ծաղկահովիտ (7000ընտրող) համայքներում, Գեղարքունիքի Ճամբարակ համայնքում (10851ընտրող), Լոռու մարզի Գյուլագարակ (6212 ընտրող), Ալավերդի (30519 ընտրող), Լոռի Բերդ (4001 ընտրող), Տաշիր (18299 ընտրող), Կոտայքի Չարենցավան (26832 ընտրող), Ակունք (6831 ընտրող), Բյուրեղավան (8255ընտրող), Զրվեժ (7966 ընտրող), Շիրակի մարզի Անի (15889 ընտրող), Սյունիքի մարզի Սիսիան (23037 ընտրող), Քաջարան (6112 ընտրող), Վայոց ձորի Արենի (8132 ընտրող), Եղեգիս (4626 ընտրող), Տավուշի մարզի Բերդ (22454) համայնքներում: Շարունակությունը՝ hetq.am կայքում

15:42 - 13 օգոստոսի, 2022

Սևքար գյուղի վերջնամասում չպայթած արկ է նկատվել

Օգոստոսի 12-ին, ժամը 19։04-ին Տավուշի մարզային ճգնաժամային կառավարման կենտրոն ահազանգ է ստացվել, որ Սևքար գյուղի վերջնամասում չպայթած արկ է նկատվել: Այս մասին հաղորդել է ՀՀ ԱԻՆ-ը։ Դեպքի վայր է մեկնել ԱԻՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Նոյեմբերյանի հատուկ օբյեկտների պահպանության հրշեջ-փրկարարական ջոկատի Սարիգյուղի հենակետի օպերատիվ խումբը: Փրկարարները սահմանազատել են տարածքը և իրականացրել հերթապահություն մինչ ինժեներական ծառայության մոտենալը: Արկը ինժեներական խմբի կողմից տեղափոխվել է անվտանգ տարածք` հետագա ոչնչացման նպատակով։

10:32 - 13 օգոստոսի, 2022