ՀՀ կառավարություն

Կառավարությունը գործադիր իշխանության բարձրագույն մարմինն է: Կառավարությունն իր ծրագրի հիման վրա մշակում եւ իրականացնում է պետության ներքին եւ արտաքին քաղաքականությունը, իրականացնում է պետական կառավարման համակարգի մարմինների ընդհանուր ղեկավարումը: Կառավարության լիազորությունները սահմանվում են Սահմանադրությամբ եւ օրենքներով: Կառավարության իրավասությանն են ենթակա գործադիր իշխանությանը վերաբերող բոլոր այն հարցերը, որոնք վերապահված չեն պետական կառավարման կամ տեղական ինքնակառավարման այլ մարմինների: Կառավարությունը կազմված է վարչապետից, փոխվարչապետներից եւ նախարարներից:

Հանրապետության նախագահը վարչապետ է նշանակում խորհրդարանական մեծամասնության ընտրած թեկնածուին, իսկ փոխվարչապետները եւ նախարարները նշանակվում են Հանրապետության նախագահի կողմից՝ վարչապետի առաջարկությամբ: Այժմ գործում է Նիկոլ Փաշինյանի գլխավորած կառավարությունը։

Կառավարությունը հավանություն տվեց «Երեխայի իրավունքների մասին» արձանագրության ստորագրությանը |armenpress.am|

Կառավարությունը հավանություն տվեց «Երեխայի իրավունքների մասին» արձանագրության ստորագրությանը |armenpress.am|

armenpress.am։ Կառավարությունը հավանություն տվեց «Երեխայի իրավունքների մասին» Կոնվենցիայի՝ հաղորդագրություններ ներկայացնելու կարգի վերաբերյալ կամընտիր արձանագրության ստորագրման առաջարկությանը: Ըստ հիմնավորման, կամընտիր արձանագրությունն ընդունվել է ՄԱԿ-ի Գլխավոր ասամբլեայի 66-րդ նստաշրջանի 89-րդ լիագումար նիստում 2011 թվականի դեկտեմբերի 19-ին: Արձանագրությունը ստորագրվել է 51 պետության կողմից, ուժի մեջ է մտել 41 պետության համար: Այն բաց է ստորագրման ցանկացած պետության համար, որը ստորագրել, վավերացրել է «Երեխայի իրավունքների մասին» Կոնվենցիան կամ դրա երկու կամընտիր արձանագրություններից որևէ մեկը, կամ միացել է դրանց:Արձանագրությունը կոչված է ամրապնդելու ու լրացնելու ազգային և տարածաշրջանային մեխանիզմները, որոնք երեխաներին հնարավորություն են տալիս բողոքներ ներկայացնել իրենց իրավունքների խախտումների դեմ:Արձանագրության կարևորությունը կայանում է նրանում, որ այն հնարավորություն է տալիս Երեխաների իրավունքների կոմիտեին իրականացնելու մի շարք գործառույթներ, որոնք ուղղված են ամրապնդելու և լրացնելու այդպիսի ազգային մեխանիզմները, ինչպես նաև ընդլայնելու Կոնվենցիայի և համապատասխան դեպքերում դրա՝ «Մանկավաճառության, երեխաների մարմնավաճառության ու մանկական պոռնոգրաֆիայի մասին» և Կոնվենցիային կից՝ «Զինված հակամարտություններին երեխաների մասնակցության վերաբերյալ» կամընտիր արձանագրությունների կիրարկումը:Ստորագրելով Արձանագրությունը՝ Հայաստանի Հանրապետությունը կստանձնի պարտավորություն պատշաճ ուշադրություն դարձնել իր իրավազորության ներքո գտնվող անձանց բողոքների վերաբերյալ Կոմիտեի տեսակետներին, առաջարկություններին և Կոմիտե ներկայացնել գրավոր պատասխան, այդ թվում՝ տեղեկություններ՝ Կոմիտեի տեսակետների և առաջարկությունների լույսի ներքո ձեռնարկված եւ նախատեսված ցանկացած գործողության վերաբերյալ:Բացի այդ, Արձանագրության կողմ հանդիսանալու դեպքում Հայաստանի Հանրապետությունը կարող է ճանաչել Կոմիտեի՝ այնպիսի հաղորդագրություններ ստանալու ու քննարկելու իրավասությունը, որով մեկ Կողմ պետությունը պնդում է, որ մեկ այլ Կողմ պետություն չի կատարում Կոնվենցիայով կամ դրա երկու կամընտիր արձանագրություններից որեւէ մեկով սահմանված իր պարտավորությունները: Նման իրավասությամբ Կոմիտեն օժտվում է միայն այդ մասին Կողմ պետության համապատասխան հայտարարության դեպքում:Հաշվի առնելով վերոնշյալը՝ ՀՀ արդարադատության նախարարությունը նպատակահարմար է գտնում «Երեխայի իրավունքների մասին» կոնվենցիայի՝ հաղորդագրություններ ներկայացնելու կարգի վերաբերյալ կամընտիր արձանագրության ստորագրումը:
08:05 - 19 սեպտեմբերի, 2019
Կառավարությունը որոշեց հաստատել 2019-2023 թվականների ոչխարաբուծության և այծաբուծության զարգացման պետական աջակցության ծրագիրը

Կառավարությունը որոշեց հաստատել 2019-2023 թվականների ոչխարաբուծության և այծաբուծության զարգացման պետական աջակցության ծրագիրը

Կառավարությունը որոշեց հաստատել Հայաստանի Հանրապետությունում 2019-2023 թվականների ոչխարաբուծության և այծաբուծության զարգացման պետական աջակցության ծրագիրը։ Կարգավորման նպատակն է` պետական աջակցության մեխանզմների, մասնավորապես՝ մատչելի վարկավորման պայմանների կիրառման և կատարված ծախսերի փոխհատուցման միջոցով՝ հանրապետությունում ոչխարաբուծության և այծաբուծության ճյուղերի զարգացման համար նպաստավոր պայմանների ստեղծումը, բարձրարժեք տոհմային ոչխարների և այծերի ձեռք բերման (ներկրման) և բարձր մթերատու հոտերի ձևավորման խրախուսումը, բուծվող ցեղատեսակների կատարելագործումը, տոհմային գործի զարգացումը, արտադրատնտեսական արժեքավոր հատկանիշներով օժտված մաքրացեղ և տրամախաչումների միջոցով ստացված խառնացեղ կենդանիների գլխաքանակի ավելացումը, ոչխարաբուծական և այծաբուծական արտադրանքի արտադրության և արտահանման ծավալների ավելացումը։ Ծրագրի իրականացումից ակնկալվում են հետևյալ արդյունքները. 2019-2023 թվականներին պետական աջակցությամբ ոչխարաբուծությամբ և այծաբուծությամբ զբաղվող տնտեսավարողներին հնարավորություն կընձեռվի մատչելի պայմաններով ձեռք բերել (ներկրել) շուրջ 30 հազար գլուխ տարբեր սեռահասակային խմբերի մանր եղջերավոր կենդանիներ (հղի ոչխաչներ և այծեր, էգ և արու մատղաշ), կավելանա ոչխարների և այծերի գլխաքանակը։ Ծրագրի շրջանակներում ձեռք բերված բարձր տոհմային կենդանիների հաշվով մինչև 2027 թվականը կապահովվի շուրջ 100 հազ. գլուխ արտադրատնտեսական բարձր հատկանիշներով օժտված սերնդի ստացում, կավելանան ոչխարաբուծական և այծաբուծական արտադրանքի ծավալները։ 2019-2027 թվականներին կարտադրվի շուրջ 3.5 մլրդ դրամ արժեքով միս և 0.5 մլրդ դրամ արժեքով կաթ, կբարձրանա ոչխարաբուծության և այծաբուծության ճյուղի շահութաբերության մակարդակը, պայմաններ կստեղծվեն արտահանման ծավալների ավելացման համար։ հնարավորություններ կստեղծվեն հանրապետության արոտների և խոտհարքների առավել արդյունավետ օգտագործման համար։
07:37 - 19 սեպտեմբերի, 2019
Պետությունը կփոխհատուցի հատուկ կացարանում բնակվող թոշակառուի՝ գազի, լույսի, ջրի վարձերը |24news.am|

Պետությունը կփոխհատուցի հատուկ կացարանում բնակվող թոշակառուի՝ գազի, լույսի, ջրի վարձերը |24news.am|

24news.am: Կառավարությունը հավանություն է տվել «ՀՀ-ում պետական աջակցությամբ ձևավորված սոցիալական բնակարանային ֆոնդի կացարաններում բնակվող միայնակ կենսաթոշակառուներին նպատակային սոցիալական աջակցության մասին» օրենքի նախագծին, որով նախատեսվում է այդ կացարաններում բնակվող միայնակ կենսաթոշակառուներին սպառած բնական գազի, էլեկտրական էներգիայի եւ ջրամատակարարման վարձավճարները փոխհատուցել պետական բյուջեի միջոցներից: Աշխատանքի և սոցիալական հարցերի նախարար Զարուհի Բաթոյանը հարցը ներկայացնելիս նշել է, որ ՀՀ -ում պետական աջակցությամբ ձևավորված սոցիալական բնակարանային ֆոնդի կացարաններում ապրում է մոտ 200 անձ, որոնցից 59-ը միայնակ կենսաթոշակառու են, այդ թվում` 28 միայնակ կենսաթոշակառու: Նրանք բնակվում են Երևանի և Մարալիկի սոցիալական տներում, իսկ 31-ը` հատուկ խմբերին դասված որոշակի կատեգորիայի անձանց համար նախատեսված կացարանում (այլ կերպ անվանվում է նաև «Վետերան» օթևան): Ըստ նախարարի՝ սոցիալական տունն անձին տրամադրում է միայն կացարան, երբեմն էլ որոշ սոցիալական ծառայություններ, սակայն կոմունալ ծառայությունների դիմաց վճարում է բնակիչը, որը հոգում է նաեւ իր բոլոր անհրաժեշտ ծախսերը` սննդի, հագուստի, կենցաղի հետ կապված: Տարիների փորձը ցույց է տվել, որ սոցիալական բնակարանային ֆոնդի կացարաններում բնակվող միայնակ կենսաթոշակառուները հիմնականում չեն կարողանում վճարել իրենց սպառած բնական գազի, էլեկտրաէներգիայի, ջրամատակարարման վարձերը, պարբերաբար խնդիրներ են առաջացնում կացարանների տնօրինությունների համար. վերջիններս էլ հաճախ բնակիչների պարտքերը մարելու կամ զիջելու խնդրանքով դիմում են ծառայություններ մատուցող կազմակերպություններին, որոնք կա՛մ օգնում են, կա՛մ մերժում: Ըստ նախնական հաշվարկների՝ 59 կենսաթոշակառուներից յուրաքանչյուրը լույսի, գազի և ջրի համարամսական վճարում է միջինում 12 000 դրամ, այսինքն` տարեկան 144 000 դրամ, որը ամբողջությամբ փոխհատուցելու դեպքում մեկ բնակչի հաշվարկով տարեկան կպահանջվի 144 հազ. դրամ, իսկ 59 բնակչի հաշվարկով տարեկան 8 496, 000 դրամ: Նախատեսվում է, որ օրենքը կընդունվի և գործի կդրվի 2020-ի հունվարի 1-ից:
11:40 - 12 սեպտեմբերի, 2019
Կառավարությունը սկսել է տեսակավորել իր թափոնները «Recycle it!» ծրագրի շրջանակներում

Կառավարությունը սկսել է տեսակավորել իր թափոնները «Recycle it!» ծրագրի շրջանակներում

2018թ․-ին մեկնարկած «Recycle it!» նախագծի շրջանակներում, որը ֆինանսավորվում է ՄԱԶԾ-ԳԷՀ Փոքր դրամաշնորհների ծրագրի և Կոկա Կոլա հիմնադրամի կողմից, ՀՀ Կառավարությունը` ներառյալ 12 նախարարությունները և նրանց ստորաբաժանումները, սկսել են տեսակավորել պլաստիկը, թուղթը, մետաղը և/կամ ապակին։ Ծրագիրն իրականացվում է «Այ Էս Էս Դի» Համայնքների կայուն զարգացման նորարարական լուծումներ» հասարակական կազմակերպության (ISSD ՀԿ) կողմից։ ՀՀ Կառավարությունում և պետական այլ կառույցներում տեղադրվել են 50-ից ավել տեսակավորման ամաններ, իսկ սեպտեմբեր և հոկտեմբեր ամիսների ընթացքում տեղադրվելու են 30-ից ավել լրացուցիչ ամաններ։ «Recycle it!» նախագծի մեկնարկից ի վեր, ծրագրին են միացել ավելի քան 200 կազմակերպություններ (ներառյալ 80 կրթական հաստատություններ), իսկ շահառուների թիվը գերազանցում է 200,000-ը։ Ս․թ․ սեպտեմբերին ԳԼՈԲԱԼ ԿՐԵԴԻՏ ՈՒՎԿ-ի աջակցությամբ և Երևանի քաղաքապետարանի թույլտվությամբ, Երևանի կենտրոն վարչական շրջանում տեղադրվելու է պլաստիկ շշերի համար նախատեսված երկու բաժնից բաղկացած 13 տեսակավորման ամաններ։ Ամանները տեղադրվելու են հետևյալ տարածքներում՝ Պոպլովոկի այգի (2 հատ) Կոմիտասի պուրակ (1 հատ) Կասկադ (1 հատ) Հյուսիսային պողոտա (3 հատ) Անգլիական այգի (2 հատ) Կարապի լիճ (1 հատ) Հանրապետության հրապարակ (1 հատ) Խաչքարերի պուրակ (2 հատ) Նշենք, որ «Recycle it!» ծրագրի նպատակն է նպաստել Հայաստանում աղբի/թափոնների տարանջատման և վերամշակման մշակույթի ձևավորմանը՝ տեսակավորման ամանների տեղադրման և թափոնների կառավարման վերաբերյալ իրազեկվածության մակարդակի բարձրացման միջոցով:Հայցում ենք բոլոր քաղաքացիների աջակցությունը Հայաստանում թափոնների տեսակավորման մշակույթի ամրապնդման համար՝ խնդրելով տեսակավորման աման նետել համապատասխան թափոնները։
10:14 - 12 սեպտեմբերի, 2019
Կառավարությունը 56 մլրդ դրամ ԱԱՀ-ի պարտքը կվերադարձնի հարկ վճարողներին |armenpress.am|

Կառավարությունը 56 մլրդ դրամ ԱԱՀ-ի պարտքը կվերադարձնի հարկ վճարողներին |armenpress.am|

armenpress.am։ Կառավարությունը հավանություն տվեց Հարկային օրենսգրքի փոփոխությունների նախաձեռնությանը, որն ուղղված է 56 մլրդ դրամ ավելացված արժեքի հարկի պարտավորությունները հարկ վճարողներին վերադարձնելուն:Պետական եկամուտների կոմիտեի նախագահ Դավիթ Անանյանը նշեց, որ ԱԱՀ-ի գծով կան դեբետային մնացորդներ կամ «գերավճարներ», որոնք առաջացել են հարկային մարմին ներկայացված հարկային հաշվարկում մատակարարներին վճարված ԱԱՀ-ի կամ մաքսային մարմինների կողմից գանձված ԱԱՀ-ի և պարտավորության բացասական տարբերությունից:«Հիմա մենք ունենք հին ու նոր դեբետային գումարներ: Նոր դեբետային գումարները ետ են վերադարձվում եռամսյակային կտրվածքով, իսկ հին դեբետային գումարները ուղղվում են միայն առաջիկայում ԱԱՀ-ի գծով պարտավորությունների մարմանը: Այս որոշումով մենք հին և նոր դեբետների միջև տարբերակումը վերացնում ենք:Մենք առաջարկում ենք եղած գերավճարները ետ վերադարձնել հետևյալ կարգով. մինչև 5 մլն պարտք ունեցողներին ԱԱՀ-ի գումարները վերադարձնում են առանց հարկային մարմին դիմում ներկայացնելու. 5-40 մլն պարտք ունեցողներին վերադարձվում են պարզեցված ընթացակարգով, այսինքն՝ ներկայացվում է դիմում, և առանց ուսումնասիրության վերադարձվում են գումարները, իսկ 40 մլն դրամից ավելի պարտք ունեցողներին պարտքը վերադարձվում է փաստաթղթային ստուգման եւ հիմնավորվածության արդյունքներով»,- ասաց Դավիթ Անանյանը՝ ավելացնելով, որ ԱԱՀ վճարող դեբետ ունեցողների թիվը մոտ 9 հազար է, որից 3 հազարը հին դեբետներ ունեցողներն են: Հին դեբետ ունեցողներին պետությունը պարտք է 56 մլրդ 443 մլն դրամ:2 հազար 835 հարկ վճարողից մինչև 5 մլն պարտավորություն ունեցողների թիվը 2 190 է, իսկ նրանց հանդեպ եղած պարտքը կազմում է 1 մլրդ 680 հազար դրամ: 5-40 մլն դրամի պարտք ունեցողների թիվը 443 է, նրանց հանդեպ պարտքը կազմում է 6 մլրդ 856 մլն դրամ, իսկ 40 մլն դրամից ավելի պարտք ունեցողների թիվը 202 է, նրանց հանդեպ պարտքը կազմում է 47 մլրդ 906 մլն դրամ:Ըստ Անանյանի, որոշումն ընդունելուց հետո, մինչև 5 մլն դրամի պարտք ունեցողները մեխանիկորեն ստանում են իրենց պարտքերը: Մինչև տարեվերջ պետությունը կվերադարձնի այդ 56 մլրդ դրամից 50-ը, մնացածի մասով դեռևս քննարկումներ կիրականացվեն:«Հիշեցնեմ, որ 2018 թ. հունվարի դրությամբ, մենք հարկ վճարողներին պարտք ենք եղել 275 մլրդ դրամ: Այսօր եթե այդ 50 մլրդ դրամի հարցը կարգավորում ենք, մենք ունենում ենք միայն 72-75 մլրդ դրամի ընթացիկ պարտավորություններ, որոնք ձևավորվում և մարվում են: Դա նվազել իջել է 50 միլիարդի: Մենք 2020 թվականին կարող ենք հայտարարել, որ 2 տարում 220 մլրդ դրամով նվազեցրել ենք մեր պարտքը տնտեսավարողներին, ինչը ուժեղ պետությանը հարիր բան է»,- նկատեց Դավիթ Անանյանը:Վարչապետ Նիկոլ Փաշինյանն ասաց՝ դա կնշանակի, որ 220 մլրդ դրամով կառավարությունը ֆինանսավորելու է տնտեսությանը: «Իսկ այս 56 մլրդ դրամը, ըստ էության, որևէ մեկը հույս չուներ, թե կստանա: Այս հնարավորությունն առաջացել է նրանից, որ այս տարի բյուջեի եկամուտներն ավելացել են»,- շեշտեց Վարչապետը:
08:43 - 12 սեպտեմբերի, 2019
Կառավարությունը բավարարեց մի շարք ընկերութնների ներկայացրած հայտը մաքսատուրքից ազատման արտոնությունից օգտվելու համար

Կառավարությունը բավարարեց մի շարք ընկերութնների ներկայացրած հայտը մաքսատուրքից ազատման արտոնությունից օգտվելու համար

Կառավարությունը բավարարեց մի շարք ընկերութնների ներկայացրած հայտը՝ գերակա ոլորտում իրականացվող ներդրումային ծրագրի շրջանակում մաքսատուրքից ազատման արտոնությունից օգտվելու համար: 1. «ԻՐԻՆԱ ԿՈՉՈՅԱՆ» ԱՁՆերմուծվող ապրանքներն օգտագործվելու են հագուստի արտադրության մեջ Հրազդան քաղաքում: Ծրագրի շրջանակում նախատեսվում է իրականացնել 80 մլն դրամի ներդրում, նոր սարքավորումների և մոտ 581 մլն դրամի ներդրում հումքի ձեռքբերման համար: Ներկայումս առկա է 35 աշխատատեղ, կստեղծվի ևս 15-20 նոր աշխատատեղ` 70.000-80.000 դրամ միջին աշխատավարձով։ Նախատեսված արտադրանքի ընդհանուր ծավալը կկազմի 600 մլն դրամ, որից 450 մլն դրամի արտադրանքը կիրացվի ՀՀ տարածքում, 150 մլն դրամի արտադրանքը` ԵԱՏՄ այլ անդամ երկրների տարածքում: Արտոնություն ստանալու համար ներկայացված հումքի արժեքը կազմում է 581 մլն 975 հազար դրամ: Մաքսատուրքի ազատման արտոնությունը կազմում է 49 մլն 536 հազար դրամ: 2. «ԱՆԻՊԼԱՍՏ» ՍՊԸԸնկերության կողմից ներմուծվող ապրանքներն օգտագործվելու են սննդի փաթեթավորման համար` պոլիվինիլքլորիդային ինքնակպչուն թաղանթի արտադրության մեջ։ Նախատեսվում է ծրագրի շրջանակում իրականացնել 1 մլրդ 390 մլն 216 հազար դրամի ներդրում, որից 298 մլն 39 հազար դրամը արդեն իրականացվել է կապիտալ ներդրումների համար, իսկ մնացած մասը նախատեսվում է իրականացնել հումքի և նյութերի ձեռքբերման համար: Ներկայումս առկա է 33 աշխատատեղ: Նախատեսվում է ներդրումային ծրագրի շրջանակում ստեղծել 20 նոր աշխատատեղ` 150,000 դրամ միջին աշխատավարձով։ Արտոնություն ստանալու համար ներկայացված հումքի արժեքը կազմում է 619 մլն 240 հազար դրամ: Մաքսատուրքի ազատման արտոնությունը կազմում է 46 մլն 595 հազար դրամ: 3. «ԱՐԻԿՈ-ԳՈՌ» ՓԲԸՆերմուծվող ապրանքներն օգտագործվելու են կոշիկի և կաշվե պարագաների արտադրության մեջ։ Նախատեսվում է ծրագրի շրջանակում իրականացնել 457 մլն 161 հազար դրամի ներդրում, հումքի և նոր սարքավորումների ձեռքբերման համար: Ներկայումս առկա է 13 աշխատատեղ: Նախատեսվում է ներդրումային ծրագրի շրջանակում ստեղծել 6-9 նոր աշխատատեղ` 100,000 դրամ միջին աշխատավարձով։ Ծրագրով նախատեսված արտադրանքի ընդհանուր ծավալը տարեկան կկազմի 185 մլն դրամ, որն ամբողջությամբ կիրացվի ՀՀ տարածքում: Արտոնություն ստանալու համար ներկայացված հումքի արժեքը կազմում է 260 մլն 368 հազար դրամ: Մաքսատուրքի ազատման արտոնությունը կազմում է 13 մլն 18 հազար դրամ:
08:21 - 12 սեպտեմբերի, 2019
ԱԱԾ-ին նոր տարածք տրամադրվեց, որը մինչ այդ ՊՆ-ի հաշվեկշռում էր. շենքը Նոր Նորքում է |news.am|

ԱԱԾ-ին նոր տարածք տրամադրվեց, որը մինչ այդ ՊՆ-ի հաշվեկշռում էր. շենքը Նոր Նորքում է |news.am|

news.am։ ՀՀ կառավարությունն իր այսօրվա՝ սեպտեմբերի 12-ի նիստում որոշում կայացրեց ՀՀ պաշտպանության նախարարությանն ամրացված` Երեւանի Նոր Նորք վարչական շրջանի Թեւոսյան փողոց 28 հասցեում գտնվող, 408.146.000 դրամ հաշվեկշռային արժեքով, 4309,1 քմ մակերեսով պետական սեփականություն հանդիսացող վարչական շենքը, 1621,6 քմ օժանդակ շինությունները, 617,4 գծամետր պարիսպը եւ դրանց զբաղեցրած 2,17585 հեկտար մակերեսով հողամասը հետ վերցնել եւ ամրացնելՀՀ ԱԱԾ-ին:Նույն որոշման երկրորդ կետով սահմանվել է, որ ԱԱԾ-ին ամրաց¬ված` Երեւանի Կենտրոն վարչական շրջանի Այգեստան 9-րդ փողոց 4ա հասցեում գտնվող, 231.290.488 դրամ հաշվեկշռային արժեքով, 1862,4 քառ. մետր մակերեսով պետական սեփականություն հանդիսացող վարչական շենքը եւ դրա զբաղեցրած 0,1727,4 հեկտար մակերեսով հողամասը հետ վերցնել եւ ամրացնելՀՀ ՊՆ-ին:Որոշման հիմնավորման մեջ ասվում է, որ այն պայմանավորված է ԱԱԾ շենքային պայմանները բարելավելու հանգամանքով:Մասնավորապես, ԱԱԾ գիտաուսումնական կենտրոնը տեղակայված է Այ¬գես¬տան 9-րդ փողոց 4ա հասցեում գտնվող շենքում: Նշված շենքի օգտակար մակերեսը (շուրջ 2000քմ) չի բավականացնում համապատասխան գործառույթներն իրականացնելու համար:
08:01 - 12 սեպտեմբերի, 2019
Ծխախոտային արտադրանքի ակցիզային հարկի դրույքաչափը կբարձրանա

Ծխախոտային արտադրանքի ակցիզային հարկի դրույքաչափը կբարձրանա

Կառավարությունը հավանություն տվեց «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» և հարակից օրենքներում փոփոխություններ և լրացումներ կատարելու մասին օրենքների նախագծերի փաթեթին։Հակածխախոտային քաղաքականության փաթեթը բաղկացած է հետևյալ կետերից՝ Ծխախոտի օգտագործման և կանխարգելման քաղաքականությունների մոնիթորինգ  Մարդկանց պաշտպանել ծխախոտի ծխից  Առաջարկել օգնություն՝ ծխելը դադարեցնելու նպատակով  Նախազգուշացնել ծխելու վտանգների մասին  Ծխախոտային արտադրանքի գովազդի, հովանավորման և խրախուսման արգելք  Ծխախոտային արտադրանքի ակցիզային հարկի դրույքաչափի բարձրացում Ծրագրի ներդրման արդյունքում 15 տարվա կտրվածքով կփրկվի 7000 կյանք, կբարելավվեն բնակչության առողջության ցուցանիշները. կկանխվեն 3331 ինսուլտներ, 3638 դեպքով կնվազեն սրտի իշեմիկ հիվանդությունները, 36352 տարով կավելանան առողջ կյանքի տարիները: Այս միջոցառումները ներառված են հակածխախոտային օրենքի նախագծում:
07:32 - 12 սեպտեմբերի, 2019
Կառավարությունը հավանություն տվեց «Հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագծին

Կառավարությունը հավանություն տվեց «Հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագծին

Կառավարությունը հավանություն տվեց Հ«արկային օրենսգրքում փոփոխություններ և լրացումներ կատարելու մասին» ՀՀ օրենքի նախագծին։ Նախագծի ընդունման արդյունքում՝ 1) ԱԱՀ վճարողի միասնական գանձապետական հարկային հաշվին կմուտքագրվեն նաև 2017թ. 2-րդ կիսամյակին նախորդող կիսամյակների համար ԱԱՀ-ի կամ ակցիզային հարկի հաշվարկներով առաջացած՝ բյուջեից հաշվանցման ենթակա ԱԱՀ-ի կամ ակցիզային հարկի գումարները, 2) կվերանայվի ԱԱՀ-ի և ակցիզային հարկի գծով պարտավորությունների մարման հերթականությունը, որի արդյունքում ԱԱՀ-ի և ակցիզային հարկի պարտավորությունները առաջնահերթ կմարվեն այդ հարկատեսակների դեբետային գումարների հաշվին (այդ թվում՝ մինչև 2018 թվականի հունվարի 1-ը հաշվետու ժամանակաշրջանների համար ներկայացված՝ ԱԱՀ-ի կամ ակցիզային հարկի հաշվարկներով առաջացած՝ բյուջեից հաշվանցման ենթակա ԱԱՀ-ի կամ ակցիզային հարկի գումարների հաշվին), 3) ԱԱՀ-ի զրոյական դրույքաչափով հարկվող գործարքների գծով ԱԱՀ-ի գումարների փոխհատուցման պարզեցված ընթացակարգը կտարածվի նաև 2017թ. 2-րդ կիսամյակից առաջ հաշվետու ժամանակաշրջաններին վերաբերող՝ բյուջեից հաշվանցման ենթակա ԱԱՀ գումարի փոխհատուցման վրա, 4) կվերանայվի պարզեցված ընթացակարգով վերադարձման ենթակա ԱԱՀ-ի փոխհատուցվող գումարի սահմանված չափը. այն 20 մլն դրամից կդառնա 40 մլն դրամ, 5) նախագիծն ուժի եջ մտնելուն հաջորդող տասներորդ օրվա դրությամբ առկա՝ մինչև 5 մլն դրամ բյուջեից հաշվանցման ենթակա ԱԱՀ գումարի մնացորդը հարկ վճարողի միասնական հաշվին մուտքագրման համար կկիրառվի առավել պարզ մեխանիզմ:
07:29 - 12 սեպտեմբերի, 2019