ՀՀ կառավարություն

Կառավարությունը գործադիր իշխանության բարձրագույն մարմինն է: Կառավարությունն իր ծրագրի հիման վրա մշակում եւ իրականացնում է պետության ներքին եւ արտաքին քաղաքականությունը, իրականացնում է պետական կառավարման համակարգի մարմինների ընդհանուր ղեկավարումը: Կառավարության լիազորությունները սահմանվում են Սահմանադրությամբ եւ օրենքներով: Կառավարության իրավասությանն են ենթակա գործադիր իշխանությանը վերաբերող բոլոր այն հարցերը, որոնք վերապահված չեն պետական կառավարման կամ տեղական ինքնակառավարման այլ մարմինների: Կառավարությունը կազմված է վարչապետից, փոխվարչապետներից եւ նախարարներից:

Հանրապետության նախագահը վարչապետ է նշանակում խորհրդարանական մեծամասնության ընտրած թեկնածուին, իսկ փոխվարչապետները եւ նախարարները նշանակվում են Հանրապետության նախագահի կողմից՝ վարչապետի առաջարկությամբ: Այժմ գործում է Նիկոլ Փաշինյանի գլխավորած կառավարությունը։

27 մլն դրամ՝ դպրոց ընդունվելու էլեկտրոնային հայտագրման և կրթության կառավարման միասնական համակարգերի ներդրմանը |hetq.am|

27 մլն դրամ՝ դպրոց ընդունվելու էլեկտրոնային հայտագրման և կրթության կառավարման միասնական համակարգերի ներդրմանը |hetq.am|

hetq.am։ Դպրոց ընդունվելու էլեկտրոնային հայտագրման և կրթության կառավարման տեղեկատվական միասնական համակարգերի ներդրման և սպասարկման նպատակով կառավարությունն այսօրվա նիստին մոտ 27 միլիոն դրամ հատկացրեց «Կրթական տեխնոլոգիաների ազգային կենտրոն» ՊՈԱԿ-ին: Գումարը տրամադրվելու է պետական բյուջեի հաշվին կրթության, գիտության, մշակույթի և սպորտի նախարարության տրամադրվող «Կրթության որակի ապահովում» ծրագրով նախատեսված միջոցներից:Նախարարության հաղորդմամբ՝ կրթական տեխնոլոգիաների ազգային կենտրոնը ստեղծել է «Կրթության կառավարման տեղեկատվական համակարգը», որը բաղկացած է «Նախադպրոցական կրթության», «Դպրոցների», «Մասնագիտական կրթության» կառավարման տեղեկատվական համակարգերից: Այս պահին սակայն ամբողջությամբ ներդրված և սպասարկվում է միայն «Դպրոցների կառավարման տեղեկատվական համակարգը»։
11:18 - 20 հունիսի, 2019
Ռազմարդյունաբերության կոմիտեն կմիացվի բարձր տեխնոլոգիական արդյունաբերության նախարարությանը |hetq.am|

Ռազմարդյունաբերության կոմիտեն կմիացվի բարձր տեխնոլոգիական արդյունաբերության նախարարությանը |hetq.am|

hetq.am։ Ռազմարդյունաբերության կոմիտեն կմիացվի բարձր տեխնոլոգիական արդյունաբերության նախարարությանը: Նման որոշում այսօրվա նիստին կայացրեց կառավարությունը՝ բարձր տեխնոլոգիական արդյունաբերության նախարարության առաջարկով: Այդ նպատակով կկատարվեն նաև վերաբաշխումներ պետական բյուջեում: Մասնավորապես՝ «Պաշտպանության բնագավառում գիտական և գիտատեխնիկական նպատակային հետազոտություններ» ծրագրի կատարման համար նախատեսված 2,9 մլրդ դրամից 2,84 մլրդ դրամը պաշտպանության նախարարությունից կհատկացվի բարձր տեխնոլոգիական արդյունաբերության նախարարությանը, իսկ 76 միլիոն դրամը` պաշտպանության նախարարության «Ռազմատեխնիկական գիտահետազոտական ինստիտուտ» ՊՈԱԿ-ին:Նշենք, որ ռազմարդյունաբերության պետական կոմիտեն գործում է պաշտպանության նախարարության կազմում։ Այն մշակում է ռազմաարդյունաբերական համալիրի գործունեության սուբյեկտներին երկարաժամկետ, միջնաժամկետ և կարճաժամկետ պետական աջակցության ծրագրերի նախագծեր, ռազմական կարիքների համար պետական պատվերի և դրա ձևավորման կարգի նախագծեր։
10:44 - 20 հունիսի, 2019
Հունիսի 28-ին կառավարության առաջարկով ԱԺ արտահերթ նստաշրջան կհրավիրվի |armtimes.com|

Հունիսի 28-ին կառավարության առաջարկով ԱԺ արտահերթ նստաշրջան կհրավիրվի |armtimes.com|

armtimes.com: Կառավարության այսօրվա նիստում որոշում կայացվեց Ազգային ժողովի արտահերթ նստաշրջան հրավիրել։ Այն կհրավիրվի հունիսի 28-ին՝ ժամը 11։00-ին։Նիստը կհրավիրվի «Հայաստանի Հանրապետության քաղաքացիական դատավարության օրենսգրքում փոփոխություն կատարելու մասին», «Պետական կենսաթոշակների մասին» Հայաստանի Հանրապետության օրենքում փոփոխություններ եւ լրացումներ կատարելու մասին», «Պետական նպաստների մասին» Հայաստանի Հանրապետության օրենքում լրացումներ եւ փոփոխություններ կատարելու մասին», «Պաշտոնատար անձանց գործունեության ապահովման, սպասարկման եւ սոցիալական երաշխիքների մասին», «Սնանկության մասին» Հայաստանի Հանրապետության օրենքում լրացումներ եւ փոփոխություններ կատարելու մասին» ու մի շարք այլ նախագծեր քննարկելու համար։
09:11 - 13 հունիսի, 2019
Կապահովվի խնամատար ընտանիքի ինստիտուտի առավել հասցեական և անհրաժեշտ ծառայությունների մատուցումը |lragir.am|

Կապահովվի խնամատար ընտանիքի ինստիտուտի առավել հասցեական և անհրաժեշտ ծառայությունների մատուցումը |lragir.am|

lragir.am: Կառավարությունն ընդունել է համապատասխան որոշում՝ ՀՀ-ում երեխաներին խնամատար ընտանիք հանձնելու վերաբերյալ օրենսդրության վերանայման և բարեփոխման անհրաժեշտությամբ պայմանավորված: Հաստատվել են, մասնավորապես, խնամատար ծնող դառնալու ցանկություն ունեցող անձանց ընտրության, հաշվառման, երեխայի խնամքը և դաստիարակությունը խնամատար ընտանիքում կազմակերպելու, խնամատար ծնող դառնալ ցանկացող անձանց ուսուցման, որակավորման և վերապատրաստման, խնամատար ընտանիքում հոգեզավակի խնամքի նկատմամբ վերահսկողության կարգերը, խնամատար ընտանիքին ամսական ժամանակահատվածով դրամական միջոցների վճարման կարգը և չափը, խնամատարության պայմանագրերի օրինակելի ձևերը: Կարգի նպատակն է նպաստել երեխայի՝ ընտանիքում ապրելու իրավունքի ապահովմանը և զարգացնել կյանքի դժվարին իրավիճակում հայտնված երեխաների խնամքի այլընտրանքային ձևերը: Որպես խնամատար ընտանիքի ինստիտուտի արդյունավետության բարձրացման նախապայման, կարգով հստակ սահմանվում են խնամատարության տարբեր ձևերը և տեսակները, խնամատար ընտանիքների վերահսկողության և խնամատար ծնողների վերապատրաստման կարգը: Որոշմամբ, մասնավորապես, երեխայի խնամքի և դաստիարակության համար տրամադրվող ֆինանսական միջոցների չափը մասնագիտացված և ընդհանուր տիպի խնամատար ընտանիքներում նախատեսվում է սահմանել մեկ երեխայի հաշվարկով մեկ ամսվա համար 60.8 հազար դրամ կամ մեկ օրվա ծախսը 2.0 հազար դրամ: Երեխայի խնամքի և դաստիարակության դիմաց տրվող վարձատրության չափերն առաջարկվում է տարանջատել ըստ մասնագիտացված և ընդհանուր բնույթի խնամատար ընտանիքների:Արդյունքում ակնկալվում է, մասնավորապես, օրենսդրությունը համապատասխանեցնել միջազգային չափանիշներին և կանոնակարգել երեխայի խնամքի և դաստիարակության համար նախատեսված միջոցների և երեխայի խնամքի և դաստիարակության դիմաց տրվող վարձատրության տրամադրման մեխանիզմները:
08:42 - 13 հունիսի, 2019
Այսուհետ տնտեսվարող սուբյեկտներին ստուգումների համար այլևս երեք օր առաջ չեն նախազգուշացնի |aysor.am|

Այսուհետ տնտեսվարող սուբյեկտներին ստուգումների համար այլևս երեք օր առաջ չեն նախազգուշացնի |aysor.am|

aysor.am։ Կառավարության այսօրվա նիստում վարչապետին աշխատակազմի ղեկավար Էդուարդ Աղաջանյանը ներկայացրեց «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքի նախագիծը։ Նա նշեց, որ առաջարկվում է վերացնել օրենսդրությամբ գործող չափագիտական վերահսկողություն իրականացնելիս ստուգումը սկսելուց առնվազն երեք աշխատանքային օր առաջ տնտեսավարող սուբյեկտին տեղեկացնելու մասին պահանջը: «Տնտեսվարող սուբյեկտները, նախապես տեղեկանալով ստուգումների մասին, թերությունները վերացնում են ու պահանջվող նորմերին համապատասխանեցնում են միայն տվյալ օրը», - ասաց Էդուարդ Աղաջանյանը։ Նա նշեց, որ Շուկայի վերահոսկողության տեսչական մարմինը պարբերաբար ահազանգեր է ստանում, որ բենզալցակայաններում թերացումներ են լինում։ «Առաջարկվող օրենքի փոփոխությամբ մենք փաստացի կարող ենք այդ խոչընդոտները վերացնել», - ասաց Էդուարդ Աղաջանյանը։Նա նշեց, որ այս որոշմամբ կանխելու են նաև գազալցակայաններում տիրող նման իրավիճակը։ ՀՀ քննչական կոմիտեի նախագահ Հայկ Գրիգորյանն էլ ասաց, որ առաջարկում է, որպեսզի ստուգման ակտը դիտվի որպես ապացույց․«Որովհետև քրեական գործերի քննության ընթացքում գերատեսչություններրի կողմից անցկացված ստուգման ակտերը չենք կարողնաում դիտել ապացույց միայն այն հանգամանքի համար, որ ստուգողները չեն նախազգուշացվում ակնհայտ կեղծ ակտ տալու համար», - ասաց նա։ Վարչապետ Նիկոլ Փաշինյանն էլ ասաց, որ կարող են համատեղ նախագիծը գրել ու եթե հասցնեն, Ազգային ժողովում քննարկման ընթացքում հիմնական զեկուցողի կողմից այն կարող է ներմուծվել նախագծի մեջ ու ընթացք ստանալ։
08:26 - 13 հունիսի, 2019
Սոնա Հովհաննիսյանը նշանակվեց Կոնսերվատորիայի ռեկտոր

Սոնա Հովհաննիսյանը նշանակվեց Կոնսերվատորիայի ռեկտոր

Կառավարությունը հաստատեց Երևանի Կոմիտասի անվան պետական կոնսերվատորիայի ռեկտորի ընտրության արդյունքները, և Սոնա Հովհաննիսյանը նշանակվեց Կոնսերվատորիայի ռեկտոր։ Կրթության, գիտության, մշակույթի և սպորտի նախարարությունը Սոնա Հովհաննիսյանի հետ կկնքի աշխատանքային պայմանագիր` 5 տարի ժամկետով: Նախարար Արայիկ Հարությանյանը կառավարության անդամներին հայտնեց, որ Սոնա Հովհաննիսյանը վեց ամիս եղել է Կոնսերվատորիայի ռեկտորի պաշտոնակատար և այդ ընթացքում տեսանելի փոփոխություններ է կատարել: Հարությունյանն ընդգծեց՝ նման փոփոխություններ անողներին միշտ աջակցելու են, լինելու են նրանց կողքին:Նիստին ներկա էր նաև Սոնա Հովհաննիսյանը, ով շնորհակալություն հայտնեց վստահության համար: «Փոփոխություններ կան, բայց դեռ ավարտված չեն. կառուցվածքային իմաստով եմ ասում: Ակնկալում եմ կառավարության աջակցությունը և միջնորդությունը, որովհետև 70-ականներից Կոնսերվատորիան հիմնանորոգումների չի ենթարկվել, և մենք դրա կարիքը ունենք»,- նշեց նա:
07:26 - 06 հունիսի, 2019