Ազգային ժողով

ՀՀ Սահմանադրության համաձայն Ազգային ժողովը ժողովրդի ներկայացուցչական մարմինն է: Այն իրականացնում է օրենսդիր իշխանությունը: Ազգային ժողովը վերահսկողություն է իրականացնում գործադիր իշխանության նկատմամբ, ընդունում է պետական բյուջեն եւ իրականացնում է Սահմանադրությամբ սահմանված այլ գործառույթներ: Ազգային ժողովի լիազորությունները սահմանվում են Սահմանադրությամբ եւ այն գործում է իր կանոնակարգին համապատասխան: Խորհրդարանն ընտրվում է 5 տարի ժամկետով, կազմված է առնվազն 101 անդամից։

Այժմ գործում է 8-րդ գումարման ազգային ժողովը, որը բաղկացած է 106 պատգամավորից, որոնցից 71-ը՝ «Քաղաքացիական պայմանագիր» խմբակցությունից, 28-ը՝ «Հայաստան» խմբակցությունից, 7-ը՝ «Պատիվ ունեմ» խմբակցությունից։ ԱԺ գործող նախագահը Ալեն Սիմոնյանն է։

ՀՀ-ի ու Ղազախստանի խորհրդարանների նախագահներն ընդգծեցին հարաբերությունների բազմակողմանի զարգացումը |armenpress.am|

ՀՀ-ի ու Ղազախստանի խորհրդարանների նախագահներն ընդգծեցին հարաբերությունների բազմակողմանի զարգացումը |armenpress.am|

armenpress.am:  Հայաստանի Հանրապետության Ազգային ժողովի նախագահ Արարատ Միրզոյանն ու Ղազախստանի Հանրապետության խորհրդարանի Սենատի նախագահ Դարիգան Նազարբաևան ընդգծեցին երկու երկրների միջև հարաբերությունների բազմակողմանի զարգացման փաստը: Նոյեմբերի 14-ին Ազգային ժողովում հանդիպման ընթացքում Արարատ Միրզոյանը նշեց, որ այդ հարաբերությունների զարգացման մեջ մեծ դեր ունեն միջխորհրդարանական խմբերը: «Ես վստահ եմ, որ ձեր այցը նոր ազդակ կհաղորդի մեր երկկողմ հարաբերություններին: Հայաստանը հետաքրքրված է Ղազախստանի հետ հարաբերությունների խորացմամբ՝ ելնելով մեր երկրների ու ժողովուրդների ընդհանուր հետաքրքրություններից: Ցանկանում եմ ընդգծել, որ հայ-ղազախական հարաբերությունները զարգանում են բոլոր ուղղություններով: Ուրախ եմ նաև նշել, որ մեր հարաբերությունների զարգացման մեջ մեծ դեր է խաղում միջխորհրդարանական համագործակցությունը: Մինչև տարվա վերջ Ղազախստանի խորհրդարանի ղազախ-հայկական բարեկամական խումբը կայցելի Հայաստան: Մենք ակտիվ համագործակցում ենք տարբեր միջազգային հարթակներում»,- ասաց Միրզոյանը: Ղազախստանի Հանրապետության խորհրդարանի Սենատի նախագահ Դարիգան Նազարբաևան նշեց, որ երկու երկրների միջև հարաբերությունները կարելի է անվանել եղբայրական: «Եղբայրական են մեր ժողովուրդների հարաբերությունները, որովհետև մենք շատ նմանություններ ունենք մշակույթի, լեզվի հետ կապված: Այս տարի մենք նշում ենք դիվանագիտական հարաբերությունների հաստատման 20-ամյակը, այս 20 տարվա ընթացքում նոր էջ է բացվել մեր երկու երկրների պատմության մեջ: Սա մեծ իրադարձություն է, և հպարտանալու առիթ թե՛ մեր, թե՛ ձեզ համար»,- նշեց Նազարբաևան: Խորհրդարանների նախագահները Ազգային ժողովի այգում կմասնակցեն ծառատունկի արարողությանը:  
12:16 - 14 նոյեմբերի, 2019
ԱԺ-ն քննարկում է Ջրի ազգային խորհուրդը լուծարելու առաջարկը |news.am|

ԱԺ-ն քննարկում է Ջրի ազգային խորհուրդը լուծարելու առաջարկը |news.am|

news.am: Ազգային ժողովի քննարկմանը ներկայացված օրենսդրական փաթեթը ենթադրում է Հայաստանի Ջրի ազգային խորհրդի լուծարում: Այս մասին նոյեմբերի 12-ին ԱԺ նիստում Ջրային օրենսգրքում եւ հարակից օրենքներում փոփոխություններ կատարելու մասին օրինագծերի փաթեթի երկրորդ ընթերցմամբ քննարկման ընթացքում հայտարարեց ՀՀ շրջակա միջավայրի նախարար Էրիկ Գրիգորյանը: Նախարարը նշեց, որ խորհրդի լիազորությունները կդրվեն շրջակա միջավայրի նախարարության վրա։ Նա նաև հիշեցրեց, որ խորհրդի խնդիրների մեջ էր մտնում ջրային ռեսուրսների կառավարումը, այդ թվում, փոքր հէկերի եւ Արարատյան հովտի արտեզյան հորերի օգտագործման դեպքում ոռոգման ջրի օգտագործման թույլտվություն տալը: Նախարարը նկատեց, որ կառավարության կողմից արդեն հաստատվել են ջրային ռեսուրսների կառավարման ծրագրերը, ինչը, ըստ էության, հանգեցրել է խորհրդի կողմից իր գործառույթների և այն դերի կորստին, որը նա կատարել է մի քանի տարի: Նշենք, որ խորհուրդը գլխավոր խորհրդակցական մարմինն էր ջրային ռեսուրսների կառավարման ոլորտում, իսկ կառույցի ղեկավարն ի պաշտոնե Հայաստանի վարչապետն է:   
13:06 - 12 նոյեմբերի, 2019
ԱԺ-ն քննարկում է հայտարարագիր ներկայացնող պաշտոնյաների շրջանակն ընդլայնելու նախագիծը |armenpress.am|

ԱԺ-ն քննարկում է հայտարարագիր ներկայացնող պաշտոնյաների շրջանակն ընդլայնելու նախագիծը |armenpress.am|

armenpress.am: ՀՀ Ազգային ժողովն առաջին ընթերցմամբ քննարկում է «Լուսավոր Հայաստան» խմբակցության կողմից ներկայացված «Հանրային ծառայության մասին» Հայաստանի Հանրապետության օրենքում փոփոխություն կատարելու մասին օրենքի նախագիծն առաջին ընթերցմամբ ընդունելու մասին հարցը, որով հնարավորություն է տրվում ընդլայնել հայտարարագիր ներկայացնող պաշտոնյաների շրջանակը: Այս մասին նոյեմբերի 12-ի Ազգային ժողովի նիստում ասաց «Լուսավոր Հայաստան» խմբակցության անդամ Մանե Թանդիլյանը: «Այսօրվա կարգավորումներով՝ պաշտոնատար անձանց թիվը, որոնք որ ներկայացնում են հայտարարագիր, սահմանափակված է համայնքի բնակչության թվով, և այն համայնքապետերը, որոնք համայնքների բնակչության թիվը չի գերազանցում 15.000-ը, հայտարարագիր չեն ներկայացնում: Այս նախաձեռնությունը նպատակ ունի հայտարարագիր ներկայացնելու պաշտոնատար անձանց թվաքանակն ընդլայնել՝ ներառելով նաև բոլոր նրանց, որոնք հանդիսանում են համայնքապետեր 15 հազար և ավելի ցածր բնակչություն ունեցող համայնքների համար»,- ասաց Թանդիլյանը: Ազգային ժողովի Պետական-իրավական հարցերի մշտական հանձնաժողովն ու կառավարությունը դրական եզրակացություն են ներկայացրել օրենքի նախագծի վերաբերյալ:
09:32 - 12 նոյեմբերի, 2019
Այս նախագիծը կարող է լուրջ խնդիրներ առաջացնել մեքենա ներկրած 20-25 հազար քաղաքացու համար․ Թունյան |shantnews.am|

Այս նախագիծը կարող է լուրջ խնդիրներ առաջացնել մեքենա ներկրած 20-25 հազար քաղաքացու համար․ Թունյան |shantnews.am|

shantnews.am: Ազգային ժողովում ԲՀԿ խմբակցության անդամ Միքայել Մելքումյանն այսօր ներկայացրեց նախագիծ, որով առաջարկում է թեթևացնել մեքենաների մաքսազերծումը այն ընկերությունների համար, որոնք մեքենաներ կներմուծեն հունվարի 1-ից։ Այդ ժամանակ սովորական քաղաքացիների կողմից ներկրվող մեքենաների մաքսազերծման գները կտրուկ բարձրանալու են ԵԱՏՄ կարգավորումների հիման վրա։ Մելքումյանի այս նախագիծը բացասական եզրակացության էր արժանացել, սակայն ԱԺ նիստի ժամանակ նա փորձում էր պաշտպանել այն։ Իմքայլական մեծամասնության անդամ Բաբկեն Թունյանը բացատրեց, թե ինչու են դեմ այս օրենքի ընդունմանը։ «Մեր 20-25 հազար քաղաքացիները, եթե օրենքը ընդունվի, կարող են փաստի առաջ կանգնել, որովհետև էն 50-60 հազար մեքենան, որ ավել ներկրվել է էս տարի, էդ մեր էն 20-25 հազար քաղաքացիներինն է եղել, որոնք սպասում են հունվարի 1-ից հետո վաճառելուն։ Իսկ էս օրենքի ընդունումն իրենց համար կարող է խնդիրներ առաջացնի»,- ասաց Թունյանը։
09:14 - 12 նոյեմբերի, 2019
ԱԺ-ն հաստատեց․ քաղաքացիները կարող են հեռախոսով նկարել ՃԵԿ խախտումները և ուղարկել ոստիկանությանը |shantnews.am|

ԱԺ-ն հաստատեց․ քաղաքացիները կարող են հեռախոսով նկարել ՃԵԿ խախտումները և ուղարկել ոստիկանությանը |shantnews.am|

shantnews.am։ Ազգային ժողովն այսօր երկրորդ ընթերցմամբ ընդունեց աղմկահարույց նախագիծը, որով քաղաքացիները կարողանալու են արձանագրել այլ քաղաքացիների մեքենաների կողմից ճանապարհային երթևեկության կանոնների խախտումները։ Նախագծին դեմ հանդես եկողները հիմնականում ԲՀԿ խմբակցությունից էին։ Ձայները բաշխվեցին այսպես․ կողմ -83, դեմ -24, ձեռնպահ -3։ Դեռ առաջին ընթերցման ժամանակ այս խմբակցության պատգամավորների կողմից ակնարկներ արվեցին, որ սա «գործ տալու» նախագիծ է։ Նրանցից մեկն ասաց, որ այդ նախագիծը զուրկ է բարոյականությունից, քանի որ մարդկանց իրար դեմ է հանելու, շատերը վատություն անելու համար սկսելու են հետապնդել այլ մարդկանց և արձանագրել նրանց արած խախտումները։ Երկրորդ ընթերցման ժամանակ նախագծի համահեղինակ, «Իմ քայլի» պատգամավոր Սիսակ Գաբրիելյանն ասաց, որ այդ մտահոգությունները փարատելու համար իրենք կառավարությանը հնարավորություն կտան սահմանափակել նույն անձի կողմից մեկ այլ քաղաքացու մեքենայի վերաբերյալ հաղորդումներ ներկայացնելու հնարավորությունը։ Սա էլ արդեն հարուցեց իմքայլականների դժգոհությունը։
06:19 - 23 հոկտեմբերի, 2019
ԱԺ-ն քննարկում է ընդերքօգտագործման ոլորտի իրական սեփականատերերին առնչվող օրինագիծը |armenpress.am|

ԱԺ-ն քննարկում է ընդերքօգտագործման ոլորտի իրական սեփականատերերին առնչվող օրինագիծը |armenpress.am|

armenpress.am։ ՀՀ ազգային ժողովը քննարկում է կառավարության կողմից ներկայացված ՀՀ ընդերքի մասին օրենսգրքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը: Դրանով մասնավորապես առաջարկվում է, որ ընդերքօգտագործման ոլորտում իրական սեփականատերերի հայտարարագիր լրացնելիս իրական սեփականատեր համարվեն նաեւ տվյալ ընկերության կառավարման միանձնյա եւ կոլեգիալ մարմինների անդամ ֆիզիկական անձինք: Նախագիծն ԱԺ նիստում ներկայացրեց ՀՀ տարածքային կառավարման և ենթակառուցվածքների փոխնախարար Լիլիա Շուշանյանը: Նա նախ նշեց, որ բոլոր խմբակցությունների հետ քննարկման արդյունքում իրական սեփականատերերի հետ կապված լրացումներ են կատարել նախագծում: «Մենք պայմանավորվեցինք, որ փաթեթով պետք է ընդլայնենք ընդերքի ոլորտում իրական սեփականատերերի հասկացությունը և առաջարկեցինք, որ ընկերության կառավարման միանձնյա և կոլեգիալ մարմիններում ընդգրկված ֆիզիկական անձինք նույնպես համարվեն իրական սեփականատեր՝ ի լրումն այն առաջարկի, որ հայտարարագրերի ներկայացման նոյեմբերի 30 վերջնաժամկետը երկարաձգվում է մինչև հունվարի 30-ը՝ նպատակով ունենալով ապահովել համապատասխան ծրագրային ապահովում»,-ասաց փոխնախարարը: Այսինքն` օրենսգրքով իրական սեփականատերերի հայտարարագրի կամ իրական սեփականատերերի վերաբերյալ փոփոխված տեղեկությունների վերաբերյալ քաղվածք ներկայացնելու պարտավորություն ունեցող իրավաբանական անձանց դեպքում իրական սեփականատերերի հայտարարագիր լրացնելիս իրական սեփականատեր են համարվում նաեւ տվյալ ընկերության կառավարման միանձնյա եւ կոլեգիալ մարմինների (բաժնետերերի ժողով, խորհուրդ եւ գործադիր մարմին) անդամ ֆիզիկական անձինք: Շուշանյանը նշեց, որ նախագծով առաջարկվող փոփոխությունները տարաբնույթ են: Փոփոխությունների մի մասը հիմնականում ընթացակարգային են և որոշակի վարչարարության հստակեցումներ են ենթադրում, սակայն դրանք էականորեն բարելավում են նաև թույլտվությունների տրամադրման գործընթացը: Նախագծով առաջարկվում է նաև փոփոխություն իրականացնել վիճակագրական հաշվետվությունները հստակ պարտավորություն սահմանելու առումով, որպեսզի հնարավորինս բացառվեն կամայական ներկայացումները: Շուշանյանը նկատեց, որ առավել հիմնարար փոփոխությունները կապված են մեկ այլ մեխանիզմի հետ: «Խոսքը գնում է մեկանգամյա թույլտվության մեխանիզմի ներդրման մասին՝ բոլոր այն դեպքերում, երբ իրականացվում է ճանապարհների, ջրամբարների, հաղորդակցության ուղիների, ինչպես նաև թունելների շինարարություն և կարևորագույն նշանակության ստորգետնյա պահեստարանների շինարարություն: Այս դեպքում համապատասխան փորձաքննություն անցած նախագծերի դեպքում առաջարկվում է տվյալ տարածքից արդյունահանված օգտակար հանածոները թույլատրել օգտագործել բացառապես տվյալ նախագծերի համար»,-ասաց նա ու հավելեց՝ հստակ պայմաններ են սահմանված, որ տվյալ օգտակար հանածոն պետք է հաշվառված չլինի օգտակար հանածոների պետական հաշվեկշռում, այսինքն` հանքավայր չլինի և լինի ոչ մետաղական:
12:13 - 22 հոկտեմբերի, 2019
ԱԺ-ն օրակարգ չընդգրկեց հանդիպակաց երթևեկության գոտի դուրս գալու համար տուգանքի բարձրացման նախագիծը |armenpress.am|

ԱԺ-ն օրակարգ չընդգրկեց հանդիպակաց երթևեկության գոտի դուրս գալու համար տուգանքի բարձրացման նախագիծը |armenpress.am|

armenpress.am: ՀՀ ազգային ժողովը լիագումար նիստի օրակարգ չընդգրկեց «Բարգավաճ Հայաստան» խմբակցության պատգամավոր Վահե Էնֆիաջյանի կողմից ներկայացված Վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին օրենքի նախագիծը: Դրանով, մասնավորապես, առաջարկվում էր տրանսպորտային միջոցների վարորդների կողմից հանդիպակաց երթևեկության գոտի դուրս գալու դեպքում արդեն իսկ նշանակված տուգանքի չափը բարձրացնել: Նախագիծն օրակարգ ընդգրկելու քվեարկությանը կողմ քվեարկեց 25 պատգամավոր, դեմ՝ 82, ձեռնպահ՝ 12-ը: Էնֆիաջյանը շեշտեց՝ նախաձեռնությունը կրում է բացառապես մեկ միտում՝ կանխարգելել նման անցանկալի դրսևորումները: Տրանսպորտային միջոցների վարորդների կողմից հանդիպակաց երթևեկության գոտի դուրս գալը, եթե դա կապված չէ թույլատրված տեղերում վազանց կատարելու կամ կանգնած տրանսպորտային միջոցը կամ խոչընդոտը շրջանցելու հետ, առաջացնում է տուգանքի նշանակում՝ սահմանված նվազագույն աշխատավարձի 150-ապատկի չափով: Էնֆիաջյանի խոսքով՝ ճանապարհատրանսպորտային պատահարների վիճակագրությունն ուսումնասիրելով, կարծում են, որ էական զսպող մեխանիզմներ պետք է ունենան, ուսումնասիրել են ԵԱՏՄ փորձը, միջազգային փորձը: Նրա խոսքով՝ նախագծի հռետորաբանության հետ կապված կառավարության կողմից որպես այսպիսին մերժում չկա, համակարծիք են, սակայն նշում են, որ կա այլընտրանքային նախագիծը: «Սակայն ԲՀԿ-ի պատգամավորների կողմից մի քանի նախաձեռնություններ ևս կան, որոնց հետ կապված ևս նշվում է, որ խնդիր չկա, սակայն կառավարությունն էլ ունի իր նախագիծը: Կարծում եմ, որ հիմնախնդիրը դահլիճում քննարկելու հնարավորությունը պետք է ընձեռվի»,-նշեց նա: Պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը նշեց, որ նախագիծը ժամանակավրեպ և ընդունելի չէ այսօր: «Ունենք արդեն համապարփակ մեծ փաթեթ, այսպես կոչված տուգանային միավորների ներդրման նախագծերի փաթեթը, և դա ընդլայնված կարգավորում է ճանապարհային երթևեկության անվտանգության ոլորտի մի շարք իրավահարաբերություններ և նոր քաղաքականություն է մտցնում՝ վարչական տուգանքների կիրառման պրակտիկայում»,-ասաց նա ու ներկայացրեց փաստ, որն էական հակասության մեջ է ներկայացված նախագծի հետ: Նա նշեց, որ տուգանային միավորների կիրառման համակարգի փաթեթում առավելագույն տուգանքը սահմանված է 29 հազար դրամ:
07:42 - 22 հոկտեմբերի, 2019
Կգնանք ոչ թե հարկի, այլ՝ հարկման բազան նվազեցնելու ճանապարհով. Բաբկեն Թունյան |aysor.am|

Կգնանք ոչ թե հարկի, այլ՝ հարկման բազան նվազեցնելու ճանապարհով. Բաբկեն Թունյան |aysor.am|

aysor.am: Եկամտային հարկի հետվերադարձի արտոնությունների մասին խոսելն ականջահաճո է, սակայն հնչած հիմնավորումներն այդքան էլ միանշանակ չեն, ԱԺ նիստի ժամանակ այսօր ասաց տնտեսական հարցերի հանձնաժողովի նախագահ Բաբկեն Թունյանը։ Նրա խոսքով՝ հանրության մոտ կարող է թյուր կարծիք ձևավորվել, որ ԱԺ «Լուսավոր Հայաստան» խմբակցությունը ցանկանում է մարդկանց լավություն անել՝ համապատասխան օրենքում սահմանափակումները չեղարկելով, իսկ իշխանությունը դրան դեմ է։ «Երբ ներդնենք եկամուտների համատարած հայտարարագրման ինստիտուտը, մենք կգնանք այն ճանապարհով, որ կնվազեցնենք ոչ թե հարկը, այլ հարկման բազան», - ասաց պատգամավորը։ Ավելի վաղ «Լուսավոր Հայաստան» խմբակցության պատգամավոր Մանե Թանդիլյանը հայտարարել էր, որ Հարկային օրենսգրքում առկա որոշ սահմանափակումները խոչընդոտում են բազմանդամ ընտանքիներին սեփական աշխատավարձով հիպոտեկային վարկերը հաշվանցել իրենց եկամտային հարկերից։ «Սահմանափակումները խնդիրներ առաջացնում են նաև կառուցապատողների համար, երբ ճարտարապետական հարցեր են առաջանում։ Հասկանալով, որ կան սահմանափակումներ՝ նրանք սկսում են լուծումներ գտնել, որոնք ամենալավը չեն», - ընդգծեց նա։ Իսկ ԱԺ «Իմ քայլը» խմբակցության պատգամավոր Հայկ Գևորգյանն իր հերթին նկատեց, որ եթե օրենքում սահմանափակումներ չլինեն, շուտով պետական բյուջեի միջոցները չեն բավարարի եկամտային հարկը վերադարձնելու համար։
07:35 - 22 հոկտեմբերի, 2019
ԱԺ-ն օրակարգ չընդգրկեց վարձու աշխատողի բժշկական ապահովագրության համար եկամտահարկի նվազեցման նախագիծը |armenpress.am|

ԱԺ-ն օրակարգ չընդգրկեց վարձու աշխատողի բժշկական ապահովագրության համար եկամտահարկի նվազեցման նախագիծը |armenpress.am|

armenpress.am: ՀՀ ազգային ժողովը լիագումար նիստի օրակարգ չընդգրկեց «Լուսավոր Հայաստան» խմբակցության պատգամավոր Մանե Թանդիլյանի առաջարկած նախագիծը, որով առաջարկվում է վարձու աշխատողների կամավոր առողջապահական ապահովագրության դեպքում այդ գումարը նրա եկամտահարկից նվազեցնել՝ 50 հազար դրամի չափով: Հանձնաժողովի բացասական եզրակացություն ստացած ՀՀ Հարկային օրենսգրքում լրացումներ կատարելու մասին օրենքի նախագիծն ԱԺ օրակարգ չընդգրկվեց՝ 43 կողմ, 78 դեմ և 2 ձեռնպահ ձայներով: «Խոսքը վերաբերվում է բժշկական ապահովագրության կամավոր ներդրման հնարավորությանը: Երկրում կան ապահովագրական ընկերություններ, որոնք այսօր արդեն իրականացնում են առողջապահության ապահովագրության ծառայություններ: Մենք հնարավորություն ունենք նախքան համընդհանուր բժշկական ապահովագրության անցնելը հնարավորություն տալ ոլորտը զարգացնելու: Քաղաքացիները՝ վարձու աշխատողները, որոնք կամավոր ապահովագրություն կիրականացնեն, ապա մինչև 50 հազար դրամի չափով իրենց եկամտային հարկից այդ գումարը կնվազեցվի»,-ասաց Թանդիլյանը: Նրա կարծիքով՝ դա խթան է հանդիսանալու, որ վարձու աշխատողները ապահովագրեն իրենց առողջությունը: Գլխադասային՝ Տնտեսական հարցերի մշտական հանձնաժողովի անդամ Ծովինար Վարդանյանը նշեց, որ նախագիծը ենթադրում է եկամտային հարկից նվազեցումներ: «Հիմնավորում կա, որ ծառայությունների որակը կբարձրանա, համակարգը կզարգանա, գին-որակ հարաբերակցությունը ավելի լավ մակարդակի կբարձրանա: Սակայն պետք է արձանագրենք, որ ապահովագրական ընկերությունները առաջարկվող 50 հազար դրամի սահմաններում առաջարկում են շատ թույլ ու ոչ հրապուրիչ ծառայություններ: Այս գումարները, որոնք պատրաստվում ենք բյուջեից տրամադրել, իրականում դրանց իրական շահառուն կլինեն ապահովագրական ընկերությունները: Աշխատողը կլինի պահանջատեր և դա կազդի որակի վրա, երբ աշխատողը կամավոր կերպով կվճարի այդ ծառայության համար, և այդ ժամանակ կլինի նորմալ մրցակցություն ու ծառայությունների որակի բարձրացում»,-ասաց Վարդանյանն ու կարծիք հայտնեց՝ եկամտահարկի հաշվին ինչ-որ հարցեր լուծելու մշակույթը սխալ է:
07:20 - 22 հոկտեմբերի, 2019
|tert.am| ԱԺ նիստը՝ ուղիղ. օրակարգում է նաև «Ազգային անվտանգության մարմիններում ծառայության մասին» օրենքում փոփոխություններ կատարելու մասին հարցը

|tert.am| ԱԺ նիստը՝ ուղիղ. օրակարգում է նաև «Ազգային անվտանգության մարմիններում ծառայության մասին» օրենքում փոփոխություններ կատարելու մասին հարցը

tert.am: Մեկնարկել է 7-րդ գումարման Ազգային ժողովի երրորդ նստաշրջանի հերթական քառօրյան։ Ի թիվս այլ հարցերի օրակարգում ներառված է նաև «Ազգային անվտանգության մարմիններում ծառայության մասին» Հայաստանի Հանրապետության օրենքում փոփոխություններ կատարելու մասին հարցը (երկրորդ ընթերցում) Այս նախագիծն առաջարկել է «Լուսավոր Հայաստան» խմբակցությունը։ Այն հնարավորություն է տալու 25 տարեկանը լրացած ցանկացած քաղաքացու, որը 4 տարի ապրել է Հայաստանում, դառնալ ԱԱԾ տնօրեն կամ ոստիկանապետ: ԱԺ օրակարգում են նաև՝ Հայաստանի Հանրապետության ընդերքի մասին օրենսգրքում փոփոխություններ եւ լրացումներ կատարելու մասին, Վարչական իրավախախտումների վերաբերյալ Հայաստանի Հանրապետության օրենսգրքում լրացումներ եւ փոփոխություն կատարելու մասին, «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» օրենքում լրացում կատարելու մասին, Ներդրումային ծրագրերի իրականացման պետական աջակցության մասին հարցեր և այլ հարցեր։ ԱԺ նիստին կարող եք հետևել ուղիղ հեռարձակմամբ։
06:16 - 22 հոկտեմբերի, 2019
Լավ արդյունքի հասնելու համար պետք է գտնել համակարգային լուծումներ, որոնք փոփոխությունների կհանգեցնեն նաև Ընտրական օրենսգրքում, հարակից օրենքներում և Սահմանադրության մեջ. Սուրեն Սահակյան

Լավ արդյունքի հասնելու համար պետք է գտնել համակարգային լուծումներ, որոնք փոփոխությունների կհանգեցնեն նաև Ընտրական օրենսգրքում, հարակից օրենքներում և Սահմանադրության մեջ. Սուրեն Սահակյան

ԱԺ-ում «Կուսակցությունների մասին» օրենքի քննարկումների ժամանակ ՔՈ ՍԴԿ գերագույն մարմնի անդամ Սուրեն Սահակյան իր ելույթի սկսզբում հիշեց, որ երբ ԱԺ ամբիոնից ելույթ էր ունենում անցումային արդարադատության վերաբերյալ լոսումների ժամանակ, անդրադարձել էր համապարփակ վերափոխումներին, որոնցից առանձնացրել էր «Կուսակցությունների մասին» և հարակից օրենքներով նոր քաղաքական համակարգի ստեղծման անհրաժեշտությունն ու հրատապությունը: «Մեր ունեցած համակարգը նպաստավոր պայմաններ է ստեղծել, որ կուսակցություն և քաղաքական գործիչ լինելը դառնան արգահատելի երևույթներ: Դրանք կտրվել են հանրությանն իրապես հուզող հարցերից, կորցրել են իրենց սոցիալական դերն ու նշանակությունը, վերածվել տնտեսական կլանների և բիզնեսի քաղաքական տանիքների: Ընտրությունների կեղծված լինելու հանգամանքով պայմանավորված՝ վերացել էր իրական քաղաքական կուսակցությունների ստեղծման հնարավորությունն իսկ, ներկուսակցական կյանքում որոշումների կայացման ոչ թափանցիկ, ոչ ժողովրդավար բնույթը կարող, ունակ ուժերին զերծ են պահել ֆորմալ քաղաքականության միջավայր ներգրավվելուց՝ պարարտ հող ստեղծելով օպորտունիստների, իրենց կուսակցության գաղափարների և ծրագրերի հետ ոչ մի առնչություն չունեցող «քաղաքական գործիչների» առաջացման և կայացման համար: Եվ այս պայմաններում է, որ թե՛ հեղափոխական գործընթացներից առաջ, թե՛ դրանից հետո հետևողականորեն պնդում ենք, որ իրերի այս դրությունը պետք է փոխվի, և որպես այդպիսի փոփոխությունների բաղադրիչ ենք դիտարկում «Կուսակցությունների մասին» օրենքի փոփոխությունը»,- նշեց նա: Սուրեն Սահակյանի խոսքով՝  նման փոփոխությունների սկիզբը պետք է դրվեր անմիջապես հեղափոխական գործընթացներից հետո, որպես անցումային կառավարության հիմնական գործառույթ, բայց դա չի նշանակում, որ եթե ուշացրել ենք, պետք է հաշված շաբաթների ընթացքում հապճեպ լուծել հարցը: «Իրապես լավ արդյունքի հասնելու համար պետք է ցուցաբերել համալիր մոտեցում, գտնել փաթեթային և համակարգային լուծումներ, որոնք փոփոխությունների կհանգեցնեն նաև Ընտրական օրենսգրքում, հարակից օրենքներում և Սահմանադրության մեջ: Այսպիսով, մեր առաջարկն է դանդաղ շտապել, նախ նկարագրել այն քաղաքական համակարգը, որով ուզում են փոխել երեկվանը, և, իսկապես, որպեսզի պարզենք, թե մեզ ինչ փոփոխություններ են պետք հենց այս օրենքում, մենք պետք է ձևակերպենք, թե ինչպիսի քաղաքական համակարգ ենք պատկերացնում ապագայում, որպեսզի կարողանանք գնահատել, թե ինչքանով կարող է արդյունավետ լինել այս մեկի մեջ արված որևէ փոփոխություն»,- եզրափակեց նա:    
14:09 - 18 հոկտեմբերի, 2019
Պիտի հավատանք, որ պետական ապարատը հանձնում ենք այնպիսի կառույցների, որ թեև գաղափարապես տարբեր են, բայց այն հիմնարարր սկզբունքները, որ մենք ուզում ենք, պահպանելու են. Միքայել Նահապետյան

Պիտի հավատանք, որ պետական ապարատը հանձնում ենք այնպիսի կառույցների, որ թեև գաղափարապես տարբեր են, բայց այն հիմնարարր սկզբունքները, որ մենք ուզում ենք, պահպանելու են. Միքայել Նահապետյան

ԱԺ-ում «Կուսակցությունների մասին» օրենքի քննարկումների ժամանակ ՔՈ ՍԴԿ մամուլի քարտուղար Միքայել Նահապետյանն իր ելույթում նշեց, որ այս քննարկման ամեն մի դետալում մենք ընտրություն ենք կատարելու, թե ինչպիսի Հայաստանում եքն ապրելու:  Առաջին ըտրությունն, ըստ նրա, հետևյալն է. մենք ժողովրդավարական տեխնոլոգիաներ ներկրո՞ղ, թե՞ արտահանող պետություն կլինենք: Բերելով թավշյա հեղափոխության օրինակը՝ նա նշեց, որ մենք չպետք է կաշկանդվենք և հրաժարվենք անել բաներ, որոնք դեռ չեն փորձարկվել: Ըստ Միքայել Նահապետյանի՝ մեր երկրորդ ընրտրությունն այն է, թե մենք ինչ խորությամբ ենք փոփոխություններն իրականացնելու: «Մենք բոլորս պիտի հավատանք, որ պետական ապարատը հանձնում ենք այնպիսի կառույցների ձեռքը, որ թեև գաղափարապես նրանք տարբեր են, բայց իրենց ակունքում այն հիմնարարր սկզբունքները, որ մենք ուզում ենք, պահպանելու են: Եվ սա է այն լեգիտիմությունը, այն մանդատը, որ մեզ թույլ է տալիս միջամտելու նրանց այնպիսի գործերին, որոնց սովորաբար կայացած քաղաքական մշակույթներում, կայացած քաղաքական համակարգերում ընդունված է չմիջամտել որոշումների կայացման թափանցիկության առումով, ներքին կառուցվածքային միավորների կազմավորման առումով, նախընտրական ցուցակների կազմավորման առումով: Մենք այս մանդատով է, որ միջամտելու ենք դրան, որովհետև մենք պիտի վստահ լինենք, որ պետական կառավարման համակարգը հանձում ենք կառույցների, որոնք կպահեն այն, ինչ մարդիկ ստեղծել են փողոցում»,- ասաց նա: Երրորդ ընտրությունն, ըստ Մ. Նահապետյանի, այս փոփոխությունների տրամաչափն է: «Սեղանին այս պահին դրված է «Կուսակցությունների մասին» օրենքում փոփոխություններ կատարելու հարցը, գուցե ընդունելի է, գուցե լավ է, բայց այս օրենքի հետ կապված հարցեր քննարկելիս մենք կամա թե ակամա առնչվում ենք Սահամանադրությանն առնչվող հարցերին, Ընտրական օրենսգրքին առնչվող հարցերին, Հանրաքվեների մասին օրենքին առնչվող հարցերին, և այն ձեռքսեղմումները, որ պիտի տեղի ունենան, էապես կախված են նրանից, թե հարակից իրավական ակտերով մենք ինչ խճանկար ենք կառուցելու, որովհետև համամասնական ընտրակարգը մի տիպի կուսակցություններ է ենթադրում, մեծամասնականը՝ մի ուրիշ, եթե Ընտրական օրենսգրոքով շեմերը պահպանելու ենք, դա մի տեսակ կուսակցություններ է ենթադրում, եթե հանելու ենք՝ մի ուրիշ, եթե կայուն մեծամասնութան սահմանադրական նորմը պահում ենք, դա մի տեսակ կուսակցություններ է ենթադրում, եթե հանում ենք՝ մի ուրիշ: Եվ քաղաքական վստահելի պայմանավորվածության գալու համար հարկավոր է այդ ամբողջ խճանկարն իմանալ, ինչը հայեցակարգն է մեր քաղաքական համակարգի: Ես հույս ունեմ, որ մենք մինչը «Կուսակցությունների մասին» օրենքի շուրջ պայմանավորվածության գալը, կգծագրենք այդ քաղաքական համակարգի ընդհանուր դիմագիծը»,- ասաց նա: Միքայել Նահապետյանը նաև անդրադարձավ կուսակցությունների ֆինանսների խրախուսական մեխանիզմներին: «Այստեղ կարդալով ֆինանսների հետ ապված խրախուսական և ոչ այնքան խրախուսական մեխանիզմների մասին՝ հայտնի հայկական առակ-հեքիաթը հիշեցի, որ ասում է՝ ինձ՝ շաղգամը հողումը, քեզ՝ տերևն ու ցողունը: Բոլոր դրական, առավելություն նախատեսող նորմերը պառլամենտական կամ գոնե երկու տոկոսից ավել հավաքած կուսակցությունների համար են, բոլոր սահմանափակումները՝ նաև մեզ: Ես այս փաթեթում տեսնում եմ, թե ինչպես եք դուք վերընտրվելու, ինչպես եք նրանք, ում մի քանի հարյուր ձայն չէր հերիքել, ընտրվելու, բայց ես չեմ տեսնում այս փաթեթում այն արտոնությունը, այն առավելությունը, որ տրվում է ինձ՝ քաղաքական կյանքում իմ գաղափարները ներկայացնելու համար: Եվ հույս ունեմ, որ մենք կգտնենք այն մեխանիմզը, որ ոչ թե նորմատիվներ լրացնելու բերումով կստանանք ֆինանսավորում, այլ իսկապես քաղաքական կատարած աշխատանքի առումով մեր ընտրողների, մեզ վստահողների հետ»,- նշեց նա:    
13:07 - 18 հոկտեմբերի, 2019
Քաղաքական ուժը պետք է գաղափարի շուրջ ստեղծել, ոչ թե ստեղծել ինչ-որ մի բան, հետո գաղափարներ լցնել. Սերգեյ Բագրատյան

Քաղաքական ուժը պետք է գաղափարի շուրջ ստեղծել, ոչ թե ստեղծել ինչ-որ մի բան, հետո գաղափարներ լցնել. Սերգեյ Բագրատյան

Ազգային ժողովում Կուսակցությունների մասին օրենքի վերաբերյալ խորհրդարանական լսումների ժամանակ Բարգացաճ Հայաստան խմբակցության անդամ Սերգեյ Բագրատյանը իր ելույթը սկսեց՝ շնորհակալություն հայտնելով հայկական ավանդական կոսւակցություններին: «Շնորհակալություն հայտնենք նաև մեր պատմական, ավանդական քաղաքական ուժերին, որոնք, երկար տարիներ գործելով սփյուռքում, կարողացել են ոչ միայն քաղաքական միավորի տեքսը պահպանել մինչև այսօր ,այլ նաև հայապահպան հսկայական աշխատանք են կատարել: Կարծում եմ, որևէ այլ երկրի քաղաքական միավոր չի ունեցել նման հանձնառություն, և սա հետքրքիր է զուտ ուսումնասիրելու իմաստով և, ինչու չէ, նաև քննարկելու, թե արդյո՞ք այդտեղ չկան արդար մոտեցումներ, որոնք պետք է նաև փոխանցել նոր ձևավորվող քաղաքական ուժերի հենքում դնելու համար: Այս իմաստով շատ եմ կարևորում ավանդական կուսակցությունների ներկայությունը հայ ժողովրդի ողջ ընթացքի համար»,- ասաց նա: Սերգեյ Բագրատյանը կարևորեց, որ այն կուսակցությունները, որոնք ստեղծվել են ու չեն մասնակցել ընտրություններին, ակտիվ գործեն: Նա նաև խոսեց կուսակցությունների ձևավորման գործընթացի մասին. «Ձևավորման հարցում կոնկրետ առաջարկներ եմ արել, մասնավորապես՝ գործող օրենքով կուսակցությունները, որպեսզի գանցվեն, պահանջվում է, որ 100 հիմնադիր անդամ որոշում կայացնի համագումարով, և այդ պահին ունենան 800 անդամ: Ես առաջարկել եմ այդ թվերն իջեցնել և 50 հիմնադիր անդամով և 500 անդամով հնարավոր լինի գրանցել կուսակցությունը: Կարծում եմ՝ կարելի է նույնիսկ ավելի իջեցնել, որովհետև մենք եթե հիմա ուսումնասիրենք միջազգային փորձը, եվրոպական երկրներ կան, որ ընդամենը երեք հոգով կարելի են գրանցել այդ կուսակցությունը»:  Սերգեյ Բագրատյանը նաև կարևորեց, որ կուսակցությունները ստեղծվեն կոնկրետ գաղափարների շուրջ: «Ես անհասկանալի եմ համարում, որ կուսակցություն ենք ստեղծում, ոնց որ որևէ ընկերություն ստեղծելու գաղափարով մոտենանք, բայց քաղաքական ուժը պետք է գաղափարի շուրջ ստեղծել, ոչ թե ստեղծել ինչ-որ մի բան, հետո գաղափարներ լցնել, այլ այդ գաղափարի շուրջ հավաքվեն մարդիկ, որոնք իսկապես գեներացնում են այդ գաղափարները, և իրենց մեջ դա նստած է: Ասենք՝ մենք գտնենք հիմա աջ կենտրոնամետ գաղափարախոսությո՞ւն է  սպասարկում մեր ժողովրդի շահերը, սոցիալական ուղղվածությո՞ւնն է ավելի կարևոր, տնտեսական զարգացո՞ւմը, թե՞ լիբերալ հայացքներն են կարևոր, այսինքն՝ այս բոլորին պետք է ժողովուրդը պաատասխանի իր քվեով: Մենք ընդամենը գաղափարը պետք փոխանցենք ժողովրդին՝ ասելով, որ մենք սա ենք ցանկանում, և ժողովուրդը կորոշի՝ մեզ ինչքան ձայն տա, և ինչ ներկայություն ունենանք մենք խորհրդարանում»,- նշեց նա:      
11:57 - 18 հոկտեմբերի, 2019