ՀՀ կառավարություն

Կառավարությունը գործադիր իշխանության բարձրագույն մարմինն է: Կառավարությունն իր ծրագրի հիման վրա մշակում եւ իրականացնում է պետության ներքին եւ արտաքին քաղաքականությունը, իրականացնում է պետական կառավարման համակարգի մարմինների ընդհանուր ղեկավարումը: Կառավարության լիազորությունները սահմանվում են Սահմանադրությամբ եւ օրենքներով: Կառավարության իրավասությանն են ենթակա գործադիր իշխանությանը վերաբերող բոլոր այն հարցերը, որոնք վերապահված չեն պետական կառավարման կամ տեղական ինքնակառավարման այլ մարմինների: Կառավարությունը կազմված է վարչապետից, փոխվարչապետներից եւ նախարարներից:

Հանրապետության նախագահը վարչապետ է նշանակում խորհրդարանական մեծամասնության ընտրած թեկնածուին, իսկ փոխվարչապետները եւ նախարարները նշանակվում են Հանրապետության նախագահի կողմից՝ վարչապետի առաջարկությամբ: Այժմ գործում է Նիկոլ Փաշինյանի գլխավորած կառավարությունը։

Պետական կառավարման համակարգը ռեսթարթի անհրաժեշտություն ունի, որը պետք է սկսվի վարչապետի աշխատակազմից. Փաշինյան

Պետական կառավարման համակարգը ռեսթարթի անհրաժեշտություն ունի, որը պետք է սկսվի վարչապետի աշխատակազմից. Փաշինյան

Վարչապետ Նիկոլ Փաշինյանը վարչապետի աշխատակազմին է ներկայացրել աշխատակազմի նորանշանակ ղեկավար Արսեն Թորոսյանին:   Այս մասին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից: Վարչապետը շնորհակալություն է հայտնել Էդուարդ Աղաջանյանին վարչապետի աշխատակազմում կատարած աշխատանքի համար և նշել, որ նա պաշտոնը ստանձնել է բարդ իրավիճակում: «Նրա գործունեության ժամանակաշրջանն ընդհանուր առմամբ շատ բարդ է եղել և նա պատվով է կատարել իր աշխատանքը: Եվ ոչ մի գաղտնիք չկա, պարոն Աղաջանյանն իմ քաղաքական մերձավորն է և շարունակում է լինել այդպիսին: Համոզված եմ, որ մեր համատեղ ճանապարհը դեռ կշարունակենք»,- ասել է Նիկոլ Փաշինյանը: Կառավարության ղեկավարը հաջողություն է մաղթել Արսեն Թորոսյանին նոր կարգավիճակում և ձևակերպել խնդիրը, որը դրված է նրա առաջ: «Ընդհանրապես մենք բոլորս և պետական կառավարման համակարգը՝ որպես երկրի իրավիճակի պատասխանատու, շատ ծանր ժամանակներ ենք ապրել: Պատերազմական շրջանը բոլորիս համար չափազանց բարդ և ծանր մի շրջան էր: Եվ հիմա էլ հետպատերազմյան շրջանն ունի իր բազմաթիվ բարդություններն ու մարտահրավերները, որոնց պետք է արդյունավետ կառավարել: Պետք է չթաքցնել, որ այո՛, պատերազմի հետևանքներով հանրության նման՝ պետական կառավարման համակարգն էլ ինչ-որ առումով շոկի մեջ է հայտնվել, իհարկե, չեմ կարող ասել, որ հիմա նույն իրավիճակն է, ինչ, օրինակ, նոյեմբերին, բայց, ընդհանուր առմամբ, կարող ենք արձանագրել, որ պետական կառավարման համակարգը ռեսթարթի անհրաժեշտություն ունի, և այդ ռեսթարթը միանշանակ պետք է սկսվի վարչապետի աշխատակազմից: Այդ ռեսթարթն է այն հիմնական խնդիրը, որ դրվում է պարոն Թորոսյանի առաջ: Եվ, բնականաբար, ոչ միայն պարոն Թորոսյանի առաջ, բոլորիս առաջ: Բայց այդ ազդակներն առաջին հերթին պետք է հղվեն վարչապետի աշխատակազմից»,- ասել է վարչապետը: Նիկոլ Փաշինյանի խոսքով՝ իրենք այս ընթացքում ամենատարբեր իրավիճակներում են եղել, և ըստ էության, գիտեն պետական կառավարման համակարգի բոլոր առավելություններն ու թերությունները. «Որտեղ է, որ կարողանում ենք որակյալ աշխատանք անել և ինչու, որտեղ է, որ մենք չենք կարողանում որակյալ աշխատանք անել և ինչու: Եվ մենք պետք է առավել ևս այս իրավիճակում պետական կառավարման նոր նշաձող դնենք, որն ըստ էության հանրությանը մատուցվող ծառայություն է, և այդ ծառայության որակը պետք է բերենք բոլորովին նոր մակարդակի»,- ասել է վարչապետը: Վարչապետի աշխատակազմի նախկին ղեկավար Էդուարդ Աղաջանյանը շնորհակալություն է հայտնեել վարչապետին՝ վերջին երկուսուկես տարիների ընթացքում պատասխանատու պաշտոնը վստահելու համար: «Միանշանակ է, որ շատ բարդ և ծանր օրեր ենք ապրել իրար հետ: Բայց կարելի է արձանագրել, որ այդ բարդ օրերը միանշանակորեն պատվով հաղթահարել ենք: Ուզում եմ նաև առանձնահատուկ շնորհակալություն հայտնել վարչապետի աշխատակազմի անձնակազմին՝ բոլորին, յուրաքանչյուրին անհատապես վերջին երկուսուկես տարիների ընթացքում արդյունավետ աշխատանքի համար: Նաև շնորհակալություն հայտնել փոխվարչապետների գրասենյակներին ևս: Վստահ եմ, որ այդ արդյունավետությունը որևէ կերպ չի նվազի նոր ղեկավարության օրոք, և պարոն Թորոսյանին մաղթում եմ հաջողություն»,- ասել է Էդուարդ Աղաջանյանը:   Իր հերթին Արսեն Թորոսյանը ևս շնորհակալություն է հայտնել վարչապետին պատասխանատու աշխատանքը կամ ծառայությունը վստահելու համար: «Ուզում եմ շնորհակալություն հայտնել պարոն Աղաջանյանին կատարած աշխատանքի համար և վստահեցնել, որ մենք կպահենք այդ բարձր նշաձողը, և պարոն վարչապետ, Ձեր մատնանշած խնդրի լուծմանը զուգընթաց, կփորձենք այն ավելի բարելավել: Ուզում եմ վստահեցնել աշխատակազմին, որ աշխատանքն ինձ հետ բոլորի համար կլինի հարմարավետ: Չեմ կարծում, որ կարիք կլինի վերլուծական ժամանակաշրջանի, անմիջապես կանցնենք պարտականությունների կատարմանն ամբողջ ծավալով: Վստահ եմ, որ Ձեր մատնանշած ուղղությամբ էական քայլեր կկատարենք: Նույնը, ինչպես Դուք նշեցիք, ակնկալում եմ բոլորից»,- նշել է վարչապետի աշխատակազմի նորանշանակ ղեկավարը Վարչապետ Փաշինյանը կարևորել է այն փաստը, որ Արսեն Թորոսյանի ու աշխատակազմի միջև ծանոթացման և անցումային ժամանակաշրջան չի լինելու: «Մենք նման ճոխություն թույլ տալու հնարավորություն չունենք: Որպես նախարար, Դուք շատ սերտ համագործակցել եք աշխատակազմի հետ և այդ աշխատանքը երկուստեք նորություն չի լինելու: Կրկին հաջողություն եմ մաղթում Ձեզ»,- եզրափակել է վարչապետը:     
13:45 - 19 հունվարի, 2021
2021 թվականը պետք է դառնա մեր տնտեսական ամբիցիաների վերականգնման տարի. վարչապետ

2021 թվականը պետք է դառնա մեր տնտեսական ամբիցիաների վերականգնման տարի. վարչապետ

Վարչապետ Նիկոլ Փաշինյանի մոտ կայացած խորհրդակցության ընթացքում քննարկվել է 2022 թ. մակրոտնտեսական շրջանակը: Այս մասին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից: Բացման խոսքում վարչապետ Փաշինյանը նշել է. «2020 թվականը, այդ թվում տնտեսական իմաստով, չափազանց պրոբլեմատիկ տարի էր ոչ միայն պատերազմի բերումով, այլև նոր տեսակի կորոնավիրուսի համավարակի պատճառով: Պետք է հստակ արձանագրենք, որ 2021 թվականը լինելու է մեր տնտեսական ամբիցիաների վերականգնման տարի: Պետք է ձևակերպենք այն անելիքները, որոնք հնարավորություն կտան հաղթահարել դժվարությունները և իսկապես վերականգնել այն տնտեսական ամբիցիաները, որ ունեցել ենք 2020 թվականի հայտնի իրադարձությունների հետևանքով: Մենք ունենք բազմաթիվ տնտեսական մարտահրավերներ, բայց ունենք նաև բազմաթիվ հնարավորություններ: Իհարկե,  նախևառաջ պետք է կենտրոնանանք հումանիտար խնդիրների լուծման վրա, և մյուս կողմից, արձանագրենք, որ հունվարի 11-ին Մոսկվայում ստորագրված եռակողմ հայտարարությունը և դրա հնարավոր իրագործումը կարող է բոլորովին նոր տնտեսական հնարավորություններ ստեղծել Հայաստանի Հանրապետության համար: Մենք տրամադրված ենք այդ հնարավորությունները լիարժեք օգտագործել՝ կրկնում եմ, մեր տնտեսական ամբիցիաները ոչ միայն վերականգնելու, այլև ավելի բարձր նշաձողեր հաստատելու համար»: Ֆինանսների նախարար Ատոմ Ջանջուղազյանը ներկայացրել է 2022թ. մակրոտնտեսական շրջանակի և տնտեսական զարգացումների վերաբերյալ ընդհանուր կանխատեսումները: Նա նշել է, որ կորոնավիրուսի համավարակի և Արցախում պատերազմական գործողությունների հետևանքներով պայմանավորված՝ նպատակահարմար է ավելի վաղ սկսել բյուջետային գործընթացի շուրջ քննարկումները: Խորհրդակցությանը քննարկվել են, մասնավորապես, 2022թ. պետբյուջեի նախագծի, 2022-2024թթ. միջնաժամկետ ծախսային ծրագրերի մշակմանը, տնտեսական քաղաքականությանը, տնտեսական աճի կանխատեսումներին, հարկաբյուջետային շրջանակին, ընթացիկ ու կապիտալ ծախսերին վերաբերող մի շարք հարցեր: Վարչապետը նշել է, որ 2021թ. իրականացվող ծրագրերի որակն ազդեցություն է ունենալու 2022թ. մակրոտնտեսական շրջանակի վրա, և պետք է հետևողական լինել ծրագրերի բարձր կատարողական ապահովելու հարցում:
16:12 - 15 հունվարի, 2021
Հայաստանի և Բելառուսի միջև կկնքվեն ռեադմիսիայի մասին համաձայնագրեր |1lurer.am|

Հայաստանի և Բելառուսի միջև կկնքվեն ռեադմիսիայի մասին համաձայնագրեր |1lurer.am|

1lurer.am: ՀՀ Կառավարությունը հավանություն տվեց Հայաստանի և Բելառուսի միջև հետընդունման (ռեադմիսիայի) համաձայնագրի կնքման նախագծին, որը չզեկուցվողների թվում էր: Նախագծի հիմնավորման մեջ նշվում է, որ «Հայաստանի Հանրապետության կառավարության և Բելառուսի Հանրապետության կառավարության միջև հետընդունման (ռեադմիսիայի) մասին» համաձայնագրի և դրա իրականացման կարգի մասին կիրարկման արձանագրության կնքումը հնարավորություն կտա՝ համատեղ և համակարգված քայլեր իրականացնել կողմերի տարածքներում անօրինական կարգավիճակում գտնվող ինչպես սեփական քաղաքացիների, այնպես էլ երրորդ երկրների քաղաքացիների և քաղաքացիություն չունեցող անձանց հայտնաբերման և վերադարձի կազմակերպման հարցերում.  կողմերի տարածքներում առանց թույլտվության գտնվող անձանց վերադարձի առնչությամբ Հայաստանի Հանրապետության և Բելառուսի Հանրապետության համապատասխան մարմինների միջև գոյություն ունեցող համագործակցությանը տալ իրավաբանական ձևակերպում` համաձայնագրով սահմանելով, իսկ կիրակման արձանագրությամբ կոնկրետացնելով կողմերի իրավասու մարմինները, սահմանի հատման կետերը, փաստաթղթերի ցանկը, հետընդունման դիմումի ներկայացման կարգը, ձևը, ժամկետները և այլն: 
13:17 - 14 հունվարի, 2021
Նոր կարգավիճակում հայտնվող դատավորների անաչառությունը և անկաշառությունը չպետք է կասկածի տակ դրվեն. վարչապետ |1lurer.am|

Նոր կարգավիճակում հայտնվող դատավորների անաչառությունը և անկաշառությունը չպետք է կասկածի տակ դրվեն. վարչապետ |1lurer.am|

1lurer.am: «Պետք է երաշխավորված լինենք, որ նոր կարգավիճակում հայտնվող դատավորների անաչառությունը և անկաշառությունը որևէ կերպ կասկածի տակ չդրվեն»,- հայտարարեց ՀՀ վարչապետ Նիկոլ Փաշինյանը՝ Կառավարության նիստում «ՀՀ դատական օրենսգրքում» և կից օրենքների փոփոխությունների նախագծերի փաթեթի քննարկման ժամանակ: «Կայացվեց որոշումը՝ բոլորն ի գիտություն ընդունեն այն, ոչ թե սկսեն քննարկել, թե ի՛նչ պատճառահետևանքային, այդ թվում՝ քաղաքական կապ կա այդ որոշումների հետ: Մենք հետևողական պետք է լինենք, այդ թվում՝ բարեվարքության ստուգման արդյունքների ազդեցություններ ապահովելու համար»,- ասաց վարչապետը: Հիշեցնենք՝ օրինագծերի փաթեթով առաջարկվում է ներդնել մինչդատական վարույթների նկատմամբ դատական վերահսկողություն իրականացնող մասնագիտացված դատավորների ինստիտուտ, նաև կոռուպցիոն հանցագործությունների քննություն իրականացնող դատավորների մասնագիտացում է իրականացվում: «Սա աշխարհում լայնորեն կիրառվող պրակտիկա է, ժամանակակից աշխարհում միտում է, որ նման մասնագիտացված բաժանումներ տեղի ունենան: Ըստ էության, դատավորների ընտրության և նշանակման նոր պրոցեդուրա է անցնելու, որտեղ ամենակարևորը բարեվարքության ստուգումն է»,- հայտարարեց վարչապետը: Փաշինյանը նշեց, որ բարեվարքության ստուգման արդյունքները խորհրդատվական բնույթ ունեն, ու դրանք չեն դառնում հրապարակային: «Կարո՞ղ է լինել դեպք, որ բարեվարքության հետ կապված խնդրահարույց եզրակացություն լինի կոռուպցիայի կանխարգելման հանձնաժողովի կողմից, բայց ԲԴԽ-ի կողմից դատավորի նշանակման հարցի վրա կարող է ազդեցություն չունենալ, որովհետև այն չի հրապարակվում»,- հարցրեց վարչապետը: ՀՀ արդարադատության նախարար Ռուստամ Բադասյանը պարզաբանեց՝ խորհրդատվական բնույթ կրող փաստաթղթերը պարտադիր չեն, ինչը բխում է նաև սահմանադրական կարգավորումներից: «Տեսականորեն կարող է խորհրդատվական եզրակացությունը որևէ նշանակություն չունենալ, բայց կարծում եմ՝ դա քիչ հավանական է, որովհետև եթե խորհրդատվական եզրակացության մեջ այնպիսի կոնկրետ փաստերի մասին է խոսքը գնում, որ վկայում է բարեվարքության մասով խնդիրների մասին, խնդրահարույց կլինի, եթե ԲԴԽ-ն եզրակացությունը հաշվի չառնի»,- ասաց նա:
12:21 - 14 հունվարի, 2021
Ոչ թե կարիք ունեցող վիրավոր քաղաքացին է գնալու, գա նախարարություն, այլ նախարարությունն ինքն է գնալու կարիքները գնահատելու. Նիկոլ Փաշինյան |tert.am|

Ոչ թե կարիք ունեցող վիրավոր քաղաքացին է գնալու, գա նախարարություն, այլ նախարարությունն ինքն է գնալու կարիքները գնահատելու. Նիկոլ Փաշինյան |tert.am|

tert.am: Այսօր կառավարությունը որոշում կայացրեց փոփոխություններ անել բժշկասոցիալական կարգում: Աշխատանքի և սոցիալական հարցերի նախարար Մեսրոպ Առաքելյանը նշեց, որ նախագիծը վերաբերում է վիրավոր զինվորներին կամ քաղաքացիական անձանց աջակցող միջոցներ տրամադրելուն: Նա նշեց, որ գործող կարգով, մասնավորապես, աջակցող սարքեր՝ սայլակ, քայլակ ստանալու համար հաշմանդամության խումբ պետք է ունենար քաղաքացին, իսկ բուժումը ավարտելուց հետո է տեղի ունենում կարգի տրամադրումը, հիմա փոփոխությամբ հնարավորություն է տրվում առանց այդ խմբի տրամադրման գործընթացը ավարտելու տալ այդ սարքերը: Նիկոլ Փաշինյանն ավելացրեց. «Փոփոխությամբ նաև ոչ թե կարիք ունեցող քաղաքացին է գնում,  գալիս կառավարություն կամ նախարարություն, նախարարությունն ինքնն է գնում, կարիքները գնահատում, ժամանակին այս թեմայով քննարկում ենք ունեցել»,-ասաց նա:  
12:05 - 14 հունվարի, 2021
Ներդրվում է դատավորների երկու ենթամասնագիտացում. Կառավարությունը հավանություն տվեց օրենսդրական փոփոխությունների նախագծերին |1lurer.am|

Ներդրվում է դատավորների երկու ենթամասնագիտացում. Կառավարությունը հավանություն տվեց օրենսդրական փոփոխությունների նախագծերին |1lurer.am|

1lurer.am: Կառավարությունն այսօրվա նիստում քննարկեց «ՀՀ դատական օրենսգիրք» սահմանադրական օրենքում, «ՀՀ քրեական դատավարության օրենսգրքում» և «Արդարադատության ակադեմիայի մասին» օրենքում փոփոխությունների նախագծերի փաթեթը, որը ճանաչվեց անհետաձգելի: Արդարադատության նախարար Ռուստամ Բադասյանը տեղեկացրեց, որ նախագծով ներդրվում է երկու ենթամասնագիտացում՝ մինչդատական վարույթի նկատմամբ դատական վերահսկողություն իրականացնող մասնագիտացված դատավորների ինստիտուտը և կոռուպցիոն հանցագործությունների քննություն իրականացնող դատավորների մասնագիտացումը: Դատական իշխանության վիճակագրական տվյալները ցույց են տվել, որ քրեական մասնագիտացման դատավորները քննում են նաև այնպիսի գործեր, որոնք վերաբերում են մինչդատական վարույթի նկատմամբ դատական վերահսկողությանը, կալանքի միջնորդություններ, խուզարկության թույլտվության միջնորդություններ: «Մենք կարծում ենք, որ մինչդատական վարույթի նկատմամբ դատական վերահսկողություն իրականացնող մասնագիտացումը անհրաժեշտություն է նմանատիպ միջնորդությունների քննության արդյունավետությունը բարձրացնելու տեսանկյունից: Նաև հակակոռուպցիոն ռազմավարությունից բխում է, որ պետք է ներդրվեր մասնագիտացում կոռուպցիոն հանցագործությունների քննության մասով՝ դրանց քննության արդյունավետությունն ու որակը բարձրացնելու նպատակով»,- նշեց Բադասյանը: Նախարարը ներկայացրեց նաև վիճակագրական տվյալներ. 2019-ի հուլիսի 1-ից մինչև 2020 թվականի հուլիսի 1-ը դատարաններում քննվել են 275 կոռուպցիոն հանցագործությունների հետ կապված քրեական գործեր, իսկ դատախազությունը շուրջ 2228 քրեական գործի մինչդատական վարույթի օրինականության նկատմամբ իրականացրել է հսկողություն: «Վիճակագրությունը թույլ է տալիս ենթադրել, որ կոռուպցիոն հանցագործությունների քննության ծավալը դատական համակարգում 30 տոկոս աճի միտում ունի»,- ասաց նախարարը: Բադասյանի խոսքով՝ նախագծերի փաթեթն անհետաձգելի է, քանի որ դատավորների թվաքանակը չի բավարարում, իսկ դատավորների ավելացումը կբերի քրեական գործերի քննության ժամկետների կրճատմանը: Իսկ երկրորդը՝ նոր ընթացակարգով դատավորների ընտրությունը, բարեվարքության ստուգումը և այս ոլորտում մասնագիտացման ներդրումը կնպաստեն նրան, որ դատական ակտերն ավելի օբյեկտիվ լինեն, և հասարակության վստահությունն ավելի բարձր լինի:
11:48 - 14 հունվարի, 2021
Կառավարությունն առաջարկում է ստեղծել Հակակոռուպցիոն և Վերաքննիչ հակակոռուպցիոն դատարաններ. ԱԺ հանձնաժողովը հավանություն տվեց |1lurer.am|

Կառավարությունն առաջարկում է ստեղծել Հակակոռուպցիոն և Վերաքննիչ հակակոռուպցիոն դատարաններ. ԱԺ հանձնաժողովը հավանություն տվեց |1lurer.am|

1lurer.am: Կառավարությունն առաջարկում է ստեղծել Հակակոռուպցիոն և Վերաքննիչ հակակոռուպցիոն դատարաններ: ԱԺ պետաիրավական հարցերի մշտական հանձնաժողովը հավանություն տվեց «Հայաստանի դատական օրենսգիրք» սահմանադրական օրենքում փոփոխությունների նախագծին:   Հիմնական զեկուցող, արդարադատության նախարար Ռուստամ Բադասյանը նշեց, որ դատարանների ստեղծմամբ կապահովվի կոռուպցիոն բնույթի գործերով մասնագիտացված քննություն՝ նպաստելով կոռուպցիայի դեմ պայքարի արդյունավետության բարձրացմանը:  Նախարարը մանրամասնեց՝ ապօրինի ծագում ունեցող գույքի բռնագանձման գործընթացում ևս մասնագիտացվածությունն ապահովելու համար առաջարկվում է ստեղծել մասնագիտացված հակակոռուպցիոն դատարան՝ 25 դատավորով:  Իսկ Վերաքննիչ հակակոռուպցիոն դատարանն, ըստ Բադասյանի, կունենա 10 դատավոր: Առաջարկվող փոփոխությունների համաձայն՝ Վճռաբեկ դատարանում քրեական պալատը գործելու է 8 դատավորով, իսկ քաղաքացիական և վարչական պալատը՝ 13 դատավորով:
15:11 - 13 հունվարի, 2021
Զբոսաշրջության ոլորտը ծանր վիճակում է. ակնկալվում է արտոնյալ վարկերի մարման ժամկետների երկարաձգում |armenpress.am|

Զբոսաշրջության ոլորտը ծանր վիճակում է. ակնկալվում է արտոնյալ վարկերի մարման ժամկետների երկարաձգում |armenpress.am|

armenpress.am: Հայաստանում զբոսաշրջության ոլորտը բավական ծանր վիճակում է հայտնվել, այն փրկելու անհրաժեշտություն կա: Տուրիզմի հայկական ֆեդերացիայի նախագահ Մեխակ Ապրեսյանը նշեց, որ ամբողջ աշխարհում կորոնավիրուսի հետևանքով 2020 թվականի առաջին 10 ամիսների տվյալներով համաշխարհային զբոսաշրջային այցելությունների թիվը նվազել է մոտ 72 տոկոսով, տարվա կտրվածքով կանխատեսվում է մինչև 75 տոկոս անկում: Այսինքն՝ մոտ մեկ միլիարդով պակաս այցելություն է եղել 2020 թվականին, 2019-ի համեմատ: Հայաստանն այդ միտումներից հետ չէր կարող մնալ, մանավանդ, որ կորոնավիրուսին գումարվեց պատերազմը: 2020 թվականի ներգնա զբոսաշրջային այցելությունների թիվը հունվար-սեպտեմբերին մոտ 77 տոկոսով պակաս է 2019 թվականի նույն ժամանակահատվածի համեմատ: Տարվա կտրվածքով կանխատեսվում է 1.5 միլիոնով պակաս այցելություն, մոտ 80 տոկոսի չափով: Նվազում կա և՛ արտագնա հատվածում, և՛ ներքին զբոսաշրջության ոլորտում: Երրորդ եռամսյակում ներքին զբոսաշրջությունում, հատկապես առողջարանային հատվածում, թեպետ որոշակի ակտիվություն եղել է, միևնույն է այստեղ նույնպես անկում կա, մոտ 33 տոկոս: «Շատ ընկերություններ, հյուրանոցային ծառայություններ, բոլոր նրանք, որոնք ինչ-որ ձևով ներգրավված չեն ներքին զբոսաշրջության մեջ, ըստ էության կանգնած են: Մի քանի ավիատոմս վաճառելով փորձում են գոյատևել: Որոշներն այնպիսի իրավիճակում են, որ փորձում են ատամներով պահել աշխատատեղերը»,-ասաց Մեխակ Ապրեսյանը: Նախորդ տարվա ընթացքում ՀՀ կառավարության կողմից եղան աջակցման ծրագրեր զբոսաշրջության ոլորտում կորոնավիրուսի հետևանքները չեզոքացնելու համար: Մեխակ Ապրեսյանը նշեց, որ դա որոշակի իրավիճակը մեղմացրեց, սակայն այնպիսի իրավիճակ է, որ ոլորտը պահպանելու խնդիր կա: Դրա համար շատ կարևոր է շատ արագ ունենալ զբոսաշրջության ոլորտի կորոնավիրուսի և պատերազմի տնտեսական հետևանքների չեզոքացման հատուկ ծրագիր, հիմքեր, նախադրյալներ ստեղծվեն հետագա զարգացման համար: «Օրինակ, գործող ծրագրերում խնդիր ունենք: Երբ արտոնյալ պայմաններով վարկավորում էին ոլորտի բիզնեսին, առաջարկ կար, որ արտոնյալ ժամանակահատվածը լիներ մեկ տարի, որովհետև դա տուրիզմի համար կենսական անհրաժեշտություն է: Չնայած առաջարկին, որոշվեց սահմանել վեց ամիս: Այսօր իրավիճակը ցույց է տալիս, որ շատերը չեն կարողանում մարել վարկերը»,-ասաց Մեխակ Ապրեսյանը՝ հավելելով, որ պետք է արագ քննարկվի և այդ վարկերի մարման արտոնյալ ժամկետը երկարաձգվի առնվազն մինչև ապրիլ: Տուրիզմի հայկական ֆեդերացիայի նախագահը կարևոր է համարում այն, որ ոլորտի հետ կապված ծրագրերը, փոփոխությունները, առաջարկները մասնավոր հատվածի հետ քննարկվեն:
13:51 - 13 հունվարի, 2021
ՀՀ կառավարությունից պահանջում ենք հանրությանն իրազեկել Ադրբեջանի և ՌԴ-ի հետ ստորագրվելիք հնարավոր բոլոր փաստաթղթերի մասին. հայտարարություն

ՀՀ կառավարությունից պահանջում ենք հանրությանն իրազեկել Ադրբեջանի և ՌԴ-ի հետ ստորագրվելիք հնարավոր բոլոր փաստաթղթերի մասին. հայտարարություն

Հաշվի առնելով Թուրքիայի աջակցությամբ և վարձկան ահաբեկիչների ներգրավմամբ 2020 թ․ սեպտեմբերի 27-ին Լեռնային Ղարաբաղի դեմ Ադրբեջանի սանձազերծած կործանարար պատերազմական գործողությունների դադարեցման վերաբերյալ՝ 2020 թ. նոյեմբերի 9-ին Ռուսաստանի, Հայաստանի և Ադրբեջանի միջև հայտարարությունից հետո Հայաստանում, Արցախում (Լեռնային Ղարաբաղում) և Հարավային Կովկասում ստեղծված իրավիճակը, Մոսկվայում Հայաստանի և Արցախի ապագային, նրա քաղաքացիների համար կենսական նշանակություն ունեցող հարցերի շուրջ ենթադրյալ բանակցությունների մասին օբյեկտիվ տեղեկատվության բացակայությունը, ՀՀ Կառավարության կողմից տեղեկատվական բացարձակ շրջափակման մեջ գտնվելու փաստը, հանրային վստահության վերականգնման, քաղաքական տարբեր ուժերի կողմից իրադարձությունների զարգացման, իրավիճակի փոփոխությունների վերաբերյալ տարատեսակ շահարկումների ու տարածվող ապատեղեկատվության զոհը չդառնալու անհրաժեշտությունը՝ Մենք Հայաստանի կառավարությունից պահանջում ենք. 1.առավելագույն թափանցիկության և հաշվետվողականության ապահովում՝ իր բոլոր, հատկապես՝ Արցախի (Լեռնային Ղարաբաղի), Հայաստանի և Ադրբեջանի միջև սահմանների որոշման գործողությունների վերաբերյալ։ Վերջ տալ բացառիկ ոչ հաշվետու և ոչ թափանցիկ գործելակերպին, երբ ՀՀ իշխանությունները ստորագրում են բախտորոշ փաստաթղթեր և հասարակությանը կանգնեցնում են այլևս կատարված փաստին դեմ հանդիման՝ զրկելով իրենց կյանքի ու կենսագործունեության կազմակերպման կանխատեսելիությունից, սահմանափակելով և վտանգելով Հայաստանի և Արցախի կապը, Հայաստանում և Արցախում մարդկանց անվտանգությունը: 2.հանրությանն իրազեկել Ադրբեջանի և Ռուսաստանի հետ համատեղ ստորագրվելիք հնարավոր բոլոր փաստաթղթերի մասին, որոնք անմիջական ազդեցություն ունեն Հայաստանի քաղաքացիների և Արցախի (Լեռնային Ղարաբաղի) հայերի անվտանգության, ինչպես նաև Հայաստանի տարածքային ամբողջականության և ինքնիշխանության վրա: 3.արդյունավետ և անհրաժեշտ քայլեր ձեռնարկել Լեռնային Ղարաբաղի հակամարտության կարգավորման միակ լեգիտիմ, միջազգային իրավունքի հիման վրա ստեղծված ձևաչափի` ԵԱՀԿ Մինսկի խմբի գործունեության վերականգնման և Արցախի (Լեռնային Ղարաբաղի) կարգավիճակի վերաբերյալ առարկայական բանակցություններ սկսելու ուղղությամբ: 4.անհրաժեշտ բոլոր ջանքերը գործադրել աշխատեցնելու համար միջազգային իրավունքի և նորմերի համաձայն գործող երկկողմ և բազմակողմ բոլոր մեխանիզմները, ադրբեջանական գերության մեջ գտնվող՝ Հայաստանի և Արցախի քաղաքացիներին և զինվորականներին վերադարձնելու ուղղությամբ: Այս խնդրի լուծման համար անհրաժեշտ է ներգրավել միջազգային կազմակերպություններին (ՄԱԿ, ԵԽ և ԵԱՀԿ), ինչպես նաև ԵԱՀԿ Մինսկի խմբի համանախագահներին ՝ ԱՄՆ-ին, Ֆրանսիային և Ռուսաստանին: Գլոբալիզացիայի և տարածաշրջանային համագործակցության վերլուծական կենտրոն Հելսինկյան քաղաքացիական ասամբլեայի Վանաձորի գրասենյակ Լրագրողների «Ասպարեզ» ակումբ Շիրակի ուսուցիչների միություն գիտակրթական կենտրոն ՀԿ Կանանց իրավունքների տուն ՀԿ Միջազգային և անվտանգության հարցերի հայկական ինստիտուտ Համայնքային համախմբման և աջակցության կենտրոն ՀԿ Անի Աղագյուլյան, իրավապաշտպան Հայ առաջադեմ երիտասարդություն ՀԿ Խաղաղության երկխոսություն ՀԿ Հանրային լրագրության ակումբ Իրազեկ քաղաքացիների միավորում Երիտասարդական ավանգարդ ՀԿ Բազմակողմանի տեղեկատվության ինստիտուտ Սոնա Մանուսյան Քաղաքականության հետազոտական կենտրոն Թրանսփարենսի ինթերնեշնլ հակակոռուպցիոն կենտրոն Կանանց ռեսուրսային կենտրոն Հասարակություն առանց բռնության ՀԿ Միջազգային և անվտանգության հարցերի հայկական ինստիտուտ «Էկոլուր» տեղեկատվական ՀԿ Սպիտակի հելսինկյան խումբ ՀԿ «Սոսե կանանց հիմնահարցեր» ՀԿ «Սոցիոսկոպ» ՀԿ Ընդդեմ կանանց նկատմամբ բռնության կոալիցիա
16:28 - 09 հունվարի, 2021
Անհետ կորած զինծառայողների հարազատները ակցիա են իրականացնում Կառավարության շենքի մոտ |1lurer.am|

Անհետ կորած զինծառայողների հարազատները ակցիա են իրականացնում Կառավարության շենքի մոտ |1lurer.am|

1lurer.am: Կառավարության շենքի դիմաց ակցիա են իրականացնում պատերազմի հետևանքով անհետ կորած զինծառայողների հարազատները։ Ակցիայի մասնակիցներից Կարինե Ղազարյանը լրագրողների հետ զրույցում ասաց, որ որդուց արդեն 80 օր լուր չունի։ Ընդգծեց, որ եկել են ոչ թե բողոքի ցույցի, այլ ընթացիկ հարցերի քննարկման, անկախ նրանից, որ ոչ աշխատանքային օր է՝ խոստացել են ընդունել իրենց:  «Գոնե մեզ թիվ ասեն, անուն ասեն, որ իմանանք գերիների մեջ փնտրենք, թե անտառներում»,- ասաց ակցիայի մասնակիցը՝ նշելով, որ տանը նստել չեն կարող, նման ակցիաների միջոցով անընդհատ զգոն են պահում ղեկավարությանը, գալիս են հույսի, լույսի ակնկալիքով։ Ակցիայի մասնակիցներից Ռոման Գևորգյանն էլ ասաց, որ կոնկրետ պայմանավորվածություն չունեն, բայց պահանջում են հանդիպում վարչապետ Նիկոլ Փաշինյանի հետ։ Նրանք պահանջում են որ հանդիպմանը ներկա լինի նաև Առողջապահության նախարարը՝ պարզաբանելու, թե ինչպես է ստացվել, որ հրապարակված նկարներով ծնողները ճանաչել են հիվանդանոցում գտնվող երեխային, բայց այսօր չեն գտնում։  Ակցիայի մասնակիցն ասաց, որ ՀՀ վարչապետը մեկ շաբաթ առաջ հանձնարարական էր տվել նաև Ազգային անվտանգությանը զբաղվել անհետ կորածների հարցով, բայց մինչև օրս նորություն չունեն։ Գևորգյանը հայտնեց, որ իրենց պահանջներից է նաև  գերիների տվյալների հրապարակումը։
14:19 - 05 հունվարի, 2021