Ազգային ժողով

ՀՀ Սահմանադրության համաձայն Ազգային ժողովը ժողովրդի ներկայացուցչական մարմինն է: Այն իրականացնում է օրենսդիր իշխանությունը: Ազգային ժողովը վերահսկողություն է իրականացնում գործադիր իշխանության նկատմամբ, ընդունում է պետական բյուջեն եւ իրականացնում է Սահմանադրությամբ սահմանված այլ գործառույթներ: Ազգային ժողովի լիազորությունները սահմանվում են Սահմանադրությամբ եւ այն գործում է իր կանոնակարգին համապատասխան: Խորհրդարանն ընտրվում է 5 տարի ժամկետով, կազմված է առնվազն 101 անդամից։

Այժմ գործում է 8-րդ գումարման ազգային ժողովը, որը բաղկացած է 106 պատգամավորից, որոնցից 71-ը՝ «Քաղաքացիական պայմանագիր» խմբակցությունից, 28-ը՝ «Հայաստան» խմբակցությունից, 7-ը՝ «Պատիվ ունեմ» խմբակցությունից։ ԱԺ գործող նախագահը Ալեն Սիմոնյանն է։

Կենդանիների նկատմամբ դաժան վերաբերմունքը կտուգանվի նվազագույն աշխատավարձի հարյուրապատիկից երեքհարյուրապատիկի չափով կամ կալանքով 1-3 ամիս. Զոհրաբյան |pastinfo.am|

Կենդանիների նկատմամբ դաժան վերաբերմունքը կտուգանվի նվազագույն աշխատավարձի հարյուրապատիկից երեքհարյուրապատիկի չափով կամ կալանքով 1-3 ամիս. Զոհրաբյան |pastinfo.am|

pastinfo.am։ «Ինձ համար պոտենցիալ մարդասպանի և կենդանուն դաժանորեն ծանակողի, նվաստացնողի ու կենդանուն սպանողի միջև որևէ տարբերություն չկա»,-այս մասին այսօր ՀՀ քրեական օրենսգրքում լրացումներ կատարելու մասին և վարչական իրավախախտումների մասին ՀՀ օրենսգրքում փոփոխություններ կատարելու մասին օրենքների նախագծերի փաթեթը ներկայացնելիս ասա ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։Նա նշեց, որ մինչ այս նախագծերի փաթեթը կենդանու հանդեպ դաժան վերաբերմունքը կարգավորվում էր վարչական իրավախախտումների վերաբերյալ օրենսգրքի 92-րդ հոդվածով, ապա ավելացրեց, որ սահմանված տուգանքները պարզապես ծիծաղելի էին։Ըստ նախագծի, տնային և անտուն, ծառայողական նշանակության, ցուցադրման, սպորտային և ժամանցային միջոցառումների կամ գիտաուսումնական փորձարկումների համար օգտագործվող կենդանիների նկատմամբ դաժան վերաբերմունքը՝ կենդանու կյանքի ընդհատումը խեղելու, կախելու, մասնատման, ուժեղ հարվածի, մտրակելու, հրազենի կրակելու միջոցով, կենդանու կյանքի ընդհատումը թունավորման կամ այնպիսի նյութի ներարկման միջոցով , որը հանգեցնում է դաժան կամ ցավոտ մահվան, ողջ վիճակում կենդանու մաշկահանումը, անդամահատումը կամ դիազերծումը, նրան կրակի վրա նետելը, բարձրությունից կամ փոխադրամիջոցներից նետելը,կենդանիների մարտերի կազմակերպումն ու իրականացումը, անտուն կենդանիների այնպիսի հավաքը կամ բռնումը, որը հանգեցնում է կենդանու խեղմանը կամ կյանքի ընդհատմանը և այլն պատժվում է տուգանքով նվազագույն աշխատավարձի հարյուրապատիկից երեքհարյուրապատիկի չափով կամ կալանքով 1-3 ամիս կամ ազատազրկմամբ առավելագույնը մեկ տարի ժամկետով։«Նույն արարքը, որը կատարվել է մի խումբ անձանց կողմից նախնական համաձայնությամբ և առանձին դաժանությամբ, մանկահասակի ներկայությամբ, երկու և ավելի կենդանիների նկատմամբ, պատժվում է տուգանքով նվազագույն աշխատավարձի երեքհարյուրապատիկից հինգհարյուրապատիկի չափով կամ 1-ից 3 տարի ազատազրկմամբ»,-ասաց Զոհրաբյանը։ԱԺ պատգամավորը նշեց, որ սա երկար սպասված օրենքի նախագիծ էր և շնորհակալություն հայտնեց խորհրդարանում ներկայացված բոլոր քաղաքական ուժերին, կառավարությանն ու պատգամավոր Մերի Գալստյանին, պետաիրավական հանձնաժողովին նախագծում գործուն աջակցություն ցուցաբերելու համար։
08:07 - 13 սեպտեմբերի, 2019
Միրզոյանի նախագծին ԱԺ-ում դեմ քվեարկեց միայն մեկ պատգամավոր |shantnews.am|

Միրզոյանի նախագծին ԱԺ-ում դեմ քվեարկեց միայն մեկ պատգամավոր |shantnews.am|

shantnews.am։ Ազգային ժողովում այսօր երկրորդ ընթերցմամբ ընդունվեց ԱԺ նախագահ, «Իմ քայլը» խմբակցության անդամ Արարատ Միրզոյանի ներկայացրած նախագիծը, որով քաղաքական ուժերի միջև ձեռքբերված համաձայնությամբ սահմանվել է կոռուպցիայի կանխարգելման մարմնի, հանրային ծառայությունները կարգավորող հանձնաժողովի և այլ անկախ մարմինների անդամների ընտրության կարգը։ Իշխանության համաձայնությամբ՝ այդ կառույցների անդամների նշանակման համար քվոտաներ են տրվել ընդդիմադիր խմբակցություններին։Քվեարկության արդյունքում այս նախագիծն ընդունվեց 104 կողմ, 1 դեմ ձայներով։ Իսկ դեմ քվեարկել է միայն Արման Բաբաջանյանը, որն իրեն անկախ պատգամավոր է հռչակել և երեկ քննադատում էր այս համաձայնությունը՝ համարելով այն խայտառակություն։ Դրա համար նա արժանացավ և՛ նախկին ընդդիմադիր գործընկերների, և՛ իշխանության ներկայացուցիչների քննադատությանը։
06:42 - 13 սեպտեմբերի, 2019
ԱԺ-ն չընդունեց 3-րդ կարգի հաշմանդամություն ստացածներին անվճար սովորելու հնարավորության օրինագիծը |armenpress.am|

ԱԺ-ն չընդունեց 3-րդ կարգի հաշմանդամություն ստացածներին անվճար սովորելու հնարավորության օրինագիծը |armenpress.am|

armenpress.am։ ՀՀ Ազգային ժողովը երկրորդ ընթերցմամբ և ամբողջությամբ ընդունելու ընթացքում դեմ քվեարկեց «Լուսավոր Հայաստան» խմբակցության այն օրենքի նախագծին, որով առաջարկվում է, որ բուհերում և միջին մասնագիտական ուսումնական հաստատություններում ուսումնառության ընթացքում 3-րդ կարգի հաշմանդամության կարգավիճակ ստացած անձինք ուսումն անվճար շարունակելու հնարավորություն ստանան:Նախագիծը չընդունվեց 41 կողմ, 10 դեմ և 62 ձեռնպահ ձայնով:   «Իմ քայլը» խմբակցության ղեկավար Լիլիթ Մակունցը նշեց, որ շահառուների հստակ քանակը չի քննարկվել և հաշվի չի առնվել, թե ինչ ազդեցություն է ունենալու այն բյուջեի վրա: Այդ հանգամանքը հաշվի առնելով՝ Մակունցն իր գործընկերներին առաջարկեց այս պահին ձեռնպահ մնալ քվեարկության ժամանակ:Գործող կարգավորման համաձայն՝ ընդունելության քննություններից դրական գնահատականներ ստացած առաջին և երկրորդ կարգի հաշմանդամություն ունեցող անձինք բուհ են ընդունվում և սովորում անվճար համակարգով: Վճարովի համակարգում սովորող անձինք, ովքեր ուսումնառության ընթացքում ստանում են առաջին կամ երկրորդ կարգի հաշմանդամություն, դարձյալ անցնում են անվճար համակարգ: Անվճար համակարգում սովորում են նաև մանկուց հաշմանդամ ճանաչված երեխաները, այստեղ չի նշվում հաշմանդամության կարգը, հետևաբար հաշմանդամություն ունեցող բոլոր անձինք են սովորում պետպատվերի շրջանակում: Մինչդեռ ուսումնառության ընթացքում երրորդ կարգի հաշմանդամություն ստացած ուսանողները դուրս են մնում պետպատվերով սովորելու հնարավորությունից:
07:26 - 12 սեպտեմբերի, 2019
ԱԺ-ն ընդունեց գույքահարկի թանկացում նախատեսող օրենքը |shantnews.am|

ԱԺ-ն ընդունեց գույքահարկի թանկացում նախատեսող օրենքը |shantnews.am|

shantnews.am։ ԱԺ-ում այսօր շարունակվեց գույքահարկի փոփոխության վերաբերյալ օրենքի քննարկումը: Այս օրենքի ընդունմանը դեմ էին ընդդիմադիրները, քանի որ այն Սահմանադրությանը հակասող դրույթներ էր պարունակում: ԱԺ նախագահ Արարատ Միրզոյանը կարծիք հայտնեց, որ կարող են շտկել թերությունները մինչև երկրորդ ընթերցում, իսկ «Իմ քայլը» խմբակցության անդամ Վլադիմիր Վարդանյանը հայտարարեց, որ պետաիրավական հարցերի հանձնաժողովը ևս առաջինից երկրորդ ընթերցման ժամանակ ձեռնամուխ կլինի այդ հարցի լուծմանը: «Լուսավոր Հայաստան» խմբակցության անդամ Գևորգ Գորգիսյանը հիշեցրեց, որ օրենքն ուժի մեջ կմտնի 2021թ-ից, իսկ կարգավորումները ժամանակատար են լինելու:«Սկսած բազային դրույքաչափից՝ տարբեր հաշվարկներ պետք է լինեն, իսկ սահմանադրականության հետ կապված հարկերը սահմանում է օրենսդիրը: Մենք քննարկելու բան էլ չունենք համապատասխան հանձնաժողովում, հետևաբար, եկեք հետաձգենք, Կառավարությունը համապատասխան կարգավորումները բերի, մտցնի օրենքի մեջ, տեխնիկական բաներն օրենքում են, բուն միտքը մնացել է Կառավարության որոշմամբ: Ես չեմ կարծում, որ նման կարգի օրենքները ԱԺ-ն պետք է ընդունի»,- ասաց նա:ԱԺ-ն օրենքի նախագիծն ընդունեց 92 կողմ, 15 դեմ, 2 ձեռնպահ ձայներով: Հիշցնենք, որ «Բարգավաճ Հայաստան» խմբակցությունը ևս օրենքի նախագիծը համարում էր թերի, բայց կողմ քվեարկեց:
07:14 - 12 սեպտեմբերի, 2019
Ազգային ժողովն ընդունեց մեկ անձից բաղկացած ՍՊԸ հիմնելու վերաբերյալ նախագիծը |lragir.am|

Ազգային ժողովն ընդունեց մեկ անձից բաղկացած ՍՊԸ հիմնելու վերաբերյալ նախագիծը |lragir.am|

lragir.am։ ՀՀ Ազգային ժողովը երկրորդ ընթերցմամբ և ամբողջությամբ ընդունեց մեկ անձից բաղկացած Սահմանափակ պատասխանատվությամբ ընկերություն հիմնելու հնարավորություն ընձեռող օրենքի նախագիծը: Օրենքի նախագիծը հեղինակել է «Լուսավոր Հայաստան» խմբակցությունը:«Ընթացիկ կարգավորումներում կա պահանջ, որ անհարկի խոչընդոտ էր ստեղծում տնտեսավարողների համար Հայաստանում այդ տեսակի կազմակերպություններ հիմնելու և գործունեություն ծավալելու համար: Այդ պահանջն այն էր, որ որևէ այլ տնտեսավարող ընկերություն չի կարող մեկ անձից բաղկացած ՍՊԸ հիմնել մեր երկրում: Այս նախաձեռնությամբ վերացնում ենք խոչընդոտը, որը հույս ունենք, որ ավելի ազատական դաշտ կստեղծի և կխթանի ներդրումային միջավայրը»,- ասաց պատգամավոր Մանե Թանդիլյանը: Նախագիծն ընդունվեց 107 կողմ, 1 դեմ և 2 ձեռնպահ ձայնով:
07:06 - 12 սեպտեմբերի, 2019
ԱԺ հանձնաժողովում քննարկվելու է դպրոցներում շախմատի պարտադիր դասավանդման նպատակահարմարությունը

ԱԺ հանձնաժողովում քննարկվելու է դպրոցներում շախմատի պարտադիր դասավանդման նպատակահարմարությունը

Հաշվի առնելով այն հանգամանքը, որ վերջին շրջանում շախմատիստների, ինչպես նաև դպրոցականների ծնողների կողմից մի շարք մտահոգություններ ենք ստացել «Շախմատ» առարկայի հետ կապված, առաջիկայում ԱԺ ԿԳՄՍՍԵ հարցերի մշտական հանձնաժողովում բազմակողմանի քննարկումներ ենք նախատեսում անցկացնել սույն հարցի վերաբերյալ։ Մասնավորապես, քննարկելու ենք ներքոնշյալ հարցերը՝ • Ինչպես մեծացնել շախմատ դասընթացի իրականացման գործառութային նշանակությունը, • Ինչպես մեծացնել բնագավառի ծախսային արդյունավետությունը, • Ինչպես ինտեգրել արդի տեխնոլոգիաները շախմատ դասընթացի պատրաստման և գնահատման գործընթացներում, որոնք կնպաստեն երեխաների առավել մոտիվացմանը • Քննարկել շախմատի առարկայի պարտադիր և/կամ կամավոր լինելու առավելությունները և թերությունները։
07:02 - 12 սեպտեմբերի, 2019
ԱԺ-ն առաջին ընթերցմամբ ընդունեց դեկտեմբերի 7-ն Աղետների դիմակայունության օր նշելու օրենքի նախագիծը |armenpress.am|

ԱԺ-ն առաջին ընթերցմամբ ընդունեց դեկտեմբերի 7-ն Աղետների դիմակայունության օր նշելու օրենքի նախագիծը |armenpress.am|

armenpress.am։ ՀՀ Ազգային ժողովն առաջին ընթերցմամբ ընդունեց դեկտեմբերի 7-ը որպես Երկրաշարժի զոհերի հիշատակի եւ աղետներին դիմակայունության օր նշելու վերաբերյալ օրենքի նախագիծը: Նախագիծը խորհրդարան է ներկայացվել ՀՀ կառավարության կողմից:«Հաշվի առնելով, որ ներկայումս դեկտեմբերի 7-ը համաձայն «Հայաստանի Հանրապետության տոների եւ հիշատակի օրերի մասին» Հայաստանի Հանրապետության օրենքի 15-րդ հոդվածի՝ նվիրված է 1988 թվականի Սպիտակի երկրաշարժի զոհերի հիշատակին, ինչպես նաեւ ՀՀ վարչապետի «Աղետներին դիմակայունության օր» միջոցառումների անցկացման ծրագիրը հաստատելու մասին» որոշման նախագծով նախատեսվող իրականացվելիք միջոցառումների ընդհանուր ուղղվածությունը՝ անհրաժեշտություն է առաջացել դեկտեմբերի 7-ը նշել նաեւ որպես Աղետներին դիմակայունության օր»,- նշված է օրենքի նախագծում:Օրենքի նախագիծն առաջին ընթերցմամբ խորհրդարանն ընդունեց միաձայն:
06:48 - 12 սեպտեմբերի, 2019
ԱԺ աշխատակազմի կառուցվածքային փոփոխություններն ավարտվել են

ԱԺ աշխատակազմի կառուցվածքային փոփոխություններն ավարտվել են

ՀՀ Ազգային Ժողովի աշխատակազմի կառուցվածքային փոփոխությունները, որոնք ուղղված են իրապես բարելավված և բարեփոխված, վատ ավանդույթներից զերծ, արդյունավետ կազմակերպական կառուցվածքի ձևավորմանը, ավարտվել են։ Այս մասին ֆեյսբուքյան իր էջում գրել է ԱԺ աշխատակազմի ղեկավար Տիգրան Գալստյանը։Նրա գրառման մեջ, մասնավորապես, ասված է․«Մեծ ուրախությամբ ցանկանում եմ արձանագրել, որ ավարտեցինք ՀՀ Ազգային Ժողովի աշխատակազմի կառուցվածքային փոփոխությունները, որոնք ուղղված են իրապես բարելավված և բարեփոխված, վատ ավանդույթներից զերծ, արդյունավետ կազմակերպական կառուցվածքի ձևավորմանը: Իրականացված կառուցվածքային բարեփոխումները նկարագրվում են հետևյալ բնութագրիչներով՝1․ ՀՀ Ազգային ժողովի կազմակերպական նոր կառուցվածքը բաղկացած է 14 առաջնային ստորաբաժանումներից (Ներառված չեն հանձնաժողովների և պատգամավորների գրասենյակները), որը նախորդ կառուցվածքի համեմատ պակաս է 2-ով:2․ Նոր կառուցվածքում 8 հաստիքով մեծացվել է պետական ծառայության հաստիքների քանակը, սակայն ընդհանուր հաստիքացուցակը 654 հաստիքից նվազել է 600-ի (Նկար 2): Չնայած մամուլում տեղ գտած բազմաթիվ ստահոդ տեղեկատվություններից մեկն այն էր, որ նվազեցվել են պետական ծառառության հաստիքները, մենք հայտարարում ենք, որ կողմնակից ենք բարձր մասնագիտացված աշխատանքի խրախուսմանը պետական ծառայության շրջանակներում:3․ Նախորդ հաստիքացուցակում ներառված 10 պետական ծառայության կրտսեր հաստիքի փոխարեն, նոր հաստիքացուցակում ներառել ենք՝ 26-ը: Մեր կողմից խրախուսվում է նորավարտ երիտասարդ կադրերով աշխատակազմի համալրումը: Ավելին, ունենք ծրագրեր ստեղծել ՀՀ Ազգային ժողովի ուսումնական կենտրոն՝ մեր ապագա կադրերի արդյունավետ պատրաստումը և վերապատրաստումը ապահովելու նպատակով,4․ Փորձագիտական և վերլուծական ներուժի զարգացում: Կառուցվածքում ստեղծվել է միասնական փորձագիտական և վերլուծական վարչություն, որի գործառույթներն են՝ աջակցել օրենքի վերաբերյալ մտքի առաջացումից մինչև օրենքի ուժի մեջ մտնելը տեղեկատվական, վերլուծական, փորձագիտական աջակցումը, ինչպես նաև հետօրենսդրական արդյունքների վերհսկողությունը,5․ Մասնագիտական ժամանակակից գործառույթներ են սահմանվել Հասարակայնության հետ կապերի և հեռահաղորդակցության նորաստեղծ վարչության համար, որը պետք է նպաստի առավել բաց և թափանցիկ հարաբերությունների ձևավորմանը հասարակության և խորհրդարանի միջև: Նոր ավելի արդյունավետ գործառույթներով են օժտվել քաղաքացիների նամակների բողոքների արձագանքման ստորաբաժանումը:6․ Մարդկային ռեսուրսների կառավարման նոր մշակույթի ձևավորման հիմք է դրվել: Նորացված ստորաբաժանումն իրականացնելու է այնպիսի նոր գործառույթներ, ինչպիսիք են՝ թեկնածուների թափանցիկ և ժամանակակից եղանակներով հավաքագրումը, նոր աշխատակիցների հարմարման(ադապտացիայի) գործընթացի իրականացումը, շարունակական ուսուցման և որակի բարելավման պլանավորված աշխատանքները, շահադրդման համակարգերի զարգացումը և բազմաթիվ այլ նորացված գործառույթներ,7․ Ֆինանսական կառավարման և հաշվառման նորացված վարչությունում միավորվել են Բյուջետային կառավարման և գնումների բաժինները: Նախկին կառուցվածքում վերջիններս 2-3 հոգանոց բաժիններ էին, որն անարդյունավետ է կառավարելիության նորմայի չափանիշի տեսանկյունից : Միավորման արդյունքում ունենք ծախսերի բյուջետային պլանավորումից մինչև վերջնական գնումների գործընթացի ամբողջական միասնական ցիկլի իրականացում, ինչպես նաև մեկ բաժնում 8 հաստիք, որը լրիվ համապատասխանում է կառավարելիության նորմայի չափանիշներին:8․ Գործառույթային և կադրային առումով հզորացվել է Ներքին աուդիտի ստորաբաժանումը: Վստահ ենք, որ առանց պատշաճ ներքին վերահսկողության հնրարավոր չէ ապահովել որակյալ կառավարում (նաև ISO 9001 ստանդարտների պահանջ է):9․ Բարձրացվել է աշխատակազմի միայն առավել ցածր աշխատավարձ ստացող աշխատակիցների (գործավարներ 10%, վարորդներ 7%) աշխատավարձը: Մենք կողմնակից ենք սոցիալական արդարությանը,10․ Ստեղծվել է «Զորահավաքային նախապատրաստության, զորահավաքային ծրագրերի և քաղաքացիական պաշտպանության բաժին»: Պատերազմող երկրի խորհրդարանը պետք է լիարժեք գործի նաև հատուկ պայմաններում: Ի դեպ ավելացվել են նաև քաղաքացիական պաշտպանության գործառույթները: Նախկին կառուցվածքում այս գործառույթների սահմանափակ մասը դրված էր Աշխատակազմի ղեկավարի մեկ օգնականի վրա միայն:11․ Վերանայվել, ինչպես նաև բազմաթիվ նոր և արդյունավետության բարձրացման գործառույթներով համալրվել է փոփոխված ստորաբաժանումների աշխատակցիների պաշտոնների անձնագրերը: Նպատակադրված ենք խրախուսել նոր մոտեցումներով, նոր գիտելիքներով, նոր ժամանակակից տեխնոլոգիական միջոցների կիրառման հմտություններով մասնագետների ներգրավումը աշխատակազմ:Կառուցվածքային փոփոխությանը հաջորդող քայլերից է լինելու կառավարման նոր մոդելի տեղադրումը, ինչպիսին է՝ գործընթացային կառավարումը (գործընթացների վերանկարագրման, ռեինժեներինգի միջոցով): Այն պետք է նպաստի աշխատակազմում որակական նոր ձեռքբերումներին»:
05:37 - 12 սեպտեմբերի, 2019
Ընդդիմադիր պատգմավորն առաջարկում է ավելացնել բանտարկվածների կողմից թույլատրելի մանր խախտումների թիվը |news.am|

Ընդդիմադիր պատգմավորն առաջարկում է ավելացնել բանտարկվածների կողմից թույլատրելի մանր խախտումների թիվը |news.am|

news.am։ Տվյալ օրինագծով մենք ցանկանում ենք ուղղիչ հաստատություններում պատիժը կրելու ընթացքում բանտարկվածների կողմից թույլատրելի մանր խախտումների թիվն ավելացնել՝ 2-ից 3: Այս մասին ԱԺ նիստում Քրեակատարողական օրենսգրքում փոփոխություններ կատարելու մասին օրինագծի քննարկման ընթացքում ասաց «Լուսավոր Հայաստան» կուսակցության պատգամավոր Տարոն Սիմոնյանը:Պատգամավորի կարծիքով՝ դա թույլ կտա նվազեցնել համապատասխան հիմնարկների աշխատակիցների ծանրաբեռնվածությունը, որոնք ստիպված են բանտարկվածների նկատմամբ պատժի կոշտ միջոցներ կիրառել: Խախտումները, պատգամավորի խոսքով, հետագայում կնշվեն բանտարկվածի անձնական գործում եւ կարող են ազդել ազատազրկման վայրերում նրա հետագա պահման վրա: Նշենք, որ Հայաստանի ուղղիչ հաստատություններում գործում է միավորների համակարգ, եւ որեւիցե մանր խախտման համար, եթե այն կրկնվում է 2 անգամից ավելի, դատապարտյալը կարող է զրկվել իր միավորներից, ինչն իր հերթին կարող է անդրադառնալ նրան ավելի թեթեւ ռեժիմով այլ ուղղիչ հաստատություն տեղափոխելու վրա:Սիմոնյանը հստակեցրեց, որ խոսքը, մասնավորապես, ուղղիչ հաստատությունների ռեժիմի թեթեւ խախտումների մասին է, ինչպես՝ շարք կանգնելուն ուշանալը, ուշ արթնանալը, թեթեւ ձեւով դժգոհություն հայտնելը եւ այլն:
12:06 - 11 սեպտեմբերի, 2019
ԱԺ. քննարկվում է Կարմիր խաչի միջազգային կոմիտեի կարգավիճակի մասին համաձայնագրի վավերացման հարցը |armenpress.am|

ԱԺ. քննարկվում է Կարմիր խաչի միջազգային կոմիտեի կարգավիճակի մասին համաձայնագրի վավերացման հարցը |armenpress.am|

armenpress.am։ ՀՀ Ազգային ժողովը քննարկում է «Հայաստանի Հանրապետության կառավարության եւ Կարմիր խաչի միջազգային կոմիտեի միջեւ` Հայաստանի Հանրապետությունում Կարմիր խաչի միջազգային կոմիտեի կարգավիճակի մասին» համաձայնագրում փոփոխություններ կատարելու մասին» արձանագրությունը վավերացնելու մասին օրենքի նախագիծը:Այն սեպտեմբերի 11-ին տեղի ունեցած ԱԺ նիստում ներկայացրեց ՀՀ արտաքին գործերի նախարարի տեղակալ Արտակ Ապիտոնյանը:«Նախագծով անձեռնմխելիություն է տրվում Կարմիր խաչի միջազգային կոմիտեի փոստային կապին, ապահովվում է գրագրության, ընդհանուր փաստաթղթաշրջանառության, ինչպես նաև մշակված անձնական տվյալների գաղտնիության պահպանումը: Հստակեցվում է Կարմիր խաչի պատվիրակության ՀՀ քաղաքացի հանդիսացող անդամների դատական գործընթացների նկատմամբ անձեռնմխելիության հասկացությունը: Սահմանվում է նաև, որ ժամանակավոր առաքելությամբ Հայաստան ժամանած Կարմիր խաչի միջազգային կոմիտեի ներկայացուցիչներն ու աշխատակիցները նույնպես կօգտվեն համաձայնագրով նախատեսված արտոնություններից և անձեռնմխելիություններից»,- ասաց Ապիտոնյանը:
11:42 - 11 սեպտեմբերի, 2019
ԼՀԿ-ն առաջարկում է 3-րդ կարգի հաշմանդամություն ստացածներին անվճար սովորելու օրինագիծը |armenpress.am|

ԼՀԿ-ն առաջարկում է 3-րդ կարգի հաշմանդամություն ստացածներին անվճար սովորելու օրինագիծը |armenpress.am|

armenpress.am։ ՀՀ ազգային ժողովի «Լուսավոր Հայաստան» խմբակցությունն առաջարկում է, որ բուհերում և միջին մասնագիտական ուսումնական հաստատություններում ուսումնառության ընթացքում 3-րդ կարգի հաշմանդամության կարգավիճակ ստացած անձինք ուսումն անվճար շարունակելու հնարավորություն ստանան: Հաշմանդամների սոցիալական պաշտպանության մասին ՀՀ օրենքում փոփոխություններ կատարելու մասին օրենքի նախագիծն ԱԺ նիստում երկրորդ ընթերցմամբ և ամբողջությամբ ընդունելու ընթացքում ներկայացրեց խմբակցության պատգամավոր Մանե Թանդիլյանը:Գործող կարգավորման համաձայն՝ ընդունելության քննություններից դրական գնահատականներ ստացած առաջին և երկրորդ կարգի հաշմանդամություն ունեցող անձինք բուհ են ընդունվում և սովորում անվճար համակարգով: Վճարովի համակարգում սովորող անձինք, ովքեր ուսումնառության ընթացքում ստանում են առաջին կամ երկրորդ կարգի հաշմանդամություն, դարձյալ անցնում են անվճար համակարգ: Անվճար համակարգում սովորում են նաև մանկուց հաշմանդամ ճանաչված երեխաները, այստեղ չի նշվում հաշմանդամության կարգը, հետևաբար հաշմանդամություն ունեցող բոլոր անձինք են սովորում պետպատվերի շրջանակում:Մինչդեռ ուսումնառության ընթացքում երրորդ կարգի հաշմանդամություն ստացած ուսանողները դուրս են մնում պետպատվերով սովորելու հնարավորությունից: Այս խտրական վերաբերմունքը շտկելու նպատակով է առաջարկվել ԼՀԿ նախագիծը:
09:46 - 11 սեպտեմբերի, 2019