ՆԳՆ փրկարար ծառայություն

Փրկարար ծառայությունը Հայաստանի Հանրապետության ներքին գործերի նախարարության ենթակա մարմին է։

Իրականացնում է արտակարգ իրավիճակների կանխման, դրանց հնարավոր հետևանքների նվազեցման և վերացման, արտակարգ իրավիճակներում բնակչության պաշտպանության ու քաղաքացիական պաշտպանության միջոցառումների իրականացման ծրագրերի մշակում, քաղաքացիական պաշտպանության պահուստների ստեղծմանը և նպատակային օգտագործմանը մասնակցություն. հակահրդեհային պահպանության և հրշեջ-փրկարարական ծառայությունների մատուցում և այլ գործառույթներ:

Ծառայության գործող պետը Կամո Ցուցուլյանն է։

2023թ․ հունիսի 30-ից դադարեցվել է ՀՀ արտակարագ իրավիճակների նախարարության գործունեությունը՝ համաձայն 2022թ. դեկտեմբերի 16-ին ընդունված ՀՀ օրենքի, որով ստեղծվել է Ներքին գործերի նախարարությունը։

ԱԻՆ փրկարար ծառայությունում տեղի է ունեցել խորհրդակցություն

ԱԻՆ փրկարար ծառայությունում տեղի է ունեցել խորհրդակցություն

Արտակարգ իրավիճակների նախարարության ՓԾ աշխատանքային խորհրդակցությունը տեղի է ունեցել սեպտեմբերի 13-ին, որի ընթացքում ամփոփվել են սեպտեմբերի 6-13-ն ընկած հաշվետու ժամանակահատվածում կատարված աշխատանքների արդյունքները: Նիստը վարում էր ՓԾ տնօրեն, փ/ծ գնդապետ Արտակ Նահապետյանը: Պատասխանատուները Փրկարար ծառայության տնօրենին զեկուցել են հաշվետու ժամանակահատվածում իրականացված պլանային և նախատեսվող աշխատանքների, գրանցված ահազանգերի, դեպքերի և պատահարների, փրկարար ծառայության տրանսպորտային միջոցների տեխնիկական վիճակի, ՓԾ վարչություններում իրականացվող շինարարական աշխատանքների, ինչպես նաև արտակարգ իրավիճակների արձագանքման և կանխարգելիչ աշխատանքների իրականացման վերաբերյալ ամփոփ տեղեկատվությունը: Ըստ մարզային փրկարարական վարչություների ղեկավարների զեկույցների՝ հանրապետության մարզերի ուսումնական և մի շարք այլ հաստատություններում շարունակում են անցկացվել ԱԻՆ աշխատակցի օրվան նվիրված հատուկ տակտիկական ուսումնավարժություններ և դասընթացներ: Շիրակի մարզային փրկարարական վարչության պետ, փ/ծ գնդապետ Ալեքսան Գյոզալյանը զեկուցել է, որ մարզում սեպտեմբերի 10-ին իրականացվել են Բավրա գյուղից 12 կմ հարավ-արևելք գրանցված երկրաշարժի հետևանքով հավանական փլուզումների, վնասված շենք-շինությունների հայտնաբերման և բնակիչներին մասնագիտական տեղեկատվություն տրամադրման աշխատանքներ: Հետաքննության արդյունքում վնասված շինություններ չեն հայտնաբերվել: Խորհրդակցության ավարտին փրկարար ծառայության տնօրեն, փ/ծ գնդապետ Ա. Նահապետյանն ամփոփել է խորհրդակցության արդյունքները՝ տալով մի շարք հանձնարարականներ: Դրանք, մասնավորապես, վերաբերում էին մարզերում շինարարական և վերանորոգման աշխատանքների պատշաճ կազմակերպմանը: Փրկարար ծառայության տնօրենը հանձնարարեց փրկարարական վարչություների ղեկավարներին անձնական վերահսկողության տակ վերցնել և մշտական ուշադրության տակ պահել իրականացվող աշխատանքների որակն ու համապատասխանությունը շինարարական պլաններին: Ա. Նահապետյանը նաև անդադարձ է կատարել ՀՀ անկախությանը նվիրված տոնական միջոցառումների ընթացքում ՓԾ ուժերի պատշաճ ծառայության կազմակերպմանն ու անցկացմանը: Ըստ ՓԾ տնօրենի՝ ծառայության գլխավոր նպատակը 2020 թ. պետք է դառնա անձնակազմի պատրաստության բարձրացումը և այս համատեքստում՝ հանրապետության բոլոր մարզերում քաղաքային որոնողափրկարարական թիմերի (ՔՈՓ) ստեղծումն ու զարգացումը:

11:56 - 13 սեպտեմբերի, 2019

Ֆելիքս Ցոլակյանը ՀՀ ԱԻՆ-ում փոքր ավիացիայի անհրաժեշտություն է տեսնում |armenpress.am|

Ֆելիքս Ցոլակյանը ՀՀ ԱԻՆ-ում փոքր ավիացիայի անհրաժեշտություն է տեսնում |armenpress.am|

armenpress.am: ՀՀ ԱԻ նախարար Ֆելիքս Ցոլակյանը սեպտեմբերի 12-ին ընդունել է Չեխիայի «General Electric Aviation» ընկերության Ուկրաինայի տարածաշրջանային գրասենյակի և Հայաստանում Ամերիկայի Առևտրի Պալատի բարձրաստիճան ներկայացուցիչներին: Հանդիպմանը մասնակցել է նաև Հայաստանում Չեխիայի արտակարգ և լիազոր դեսպան Բեդրիխ Կոպեցկին: Պատվիրակության այցելության նպատակն էր ներկայացնել «L410» տուրբո շարժիչով ինքնաթիռը և քննարկել մեր երկրում դրա գործարկման հնարավորությունները: Պատվիրակության անդամ «General Electric Aviation Czech»-ի Չեխիայի և Սլովակիայի նախագահ և գլխավոր գործադիր տնօրեն Միլան Սլապակը ներկայացրել է «L410» ինքնաթիռը և նշել, որ ինքնաթիռն ունի իր դասի ամենամեծ սրահը՝ 19 նստատեղով և կարող է վայրէջք կատարել կարճ, ոչ ասֆալտապատ թռիչքուղիներում և լեռնային շրջաններում: Այն սովորաբար օգտագործվում է որպես ուղևորատար ինքնաթիռ, բայց կիրառվում է նաև որպես բեռնատար, սանիտարական ավիացիայի, օդապարիկային գործունեության, հսկողության և այլ նպատակներով: Ողջունելով հյուրերին՝ Ֆելիքս Ցոլակյանը նշել է, որ ԱԻ նախարարությունն ունի փոքր ավիացիայի անհրաժեշտություն: Ինքնաթիռները պետք է օգտագործվեն հրդեհաշիջման աշխատանքներում և մարդկանց տարհանելու նպատակով: Ֆելիքս Ցոլակյանի խոսքով, հաշվի առնելով երկրի փոքրությունը, տարհանումը կազմակերպվում է այլ միջոցներով, իսկ հրդեհաշիջումն առավել արդյունավետ դարձնելու հարցում ԱԻ նախարարութունը պատրաստ է քննարկել գործնական առաջարկություններ: Հանդիպման ավարտին ԱԻ նախարարն առաջարկել է հյուրերին ներկայացնել իրենց արտադրության ինքնաթիռների տեխնիկատակտիկական տվյալները, որպեսզի մասնագետների ուսումնասիրության արդյունքում քննարկվեն համագործակցության հեռանկարները:

15:32 - 12 սեպտեմբերի, 2019

«Ձյունիկ սառնարան» ՍՊԸ-ի շենքում փրկարարներն իրականացրել են հովացման աշխատանքներ

«Ձյունիկ սառնարան» ՍՊԸ-ի շենքում փրկարարներն իրականացրել են հովացման աշխատանքներ

Սեպտեմբերի 9-ին, ժամը 17:51-ին «911» ծառայություն ահազանգ է ստացվել, որ Երևանի Արշակունյաց պողոտայում գտնվող «Ձյունիկ սառնարան» ՍՊԸ-ի շենքի 5-րդ հարկից ծուխ է նկատվում: Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և մեկ ավտոսանդուղք: Պարզվել է, որ ծուխը տարածվել է 3-րդ և 4-րդ հարկեր: Փրկարարներն իրականացրել են հովացման աշխատանքներ` մինչև ծխի դադարելը:

05:59 - 10 սեպտեմբերի, 2019

Այսօր ու առաջիկա օրերին շրջանների զգալի մասում սպասվում է անձրեւ ու ամպրոպ

Այսօր ու առաջիկա օրերին շրջանների զգալի մասում սպասվում է անձրեւ ու ամպրոպ

ՀՀ ԱԻՆ օդերեւութաբանական ծառայության փոխանցմամբ, հանրապետության տարածքում սեպտեմբերի 5-6-ն առանձին շրջաններում, 7-9-ը շրջանների զգալի մասում սպասվում է անձրև և ամպրոպ:Քամին՝ հյուսիս-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ:Օդի ջերմաստիճանը 8-9-ը կնվազի 4-5, Լոռիում, Տավուշում Սյունիքում և Արցախում 6-7 աստիճանով։Երևան քաղաքում 5-6-ը սպասվում է առանց տեղումների եղանակ, 7-9-ը քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20 մ/վ:

06:52 - 05 սեպտեմբերի, 2019

Առաջիկա օրերին հանրապետությունում ջերմաստիճանը կնվազի 4-5, Լոռիում, Տավուշում Սյունիքում և Արցախում 6-7 աստիճանով

Առաջիկա օրերին հանրապետությունում ջերմաստիճանը կնվազի 4-5, Լոռիում, Տավուշում Սյունիքում և Արցախում 6-7 աստիճանով

Հանրապետության տարածքում` սեպտեմբերի 4-ի ցերեկը և 5-6-ն առանձին շրջաններում, 7-9-ը շրջանների զգալի մասում սպասվում է անձրև և ամպրոպ: Քամին՝ հյուսիս-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ: Օդի ջերմաստիճանը 8-9-ը կնվազի 4-5, Լոռիում, Տավուշում Սյունիքում և Արցախում 6-7 աստիճանով։ Երևան քաղաքում՝ սեպտեմբերի 4-ի ցերեկը և 5-6-ը սպասվում է առանց տեղումների եղանակ, 7-9-ը քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20 մ/վ:

09:09 - 04 սեպտեմբերի, 2019

Եղանակն առաջիկա օրերին

Եղանակն առաջիկա օրերին

Հանրապետության տարածքում` Սեպտեմբերի 5-7-ը շրջանների զգալի մասում, 3-4-ն առանձին շրջաններում սպասվում է անձրև և ամպրոպ:Քամին հյուսիս-արևմտյան` 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ, առանձին վայրերում հնարավոր է կարկուտ:Օդի ջերմաստիճանն էապես չի փոխվի։ Երևան քաղաքում՝ Սեպտեմբերի 3-4-ը սպասվում է առանց տեղումների եղանակ, 5-7-ը քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20 մ/վ:

05:56 - 03 սեպտեմբերի, 2019

Առաջիկա օրերին սպասվում է անձրև և ամպրոպ. ջերմաստիճանը կնվազի

Առաջիկա օրերին սպասվում է անձրև և ամպրոպ. ջերմաստիճանը կնվազի

Օգոստոսի 31-ի ցերեկը հանրապետության ողջ տարածքում, սեպտեմբերի 1-5-ին շրջանների զգալի մասում սպասվում է անձրև և ամպրոպ, 31-ին առանձին վայրերում տեղումները կլինեն ինտենսիվ: Քամին հյուսիս-արևմտյան 3-8 մ/վրկ, ամպրոպի ժամանակ հնարավոր է քամու ուժգնացում՝ 15-20մ/վրկ:Օդի ջերմաստիճանն օգոստոսի 31-ի ցերեկը կնվազի 5-7, Լոռիում, Տավուշում, Սյունիքում և Արցախում 8-10 աստիճանով։ Երևանում՝ օգոստոսի 31-ի ցերեկը, սեպտեմբերի 1-5-ին սպասվում է անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20մ/վրկ:

12:13 - 31 օգոստոսի, 2019

Սյունիքի մարզի Շիկահող գյուղին հարակից խոտածածկ տարածքում իրականացվում է հերթապահություն. ԱԻՆ

Սյունիքի մարզի Շիկահող գյուղին հարակից խոտածածկ տարածքում իրականացվում է հերթապահություն. ԱԻՆ

Օգոստոսի 31-ին Սյունիքի մարզի Շիկահող գյուղին հարակից խոտածածկ տարածքում իրականացվում է հերթապահություն: Այս մասին հայտնում են ԱԻՆ լրատվական ծառայությունից: Հիշեցնենք, որ օգոստոսի 27-ին Սյունիքի մարզի Շիկահող գյուղին հարակից խոտածածկ տարածքում հրդեհ է բռնկվել:Դեպքի վայրում 40 փրկարարի և 5 լեռնափրկարարի կողմից իրականացվել են հրդեհաշիջման աշխատանքներ: Նույն օրվա ժամը 23:05-ին հրդեհը հաջողվել է մեկուսացնել:Օգոստոսի 28-ին հրդեհաշիջման աշխատանքներում ներգրավվել են 46 փրկարար ծառայող, թիվ N զորամասի 50 զինծառայող, «Հայանտառ» ՊՈԱԿ-ի անտառտնտեսության մասնաճյուղից 26, «Զանգեզուր կենսոլորտային համալիր» ՊՈԱԿ-ի 40 աշխատակից, 1 ջրատար ավտոմեքենա և գյուղի բնակիչներ: Մթության պատճառով աշխատանքները դադարեցվել են, սահմանվել է հերթապահություն:

10:06 - 31 օգոստոսի, 2019

Սյունիքի մարզի Շիկահող գյուղում այրվում է խոտածածկ տարածք. հրդեհը մեկուսացվել է

Սյունիքի մարզի Շիկահող գյուղում այրվում է խոտածածկ տարածք. հրդեհը մեկուսացվել է

Սյունիքի մարզի Շիկահող գյուղին հարակից խոտածածկ տարածքում օգոստոսի 28-ին, ժամը 06:15-ին բռնկված հրդեհի հրդեհաշիջման աշխատանքները վերսկսվել են: Կտրվի լրացուցիչ տեղեկություն:***Օգոստոսի 27-ին, ժամը 12:10-ին «911» ծառայությունում ահազանգ է ստացվել, որ Սյունիքի մարզի Շիկահող գյուղին հարակից խոտածածկ տարածքում հրդեհ է բռնկվել: Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երեք մարտական հաշվարկ:Ժամը 19:31-ի դրությամբ հրդեհաշիջման աշխատանքներին մասնակցել են 40 փրկարար և 5 լեռնափրկարար:Ժամը 23:05-ին հրդեհը մեկուսացվել է. սահմանվել է հերթապահություն:

06:22 - 28 օգոստոսի, 2019

Իրանի ղեկավարությունը մեծ ցանկություն ունի Հայաստանի հետ հաստատել որակական նոր հարաբերություններ. դեսպան

Իրանի ղեկավարությունը մեծ ցանկություն ունի Հայաստանի հետ հաստատել որակական նոր հարաբերություններ. դեսպան

Օգոստոսի 27-ին ՀՀ ԱԻ նախարար Ֆելիքս Ցոլակյանն ընդունեց Հայաստանի Հանրապետությունում դիվանագիտական իր առաքելությունն ավարտող Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին: Նախարարը դեսպանին իր գոհունակությունը հայտնեց պաշտոնավարման ընթացքում կատարած աշխատանքի համար և նշեց, որ Սեյեդ Քազեմ Սաջադին դիվանագիտական առաքելության ընթացքում ստեղծել է բավարար բարյացակամության մթնոլորտ հաջորդ դեսպանի արդյունավետ պաշտոնավարման համար: Ներկայում Հայաստանում գրեթե ամենուր տարբեր չափերի և վտանգավորության հրդեհներ են, որոնց ԱԻՆ-ը հաջողությամբ կարողանում է դիմագրավել: Նախարարը նշեց, անհրաժեշտության դեպքում, հավատարիմ մնալով հայ-իրանական դարավոր բարեկամությանը և փոխօգնության պատրաստակամությանը, Հայաստանը օգնության նպատակով կդիմի Իրանին: Նախարարը գոհունակությամբ հիշատակեց, որ ՀՀ պատվիրակության կազմում Իրան կատարած այցելությունը եղել է երկուստեք շատ արդյունավետ, հատկապես՝ տպավորվել է Իրանի նախագահի խարիզմատիկ կերպարով: Սեյեդ Քազեմ Սաջադին նշեց, որ ջերմ զգացմունքներ ունի Հայաստանի և հայ ժողովրդի նկատմամբ և այսուհետ որտեղ էլ լինի, կաշխատի ուժերի ներածին չափով օգտակար լինել հայ-իրանական բարեկամությանը: Նա շնորհակալություն հայտնեց նախարարին Իրանին պատուհասած ջրհեղեղի ժամանակ օժանդակության համար և նշեց, որ Իրանի ղեկավարությունը մեծ ցանկություն ունի, շարունակելով բարեկամությունը, Հայաստանի հետ հաստատել որակական նոր հարաբերություններ: Հանդիպման ավարտին նախարարը հրաժեշտ տալով դեսպանին, հույս հայտնեց, որ ՀՀ-ում Իրանի նոր դեսպանը կշարունակի գոյություն ունեցող բարի ավանդույթը:

11:38 - 27 օգոստոսի, 2019

Սպասվում է անձրև և ամպրոպ

Սպասվում է անձրև և ամպրոպ

Հանրապետության տարածքում` Օգոստոսի 27-ի ցերեկը, 28-29-ը առանձին շրջաններում, 30-31-ը և սեպտեմբերի 1-ին շրջանների զգալի մասում սպասվում է անձրև և ամպրոպ, առանձին վայրերում հնարավոր է նաև կարկուտ: Քամին՝ հյուսիս-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ: Օդի ջերմաստիճանը 27-29-ն էապես չի փոխվի, 30-31-ը կնվազի 5-6, Լոռիում, Տավուշում, Սյունիքում և Արցախում 7-9 աստիճանով։ Երևան քաղաքում՝ Օգոստոսի 27-29-ին երեկոյան ժամերին և գիշերը քաղաքի առանձին հատվածներում հնարավոր է, 30-31-ը և սեպտեմբերի 1-ին սպասվում է անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20 մ/վ:

10:46 - 27 օգոստոսի, 2019

Արայի լեռան ստորոտում բռնկված հրդեհը մարվել է

Արայի լեռան ստորոտում բռնկված հրդեհը մարվել է

Օգոստոսի 27-ին, ժամը 11:30-ին Արայի լեռան ստորոտում բռնկված հրդեհը մարվել է: Կտրվի լրացուցիչ տեղեկություն: *** Հիշեցնենք, որ օգոստոսի 20-ին, ժամը 09:16-ին «911» ծառայությանն ահազանգ է ստացվել, որ Կոտայքի մարզի Արայի լեռան ստորոտում՝ ավազի հանքի մոտ, այրվում է խոտածածկույթ: Դեպքի վայր են մեկնել ԱԻՆ ՓԾ մարզային փրկարարական վարչության երկու օպերատիվ խումբ և հրշեջ-փրկարարական ջոկատից երկու մարտական հաշվարկ: Հրդեհի ընդհանուր մակերեսը վերոնշյալ տարածքում կազմել է մոտ 150 հա: Հրդեհաշիջման աշխատանքներին մասնակցել են ԱԻՆ ՓԾ մարզային փրկարարական վարչության վեց օպերատիվ խումբ, յոթ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական երկու ջոկատ (ընդհանուր՝ 92 փրկարար), Կոտայքի մարզի Սարալանջ գյուղից 15, Արա գյուղից 30, Զորավան գյուղից 20, Եղվարդ քաղաքից 15 և Արագածոտնի մարզի մոտակա գյուղերից 20 բնակիչ, ինչպես նաև անտառտնտեսության 18 աշխատակից: Օգոստոսի 21-ին, ժամը 02:15-ին հրդեհը հաջողվել է մեկուսացնել: Պարզվել է, որ Կոտայքի մարզի տարածքում այրվում է մոտ 1300 հա խոտածածկույթ, իսկ Արագածոտնի մարզի տարածքում՝ 500 հա: Ժամը 09:50-ին Զորավան գյուղի գերեզմանատնից դեպի Արայի լեռ տանող հատվածում հայտնաբերվել է հրդեհի նոր օջախ, որը մեկուսացվել է ժամը 18:15-ին. սահմանվել է հերթապահություն: *** Օգոստոսի 22-ին հրդեհի ընդհանուր մակերեսը կազմել է 1800 հա: Աշխատանքներին մասնակցել են 29 փրկարար և անտառտնտեսության 2 աշխատակից: Հրդեհը մեկուսացվել է ժամը 19:54-ին և սահմանվել հերթապահություն: *** Օգոստոսի 23-ին, ժամը 11:00-ի դրությամբ Կոտայքի մարզի տարածքում 9 հրշեջ-փրկարար իրականացրել է հերթապահություն, իսկ Արագածոտնի մարզի տարածքում 17 հրշեջ-փրկարար՝ հրդեհաշիջում. դեռևս առկա են եղել ծխացող օջախներ: Հրդեհը մեկուսացվել է ժամը 19:27-ին. սահմանվել է հերթապահություն: *** Օգոստոսի 24-ին, ժամը 09:50-ին «Ծաղկեվանք» եկեղեցուն հարակից տարածքում, ինչպես նաև գագաթային հատվածում առկա ծխացող օջախների մարման աշխատանքներ և հերթապահություն են իրականացրել ԱԻՆ ՓԾ մարզային փրկարարական վարչության չորս օպերատիվ խումբ և հրշեջ-փրկարարական ջոկատի չորս մարտական հաշվարկ: *** Օգոստոսի 25-ին, ժամը 11:30-ի դրությամբ Արագածոտնի մարզի Ապարան քաղաքի կողմից հերթապահություն է իրականացրել 5, Աշտարակի կողմից՝ 2 փրկարար: Ապարանի կողմում առկա է եղել 5 ծխացող օջախ: *** Օգոստոսի 26-ին, ժամը 09:55-ին հրդեհի վայր է մեկնել ԱԻՆ ՓԾ մարզային փրկարարական վարչության երկու օպերատիվ խումբ: Լեռան գագաթային հատվածում հայտնաբերվել է 40 ծխացող օջախ, որոնք մարվել են ժամը 16:58-ին: ժամը 21:30-ին հերթապահություն են իրականացրել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ օպերատիվ խումբ:

10:10 - 27 օգոստոսի, 2019

Հրդեհ Գոմք գյուղում. այրվում է մոտ 40 հա խոտածածկույթ

Հրդեհ Գոմք գյուղում. այրվում է մոտ 40 հա խոտածածկույթ

Վայոց ձորի մարզի Գոմք գյուղում օգոստոսի 27-ին, ժամը 06:00-ից հրդեհաշիջման աշխատանքները վերսկսվել են: Այրվում է մոտ 40 հա խոտածածկույթ: Ինչպես հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Կտրվի լրացուցիչ տեղեկություն:***Հիշեցնենք, որ օգոստոսի 25-ին, ժամը 00:17-ին «911» ծառայությանն ահազանգ է ստացվել, որ Վայոց ձորի մարզի Գոմք գյուղում այրվում է խոտածածկ տարածք:Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:Պարզվել է, որ հրդեհը բռնկվել է Գոմք գյուղի «Դարաքյանդ» կոչվող տարածքում:Ժամը 01:47-ին ռելիեֆի բարդության և մթության պատճառով հրդեհաշիջման աշխատանքները դադարեցվել են և փրկարարների կողմից սահմանվել է հերթապահություն:Ժամը 06:40-ին հրդեհաշիջման աշխատանքները վերսկսվել են և դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը:Հրդեհի մակերեսը կազմել է 9 հա խոտածածկույթ:***Օգոստոսի 26-ին, ժամը 06:00-ի դրությամբ վերսկսվել են հրդեհաշիջման աշխատանքները:Հրդեհի մակերեսը կազմել է 31 հա խոտածածկույթ:Հրդեհաշիջման աշխատանքներին մասնակցել են 30 փրկարար ծառայող, «Հայանտառ» ՊՈԱԿ-ի «Վայոց Ձոր» անտառտնտեսության մասնաճյուղի 15 աշխատակից, Գոմք գյուղի 5 բնակիչ:Ժամը 20:44-ից մթության և ռելիեֆի բարդության պատճառով հրդեհաշիջման աշխատանքները ժամանակավորապես դադարեցվել են. սահմանվել է հերթապահություն: Հրդեհի մակերեսը կազմել է 37 հա:

06:40 - 27 օգոստոսի, 2019

Ծավ գյուղի սկզբնամասում բռնկված հրդեհը մեկուսացվել է

Ծավ գյուղի սկզբնամասում բռնկված հրդեհը մեկուսացվել է

Օգոստոսի 26-ին, ժամը 10:05-ին «911» ծառայությանն ահազանգ է ստացվել, որ Սյունիքի մարզի Ծավ գյուղի սկզբնամասում այրվում է խոտածածկ տարածք: Դեպքի վայրում հրդեհաշիջման աշխատանքներին ներգրավվել են ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և օպերատիվ խումբ:Հրդեհաշիջման աշխատանքներին մասնակցում են թիվ N զորամասի 55 զինծառայող, «Հայանտառ» ՊՈԱԿ-ի Կապանի մասնաճյուղի 25 և «Զանգեզուր կենսոլորտային համալիր» ՊՈԱԿ-ի 37 աշխատակից:Կանխվել է հրդեհի տարածման վտանգը:Հրդեհը մեկուսացվել է ժամը 20:40-ին. սահմանվել է հերթապահություն:Անհրաժեշտության դեպքում հրդեհաշիջման աշխատանքները կվերսկսվեն առավոտյան:Կտրվի լրացուցիչ տեղեկություն:

05:41 - 27 օգոստոսի, 2019

Խոսրովի անտառ պետական արգելոց տանող ճանապարհին՝ «Մեղրաքար» կոչվող հատվածում հրդեհը մեկուսացվել է

Խոսրովի անտառ պետական արգելոց տանող ճանապարհին՝ «Մեղրաքար» կոչվող հատվածում հրդեհը մեկուսացվել է

Օգոստոսի 26-ին, 07:47-ի դրությամբ անօդաչու թռչող սարքերի միջոցով իրականացված տեղազննման արդյունքում Արարատի մարզի Խոսրովի անտառ պետական արգելոց տանող ճանապարհին՝ «Մեղրաքար» կոչվող հատվածում, հրդեհի և ծխացող նոր օջախներ չեն հայտնաբերվել: Կտրվի լրացուցիչ տեղեկություն: *** Օգոստոսի 25-ին, ժամը 09:00-ի դրությամբ դեպքի վայրում հերթապահություն է իրականացնում ԱԻՆ ՓԾ մարզային փրկարարական վարչության մեկ օպերատիվ խումբ: *** Օգոստոսի 24-ին շարունակվում են օգոստոսի 23-ին ժամը 12:07-ին Արարատի մարզի Խոսրովի անտառ պետական արգելոց տանող ճանապարհին՝ «Մեղրաքար» կոչվող հատվածում, բռնկված հրդեհի հրդեհաշիջման աշխատանքները: Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, երկու օպերատիվ խումբ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը: Ժամը 10:30-ի դրությամբ այրվում է մոտ 17 հա բուսածածկ տարածք: Աշխատանքներն իրականացվում են դժվարամատչելի տարածքում՝ շարժական ուսապարկերի և հրդեհաշիջման գործիքների միջոցով: Տեղանքում ջրաղբյուրների բացակայության պատճառով ջրամատակարարման գործընթացն ապահովվում է ամենագնացների միջոցով: Տեղում իրականացվում է մշտական հետախուզում: Հրդեհաշիջման աշխատանքներին մասնակցում են 74 փրկարար, Խոսրովի անտառ պետական արգելոցի 50 աշխատակից, տեղական ինքնակառավարման մարմինների աշխատակիցներ և համայնքի բնակիչներ: Հրդեհաշիջման գործընթացը կառավարում է ԱԻ նախարար Ֆ. Ցոլակյանը: Հրդեհը մեկուսացվել է ժամը 17:50-ին: Դեպքի վայրում սահմանվել է հերթապահություն (20 փրկարար):

05:44 - 26 օգոստոսի, 2019

Սառնարանների պահեստում բռնկված հրդեհի հրդեհաշիջման աշխատանքները շարունակվում են

Սառնարանների պահեստում բռնկված հրդեհի հրդեհաշիջման աշխատանքները շարունակվում են

Օգոստոսի 23-ին, ժամը 11:30-ի դրությամբ Երևան քաղաքի Արշակունյաց պողոտայում գտնվող «Ձյունիկ սառնարան» ՍՊԸ-ի շենքի 5-րդ հարկում ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից 11 մարտական հաշվարկ (55 փրկարար), 4 ավտոսանդուղք իրականացնում են հրդեհաշիջման աշխատանքներ:

08:04 - 23 օգոստոսի, 2019