Հունաստան

Տարածությունը՝ 131 957 կմ² Բնակչությունը՝ 10 772 967 Մայրաքաղաքը՝ Աթենք (հուն.՝ Αθήνα) Ազգային արժույթը՝ Եվրո (Euro), նախկինում՝ հունական դրամ Մեծ քաղաքներ՝ Աթենք, Սալոնիկ. Պատրա Ժամային գոտի՝ (UTC+2) ամռանը (UTC+3) Ազգային դոմեյնային զոնա՝ .gr Հեռախոսային կոդը՝+30։

«Թուրքիայի դեմ քայլեր մի՛ արեք, տուժողը դուք եք լինելու»․ Չավուշօղլուն դիմել է Հունաստանին |ermenihaber.am|

«Թուրքիայի դեմ քայլեր մի՛ արեք, տուժողը դուք եք լինելու»․ Չավուշօղլուն դիմել է Հունաստանին |ermenihaber.am|

ermenihaber.am: Թուրքիայի Արտաքին գործերի նախարար Մևլութ Չավուշօղլուն անդրադարձել է Հունաստանին պատկանող և Հարավային Էգեյան կղզիներ վարչական միավորի մաս կազմող Մեիս (Կաստելորիզո) կղզում զորք տեղակայելու Հունաստանի որոշմանը։ Չավուշօղլուն նշել է, որ այդ կղզին Հունաստանի ցամաքային տարածքից 580 կմ, իսկ Թուրքիայի Անթալիայի նահանգից ընդամնեը 2 կմ հեռավորության վրա է գտնվում։ Բայց հակառակ այդ հանգամանքի՝ Թուրքիայի արգործնախարարի խոսքերով 40 հազար կմ քառակուսի ջրային տարածքի վրա Հունաստանի վերահսկեղությունն է տարածվում, որը անընդունելի է իրենց համար։ Թուրք պաշտոնյան կարծում է այս ամենն արվել է այն բանի համար, որ Թուրքիան բանտարկված լինի ամեն կողմից։ Ըստ նրա՝ Միջերկրական ծովի Արևելյան ափի երկրները պետք է բանակցությունների միջոցով «արդարացի» կերպով բաժանեն իրար մեջ ջրային տարածքը։ Մևլութ Չավուշօղլուն նաև ընդգծել է, որ այդ կղզիներում 1947 թվականի Փարիզի համաձայնագրով արգելված է զորքերի տեղակայումը և կարելի է միայն սահմանափակ թվով ոստիկանական ուժեր տեղակայել անվտանգություն ապահովելու նպատակով։ Թուրքիայի արտգործնախարարը սպառնացել է, որ եթե Հունաստանը շարունակի սահմանափակումները շրջանցելով մեծաթիվ զորքեր տեղակայել այնտղ, ապա տուժողը հենց Հունաստանն է լինելու։
14:53 - 02 սեպտեմբերի, 2020
Քննարկվել են հայ-հունական համագործակցության հարցեր

Քննարկվել են հայ-հունական համագործակցության հարցեր

Սեպտեմբերի 1-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Հունաստանի Հանրապետության արտակարգ և լիազոր դեսպան Էվանգելոս Տուրնակիսին և նորանշանակ ռազմական կցորդ, գնդապետ Գերասիմոս Ավլոնտիսին: Դավիթ Տոնոյանը ողջունել է դեսպանին պաշտպանության նախարարություն առաջին այցելության կապակցությամբ և շնորհավորել ռազմական կցորդին Հայաստանում առաքելությունն ստանձնելու առթիվ։ Հանդիպման ընթացքում քննարկվել են պաշտպանության բնագավառում հայ-հունական երկկողմ համագործակցությանն առնչվող հարցեր, կարևորվել են համավարակով պայմանավորված սահմանափակումների վերացումից հետո համագործակցության միջոցառումների անհապաղ վերսկումը, ինչպես նաև բարձր մակարդակի փոխայցելությունների և քննարկումների իրականացումը։ Անդրադարձ է կատարվել նաև տարածաշրջանային անվտանգությանն առնչվող հարցերին։ Դավիթ Տոնոյանը ներկայացրել է տարածաշրջանում որոշ դերակատարների ծավալած ապակառուցողական գործողությունների հետևանքով լարվածության աճի հնարավոր զարգացումները: Դեսպան Տուրնակիսն իր հերթին անդրադարձել է Միջերկրական ծովի արևելյան հատվածում տիրող իրավիճակին։  
17:05 - 01 սեպտեմբերի, 2020
Նրանք, ովքեր կարծում են, թե կարող են կարմիր գծեր սահմանել Միջերկրական ծովի արևելքում, կբախվեն մեր երկրի վճռական դիրքորոշմանը. Թուրքիայի ԱԳՆ պատասխանն Էմանուել Մակրոնին |tert.am|

Նրանք, ովքեր կարծում են, թե կարող են կարմիր գծեր սահմանել Միջերկրական ծովի արևելքում, կբախվեն մեր երկրի վճռական դիրքորոշմանը. Թուրքիայի ԱԳՆ պատասխանն Էմանուել Մակրոնին |tert.am|

tert.am: Թուրքիայի արտգործնախարարության մամուլի խոսնակ Համի Աքսոյը պատասխանել է Միջերկրական ծովում Թուրքիայի դեմ «կարմիր գծերի քաղաքականություն» սկսելու մասին Ֆրանսիայի նախագահ Էմանուել Մակրոնի հայտարարություններին: Այս մասին գրում է «Անադոլու» գործակալությունը: «Նրանք, ովքեր կարծում են, թե կարող են կարմիր գծեր սահմանել արդար գործի դեմ, կբախվեն մեր երկրի վճռական դիրքորոշմանը: Տարածաշրջանում կարմիր գծեր սահմանելը կարող է բխել միայն Թուրքիայի և Կիպրոսի թուրքերի միջազգային իրավունքներից: Նրանց համար, ովքեր իրենց տեսնում են խոշորացնող հայելու մեջ, ժամանակն է նայել ճշմարտության աչքերին: Քարտեզի վրա գծեր գծելով՝ կայսերական պայմանավորվածությունների իրականացման դարաշրջանն անցյալում է»,-հայտարարել է ԱԳՆ խոսնակը: Աքսոյն ընդգծել է, որ Միջերկրական ծովում բոլոր տարաձայնությունները պետք է լուծվեն «տարածաշրջանի երկրների ընդհանուր համաձայնությամբ և երկխոսությամբ»: Ֆրանսիայի նախագահ Էմանուել Մակրոնը մի քանի օր առաջ լրագրողների հետ հանդիպմանը հայտարարել էր Միջերկրական ծովում Թուրքիայի գործողությունների դեմ «կարմիր գծերի քաղաքականություն» սկսելու մասին:
10:37 - 31 օգոստոսի, 2020
«Մայր Հայաստան» թանգարանում անցկացվել է «Էրուդիտ» մրցաձևը

«Մայր Հայաստան» թանգարանում անցկացվել է «Էրուդիտ» մրցաձևը

Հայաստանում շարունակվում է «Միջազգային բանակային խաղեր-2020» մրցաշարի շրջանակում անցկացվող «Խաղաղության մարտիկ» մրցույթը: Այս մասին տեղեկացնում է ՀՀ պաշտպանության նախարարությունը։ ՀՀ ՊՆ «Մայր Հայաստան» ռազմական պատմության թանգարանում օգոստոսի 28-ին կայացել է ռազմապատմագիտական գիտելիքների ստուգման «Էրուդիտ» մրցաձևը: Այն անցկացվել է թեստավորման ձևաչափով։ Հարցերն առավելապես եղել են Հայրենական մեծ պատերազմի և միջազգային մարդասիրական իրավունքի վերաբերյալ: Ռազմական պատմության իմացությամբ մյուս մասնակիցներին գերազանցել է Ռուսաստանի թիմը: Երկրորդ տեղում Հունաստանն է: Հայկական թիմն այս մրցաձևում երրորդն է: Մրցաձևի ավարտին թիմերի անդամները շրջել են «Մայր Հայաստան» թանգարանում, ծանոթացել Հայրենական Մեծ պատերազմի ուշագրավ դրվագների ու հաղթանակների մասին պատմող, Արցախյան ազատամարտի հերոսական էջերը ներկայացնող ցուցանմուշներին:
18:54 - 29 օգոստոսի, 2020
Թուրքիայի պաշտպանության նախարարը զորավարժությունների համար քննադատել է Հունաստանին |ermenihaber.am|

Թուրքիայի պաշտպանության նախարարը զորավարժությունների համար քննադատել է Հունաստանին |ermenihaber.am|

ermenihaber.am: Թուրքիայի Պաշտպանության նախարար Հուլուսի Աքարը քննադատել է Միջերկրական ծովում Հունաստանի իրականացրած զորավարժությունները՝ նշելով, որ նմանատիպ զորավարժություններով և քայլերով հնարավոր չէ խանգարել Թուրքիայի զինված ուժերին և փոխել նրանց ծրագիրը։ Աքարը ևս մեկ անգամ կրկնել է, որ իրենք բարիդրացիական հարաբերությունների կողմնակից են, բաց են երկխոսության համար, բայց երբեք չեն հրաժարվի իրենց «իրավունքներից»։ Պաշտպանության նախարար Աքարը պատրաստակամութուն է հայտնել հունական կողմի ցանկության դեպքում հյուրընկալել նրանց Թուրքիայում։ «Մենք մեր սահմաններում մնալու պայմանով մեր իրավունքներն ենք պահանջում։ Մյուս կողմից չենք պատրաստվում մի կաթիլ ջուր զիջել և թույլ չենք տա մեր իրավունքները ոտնահարել»,- ասել է թուրք պաշտոնյան։ Նա դժգոհել է նաև, որ իրենց «խաղաղասիրական» սեյսմիկ հետազոտություններին ի պատասխան հույները զորավարժություն են անցկացնում, ռազմանավեր ու ռազմական ինքնաթիռներ են ուղարկում։
13:33 - 28 օգոստոսի, 2020
Հունաստանն ընդլայնում է իր արևմտյան ծովային սահմանները Իոնյան ծովում |azatutyun.am|

Հունաստանն ընդլայնում է իր արևմտյան ծովային սահմանները Իոնյան ծովում |azatutyun.am|

azatutyun.am: Հունաստանը պատրաստվում է ընդարձակել իր արևմտյան ծովային սահմանները։ Այդ մասին Աթենքում կայացած խորհրդարանի նիստի ընթացքում հայտարարել է Հունաստանի վարչապետ Կիրիակոս Միցոտակիսը։ «Այսօր ես պաշտոնապես տեղեկացնում եմ խորհրդարանի անդամներին, որ կառավարության կողմից մոտ ապագայում մի օրինագիծ կներկայացվի, որով Հունաստանի արևմտյան ծովային սահմանները կընդլայնվեն 6-ից 12 մղոնով», - հայտարարում էր վարչապետը։ Իոնյան ծովում Հունաստանի սահմանների ընդլայնումը հնարավոր դարձավ Իտալիայի հետ մի քանի տարի շարունակված բանակցությունների արդյունքում։ Օգոստոսի սկզբին Հունաստանը նույնաբովանդակ համաձայնագիր էր կնքել նաև Եգիպտոսի հետ։ Այդ համաձայնագրով ընդարձակվում է երկու պետությունների ծովային տարածքը Միջերկրականի արևելյան հատվածում՝ ի հաշիվ Թուրքիայի հետ վիճելի տարածքների։ Եգիպտոսի հետ համաձայնագրի քննարկումը Հունաստանի խորհրդարանում մեկնարկում է այսօր՝ օրվա երկրորդ կեսին։ Պաշտոնական Անկարան արդեն իսկ հայտարարել է, որ Միջերկրական ծովի արևելյան հատվածում Հունաստանի սահմանների ընդլայնման ցանկացած փորձ ընկալվելու է որպես այսպես կոչված casus belli՝ պատերազմի առիթ։
13:57 - 27 օգոստոսի, 2020
ՆԱՏՕ-ն կոչով դիմել է Հունաստանին և Թուրքիային |ermenihaber.am|

ՆԱՏՕ-ն կոչով դիմել է Հունաստանին և Թուրքիային |ermenihaber.am|

ermenihaber.am: Եվրոպական միության երկրների պաշտպանության նախարարների ժողովին մասնակցելու նպատակով Գերմանիայի մայրաքաղաք Բեռլինում գտնվող ՆԱՏՕ-ի գլխավոր քարտուղար Յենս Ստոլտենբերգը կոչով դիմել է Հունաստանին և Թուրքիային։ Ստոլտենբերգը մասնավորապես շեշտել է, որ Միջերկրական ծովի արևելյան հատվածում Հունաստանի և Թուրքիա միջև ստեղծված լարվածությունը պետք է հանգուցալուծվի դաշնակցային հարաբերությունների ոգուն և միջազգային իրավունքի սկզբունքներին համահունչ։ Դրա համար, ըստ ՆԱՏՕ-ի գլխավոր քարտուղարի, անհրաժեշտ է երկխոսություն սկսել և լարվածության թուլացմանն ուղղված քայլեր ձեռնարկել։ Ողջունելով Գերմանիայի կառավարության կողմից ստանձնած միջնորդական առաքելության դերը՝ Յենս Ստոլտենբերն ընդգծել է, որ ինքն էլ մշտական կապի մեջ է Աթենքի և Անկարայի իշխանությունների հետ։  
13:47 - 27 օգոստոսի, 2020
Էրդողանն ու Թրամփը Արևելյան Միջերկրականում թուրք-հունական լարվածության պատճառով ստեղծված իրավիճակն են քննարկել |tert.am|

Էրդողանն ու Թրամփը Արևելյան Միջերկրականում թուրք-հունական լարվածության պատճառով ստեղծված իրավիճակն են քննարկել |tert.am|

tert.am: Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ, քննարկվել երկկողմ օրակարգին առնչվող հարցեր և տարածաշրջանային վերջին զարգացումները, մասնավորապես՝ Արևելյան Միջերկրականում թուրք-հունական ընթացիկ լարվածությունը, հաղորդում է ТАСС-ը: Էրդողանը նշել է, որ Թուրքիան չի զբաղվում տարածաշրջանում իրավիճակի ապակայունացմամբ, և որ թուրքական իշխանությունները լարվածությունը թուլացնելու և երկխոսելու ուղղությամբ ջանքեր են գործադրել: Աթենքի և Անկարայի միջև առանց այն էլ լարված հարաբերությունները սրվել են 2020 թվականին` միգրացիոն ճգնաժամի և Էգեյան ու Միջերկրական ծովերում ռեսուրսների արդյունահանման իրավունքների շուրջ վեճերի պատճառով: Թուրքիան Լիբիայի՝ Տրիպոլիում տեղակայված կառավարության հետ նախորդ տարվա վերջին համաձայնագիր էր կնքել, որում երկու երկրների ծովային ջրերի սահմանազատման վերաբերյալ առկա դրույթները, Հունաստանի պնդմամբ, հակասում են իր կազմի մեջ մտնող կղզիների տնտեսական շահերին և զրկում են վերջիններին մայրցամաքային ծանծաղուտից օգտվելու հնարավորությունից:
10:05 - 27 օգոստոսի, 2020
Հունաստանը Իտալիայի, Ֆրանսիայի և Կիպրոսի հետ զորավարժություններ կանցկացնի Արևելյան Միջերկրականում |ermenihaber.am|

Հունաստանը Իտալիայի, Ֆրանսիայի և Կիպրոսի հետ զորավարժություններ կանցկացնի Արևելյան Միջերկրականում |ermenihaber.am|

ermenihaber.am: Միջերկրական ծովի արևելյան հատվածում թուրք-հունական հարաբերություններում առկա լարվածությունը շարունակում է սրվել: Հունաստանի պաշտպանության նախարարությունը հայտարարել է Արևելյան Միջերկրականում Ֆրանսիայի, Կիպրոսի Հանրապետության և Իտալիայի մասնակցությամբ եռօրյա զորավարժություններ անցկացնելու մասին:   Նախօրեին Թուրքիայի պաշտպանական գերատեսչությունը հայտարարել էր իտալական ռազմանավի մասնակցությամբ մեկօրյա ծովային ուսումնավարժանքի անցկացման մասին: Վարժանքներն իրականացվել են Միջերկրականի այն հատվածում, որտեղ Հունաստանի անհամաձայնության պայմաններում սեյսմիկ հետազոտություններ է իրականացնում թուրքական «Oruç Reis» նավը։ Հունաստանի ՊՆ-ի հայտարարության մեջ ասվում է, որ զորավարժություններն անցկացվելու են Կրետե կղզու հարավում: Նշվում է, որ զորավարժություններին մասնակցելու են հունական ուժերին պատկանով F-16 կործանիչներ և ֆրանսիական արտադրության «Dassault Rafale» 4-րդ սերնդի բարելավված աստիճանի բազմաֆունկցիոնալ կործանիչներ, որոնք արդեն իսկ տեղակայվել են Կիպրոսի Հանրապետությունում:   Այդ թեմայով հայտարարություն է տարածել նաև Ֆրանսիայի ԶՈՒ-ն: Ըստ այդմ` Ֆրանսիան զորավարժություններին կմասնակցի 3 կործանիչով և 1 ֆրեգատով։
14:32 - 26 օգոստոսի, 2020
Գերմանիան անհանգստացած է Արևելյան Միջերկրականում Թուրքիայի գործողություններից |ermenihaber.am|

Գերմանիան անհանգստացած է Արևելյան Միջերկրականում Թուրքիայի գործողություններից |ermenihaber.am|

ermenihaber.am:  Թուրքիան երկարաձգել է  «Oruç Reis» անվանումով նավով Արևելյան Միջերկրականի ջրերում սեյսմիկ հետազոտություններ իրականացնելու համար հայտարարած NAVTEX (միջազգային զգուշացում որևէ ջրային տարածքում գործողություններ իրականացնելու մասին) ժամկետները։ Այսպիսով օգոստոսի 23-ին ավարտվելիք գործողությունները կշարունակվեն մինչև օգոստոսի 27-ը։  Անկարայի հայտարարությունից հետո միջերկրական ծովում NAVTEX է հայտարարել նաև Հունաստանը։  Այս առիթով Գերմանիան անհանգստություն է հայտնել Անկարայի գործողությունների կապակցությամբ, որոնք վերջին շրջանում Արևելյան Միջերկրականում հույն-թուրքական լարվածության պատճառ են դառնում։ Գերմանիայի արտգործնախարարության խոսնակ Քրիստոֆեր Բուրգերը տարածած հայտարարության մեջ տեղեկացրել է նաև, որ նախարար Հեյկո Մաասը օգոստոսի 25-ին զրույց է ունենալու Արևելյան Միջերկրական թեմայով։  Գերմանիայի կառավարության խոսնակ Շտեֆան Սեյբերտն էլ հայտարարել է, որ Արևելյան Միջերկրականում կայունության կարիք կա և կարևորել է Հունաստանի ու Թուրքիայի հետ Բեռլինի քննարկումների շարունակականությունը։
10:01 - 25 օգոստոսի, 2020
ԵՄ-ն Արևելյան Միջերկրականում Թուրքիայի ագրեսիայի դեմ պատժամիջոցներ է նախապատրաստում |ermenihaber.am|

ԵՄ-ն Արևելյան Միջերկրականում Թուրքիայի ագրեսիայի դեմ պատժամիջոցներ է նախապատրաստում |ermenihaber.am|

ermenihaber.am: Հունաստանի և Կիպրոսի Հանրապետությունը կոչ են արել ԵՄ-ին անհրաժեշտ քայլեր ձեռնարկել Միջերկրական ծովի արևելյան հատվածում Թուրքիայի կողմից իրականացվող ապօրինի գործողությունների դադարեցման ուղղությամբ:  Հունաստանի արտգործնախարար Նիկոս Դենդիասը, Նիկոսիայում Կիպրոսի Հանրապետության նախագահ Նիկոս Անաստասիադիսի և ԱԳ նախարար Նիկոս Հրիստոդուլիդիս հետ հանդիպմանն անդրադառնալով Արևելյան  Միջերկրականում Թուրքիայի գործողություններին, ասել է. «Միջերկրական ծովում գնալով աճող Թուրքիայի ագրեսիան ուղղված է ԵՄ-ի դեմ և դրա դեմ պայքարելու համար ԵՄ-ն պետք է անհրաժեշտ արձագանքը տա»: Դենդիասը նշել է, որ առաջիկա օրերին կմասնակցեն Բեռլինում կայանալիք ԱԳ նախարարների խորհրդի նիստին, որտեղ կքննարկվի Եվրամիության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ժոզեֆ Բորելի կողմից ներկայացված Թուրքիայի դեմ նախատեսվող պատժամիջոցների ցանկը։ Նշենք, որ ԵՄ ԱԳ նախարարները Ժոզեֆ Բորելին լիազորություն են տվել Թուրքիայի դեմ միջոցներ ձեռնարկելու համար: Բորելը Թուրքիայի դեմ նախատեսվող պատժամիջոցների ցանկը, որում կներառեն նաև տնտեսական պատժամիջոցները կներկայացնի օգոստոսի 27-28-ին Բեռլինում տեղի ունենալիք նիստին: Սակայն պատժամիջոցները կկիրառվեն այն դեպքում, եթե ԵՄ անդամ 27 երկրները հաստատեն դրանք: 
14:33 - 19 օգոստոսի, 2020
Հունաստանի և Եգիպտոսի միջև կնքված համաձայնագիրն օրենքի ուժ չունի․ Թուրքիայի ՊՆ |ermenihaber.am|

Հունաստանի և Եգիպտոսի միջև կնքված համաձայնագիրն օրենքի ուժ չունի․ Թուրքիայի ՊՆ |ermenihaber.am|

ermenihaber.am: Թուրքիայի պաշտպանության նախարար Հուլուսի Աքարը օգոստոսի 18-ին Լիբիա կատարելիք այցից առաջ լրագրողների հետ հարցազրույցում անդրադարձել է Արևելյան Միջերկրականում տեղի ունեցող վերջին զարգացումներին: Աքարը, կրկնելով Թուրքիայի բարձրաստիճան ղեկավարության կողմից հնչեցված պնդումները, նշել է, որ իրենք Միջերկրական ծովի արևելյան հատվածում շարունակում են «պաշտպանել» ինչպես Թուրքիայի, այնպես էլ Կիպրոսի թուրքերի «իրավունքները»:  Անդրադառնալով Արևելյան Միջերկրականում թուրք-հունական լարվածության սրմանը զուգընթաց ծովային սահմանների սահմանազատման վերաբերյալ վերջերս Հունաստանի ու Եգիպտոսի միջև ստորագրված համաձայնագրին` Թուրքիայի պաշտպանության նախարարն ասել է. «Հունաստանի և Եգիպտոսի միջև բացառիկ տնտեսական գոտու վերաբերյալ համաձայնագիրն օրենքի ուժ չունի»: Նրա պնդմամբ` նշյալ համաձայնագիրը հակասում է ինչպես Հունաստանի, այնպես էլ Եգիպտոսի ժողովրդի շահերին:
11:43 - 19 օգոստոսի, 2020
Թուրքիայի ԱԳՆ-ի պատասխանը ՀՀ ԱԳՆ-ին․ Այստեղ ոչ թե Սևանա լճի, այլ Արևելյան Միջերկրականի խնդիրն է |ermenihaber.am|

Թուրքիայի ԱԳՆ-ի պատասխանը ՀՀ ԱԳՆ-ին․ Այստեղ ոչ թե Սևանա լճի, այլ Արևելյան Միջերկրականի խնդիրն է |ermenihaber.am|

ermenihaber.am: style="font-weight: 400;">Թուրքիայի արտգործնախարարության խոսնակ Համի Աքսոյը պատասխանել է ՀՀ ԱԳՆ-ի՝ արևելյան Միջերկրականի զարգացումների համատեքստում Հունաստանին ու Կիպրոսին աջակցող հայտարարությանը։   Թուրքիայի ԱԳՆ-ի պաշտոնական կայքում տեղադրված հայտարարության մեջ մասնավորապես ասվում է․ «Տեսնում ենք, որ Արևելյան Միջերկրականի մասին կարծիք հայտնելու հավակնություն ունեցող Հայաստանը աշխարհի աշխարհագրության ու այդ աշխարհագրության մեջ իր տեղի հետ կապված սխալմունքի մեջ է։ Այստեղ խնդիրը ոչ թե Սևանա լճի մասին է, այլ՝ Արևելյան Միջերկրականի»։ Աքսոյը, հիշեցնելով Սևրի պայմանագրի վերաբերյալ Հայստանի ղեկավարության վերջին հայտարարությունները, դրանից հետո էլ Հայաստանի՝ Արևելյան Միջերկրականի մասին կարծիք հայտնելը «չափն անցնելու ու անպատասխանատվություն օրինակ» է որակել։  «Այն, որ ԱՄԷ-ից ու Ֆրանսիայից հետո էլ ծով ելք չունեցող Հայաստանն է համարում, որ տարածաշրջանում խոսքի իրավունք ունի, ցույց է տալիս, թե ինչ ընդգրկում ունի հակաթուրքական նենգ դաշինքը, որը ցանկանում են ձևավորել»,- ասել է Աքսոյը։ Վերջինը նշել է նաև, որ Թուրքիան շարունակելու է վճռականորեն պաշտպանել իր ու Կիպրոսի թուրքերի իրավունքները Արևելյան Միջերկրականում ու ոչ մի դաշինքի ուժը չի բավարարելու խանգարել դրան։ Նրա կարծիքով ովքեր, որ հակառակն են կարծում, նշանակում է՝ պատմությունից դասեր չեն քաղել։ «Այս առիթով ցանկանում եմ հիշեցնել, որ մեր բոլոր հնարավորություններով կանգնած ենք եղբայրական Ադրբեջանի կողքին»,- եզրափակել է Աքսոյը։
10:39 - 17 օգոստոսի, 2020
Աշխարհը շարունակում է պայքարել կորոնավիրուսի դեմ |azatutyun.am|

Աշխարհը շարունակում է պայքարել կորոնավիրուսի դեմ |azatutyun.am|

azatutyun.am: Իսպանական իշխանությունները նոր սահմանափակումներ են մտցնում. այնտեղ վարակվածների աճի տեմպը Եվրոպայում ամենաբարձրերից մեկն է: Մադրիդում և զբոսաշրջային գոտիներում փակ են գիշերային ակումբները, բարերն ու ռեստորանները իրավունք ունեն աշխատել մինչև գիշերվա ժամը 1-ը: Արգելվում է նաև հասարակական վայրերում ծխելը, եթե սոցիալական հեռավորություն պահելու հնարավորություն չկա: Սահմանափակումներ են մտցվում ծերանոցներ այցելությունների դեպքում: Ֆրանսիայում, արդեն երկրորդ օրն է անընդմեջ, նոր վարակների թիվը գերազանցում է 3 հազարը: Ավելի ու ավելի շատ քաղաքներ և համայնքներ դիմակ կրելը պարտադիր են դարձնում նույնիսկ փողոցում: Ֆրանսիայի մայրաքաղաքը հայտարարվել է բարձր ռիսկի տարածք, ինչպես նաև Մարսելը: Իտալիայի կառավարությունը առնվազն երեք շաբաթով փակում է բոլոր ակումբները, այժմ շրջանները զրկված են ինքնուրույն որոշում կայացնելու իրավունքից, թե երբ վերաբացել դրանք: Բացի այդ, երեկոյան 6-ից մինչև առավոտյան 6-ը պարտադիր է դիմակներ կրել փողոցում՝ բարերի, ակումբների կամ այլ վայրերի դիմաց, որտեղ կարող են մարդիկ հավաքվել: Հունաստանը, որը մտահոգված է օտարերկրյա զբոսաշրջիկների շրջանում վարակի թվի աճով, ընդլայնում է այն երկրների ցուցակը, որոնց քաղաքացիները մուտքի իրավունք պետք է ապահովեն կորոնավիրուսի բացասական թեստի հիման վրա, որը պետք է արված լինի վերջին 3 օրերի ընթացքում: Ցուցակում են հայտնվել Բելգիան, Իսպանիան, Նիդերլանդները, Չեխիան և Շվեդիան: Ճապոնիան հայտարարել է, այս տարվա ապրիլ-հունիսն ընկած ժամանակահատվածում գրանցել է տնտեսության ռեկորդային՝ 27,8 տոկոս անկում:
10:27 - 17 օգոստոսի, 2020