Լիլիթ Մակունց

Ամերիկայի Միացյալ Նահանգներում ՀՀ արտակարգ եւ լիազոր դեսպանն է։ 7-րդ գումարման Ազգային ժողովում «Իմ քայլը» խմբակցության ղեկավարն էր, դրանից առաջ՝ ՀՀ մշակույթի նախարարը։

Ծնվել է 1983թ․ նոյեմբերի 7-ին։ 1999-2003 թվականներին սովորել է Երեւանի պետական համալսարանի ռոմանագերմանական բանասիրության ֆակուլտետում, ստացել է բակալավրի աստիճան։

Նույն ֆակուլտետում 2003-2005 թվականներին սովորել է մագիստրատուրայում: 2014 թվականին ստացել է բանասիրական գիտությունների թեկնածուի կոչում: 2015 թվականի ամռանը անցել է դիպլոմավորված դասընթաց Ամերիկայի Թաֆթս համալսարանի Ֆլետչերի ամառային դպրոցի շրջանակներում: 2005 թվականից մինչ օրս դասավանդում է Հայ-ռուսական համալսարանում:

2018 թվականի փետրվարին զբաղեցրել է Հայ-ռուսական համալսարանի միջազգային կապերի եւ համագործակցության բաժնի ղեկավարի պաշտոնը: 2018 թվականի դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 2 ընտրատարածքի տարածքային ընտրական ցուցակով:

2021 թվականի օգոստոսին նշանակվել է ԱՄՆ-ում ՀՀ արտակարգ եւ լիազոր դեսպան։

«Իհարկե, ի վերջո, ՍԴ-ն պետք է որոշում կայացնի». Մակունցը՝ Հրայր Թովմասյանի լիազորությունները դադարեցնելու մասին |news.am|

«Իհարկե, ի վերջո, ՍԴ-ն պետք է որոշում կայացնի». Մակունցը՝ Հրայր Թովմասյանի լիազորությունները դադարեցնելու մասին |news.am|

news.am։ Նախօրեին «Իմ քայլը» խմբակցությունը նախագիծ է ներկայացրել Ազգային ժողովին՝ ներկայացնելով իրավական հիմքեր այն մասին, որ սկսում ենք գործընթաց ՍԴ դատավորներից մեկի լիազորությունները դադարեցնելու առնչությամբ: Այս մասին, այսօր՝ սեպտեմբերի 19-ին, ԱԺ-ում լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը:Նա ընդգծեց, որ իրավական հիմքերը կցվել են այդ փաստաթղթին. «Այդ հիմքերին կցվել է նաեւ «Իմ քայլը» խմբակցության որոշումը եւ այն ուղղվել է ԱԺ նախագահի գրասենյակ: ԱԺ նախագահն արդեն այն մակագրել է ԱԺ պետաիրավական հանձնաժողով, որն էլ կքննարկի փաթեթը: Իրավական հիմքերն արդեն հրապարակվել են եւ տեղադրված են ԱԺ կայքում»:Մակունցը նշեց, որ ԱԺ մյուս 2 խմբակցությունները կծանոթանան նախագծին եւ կձեւավորեն դիրքորոշում:Դիտարկմանը, թե որտեղի՞ց այդ վստահությունը, որ ՍԴ-ն արդար, անաչառ մոտեցում կցուցաբերի այն դեպքում, երբ խոսքը ՍԴ նախագահի մասին է, Մակունցը պատասխանեց. «Իհարկե, ՍԴ-ն պետք է ի վերջո որոշում կայացնի, իսկ ՍԴ-ն ապաքաղաքական մարմին է: Մեր կարծիքով, այն իրավական հիմքերը, որոնք ներկայացրել են մեր իրավաբանները, չափազանց ծանրակշիռ են: Մենք վստահ ենք, որ ՍԴ-ն առաջնորդվելու է բացառապես իրավական հիմքերը դիտարկելով: Իրավական հիմքեր մենք այս պահին ունենք միայն տվյալ դատավորի հետ կապված, դրա համար նպատակահարմարությունը, որ ներկայացվեց հիմա, այն էր, որ իրավական հիմքերը ամբողջացվել են հիմա: Մնացածը ՍԴ-ն է որոշում, թե արդյոք այդ հիմքերը նաեւ իրենց դիտարկմամբ ծանրակշիռ են, թե ոչ: Ընթացք տվող-չտվողը իրենք են»:«Իմ քայլի» ղեկավարը հավելեց, որ այս պահին ընդհանրապես չեն մտնում ՍԴ անդամ-դատավոր բանավեճի մեջ:Ինչ վերաբերում է մյուս երկու խմբակցությունների դիրքորոշմանը, Մակունցն ասաց. «Ես նախապես խոսել եմ ԲՀԿ խմբակցության քարտուղար Արման Աբովյանի եւ «Լուսավոր Հայաստան» խմբակցության ղեկավար Էդմոն Մարուքյանի հետ: Ես խնդրել եմ, որ իրենց դիրքորոշումը նախապես հայտնեն կամ քննարկում ունենանք այդ առումով: Բայց հարցը քննարկվելու է նաեւ պետաիրավական հանձնաժողովում»:Հարցին, թե իշխող ուժը քննարկե՞լ է հարցը, թե ով է փոխարինելու Հրայր Թովմասյանին, եթե հնարավոր լինի դադարեցնել նրա լիազորությունները, մակունցը նկատեց. «ՍԴ նախագահի հետ կապված օրենսդիրը չունի որոշելու լիազորություն:Որպեսզի նախագիծը դառնա ՍԴ քննարկման առարկա, անհրաժեշտ է ԱԺ պատգամավորների 3/5-ը: Այո, «Իմ քայլը» ունի դա, բայց մեզ համար չափազանց կարեւոր է, որ մենք իմանանք մյուս խմբակցությունների դիրքորոշումը իրավական հիմնավորումների հետ կապված: Իհարկե, շատ ցանկալի կլինի, որ ՍԴ-ի հանդեպ վստահությունը վերականգնելու համար ջանք գործադրեն նաեւ մյուս խմբակցությունները»:
12:14 - 19 սեպտեմբերի, 2019
ԲԴԽ ընտրության շուրջ տարակուսանքը մտահոգիչ է․Լիլիթ Մակունց

ԲԴԽ ընտրության շուրջ տարակուսանքը մտահոգիչ է․Լիլիթ Մակունց

Իշխանության մյուս ճյուղերը չեն կարող իրենց թույլ տալ միջամտել դատավորների ընդհանուր ժողովի կողմից Բարձրագույն դատական խորհրդի անդամների ընտրությանը։ Այս մասին այսօր լրագրողների հարցերին պատասխանելիս ասաց «Իմ քայլը» խմբակցության ղեկավար Լիլիթ Մակունցը։ «Այն տարակուսանքը, որ մենք երեկ և այսօր տեսնում ենք մամուլում, քաղաքացիական հասարակության կողմից և առանձին գործիչների կողմից, ինձ համար իսկապես մտահոգիչ է»,- ասաց իշխանական խմբակցության ղեկավարը։ Նրան լրացրեց խմբակցության անդամ Վլադիմիր Վարդանյանն ու ասաց, որ իրենք իրենց կողմից փորձել են ներկայացնել ԲԴԽ անդամի այնպիսի թեկնածուների, որոնք կվայելեին բոլոր խմբակցությունների վստահությունը։ Ինչ վերաբերում է նախկինում ընտրված ու երդում չտված ԲԴԽ անդամի հարցին, Վարդանյանն ասաց, որ իր համար դա առնվազն զարմանալի է։ Ինչ վերաբերում է ԱԺ կողմից նոր անդամի առաջադրմանը, Մակունցն ասաց, որ իրենք դիտարկում են մի քանի թեկնածություն, սակայն անուններ չեն կարող նշել։ Մտադիր են թեկնածուին որոշել մինչև սեպտեմբեր, սակայն նրա ընտրությունը կանցկացվի հավանաբար սեպտեմբերին՝ արձակուրդից հետո։
10:13 - 12 հուլիսի, 2019
«Իմ քայլը» հստակ դիրքորոշում չունի ՍԴ-ի շուրջ ստեղծված իրավիճակի հանգուցալուծման առնչությամբ.Լիլիթ Մակունց |aysor.am|

«Իմ քայլը» հստակ դիրքորոշում չունի ՍԴ-ի շուրջ ստեղծված իրավիճակի հանգուցալուծման առնչությամբ.Լիլիթ Մակունց |aysor.am|

aysor.am: «Իմ քայլը» խմբակցության ղեկավար Լիլիթ Մակունցը չի շտապում հստակ պատասխանել՝ ՍԴ-ում ճգնաժամ կա՞, թե՞ ոչ։ «Չեմ շտապի գնահատական հնչեցնել ճգնաժամ կա, թե ոչ։ Սա մասնագիտական տիրույթի հարց է։ Ես պարզապես քաղաքական գնահատական կտամ՝ իրավիճակը խնդրահարույց է, որը պահանջում է լուծում», - լրագրողների հետ հանդիպմանն ասաց Մակունցը։ Նա ընդգծեց, որ Վահե Գրիգորյանն իր նամակում առաջադրել է այդ իրավիճակը լուծելու երեք ճանապարհ, մինչդեռ չի բացառում, որ «Իմ քայլն» այլ տարբերակ առաջարկի: «Գործ ունենք խնդրի հետ, որին պետք է տրվի լուծում, տարբերակներ առաջարկել է Վահե Գրիգորյանը, բայց ես չեմ կարող պնդել, որ «Իմ քայլը» հստակ դիրքորոշում ունի հանգուցալուծման առնչությամբ։ Հնարավոր է, որ մենք հանդես գանք լուծման մեկ այլ առաջարկով», - ասաց Մակունցը։ Վերջինս հավելեց, որ խմբակցությունը հակված է ՍԴ շուրջ ստեղծված իրավիճակի խնդրի լուծման տարբերակով հանդես գալ մինչև սեպտեմբեր։
09:48 - 12 հուլիսի, 2019
Մակունցը խորհրդարանական դիվանագիտության աշխատանքներում կարևորում է ընդդիմության հետ համատեղ ջանքերը |armenpress.am|

Մակունցը խորհրդարանական դիվանագիտության աշխատանքներում կարևորում է ընդդիմության հետ համատեղ ջանքերը |armenpress.am|

ՀՀ ազգային ժողովի «Իմ քայլը» խմբակցության ղեկավար Լիլիթ Մակունցը մեծապես կարևորում է խորհրդարանական դիվանագիտութան շրջանակում կատարած աշխատանքները: Դրանցում նա ընդգծում է ընդդիմադիր գործընկերների հետ համատեղ աշխատանքը: «Ցանկանում են հատկապես կարևորել խորհրդարանական դիվանագիտության շրջանակում կատարած աշխատանքները: Եվ այստեղ չեմ կարող չընդգծել նաև մեր ընդդիմադիր գործընկերների հետ համատեղ ջանքերը: Նաև կարևորում եմ, թե այս ընթացքում «Իմ քայլը» խմբակցությունն ինչպես է իրականացրել վերահսկողական գործիքներից օգտվելու իր իրավունքը: Եվ այն ծավալով հանդիպումները, որոնք տեղի են ունեցել գործադիր իշխանության ներկայացուցիչների, նաև առանձին պաշտոնյաների հետ, դրա վկայությունն են»,- ասաց Մակունցը: Նա շեշտեց, որ այդ հանդիպումները չեն եղել պարզապես դեկլարատիվ բնույթի, այլ հետագայում աշխատել են գործադիրի ներկայացուցիչների հետ: Մակունցը կարևորեց նաև այն ներքին ժողովրդավարությունը, որն այս ամիսներին դրսևորվել է խմբակցության ներսում: «Եվ չնայած այն հանգամանքին, որ խմբակցության պատգամավորները երբեմն արժանանում են քննադատության տարբեր կարծիքներ հնչեցնելու համար, սակայն սա չափազանց կարևոր արժեք է: Եթե չկա ներքին ժողովրդավարություն, ապա արտաքին ժողովրդավարության մասին խոսելն անիմաստ է»,- նկատեց խմբակցության ղեկավարը:
09:14 - 12 հուլիսի, 2019
Ծանոթացել ենք նամակին, բայց չենք շտապում լուծումներով ու առաջարկներով հանդես գա. Մակունցը՝ Վահե Գրիգորյանի նամակի մասին

Ծանոթացել ենք նամակին, բայց չենք շտապում լուծումներով ու առաջարկներով հանդես գա. Մակունցը՝ Վահե Գրիգորյանի նամակի մասին

«Իմ քայլը» խմբակցությունը ՍԴ դատավորի համար կունենա նոր թեկնածու, ԱԺ-ում լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցը։ «Աշխատում ենք այդ ուղղությամբ, այսօր՝ օրվա վերջում, կամ վաղը կունենանք թեկնածու», - ասաց Մակունցը: Անդրադառնալով Վահե Գրիգոյանի նամակին՝ Մակունցը նշեց, որ խմբակցությունը դեռևս չունի դիրքորոշում այդ մասով. «Խբակցությունն այս պահին չունի որոշում՝ ինչ ճանապարհային քարտեզով է շարժվելու, ծանոթացել ենք նամակին, բայց չենք շտապում լուծումներով ու առաջարկներով հանդես գալ: Չեմ բացառում, որ կընդունվի Վահե Գրիգորյանի առաջարկը և չեմ բացառում, որ մենք ինքներս լուծման տարբերակով հանդես կգանք», - ասաց Մակունցը: Ավելի վաղ տեղեկացրել էինք, որ խորհրդարանի կողմից Սահմանադրական դատարանի դատավոր ընտրվելուց հետո Վահե Գրիգորյանը Սահմանադրական դատարանի շուրջ ստեղծված իրավիճակը բնորոշել էր ճգնաժամային և նամակ գրել ՀՀ նախագահին, Ազգային ժողովին, կառավարությանը, դատավորների ընդհանուր ժողովին, ՍԴ անդամներին ու դատավորներին` նշելով ճգնաժամի հիմքերն ու պատճառները:
11:45 - 09 հուլիսի, 2019
Ես դիտարկում եմ նաև Վահե Գրիգորյանի թեկնածությունը արդարության վերականգնման համատեքստում․ Լ․ Մակունց |tert.am|

Ես դիտարկում եմ նաև Վահե Գրիգորյանի թեկնածությունը արդարության վերականգնման համատեքստում․ Լ․ Մակունց |tert.am|

tert.am։ «Ես համարում եմ, որ քաղաքացիական իրավունքների պաշտպանության ոլորտում Վահե Գրիգորյանը լուրջ և արժեքահեն հետագիծ ունեցող անձ է թե՛ քաղբանտարկյալների պաշտպանությունն իրականացնելիս, թե՛ ապօրինի շինարարությունների արդյունքում քաղաքացիների խախտված իրավունքները պաշտպանելիս»: ՍԴ դատավորի ընտրության հարցի քննարկմանն այս մասին հայտարարեց «Իմ քայլը» խմբակցության ղեկավար Լիլիթ Մակունցը։ «Հենց այս հետագիծն է, որ ինձ վստահություն է ներշնչում, որ ընտրվելու դեպքում Վահե Գրիգորյանը ավելացնելու է ՍԴ-ի նկատմամբ վստահությունը: Եվ դիտարկում եմ նաև Վահե Գրիգորյանի թեկնածությունը արդարության վերականգնման համատեքստում »,-ասաց Մակունցը:Նա նշեց, որ դատավոր ընտրելու օրինական և իրավական ճանապարհը Ազգային ժողովի ընտրությամբ է: «ԱԺ-ն այսօր Հայաստանում քաղաքական մարմին է, բնականաբար, քաղաքական մարմինը պետք է կայացնի քաղաքական որոշում: Սակայն ժամանակն է, որ դուրս գանք այն կարծրատիպից, որ քաղաքական որոշումը ենթադրում է կուսակցական որոշում: Քաղաքական որոշումն արժեքահեն դիրքորոշում է, որն արտացոլում է, թե ինչ արժեքներով ենք մենք առաջնորդվում առաջին հերթին որպես պատգամավորներ, ինչպիսի Հայաստան ենք ուզում ունենալ ՀՀ-ում, ինչպիսի դատական համակարգ ու դատավորներ` այս դեպքում ՍԴ դատավոր ենք ուզում ունենալ»,-նշեց Մակունցը:
10:16 - 18 հունիսի, 2019
Մեր օրենսդրական նախաձեռնության նախնական փաստաթուղթն ունենալուն պես մենք կձեռնարկենք արդեն հաջորդ փուլի մեկնարկը․ Լիլիթ Մակունց

Մեր օրենսդրական նախաձեռնության նախնական փաստաթուղթն ունենալուն պես մենք կձեռնարկենք արդեն հաջորդ փուլի մեկնարկը․ Լիլիթ Մակունց

ՀՀ ԱԺ «Իմ Քայլը» խմբակցության ղեկավար Լիլիթ Մակունցը ֆեյսբուքյնա իր էջում գրում է․«Ի պատասխան պարոն Մարուքյանի ֆեյսբուքյան էջի գրառման.«ԻՄ ՔԱՅԼԸ» խմբակցության անունից ես ԱԺ ամբիոնից հնչեցրել եմ առաջարկ այս փուլի համար վեթինգին առնչվող առաջարկներ և/կամ ռիսկերի վերաբերյալ կանխատեսումներ ներկայացնել ԻՔ խմբակցությանը, քանի որ հանդես ենք գալու օրենսդրական նախաձեռնությամբ: Այդ առաջարկը պայմանավորված է եղել մի քանի հանգամանքով.1. մենք կարևորում ենք նախ նյութականացնել այն ուսումնասիրությունները, որոնք կատարել ենք ամիսների ընթացքում, այնուհետև սկսել հանրային քննարկում՝ ապահովելով ներառականություն,2. վեթինգի գործընթացը սկսելու մասին հայտարարությունից հետո մենք ստանում ենք տարբեր առաջարկներ և ճիշտ ենք համարում, որ իրենց առաջարկներով հանդես գան նաև մեր խորհդարանական գործընկերները,3. տարբեր մեդիա հարթակներում մեր գործընկերներն արդեն իսկ խոսում են ռիսկերի մասին, ինչը ենթադրում է, որ նրանք որոշակի մոտեցումներ ունեն, որոնք կարևորում են: Հետևաբար, այս փուլում այդ մտահոգությունները ցանկության դեպքում մեզ տրամադրելն ամբողջությամբ տրամաբանված է:Ուզում եմ շեշտել, որ մեր օրենսդրական նախաձեռնության նախնական փաստաթուղթն ունենալուն պես մենք կձեռնարկենք արդեն հաջորդ փուլի մեկնարկը՝ լայնածավալ քննարկումներ՝ ներառելով նաև դատական ոլորտի ներկայացուցիչներ: Փորձը ցույց է տվել, որ առանց կոնկրետության քննարկումներ սկսելը դատապարտվում է ոչ կառուցողական, հաճախ անարդյունավետ քննարկման, ինչը, այդ թվում հարցի հրատապությունը հաշվի առնելով, մենք չենք կարող մեզ թույլ տալ:Այնուամենայնիվ, նրանք, ովքեր նպատակահարմար չեն գտնի այս փուլում ներգրավվել, հույս ունենք, որ փաթեթն ունենալուն պես ակտիվորեն կլծվեն համընդհանուր նշանակության ձեռնարկին, որտեղ համերաշխությունը միայն լինելու է ի նպաստ բարեփոխումների»:
13:23 - 07 հունիսի, 2019
Ինչպե՞ս է քվեարկելու «Իմ քայլը» Վահե Գրիգորյանի թեկնածությանը. Ըստ Մակունցի՝ «քաղաքական բաղադրիչն առկա է» |news.am|

Ինչպե՞ս է քվեարկելու «Իմ քայլը» Վահե Գրիգորյանի թեկնածությանը. Ըստ Մակունցի՝ «քաղաքական բաղադրիչն առկա է» |news.am|

news.am: Եթե որեւէ գործընթաց լինելու է գաղտնի քվեարկությամբ, ապա նախապես դիրքորոշում հայտնելը ճիշտ չեմ համարում: Այս մասին, այսօր՝ մայիսի 31-ին, ԱԺ-ում լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը՝ անդրադառնալով ՀՀ նախագահի կողմից ՍԴ դատավորի պաշտոնում Վահե Գրիգորյանի թեկնածությանը:Մակունցը որեւէ խնդիր չի տեսնում, որ արդեն որերորդ անգամ ՀՀ նախագահի կողմից ՍԴ դատավորի պաշտոնի համար ներկայացված թեկնածուները չեն ընտրվում ԱԺ-ի կողմից: Ինչ վերաբերում է խոսակցություններին, ըստ որոնց Վահե Գրիգորյանը իշխանության նախընտրելի թեկնածուն է, Մակունցն ասաց. «Ասում են»-ի տիրույթում կարող ենք տասնյակ վարկածներ ներկայացնել: Պատգամավորների կողմից քվեարկության դրդապատճառները նույնպես կարող են առանձին մեկնաբանությունների տեղիք տալ: Հիմա ունենք առաջադրված նոր թեկնածու եւ ինչպես նախորդ թեկնածուների հետ, այնպես էլ նոր թեկնածուի հետ հանդիպում կլինի եւ որոշում կկայացվի»:Այդուհանդերձ, Լիլիթ Մակունցը խոստովանեց, որ ՍԴ դատավորի ընտրության ժամանակ հնարավոր չէ խուսափել քաղաքական բաղադրիչից. «ԱԺ-ն քաղաքական ինստիտուտ է եւ «Իմ քայլը» խմբակցության անունից ես չեմ կարող երաշխավորել, որ մեր մոտեցումներում քաղաքական բաղադրիչը զտելու ենք: Իհարկե, նման բան չի կարող լինել: Ցանկացած խմբակցության դեպքում քաղաքական բաղադրիչը մշտապես առկա է, առկա են նաեւ բոլոր այն իրողությունները, որոնք այսօր կան մեր իրականությունում»:
13:38 - 31 մայիսի, 2019
Արարողակարգը պետք է պարզաբանում տա, թե ինչու Արցախի ղեկավարությունը հրավեր չէր ստացել. Մակունց |lragir.am|

Արարողակարգը պետք է պարզաբանում տա, թե ինչու Արցախի ղեկավարությունը հրավեր չէր ստացել. Մակունց |lragir.am|

lragir.am: Արարողակարգը պետք է պարզաբանում տա, թե ինչու Հանրապետության տոնին Արցախի ղեկավարությունը մասնակցության հրավեր չէր ստացել։ Այս մասին խորհրդարանում լրագրողներին ասաց Իմ քայլը խմբակցության ղեկավար Լիլիթ Մակունցը։«Ես սա լարվածության հետ չեմ կապի։ Իհարկե, ընդունելի չեմ համարում։ Թե ինչն է պատճառը, կարծում եմ՝ պետական արարողակարգը պետք է պարզաբանում ներկայացնի և տեղեկացնի, թե ինչ է տեղի ունեցել»,- նշեց Մակունցը։Ինչ վերաբերում է փոխվարչապետ Տիգրան Ավինյանի կողմից նախկին գլխավոր դատախազ Աղվան Հովսեփյանի միջոցառմանը մասնակցելուն, Մակունցն ասաց, որ այդ հարցի պատասխանը պետք է տա Ավինյանի գրասենյակը։ Նա լրագրողներին՝ որպես չորրորդ իշխանություն, առաջարկեց հարցում ուղարկել Ավինյանի գրասենյակ։
11:04 - 29 մայիսի, 2019
«Իմ քայլը» վեթինգի մասին նախագիծ կմշակի, ԱԺ-ում կստեղծվեն 2 քննիչ հանձնաժողովներ. Լիլիթ Մակունց |tert.am|

«Իմ քայլը» վեթինգի մասին նախագիծ կմշակի, ԱԺ-ում կստեղծվեն 2 քննիչ հանձնաժողովներ. Լիլիթ Մակունց |tert.am|

tert.am: Որոշում է կայացվել, և առաջիկա լիագումար նիստի ընթացքում հարց կդրվի՝ ջրօգտագործման հետ կապված և 2016-ի ապրիլյան պատերազմի հետ կապված քննիչ հանձնաժողովներ ստեղծելու վերաբերյալ: Այս մասին ԱԺ-ում ավելի քան 3 ժամ տևած «Իմ քայլը» խմբակցության փակ նիստից հետո լրագրողների հետ զրույցում հայտարարեց խմբակցության ղեկավար Լիլիթ Մակունցը: Նա նաև նշեց, որ որոշում է կայցվել վեթինգի մասին նախագիծ մշակել հնարավորինս սեղմ ժամկետներում: «Այսօրվանից սկսած ինտենսիվ այդ ուղղությամբ աշխատելու ենք, նախկինում մեկնարկը տրված էր»,-ընդգծեց նա:Անդրադառնալով հարցին, թե քննիչ հանձնաժողովներում ովքեր են ներգրավվելու, ինչ ձեւաչափով է ստեղծվելու՝ Լիլիթ Մակունցը պատասխանեց. «Պաշտպանության և անվտանգության հանձնաժողովը կզբաղվի: Քննիչ հանձնաժողովը հենց լինելու է այդ հանձնաժողովը, նրանք կտեղեկացնեն, թե ինչպես է լինելու: Եթե անհրաժեշտություն տեսնեն ներգրավելու այլ անձանց, քննիչ հանձնաժողովը կգնա այդ քայլին»:
13:14 - 21 մայիսի, 2019
Այս բողոքի ակցիան որևէ կապ չունի որևէ կոնկրետ դատական գործի հետ. Լիլիթ Մակունց |aysor.am|

Այս բողոքի ակցիան որևէ կապ չունի որևէ կոնկրետ դատական գործի հետ. Լիլիթ Մակունց |aysor.am|

aysor.am։ Բողոքի ակցիան ուղղված է ոչ թե դատարանի դեմ, այլ արձագանք է այն հնարավոր միջամտություններին և միջամտողներին, ովքեր սխալմամբ մտածում են, որ դատարանը կարող է խամաճիկ դառնալ որևէ մեկի ձեռքին, այսօր Սահմանադրական դատարանի մոտ լրագրողների հետ ճեպազրույցում հայտարարեց ԱԺ «Իմ քայլը» խմբակցության ղեկավար Լիլիթ Մակունցը։ Դիտարկմանը, թե բազմաթիվ կառույցներ ու քաղաքական ուժեր հայտարարեցին, որ այս քայլը ճնշում է դատարանի վրա, հակասահմանադրական քայլ է, Մակունցը արձագանքեց. «Հայաստանում օրենսդիր, գործադիր և դատական իշխանությունները պատկանում են ժողովրդին։ Այն, ինչ տեղի է ունենում հիմա, ժողովրդի արձագանքն է այն խորը վստահությանը, որը կա դատական համակարգի նկատմամբ»։ Նա հստակեցրեց, որ վերջին օրերին հանրությունը տարբեր հարթակներում խորը անվստահություն է հայտնում դատական իշխանության նկատմամբ։ «Այս բողոքի ակցիան որևէ կապ չունի որևէ կոնկրետ դատական գործի հետ։ Սա ընդհանորապես դատական համակարգի նկատմամբ հանրության անվստահության արդյունքն է», - հավելեց Մակունցը՝ արձագանքելով ՀՀ 2-րդ նախագահ Ռոբերտ Քոչարյանի խափանման միջոցի դատական նիստի վերաբերյալ հարցին։ Խորհրդարանական մեծամասնության ղեկավարը հրաժարվեց այլ հարցերի պատասխանել՝ նշելով, որ ամեն ինչի մասին կխոսի միայն վարչապետի հայտարարությունից հետո, որը սպասվում է ժամը 12։00-ին:
07:26 - 20 մայիսի, 2019
Մեզ համար առաջնային է հնարավորինս շուտ ունենալ էթիկայի հանձնաժողով. Լ.Մակունցը՝ Գ. Ծառուկյանի հարցի քննության մասին |tert.am|

Մեզ համար առաջնային է հնարավորինս շուտ ունենալ էթիկայի հանձնաժողով. Լ.Մակունցը՝ Գ. Ծառուկյանի հարցի քննության մասին |tert.am|

tert.am։ Սխալ է էթիկայի ժամանակավոր հանձնաժողովի տեսքով հարցերի քննությունը, մեզ համար առաջնային է հնարավորինս շուտ ունենալ էթիկայի մշտական հանձնաժողով: Այս մասին այսօր ԱԺ-ում լրագրողների հետ զրույցում հայտարարեց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով «Բարգավաճ Հայաստան» խմբակցության ղեկավար Գագիկ Ծառուկյանի ձեռնարկատիրությամբ զբաղվելու հարցին: Նրա խոսքով՝ Ծառուկյանի հարցով էթիկայի հանձնաժողով ստեղծելու մասին խմբակցությունում քննարկում չի եղել, բայց իրենց դիրքորոշումը հստակ է՝ սխալ է էթիկայի ժամանակավոր հանձնաժողովի տեսքով հարցի քննությունը:«Մեզ համար առաջնային է հնարավորինս շուտ ունենալ էթիկայի մշտական հանձնաժողով, որպեսզի նման հարցերը որևէ կերպ քաղաքական որոշման հետևանք չլինեն, այլ իրենք միանգամից բոլոր նմանատիպ հարցերը քննեն՝ կվերաբերեն դրանք «Բարգավաճ Հայաստան», «Լուսավոր Հայաստան», թե «Իմ քայլը» խմբակցություններին»»,- ասաց նա: «Օլիգարխների հետ կապված ասել ենք, որ չկա փոքրամասնության կողմից ճնշում մեծամասնության վրա: Խոշոր ձեռնարկատեր լինելու հետ կապված որևէ մեկը բացասական կարծիք չի հայտնել կամ չի ասել, որ Գագիկ Ծառուկյանը խոշոր ձեռնարկատեր չէ: Մենք խոսում ենք օլիգարխիայի մասին և այն մասին, թե իշխանության վրա կարող է ազդեցության լծակներ ունենալ, այս առումով՝ ոչ, չի կարող ազդեցություն ունենալ»,- նշեց «Իմ քայլը» խմբակցության ղեկավարը:Անդրադառնալով Գագիկ Ծառուկյանի և նույն խմբակցության պատգամավոր Սերգեյ Բագրատյանի հարցերով իրավապահների կողմից քրեական գործեր չհարուցելու փաստին, Լիլիթ Մակունցն ասաց. «Օրենսդիր կամ գործադիր մարմնի կողմից չի կարող որևէ միջամտություն լինել դատական և իրավապահ մարմինների աշխատանքներին: Իրավապահների եզրակացություններին քաղաքական որոշումներ վերագրելը բացասական արձագանք է ունենալու: Դա մեզ համար գերագույն ժողովրդավարական արժեք է, և նման բան տեղի չի ունենա»:
14:11 - 17 մայիսի, 2019