Թուրքիա

Թուրքիայի Հանրապետությունը պետություն է Եվրասիայի հարավարեւմտյան հատվածում։ Սահմանակցում է Հունաստանին, Բուլղարիային, Վրաստանին, Իրաքին, Սիրիային, Հայաստանին, Իրանի Իսլամական Հանրապետությանը եւ Ադրբեջանի էքսկլավ Նախիջեւանի Ինքնավար Հանրապետությանը։ Բնակչությունը 2015թ. մարդահամարի տվյալներով 82.003.882 մարդ։ Տարածքը 783.562 կմ²։ Երկիրը ղեկավարում է նախագահ Ռեջեբ Թայիփ Էրդողանը։

Այս տարվա օգոստոսին Թուրքիան ահաբեկիչների նկատմամբ ևս մի հաղթանակ կտանի. Էրդողան |tert.am|

Այս տարվա օգոստոսին Թուրքիան ահաբեկիչների նկատմամբ ևս մի հաղթանակ կտանի. Էրդողան |tert.am|

tert.am։ Այս տարվա օգոստոսին Թուրքիան ահաբեկիչների նկատմամբ ևս մի հաղթանակ կտանի: Այդ մասին, ինչպես հայտնում են թուրքական լրատվամիջոցները, հայտարարել է Թուրքիայի նախագահ Ռեջեփ Թայիփ Էրդողանը՝ մուսուլմանական Կուրբան Բայրամ (զոհաբերության տոն, որով ավարտվում է հաջը) տոնի հետ կապված բնակչությանն արված ուղերձի ժամանակ: Թուրքիայի նախագահը նշել է, թե «Թուրքիայի պատմությունը լի է հաղթանակներով»: Նա ընդգծել է, որ Թուրքիան ակտիվ պայքար է մղում ահաբեկչության դեմ: «Այս պայքարը կտարվի մինչև վերջին ահաբեկչի ոչնչացումը»,- ասել է նա: Օրեր առաջ Թուրքիայի նախագահը հայտարարել էր Սիրիայում «ահաբեկչության դեմ պայքարի նոր փուլի» մեկնարկի մասին: Մասնավորապես՝ նա ասել էր, որ Թուրքիան շուտով Սիրիայում ահաբեկչության դեմ պայքարի նոր փուլ կսկսի, որը սկիզբ է առել «Եփրատի վահան» և «Ձիթենու ճյուղ» գործողություններից: Իսկ մինչ այդ հայտարարել էր, որ Թուրքիան ռազմական գործողություն կսկսի Սիրիայի հյուսիսում Եփրատից արևելք գտնվող քրդերի ինքնապաշտպանական ուժերի դեմ և այդ մասին արդեն իրազեկել է Ռուսաստանին և Միացյալ Նահանգներին: Աղբյուրի տեղեկություններով՝ Թուրքիան նման գործողություն կարող է սկսել օգոստոսի 11-ից հետո:
10:54 - 10 օգոստոսի, 2019
Թուրքիան չի ճանաչելու Ղրիմի բռնակցումը. Ռեջեփ Թայիփ Էրդողան |armenpress.am|

Թուրքիան չի ճանաչելու Ղրիմի բռնակցումը. Ռեջեփ Թայիփ Էրդողան |armenpress.am|

armenpress.am։  Թուրքիայի մայրաքաղաք Անկարայում տեղի է ունեցել Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկու համատեղ մամուլի ասուլիսը, որի ընթացքում Էրդողանը հանդես է եկել կարևոր հայտարարություններով: Այս մասին հայտնում է թուրքական «Միլլիեթ» լրատվամիջոցը: Էրդողանը հայտարարել է, որ Թուրքիան շարունակելու է աջակցել Ուկրաինային ինքնիշխանության և, Ղրիմը ներառյալ, տարածքային ամբողջականության հարցում:«Թուրքիան երբեք չի ընդունի Ղրիմի ապօրինի բռնակցումը: Ղրիմի թաթարները շատ կարևոր են Թուրքիայի և Ուկրաինայի միջև պատմական և մարդկային կապերի պահպանման գործում»,- նշել է նա: Էրդողանը նաև հույս է հայտնել, որ ուկրաինական Դոնբասում բախումները հնարավորինս շուտ կավարտվեն: Իսկ Զելենսկին հայտարարել է, որ Թուրքիան Ուկրաինայի ռազմավարական կարևոր գործընկերներից մեկն է, ապա երախտագիտություն է հայտնել Էրդողանին՝ ամեն ինչ իրենց անուններով կոչելու համար՝ նկատի ունենալով Ղրիմի բռնակցումը:
09:53 - 08 օգոստոսի, 2019
Սաուդցիները նպատակ ունեն Էրդողանին իշխանազրկել. Գաղտնի զեկույց |ermenihaber.am|

Սաուդցիները նպատակ ունեն Էրդողանին իշխանազրկել. Գաղտնի զեկույց |ermenihaber.am|

ermenihaber.am: Բրիտանական Middle East Eye պարբերականը հաղորդում է, որ իրենց մոտ է հայտնվել Միացյալ արաբական Էմիրությունների քաղաքագիտական հարցերով զբաղվող կենտրոնի փորձագետների պատրաստած գաղտնի զեկույցի պատճենը, որտեղ հետաքրարական տեղեկություններ կան Թուրքիա-Սաուդյան Արաբիա հարաբերությունների մասին։ Զեկույց պատրաստվել է բաց և փակ աղբյուրների և ռեսուրսների հիման վրա։ Ըստ զեկույցի՝ Սաուդյան Արաբիայի իշխանությունները սույն թվականի մայիսին հրահանգել են ի կատար ածել Թուրքիայի կառավարության դեմ պայքարի ռազմավարական ծրագիրը։ Ըստ աղբյուրի՝ սաուդցիները հրամայել են օգտագործել բոլոր լծակները Թուրքիայի նախագահ Ռեջեփ Թայիփ Էրդողանի նկատմամբ ճնշում գործադրելու համար, որի վերջնական նպատակն է Էրդողանին հեռացնել է իշխանությունից։Զեկույցում նշվել է. «Սաուդյան Արաբիայի թագավորությունը սկսելու է ճնշում գործադրել Թուրքիայի տնտեսության վրա, աստիճանաբար կրճատելով սաուդական ներդրումները Թուրքիայում, ինչպես նաև Թուրքիա մեկնող սաուդցի զբոսաշրջիկների թիվը։ Դրանից զատ կրճատվելու է սաուդական ներկրումները Թուրքիայից։ Սակայն ամենակարևորն այն է, որ պաշտոնական Էլ Ռիադը Թուրքիայի դերը իսլամական հարցերում հասցնելու է նվազագույնի»։ Վերջում ասվում է, որ Անկարան անհաջողության մատնվեց Ստամբուլում Սաուդյան Արաբիայի գլխավոր հյուպատոսարանում սպանված սաուդցի լրագրող Ջեմալ Խաշոկջի գործում։ Ըստ զեկույցի՝ Թուրքիան այդ գործը ցանկանում էր քաղաքականացնել, սակայն չհաջողվեց անել և այժմ ժամանակն է, որ Էր Ռիադը պատասխան հարված հարցնել։
08:17 - 07 օգոստոսի, 2019
Թուրքիայի ՍԴ որոշմամբ՝ ինը մտավորականների դեմ գործը պետք է վերանայվի |azatutyun.am|

Թուրքիայի ՍԴ որոշմամբ՝ ինը մտավորականների դեմ գործը պետք է վերանայվի |azatutyun.am|

azatutyun.am։ Թուրքիայում «ահաբեկչության քարոզչության» մեջ մեղադրվող ինը մտավորականների դեմ գործը պետք է վերանայվի: Նման որոշում է կայացրել երկրի Սահմանադրական դատարանը, հաղորդում է Anadolu գործակալությունը: Ըստ թուրքական բարձր դատարանի կայացրած վճռի, առաջադրված այդ մեղադրանքները ամբաստանյալների խոսքի ազատության իրավունքի խախտում է: Դատարանը նաև պարտավորեցրել է գործով անցնողներից յուրաքանչյուրին վճարել մոտ 1400 եվրո փոխհատուցում: 2016 թվականին Թուրքիայի և մի շարք այլ երկրների մտավորականության ավելի քան 2 հազար ներկայացուցիչներ դիմել են պաշտոնական Անկարային՝ կոչ անելով չսրել քրդերի հետ հակամարտությունը: Այդ նամակի տակ ստորագրած 203 թուրք մտավորականների մեղադրանք է առաջադրվել «ահաբեկչություն քարոզելու» հոդվածով, քանի որ Անկարան Քուրդիստանի Աշխատավորական կուսակցությունը (PKK) համարում է ահաբեկչական կազմակերպություն: Իրավապաշտպանները «ուշացած» են համարում Թուրքիայի Սահմանադրական դատարանի վճիռը, նաև կոչ են անում արդարացնել այդ գործով անցնող բոլոր մտավորականներին:
13:13 - 27 հուլիսի, 2019
Եթե Թուրքիան գործարկի C-400-ները, ԱՄՆ-ը կարող է ճանաչել Հայոց ցեղասպանությունը». թուրք պատգամավոր |shantnews.am|

Եթե Թուրքիան գործարկի C-400-ները, ԱՄՆ-ը կարող է ճանաչել Հայոց ցեղասպանությունը». թուրք պատգամավոր |shantnews.am|

ermenihaber.am: Թուրքիայի Արդահան նահանգից ընտրված անկախ պատգամավոր Օզթյուրք Յըլմազը հայտարարել է, որ երբ Թուրքիան Ռուսաստանի կողմից գնված C-400 ՀՕՊ համակարգերը գործարկի, ապա ԱՄՆ-ն կարող է ճանաչել Հայոց ցեղասպանությունը։  «Ես կարծում եմ, եթե C-400-ները գործարկվեն 2020թ.-ի ապրիլին, ապա նույն ամսին կոնգրեսում կընդունվի Հայոց ցեղասպանությունը։ Այդ ժամկետը ճիշտ չի ընտրված։ Ինչո՞ւ եք այդքան սպասում։ Կարևոր է, որ 2020թ.-ի գործընթացի շրջանակներում արձագանքները հանդարտեցվեն և օրակարգը փոխվի։ Ձեր կողմից նշված C-400-ների գործարկման ժամկետում մեծ է հավանականությունը, որ Հայոց ցեղասպանության բանաձևը բերվի կոնգրեսի օրակարգ և ընդունվի։ Ես չգիտեմ, թե Թուրքիայի նախագահն ինչու հայտարարեց հենց այդ ժամկետի մասին։ Այդ ժամկետը պետք է առաջ բերվի»։
06:40 - 27 հուլիսի, 2019