Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Իրանի ԱԳՆ-ն Բրիտանիային կոչ է արել ազատել Ջիբրալթարում կալանված լցանավը

aysor.am։ Թեհրանը Լոնդոնին կոչ է անում հնարավորինս արագ վերացնել Ջիբրալթարում (Պիրենեյան թերակղզու ափին, Մեծ Բրիտանիայի տարածք) լցանավի կալանավորումը, հայտարարել է Իրանի արտաքին գործերի նախարարության պաշտոնական ներկայացուցիչ Աբաս Մուսավին: «Մենք նաև պնդում ենք, որ անհրաժեշտ է հնարավորինս արագ ազատել լցանավը, քանի որ այդ քայլը բոլոր կողմերի օգտին է», - Մուսավիի խոսքը մեջբերում է «IRNA» գործակալությունը։ Նա ավելացրել է, որ հակառակ դեպքում «Մեծ Բրիտանիան ռիսկ է անում ներքաշվել վտանգավոր խաղի մեջ»: ԱԳՆ ներկայացուցչի խոսքով՝ «փաստաթղթերը վկայում են, որ, ի հեճուկս կալանման օրինականության մասին Լոնդոնի հայտարարությունների, նման գործողություններն արդարացված չեն օրինական տեսակետից»:

14:17 - 12 հուլիսի, 2019

Իրանը պատասխանել է Նեթանյահուի սպառնալիքներին |news.am|

news.am: Իրանը պատասխանել է Իսրայելի վարչապետ Բենիամին Նեթանյահուի սպառնալիքներին։ Իրանի պաշտպանության նախարար, բրիգադի գեներալ Ամիր Հաթամին նախազգուշացրել է, որ Իրանի դեմ ցանկացած թշնամական քայլ ջախջախիչ հարված կստանա, տեղեկացնում է Tasnim-ը։ Նա նշել է, որ Նեթանյահուի սպառնալիքները ՄԱԿ Կանոնադրության 2-րդ հոդվածի ակնհայտ խախտում են, որն արգելում է սպառնալիքը կամ ուժի կիրառումն ընդդեմ ցանկացած պետության տարածքային ամբողջականության կամ քաղաքական անկախության։ Նախարարն ընդգծել է, որ Իրանն իրեն ինքնապաշտպանության օրինական իրավունք է վերապահում իսլամական դավանանքի, պաշտպանական ռազմավարության եւ ՄԱԿ Կանոնադրության 5-րդ հոդվածի հիման վրա։ Նրա խոսքով՝ Իրանի ԶՈւ-ն անհրաժեշտության դեպքում կարող է հասցնել ջախջախիչ հարված ցանկացած թշնամու, որը կխախտի իրանական սահմանը եւ տարածքային ամբողջականությունը։ Գեներալը նաեւ կոչ է արել Իրանի արտաքին գործերի նախարարությանն իրավական միջոցներ ձեռնարկել Իսրայելի սպառնալիքների դեմ ՄԱԿ Անվտանգության խորհրդի միջոցով եւ ստիպել միջազգային հանրությանը լուրջ արձագանք ցուցաբերել Իսրայելի նման գործողություններին՝ միջազգային խաղաղության եւ անվտանգության սկզբունքներին համապատասխան։

09:57 - 12 հուլիսի, 2019

Այն, ինչ նրանք ասում են, լարվածություն ստեղծելու նպատակ է հետապնդում. Իրանի ԱԳՆ-ն պատասխանել է բրիտանական նավին կանգնեցնելու մասին մեղադրանքներին |tert.am|

tert.am։ Իրանի արտգործնախարար Մոհամադ Ջավադ Զարիֆն արձագանքել է Հորմուզի նեղուցում 5 զինված իրանական նավի կողմից բրիտանական լցանավին կանգնեցնելու մասին մեղադրանքներին` հերքելով դրանք, գրում է Reuters գործակալությունը: «Այն, ինչ նրանք ասում և պնդում են, լարվածություն ստեղծելու նպատակ է հետապնդում և որևէ արժեք չունի»,- հայտարարել է Զարիֆը: Ավելի վաղ CNN հեռուստաալիքը հաղորդել էր, որ բրիտանական նավն իրանական կողմից հարձակման է ենթարկվել այն ժամանակ, երբ դուրս է եկել Պարսից ծոցից և ուղևորվել դեպի Հորմուզի նեղուց: Իսլամական հեղափոխության պահապանների կորպուսի անդամները հետապնդելով հասել են նավին՝ հրամայելով փոխել ուղղությունը: Դրան ի պատասխան բրիտանական կողմը պահանջել է, որ իրանական ուժերը չխանգարեն իրենց, բանավոր նախազգուշացում է հնչեցրել և դեպի իրանական լցանավն ուղղված զենք ցուցադրել, ինչից հետո իրանական նավերը ստիպված են եղել նահանջել:

07:20 - 11 հուլիսի, 2019