Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Մեծ Բրիտանիան որոշել է ԱՄՆ-ի հետ համատեղ զսպել Իրանին |tert.am|

Մեծ Բրիտանիան որոշել է ԱՄՆ-ի հետ համատեղ զսպել Իրանին |tert.am|

tert.am: Մեծ Բրիտանիայի ծովային ստորաբաժանումները միացել են Միացյալ Նահանգների գլխավորությամբ միջազգային կոալիցիային՝ Հորմուզի նեղուցի ջրային տարածքը հսկելու համար՝ այդ տարածաշրջանում նավագնացությունը պաշտպանելու նպատակով, հայտնում է News Sky-ը՝ Մեծ Բրիտանիայի պաշտպանության նախարարությանը հղումով: «Թագավորական նավատորմը կհամագործակցի ԱՄՆ ռազմածովային ուժերի հետ Հորմուզի նեղուցում առևտրային նավերի անվտանգությունն ապահովելու համար»,- ասված է Մեծ Բրիտանիայի պաշտպանության նախարարության հայտարարության մեջ:

06:48 - 06 օգոստոսի, 2019

Իրանը կալանքի տակ է առել է ևս մեկ օտարերկրյա տանկեր |shantnews.am|

Իրանը կալանքի տակ է առել է ևս մեկ օտարերկրյա տանկեր |shantnews.am|

shantnews.am։ Իրանի զինված ուժերի կազմավորումները Պարսից ծոցում կալանքի են ենթարկել օտար պետության դրոշի տակ նավարկող ևս մեկ տանկեր։ Այս մասին հայտնել է հենց իրանական կողմը՝ տեղական իշխանամերձ լրատվամիջոցներից մեկը։ Հրապարակումների համաձայն՝ նավը կալանքի տակ է առնվել մաքսանենգ ճանապարհով դեպի արաբական երկրներ վառելիք տեղափոխելու պատճառով։ Նավի մեջ եղել է 700 հազար լիտր վառելիք, որի տեսակը չի հստակեցվում։ Այս «տանկերային պատերազմը», հիշեցնենք, սկսվել է նրանից, որ բրիտանացի իրավապահները Միջերկրական ծովում կալանքի տակ են առել Իրանին պատկանող տանկեր։ Դրանից հետո Իրանը Պարսից ծոցի տարածքում կալանքի տակ է առել մի քանի արտասահմանյան տանկերներ, որոնք այս կամ այն կերպ կապված են եղել Բրիտանիայի հետ։

09:50 - 04 օգոստոսի, 2019

Ռուսաստան-Իրան-Թուրքիա գագաթնաժողովին կհայտարարի Սիրիայի սահմանադրական կոմիտեի ստեղծման մասին |news.am|

Ռուսաստան-Իրան-Թուրքիա գագաթնաժողովին կհայտարարի Սիրիայի սահմանադրական կոմիտեի ստեղծման մասին |news.am|

news.am։ Սիրիայի սահմանադրական կոմիտեի ստեղծման մասին կհայտարարվի առաջիկա Ռուսաստան-Իրան-Թուրքիա գագաթնաժողովին, հայտնում է ՏԱՍՍ-ը՝ վկայակոչելով Նուր-Սուլթանում բանակցությունների կազմակերպմանն իրազեկ աղբյուրին: «Սահմանադրական կոմիտեի ձեւավորման ուղղությամբ աշխատանքն առաջ է ընթանում, - ասել է զրուցակիցը: Դրա ստեղծման մասին նախատեսվում է հայտարարել աստանյան ձեւաչափով առաջիկա գագաթնաժոովին»:

14:13 - 01 օգոստոսի, 2019

Իրանը միակողմանի կարգով չեղարկել է Չինաստանի հետ վիզային ռեժիմը |tert.am|

Իրանը միակողմանի կարգով չեղարկել է Չինաստանի հետ վիզային ռեժիմը |tert.am|

tert.am։ Իրանը միակողմանի կարգով չեղարկել է Չինաստանի հետ վիզային ռեժիմը՝ ներառյալ հատուկ վարչական շրջաններ Հոնկոնգի և Մակաոյի բնակիչների համար, գրում է РИА Новости-ն՝ Չինաստանում Իրանի դեսպանատան հաղորդմանը հղումով: Հաղորդման համաձայն՝ Չինաստանի քաղաքացիներն այսուհետ կկարողանան զբոսաշրջային և բիզնես ուղևորությունների նպատակով առանց վիզայի Իրանի Իսլամական Պետության տարածք մուտք գործել, ընդ որում՝ յուրաքանչյուր մուտքից հետո երկրի տարածքում թույլատրվում է մնալ ոչ ավել, քան 21 օր: Դեսպանատունը զգուշացրել է, որ Իրանում չեն գործում UnionPay, Visa և Mastercard կրեդիտ քարտերը, ինչպես նաև չի թույլատրվում երկրի տարածքից տանել ալկոհոլային խմիչքներ, խոզի միս, զենք, զինամթերք, պոռնոգրաֆիկ բնույթի գրքեր և ամսագրեր, ինչպես նաև իսլամի կամ Իրանի Իսլամական Հանրապետության հասցեին քննադատություն պարունակող գրքեր:

07:46 - 31 հուլիսի, 2019

Դիվանագիտությունը խելամտություն է, ոչ թե թուլության. Իրանի ԱԳ նախարարը՝ Թրամփին |news.am|

Դիվանագիտությունը խելամտություն է, ոչ թե թուլության. Իրանի ԱԳ նախարարը՝ Թրամփին |news.am|

news.am: Իրանի ԱԳՆ Մոհամադ Ջավադ Զարիֆը կոչ է արել ԱՄՆ-ի նախագահ Դոնալդ Թրամփին հերքել «B թիմի» եւ հավերժ պատերազմի ծարավի մասին կեղծ պատմությունը, հաղորդում է ԻՌՆԱ-ն: «Հազարամյակներ շարունակ իրանցիները հաղթել են բոլոր ագրեսորներին: Սակայն ԱՄՆ-ը ծախսել է 7 տրիլիոն դոլար եւ թափել արյան ծովեր մեր տարածաշրջանում Վիետնամից հետո իր ամենամեծ ձախողման շրջանակում»,-գրել է Զարիֆը թվիթերյան իր էջում: «Դոնալդ Թրամփ, հերքեք B-թիմի կեղծ պատմությունը եւ հավերժ պատերազմի ծարավը: Դիվանագիտությունը համարժեք է խելամտությանը, ոչ թե թուլությանը»,-հավելել է Զարիֆը:

05:51 - 31 հուլիսի, 2019

Թեհրանի նախկին քաղաքապետը մահապատժի է դատապարտվել |tert.am|

Թեհրանի նախկին քաղաքապետը մահապատժի է դատապարտվել |tert.am|

tert.am: Թեհրանի նախկին քաղաքապետ և Իրանի նախկին փոխնախագահ Մոհամադ Ալի Նաջաֆին կնոջ սպանության համար մահվան է դատապարտվել, գրում է Mehr գործակալությունը՝ դատական մարմինների պաշտոնական ներկայացուցիչներին հղումով: Նաջաֆին մեղավոր է ճանաչվել անցած տարվա մայիսին Թեհրանի հյուսիսում՝ էլիտար թաղամասերից մեկի բնակելի շենքում կնոջը սպանելու համար: Նա ինքն էր հանձնվել իրավապահ մարմիններին և խոստովանել հանցանքը՝ հայտարարելով, որ այն կատարել է ընտանեկան խնդիրների հողի վրա:

12:45 - 30 հուլիսի, 2019

Թեհրանը Չինաստանին եւ այլ երկրների կոչ է արել ավելի շատ իրանական նավթ գնել |news.am|

Թեհրանը Չինաստանին եւ այլ երկրների կոչ է արել ավելի շատ իրանական նավթ գնել |news.am|

news.am: Թեհրանում հուսով են, որ Չինաստանն ու այլ բարեկամական երկրներ ավելի շատ իրանական նավթ կգնեն: Այս մասին այսօր հայտարարել է Իրանի փոխնախագահ Էսհակ Ջահանգիրին Չինաստանի Կոմունիստական կուսակցության բարձրաստիճան ներկայացուցիչների հետ հանդիպման ժամանակ, հաղորդում է ՏԱՍՍ-ը: «Մենք ակնկալում ենք, որ Չինաստանն ու այլ բարեկամական երկրներ՝ չնայած արտաքին սահմանափակումներին, ավելի շատ իրանական նավթ ու գազ կգնեն, քանի որ Թեհրանն ունի այդ կարեւորագույն հումքերի աշխարհի ամենախոշոր պաշարները»,- ասել է նա՝ հավելելով, որ Իրանը պատրաստ է Չինաստանին բնական գազ վաճառել Պակիստանի տրանզիտային խողովակաշարի միջով: «ԱՄՆ-ը հնարավոր է համարում իրանական նավթի առեւտրի զրոյականացումը, սակայն մենք տեսնում ենք, որ ամերիկյան էմբարգոյի սահմանումից մեկ տարի անց երկրում տնտեսական վիճակը կայուն է մնում»,- հավելել է նա:

05:41 - 30 հուլիսի, 2019

ԱՄՆ պաշտպանության նախարարը հայտարարել է Իրանի հետ բանակցելու պատրաստակամության մասին |news.am|

ԱՄՆ պաշտպանության նախարարը հայտարարել է Իրանի հետ բանակցելու պատրաստակամության մասին |news.am|

news.am։ ԱՄՆ պաշտպանության նոր նախարար Մարկ Էսփերը, որը պաշտոնում հաստատվել է երեքշաբթի օրը, հայտարարել է, որ ԱՄՆ-ը չի ցանկանում լարվածության հետագա թեժացում Պարսից ծոցի շրջանում եւ պատրաստ է բանակցել Իրանի հետ առանց նախապայմանների, տեղեկացնում է ՌԻԱ «Նովոստի»-ն։«Մենք չենք ցանկանում լինել մի իրավիճակում, երբ պատահում են սադրանքներ, երբ զավթվում են նավեր եւ տեղի են ունենում ինչ-որ նման բաներ, եւ երբ լարվածությունը խորանում է։ Մենք փորձում ենք հասնել լիցքաթափման»,- ասել է Էսփերը լրագրողներին։Որպես օրինակ նա նշել է իրանական լցանավի կալանումը Ջիբրալթարում բրիտանական իշխանությունների կողմից եւ բրիտանական լցանավի կալանումը Իրանի կողմից։ «Դա դառնում է ակն ընդ ական։ Եվ մենք ցանկանում ենք խուսափել նման իրավիճակներից»,- ասել է Էսփերը։«Մեր ազդանշանը նրանց (Իրանին) շատ պարզ է, որ առանց որեւէ նախապայմանի ցանկացած ժամանակ, ցանկացած տեղում մենք ցանկանում ենք հանդիպել եւ խոսել այն մասին, թե ինչպես կարող ենք վերադառնալ բանակցություններին»,- ավելացրել է նախարարը։Լրագրողների հետ Էսփերի խոսակցության սղագրությունը տարածել է Պենտագոնի մամուլի ծառայությունը։Ավելի վաղ Իրանի հետ բանակցությունների պատրաստակամության մասին հայտնել էին ԱՄՆ նախագահ Դոնալդ Թրամփը եւ պետքարտուղար Մայք Պոմպեոն։ Չնայած Վաշինգտոնում պաշտոնապես նախապայմաններ չեն առաջադրում՝ հնարավոր բանակցությունների թեմատիկան չի բավարարում Թեհրանին. Թրամփը ցանկանում է կնքել նոր պայմանագիր 2015-ի «միջուկային գործարքի» փոխարեն, որից ԱՄՆ-ը դուրս է եկել անցած տարի։ Այս փաստաթղթում, ամերիկյան ղեկավարի կարծիքով, պետք է արտացոլվեն քաղաքականությունը փոխելու Իրանի ինչ-որ պարտավորություններ, առաջին հերթին՝ հրաժարում արտասահմանում «ահաբեկչությանն աջակցելուց»։ Բացի այդ, մի շարք պահանջներ վերաբերում են երկրի ներքին քաղաքականությանը։ Հակառակ դեպքում ԱՄՆ-ը սպառնում է ուժեղացնել պատժամիջոցների քաղաքականությունն Իրանի դեմ։ Իսլամական հանրապետության իշխանությունները հերքում են ահաբեկչության աջակցության մասին մեղադրանքները եւ պահանջում դադարեցնել ԱՄՆ միջամտությունը երկրի իրավիճակին։

07:13 - 25 հուլիսի, 2019

Իրանի ԱԳՆ-ում անընդունելի են անվանել Թրամփի հայտարարությունը Աֆղանստանում պատերազմի մասին |news.am|

Իրանի ԱԳՆ-ում անընդունելի են անվանել Թրամփի հայտարարությունը Աֆղանստանում պատերազմի մասին |news.am|

news.am։ Իրանի արտաքին քաղաքական գերատեսչության պաշտոնական ներկայացուցիչ Աբաս Մուսավին չորեքշաբթի «միանգամայն անընդունելի» է անվանել ԱՄՆ նախագահ Դոնալդ Թրամփի արտահայտությունը Վաշինգտոնի՝ Աֆղանստանում հաշված օրերում պատերազմը շահելու կարողության մասին, տեղեկացրել է IRNA գործակալությունը։ Ըստ Մուսավիի՝ նման հայտարարությունները սպառնալիք են միջազգային անվտանգությանը։ Նա ընդգծել է, որ Իրանը կանգնած է աֆղան ժողովրդի եւ նրա կառավարության կողքին։ Երկուշաբթի Դոնալդ Թրամփը Սպիտակ տանը հանդիպել է Պակիստանի վարչապետ Իմրան Խանի հետ։ Հանդիպման ժամանակ ԱՄՆ նախագահն ասել է, որ Վաշինգտոնը կարող էր մի քանի օրում հաղթել պատերազմն Աֆղանստանում, բայց չի ցանկանում «10 մլն մարդ սպանել»։ Երեքշաբթի Քաբուլը Վաշինգտոնից բացատրություններ է պահանջել Թրամփի դիրքորոշման վերաբերյալ։

07:07 - 24 հուլիսի, 2019

Իրանը հայտարարում է ամերիկյան լրտեսական ցանցի բացահայտման մասին |azatutyun.am|

Իրանը հայտարարում է ամերիկյան լրտեսական ցանցի բացահայտման մասին |azatutyun.am|

azatutyun.am: Իրանի իշխանությունները հայտարարել են ամերիկյան լրտեսական ցանցի բացահայտման մասին: Իրանի հատուկ ծառայությունների կողմից այսօր տարածած հաղորդագրության համաձայն, ցանցում ընդգրկված 17 կասկածյալները համագործակցել են ԱՄՆ Կենտրոնական հետախուզական վարչության հետ: «Ձերբակալվածներից ոմանք դատապարտվել են մահվան, ոմանք՝ երկարատև ազատազրկման», - նշել են Իրանի Անվտանգության նախարարությանը մոտ կանգնած աղբյուրները: «Բացահայտված լրտեսները աշխատում էին կարևորագույն նշանակություն ունեցող մասնավոր կառույցներում, ինչպես նաև միջուկային էներգիայի, ենթակառույցների, կիբերանվտանգության ոլորտներում, նաև բանակում: Նրանք զբաղված էին գաղտնի տեղեկատվության հավաքագրմամբ», - պնդում են իրանական աղբյուրները:

12:06 - 22 հուլիսի, 2019

Իրանում 17 լրտեսի են ձերբակալել. նրանց կասկածում են ամերիկյան ԿՀՎ-ի համար աշխատելու մեջ |factor.am|

Իրանում 17 լրտեսի են ձերբակալել. նրանց կասկածում են ամերիկյան ԿՀՎ-ի համար աշխատելու մեջ |factor.am|

factor.am։ Իրանի Հետախուզության նախարարությունը հայտնել է 17 լրտեսի բացահայտման և ձերբակալության մասին, որոնք աշխատել են ԱՄՆ Կենտրոնական հետախուզական վարչության (ԿՀՎ) համար: Այս մասին գրում է ԻՌՆԱ-ն: Աղբյուրի փոխանցմամբ՝ նրանց դատավճիռներն արդեն հայտնի են, մի քանիսը մահապատժի կենթարկվեն: Նշվում է նաև, որ լրտեսների ձերբակալել են վերջին մեկ տարվա ընթացքում: Ձերբակալությունների մասին հայտնի է դարձել Իրանի և ԱՄՆ-ի հարաբերությունների սրման ֆոնին:

08:34 - 22 հուլիսի, 2019

Իրանի նավթային լցանավն ազատ է արձակվել Սաուդյան Արաբիայի Ջիդա նավահանգստից |news.am|

Իրանի նավթային լցանավն ազատ է արձակվել Սաուդյան Արաբիայի Ջիդա նավահանգստից |news.am|

news.am: Կիրակի Իրանի ճանապարհների եւ քաղաքաշինության նախարար Մոհամադ Էսլամին հայտնել էր նավթային լցանավի ազատման մասին, որը ձերբակալվել էր մայիսին Սաուդյան Արաբիայի Ջիդա նավահանգստում, հաղորդում է ԻՌՆԱ-ն: Նրա խոսքով՝ շաբաթ Happiness 1 նավթային լցանավը Ջիդա նավահանգստից ուղեւորվել է դեպի Պարսից ծոց: Իրանյան նավթային լցանավը, որը Կարմիր ծովով տեղափոխվում էր դեպի Սուեզի ջրանցք, վթարվել էր Ջիդա նավահանգստի մերձակայքում: Իրանյան նախարարը նաեւ նշել էր Իրանում նավթային լցանավի վերանորոգման մասին:

05:41 - 22 հուլիսի, 2019

ՆԱՏՕ-ն Իրանին կոչ է անում ազատ արձակել զավթած նավերը |tert.am|

ՆԱՏՕ-ն Իրանին կոչ է անում ազատ արձակել զավթած նավերը |tert.am|

tert.am: Հյուսիսատլանտյան պայմանագրի կազմակերպությունը (ՆԱՏՕ) դատապարտում է Իրանի կողմից երկու նավթային տանկերների կալանումը և Իրանի իշխանություններին կոչ է անում ազատ արձակել նավերն ու անձնակազմի անդամներին: Այս մասին հաղորդում է ria.ru-ն՝ վկայակոչելով ՆԱՏՕ-ի պաշտոնական ներկայացուցիչ Օանա Լունգեսկուի հայտարարությունը: «Մենք դատապարտում ենք Հորմուզի նեղուցում երկու առևտրային նավերի զավթումը: Սա հստակ մարտահրավեր է նավարկության միջազգային ազատությանը: Մենք կոչ ենք անում Իրանին անհապաղ ազատ արձակել կալանված նավերն ու նրանց անձնակազմի անդամներին: Միացյալ Թագավորությունը, իր գործողություններով, պարզ հասկացրել է, որ իր առաջնահերթությունն է իրավիճակը կարգավորել երկխոսության և դիվանագիտության միջոցով: ՆԱՏՕ-ն աջակցում է այդ իրադրության կարգավորման բոլոր դիվանագիտական ջանքերին»,-ասված է հայտարարության մեջ, որը հրապարակվել Է ՆԱՏՕ-ի կայքում:

07:24 - 21 հուլիսի, 2019

Թեհրանում հերքել են Հորմուզի նեղուցում իրանական անօդաչուի ոչնչացումը |armenpress.am|

Թեհրանում հերքել են Հորմուզի նեղուցում իրանական անօդաչուի ոչնչացումը |armenpress.am|

armenpress.am։ Թեհրանը ոչ մի անօդաչու թռչող ապարատ չի կորցրել ո՛չ Հորմուզի նեղուցում, ո՛չ Էլ որեւԷ այլ տեղ: Այդ մասին հայտարարել Է Իրանի արտաքին գործերի փոխնախարար Աբաս Արագչին՝ մեկնաբանելով ԱՄՆ-ի նախագահ Դոնալ Թրամփի այն հայտարարությունները, թե ամերիկացի զինվորականները հուլիսի 18-ին Որմզդի նեղուցում իրանական անօդաչու են խոցել: «Մենք ոչ մի անօդաչու չենք կորցրել ո՛չ Հորմուզի նեղուցում, ո՛չ Էլ որեւԷ այլ տեղ,- հուլիսի 19-ին գրել Է Արագչին իր Twitter-ում:- Ես վախենում եմ, որ ԱՄՆ-ի (ռազմածովային ուժերի դեսանտային նավը) Boxer-ը սխալմամբ խոցել Է իր անօդաչուն»: Ինչպես ավելի վաղ հայտնել Է Թրամփը, ԱՄՆ-ի ռազմածովային ուժերի Boxer դեսանտային նավը հուլիսի 18-ին Հորմուզի նեղուցում խոցել Է Իրանի անօդաչու, որը, զինվորական հրամանատարության վարկածով՝ շատ Է մոտեցել նավին, ինչպես նաեւ «սպառնացել Է նավի եւ նրա անձնակազմի անվտանգությանը», հաղորդել Է ՏԱՍՍ-ը:

07:00 - 19 հուլիսի, 2019

Իրանի ԱԳՆ-ն դատապարտել է Իրաքում թուրքական գլխավոր հյուպատոսության աշխատակիցների դեմ իրականացված ահաբեկչական հարձակումը |tert.am|

Իրանի ԱԳՆ-ն դատապարտել է Իրաքում թուրքական գլխավոր հյուպատոսության աշխատակիցների դեմ իրականացված ահաբեկչական հարձակումը |tert.am|

tert.am: Թեհրանը վճռականորեն դատապարտում է իրաքյան Էրբիլում Թուրքիայի գլխավոր հյուպատոսության աշխատակիցների դեմ իրականացված ահաբեկչական հարձակումը: РИА Новости-ի փոխանցմամբ՝ այս մասին հայատարարել է Իրանի ԱԳՆ պաշտոնական ներկայացուցիչ Աբաս Մուսավին: Վերջինս ցավակցություն է հայտնել Թուրքիայի կառավարությանն ու ժողովրդին, ինչպես նաև զոհերի ընտանիքներին: «Ահաբեկչությունը սարսափելի երևույթ է, որը զգալի վնաս է հասցրել տարածաշրջանի երկրներին: Դրան դիմակայելու միակ ճանապարհը միջազգային հանրության համատեղ պայքարն է ահաբեկչական խմբավորումների դեմ», - ասել է Մուսավին՝ ընդգծելով, որ անհրաժեշտ է վերջ դնել ահաբեկիչների քաղաքական, ֆինանսական և գաղափարախոսական աջակցությանը:

05:51 - 18 հուլիսի, 2019

Իրանի դեմ ուղղված ԱՄՆ-ի ծրագրերը տապալվել են.Հասան Ռոուհանի |news.am|

Իրանի դեմ ուղղված ԱՄՆ-ի ծրագրերը տապալվել են.Հասան Ռոուհանի |news.am|

news.am: Իրանի նախագահ Հասան Ռոուհանին հայտարարել է, որ ԻԻՀ-ի դեմ ուղղված ԱՄՆ-ի ծրագրերը տապալվել են, հաղորդում է Tasnim-ը: Շիրվան քաղաքում իր ելույթի ժամանակ Իրանի նախագահն ընդգծել է, որ չնայած 14 ամիս շարունակ Իրանի դեմ կիրառվող ԱՄՆ-ի կոշտ պատժամիջոցներին՝ իրանյան ժողովուրդը կայուն դիմադրել է եւ չի հանձնել իր դիրքերը: «14 ամիսների ընթացքում աշխարհում խոշորագույն տնտեսական եւ ռազմական ուժը գործադրել է շատ կոշտ պատժամիջոցներ Իրանի նկատմամբ: Եթե այդ պատժամիջոցները կիրառվեին ցանկացած այլ ժողովրդի դեմ, դրանք կկործանեին այդ ժողովրդին, սակայն իրանցիները կայուն են»,-հայտարարել է Ռոուհանին: Նրա խոսքով՝ ԱՄՆ-ի կառավարությունը պարտություն է կրել բոլոր ուղղություններով, որոնք ընտրել էր իրանյան ժողովրդին հարվածելու համար:

06:13 - 15 հուլիսի, 2019