Ղազախստան

Ռուսաստանը հանել է 8 երկիր, այդ թվում՝ Հայաստան թռիչքի համար սահմանված կորոնավիրուսային սահմանափակումները |armtimes.com|

armtimes.com: Ռուսաստանը հանել է կորոնավիրուսային համավարակի պատճառով մտցրած սահմանափակումները դեպի Հայաստան, Ղազախստան, Ղրղզստան, Տաջիկստան, Թուրքմենստան, Ուզբեկստան, Ադրբեջան և Իրան թռիչքների համար: Այս մասին հայտնում է «Ռոսավիացիա»-ն՝ նշելով. «2022թ. մարտի 9-ին, ՌԴ կառավարության որոշման համապատասխան, հանվել են ավելի վաղ COVID-19-ի տարածման կանխման շրջանակում մտցված սահմանափակումները Ադրբեջան, Հայաստան, Ղազախստան, Ղրղըզստան, Տաջիկստան, Թուրքմենստան, Ուզբեկստան և Իրան կանոնավոր և ոչ կանոնավոր թռիչքների համար»: Նշվում է նաև, որ թռիչքները կիրականացվեն փոխադարձության սկզբունքով, ըստ օդային հաղորդակցության մասին երկկողմ միջկառավարական դրույթների և առանձին պայմանավորվածությունների։

13:13 - 11 մարտի, 2022

Ռուսաստանը տարածքային հավակնություններ չունի մեր երկրի նկատմամբ. Ղազախստանի ԱԳՆ |armenpress.am|

armenpress.am: Ռուսաստանը ոչ մի տարածքային հավակնություն չունի Ղազախստանի նկատմամբ, դրանում նախագահ Քասըմ Ժոմարտ Տոկաեւին հավաստիացրել են ամենաբարձր մակարդակով: Այդ մասին հայտարարել Է Ղազախստանի արտաքին գործերի նախարար Մուխթար Տլեուբերդին: Նրան խնդրել են մեկնաբանել Ռուսաստանի ղեկավարությանն ուղղված ՌԴ կոմկուսի առաջնորդ Գենադի Զյուգանովի կոչերը՝ պաշտպանելու Ղազախստանի հյուսիսային տարածաշրջանների ռուսալեզու բնակիչներին, որը «շատ բանով մնում Է ռուսական»: «Մեր նախագահի՝ Մոսկվա կատարած աշխատանքային այցի ընթացքում ամենաբարձր մակարդակով հաստատվել Է այն մասին, որ Ռուսաստանը ոչ մի տարածքային հավակնություն չունի Ղազախստանի նկատմամբ»,-ասել Է ԱԳՆ-ի ղեկավարը: «Մեր պետությունների միջեւ կա անհրաժեշտ իրավական բազա, մեր սահմաններն անցել են սահմանագծում, այժմ ընթանում Է սահմանազատման գործընթացը: Սահմանազատման գործընթացը կավարտվի 2-3 տարում»,-նշել Է Տլեուբերդին, հաղորդել Է «Ինտերֆաքս»-ը:

14:19 - 10 մարտի, 2022

Ղազախստանը կոչ է անում Ռուսաստանին և Ուկրաինային ընդհանուր լեզու գտնել

Ղազախստանը Ռուսաստանին և Ուկրաինային կոչ է անում ընդհանուր լեզու գտնել հակամարտության կարգավորման համար և պատրաստ է անհրաժեշտության դեպքում հանդես գալու որպես միջնորդ, գրում է ТАСС-ը։ Այս մասին այսօր հայտարարել է Ղազախստանի նախագահ Կասիմ-Ժոմարտ Տոկաևը։ «Մեր դիրքորոշումը պետք է բխի մեր անվտանգության, ինքնիշխանության և տարածքային ամբողջականության ապահովման ծայրահեղ անհրաժեշտությունից։ Որպես երկիր, որը 2010 թ-ին ընդունել է ԵԱՀԿ գագաթաժողովը, մենք ընդգծում ենք եվրասիական անվտանգության անքակտելիության սկզբունքի կարևորությունը։ Այս մասին ես հայտարարել եմ փետրվարի 10-ին՝ Մոսկվա կատարած այցիս ընթացքում»,- ասել է նա։ Նրա խոսքով՝ նման սկզբունքը ենթադրում է փոխըմբռնում փոխադարձ վստահության հիման վրա։ «Ցավոք, նման բան տեղի չունեցավ։ Մինսկի համաձայնագրերը թղթի վրա մնացին, ինչը հանգեցրեց Ուկրաինայի տարածքում ռազմական գործողությունների։ Մենք երկու պետություններին կոչ ենք անում ընդհանուր լեզու գտնել բանակցությունների սեղանի շուրջ, պայմանավորվածության և համաձայնության գալ։ Ղազախստանն, իր հերթին, պատրաստ է ցանկացած աջակցություն ցուցաբերել, այդ թվում՝ միջնորդական ծառայություններ, եթե կարիքը լինի», - նշել է պետության ղեկավարը։ Տոկաևը նաև հիշեցրել է, որ արդեն մի շարք աշխատանքային խորհրդակցություններ է անցկացրել Անվտանգության խորհրդում և հստակ խնդիրներ դրել կառավարության առջև, որոնք վերաբերում են Ղազախստանի կայուն սոցիալ-տնտեսական զարգացման ապահովմանն աննախադեպ պատժամիջոցային իրավիճակում։ «Մեր տնտեսությունը պետք է պատրաստ լինի դիմակայելու պատժամիջոցային մարտահրավերներին՝ ճգնաժամային իրավիճակում անխափան աշխատանք ապահովելու համար։ Կարծում եմ՝ մենք բոլորս միասին կհաղթահարենք հնարավոր դժվարություններն ու մարտահրավերները։ Դրանց բարդությունը չի կարելի թերագնահատել, բայց գերագնահատել նույնպես պետք չէ»,- նշել է Ղազախստանի նախագահը։ Նորա Վանյան

12:17 - 01 մարտի, 2022

ԱԽ քարտուղարը հանդիպել է Հայաստանում Ղազախստանի արտակարգ և լիազոր դեսպան Իմանբաև Բոլատ Բարիևիչի հետ

Փետրվարի 25-ին ԱԽ քարտուղար Արմեն Գրիգորյանը հանդիպել է Հայաստանում Ղազախստանի Հանրապետության արտակարգ և լիազոր դեսպան Իմանբաև Բոլատ Բարիևիչի հետ: Այս մասին հայտնում է ՀՀ ԱԽ-ն։Հանդիպման սկզբում դեսպանը բարձր է գնահատել Հայաստանի և Ղազախստանի միջև ինչպես առևտրատնտեսական հարաբերությունների զարգացման դինամիկան, այնպես էլ մշակութային ու քաղաքական երկկողմ համագործակցությունը: Այս համատեքստում ԱԽ քարտուղարը շեշտել է ՀԱՊԿ-ի և ԵԱՏՄ-ի շրջանակներում համագործակցության օրակարգի անխափան իրականացումը:Հանդիպման ընթացքում կողմերն անդրադարձել են նաև երկկողմ հետաքրքրություն ներկայացնող այլ տնտեսական ու քաղաքական հարցերի և վերահաստատել երկկողմ պատրաստակամությունը հարաբերությունների հետագա փոխշահավետ զարգացման համար:

14:00 - 25 փետրվարի, 2022

Նուր-Սուլթանում տեղի է ունեցել վարչապետ Փաշինյանի և Կասիմ-Ժոմարտ Տոկաևի հանդիպումը

Աշխատանքային այցով Նուր-Սուլթանում գտնվող վարչապետ Նիկոլ Փաշինյանը հանդիպել է Ղազախստանի նախագահ Կասիմ-Ժոմարտ Տոկաևի հետ: Ողջունելով Վարչապետ Փաշինյանին` Ղազախստանի նախագահը, մասնավորապես, նշել է. «Հարգելի Նիկոլ Վովայի, շատ ուրախ եմ տեսնել Ձեզ, Ղազախստանի և Հայաստանի միջև հարաբերությունները զարգանում են կայուն կերպով: Այս տարի մենք նշում ենք դիվանագիտական հարաբերությունների հաստատման 30-ամյակը, շատ կարևոր տարեթիվ է: Բարձրագույն և բարձր մակարդակներում մեր միջև հաստատվել է բաց քաղաքական երկխոսություն, զարգանում են խորհրդարանական, մշակութային-հումանիտար կապերը: Գիտեք, որ մենք Հայաստանի և հայ ժողովրդի նկատմամբ տածում ենք ամենաջերմ զգացմունքները, ես անձամբ Ձեզ և հայ ժողովրդին մեծ հարգանքով եմ վերաբերվում: Կարծում եմ` վատ չեմ տիրապետում Ձեր ժողովրդի պատմությանը, բարձր եմ գնահատում մշակույթի և մյուս ոլորտներում ձեռքբերումները: Գործնականում մենք հանդիսանում ենք դաշնակիցներ Հավաքական անվտանգության պայմանագրի կազմակերպությունում, Եվրասիական տնտեսական միությունում, դրա համար կարծում եմ, որ մեր երկրների միջև հենց այսպիսի փոխհարաբերություններն են համարվում ամենաօպտիմալը: Ինչ վերաբերում է Ղազախստանին, ապա մենք կշարունակենք աշխատել այդ ուղղությամբ»: Իր հերթին, Վարչապետ Փաշինյանը նշել է. «Հարգելի Կասիմ-Ժոմարտ Կեմելի, ուրախ եմ հանդիպել Ձեզ: Սա այս տարի դեմ առ դեմ մեր առաջին հանդիպումն է, սակայն մենք բազմիցս ենք խոսել հեռախոսով: Շատ ուրախ եմ, որ այն իրադարձություններից հետո, որոնք տեղի ունեցան Ղազախստանում, բնականոն կյանքը լիարժեք վերականգնվել է: Արդեն Եվրասիական տնտեսական միությունում մենք քննարկում ենք մեր տնտեսական հետագա համագործակցությունը և Եվրասիական տնտեսական տարածքի հետագա զարգացումը: Ցանկանում եմ ընդգծել, որ ուրախ եմ, որ վերջապես Հավաքական անվտանգության պայմանագրի կազմակերպության ճգնաժամային մեխանիզմներն աշխատեցին: Գիտեք, որ դա եղել է Հայաստանի Հանրապետության նախագահության առաջնահերթությունը: Մենք միշտ կարծել ենք և կարծում ենք, որ ՀԱՊԿ ճգնաժամային արագ արձագանքման մեխանիզմները պետք է նորմալ աշատեն: Ցավոք Հայաստանը եղել է մի իրավիճակում, երբ մենք կարծում էինք, որ մեխանզիմը պետք է գործի, սակայն, ցավոք, դա տեղի չունեցավ: Դրանից հետո մենք դարձանք ՀԱՊԿ-ում նախագահող երկիր և հայտարարեցինք, որ դա մեր առաջնահերթություններից մեկն է: Շատ ուրախ եմ, որ երբ անհրաժեշտ եղավ` այդ մեխանիզմը կարողացանք գործարկել: Եվս մեկ անգամ ցանկանում եմ շնորհակալություն հայտնել Ձեզ ջերմ խոսքերի և հյուրընկալության համար»:Հանդիպմանը զրուցակիցները քննարկել են հայ-ղազախական հարաբերությունների օրակարգային տարբեր հարցեր, անդրադարձել ինտեգրացիոն գործընթացներին առնչվող մի շարք թեմաների:

12:08 - 25 փետրվարի, 2022

Նիկոլ Փաշինյանը Նուր-Սուլթանում մասնակցել է Եվրասիական միջկառավարական խորհրդի հերթական նիստին

Վարչապետ Նիկոլ Փաշինյանը Նուր-Սուլթանում մասնակցել է Եվրասիական միջկառավարական խորհրդի հերթական նիստին: Այսօր տեղի է ունեցել միջկառավարական խորհրդի նեղ կազմով նիստը, որին մասնակցել են նաև ՌԴ վարչապետ Միխայիլ Միշուստինը, Բելառուսի վարչապետ Ռոման Գոլովչենկոն, Ղազախստանի վարչապետ Ալիխան Սմաիլովը, Ղրղզստանի վարչապետ Ակիլբեկ Ժապարովը և Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը:

17:11 - 24 փետրվարի, 2022

ՀՀ վարչապետն աշխատանքային այցով ժամանել է Ղազախստան

Վարչապետ Նիկոլ Փաշինյանն աշխատանքային այցով ժամանել է Ղազախստանի Հանրապետություն: Նուր-Սուլթանի միջազգային օդանավակայանում վարչապետին դիմավորել է Ղազախստանի փոխվարչապետ, առևտրի և ինտեգրման նախարար Երմեկ Կիզատովը: Վարչապետը մայրաքաղաք Նուր-Սուլթանում կմասնակցի Եվրասիական միջկառավարական խորհրդի նիստին: Փետրվարի 24-ին տեղի է ունենալու խորհրդի նեղ կազմով, իսկ փետրվարի 25-ին՝ ըդլայնված կազմով նիստը:

13:52 - 24 փետրվարի, 2022

Փոխվարչապետ Մհեր Գրիգորյանն ընդունել է Ղազախստանի դեսպանին

Փոխվարչապետ Մհեր Գրիգորյանն ընդունել է Հայաստանում Ղազախստանի Հանրապետության արտակարգ և լիազոր դեսպան Բոլատ Իմանբաևին: Կառավարության մամուլի ծառայությունը հայտնում է, որ հանդիպման ընթացքում զրուցակիցները քննարկել են երկու երկրների միջև հարաբերությունների զարգացման հեռանկարային ուղղությունները, անդրադարձել առևտրատնտեսական համագործակցության ընդլայնման հնարավորություններին: Փոխվարչապետն ու դեսպանը ընդգծել են հայ-ղազախական միջկառավարական հանձնաժողովի աշխատանքների ակտիվացման անհրաժեշտությունը: Երկուստեք կարևորվել է Եվրասիական տնտեսական միության շրջանակներում ինտեգրացիոն գործընթացների զարգացումը: Այս համատեքստում զրուցակիցները մտքեր են փոխանակել առաջիկայում Ղազախստանում կայանալիք Եվրասիական միջկառավարական խորհրդի նիստի օրակարգի շուրջ:

23:22 - 22 փետրվարի, 2022

ՀԱՊԿ ուժերի ուղարկումը Դոնեցկ և Լուգանսկ բացառվում է․ Ղազախստանի ԱԳ նախարար |factor.am|

factor.am: Հավաքական անվտանգության պայմանագրի կազմակերպության (ՀԱՊԿ) ուժերի ուղարկումն ինքնահռչակ Դոնեցկի և Լուգանսկի ժողովրդական հանրապետություններ բացառվում է։ Այս մասին հայտարարել է Ղազախստանի ԱԳ նախարար Մուխտար Թլեուբերդին, գրում է «Իզվեստիան»։ «Ո՛չ, դա անհնար է, քանի որ ՀԱՊԿ կանոնադրությունը խստորեն սահմանափակում է ռազմական ու խաղաղարար ուժերի կիրառումը։ Նրանք կարող են օգտագործվել միայն ՀԱՊԿ տարածքում»,- ասել է Թլեուբերդին լրագրողների հետ զրույցում։ Ղազախ պաշտոնյայի խոսքով՝ ՄԱԿ-ն ունի իր խաղաղապահ ուժերը, հետևաբար՝ «այդ հարցը գործնական հարթության վրա չէ»։

12:57 - 22 փետրվարի, 2022

Ղազախստանի խորհրդարանը հավանություն է տվել Ռուսաստանի հետ ռազմական համագործակցության պայմանագրին |armenpress.am|

armenpress.am: Ղազախստանի խորհրդարանի սենատի (վերին պալատի) պատգամավորները փետրվարի 17-ին կայացած լիագումար նիստում հավանություն են տվել հանրապետության եւ Ռուսաստանի միջեւ ռազմական համագործակցության պայմանագրի վավերացման մասին օրինագծին: Այդ մասին հաղորդել Է ՌԻԱ Նովոստիի թղթակիցը: Ղազախստանի եւ Ռուսաստանի միջեւ ռազմական համագործակցության պայմանագիրն ստորագրվել Է 2020 թվականի հոկտեմբերի 16-ին Նուր Սուլթանում՝ 1994 թվականի մարտի 28-ի համանման պայմանագրի փոխարեն: Ավելի վաղ Ղազախստանի պաշտպանության փոխնախարար Դարին Տույակովը խորհրդարանականներին հայտնել Էր, որ պայմանագիրն ստորագրվել Է երկու պետությունների միջեւ ռազմական համագործակցության հետագա զարգացման եւ արդիականացման նպատակով, քանի որ 1994 թվականի պայմանագրի դրույթները «հնացել են՝ հաշվի առնելով արդիականության իրողությունները»: Պայմանագրի նորմերն ուղղված են ռազմական համագործակցության իրագործմանը զորքերի կիրառման համատեղ պլանավորման գործում՝ ի շահ պետությունների անվտանգության ապահովման եւ տարածաշրջանային անվտանգության մարտահրավերների ու սպառնալիքների հակազդման, ինչպես նաեւ երկու երկրների միջեւ ռազմական համագործակցության այլ ուղղությունների շուրջ փոխգործակցության: Պայմանագիրը հնարավորություն Է տալիս ռազմական համագործակցություն իրականացնել այնպիսի ոլորտներում, ինչպիսիք են օպերատիվ եւ մարտական պատրաստությունը, խաղաղապահ գործունեությունը, ռազմական կրթությունն ու գիտությունը, զորքերի գործունեությունը եւ դրանց համակողմանի ապահովումը, երկկողմ նորմատիվա-իրավական բազայի կատարելագործումը, մշակույթը, սպորտը եւ ռազմական համագործակցության մյուս ուղղությունները: Խորհրդարանի կողմից ընդունված օրենքը ներկայացվել Է պետության ղեկավարի ստորագրմանը, հաղորդել Է ՌԻԱ Նովոստին:

12:54 - 17 փետրվարի, 2022

Ղազախստանում խաղաղապահ առաքելության հաջող փորձը կարող է կիրառվել ՀԱՊԿ պատասխանատվության գոտու մյուս երկրներում. ՌԴ ԱԳՆ |1lurer.am|

1lurer.am: Ղազախստանում հաջող խաղաղապահ գործողության փորձը մանրամասն կվերլուծվի, այդ թվում՝ ՀԱՊԿ պատասխանատվության գոտու մյուս պետություններում նման սցենարների կրկնության դեպքում կանխարգելիչ միջոցներ ձեռնարկելու համար: Այս մասին ТАСС գործակալությանը տված հարցազրույցում հայտարարել է Ռուսաստանի արտաքին գործերի նախարարի տեղակալ Օլեգ Սիրոմոլոտովը: «Կենտրոնական Ասիայում, որտեղ առկա են զգալի թվով ահաբեկչական կազմակերպությունների «քնած բջիջներ», ահաբեկչության դեմ պայքարի ոլորտում իրավիճակը մնում է բավական փխրուն»,- նշել է Սիրոմոլոտովը։ Նա հավելել է, որ Ղազախստանում հարձակումներ իրականացնողների թվում եղել են օտարերկրյա ծագում ունեցող անձինք, ինչպես նաև զինյալներ, որոնք փորձառություն են ստացել արտերկրում և «թեժ կետերում»: ՌԴ փոխարտգործնախարարի խոսքով՝ ՀԱՊԿ խաղաղապահ ուժերի գործարկման արդյունավետությունը վկայում է, որ հետխորհրդային տարածքում կազմակերպության երկրների համագործակցությունը հակաահաբեկչական ոլորտում պահանջված է:

11:50 - 17 փետրվարի, 2022

Վահան Քերոբյանն ընդունել է Հայաստանում Ղազախստանի դեսպանին

21:50 - 14 փետրվարի, 2022

Տոկաևը հայտնել է, որ Ղազախստանը կշարժվի սեփական ատոմային էներգետիկայի ստեղծման ուղղությամբ |armenpress.am|

armenpress.am: Ղազախստանը կշարժվի սեփական ատոմային էներգիայի արդյունաբերության ստեղծման ուղղությամբ։ Ինչպես տեղեկացնում է ՏԱՍՍ-ը, այս մասին հայտնել է Ղազախստանի նախագահ Կասիմ-Ժոմարտ Տոկաևը: Տոկաևը նշել է, որ Ղազախստանը լրջորեն մտադիր է Եվրասիական տնտեսական միության շրջանակներում աշխատելու հարցում։ Տոկաևը ՌԴ վարչապետ Միխայիլ Միշուստինի հետ հանդիպմանն ասել է, անհամբերությամբ է սպասում նրա պաշտոնական այցին Ղազախստան։

21:54 - 10 փետրվարի, 2022

Ղազախստանի ոստիկանությունը 792 մարդու է կալանավորել երկրում տեղի ունեցած զանգվածային անկարգություններից հետո |tert.am|

tert.am: Ղազախստանի իրավապահ մարմինները 792 մարդու են կանավորել, որոնք կասկածվում են երկրում տեղի ունեցած զանգվածային անկարգությունների ժամանակ կողոպուտների և այլ հանցագործությունների համար: ՏԱՍՍ գործակալության փոխանցմամբ այս մասին հայտնել է երկրի ՆԳ նախարարի առաջին տեղակալ Մարատ Կոժաևը՝ ելույթ ունենալով խորհրդարանի ստորին պալատում: Նրա խոսքով ներքին գերծերի մարմիններում ներկա պահին ավելի քան 2500 գործ է վարույթի մեջ գտնվում, որոնց մեծամասնությունը կողոպուտի և թալանի մասին է:Հանցագործությունների համար կասկածման մեղադրանքով մեկսուսարանում ժամանակավորապես գտնվում է 893 մարդ, որոնցից 792-ը կալանավորված են:

11:31 - 10 փետրվարի, 2022

Ղազախստանի ոստիկանությունը առգրավել է անկարգությունների ժամանակ գողացված ավելի քան 740 զենք |armenpress.am|

armenpress.am: Ղազախստանի իրավապահ մարմինները առգրավել են ավելի քան 740 զենք, որոնք գողացվել են երկրում տեղի ունեցած անկարգությունների ժամանակ։ Ինչպես տեղեկացնում է ՏԱՍՍ-ը, այս մասին ճեպազրույցում հայտարարել է Ղազախստանի Ներքին գործերի նախարարության քննչական վարչության պետ Սանջար Ադիլովը։ «Երեք շաբաթվա ընթացքում ոստիկանության աշխատակիցները առգրավել են մեծ քանակությամբ գողացված զենք: Առգրավված զենքերի ընդհանուր թիվը այս պահին կազմում է 747, ինչպես նաև ավելի քան 18 հազար զինամթերք»,-ասել է Ադիլովը: Նրա խոսքով՝ անկարգությունների ժամանակ զոհվել է իրավապահ համակարգի 19 աշխատակից, ավելի քան երեք հազար աշխատակից վիրավորվել է։ «Կան զոհվածներ նաև խաղաղ բնակիչության շրջանում, բայց սա զանգվածային անկարգությունների արդյունք է, և յուրաքանչյուր զոհի համար օբյեկտիվ քննություն է իրականացվում»,- պարզաբանել է ՆԳՆ ներկայացուցիչը։ Նա պարզաբանել է, որ անկարգությունների ժամանակ վնասվել է 1573 տարբեր օբյեկտներ, այդ թվում՝ խանութներ, գրավատներ, գազալցակայաններ, թալանվել են որսորդական խանութներ։ Վնասվել է 765 մեքենա, այդ թվում՝ 551 ոստիկանական մեքենա։

22:02 - 04 փետրվարի, 2022

Ղազախստանի խորհրդարանը չեղարկել է երկրի արտաքին և ներքին քաղաքականության համաձայնեցումը Նազարբաևի հետ |tert.am|

tert.am: Ղազախստանի խորհրդարանի ստորին պալատի պատգամավորները համաձայնել են Սենատի առաջարկած ուղղման հետ, որը վերացնում է արտաքին և ներքին քաղաքականության հիմնական ուղղությունները երկրի նախկին նախագահ Նուրսուլթան Նազարբաևի հետ համաձայնեցնելու անհրաժեշտությունը, գրում է ՌԻԱ «Նովոստի»-ն։Չորեքշաբթի ստորին պալատի լիագումար նիստում պատգամավորները համաձայնել են այս փոփոխությանը, այժմ օրենքը համարվում է ընդունված և ուղարկվում է հանրապետության նախագահին ստորագրության։Նազարբաևը, որը Ղազախստանը ղեկավարել է գրեթե 30 տարի, հրաժարական է տվել նախագահի պաշտոնից 2019 թվականի մարտի 20-ին, սակայն այնուհետև պահպանել է Անվտանգության խորհրդի ղեկավարի, իշխող Նուր Օթան կուսակցության առաջնորդի և Ղազախստանի Ժողովրդական ժողովի ղեկավարի պաշտոնները։

10:55 - 02 փետրվարի, 2022