Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Եվրախորհուրդը սկսել է կազմակերպությանը Ռուսաստանի անդամակցությունը կասեցնելու ընթացակարգ

Եվրախորհրդի Նախարարների կոմիտեն սկսել է կազմակերպությանը Ռուսաստանի անդամակցությունը կասեցնելու ընթացակարգ։ ՏԱՍՍ-ի փոխանցմամբ՝ այս մասին ուրբաթ օրը Twitter-ում գրել է Լեհաստանի վարչապետ Մատեուշ Մորավիեցկին։ Եվրախորհրդի Նախարարների կոմիտեն Ուկրաինայի և Լեհաստանի նախաձեռնությամբ սկսել է Եվրախորհրդին Ռուսաստանի անդամակցությունը կասեցնելու ընթացակարգը։ Վերջնական որոշում կկայացվի շուտով»,- տեղեկացրել է նա։

19:27 - 25 փետրվարի, 2022

ՄՕԿ-ը կոչ է արել հետաձգել կամ չեղարկել Ռուսաստանում և Բելառուսում նախատեսված մարզական միջոցառումները

Միջազգային օլիմպիական կոմիտեի (ՄՕԿ) գործադիր խորհուրդը միջազգային ֆեդերացիաներին կոչ է արել հետաձգել կամ չեղարկել Ռուսաստանում և Բելառուսում նախատեսված մարզական միջոցառումները, ասվում է կազմակերպության կայքում։ Այս մասին հայտնում է Ռիա Նովոստին։ «Անհրաժեշտ է հաշվի առնել Ռուսաստանի և Բելառուսի կառավարությունների կողմից օլիմպիական զինադադարի խախտումը և բացարձակ առաջնահերթություն տալ մարզիկների անվտանգությանը: ՄՕԿ-ն ինքը որևէ միջոցառում չի նախատեսում այդ երկրներում»,- ասվում է հայտարարության մեջ:

19:16 - 25 փետրվարի, 2022

Պուտինը բարձր է գնահատել ռուս զինվորականների գործողությունները Ուկրաինայում

Ուկրաինայում հատուկ գործողության ընթացքում ռուսական բանակը հաջողությամբ կատարում է իր մարտական պարտքը՝ լուծելով անվտանգության ապահովման և հայրենիքի պաշտպանության խնդիրը։ «Ռիա Նովոստի»-ի փոխանցմամբ՝ Անվտանգության խորհրդի ժամանակ ասել է ՌԴ նախագահ Վլադիմիր Պուտինը։ «Ուզում եմ ամենաբարձր գնահատականը տալ ռուս զինվորների և սպաների գործողություններին։ Նրանք գործում են խիզախ, պրոֆեսիոնալ, հերոսաբար։ Նրանք հաջողությամբ կատարում են իրենց մարտական պարտքը, հաջողությամբ լուծում են մեր ժողովրդի և մեր հայրենիքի անվտանգության ապահովման կարևորագույն խնդիրը»,- նշել է Պուտինը։

19:10 - 25 փետրվարի, 2022

Պուտինը ուկրաինացի զինվորականներին կոչ է արել իշխանությունը վերցնել իրենց ձեռքը

ՌԴ նախագահ Վլադիմիր Պուտինը Անվտանգության խորհրդի նիստի ժամանակ, դիմելով ուկրաինացի զինվորականներին, կոչ է արել իշխանությունը վերցնել իրենց ձեռքում։ «Վերցրեք իշխանությունը ձեր ձեռքը։ Մենք ձեզ հետ ավելի հեշտ կպայմանավորվենք, քան թմրամոլների և նեոնացիստների այս խմբակի, որը տեղավորվել է Ուկրաինայում և ողջ ժողովրդին վերցրել է պատանդ»:

18:55 - 25 փետրվարի, 2022

Կուլեբան Ճապոնիայի ԱԳ նախարարի հետ զրույցում կոչ է արել ՌԴ-ին անջատել SWIFT համակարգից

Ուկրաինայի արտաքին գործերի նախարար Դմիտրի Կուլեբան հեռախոսազրույց է ունեցել Ճապոնիայի արտաքին գործերի նախարար Յոսիմաս Հայասիի հետ։ Այս մասին թվիթերյան իր էջում գրել է Կուլեբան։ «Շնորհակալ ենք Ճապոնիային Ռուսաստանի դեմ նոր պատժամիջոցներ սահմանելու և Ուկրաինային ֆինանսական աջակցություն տրամադրելու համար։ Ռուսաստանին SWIFT-ից անջատելը հրատապ է, և դա կծառայի նաև Ճապոնիայի շահերին: Մենք նաև քննարկել ենք Ուկրաինայի պաշտպանունակությունն ուժեղացնելու ուղիները» ։

18:27 - 25 փետրվարի, 2022

Կեսգիշերից սկսած՝ Լեհաստանը կփակի իր երկինքը ռուսական ավիաընկերությունների համար

Կեսգիշերից սկսած՝ Լեհաստանը կփակի իր երկինքը ռուսական ավիաընկերությունների համար։ Լեհաստանի վարչապետ Մորավիեցկին հանձնարարել է պատրաստել անհրաժեշտ որոշումը։ BBC-ի հաղորդմամբ՝ Չեխիան նույնպես քննարկում է իր երկինքը ռուսական ավիաընկերությունների համար փակելու հարցը։

18:08 - 25 փետրվարի, 2022

Կիեւը մտել է պաշտպանության փուլ․ Կլիչկոն տեղացիներին կոչ է արել փողոց դուրս չգալ

Կիեւը մտել է պաշտպանության փուլ։ Այս մասին հայտարարել է Կիեւի քաղաքապետ Վիտալի Կլիչկոն։ Քաղաքապետը տեղացիներին կոչ է արել փողոց դուրս չգալ, հատկապես Օբոլոնսկովո թաղամասի բնակիչները․ «Մնացեք տներում կամ ապաստարաններում, իսկ դուրս գալ կարելի է միայն օդային տագնապի ավարտիվ հետո»,- պարզաբանել է նա։ Կլիչկոն բնակիչներին առաջարկել է պահեստավորել ջուր, սնունդ եւ առաջին անհրաժեշտության իրեր։

17:53 - 25 փետրվարի, 2022

Էստոնիան լրացուցիչ զենք և օգնություն է ուղարկում Ուկրաինա

Էստոնիան ավելի շատ Javelin հակատանկային հրթիռներ և հակաօդային զինամթերք կուղարկի Ուկրաինա։ Ինչպես փոխանցում է news.err.ee-ն, այս մասին հայտնել է երկրի Պաշտպանության նախարարության գլխավոր քարտուղար Կուստի Սալմը։ Ուկրաինա կուղարկվեն նաև սնունդ և բժշկական պարագաներ։ Էստոնիան արդեն Ուկրաինային ուղարկել էր Javelin հրթիռներ, որոնք սկսել էին տեղ հասնել անցած շաբաթ։

17:35 - 25 փետրվարի, 2022

Լուկաշենկոն վստահեցրել է, որ Մինսկը պատրաստ է ստեղծել բոլոր պայմանները ՌԴ-ի եւ Ուկրաինայի բանակցային գործընթացի համար

Բելառուսի նախագահ Ալեքսանդր Լուկաշենկոն ՌԴ նախագահ Վլադիմիր Պուտինի հետ հեռախոսազրույցում վստահեցրել է, որ Մինսկը պատրաստ է ստեղծել բոլոր պայմանները Ռուսաստանի եւ Ուկրաինայի բանակցային գործընթացի համար, նաեւ ապահովելու պատվիրակությունների անվտանգությունն ու անձեռնմխելիությունը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։ Նշենք, որ ավելի վաղ Ուկրաիանայի նախագահ Վլադիմիր Զելենսկին, դիմելով ՌԴ նախագահ Վլադիմիր Պուտինին, ասել էր․ «Եվս մեկ անգամ ուզում եմ դիմել ՌԴ նախագահին. Ուկրաինայի ողջ տարածքում մարտեր են ընթանում, եկեք նստենք բանակցությունների սեղանի շուրջ, որպեսզի դադարեցնենք մարդկանց մահերը»։ ՌԴ նախագահ Վլադիմիր Պուտինը Չինաստանի առաջնորդ Սի Ծինփինի հետ հեռախոսազրույցի ընթացքում հաստատել էր, որ պատրաստ է բարձր մակարդակի շփումներ ունենալ Կիևի հետ։ Այնուհետև ՌԴ նախագահի խոսնակ Դմիտրի Պեսկովը հայտնել էր, որ Ռուսաստանը պատրաստ է ՊՆ, ԱԳՆ և նախագահի աշխատակազմի ներկայացուցիչների մակարդակով պատվիրակություն ուղարկել Մինսկ՝ Ուկրաինայի հետ բանակցությունների համար։ Ուկրաինայի շուրջ թարմացումներին կարող եք հետևել այստեղ։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝ հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։

17:16 - 25 փետրվարի, 2022

ՌԴ օդադեսանտային և դեսանտային ուժերը արգելափակել են Կիևն արևմուտքից․ ՌԴ ՊՆ

Ռուսաստանի Զինված ուժերի ստորաբաժանումները շրջափակել են ուկրաինական Չերնիգով քաղաքը։ Այս մասին լրագրողներին հայտնել է Ռուսաստանի Պաշտպանության նախարարության պաշտոնական ներկայացուցիչ Իգոր Կոնաշենկովը, փոխանցում է «РИА Новости» գործակալությունը։ Ավելի վաղ նա հայտնել էր, որ օդադեսանտային և դեսանտային ուժերը Կիևն արևմուտքից արգելափակել են։

17:08 - 25 փետրվարի, 2022

Պուտինը պատրաստ է պատվիրակություն ուղարկել Մինսկ՝ ուկրաինացիների հետ բանակցությունների համար․ Պեսկով

Պուտինը պատրաստ է ռուսական պատվիրակություն ուղարկել Մինսկ՝ ուկրաինացիների հետ բանակցությունների համար։ Ինչպես հայտնում է «РИА Новости»-ն, այս մասին այսօր հայտարարել է ՌԴ նախագահի մամուլի խոսնակ Դմիտրի Պեսկովը։ Նրա խոսքով՝ պատվիրակության կազմում կլինեն պաշտպանության նախարարության, ԱԳՆ-ի և Կրեմլի աշխատակազմի ներկայացուցիչները։ «Զելենսկին հայտարարել է Ուկրաինայի չեզոք կարգավիճակը քննարկելու պատրաստակամության մասին։ Հենց սկզբից ՌԴ նախագահը հայտարարել էր, որ ռազմական գործողության նպատակը Դոնեցկի և Լուգանսկի ինքնահռչակ հանրապետություններին օգնելն է, այդ թվում՝ Ուկրաինայի ապառազմականացմամբ և դենացիֆիկացիայի։ Իսկ դա չեզոք կարգավիճակի անբաժանելի բաղադրիչն է»,-ասել է նա։ Միևնույն ժամանակ ՌԴ ԱԳ նախարար Սերգեյ Լավրովը հայտնել է․ «Մենք բանակցությունների պատրաստ ենք։ Ցանկացած պահի, երբ Ուկրաինայի զինված ուժերը կարձագանքեն մեր նախագահի՝ դիմադրությունը դադարեցնելու և զենքերը վայր դնելու կոչին։ Ոչ մեկը չի պատրաստվում հարձակվել նրանց վրա, ոչ մեկը չի պատրաստվում նրանք ճնշել։ Թող վերադառնան իրենց ընտանիքներ։ Իսկ ուկրաինացիներին եկեք բոլորս միասին հնարավորություն տանք ինքնուրույն որոշելու իր ճակատագիրը»։

17:02 - 25 փետրվարի, 2022

«Ֆորմուլա 1» ավտոմրցարշավի 2022 թ․-ի Ռուսաստանի «Գրան-պի»-ն չեղարկվել է

«Ֆորմուլա 1» ավտոմրցարշավի աշխարհի առաջնության կազմակերպիչները հայտարարել են 2022 թվականի արքայական մրցավազքի ռուսական փուլի չեղարկման մասին։ Տարածած հաղորդագրությունում, մասնավորապես, ասված է․ «Հինգշաբթի երեկոյան «Ֆորմուլա 1»-ը, Ավտոմոբիլային միջազգային ֆեդերացիան և թիմերը քննարկեցին մեր մարզաձևի դիրքորոշումը և հաշվի առնելով շահագրգիռ բոլոր կողմերի կարծիքները՝ եկան այն եզրակացության, որ անհնար է Ռուսաստանի Գրան-պրիի անցկացումը ներկայիս պայմաններում»։ Նշենք, որ այն նախատեսված էր անցկացնել 2022 թ․ սեպտեմբերի 23-ից 25-ն ընկած ժամանակահատվածում։ Կազմակերպիչները նաեւ հայտնել են, որ տխրությամբ և ցնցումով են հետևում ուկրաինական զարգացումներին և հույս ունեն, որ ներկա իրավիճակն արագ ու խաղաղ հանգուցալուծվի։

17:01 - 25 փետրվարի, 2022

Ռուսաստանը Բարենցի ծովում պլանային մարտավարական զորավարժություն է անցկացնում

Ռուսաստանի պաշտպանության նախարարությունը հայտնում է, որ երկրի Հյուսիսային նավատորմի ռազմածովային որոնողահարվածային խումբը Բարենցի ծովում պլանային մարտավարական զորավարժություն է անցկացնում՝ պայմանական թշնամու սուզանավը որոնելու և ոչնչացնելու նպատակաով։ «Այս զորավարժությունն իրականացվում է Հյուսիսային նավատորմի ռազմաօդային ուժերի և հակաօդային պաշտպանության բանակի Իլ-38 հակասուզանավային ինքնաթիռներով»,- ասված է գերատեսչության հաղորդագրությունում։

16:45 - 25 փետրվարի, 2022

Ֆրանսիան խոստացել է օգնել Զելենսկուն նրա անվտանգության սպառնալիքի դեպքում |armenpress.am|

armenpress.am: Ֆրանսիան կկարողանա օգնություն ցուցաբերել Վլադիմիր Զելենսկուն նրա անվտանգության սպառնալիքի դեպքում: Այդ մասին հայտարարել է երկրի ԱԳՆ-ի ղեկավար Ժան Իվ լե Դրիանը: «Զելենսկու անվտանգությունը… տեղի ունեցողի կենտրոնական էլեմենտն է, եւ մենք ի վիճակի ենք նրան օգնել անրաժեշտության դեպքում»,-ասել է լե Դրիանը՝ հանդես գալով France Inter ռադիոկայանի եթերում: «Մենք կձեռնարկենք միջոցներ, որոնք հարկավոր կլինի ձեռնարկել»,-ասել է նախարարը ի պատասխան այն հարցին, թե ենթադրում է արդյոք այդ օգնությունը Զելենսկու դուրսբերումն Ուկրաինայից: Ինչպես արդեն հաղորդվել է, փետրվարի 24-ի առավոտյան Ռուսաստանի նախագահ Վլադիմիր Պուտինը հայտարարել է, որ որոշում է ընդունել Ուկրաինայի տարածքում երկրի ապառազմականացման նպատակով հատուկ ռազմական գործողություն անցկացնելու մասին: Ռուսաստանցիներին հղած հեռուստաուղերձում նա հայտարարել է, որ հանգամանքները «մեզանից պահանջում են վճռական եւ անհապաղ գործողություններ. Դոնբասի ժողովրդական հանրապետությունները Ռուսաստանին են դիմել օգնության խնդրանքով»: Ռուսաստանի ղեկավարի խոսքով՝ արյունահեղության ողջ պատասխանատվությունը դրվելու է Ուկրաինայում կառավարող ռեժիմի խղճի վրա: Նա ուկրաինացի զինվորականներին կոչ է արել՝ չկատարել Ուկրաինայի իշխանությունների հանցավոր հրամանները, վայր դնել զենքը եւ տուն գնալ, հաղորդել է ՌԻԱ Նովոստին:

16:38 - 25 փետրվարի, 2022

ՌԴ Զինուժի գործողությունների արդյունքում «Գրադ» համակարգի բեկորները հարվածել են Կիևի մարզի Վորզել քաղաքի մանկատան տարածքներից մեկին

Ուկրաինայի գլխավոր դատախազը հայտնում է, որ ռազմական գործողությունների ընթացքում Ռուսաստանի Դաշնության զինվորական անձնակազմը թույլ է տվել, որ, հավանաբար, «Գրադ» բազմակի հրթիռային համակարգերի բեկորները հարվածեն Կիևի մարզի Վորզել քաղաքի մանկատան տարածքներից մեկին, որտեղ կար 50 երեխա: «Այս ապօրինի գործողությունների հետևանքով տուժողներ չեն եղել, քանի որ բեկորների հարվածի պահին երեխաներն ու մանկատան աշխատակիցները գտնվել են այլ հատվածներում։ Ներկա պահին մանկատան երեխաները տարհանված չեն, մանկատան տարածքում ապաստարաններ կամ նկուղներ չկան։ Դատախազության միջամտությամբ միջոցներ են ձեռնարկվում նրանց տարհանելու ուղղությամբ»,- ասել է դատախազը։

16:28 - 25 փետրվարի, 2022

Ուկրաինայում ռազմական գործողությունը Արեւմուտքի կողմից ՌԴ-ի հետաքրքրությունների համատարած անտեսման հետեւանքն է․ Նարիշկին

Ուկրաինայում ռազմական գործողությունը Արեւմուտքի կողմից անվտանգության ոլորտում ՌԴ-ի հետաքրքրությունների համատարած անտեսման հետեւանքն է, այս մասին հայտարարել է ՌԴ-ի արտաքին հետախուզության ծառայության ղեկավար Սերգեյ Նարիշկինը։ «Դոնեցկի ու Լուգանսկի ժողովրդական հանրապետությունների բնակիչներին փրկելու ռազմական հատուկ գործողությունը անվտանգության ոլորտում Արեւմուտքի կողմից մեր երկրի օբյեկտիվ հետաքրքրությունների երկարատեւ եւ համատարած անտեսման հետեւանքն է»,- ասել է նա։ Նարիշկինը հավելել է, թե Ռուսաստանի ռազմական հատուկ գործողությունը կարճ ժամանակում խաղաղություն կհաստատի Ուկրաինայում եւ կկանխի ավելի լայն հակամարտությունը Եվրոպայում։ «Արեւմտյան ղեկավաների հետ անպտուղ բանակցությունների ընթացքում ռուսական ղեկավարությունը համոզվել է, որ ԵԱՀԿ փաստաթղթում ներառված սկզբունքները՝ բոլոր անդամ երկրների համար անվտանգության երաշխիքների մասին, դատարկ խոսքեր են ԱՄՆ-ի եւ ՆԱՏՕ-ի այլ անդամների համար։ ՌԴ-ն պարտավոր է ինքնուրույն պաշտպանել իրեն եւ իր դաշնակիցներին»,- ասել է նա։ Ծառայության ղեկավարը նշել է, որ Արեւմուտքում սիրում են հեգնելլ ռուսների համբերությունը, «եւ դա ճիշտ է, բայց եւ այն անսահման չէ»։ «Ռուսաստանը չի կարող թույլ տալ, որ Ուկրաինան Վաշինգտոնի ձեռքին դառնա մեր գլխին կախված դաշույն։ Դրա միակ ճանապարհն այսօր ապառազմականացումն ու դենացիֆիկացիան են, եւ ուկրաինական պետության չեզոք կարգավիճակը»,- ասել է Նարիշկինը։

16:28 - 25 փետրվարի, 2022