Ինֆոքոմ

Ընդդիմադիրների քայլերթերը՝ մայրաքաղաքի չորս կետերից, մեկնարկել են. կան բերման ենթարկվածներ

Ընդդիմադիրների քայլերթերը՝ մայրաքաղաքի չորս կետերից, մեկնարկել են. կան բերման ենթարկվածներ

Նիկոլ Փաշինյանի հրաժարականը պահանջող քաղաքացիները ժամը 12:00-ից 4 ուղղություններով սկսել են անհնազանդության երթեր և ակցիաներ։  Ինչպես ավելի վաղ հայտարարել էին, մի երթը Գայի պողոտա՝ Մեգամոլի դիմաց, երկրորդը՝ Րաֆֆու փողոց՝ Անդրանիկի արձանի դիմաց, երրորդը՝ 15 թաղամաս՝ Չավուշի արձանի մոտից, 4-րդը՝ Սասունցի Դավիթ արձանի մոտից: Մինչ քայլերթերը սկսելը ամեն մի խմբի առաջնորդը կոչ էր անում չտրվել սադրանքների, ոստիկանների հետ լեզվակռվի մեջ չմտնել: Նրանք նաև անդրադարձան Ադրբեջանի արտգործնախարար Ջեյհուն Բայրամովի հայտարարությանը՝ իրենց ակցիաների վերաբերյալ: Իշխան Սաղաթելյանը ասաց, որ նա կրկնում է ՔՊ-ի և Նիկոլ Փաշինյանի խոսքերը: Ընդդիմադիրները՝ Իշխան Սաղաթելյանի գլխավորությամբ, փակել էին Քանաքեռ Զեյթունում Պարույր Սևակ-Ռուբինյան փողոցների խաչմերուկը: Մեծ թվով ոստիկաններ կային տեղում: Ոստիկանությունը բերման ենթարկեց տասնյակ քաղաքացիների: Խաչմերուկում երթևեկությունը դեռևս ամբողջապես վերականգնված չէ: Սաղաթելյանը նշեց, որ մի քանի ավտոբուս մարդ են տարել, բայց իրենք, միևնույն է, շատացել են:   Լուսանկարը՝ «Ֆոտոլուր»
13:38 - 10 մայիսի, 2022
Ադրբեջանի ԱԳ նախարարը խոսել է Հայաստանում տեղի ունեցող ակցիաների, սահմանազատման հանձնաժողովի, 5+6 կետերը միացնելու մասին

Ադրբեջանի ԱԳ նախարարը խոսել է Հայաստանում տեղի ունեցող ակցիաների, սահմանազատման հանձնաժողովի, 5+6 կետերը միացնելու մասին

«Դեռ փետրվարին ադրբեջանական կողմը Հայաստանին ներկայացրել է խաղաղության պայմանագրի 5 հիմնարար սկզբունքներ։ Հայաստանը հայտարարել է, որ այս սկզբունքներն իրենց չեն համապատասխանում»։ Նման հայտարարությամբ է հանդես եկել Ադրբեջանի արտաքին գործերի նախարար Ջեյհուն Բայրամովը, փոխանցում է ադրբեջանական APA գործակալությունը։ Նրա խոսքով, ավելի ուշ Հայաստանից 6 առաջարկների մասին հաղորդումներ են եղել. «Եթե նայեք փաստաթուղթը, ապա այն չի կարելի առաջարկներ անվանել։ Ներկայացման պահին այս փաստաթուղթը հայկական կողմի արձագանքի տեսքով էր Ադրբեջանի առաջարկներին։ Ես կարող եմ թվարկել արձագանքման այս 6 կետերից մի քանիսը, և դուք ևս կարող եք եզրակացնել, թե որքանով կարող եք սա առաջարկություն անվանել»: Բայրամովը նշել է, որ պարբերություններից մեկում ընդգծվում է, թե ադրբեջանական կողմը փետրվարի 21-ի հիմնարար առաջարկները Հայաստանին է ներկայացրել մարտի սկզբին. «Ադրբեջանն առաջին իսկ օրվանից նշել է, որ հիմնական առաջարկները ներկայացվել են միջնորդների միջոցով։ Դրա մասին պետք է հարցնել միջնորդներին: Եթե ​​Ադրբեջանը նշել է փետրվարի 21-ը, ուրեմն ներկայացրել է հենց այդ օրը։ Հաջորդ կետն այն է, որ Հայաստանը տարածքային պահանջներ չունի Ադրբեջանից։ Դեռ 1992 թվականին երկու երկրներն էլ, լինելով ԱՊՀ անդամ, ճանաչել են միմյանց տարածքային ամբողջականությունը։ Եվ սա ինչ-որ չափով Ադրբեջանի հիմնարար սկզբունքի կրկնությունն է»։ Հիշեցնենք՝ ավելի վաղ ՀՀ ԱԽ քարտուղար Արմեն Գրիգորյանը ասել է. «Այս պահին մեր մոտեցումն այն է, որ այդ 2 փաթեթները (հեղ․ նկատի ունի Ադրբեջանի 5 կետանոց և Հայաստանի 6 կետանոց առաջարկները)՝ 5+6 կետերը պետք է միացնել իրար, և սկսել խաղաղության պայմանագրի շուրջ բանակցությունները, որպեսզի նաև երկարաժամկետ գտնենք ԼՂ հիմնախնդրի լուծում։ Առաջնային է Արցախում ապրող մեր հայրենակիցների անվտանգության, պաշտպանության և իրավունքների հարցերի լուծում գտնել, ըստ դրա՝ պետք է ձևավորվի ԼՂ ստատուսը» Ադրբեջանի ԱԳ նախարարը հիշեցրել է նաև Բրյուսելում ՀՀ վարչապետւ, Ադրբեջանի նախագահի և ԵՄ խորհրդի նախագահի մասնակցությամբ ապրիլի 6-ին կայացած հանդիպումից հետո ձեռք բերված պայմանավորվածություններից մեկի մասին, ըստ որի՝ ստեղծվելու է սահմանազատման հանձնաժողով։ Նա նշել է, որ առաջին հանդիպումը նախատեսվում էր անցկացնել մինչև ապրիլի վերջ. «Կարող եմ նշել, որ մինչ հանդիպումը երկու հեռախոսազրույց է կայացել իմ և Հայաստանի արտգործնախարարի միջև: Դրանց ընթացքում Ադրբեջանը ներկայացրել է իր առաջարկները՝ կապված հանձնաշողովի կազմի հետ: Ադրբեջանի առաջարկն այն էր, որ հանձնաժողովը պետք է կազմակերպվի այլ ձևաչափով, այսինքն՝ անձը, որը ղեկավարելու է հանձնաժողովը, պետք է լինի փոխվարչապետի մակարդակով։ Անգամ առաջին հեռախոսազրույցի ժամանակ Հայաստանի արտգործնախարարը դա ըմբռնումով ընդունեց՝ ասելով, որ այս առաջարկը Հայաստանում քննարկելու համար ավելի շատ ժամանակ է պետք։ Այնուհետև հայկական կողմը հայտարարեց, որ այս առաջարկն իրենց համար ընդունելի է։ Կողմերի միջև կա պայմանավորվածություն հանձնաժողովի կազմի վերաբերյալ: Ադրբեջանական կողմն արդեն պատրաստ էր այս հանդիպումն անցկացնել ապրիլին։ Այն բանից հետո, երբ հայկական կողմը կավարտի իր ընթացակարգերը, հանդիպումը կարող է կայանալ»,- հավելել է ադրբեջանցի նախարարը։ Նա անդրադարձել է նաև Հայաստանում տեղի ունեցող ակցիաներին՝ նշելով, թե բողոքի ակցիաների կազմակերպիչները հայ հասարակության մեջ բավականին հայտնի դեմքեր են։ Նրա խոսքով ակցիա իրականացնող մարդիկ «երկար տարիներ՝ գրեթե 30 տարի, սուտ խոստումներ են տվել հայ ժողովրդին, ապրել պատրանքների մեջ ու այսօր Հայաստանը մղում են դեպի անդունդ»: «Սա իշխանության համար պայքարի բաղկացուցիչ մասն է, ուզում են նորից բարձրացնել Ղարաբաղի թեման: Մենք, իհարկե, հետևում ենք այս գործընթացներին, այնտեղ հանրային լայն աջակցության մասին խոսք չկա, լավագույն դեպքում նույնիսկ հինգ-վեց հազար մարդ չկա: Սա ևս մեկ անգամ ցույց է տալիս, որ հայ հանրությունը հոգնել է այս կեղծ խոստումներից ու պատրանքներից»,- հայտարարել է նա: Ռուս խաղաղապահների մասին Բայրամովը ընդգծել է. «Ռուս խաղաղապահները Ղարաբաղում տեղակայվել են եռակողմ հայտարարության հիման վրա»: «Նրանք իրենց գործն են անում։ Իհարկե, ժամանակ առ ժամանակ առաջանում են որոշ հարցեր, և այդ հարցերը հիմնականում առնչվում են Ղարաբաղի տարածքում հայկական զորամասերի առկայությանը և այդ տարածքներ սպօրինի այցելություններին։ Միաժամանակ հարցը բարձրացվում և քննարկվում է ինչպես խաղաղապահների տեղական հրամանատարության, այնպես էլ այլ մակարդակներում։ Ադրբեջանական կողմը այս առումով հարցեր լուծելու կողմնակից է»։
12:36 - 10 մայիսի, 2022
Ընդդիմադիրները վաղը 4 ուղղություններով երթեր կանցկացնեն մայրաքաղաքում․ երթերի ընթացքում կլինեն անհնազանդության ակցիաներ, կփակվեն փողոցներ

Ընդդիմադիրները վաղը 4 ուղղություններով երթեր կանցկացնեն մայրաքաղաքում․ երթերի ընթացքում կլինեն անհնազանդության ակցիաներ, կփակվեն փողոցներ

«Դիմադրություն» շարժման հանրահավաքի ընթացքում  ԱԺ «Հայաստան» խմբակցության անդամ, ՀՅԴ ԳՄ ներկայացուցիչ Իշխան Սաղաթելյանը հայտարարեց, որ վաղը 4 ուղղություններով անհնազանդության ակցիաներ են իրականացնելու։  «Մենք խնդիր ունենք նաև կենտրոնից դուրս՝ մյուս վարչական շրջաններում մեր ակցիաները անելու։ Վաղը 4 ուղղություններով սկսում ենք անհնազանդության երթեր և ակցիաներ։ Դրանք չեն լինելու պարզապես երթեր։ Էդ երթերի ընթացքում լինելու են անհնազանդության ակցիաներ, արգելափակվելու են ճանապարհները։ 4 հասցեները, որտեղից վաղը սկսելու են այդ երթերը։  Մեկ երթը Գայի պողոտա, Մեգամոլի դիմաց, շարժվելու է Մասիվից։ Երկրորդը՝ Րաֆֆու փողոց՝ Անդրանիկի արձանի դիմաց, երրորդը՝ 15 թաղամաս, Չաուշի արձանի մոտից, 4-րդը՝ Սասունցի Դավիթ արձանի մոտից»։  Սաղաթելյանը ընդգծեց՝ «անհրաժեշտ է կանգնեցնել պետական կառավարման համակարգը»․ «Իշխանությանը հեռացնելու մի ճանապարհ գոյություն ունի, որ գործնականորեն փաստենք, որ իշխանությունը փողոցում է, մենք ենք որոշում։ Աթոռներին նստածները այլևս ի վիճակի չեն մեր երկրում որևէ բան որոշելու։ Դրա համար պետք է ավելի լայն տարածումով շարունակենք մեր բողոքի, անհնազանդության ակցիաները»։  Նրա խոսքով՝ վաղը բոլորի համար կարևոր օր է․ «Եթե այնքան մարդ, որքան մասնակցեց երթին, վաղը դուրս գա փողոց կոնկրետ անհնազանդության գործողություններ և ակցիաներ անելու, ձեզ վստահեցնում են, հաշված օրերի ընթացքում հեռացնելու ենք։ Խնդրում և պահանջում ենք․ վաղը նախ հայտարարում ենք դասադուլ և գործադուլ, յուրաքանչյուրդ ձեր հետ վաղը փողոց եք բերում ևս մեկ քաղաքացի։ Եթե մենք վաղը այդքանով սկսենք ամբողջ Երևանում մեր անհնազանդության ակցիաները, անհրաժեշտության դեպքում շրջափակենք պետական կառավարական շենքերը, մենք վերջնականապես ծնկի ենք բերելու։  Անհնազանդության գործողություններով ամբողջ իշխանությունը վերցնում ենք մեր ձեռքը և կանգնեցնում երկիրը։ Նիկոլի ամեն օր մնալը պետք է բոլորը հասկանան, որ չի բխում մեր երկրի շահերից և միանան մեզ»։  Նա նաև նշեց՝ ճանապարհ փակելը, անհանազանդության ակցիաները, պետական կառավարման համակարգը կանգնեցնելը ինքնանպատակ չի․ «Միակ ճանապարհը դա է, այլ հեծանիվ հորինել պետք չի, կրկնապատկենք մեր թիվը անհնազանդության ակցիաներով կանգնեցնենք պետական կառավարման համակարգը, որպեսզի ուժայինները զեկուցեն՝ Նիկոլ դու այլևս իշխանություն չունես և ժողովրդի ցասումը կանգնեցնել այլևս հնարավոր չէ»։
22:13 - 09 մայիսի, 2022
Հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու․ Սաղաթելյան

Հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու․ Սաղաթելյան

Այս օրերին շատ է խոսվում, թե ինչ է լինելու Նիկոլից հետո, ինչ ենք անելու, նոր կառավարությունը ինչպես է երկիրը դուրս բերելու այս իրավիճակից։ Ես այսօր փորձելու եմ ներկայացնել մի քանի կարևոր քայլեր, գործողություններ, սկզբունքներ, որը պետք է իրականացվի այս չարիքի կառավարության հեռացումից հետո։ Այս մասին Ֆրանսիայի հրապարակում հրավիրված հանրահավաքին հայտարարեց «Հայաստան» խմբակցության պատգամավոր, ԱԺ փոխխոսնակ Իշխան Սաղաթելյանը։ «Արցախը, Հայաստանի անկախությունը վտանգված են։ Ապազգային, ապիկար իշխանության պատճառով։ Այս վիճակը պարտավոր ենք շտկել։ Հնարավո՞ր է արդյոք։ Իհարկե, այո։ Ինչպե՞ս։ Ելքը անվտանգության, համերաշխություն, առաջընթաց շղթայով ուժեղ Հայաստանի կերտումն է։ Ուժեղ Հայաստան կերտելու համար նախ պետք է հեռացնենք սրանց և ձևավորվի իշխանություն, որը կապահովի թուրքաադրբեջանական արտաքին ագրեսիայի զսպումը՝ արդիականացնելով Հայաստանի ու Արցախի միասնական անվտանգության համակարգը, այն պետք է հիմնված լինի ռազմավարական գործընկեր երկրների ներգրավմամբ, հայոց զինված ուժերի վերակառուցմամբ, նոր որակի միջազգային դիվանագիտության հիման վրա»,- ասաց Սաղաթելյանը։ Իշխան Սաղաթելյանի խոսքով՝ այդ իշխանությունը պետք է վերահաստատի Արցախի ժողովրդի անվտանգության և ինքնորոշման իրավունքի երաշխավոր լինելու ՀՀ հանձնառությունը՝ բացառելով Արցախի որևէ կարգավիճակ Ադրբեջանի կազմում։  «Նոր իշխանությունը կբացառի Հայաստանի ինքնիշխանության և տարածքային ամբողջականության հաշվին հաղորդակցության ուղիների ապաշրջաափակման անվան տակ միջանցքի տրամադրում թշնամի երկրին։ Ադրբեջանի կողմից ուժի կիրառման և ուժի կիրառման սպառնալիքի ներքո չի իրականացնի սահմանագծում և սահմանազատում։ Հայաստան-Թուրքիա հարաբերություններում կաբացառի որևէ համաձայնություն, որը հարցականի տակ կդնի հայ ժողովրդի հայրենազրկման և ցեղասպանության իրողությունը, ինչպես նաև հայության հոգևոր մշակութային ժառանգության կրող լինելու իրավունքը։  Առաջնահերթ կարևորություն ենք տալու պարենային անվտանգությանը և պետական պահուստի խնդիրներին։ Կարևորագույն խնդիր է դիտարկվելու հայ ռազմագերիների, պատանդառվածների ու պահվող այլ անձանց վերադարձը։ Նոր կառավարությունը պետք է վարի պրոֆեսիոնալիզմի և հստակ չափորոշիչներով կադրային քաղաքականություն՝ ապահովելով կառավարման համակարգի ճգնաժամի հաղթահարումը, պետության կառավարումից իսպառ բացառվելու է պոպուլիզմը, սուտը, կեղծիքը և անբանությունը։ Անկեղծ և պատասխանատու կերպով հայտարարում եմ․ հասարակության կողմից անընդունելի, նախկինում անպատշաճ վարքագիծ դրսևորած որևէ մեկը ապագա կառավարությունում որևէ դերակատարություն չի ունենալու, որևէ արտոնյալ կարգավիճակի չի ունենալու։ Վերականգնվելու են գյուղատնտեսության և մշակությի նախարարությունները, վերակառուցվելու է պետական իրավապահ համակարգը, դրանք ամբողջությամբ ծառայեցնելով ՀՀ քաղաքացուն։ Քաղաքում և գյուղերում բնակվող մարդու բարեկեցությունը լինելու է վարվող ոլորտային քաղաքականության պաշտոնատար անձի գործունեության գնահատման չափանիշը։ Տնտեսական աճը ուղղակիորեն պետք է արտացոլվի մարդկանց կենսամակարդակի վրա՝ ապահովելով եկամուտների կայուն աճ։ Մարդկանց վարկային և պարտքային բեռը չպետք է զրկի նրանց արժանապատիվ ապրելու հնարավորությունից։ Վերականգնելու ենք ներքին համերաշխությունը, հասնելու ենք համահայկական ներուժի մեկտեղման՝ վերացնելով խորացվող ատելությունը, պառակտվածությունը  և անտարբերությունը։ Բացառվելու է մեր կյանքում անցյալի և ներկայի արատավոր բարքերը։ Նոր կառավարությունը պետք է նաև Սփյուռքի, Հայ Առաքելական սուրբ եկեղեցու, ազգային մյուս կառույցների անմիջական ներգրավմամբ ձևավորի ներքին և արտաքին մարտահրավերները դիմագրավելու համահայակական հստակ օրակարգեր, այսպիսի իշխանություն ձևավորելու համար անհրաժեշտ էազգային համաձայնության ժամանակավոր կառավարություն։ Դերակատար բոլոր քաղաքական ուժերը պետք է ձևավորեն յուրահատուկ ազգային հավաքական, կարող մարդկանցից անհատներից, ովքեր կստանձնեն հավաքական պատասխանատվություն՝ երկիրը այս իրավիճակից դուրս բերելու համար։ Սրանց հեռացնելուց հետո մենք հրապարակելու ենք շուրջ 250 քաղաքացիների, պրոֆեսիոնալ անհատների անուններ, ովքեր ունեն համապատասխան գիտելիքներ, փորձառություն, հայրենասեր են, ունեն կամք, վճռականություն և պատրաստակամ են երկիրը այս իրավիճակից դուրս բերելու։ Այդ մարդիկ ձեր շուրջ են, ձեր մեջ են, այս հարթակում են, ովքեր 4 տարի պայքարել են այս ապազգային իշխանության դեմ։ Պետք է ձևավորել ԶՈՒ  բարձրագույն հրամանատարական կազմ, ուժեղացնել դիվանագիտական կորպուսը, համակարգ վերադարձնելով պրոֆեսիոնալ կադրերին՝ նվազագույնի հասցնել քաղաքական նշանակումները։ Ժամանակավոր կառավարությունը անմիջապես կձևավորի քաղաքական և մասնագիտական իմաստով բարձրակարգ բանակցային խումբ, որը ոչ թե վախի, պարտվողականության, թրքամետության դիրքերից, այլ բացառապես մեր ազգային- պետական շահերից ելնելով կբանակցի Ադրբեջանի, հարկ եղած դեպքում նաև Թուրքիայի հետ, բայց երբեք նշաձողը իջեցնելու ուղղությամբ չի շարժվի։ Հետևողական քայլերով մենք կվերացնենք  ատելության մթնոլորտը երկրում, մարդիկ այլևս չեն հետապնդվի իրենց քաղաքական հայացքների համար, իսկ օրենքը հավասար է լինելու բոլորի համար՝ անկախ իրենց կարգավիճակից։  ՀՀ-ն կրկին դառնալու է ներդրումների համար գրավիչ երկիր, իսկ Երևանը կրկին դառնալու է համայն հայության սիրելի մայրաքաղաքը։ Ենթադրվում է, որ ժամանակավոր կառավարության գործունեությունը կլինի 1-1.5 տարի, հետո այդ կառավարությունը պետք է կազմակերպի ազատ, արդար, մրցակցային ընտրություններ և այդ ժամանակ մեր քաղաքացիները անմիջական քվեարկությամբ կձևավորեն երկարաժամկետ կառավարություն»,- հայտարարեց Սաղաթելյանը։
19:11 - 09 մայիսի, 2022
Լեհաստանում ՌԴ դեսպանի վրա կարմիր ներկ են լցրել և թույլ չեն տվել ծաղիկներ դնել  խորհրդային զինվորների հուշահամալիրում

Լեհաստանում ՌԴ դեսպանի վրա կարմիր ներկ են լցրել և թույլ չեն տվել ծաղիկներ դնել խորհրդային զինվորների հուշահամալիրում

Լեհաստանում Ռուսաստանի դեսպան Սերգեյ Անդրեևը երկուշաբթի Վարշավայի Ժվիրկի և Վիգուրա փողոցներում գտնվող խորհրդային զինվորների հուշահամալիրում ծաղիկներ դնելիս հարձակման է ենթարկվել։ Այս մասին հայտնում է ՏԱՍՍ-ի թղթակիցը դեպքի վայրից։ Ռուսաստանի Դաշնության դեսպանին, նրա կնոջը և նրան ուղեկցող մի խումբ դիվանագետների վրա կարմիր ներկ են լցրել և թույլ չեն տվել հասնել հուշահամալիր։ Դեպքի վայր ժամանած ոստիկանները մի քանի րոպե անց շրջապատել են դիվանագետներին ու օգնել մոտենալ մեքենային։ Լեհաստանում Ռուսաստանի դեսպանը հայտնել է, որ ինքը և ռուս դիվանագետները լուրջ վնասվածքներ չեն ստացել միջադեպի ժամանակ, իսկ դեսպանատունը պաշտոնական բողոք կներկայացնի հարձակման կապակցությամբ։ Իսկ Դաշնային խորհրդի միջազգային կոմիտեի ղեկավարի առաջին տեղակալ Ջաբարովը ՌԻԱ Նովոստիի հայտնել է, որ դեսպանի վրա հարձակման ֆոնին հնարավոր կլինի դիտարկել Լեհաստանում Ռուսաստանի դիվանագիտական առաքելության մակարդակի իջեցումը։
14:52 - 09 մայիսի, 2022
Ուկրաինան չէր պլանավորում հարձակվել Ղրիմի վրա․ Պոդոլյակ

Ուկրաինան չէր պլանավորում հարձակվել Ղրիմի վրա․ Պոդոլյակ

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակն ասել է, որ Ուկրաինան չէր պատրաստվում հարձակվել Ղրիմի վրա, իսկ ՆԱՏՕ-ն չէր պլանավորում գրոհել Ռուսաստանը, գրում է Liga.net-ը։ Նշենք, որ այսօր՝ ֆաշիզմի դեմ տարած Հաղթանակի օրը, Ռուսաստանի նախագահ Վլադիմիր Պուտինն ասել էր, որ Ուկրաինայում «հատուկ գործողության» մեկնարկից առաջ Ռուսաստանի համար «բացարձակապես անընդունելի» սպառնալիք էր ստեղծվել․ «Բացահայտորեն նախապատրաստվում էր հերթական պատժիչ գործողությունը [Դոնբասում], պատրաստվում էին ներխուժել մեր պատմական հողեր՝ ներառյալ Ղրիմը։ Կիևում հայտարարում էին միջուկային զենքի հնարավոր ձեռքբերման մասին, իսկ ՆԱՏՕ-ի դաշինքն ակտիվորեն սկսել էր մեզ հարող տարածքների ռազմական յուրացումը»։ Միխայիլ Պոդոլյակն ասել է, որ ուկրաինական պատերազմը ոչ մի ռացիոնալ պատճառ չի ունեցել՝ բացառությամբ «ՌԴ կայսրական ցավոտ նկրտումների»։ «Մեկ անգամ էլ կրկնենք։ ՆԱՏՕ-ի երկրները չէին պատրաստվում հարձակվել Ռուսաստանի վրա։ Ուկրաինան չէր պլանավորում գրոհել Ղրիմը։ Ռուսաստանցի զինվորականները զոհվում են՝ ոչ թե պաշտպանելով իրենց երկիրն, այլ փորձելով օկուպացնել մեկ ուրիշը», - հավելել է նա։   Նորա Վանյան  
14:40 - 09 մայիսի, 2022
ՌԴ ԱԳՆ-ն անդրադարձել է Ռուսաստանի սառեցված ակտիվներն Ուկրաինային փոխանցելու մասին Բորելի առաջարկին

ՌԴ ԱԳՆ-ն անդրադարձել է Ռուսաստանի սառեցված ակտիվներն Ուկրաինային փոխանցելու մասին Բորելի առաջարկին

Ռուսաստանի արտգործնախարարությունն անդրադարձել է եվրոպական դիվանագիտության ղեկավար Ժոզեպ Բորելի այն առաջարկին, որ Ռուսաստանի սառեցված արտարժութային պահուստները պետք է ուղղել Ուկրաինայի վերականգնմանը։ ՌԴ փոխարտգործնախարար Ալեքսանդր Գրուշկոն հայտարարել է, որ դա «ապօրինություն» է, գրում է ՏԱՍՍ-ը։ «Դա միջազգային հարաբերությունների հիմքերի խաթարում է, և այդ որոշումները, եթե ընդունվեն, կհարվածեն հենց եվրոպացիներին, ֆինանսական համակարգին և կխաթարեն Եվրոպայի և Արևմուտքի նկատմամբ վստահությունը, քանի որ դա լիակատար ապօրինություն է և, ավելի շուտ, ջունգլիների օրենք», - ասել է նա։ «Այդ պատճառով էլ հսկայական քանակությամբ երկրներ Ռուսաստանի հետ միասին կպաշտպանեն համաշխարհային կարգերը, որոնք հիմնված են միջազգային իրավունքի վրա», - ընդգծել է Գրուշկոն։   Նորա Վանյան  
14:22 - 09 մայիսի, 2022
Մեծ յոթնյակի երկրներն աստիճանաբար կհրաժարվեն ռուսական նավթից, ԱՄՆ-ն պատժամիջոցներ է կիրառում «Գազպրոմբանկի» ղեկավարության դեմ

Մեծ յոթնյակի երկրներն աստիճանաբար կհրաժարվեն ռուսական նավթից, ԱՄՆ-ն պատժամիջոցներ է կիրառում «Գազպրոմբանկի» ղեկավարության դեմ

Մեծ Յոթնյակի երկրները կիրակի օրն անցկացված տեսակոնֆերանսի ժամանակ համաձայնության են եկել արգելել կամ աստիճանաբար հրաժարվել ռուսական նավթի ներկրումից, իսկ Միացյալ Նահանգները հայտարարել է ռուսական «Գազպրոմբանկի» ղեկավարության դեմ պատժամիջոցների սահմանման մասին՝ Ուկրաինայի դեմ պատերազմի համար Մոսկվային պատժելու նպատակով, գրում է Reuters-ը։ «Մենք համաձայնության ենք եկել աստիճանաբար չեղարկել ռուսական էներգակիրներից մեր կախվածությունն, այդ թվում՝ արգելել կամ աստիճանաբար հրաժարվել ռուսական նավթի ներկրումից»։ «Մենք հոգ կտանենք, որ դա արվի ժամանակին և կանոնակարգված ձևով։ Մենք կաշխատենք միասին, ինչպես նաև մեր գործընկերների հետ՝ երաշխավորելու կայուն և շարունակական գլոբալ էներգամատակարարումներն ու հասանելի գները սպառողների համար», - ասված է G7-ի երկրների առաջնորդների համատեղ հայտարարությունում։ Իսկ ԱՄՆ-ն հայտարարել է ռուսական երեք հեռուստաալիքների դեմ պատժամիջոցների սահմանման մասին, երկիրը նաև արգելել է իր քաղաքացիներին հաշվապահական և խորհրդատվական ծառայություններ մատուցել ռուսաստանցիներին և վիզաների շուրջ 2600 սահմանափակում մտցրել ռուսաստանցի և բելառուս պաշտոնյաների համար։ «Գազպրոմբանկի» ղեկավարության դեմ ուղղված միջոցներն առաջինն էին, քանի որ մինչ այս ԱՄՆ-ն ու նրա դաշնակիցները խուսափում էին այնպիսի քայլերից, որոնք կհանգեցնեին Եվրոպային մատակարարվող գազի խաթարումների։ ԱՄՆ ֆինանսների նախարարության տվյալներով՝ «Գազպրոմբանկի» ղեկավարությանը վերաբերող պատժամիջոցները տարածվում են նաև «Գազպրոմբանկի» ղեկավար Ալեքսեյ Միլլերի և կառավարման նախագահ Անդրեյ Ակիմովի վրա։   Նորա Վանյան
14:10 - 09 մայիսի, 2022
«Ես դղյակ չունեմ»․ Սեյրան Օհանյանը՝  պատասխանելով հարցին, թե «իր դղյակն օրինակա՞ն է»

«Ես դղյակ չունեմ»․ Սեյրան Օհանյանը՝ պատասխանելով հարցին, թե «իր դղյակն օրինակա՞ն է»

Հաղթանակի զբոսայգում, ուր ընդդիմադիր պատգամավորները այցելել են՝ ծաղիկներ խոնարհելու, լրագրողները ծավալուն զրույց ունեցան պաշտպանության նախկին նախարար Սեյրան Օհանյանի հետ։ Օրվա խորհրդից, ներքաղաքական մի շարք հարցեր քննարկելուց հետո լրագրողներից մեկը հետաքրքրվեց, թե լինելով պաշտպանության նախարար եւ պետական պաշտոնյա՝ ինչպե՞ս է Օհանյանին հաջողվել Վահագնի թաղամասում ձեռք բերել նման շքեղ առանձնատուն․ «Եթե ձեր կյանքը նվիրել եք բանակաշինությանը, Մոնումենտի դղյակները, Սեւանի դղյակները տեսել եք, չէ՞, բոլորը բանակաշինության համար ինչ-որ մի բան արել են, եթե կոռուպցիա չի եղե, թալան չի եղել, բա որտեղի՞ց այդ ամենը»,- հարցրեց նա։ Ի պատասխան լրագրողի հարցին՝ Սեյրան Օհանյանն ասաց․ «Իսկ ես ասացի՝ չի՞ եղել կոռուպցիա, ես, օրինակ, կարող եմ ասել հետեւյալը․ դուք եւ այսօրվա իշխանությունը բանակային կյանքը վերածել եք հասարակ, կենցաղային մակարդակի եւ կենցաղային փիառի, սա մեկ։ Երկրորդ, այսօրվա իշխանությունները եւ բոլոր իշխանությունները ունեն բոլոր հնարավորությունները՝ գնալու եւ պարզելու, թե ով ինչ ունի, եւ օրինական է թե ոչ, թող գնան, այդ ամեն ինչը պարզեն»։ Լրագրողի հարցին՝ հիմա իր դղյակը օրինակա՞ն է, Օհանյանը պատասխանեց․ «Ես դղյակ չունեմ»։ Ճշտող հարցին՝ Վահագնի թաղամասում չունի՞ դղյակ, Օհանյանը դարձյալ բացասական պատասխան տվեց։ Լրագրողը հետաքրքրվեց՝ չի էլ կառուցվո՞ւմ, ինչին արդեն Օհանյանը չպատասխանեց․ «Չեմ ուզում, չեմ պատասխանում, մենք այլ բանի մասին ենք խոսում»,- ասաց նա՝ հերթական անգամ շնորհավորելով Եռատոնի առթիվ եւ համախմբման կոչ անելով ժողովրդին։
12:05 - 09 մայիսի, 2022
Հանձնվելը մեզ համար տարբերակ չէ․ «Ազով» գնդի սպա

Հանձնվելը մեզ համար տարբերակ չէ․ «Ազով» գնդի սպա

Պատճառներ կան, թե ինչու «Ազով» գնդի անդամները չեն պատրաստվում հանձնվել։ Առաջինն ու հիմնականն այն է, որ Ռուսասատանն, ըստ նրանց, չի պատրաստվում ողջ թողնել իրենց, ՈւՆԻԱՆ-ի փոխանցմամբ ասել է ուկրաինական Մարիուպոլ քաղաքում ռուսական զորքերի դեմ կռվող «Ազով» գնդի հետախուզության վարչության սպա Իլյա Սամոյլենկոն այսօր կայացած ասուլիսի ժամանակ։ Նրա խոսքով՝ երկրորդ պատճառն այն է, որ Ռուսաստանը սպառնալիք է ինչպես Ուկրաինայի, այնպես էլ՝ ամբողջ աշխարհի համար։ «Հանձնվելը մեզ համար տարբերակ չէ, քանի որ Ռուսաստանը շահագրգռված չէ [պահպանել] մեր կյանքը»,- ասել է նա։ Սամոյլենկոն ասել է, որ ռուսական զորքեր եկել են «Ուկրաինան ոչնչացնելու»․ «Մեր գլխավոր նպատակը սպառնալիքը ոչնչացնելն է։ Ահա թե ինչու է մեզ անհրաժեշտ ողջ աշխարհի, ազատ աշխարհի աջակցությունը։ Որովհետև մենք հիմա [աշխարհն] էլ ենք պաշտպանում»։ «Մենք կռվում ենք ազատ աշխարհի համար։ Որովհետև ռուսական ախորժակը միայն աճում է, եթե նրանք մեզ՝ ուկրաինական պաշտպանությունը ոչնչացնեն, ամեն ինչ կտապալվի։ Նրանք առաջ կանցնեն, կգնան Լեհաստան, Բալթյան երկրներ, գուցե՝ ավելի հեռուն»,- հավելել է սպան։ Ասուլիսի ժամանակ Սամոյլենկոն հաղորդել է նաև, որ դեռևս հայտնի չէ, թե արդյոք «Ազովստալի» տարածքում քաղաքացիական անձինք են մնացել։ Բացի դրանից՝ քննադատել է ուկրաինական կառավարությանը, որ այն «չի կարողացել պաշտպանել Մարիուպոլը»։   Լուսանկարը՝ Reuters Նորա Վանյան
19:33 - 08 մայիսի, 2022
Լուգանսկի շրջանի գյուղական դպրոցին ավիահարված է հասցվել, ենթադրաբար 60 զոհ կա․ շրջանի ռազմական վարչակազմի պետ

Լուգանսկի շրջանի գյուղական դպրոցին ավիահարված է հասցվել, ենթադրաբար 60 զոհ կա․ շրջանի ռազմական վարչակազմի պետ

Ուկրաինայի Լուգանսկի շրջանի Բելոգորովկա ավանի դպրոցին հասցված ավիահարվածի հետևանքով, նախնական տվյալներով, կարող էր զոհվել 60 մարդ, BBC Russian-ի փոխանցմամբ՝ հայտնել է Լուգանսկի շրջանի ռազմական վարչակազմի ղեկավար Սերգեյ Գայդայը։ Նրա խոսքով՝ փլատակների տակից հաջողվել է 30 մարդ դուրս բերել, նրանցից 7-ը վիրավոր են։ «Ըստ ամենայնի՝ շենքերի փլատակների տակ մնացած բոլոր 60 անձինք զոհվել են», - ասել է Գայդայը։ Դպրոցին ավիահարված հասցնելու մասին նա հաղորդել էր երեկ երեկոյան։ Դպրոցում, նրա տվյալներով, շուրջ 90 մարդ էր թաքնվում՝ «գրեթե ողջ գյուղը»՝ նրանք, ովքեր չէին հասցրել տարհանվել։ Ուկրաինայի արտակարգ իրավիճակների ծառայության մամուլի բաժինը շաբաթ օրը հայտնել էր միայն երկու զոհի մասին և նշել, որ որոնումները շարունակվելու են կիրակի։ Վերջին շաբաթվա ընթացքում Բելոգորովկայի մերձակայքում մշտական մարտեր են ընթանում։ Գայդայն այդ վայրը «թեժ կետ» է անվանել։ Ռուսաստանի ՊՆ-ն չի մեկնաբանել դպրոցի վրա ռումբ ընկնելու մասին ուկրաինական իշխանության հայտարարությունը։
16:11 - 08 մայիսի, 2022
Պուտինը Հաղթանակի օրվա կապակցությամբ շնորհավորել է ԱՊՀ երկրների առաջնորդներին, Ուկրաինայի և Վրաստանի ժողովուրդներին

Պուտինը Հաղթանակի օրվա կապակցությամբ շնորհավորել է ԱՊՀ երկրների առաջնորդներին, Ուկրաինայի և Վրաստանի ժողովուրդներին

Ռուսաստանի նախագահ Վլադիմիր Պուտինը Հայրենական Մեծ պատերազմում տարած հաղթանակի 77-ամյակի կապակցությամբ շնորհավորական ուղերձներ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի, ինչպես նաև Աբխազիայի, Հարավային Օսիայի, Դոնեցկի և Լուգանսկի ինքնահռչակ հանրապետությունների ղեկավարներին և քաղաքացիներին, Վրաստանի և Ուկրաինայի ժողովուրդներին, գրում է «Ինտերֆաքսը»։ «Շնորհավորական ուղերձներում Ռուսաստանի նախագահն առանձնահատուկ ընդգծել է, որ այս օրը մենք շնորհակալություն ենք հայտնում և հարգանքի տուրք մատուցում մարտիկներին և թիկունքի աշխատավորներին, որոնք անհամար զոհաբերությունների և զրկանքների գնով ջախջախել են նացիզմը»,- ասված է Կրեմլի մամուլի ծառայության հաղորդագրությունում։ «Այսօր ընդհանուր պարտքը նացիզմի վերածնունդը թույլ չտալն է, որն այնքան տառապանքներ է պատճառել տարբեր երկրների մարդկանց», - ասված է հաղորդագրությունում։ Ինքնահռչակ ԴԺՀ և ԼԺՀ ղեկավարներին ուղղված շնորհավորական ուղերձներում ՌԴ նախագահը նշել է, որ «այսօր մեր զինծառայողներն, ինչպես նրանց նախնիները, թիկունք-թիկունքի կռվում են հայրենի հողը նացիստական արատից ազատագրելու համար», նա վստահություն է հայտնել, որ «ինչպես 1945 թ-ին, հաղթանակը մերն է լինելու»։ «Հայրենական Մեծ պատերազմի վետերաններին և Ուկրաինայի քաղաքացիներին հասցեագրված ուղերձում ՌԴ նախագահն ընդգծել է այն մարդկանց գաղափարային հետնորդների ռևանշի անթույլատրելիությունը, որոնք տապալվել են Հայրենական Մեծ պատերազմում»։
15:35 - 08 մայիսի, 2022
«Ոչ մի չարիք չի խուսափի պատասխանատվությունից»․ Զելենսկիի ուղերձն՝ Ուկրաինայում նշվող Հիշատակի և հաշտեցման օրը

«Ոչ մի չարիք չի խուսափի պատասխանատվությունից»․ Զելենսկիի ուղերձն՝ Ուկրաինայում նշվող Հիշատակի և հաշտեցման օրը

Ուկրաինայի նախագահ Վլադիմիր Զելենսկին ուղերձ է հղել ուկրաինացիներին՝ Հիշատակի և հաշտեցման օրվա կապակցությամբ, որը նշվում է Երկրորդ աշխարհամարտի ավարտի օրը։ Նա հայտարարել է, որ «չարիքը չի խուսափելու պատասխանատվությունից» և «չի թաքնվելու բունկերում», գրում է Liga.net-ը։ Տեսաուղերձը նկարահանվել է Կիևի մոտ գտնվող Բորոդյանկա բնակավայրում՝ փլուզված շենքի ֆոնին։ «Այս տարի մենք այլ կերպ ենք ասում «այլևս երբեք»։ Այլ կերպ ենք լսում «այլևս երբեք» խոսքերը։ Դրանք հնչում են ցավոտ, դաժան։ Առանց բացականչության և հարցական նշանով», - ասել է նա։ Զելենսկու խոսքով՝ փետրվարի 24-ին՝ ուկրաինական պատերազմի մեկնարկի օրը, «երբեք»-ը «ջնջել են, գնդակահարել և ռմբակոծել հարյուրավոր հրթիռներով»։ Նա ասել է, որ «չարիքը վերադարձել է», «ուրիշ կարգախոսներով, բայց նույն նպատակով» Ռուսաստանը «նացիզմի արյունոտ վերակառուցում է սկսել»։ «Ոչ մի չարիք չի խուսափի պատասխանատվությունից։ Չի կարողանա թաքնվել բունկերում։ Դրանից ոչինչ չի մնա, քարը քարին չի մնա», - ասել է նա։
15:00 - 08 մայիսի, 2022