Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Զարիֆը պատասխանել է Թրամփին. երբեք չսպառնաք իրանցիներին |news.am|

Զարիֆը պատասխանել է Թրամփին. երբեք չսպառնաք իրանցիներին |news.am|

news.am: Իրանի արտգործնախարար Մոհամադ Ջավադ Զարիֆը ԱՄՆ նախագահ Դոնալդ Թրամփին կոչ է արել «հարգանք ցուցաբերել» սպառնալիքներ տեղալու փոխարեն։ Այդկերպ Զարիֆն արձագանքել է Թրամփի Twitter-ի գրառմանը, որն արել էր նախօրեին այն մասին, որ եթե Իրանը «շարունակի սպառնալ, դա նրա վերջը կդառնա», տեղեկացնում է Mehr-ը։ Զարիֆը նշել է, որ Թրամփը «հույս ունի հասնել այն բանին, ինչը չեն կարողացել անել Ալեքսանդրը (Մակեդոնացին), Չինգիզ խանը եւ այլ ագրեսորներ»։ Նա նշել է, որ «իրանցիները կանգնած են եղել հազարամյակի բարձունքին, իսկ ագրեսորները հեռացել են»։ Նրա խոսքով՝ «տնտեսական ահաբեկչությունը» եւ «ցեղասպանության ակնարկները» «Իրանի վերջը չեն տա»։ Նա խորհուրդ է տվել Թրամփին «երբեք չսպառնալ իրանցիներին»՝ առաջարկելով դրա փոխարեն «հարգանք ցուցաբերել. դա գործում է»։

11:51 - 20 մայիսի, 2019

Սաուդյան Արաբիայի ԱԳ նախարարը կոչ է արել արգելել Իրանին «տարածել քաոս» |news.am|

Սաուդյան Արաբիայի ԱԳ նախարարը կոչ է արել արգելել Իրանին «տարածել քաոս» |news.am|

news.am։ Սաուդյան Արաբիայի ԱԳՆ-ը պահանջել է միջազգային հանրությունից ձեւավորել կոշտ դիրքորոշում Իրանի նկատմամբ եւ արգելել նրան «տարածել քաոս», հաղորդում է ՌԻԱ Նովոստի-ն՝ հղում կատարելով ԱԳՆ-ի թվիթերյան էջին:«Մենք պահանջում ենք միջազգային հանրությունից ձեւավորել կոշտ դիրքորոշում իրանյան ռեժիմի նկատմամբ արգելելու նրան տարածել քաոս ամբողջ աշխարհում: Իրանի ռեժիմը չի նպաստում տարածաշրջանում անվտանգության եւ կայունության հաստատմանը»,-հայտարարել է Սաուդյան Արաբիայի ԱԳՆ Ադիլ ալ-Ջուբեյրան: Ալ-Ջուբեյրայի խոսքով, Իրանը կարող է վերացնել տարածաշրջանում պատերազմի վտանգը՝ պահպանելով միջազգային իրավունքը, դադարենցելով միջամտությունը տարածաշրջանում մյուս երկրների ներքին գործերին, դադարելով սատարել ահաբեկչական խմբավորումների եւ զարգացնել հրթիռային ու միջուկային ծրագրեր:Ավելի վաղ սուդյան թագավորը առաջարկել է մայիսի 30-ին անցկացնել արտահերթ արաբական գագաթնաժողով Իրանի հետ հարաբերությունների սրացման ֆոնին:Ավելի վաղ հաղորդվում էր, որ ԱՄՆ-ն Իրանի շուրջ իրավիճակի սրման ֆոնին կենտրոնացրել է Պարսից ծոցում եւ դրա մոտակայքում առնվազն յոթ ռազմանավեր եւ տեղակայել Patriot զենիթահրթիռային համալիրներ: Ինչպես պարզաբանել են Պենտագոնում, այդպիսի պատասխանն ուղղված է «Իրանի բարձր պատրաստվածությանն անցկացնելու հարձակողական գործողություններ ԱՄՆ-ի դեպ եւ պաշտպանելու իր շահերը»: ԱՄՆ-ի նախագահ Դոնալդ Թրամփը հայտարարել է, որ հույս ունի խուսափել Իրանի հետ պատերազմից: Իրանի գերագույն առաջնորդ Ալի Համենեին հայտարարել է, որ Իրանը մտադիր չէ պատերազմել ԱՄՆ-ի հետ, սակայն շարունակելու է հակազդել Վաշինգտոնին:

07:44 - 19 մայիսի, 2019

Թեհրանը կոչ է անում «փրկել միջուկային համաձայնագիրը» |azatutyun.am|

Թեհրանը կոչ է անում «փրկել միջուկային համաձայնագիրը» |azatutyun.am|

azatutyun.am։ Իրանի արտգործնախարար Մոհամադ Ջավադ Զարիֆը Չինաստանին, Ռուսաստանին և այլ երկրներին կոչ է արել «ձեռնարկել հստակ միջոցներ և փրկել 2015 թվականի միջուկային համաձայնագիրը»: Այդ մասին Զարիֆը հայտարարել է երեկ Պեկինում Չինաստանի արտգործնախարար Վանգ Յիի հետ հանդիպման ընթացում:Իրանը 2015 թվականի համաձայնագիրը կնքել է ԱՄՆ-ի, Բրիտանիայի, Ֆրանսիայի, Գերմանիայի, Չինաստաանի և Ռուսաստանի հետ: Այդ պայմանագրով Թեհրանը պարտավորվել է սահմանափակել միջուկային ակտիվությունը և նոր հրթիռներ ստեղծելու աշխատանքները: Միջազգային գերտերություններն էլ խոստացել են աստիճանաբար չեղարկել տնտեսական պատժամիջոցները և վերականգնել առևտուրը Թեհրանի հետ:Միացյալ Նահանգները՝ նախագահ Դոնալդ Թրամփի որոշմամբ, անցյալ տարվա մայիսին դուրս է եկել պայմանագրից և վերականգնել ու խստացրել է Իրանի նկատմամբ սահմանած պատժամիջոցները:Թրամփի համոզմամբ, Իրանն այդ համաձայնագրով ընդամենը փորձում է ժամանակ շահել միջուկային զենք ստեղծելու համար:

06:00 - 19 մայիսի, 2019

Սաուդական իշխանամետ ԶԼՄ-ներն ԱՄՆ-ին կոչ են արել «վիրաբուժական հարվածներ» հասցնել Իրանի ուղղությամբ |news.am|

Սաուդական իշխանամետ ԶԼՄ-ներն ԱՄՆ-ին կոչ են արել «վիրաբուժական հարվածներ» հասցնել Իրանի ուղղությամբ |news.am|

news.am: Սաուդյան Արաբիայի Arab News իշխանամետ թերթն ԱՄՆ-ին կոչ է արել «վիրաբուժական հարվածներ» հասցնել՝ ի պատասխան Իրանի սպառնալիքների:Հրապարկման մեջ ասվում է, որ սաուդական նավթային լցանավերի միջադեպից հետո հաջորդ քայլը դա պետք է լինի: Հրապարակման հեղինակները կարծում են, որ խաղաղ բնակիչների դեմ քիմիական զենքի կիրառման կասկածանքով Սիրիայի ուղղությամբ ԱՄՆ-ի ավիահարվածները «նախադեպ են ստեղծել»:«Պարզ է, որ ամերիկյան պատժամիջոցները տեղ չեն հասնում, առավել հզոր հարված է պետք»,- գործակալությունը հոդվածից մի հատված է մեջբերում:Թերթը հրատարակողը Saudi Research and Marketing Group ընկերությունն է, որը երկար ժամանակ ղեկավարվում էր թագավոր Սալմանի որդիների կողմից:

06:24 - 17 մայիսի, 2019

ԱՄՆ-ի հետ պատերազմ չի լինի. Համենեի |news.am|

ԱՄՆ-ի հետ պատերազմ չի լինի. Համենեի |news.am|

news.am: Իրանի հոգեւոր առաջնորդ Սեյեդ Ալի Համենեին հայտարարել է, որ ԱՄՆ-ի հետ պատերազմ չի լինի:Նրա խոսքով՝ ռազմական դիմակայություն չի լինի, քանի որ ո՛չ Իրանը, ո՛չ ԱՄՆ-ն չեն ձգտում պատերազմել, եւ ամերիկացիները գիտեն, որ պատերազմն անօգուտ է:

06:01 - 15 մայիսի, 2019

Իրանը միջուկային գործարքի դրույթներից 2-ն այլևս չի կատարի |panarmenian.net|

Իրանը միջուկային գործարքի դրույթներից 2-ն այլևս չի կատարի |panarmenian.net|

panarmenian.net։ Թեհրանը որոշել է մասնակիորեն կասեցնել Իրանի միջուկային ծրագրի շուրջ պարտավորությունններից մի քանիսի կատարումը: Այդ մասին հայտարարել է Իրանի նախագահ Հասան Ռոուհանին: «Մենք դադարեցնում ենք կատարել պայմանավորվածությունները 2 կետով: Դրանք վերաբերում են մեր ունեցած հարստացված ուրանի և ծանր ջրի վաճառքը 60 օրով կասեցնելուն», -ասել է նա, հայտնում է ՏԱՍՍ-ը PressTV-ի վրա հղումով: Ռոուհանին ասել է, որ «միջուկային գործարքը չի չեղարկվում, իսկ Իրանն էլ չի դուրս գալիս համաձայնագրից»: «Գործարքի մասնակից 5 երկրներին՝ ՌԴ-ին, Մեծ Բրիտանիային, Չինաստանին, ԱՄՆ-ին, Ֆրանսիային և Գերմանիային, ուղարկվել են համապատասխան նամակներ: Մենք 1 տարի սպասեցինք գործարքից դուրս գալու մասին ԱՄՆ որոշումից հետո, ինչպես խորհուրդ էին տվել մյուս մասնակինցերը, և կատարում էինք մեր բոլոր պարտավորությունները: Գործարքը չի փոխվել: Մենք պատրաստ ենք հետագայում ևս քննարկել այդ համաձայնագրի կատարումը»,-ասել է Իրանի նախագահը:

07:04 - 08 մայիսի, 2019

Թեհրանը Վաշինգտոնի հետ պատերազմ չի ցանկանում, բայց եթե ԱՄՆ-ն բախումներ սկսի, Իրանը կպաշտպանվի. Զարիֆ

Թեհրանը Վաշինգտոնի հետ պատերազմ չի ցանկանում, բայց եթե ԱՄՆ-ն բախումներ սկսի, Իրանը կպաշտպանվի. Զարիֆ

tert.am: Իրանի արտգործնախարար Մոհամադ Ջավադ Զարիֆը ria.ru-ի հետ զրույցում հայտնել է, որ Թեհրանը Վաշինգտոնի հետ պատերազմ չի ցանկանում, սակայն եթե ԱՄՆ-ն առաջինը բախումներ սկսի, Իրանը կպաշտպանվի: «Հավանաբար, նրանք, ովքեր 2003թ. սկսել են ԱՄՆ-ի պատերազմն Իրաքի հետ, ձգտում են մեկ այլ պատերազմ սկսել՝ այս անգամ արդեն Իրանի հետ: Բայց դա ինքնասպանություն է հենց նրանց համար: Նախագահ Դոնալդ Թրամփի կառավարությունում որոշ մարդիկ ջանքեր են գործադրում այդ պատերազմի սկսվելու համար, ինչը նրանց համար ինքնասպանությանը հավասարազոր բան է լինելու»,-ասել է Զարիֆը: Պատասխանելով լրագրողի այն հարցին, թե Իրանի և Միացյալ Նահանգների միջև պատերազմի սկսվելու ինչպիսի հավանականություն կա՝ արտգործնախարարն ընդգծել է, որ «Իրանը երբեք չի ցանկացել և չի էլ ցանկանա որևէ մեկի հետ պատերազմել, սակայն ամերիկյան կողմի հարձակման դեպքում ամբողջ ուժով պաշտպանելու է ազգային շահերն ու սեփական երկիրը»:

13:42 - 07 մայիսի, 2019

Իրանը շարունակելու է ուրան հարստացնել. Լարիջանի |azatutyun.am|

Իրանը շարունակելու է ուրան հարստացնել. Լարիջանի |azatutyun.am|

azatutyun.am: «Իրանը շարունակելու է ուրանի հարստացմանն ուղղված գործողությունները», - շաբաթ օրը նման հայտարարությամբ է հանդես եկել Իրանի խորհրդարանի խոսնակ Ալի Լարիջանին` նշելով, որ խաղաղ նպատակներով իրականացվող այս գործողություններն որևէ կերպ չեն խախտում միջազգային հանրության հետ 2015-ին կնքված համաձայնագրի դրութները: «Միջուկային համաձայնգիրը թույլ է տալիս, այսպես կոչված, «ծանր ջրի» արտադրությունը: Դա համաձայնագրի դրույթների խախտում չի համարվում», - հայտարարել է Լարիջանին: Իրանի խորհրդարանի խոսնակի այս հայտարարությունը հնչել է Սպիտակ տան նոր նախաձառենությանն ի պատասխան, որով Վաշինգտոնը փորձում է խոչընդոտել Իրանի կողմից խաղաղ նպատակներով ուրանի հարստացմանը:

12:16 - 05 մայիսի, 2019

Իրանը մտադիր է երկաթուղային ընկերություններ ստեղծել Ադրբեջանի և ՌԴ հետ համատեղ |panarmenian.net|

Իրանը մտադիր է երկաթուղային ընկերություններ ստեղծել Ադրբեջանի և ՌԴ հետ համատեղ |panarmenian.net|

panarmenian.net: Իրանը մտադիր է համատեղ երկաթուղային ընկերություններ ստեղծել Ադրբեջանի և ՌԴ հետ: Այդ մասին հայտարարել է Իրանի երկաթուղային ընկերության փոխտնօրեն Բաբակ Ահմադին, հայտնում է Trend-ը: Ըստ փոխտնօրենի, այդպիսով պայմաններ կստեղծվեն, որպեսզի Ռուսաստանն ավելացնի արտադրանքի տարանցումը հարևան երկրներ: Ահմեդին հավելել է, որ Իրանի եկամուտները երկաթուղային տարանցումից աճել են 77 տոկոսով: Ըստ Ահմադիի, միջազգային բեռնափոխադրումներն Իրանին միջինը 1,4 մլն ռիալ եկամուտ են բերում մեկ տոննա-կիլոմետրից:

10:01 - 02 մայիսի, 2019

Իրանական նավթի դեմ ԱՄՆ պատժամիջոցները չեն կարող դրականորեն ազդել ճգնաժամի վրա․ Կատար |news.am|

Իրանական նավթի դեմ ԱՄՆ պատժամիջոցները չեն կարող դրականորեն ազդել ճգնաժամի վրա․ Կատար |news.am|

Իրանական նավթի արտահանման հանդեպ պատժամիջոցներից ազատելը չերկարաձգելու մասին Վաշինգտոնի որոշումը վնաս է հասցնում այն երկրներին, որոնք հույսը դնում են այդ մատակարարումների վրա։ Այս մասին հայտարարել է Կատարի ԱԳ նախարար Մուհամմեդ Բին Աբդուլռահման Ալ Տանին՝ հատնում է Reuters-ը։ «Պատժամիջոցները պետք չէ երկարաձգել, քանի որ դրանք բացասական ազդեցություն են ունենում այն երկրների վրա, որոնք շահույթ են ստանում իրանական նավթից»,- հայտարարել է նա՝ հավելելով․ «Մենք չենք կարծում, որ միակողմանի պատժամիջոցները դրականորեն են ազդում ճգնաժամերի վրա, որոնք պետք է լուծվեն միայն երկխոսության եւ բանակցությունների ճանապարհով»։

05:46 - 02 մայիսի, 2019

Իրանը կշարունակի նավթ վաճառել՝ չնայած ԱՄՆ պատժամիջոցներին.Հասան Ռոհանի |azatutyun.am|

Իրանը կշարունակի նավթ վաճառել՝ չնայած ԱՄՆ պատժամիջոցներին.Հասան Ռոհանի |azatutyun.am|

Չնայած ամերիկյան պատժամիջոցներին՝ Իրանը կշարունակի նավթ վաճառել, հայտարարել է նախագահ Հասան Ռոհանին պետական հեռուստատեսությամբ հեռարձակված ելույթում: «Առաջիկա ամիսներին ամերիկացիներն իրենք կտեսնեն, որ մենք շարունակելու ենք նավթի արտահանումը», - ասել է Իրանի նախագահը՝ շարունակելով․ - «Ամերիկայի պատժամիջոցները սխալ են, և մենք թույլ չենք տա, որ դրանք իրականություն դառնան»:Ավելի վաղ՝ անցած շաբաթ, Վաշինգտոնը հայտարարել էր, թե վերացնում է մի շարք պետությունների համար արված բացառությունը, որով նրանք կարողանում էին նավթ գնել Իրանից՝ առանց սահմանափակումների: Սպիտակ տունը պնդում է, թե մտադիր է զրոյի հասցնել իրանական նավթի արտահանումները՝ զրկելու գործող վարչակազմին եկամուտներից, որոնք օգտագործվում են ահաբեկչության տարածման ու Մերձավոր Արևելքում իրավիճակը ապակայունացնելու համար:

07:38 - 30 ապրիլի, 2019

Իրանի ԱԳ նախարարը հայտնել է, թե ովքեր են ԱՄՆ-ին Իրանի հետ «կոնֆլիկտի մեջ ներքաշում» |tert.am|

Իրանի ԱԳ նախարարը հայտնել է, թե ովքեր են ԱՄՆ-ին Իրանի հետ «կոնֆլիկտի մեջ ներքաշում» |tert.am|

tert.am: Իրանի արտգործնախարար Մոհամադ Ջավադ Զարիֆն ամերիկյան Fox News հեռուստաալիքին տված հարցազրույցում հայտարարել է, որ ԱՄՆ նախագահի ազգային անվտանգության հարցերով խորհրդական Ջոն Բոլթոնը, ինչպես նաև Իսրայելը, Սաուդյան Արաբիան և Արաբական Միացյալ Էմիրությունները Վաշինգտոնին Թեհրանի հետ կոնֆլիկտի մեջ են ներքաշում: «Նրանք բոլորը շահագրգռվածություն են ցուցաբերել ԱՄՆ-ին կոնֆլիկտի մեջ ներքաշելու հարցում: Չեմ կարծում, որ նախագահ Թրամփը դա ցանկանում է, նա նախընտրական քարոզարշավի ժամանակ խոստացել էր Միացյալ Նահանգներին նոր պատերազմի չտանել»,- հայտարարել է արտգործնախարարը:

10:01 - 27 ապրիլի, 2019

Իրանական նավահանգստում քիմիական նյութերով բեռնված նավ Է շրջվել |armenpress.am|

Իրանական նավահանգստում քիմիական նյութերով բեռնված նավ Է շրջվել |armenpress.am|

Բեռնատար նավ Է շրջվել Իրանի Բենդեր-Աբաս քաղաքի նավահանգստում: Այդ մասին մարտի 19-ին հայտնել Է Mehr գործակալությունը: Նավի կարող Էր շրջվել «նավի անձնակազմի եւ բեռնմամբ ու բեռնաթափմամբ զբաղվող կապալառուի միջեւ անբավարար կոորդինացման պատճառով»,-նշում Է գործակալությունը: Հաղորդվում Է, որ նավի վրա բեռնվել Էր 153 կոնտեյներ, բեռների թվում կար կալիումի քլորիդ, կալցիումի կարբոնատ, պղնձի խտանյութ, տեխնիկական յուղեր, ինչպես նաեւ երկու բեռնարկղ գետնանուշ: 90-մետրանոց նավում, որը նավարկում Է Կոմորյան կղզիների դրոշի ներքո, գտնվում Էր անձնակազմի 14 անդամ: Նրանք բոլորն Էլ օտարերկրացիներ են, հիմնականում՝ Հնդկաստանի քաղաքացիներ, նշում են իրանական ԶԼՄ-ները: Տարբեր տվյալներով՝ վնասվածքներ են ստացել անձնակազմի 1-ից մինչեւ երեք անդամներ, հաղորդել Է «Ինտերֆաքս»-ը: armenpress.am

13:46 - 19 մարտի, 2019

Մոսկվան հույս ունի, որ շուտով Ռուսաստան-Ադրբեջան-Իրան ձևաչափով հանդիպում տեղի կունենա. Զախարովա |armenpress.am|

Մոսկվան հույս ունի, որ շուտով Ռուսաստան-Ադրբեջան-Իրան ձևաչափով հանդիպում տեղի կունենա. Զախարովա |armenpress.am|

armenpress.am: Մոսկվան ակնկալում է, որ մոտ ժամանակներս կհաջողվի հանդիպում կազմակերպել Ռուսաստան-Իրան-Ադրբեջան եռակողմ ձևաչափի շրջանակներում: Այս մասին այսօր կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Հուսով ենք, որ մոտ ապագայում հնարավոր կլինի հասնել փոխհամաձայնության եռակողմ հանդիպման օրակարգի և ժամկետների շուրջ: Մենք մեր հերթին պատրաստ ենք աջակցելու դրան», - ասել է դիվանագետը՝ պատասխանելով եռակողմ ձևաչափի հեռանկարները մեկնաբանելու խնդրանքին։ Զախարովան ուշադրություն է հրավիրել այն փաստին, որ Մոսկվան կարևոր նշանակություն է տալիս Ռուսաստան-Ադրբեջան-Իրան ձևաչափին։ «Այն արդեն իրեն դրսևորել է որպես փոխգործակցության արդյունավետ հարթակ՝ շեշտը դնելով տնտեսության, տրանսպորտի և էներգետիկայի ոլորտում համատեղ նախագծերի գործնական իրականացման վրա։ Մենք ակնկալում ենք, որ եռակողմ համագործակցությունը այսուհետ ևս ծանրակշիռ ավանդ կներդնի մեր երկրների միջև փոխշահավետ կապերի ամրապնդման և արդի պայմաններում մեծ պահանջարկ ունեցող կայուն տրանսպորտային ենթակառուցվածքի ստեղծման բնագավառում, ներառյալ՝ Հյուսիս-Հարավ միջազգային փոխադրամիջանցքը», - ասել է Զախարովան: Դիվանագետը նշել է, որ «դա կարևոր է ինչպես «եռյակի» ապրանքաշրջանառության հետագա մեծացման, այնպես էլ անխափան տարանցիկ փոխադրումների ապահովման տեսանկյունից՝ ելնելով երեք պետությունների շահերից»:

00:00 - 01 հունվարի, 0001