Ինֆոքոմ

Թռիչքային անվտանգության եվրոպական գործակալությունը չի վստահում Քաղաքացիական ավիացիայի կոմիտեի տված լիցենզիաներին

Թռիչքային անվտանգության եվրոպական գործակալությունը չի վստահում Քաղաքացիական ավիացիայի կոմիտեի տված լիցենզիաներին

2020 թվականի ապրիլի 4-ին Քաղաքացիական ավիացիայի կոմիտեն տարածեց հայտարարություն այն մասին, որ Թռիչքային անվտանգության եվրոպական գործակալության և ԵՄ մասնագետները փետրվարի 3-7-ը աուդիտ են իրականացրել Քաղացիական ավիացիայի կոմիտեում և թվով երկու հայկական ավիաընկերությունում։ Նախ նշենք, որ խոսքը "Atlantis European Airways" և «Ավիակոմպանիա Արմենիա» ավիաընկերությունների մասին է։ Infocom-ի տրամադրության տակ է հայտնվել Թռիչքային անվտանգության եվրոպական գործակալության՝ «Ավիակոմպանիա Արմենիա»-ի տնօրենին ուղարկած նամակը։ Ստորև ներկայացնում ենք որոշ թարգմանված հատվածներ։ Նամակում ասվում է, որ Եվրոպական հանձնաժողովի՝ փետրվարի 3-7-ը ՀՀ քաղաքացիական ավիացիայի կոմիտեում (ՔԱԿ) անցկացրած մոնիթորինգի արդյունքում եկել են այն եզրակացության, որ Հայաստանը ներկայումս ի վիճակի չէ լիցենզավորել և վերահսկել իր օպերատորներին (ՀՀ-ում օդանավ շահագործողներին-հեղ․) և օդանավերին՝ միջազգային ստանդարտարտներին համապատասխան։ Որպես նշվածի հետևանք՝ ՀՀ ՔԱԿ-ը ներկայումս պատրաստվում է վերալիցենզավորել նախկինում իր կողմից լիցենզավորած բոլոր օպերատորներին։ Ըստ «Երրորդ երկրների օպերատորների մասին» կարգավորման 235-րդ հոդվածի` Թռիչքային անվտանգության եվրոպական գործակալությունը միջոցներ է ձեռնարկում սահմանափակելու կամ կասեցնելու երրորդ երկրների օպերատորների թույլտվությունները, երբ կան ստուգելի ապացույցներ, որ օպերատորի պետությունը ընդունակ չէ լիցենզավորել և վերահսկել օպերատորին և/կամ օդանավին՝ Քաղաքացիական ավիացիայի միջազգային կազմակերպության ստանդարտներին համապատասխան։ Կորոնավիրուսի համաճարակով պայմանավորված՝ երրորդ երկրի օպերատորի՝ այս դեպքում «Ավիակոմպանիա Արմենիա»-ի թույլտվությունը կգործի միայն 2 դեպքում․ Օդային շտապօգնության թռիչքներ՝ հիվանդ կամ վնասված հիվանդներին առողջապահական հաստատությունների միջև տեղափոխման և/կամ հիվանդին բժշկական օգնություն ցուցաբերելու համար։ Չնախատեսված թռիչքներ՝  չնախատեսված, հրատապ նշանակության, որոնք իրականացվում են հանրային շահի համար (հումանիտար առաքելություններ կամ աղետների հետ կապված գործողություններ)։ «Ավիակոմպանիա Արմենիա»-ն, ըստ պահանջի, պետք է Թռիչքային անվտանգության եվրոպական գործակալությանը և անդամ երկրների իրավասու մարմիններին ապացուցի, որ թռիչքներն իրականացնում են վերոնշյալ նպատակներով։ Վերոնշյալի մասին «Ավիակոմպանիա Արմենիա»-ն տեղեկացվել էր դեռևս սույն թվականի մարտի 12-ին և հնարավորություն էր տրվել, որպեսզի իր կարծիքը հայտնի մինչ սույն թվականի մարտի 19-ը։ Մարտի 18-ին «Ավիակոմպանիա Արմենիա»-ն հայտնել է իր աջակցությունը վերալիցենզավորման գործըթացին և իր պատրաստակամությունը՝ անցնելու Թռիչքային անվտանգության եվրոպական գործակալություն ավելի խիստ հսկողության։ Ավիաընկերությունը նաև տեղեկացրել է «Միջազգային օդային տրանսպորտի ասոցիացային» ներգրավվելու իր մտադրության և IOSA-ում գրանցվելու ցանկության մասին։ Սակայն Թռիչքային անվտանգության եվրոպական գործակալությունը հայտնել է, որ ավիաընկերության նշածը չի վերաբերում այս իրավիճակին։ Գործակալությունը նշել է, որ ներկայումս չունի վստահություն ՀՀ ՔԱԿ-ի կողմից տրված լիցենզիայի նկատմամբ։ Այդ լիցենզիան է այն հիմքը որով «Ավիակոմպանիա Արմենիա»-ն տրվել է TCO (Երրորդ երկրի օպերատոր) լիցենզիա։ Ստորև կարող եք տեսնել նամակի բնօրինակը․
14:20 - 07 ապրիլի, 2020
 Աշխատում ենք, որ նախարարության պատրաստած բոլոր նախագծերն ունենան նաև հստակ կրթական  բաղադրիչ․ ԿԳՄՍ նախարարի տեղակալ Արայիկ Խզմալյան

Աշխատում ենք, որ նախարարության պատրաստած բոլոր նախագծերն ունենան նաև հստակ կրթական բաղադրիչ․ ԿԳՄՍ նախարարի տեղակալ Արայիկ Խզմալյան

Այսօր հրավիրված մամուլի ասուլիսի ժամանակ ԿԳՄՍ նախարարի տեղակալ Արայիկ Խզմալյանն ասաց, որ նախարարությունը սկսել է Սկսել ենք «Առականի» շարքը՝ Համազգային թատրոնի արտիստների մասնակցությամբ,  արդեն առաջին հաղորդումը թողարկվել է։ «Աշխատում ենք, որ նախարարության պատրաստած բոլոր նախագծերն ունենան նաև հստակ կրթական ուղերձներ և կրթական բաղադրիչ։ Արտիստների կողմից այս առակների ընթերցումից հետո փոքրիկ քննարկում է կազմակերպվում հենց հաղորդման շրջանակներում, այնուհետև արտիստները կոչ են անում այս քննարկումը տեղափոխել տուն, ընտանիք։ Կա մի ակցիա, երբ առակի լավագույն մեկնաբանությունը ուղարկում են թատրոնի ֆեյսբուքյան էջին, և անակնկալներ են սպասվում լավագույն մեկնաբանությունն ուղարկողին»,-նշեց նա։ Արայիկ Խզմալյանը հայտնեց, որ նկարահանվել է և շուտով կմեկնարկի «Քո սերնդակիցը» նախագիծը, որը ցուցադրելու է երաժշտական ոլորտում տաղանդավոր պատանիների ձեռքբերումները, նվաճումները։ «Հայաստանի ազգային կինոկենտրոնի և Հայաստանի կինոմատոգրաֆիստների միության հետ համատեղ webtv.am կայքում մենք տեղադրել ենք արդեն 14  մուլտեր, անիմացիոն ֆիլմեր»,- ասաց նա։
14:19 - 07 ապրիլի, 2020
Ճգնաժամային իրավիճակում ոչ միայն  հանրային հետաքրքրությունը մշակույթի հանդեպ չի նվազել, այլև որոշ դեպքերում նկատվում է այդ հետաքրքրության շեշտակի աճ․ ԿԳՄՍ նախարարի տեղակալ

Ճգնաժամային իրավիճակում ոչ միայն  հանրային հետաքրքրությունը մշակույթի հանդեպ չի նվազել, այլև որոշ դեպքերում նկատվում է այդ հետաքրքրության շեշտակի աճ․ ԿԳՄՍ նախարարի տեղակալ

Այսօր հրավիրված մամուլի ասուլիսի ժամանակ ԿԳՄՍ նախարարի տեղակալ Արայիկ Խզմալյանը նշեց, որ, ըստ իրենց ուսումնասիրությունների, այս ճգնաժամային իրավիճակում ոչ միայն  հանրային հետաքրքրությունը մշակույթի հանդեպ չի նվազել, այլև որոշ դեպքերում նկատվում է այդ հետաքրքրության շեշտակի աճ։ «Մեր պետական կառույցների ֆեյսբուքյան էջերի, կայքերի հետևորդների քանակը բազմապատկվում է, խնդիր ունենք անել այնպես, որ ճգնաժամի հաղթահարումից հետո այս տվյալները չնվազեն, և մենք ձևավորենք կայուն հետևորդների ինստիտուտը։ Այս շաբաթվանից մենք կսկսենք մեր պետական կառույցների PR մարքեթինգի պատասխանատուների հատվածի հետ համապատասխան վեբինարներ կազմակերպել, որ մշակենք այս տվյալները պահպանելու և զարգացնելու ձևաչափերը»,- նշեց նա։  Արայիկ Խզմալյանի խոսքով՝ Սպենդիարյանի անվան օպերայի և բալետի ազգային ակադեմիական  թատրոնը մարտի 17-ից մինչև ապրիլի 5-ն իր ֆեյսբուքյան էջում հեռարձակել է 6 ներկայացում։ Նշված ժամանակահատվածում ցուցադրված նյութերի ընդհանուր դիտումների քանակն արդեն անցնում է 840 հազարը։ Թատրոնի ֆեյսբուքյան պաշտոնական էջի հետևորդների թիվը նշված ժամանակահատվածում ավելացել է 5000-ով։  «Սունդուկյանի անվան թատրոնում մեկնարկել է «Առցանց խաղացանկ» նախագիծը։ Երեկ ցուցադրվել է առաջին ներկայացումը, որ ունեցել է շուրջ 40 հազար դիտում։ Առցանց ցուցադրությունները շարունակվում են գրեթե բոլոր թատերահամերգային կազմակերպությունների սոցիալական ցանցերով և կայքէջերով։ Հայաստանի ազգային ֆիլհարմոնիկ նվագախմբի երաժիշտներն անհատական կամ խմբակային մակարդակներում տեսագրում են համերգային կատարումներ, հեռարձակում են դրանք, ինչպես նաև կոչ են անում մնալ տանը և հետևել պարետատան ցուցումներին»,- նշեց նա։ Արայիկ Խզմալյանն ասաց, որ մեծ հետաքրքրություն է առաջացրել Արամ Խաչատրյանի Երկրորդ սիմֆոնիայի հեռարձակումը։ Նրա խոսքով՝ սիմֆոնիան ձայնագրվել էր 2019 թ․ և երբևէ չէր հեռարձակվել, առաջին անգամ հեռարձակվեց այս պայմաններում։  « «Արմմոնո» մենաներկայացումների թատերական միջազգային փառատոնը ևս ընտրել է առցանց ձևաչատը։ Ստեղծվել է «Armmono Talking» խորագրով նախագիծ՝ զրույցներ ոլորտի տարբեր մասնագետների հետ։ Սա նաև կրթական ծրագիր է»,- նշեց նա։
13:51 - 07 ապրիլի, 2020
Ունենք հեռավար կրթության գործընթացում ավելի քան 80 տոկոսի մասնակցություն․ ԿԳՄՍ նախարարի տեղակալ Ժաննա Անդրեասյան

Ունենք հեռավար կրթության գործընթացում ավելի քան 80 տոկոսի մասնակցություն․ ԿԳՄՍ նախարարի տեղակալ Ժաննա Անդրեասյան

Այսօր հրավիրված մամուլի ասուլիսի ժամանակ ԿԳՄՍ նախարարի տեղակալ  Ժաննա Անդրեասյանն ասաց, որ նախարարությունը մի շարք ուղղություններով քայլեր է ձեռնարկել կրթության շարունակականությության ապահովման համար։ Քայլերը հիմնականում ուղղված են եղել հեռավար ուսուցման հասանելիության բարձրացմանը, անհրաժեշտ բովանդակության պատրաստմանը և ուսուցիչներին աջակցությանը, ինչպես նաև մեթոդական կարգավորմանը։ «Շարունակել ենք մեր համագործակցությունը Հանրային հեռուստաընկերության հետ, որի շրջանակներում ամեն օր՝ առավոտյան 08։30-ից, եթերում են հանրային դասերը։ Այստեղ աշխատում ենք ներառել նաև մասնագիտական կողմնորոշման, ֆինանսական գործիքների օգտագործման և այլ թեմաներ, որոնք ոչ միայն ուսումնական նյութ են, այլ նաև պոտենցիալ կրթական բովանդակություն են ավելի լայն խմբերի համար։ Արձագանքները ցույց են տալիս, որ մենք ունենք շատ ավելի լայն լսարան, և այդ լսարանը այդ կրթական բովանդակությունը բավականին համարժեք է գնահատում։ Հանրային դասերը շարունակվում են նաև 11։30-ից 12։40։ Այս անգամ առանցքում բնագիտական առարկաներն ու մաթեմատիկան են՝ ավագ դասարանների համար»,- նշեց նա։ Ժաննա Անդրեասյանն ասաց, որ նախարարությունը պատրաստում է թեմատիկ պլաններին համապատասխան տեսադասեր։ «Արդեն իսկ ունենք ավելի քան 95 տեսադաս, որոնք հասանելի են ինչպես մեր յութուբյան էջում, այնպես էլ մենք դա տեղադրում ենք նախարարության ֆեյսբուքյան էջում և տարածում ենք հեռահաղորդակցության ընկերությունների հետ մեր համագործակցության շրջանակներում նրանց տրամադրծ տարածքներում․ խոսքը և՛ Ucom-ի, և՛ Rostelecom-ի, և Beeline-ի մասին է, որոնց հետ ձեռք բերած համաձայնությունների արդյունքում բոլոր դասերը անվճար հասանելի են դառնում այդ ընկերությունների բջջային հավելվածներում և թվային հեռուստատեսություններում։ YouTube-ում դրանց դիտելն ու բեռնելն անվճար է»,- նշեց նա։ Ժաննա Անդրեասյանի խոսքով՝ կա համագործակցություն մարզային հեռուստաընկերությունների հետ, և տեսադասերը նաև հասանելի են մարզային հեռուստաընկերությունների եթերում։ Նա նշեց, որ  սա հատկապես կարևոր է, քանի որ կան տեղեկություններ, թե աշակերտների և ուսուցիչների որոշ խմբեր չունեն հասանելիություն սարքերին և չեն կարողանում  միանալ հեռավար ուսուցմանը։   «Այս տարվա մարտի 29-ից Խաչիկ Դաշտենցի անվան թիվ 114 ավագ դպրոցում ընդունում ենք համակարգչային սարքավորումներ, արդեն իսկ հավաքագրել ենք շուրջ 600 սարքավորում, որոնց զգալի մասն ամբողջությամբ նոր է։ Սրանք տրամադրել ենք մարզերին, տրամադրել ենք նաև քարտեր։ Ունեցել ենք նվիրաբերություններ ինչպես կազմակերպությունների, այնպես էլ ֆիզիկական անձանց կողմից»,- ասաց նա։ Ժաննա Անդեասյանը նշեց, որ նախարարությունն այս ընթացքում մի շարք ուղեցույցներ է մշակել ծնողների, աշակերտների, ուսուցիչների համար։ Գործարկվել է էլեկտրոնային մատյան, որը հնարավորություն է տալիս արձանագրել, թե ինչպես են իրականացվում հեռավար դասերն առանձին դպրոցներում, ինչպիսի աշխատանք են կատարում ուսուցիչները։ Մատյանը գործարկվել է մարտի 26-ին, և այս պահին ուսուցիչների 80 տոկոսն այնտեղ գրանցված է։ «Մարզերից ստացված տեղեկությունների համաձայն՝ մենք ունենք հեռավար կրթության գործընթացում ավելի քան 80 տոկոսի մասնակցություն․ խոսքն աշակերտական համակազմի մասին է։ Կրթական տեխնոլոգիաների ազգային կենտրոնի միջոցով վերապատրաստման արագացված դասընթանցեր ենք կազմակերպել ուսուցիչների համար։ Դասընթացներն իրականացրել ենք թե՛ Հայաստանի, թե՛ Արցախի Հանրապետության ուսուցիչների համար»,- ասաց նա։
12:59 - 07 ապրիլի, 2020
Խնդրում եմ այս շաբաթվա ընթացքում առավել խստությամբ, առավել լրջությամբ պահպանել սահմանափակումները․ Նիկոլ Փաշինյան

Խնդրում եմ այս շաբաթվա ընթացքում առավել խստությամբ, առավել լրջությամբ պահպանել սահմանափակումները․ Նիկոլ Փաշինյան

Նիկոլ Փաշինյանն այսօր ֆեյսբուքյան ուղիղ եթերով հայտարարեց, որ ունենք վարակվելու 20 նոր դեպք, ինչը, նախորդ օրվա հետ համեմատած, ավելի շատ է։ Վարչապետը հայտնեց, որ նախորդ օրը թեստերի քանակն ավելի քիչ է եղել, արվել է 211 թեստ։  ‹‹Առողջապահության նախարարությունը և պարետատունը կարծում են, որ երեկվա մեր գնահատականը շարունակում է պահպանվել։ Երեկ շատ բացառիկ օր է եղել նրանով, որ առողջացումով դուրս գրված պացիենտները առաջին անգամ ավելի շատ են եղել, քան նոր ախտորոշումները, ունենք 25 հոգի առողջացումով դուրս գրված պացիենտ»,- նշեց նա։ Նիկոլ Փաշինյանի խոսքով՝  Առողջապահության նախարարությունը պիտի ամեն ինչ անի, որ մինչև շաբաթվա վերջը օրը 1000 հետազոտության հասնենք, և այդ 1000 հետազոտությունն ավելի ամբողջական պատկերացում կտա մեր իրավիճակի մասին։  ‹‹Առողջապահական համակարգի լարվածությունը մի փոքր նվազել է նաև այն պատճառով, որ մեր համակարգն ադապտացվել է նոր իրավիճակին, մի փոքր դուրս է եկել ցայտնոտային իրավիճակից»,- ասաց նա։  Նիկոլ Փաշինյանն ասաց, որ կա կորոնավիրուսով վարակվածների համար նախատեսված 1400 մահճակալ, բայց այս պահի դրությամբ այդ մահճակալների միայն կեսն է զբաղված։ ‹‹Լավ է, որ ծայրահեղ ծանր դեպքերի նվազում ունեցանք․ 2 հոգի, որոնք համարվում էին ծայրահեղ ծանր, արդեն ավելի լավ են, կրիտիկական հատվածից մեր բժիշկները կարողացել են դուրս բերել։ Այս վիճակագրությունը մեզ հուշում է, որ հնարավոր է՝ սահմանափակումների մեր քաղաքականությունն արդյունավետ է։ Խնդրում եմ այս շաբաթվա ընթացքում առավել խստությամբ, առավել լրջությամբ պահպանել սահմանափակումները, որպեսզի մենք կարողանանք երկուշաբթի օրվանից սկսել ռեժիմի թուլացման մարտավարություն որդեգրել, եթե վիճակագրությունը նման բանի հնարավորություն տա»,- ասաց նա։  Վարչապետը նաև անդրադարձավ Վանաձորում տեղի ունեցած անհամաչափ թանկացումների մասին լուրերին։ Նա ասաց, որ այսօր  խորհրդակցության է տեղի ունեցել, որի ժամանակ ՏՄՊՊՀ նախագահը նշել է, որ իրենք զբաղվում են այդ հարցով։ ‹‹Ես տվել եմ համապատասխան հանձնարարականներ, որ այդ թեմայով զբաղվեն։ Այսօր ՏՄՊՊՀ նախագահն ասաց նաև, որ որոշ ապրանքատեսակների մասով որոշ գնանկում է նկատվել։ Մենք, իհարկե, կշարունակենք հետևել իրավիճակին, մոնիթորինգ անել։ Խնդիրը հետևյալն է, որ մենք թույլ չտանք որևէ չհիմնավորված գործողություն և թույլ չտանք, որ գնային շահարկումներ և չարաշահումներ տեղի ունենան՝ հասկանալով, որ կարող են նաև գների փոփոխություններ տեղի ունենալ»,- ասա նա։
11:33 - 07 ապրիլի, 2020
Նորություններ կորոնավիրուսի մասին, աշխարհ, 06․04․20 (թարմացվող)

Նորություններ կորոնավիրուսի մասին, աշխարհ, 06․04․20 (թարմացվող)

0։09- Մեծ Բրիտանիայի վարչապետ Բորիս Ջոնսոնը տեղափոխվել է հիվանդանոցի ինտենսիվ թերապիայի բաժանմունք՝ կորոնավիրուսի պատճառով: Հաղորդվում է, որ վերջին ժամերի ընթացքում վարչապետի առողջական վիճակը վատթարացել է, որից հետո բժիշկները որոշել են նրան տեղափոխել արհեստական շնչառության սարքին ավելի մոտ:Նրա խնդրանքով իրեն վարչապետի պաշտոնում կփոխարինի Արտաքին գործերի նախարար Դոմինիկ Ռաաբը: |bbc.com|19:23- Չի բացառվում, որ առաջիկա օրերին արդեն Վրաստանի առողջապահական համակարգը ստիպված լինի անցնել կորոնավիրուսի թեթև ախտանիշ ունեցող հիվանդների տնային բուժման:Վրաստանում կորոնավիրուսի 18 նոր դեպք է արձանագրվել: Երկու մարդ մահացել է, վարակակիրների ընդհանուր թիվը հասնում է 188-ի:Վարակիրների թիվը գնալով աճում է: [Թբիլիսիում կայացած կառավարության նիստի ընթացքում հայտարարել է Վրաստանի վարչապետ Գիորգի Գախարիան] |azatutyun.am|17։12-  Հարավային Աֆրիկայում ոստիկանությունը հարսանիքի ժամանակ ձեռբակալել է նորապսակներին, 40 հյուրերին ու զույգին պսակադրող հոգևորականին երկրում արդեն 2-րդ շաբաթը գործող խստագույն սահմանափակումների ռեժիմը խախտելու համար։ |bbc.com|   17։07- Ֆրանսիայի էխոնոմիկայի ու ֆինանսների նախարար Բրունո լե Մայրեն զգուշացրել է, որ երկրին սպառնում է  հետպատերազմյան ամենածանր ֆինանսական ճգնաժամը, որը կգերազանցի անգամ -2,2% անկումը, որը գրանրվել էր 2009թ-ին` համաշխարհային ֆինանսական ճգնաժամից հետո։ |bbc.com|   17։03- Թուրքիայի արտաքին գործերի նախարար Մևլութ Չավուշօղլուն հերքել է Թուրքիայի կողմից Իսպանիային պատկանող արհեստական շնչառության սարքերի յուրացման մասին իսպանական կողմի պնդումները։ Չավուշօղլուն նշել է, որ այդ հարցի շուրջ խոսել է Իսպանիայի արտգործնախարարի հետ, և Արանչա Գոնսալես Լայան ինքը հերքել է այդ պնդումները։ |ermenihaber.am|   15։48- րանում կորոնավիրուսի ապրիլի 6-ի վիճակագրական տվյալները՝ նախորդ օրվա համեմատությամբ.Վարակակիրների թիվն ավելացել է 2.274-ովԸնդհանուր՝ 60.500Մահացածների թիվն ավելացել է 136-ովԸնդհանուր՝ 3.739Ապաքինվածների թիվն ավելացել է 2.225-ովԸնդհանուր՝ 24.236[Իրանում ՀՀ դեսպանություն]   14։36- Վրաստանում Թելավիի, Սենակիի, ինչպես նաև Գուրջաանիի և Զուգդիդիի ագրարային շուկաները փակվում են տարածքում արտակարգ դրությամբ սահմանված սանիտարական նորմերը չպահպանելու և խորհրդատվություններին չհետևելու պատճառով: Երկրում տնտեսական գործունեությունը սահմանափակված է: Առևտրի կետերը, որոնք շարունակում են աշխատել, պետք է հաճախորդների միջև ապահովեն առնվազն 2 մետր սոցիալական հեռավորություն, ինչպես նաև հետևել սանիտարական նորմերին: |aliq.ge|   13։59-Իսպանիյում նկատվում է կորոնավիրուսի թվերի նվազում։ Ապրիլի 5-ին Առողջապահության նախարարությունը 24 ժամում գրանցել է 674 մահվա դեպք՝ ընդհանուր թիվը հասցնելով 12 418-ի։ Հաստատված դեպքերի թիվը 124 736-ից 24 ժամվա ընթացքում հասել է 130 759-ի։ Նշվում է, որ սա մահացությունների օրեկան ամաենացածր ցուցանիշն է մարտի 26-ից ի վեր, ու ամենացածրը նոր դեպքերի գրանցման առումով՝ սկսած մարտի 23-ից։ |bloomberg.com|   13։16- Ռուսաստանում վերջին 24 ժամվա ընթացքում գրանցվել է  վարակի նոր 954 դեպք` երկրի 49 տարածաշրջանում, այդ թվում՝ 30 ախտահարված երեխա, այդ մասին է տեղեկացնում օպերատիվ շտաբը։ Այս պահի դրությամբ վարակը գրանցվել է երկրի 80 տարածաշրջանում, անցկացվել է 758 հազարից ավել թեստավորում։ Մոսկվայում հիվանդների մոտ 85%-ը 65 տարեկանից երիտասարդ է։ |ria.ru|   13։15- Չարլզ Լիբերին, ով Հարվարդի համալսարանի «Լիբեր» հետազոտական խմբի առաջատար հետաքննողն է եղել, ձերբակալվել է դեռևս 2020 թվականի հունվարին։ Ըստ ԱՄՆ Արդարադատության նախարարության տարածած հաղորդագրության՝ դոկտոր Լիբերը  մեղադրվում է կեղծ հայտարարություն անելու և Չինաստանի Ուհանի համալսարանի հետ համագործակցությունը ԱՄՆ իշխանություններից թաքցնելու համար։ ԱՄՆ Արդարադատության նախարարության տարածած հաղորդագրության մեջ որևէ հիշատակում չկա կորոնավիրուսի մասին, իսկ դոկտոր Լիբերի կողմից կեղծ հայտարարություն անելը  վերաբերում է 2018 թվականի ապրիլին։    12։10- Apple ընկերությոյնը զբաղվում է բուժաշխատողների համար պաշտպանիչ վահանակների նախագծմամբ, ինչպես նաև արդեն ավելի քան 20 միլիոն բժշկական դիմակ է արտադրել։ Apple-ի  տնօրեն Տիմ Քուկի խոսքերով կազմակերպությունը շաբաթական մեկ միլիոն պաշտպանիչ վահանակ կարտադրի։   11։22-  Աշխարհում նոր տիպի կորոնավիրուսային վարակով վարակվածների թիվը հասել է 1 միլիոն 274 հազար 853-ի: Կորոնավիրուսի հետազոտական կենտրոնների տվյալների համաձայն՝ մահացածների թիվը գրեթե 70 հազար է: Ապաքինվել է ավելի քան 264 հազար մարդ: ԱՀԿ-ի տվյալներով՝ վարակ արձանագրած երկրների և տարածքների թիվը հասել է 204-ի։ |armenpress.am|   11։14- Վրաստանում կորոնավիրուսի հաստատված դեպքերի թիվն ապրիլի 6-ի ժամը 10:00-ի դրությամբ ավելացել է 14-ով՝ հասնելով 188-ի։ Այս պահի դրությամբ ապաքինվել է 36 մարդ, գրանցվել է 2 մահ: Տվյալները հրապարակվել են Վրաստանի կառավարության Stopcov.ge կայքում: Կարանտինում է գտնվում 5056 մարդ, հատուկ ուշադրության ներքո` 386 մարդ: |aliq.ge|   11։13-  Համաձայն Ռոբերտ Կոխի՝ ինֆեկցիոն հիվանդությունների ինստիտուտի տվյալների՝ Գերմանիայում արդեն 4-րդ  օրն է, ինչ գրանցվում է կորոնավիրուսով վարակվածների թվի դինամիկայի անկում։ |nytimes.com|   11։11- ԱՄՆ նախագահ Դոնալդ Թրամփը հայտարարել է, որ կորոնավիրուսի դեմ պայքարի համար Նյուք Յորք կմտցվի հազար հոգուց բաղկացած ռազմական բժշիկների անձնակազմ։ |cnbc.com|   10։28- Թուրքիայում ապրիլի 5-ի դրությամբ կորոնավիրուսից մահացել է ևս 73 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ 24 ժամվա ընթացքում իրականացված շուրջ 20․000 թեստերի արդյունքում հաստատվել է կորոնավիրուսով վարակվելու 3․135 նոր դեպք։ Ըստ վերջին տվյալների՝ Թուրքիայում ընդհանուր առմամբ արձանագրվել է կորոնավիրուսով վարակվելու 27․069 հաստատված դեպք և մահվան 574 դեպք։ |ermenihaber.am|   09։47- Ես հաճախ եմ գործածում «միասնություն» ու «միասին» բառերը։ Ես համապարփակ իմաստ եմ դնում դրա մեջ․ ամենուր մարդիկ բախվում են կորոնավիրուսի պատճառած աննախադեպ վնասներին, և եթե մենք միավորվենք ու իրականացնենք փաստերի վրա հիմնված, հանրային առողջապահությանը միտված քայլեր, մենք ավելի արագ վերջ կտանք այս համավարակին։ [ԱՀԿ Գլխավոր տնօրեն Թեդրոս Ադհանոմ Գեբրեյեսուս]   09։28-  Երեկ երեկոյան Մեծ Բրիտանիայի թագուհի Եղիզսաբեթ Երկրորդը հանդես եկավ հեռուստաելույթով, որը կապված էր կորոնավիրուսի համավարկի ու դրա շուրջ ստեղծված իրավիճակի հետ։ Իր ելույթում թագուհին երախտագիտության խոսքեր ուղղեց Ազգային առողջապահության ծառայության բոլոր աշխատակիցներին։ Թագուհին նաև շնորհակալություն հայտնեց այն մարդկանց, որոնք վիրուսի տարածումը սահմանափակելու նպատակով մնում են տանը։ |cnn.com|    09։10- Նյու Յորք քաղաքի Բորնքսի կենդանաբանական այգում 4 տարեկան Նադյա անունով մալայան վագրի մոտ հայտնաբերվել է կորոնավիրուս։ Այս տեղեկությունը հաստատում է նաև Այովայում գտնվող Ազգային անասնաբուժակաան ծառայությունների լաբորատորիան։ Ըստ երևույթին` Նադյան ու ևս 6 կենդանի վարակվել են կենդանաբանական այգու աշխատակցից, որը ասիմպտոմ կորոնավիրուս էր տանում։ Կենդանակաբանական այգու գլխավոր անասնաբույժ Պոլ Կալեն ասել է, որ սա առաջին հայտնի դեպքն է, երբ վիրուսը մարդուց անցնում է կենդանուն։ |bbc.com|   09։07- Եվրոպական հանձնաժողովի նախագահ Ուրսուլա վոն դեր Լեյենը հայտարարել է, որ ԵՄ-ին անհրաժեշտ է ձեռնարկել անհապաղ միջոցառումներ՝ որոնք միջնաժամկետ կտրվածքում թույլ կտան խուսափել կորոնավիրուսի ծանր տնտեսական հետևանքներից՝ նշելով, որ այսօր պետք է միլիարդների ներդրումներ անել՝ վաղը աղետալի հետևանքներից  խոսափելու համար։ Նա հղում կատարեց նաև 2-րդ համաշխարհաիյն պատերազմից հետո իրականացված Մարշալի պլանին, երբ ԱՄՆ-ի՝ 12 միլիարդ դոլարի չափով ներդրումների շնորհիվ հնարավոր դարձավ վերականգնել Եվրոպական հետպատերազմյան տնտեսությունը։ |dw.com|   08։59- Մեծ Բրիտանիայի վարչապետ Բորիս Ջոնսոնը կիրակի օրը երեկոյան հոսպիտալացվել է, նա ունի ջերմություն։ Վարչապետի նստավայր Դաունինգ Սթրիթից նշել են, որ դա արվել է բժիշկների խորհրդով՝ որպես կանխարգելիչ միջացառում։ Վարչապետը շարունակում է ղեկավարել կառավարության աշխատանքները, սակայն երկուշաբթի օրը կորոնաիվրուսի հարցերին նվիրված հանդիպումը կանցնի արտաքին գործերի նախարար Դոմենիկ Ռաաբի գլխավորությամբ։ |bbc.com|   Նորություններ կորոնավիրուսի մասին, աշխարհ, 07․04․20 Կորոնավիրուսի շուրջ զարգացումներ, Հայաստան, 06.04․20 Նորություններ կորոնավիրուսի մասին, աշխարհ, 05․04․20
00:16 - 07 ապրիլի, 2020
Կորոնավիրուսի շուրջ զարգացումներ, Հայաստան, 06.04․20 (թարմացվող)

Կորոնավիրուսի շուրջ զարգացումներ, Հայաստան, 06.04․20 (թարմացվող)

23։46- Մենք ամեն ինչ անում ենք, որ ժամանակին ե՛ւ զորակոչը, ե՛ւ զորացրումն իրականացնենք։ [Նիկոլ Փաշինյան]23։37- Մեկուսացումից դուրս է եկել 400-ից ավելի քաղաքացի:23:11- Մոսկվայի «Դոմոդեդովո» օդանավակայանից դեպի Երևան երկրորդ չարտերային թռիչքը (WZ4323) «Ռեդ Վինգս» ավիաընկերությունը կիրականացնի ապրիլի 7-ին, Մոսկվայի ժամանակով ժամը 15։40-ին։  Նշյալ թռիչքով կարող են Հայաստան վերադառնալ բացառապես ՌԴ-ում գտնվող ՀՀ քաղաքացիները: Թռիչքի համար համապատասխան տոմսերը հնարավոր կլինի ձեռք բերել Մոսկվայի «Դոմոդեդովո» միջազգային օդանավակայանի N94 տոմսարկղից (ապրիլի 7-ին, ժամը՝ 09:30-ից սկսած):Ավիատոմսերի հետ կապված հարցերով կարող եք կապ հաստատել հետևյալ հեռախոսահամարով՝ Մոսկվա: +7-925-009-92-08, +7-926-618-29-18 [ՀՀ ԱԳՆ]20:26- Այսօր խնդիր ենք դրել, որպեսզի առաջիկա օրերին օրական թեստերի քանակը դարձնենք 1000: Այսօր մեր օրական թեստերը տատանվում են 200-ից միչև 400-ի շրջանակում: Բայց մենք խնդիր ենք դրել, որ այս շաբաթվանից, գուցե դա հնարավոր լինի վաղը մյուս օրը, բայց ուրբաթ օրվանից վստահաբար օրը 1000 թեստ անել:  Եվ սրա համար մենք հիմա բավականին մեծ քանակի՝ մոտավորապես 70 հազարին հասնող թեստեր ենք գնում:Մոլեկուլային կենսաբանության ինստիտուտի համար 550 հազար դոլարի չափով հատկացում ենք կատարում, որպեսզի կազամակերպենք թեստերի արտադրություն տեղում: Մասնագետները վստահեցրել են, որ դա ստացվելու է: Ստացվում է, որ այս զանգվածային թեստավորում պատրաստվում ենք իրականացնել, քանի որ օրը 1000-ը բավականին լուրջ թիվ է։[Նիկոլ Փաշինյան]18:25- Ոստիկանության ծառայողները և Արտակարգ իրավիճակների նախարարության աշխատակիցները հաճախ են մարդկանց կուտակումներ տեսնում բակային տարածքներում և փորձում են համոզել քաղաքացիներին, որպեսզի նրանք չխախտեն ինքնամեկուսացման կանոնները։ Ոստիկանությունը և ԱԻՆ աշխատակիցները ամենօրյա ռեժիմով շրջայցեր են կատարում։ Մեր ունեցած ուժերի քանակի հնարավորության սահմաններում փորձում ենք նաև բակային տարածքում քաղաքացիներին համոզել, որպեսզի նրանք չխախտեն ինքնամեկուսացման կանոնները։ [Փոխոստիկանապետ Հայկ Մհրյան]17։30- «Red Wings» ավիաընկերության Երևան-Մոսկվա չվերթը ուղղություն վերցրեց դեպի Երևան: Չվերթով Երևան կժամանեն Մոսկվայում գտնվող 220 ՀՀ քաղաքացի, որոնք հիմնականում տարանցիկ ուղևորներ են և օրեր առաջ Մոսկվա են ժամանել Ռուսաստանի այլ քաղաքներից: Նրանք 14 օր կարանտինում կլինեն: |armtimes.com|   17։29- Կայուն պահակակետեր են տեղակայվել 27 մեկուսացված վայրերում։ Այս մասին այսօր հրավիրված մամուլի ասուլիսի ժամանակ ասել է փոխոստիկանապետ Հայկ Մհրյանը: Պահակակետերում հերթապահող ոստիկանության աշխատակիցների քանակը կազմում է օրական 137 ծառայող, հիշյալ գործողությունն իրականացվում է 24-ժամյա ռեժիմով և կրում է շարունակական բնույթ: |shantnews.am|   17։20- ԱԱՏՄ Բագրատաշենի սահմանային բժշկասանիտարական հսկիչ կետից հունվարի 24-ից մինչ օրս հոսպիտալացման 41 դեպք է գրանցվել։ Սահմանային անցակետում ուժեղացված վերահսկողության շրջանակում աշխատակիցներն իրականացնում են ընթացիկ աշխատանքներ՝ բեռնատարների վարորդների ջերմաչափում, հասցեական քարտերի լրացում, անհրաժեշտության դեպքում` հոսպիտալացում։ Վերահսկվում են ախտահանման աշխատանքները։ Այս անցակետով ներկայում թույլատրված է բեռնատարների ելումուտն ու ՀՀ քաղաքացիների վերադարձը։ [ԱԱՏՄ]   17։16- ՏՄՊՊՀ-ն հրապարակում է Արարատի, Շիրակի և Տավուշի մարզերի խոշոր համայնքների մի շարք առևտրային կետերում իրականացված մոնիտորինգի արդյունքները հացի, ալյուրի, շաքարավազի, ոլոռի, հնդկաձավարի, բրնձի, ձեթի գների վերաբերյալ: Ապրանքատեսակների մեծ մասի գծով գները դիտարկվող ժամանակահատվածում ընդհանուր առմամբ կայուն են եղել: Հիմնականում գների բարձրացում արձանագրվել է հնդկաձավարի գծով՝ 100-320 դրամի չափով: Առանձին դեպքերում գների ավելի փոքր բարձրացում տեղի է ունեցել բրնձի, ոլոռի, շաքարավազի շուկայում: [ՏՄՊՊՀ]   17։05-  Այս պահին մեկուսացված է 16 ոստիկան։ Այս մասին մամուլի ասուլիսի ժամանակ ասաց ՀՀ փոխոստիկանապետ Հայկ Մհրյանը։ Նա նշեց, որ վեց ոստիկան էլ վարակված է կորոնավիրուսով։ Փոխոստիկանապետի խոսքով՝ ոստիկանները պրոֆիլակտիկ չեն թեստավորվում: Թեստավորվում են միայն այն ոստիկանները, որոնք, հնարավոր է, խնդիր ունենան: |aysor.am|   16։53-  Մամուլի ասուլիսի ժամանակ ՀՀ փոխոստիկանապետ Հայկ Մհրյանն ասաց, որ 2858 անձնական տրանսպորտային միջոցներից իջեցվել են երրորդ ու ավելի ուղևոր հանդիսացող անձիք, իսկ 69 ուղևորափոխադրող տրանսպորտային միջոցների վարորդների նկատմամբ կազմվել են արձանագրություններ՝ կանոնները խախտելու համար։ Մինչ օրս արգելվել է 3007 տրանսպորտային միջոցների մուտքը մի վարչական տարածքից մյուս վարչական տարածք։ |aysor.am|    16։49-  Ոստիկանությունն ապրիլի 6-ի դրությամբ ուղեկցել է Իրանից ՀՀ մուտք գործող  515 բեռնափոխադրումների իրականացնող տրանսպորտային միջոց, ինչին ներգրավված են եղել ոստիկանության 477 կարգախումբ։ Մամուլի ասուլիսի ժամանակ այս մասին ասաց փոխոստիկանապետ Հայկ Մհրյանը։ Ուղեկցման ընթացքում սահմանափակվել են տրանսպորտային միջոցների վարորդների և նրանց փոխարինող անձանց երթուղուց դուրս տեղաշարժը՝ բացառելով բնակչության համար առողջապահական վտանգ ներկայացնող շփումները։ |armenpress.am|   16։41-  Ասկերանի շրջանային մանկապատանեկան ստեղծագործական կենտրոնի նախաձեռնությամբ և շրջանի վարչակազմի աջակցությամբ  մարտի 20-ից մեկնարկել է բժշկական դիմակների պատրաստման գործընթացը: Ներկա դրությամբ պատրաստվել է շուրջ 2700 դիմակ: Նախատեսվում է ընդհանուր քանակը հասցնել 3000-ի, որը կպահեստավորվի և անհրաժեշտության դեպքում կտրամադրվի շրջանի հանրակրթական ուսումնական հաստատություններին և նախադպրոցական հիմնարկներին: [Արցախի տեղեկատվական շտաբ]   16։39- Ապրիլի 6-ի լուսադեմին Հայաստան ժամանած ուղևորները Զվարթնոց օդանավակայանից ԱԻՆ-ի ավտոբուսներով տեղափոխվել են մեկուսացման վայրեր: ՀՀ-ում արտակարգ դրություն հայտարարելուց հետո ԱԻ նախարար Ֆելիքս Ցոլակյանի հանձնարարությամբ՝ ԱԻՆ մարդատար և բեռնատար ավտոբուսներով իրականացվում է քաղաքացիների և նրանց ուղեբեռների տեղափոխումը մեկուսացման վայրեր կամ մեկուսացման վայրերից իրենց բնակավայրեր՝ ըստ անհրաժեշտության: Վարորդները համապատասխան հանդերձանք են կրում, ավտոբուսներն օրական մի քանի անգամ ախտահանվում են: Պահպանվում են անվտանգության բոլոր կանոնները: Ծառայությունը շարունակական բնույթ է կրում: [ԱԻՆ]   16։21- Մրցութային հանձնաժողովն ամփոփում է Կորոնավիրուսի  տարածման կանխարգելմանն ուղղված մարտահրավերների հաղթահարմանն աջակցելու նպատակով հայտարարարված դրամաշնորհների մրցույթի հայտերը:  Բավական հետաքրքիր նախագծեր կան։  Առավել մանրամասներ կներկայացնենք ամփոփման ու գնահատման գործընթացների ավարտից հետո: [Բարձր տեխնոլոգիական արդյունաբերության նախարար Հակոբ Արշակյան]   16։13- Վերջին 3 օրերին մեզ մոտ եղել է տոկոսային հետևյալ աճը՝ 4․6 տոկոս, 6․8 տոկոս և այսօր՝ 1․3 տոկոս։ Մեզ մոտ վարակվածների  թվի  կրկնապատկման արագությունը 7 օրը մեկ է, այսօր կարող եմ ասել, որ ունենք կրկնապատկման նոր տեմպ՝ 8 օրը մեկ։[Արսեն Թորոսյան]   15։58- Արարատի մարզում, վերջին տվյալներով, ունենք կորոնավիրուսով 173 վարակակիր։ Դեպքերի նվազման տենդենց կա․ երեկ հաստատված որևէ նոր դեպք չենք ունեցել։ Եթե առաջիկա օրերին դինամիկան այսպիսին լինի, ապա կարող ենք ասել, որ վարակի տարածումը մեր մարզում չեզոքացվել է։ Բայց սա, բնավ, չի նշանակում, որ կարող ենք արդեն լիովին հանգիստ լինել, տեղաշարժման սահմանափակումները շարունակվելու են խիստ ռեժիմով և, եթե մեզանից յուրաքանչյուրն իր քայլերում պատասխանատու լինի, ապա շատ արագ կհաղթահարենք վիրուսն ու քիչ-քիչ կանցնենք մեր բնականոն կյանքին։ [Արարատի մարզպետ Գարիկ Սարգսյան]   15։38- Կորոնավիրուսային հիվանդությամբ պայմանավորված  Երևանի քաղաքապետարանի ենթակայության ամբուլատոր-պոլիկլինիկական բուժհաստատությունների աշխատում են գերծանրաբերռնված գրաֆիկով՝ ինչպես աշխատանքային օրերին, այնպես էլ ոչ աշխատանքային օրերին սահմանված հերթապահությունների ժամանակ: Քաղաքապետարանի ենթակայության ամբուլատոր-պոլիկլինիկական բուժհաստատություններում շարունակվում են 0-2 տարեկան երեխաների շրջանում պատվաստումների գործընթացը, հատկապես կապույտ հազի, պնևմակոկի դեմ պատվաստումները և այլն: Պատվաստումները կատարվում են առանձնացված, մեկուսացված և անվտանգության բոլոր կանոններին համապատասխանող սենյակներում: [Երևանի քաղաքապետարան]   15։36- ՀՀ ազգային հերոս Էդուարդո Էռնեկյանը 250.000 ԱՄՆ դոլարի օգնություն կտրամադրի Հայաստանի կառավարությանը` կորոնավիրուսի դեմ պայքարի համար: Այս մասին տեղեկացնում է «Զվարթնոց» միջազգային օդանավակայնի մամուլի քարտուղար Սաթենիկ Հովհաննիսյանը։ |hetq.am|   15։30- «Արմաթ» ինժեներական լաբորատորիաների Արմավիրի մարզի ներկայացուցիչներն այսօր մարզպետարանին են հանձնել իրենց կողմից եռաչափ տպիչներով պատրաստված 150 պաշտպանիչ դիմավահան՝ մարզի բուժհաստատություններին աջակցելու նպատակով։ Միջազգային չափանիշներին համապատասխան դեմքի պաշտպանիչ վահանների արտադրությունը կազմակերպվել է մարզի խմբավարների միջոցով` սանիտարական բոլոր կանոնների պահպանմամբ: [Արմավիրի մարզպետարան]   15։09- Տավուշի մարզում գրանցվել է կորոնավիրուսային հիվանդության հաստատված 5 դեպք: Այս մասին հայտնել է մարզպետ Հայկ Չոբանյանն իր ֆեյսբուքյան ուղիղ եթերի ժամանակ։ Վերջինս տեղեկացրել է, որ որևէ նոր աղբյուր չկա. բոլոր դեպքերը փոխկապակցված են նախկինում հայտնաբերված դեպքերի հետ: |hetq.am|   15։04- ԿԳՄՍՆ-ի կողմից Լոռու մարզպետարանին հատկացվել է 56 նոր պլանշետ, որոնք կտրամադրվեն մարզի թվով 24 համայնքների դպրոցների:  Վերջիններիս կողմից ժամանակավոր օգտագործման նպատակով դրանք կտրվեն հեռավար դասապրոցեսին մասնակցելու համար տեխնիկական միջոցներ չունեցող, 4 և ավելի դպրոցահասակ երեխաներ ունեցող ընտանիքներին: Օգտագործման անհրաժեշտության ավարտից հետո պլանշետները կվերադարձվեն դպրոցներին՝ հետագա տնօրինման նպատակով: Գործընթացը կկրի շարունակական բնույթ:   14։53- Վանաձորում կորոնավիրուսային հիվանդության օջախներ չկան. կան հաստատված 1-2  դեպք: Այս մասին ասաց Վանաձորի քաղաքապետ Մամիկոն Ասլանյանը: Քաղաքապետը նշեց, որ Վանաձորում այս պահին կասեցված են բոլոր արտադրությունները, չի գործում հանրային տրանսպորտը, գործում են միայն մթերային խանութներն ու դեղատները, աշխատում են տաքսի ծառայությունները, իրենք էլ խստորեն հետեւում են  պարետի ցուցումներին: |news.am|   14։33-  ՀՀ պարետ Տիգրան Ավինյանի որոշման համաձայն՝ մի քանի տնտեսվարողների պատկանող մասնաճյուղերի (սուպերմարկետների) գործունեության ծավալումը վեց ժամով արգելվել է:նԽոսքը հետևյալ սուպերմարկետների մասին է.«Նունուշ» ՍՊԸ, ք. Երևան, Վ. Շենգավիթ,«Տիգրանուհի Թևանյան» ԱՁ, է. Երևան, Վ. Շենգավիթ,«Շոկո» ՍՊԸ, ք. Երևան, Արշակունյաց,«Սիթի» ՍՊԸ, Կամիտաս:   14։31-  Աշխատանքի և սոցիալական հարցերի նախարարությունը հրատապ ռեժիմով նախաձեռնել է Աշխատանքային օրենսգրքում փոփոխությունների նախագծի մշակում, որում, ի թիվս այլ կարգավորումների, նախատեսվում է նաև ամրագրել, որ արտակարգ դրության ժամանակահատվածում ԱԱՏՄ-ն ունենալու է լիազորություն՝ ստացված բողոքների հիման վրա աշխատանքային օրենսդրության խախտումների մասով վերահսկողություն իրականացնել: [Զարուհի Բաթոյան] |armenpress.am|   14։17- Մարտունու շրջվարչակազմում հրավիրվել է խորհրդակցություն։ Խորհրդակցության ընթացքում ամփոփ տեղեկություններ են ներկայացվել շրջանի համայնքներում նոր կորոնավիրուսի տարածումը կանխող համալիր միջոցառումների, տեղերում այդ նպատակով ստեղծված հանձնաժողովների աշխատանքների ընթացիկ արդյունքների մասին: Նշվել է նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի կողմից մշակված «Կազմակերպություններում սանիտարահամաճարակային կանոնների պահպանման, դրանց խախտման դեպքում հնարավոր վտանգների և աշխատանքների կազմակերպման վերաբերյալ» ուղեցույցի պահանջներով առաջնորդվելու, ինչպես նաև Ուղեցույցի վերաբերյալ իրազեկվածության մակարդակի է՛լ ավելի բարձրացման անհրաժեշտությունը:   14։14- Վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ: Կողմերը քննարկել են Հայաստանին բնական գազի մատակարարման հետ կապված հարցեր: Տեղեկատվություն են փոխանակել Covid-19 համաճարակի դեմ պայքարի ուղղությամբ տարվող քայլերի մասին:  Փաշինյանը շնորհակալություն է հայտնել ռուսական կողմին Հայաստանից Ռուսաստան բեռնափոխադրումների անխափան իրականացումն ապահովելու ուղղությամբ ձեռնարկած քայլերի և Ռոսպոտրեբնաձորի հետ արդյունավետ համագործակցության համար:   11։50-  Այսուհետ հնարավոր է ԱԳՆ-ի էլեկտրոնային հյուպատոսական համակարգի (e-consular.mfa.am) միջոցով առցանց դիմել և փոստով ստանալ նախարարության կողմից ապոստիլով հաստատվող տեղեկանքներ, որոնք պահանջվում են օտարերկրյա պետություններ (դեսպանություններ) ներկայացնելու համար։ Պատրաստի տեղեկանքը հնարավոր է ստանալ փոստով՝ ինչպես Հայաստանի տարածքում, այնպես էլ աշխարհի ցանկացած կետում։ Դիմումը առցանց ներկայացնելու համար անհրաժեշտ է գրանցվել ԱԳՆ էլեկտրոնային հյուպատոսական համակարգում՝ հետևյալ հղումով՝ https://e-consular.mfa.am/։ [ԱԳՆ]   11։25-  «Նորք» ԻԿՀ-ն շարունակում է մահճակալների ամբողջական զբաղեցվածությամբ և ծանր վիճակում գտնվող պացիենտների հետ իր աշխատանքը։ Ներգրավված են հավելյալ ուժեր, աշխատանքի օպերատիվությունը պահպանելու, պացիենտների բժշկական խնամքը ըստ միջազգային ուղեցույցների համապատասխան կատարելու համար: [«Նորք» ԻԿՀ]   11։23- Երեք տասնյակ համակարգիչներ՝ ամբողջական լրակազմերով այսօրվանից կբաշխվեն մեր մարզի մի քանի տասնյակ բազմազավակ ընտանիքների՝ այդ ընտանիքներում դպրոցահասակ փոքրիկների համար հեռավար դասընթացների լիարժեք հասանելիություն ապահովելու նպատակով։ Նախաձեռնությունն իրականություն դարձավ «Smart» նորարար կրթության հիմնադրամի (Smart Foundation/ «Սմարթ» հիմնադրամ) և Ucom հեռահաղորդակցային ընկերության համագործակցության արդյունքում, ինչի առիթով շնորհակալությունս եմ հայտնում մեր գործընկերներին։ [Կոտայքի մարզպետ Ռոմանոս Պետրոսյան]   11։00- 06.04.2020թ․ ժամը 11։00-ին Հաստատված դեպքերի ընդհանուր քանակը - 833Բուժվածներ - 62Փաստացի բուժվողներ - 763Բացասական թեստեր - 4096Մահվան ելքեր - 824 ժամում- 11 նոր դեպք։ [ԱՆ]   09։55- Արցախի Հանրապետության առողջապահության նախարարության տրամադրած տեղեկատվության համաձայն՝ «Համաճարակաբանության և հիգիենայի կենտրոն» ՊՈԱԿ-ի համաճարակաբանները, COVID-19 տարածման և կանխարգելման հակահամաճարակաբանական աշխատանքների շրջանակներում, ստուգայց են կատարել մայրաքաղաքի հանրային սննդի օբյեկտներ՝ տեղում ստուգելու սանիտարահիգիենիկ կանոնների պահպանման պահանջները: [Արցախի տեղեկատվական շտաբ]   09։03- Ցանկանում եմ օգտագործել այս վատ «առիթը» ու հիշեցնել բոլորին, հատկապես պատվաստանյութերին դեմ անձանց՝ անտիվաքսերին, թե ինչի է նման աշխարհը, երբ չկա պատվաստանյութ մի վարակիչ հիվանդության դեմ, որը կարող է մահվան պատճառ դառնալ։ Նույնն էր աշխարհը, երբ չկար կարմրուկի պատվաստանյութը և միլիոնավոր երեխաներ մահանում էին կարմրուկից... Նույնն էր աշխարհը, երբ չկար բնական ծաղիկի պատվաստանյութը և միլիոնավոր մարդիկ մահանում էին բնական ծաղիկից... Նույնն էր աշխարհը, երբ չկար պոլիոմիելիտի պատվաստանյութը և հարյուր հազարավոր երեխաներ և մեծահասակներ մահանում և հաշմանդամ էին դառնում պոլիոմիելիտից... Նույնը կլինի աշխարհը, եթե չլինեն այս և շատ այլ պատվաստանյութեր և մենք բոլորով չպատվաստվենք դրանցով... Հ.Գ. սպասելով նոր՝ կյանք փրկող պատվաստանյութի... [Արսեն Թորոսյան]   Կորոնավիրուսի շուրջ զարգացումներ, Հայաստան, 07.04․20 Նորություններ կորոնավիրուսի մասին, աշխարհ, 06․04․20 Կորոնավիրուսի շուրջ զարգացումներ, Հայաստան, 05.04․20
00:14 - 07 ապրիլի, 2020
Երեխաների խնամքի գիշերօթիկ հաստատություների շուրջ 230 երեխա վերադարձվել է կենսաբանական ընտանիքներ, նրանք ընդգրկվել են աջակցության ծրագրերում․ Փաշինյան

Երեխաների խնամքի գիշերօթիկ հաստատություների շուրջ 230 երեխա վերադարձվել է կենսաբանական ընտանիքներ, նրանք ընդգրկվել են աջակցության ծրագրերում․ Փաշինյան

Երեխաների խնամքի գիշերօթիկ հաստատություների շուրջ 230 երեխաներ վերադարձվել են կենսաբանական ընտանիքներ եւ նրանց ընտանքիներն ընդգրկվել են աջակցության ծրագրերում։ Այս մասին ֆեյսբուքյան ուղիղ եթերում, պատասխանելով քաղաքացու հարցին, թե փակված մանկատների երեխաների հարցն ինչպես է լուծվելու, որտե՞ղ են, ո՞վ է խնամում, եւ մարդիկ, որոնք ուզում են որդեգրել, հիմա ո՞ւմ պետք է դիմեն։ «Նախկինում այդ երեխաները պահվում էին այդ բավականին տխուր հիմնարկներում եւ մեր քաղաքականությունն այն է, որ այդ երեխաները վերադառնան եւ ապրեն իրենց ընտանիքներում։ Եւ էն գումարները, որ մենք ծախսում էինք այն հաստատություններում, հիմա ծախսում ենք այդ ընտանիքներում եւ ներկայումս այդ ընտանիքները ստանում են նաեւ բնաիրային փաթեթներ, իսկ այն երեխաները, որոնց անհնար էր ընտանիք վերադարձնել, նրանց էլ տեղավորում ենք աջակցության ծրագրերում ներառված խնամատար ընտանիքներում, եւ այդ ընտանիքները ստանում են 136 հազար դրամ աջակցություն եւ եւս 30 տոկոս՝ հաշմանդումություն ունեցող ամեն երեխայի համար։ Այս պահին 48 ընտանիքներում են 65 երեխաներ։ Որդեգրման համար անհրաժեշտ է դիմել մարզպետարան կամ Երեւանի քաղաապետարան»,- ասաց Փաշինյանը։ Վարչապետը հավելեց նաեւ, որ ծերերի որեւէ հաստատություն այս պահին չի փակվել։ Նրանց պահման պայմաններն էականորեն կլավանան։  
22:35 - 06 ապրիլի, 2020
Մեր կառավարության ծրագրերով շահառուները ստանում են շատ ավելի մեծ օժանդակություն, քան Վրաստանի դեպքում․ Նիկոլ Փաշինյան

Մեր կառավարության ծրագրերով շահառուները ստանում են շատ ավելի մեծ օժանդակություն, քան Վրաստանի դեպքում․ Նիկոլ Փաշինյան

Վրաստանի կառավարությունը սուբսիդավորում է այն քաղաքացիների կոմունալ ծախսերը, որոնք երեք ամվա ընթացքում 200 կիլովատտից քիչ էլեկտրաէներգիա և 200 խ/մ-ից քիչ գազ կօգտագործեն։ Որոշ հաշվարկներով՝ միջինում դա կազմում է մոտ 25 հազար դրամ, մինչդեռ Հայաստանի կառավարության սոցիալական ծրագրերով շահառուները ստանում են շատ անգամ ավելի մեծ ծավալով օժանդակություն։ Այս մասին ֆեյսբուքի ուղիղ եթերում ասաց վարչապետ Նիկոլ Փաշինյանը՝ պատասխանելով քաղաքացիներից մեկի հետևյալ հարցին․ «Վրաստանը վճարում է երեք ամսվա կոմունալ վճարները, ինչու՞ Հայաստանում պետությունը չի աջակցում, չէ՞ որ ասում եք՝ տնտեսական աճով առաջ ենք Վրաստանից, ու՞մ համար էր տնտեսական աճը, ժողովրդի՞, թե՞․․․»։Վարչապետն ընդգծեց, որ միջոցառումների ընդլայնման արդունքում օժանդակությունը հասանելի կլինի բոլոր խոցելի խմբերին, ապա հիշեցրեց՝ Հանրային ծառայությունները կարգավորող հանձնաժողովը «ֆորս մաժոր» է հայտարարել, և որևէ բաժանորդի գազը կամ լույսը չեն անջատի չվճարման պատճառով։
22:14 - 06 ապրիլի, 2020
Օրենքից ավելի կամ պակաս կոշտ պետք չէ լինել․ ցավոք, մեր օրենքի կիրառումը բավարար չափով արդյունավետ չէ․ վարչապետ

Օրենքից ավելի կամ պակաս կոշտ պետք չէ լինել․ ցավոք, մեր օրենքի կիրառումը բավարար չափով արդյունավետ չէ․ վարչապետ

Պետք է ոչ թե կոշտ, չոր կամ փափուկ աշխատել, այլ Հայաստանում պետք է հաստատվի օրենքի իշխանություն եւ օրենքի գերակայություն: Ֆեյսբուքյան ուղիղ եթերում, ի պատասխան քաղաքացու հարցի, ասաց ՀՀ վարչապետ Նիկոլ Փաշինյանը։ «Դատաիրավական համակարգը պետք է լիարժեք արդյունավետ աշխատի: Ուժային մարմինները որտեղ պետք է՝ լինեն կոշտ, որտեղ պետք է՝ մեղմ: Մենք այդ ճանապարհով գնում ենք: Ոմանք մեզ մեղադրում են փափուկ աշխատելու մեջ, ոմանք էլ շատ կոշտ աշխատելու մեջ, ոմանք մեղադրում են չափից ավելի կոշտ աշխատելու մեջ: Բայց այս բոլորի ճիշտ համաձայնեցումը օրենքն ու իրավունքը, արդյունավետ  իրավապահ համակարգը, արդյունավետ դատական համակարգն են»,- ասաց Փաշինյանը: Օգտատիրոջ հարցին, թե թավիշը ե՞րբ է պակասելու, որը շատերն ընդունում են որպես թուլություն, Փաշինյանն այսպես արձագանքեց. «Ես կարծում եմ, որ երկրում պետք է լինի լավ մթնոլորտ: Մենք ժողովրդավարական երկիր ենք եւ պետք է շարունակենք այդպիսին մնալ: Մենք չենք եղել եւ չենք լինելու դիկտատուրա, բայց կարծում եմ՝ իշխանությունը պետք է լինի կոշտ, ինչը հավասար է օրինականին: Օրենքից ավելի կոշտ կամ պակաս կոշտ պետք չէ լինել։ Ցավոք, մեր օրենքի կիրառումը բավարար չափով արդյունավետ չէ, բայց համոզված եղեք՝ կդարձնենք արդյունավետ»,- եզրափակեց վարչապետը:
21:43 - 06 ապրիլի, 2020
Պարգևավճարների համար տարեկան օգտագործվում է 1 մլրդ դրամ, եթե դա բաժանենք թոշակառուներին, ամեն ամիս թոշակը կավելանա 165 դրամով․ վարչապետ

Պարգևավճարների համար տարեկան օգտագործվում է 1 մլրդ դրամ, եթե դա բաժանենք թոշակառուներին, ամեն ամիս թոշակը կավելանա 165 դրամով․ վարչապետ

Պարգևավճարների համար տարեկան օգտագործվում է 1 մլրդ դրամ, եթե դա բաժանենք Հայաստանում թոշակառուների թվին, կստացնի՝ տարվա ընթացքում ամեն թոշակառուի գումարը կավելանա 1988 դրամով, ամեն ամիս՝ 165 դրամով։ Մենք Ձեր ակնկալածից 24 անգամ ավելի ենք բարձրացրել թոշակները։ Այս մասին ֆեյսբուքի ուղիղ եթերում ասաց վարչապետ Նիկոլ Փաշինյանը՝ անդրադառնալով քաղաքացիներից մեկի այն հարցին, թե արդյո՞ք անիմաստ պարգևավճարները չեն ուզում քչացնել և դրանք փոխանցել թոշակառուներին։«Նախ ասեմ, որ իմ որոշմամբ մարտ ամսին բարձրաստիճան պաշտոնյաները պարգևավճարներ չեն ստանալու, և այդ գումարներն օգտագործվելու են կորոնավիրուսի դեպ պայքարի նպատակներով»,- ասաց Փաշինյանն, ապա անդրադարձավ պարգևավճարների գումարը թոշակառուներին տրամադրելու առաջարկին։«Պարգևավճարների համար տարեկան օգտագործվում է մեկ մլրդ դրամ, ես գործողություն արեցի՝ հասկանալու համար, թե ինչ կունենանք, եթե Ձեր առաջարկն իրականություն դարձնենք։ Այդ գումարը, եթե բաժանենք Հայաստանում թոշակառուների թվին (Հայաստանում կա 503 հազար թոշակառու), ստացվում է, որ տարվա ընթացքում ամեն թոշակառուի այդ գումարից կհասնի 1988 դրամ, ամեն ամիս ամեն թոշակառուի գումարը կավելանա 165 դրամով։ Եթե Դուք թոշակը 165 դրամով ավելացնելը շատ մեծ բան եք համարում, մենք մեր որոշմամբ արդեն իսկ 2020 թվականի հունվարի 1-ից Ձեր ակնկալածից 24 անգամ ավելի բարձրացրել ենք թոշակները»,- պարզաբանեց վարչապետը։ Նա նշեց, որ բարձրաստիճան պաշտոնյաների պարգևավճարներով լուծել են շատ կարևոր խնդիր, կարողացել են 2019 թվականի ընթացքում աննախադեպ բարձր տնտեսական ցուցանիշներ ապահովել, որի արդյունքներով 2018 թվականից մինչև հիմա  1 մլն 90 հազար մարդու աշխատավարձ, նպաստ, թոշակ են բարձրացրել։ «Հասկանում եմ, որ պարգևավճարների թեման շահարկումների մեծ տեղիք է տալիս, բայց պարզ թվաբանական գործողությամբ ցույց տվեցի, թե այդ շահարկումների հետևում ինչ է»,- ասաց վարչապետը։Նիկոլ Փաշինյանը նաև նշեց․ «Մենք բարձրաստիճան պաշտոնյաների պարգևավճարների համար տարեկան 1 մլրդ ենք հատկացրել, իսկ 2020թ․ պետբյուջեով զինծառայողների, փրկարարների, անտառապահների, ուսուցիչների աշխատավարձերի բարձրացման, նվազագույն աշխատավարձերի բարձրացման, կենսաթոշակների ու նպաստների բարձրացման համար հատկացրել ենք 71,6 մլրդ դրամ։ Այսինքն՝ այս գումարի 1.4%-ի չափով ենք բարձրաստիճան պաշտոնյաների հետ կապված խնդիրը լուծել։ Այս 1.4%-ի ներդրման արդյունքում ունեցել ենք 98.6%-ի էֆեկտ»,- ասաց Փաշինյանն ու ավելացրեց․ «Շա՞տ ենք բարձրացրել կենսաթոշակները։ Ո՛չ, շատ չենք բարձրացրել, բայց Ձեր ասածից 24 անգամ ավելի ենք բարձրացրել»։
21:39 - 06 ապրիլի, 2020
Ընդունում եմ, որ այդտեղ խնդիր կա, ուղղակի մեր հաշվարկը ցույց է տվել, որ հասարական տրանսպորտը վիրուսի տարածման շատ վտանգավոր օջախ է․ Փաշինյան

Ընդունում եմ, որ այդտեղ խնդիր կա, ուղղակի մեր հաշվարկը ցույց է տվել, որ հասարական տրանսպորտը վիրուսի տարածման շատ վտանգավոր օջախ է․ Փաշինյան

Ես ընդունում եմ, որ այդտեղ պրոբլեմ կա, ուղղակի պետք է արձանագրենք, որ մեր հաշվարկը ցույց է տվել, որ հասարական տրանսպորտը վիրուսի տարածման շատ վտանգավոր օջախ է եւ ստիպված ենք այդ գործողությունն արել: Ֆեյսբուքյան էջի ուղիղ եթերում այս մասին ասաց ՀՀ վարչապետ Նիկոլ Փաշինյանը՝ պատասխանելով օգտատիրոջ դիտարկմանը, որ տրանսպորտ չլինելու պարագայում ամեն օր տաքսիով աշխատանքի գնալու խնդիր կա։ «Ես հասկանում եմ, լրիվ ընդունում եմ, որ այդտեղ խնդիր ունենք եւ այս իրավիճակները կքննարեկնք, բայց պատկերացրեք, որ կառավարության անգործության պատճառով դուք տրանսպորտում վարակվեիք կորոնավիրուսով, այս ձեր ասած պրբլեմները կխորանան: Սա ճգնաժամ է, եւ էլի ներողություն եմ խնդրում անհարամարությունների համար, բայց այս ճգնաժամը պետք է ջանք գործադրելով հաղթահարենք եւ վերադառնանք բնականոն կյանք»,-ասաց նա: Վարչապետը հիշեցրեց, որ ապրիլի երեքից Երեւան համայնքի ավտոբուսներով իրականցվում է Երեւանի 3 բուժհաստատությունների աշխատողների երկկողմանի տեղափոխում: Նա նշեց, որ եթե այսօրվա ցուցանիշները դառնան օրինաչափություն, ապա հնարավորություն կունենան րոպե առաջ, օր առաջ խնդիրը լուծել։
21:23 - 06 ապրիլի, 2020
Եթե օգնությունը բաժանենք բոլորին, կստացվի` ավելի պակաս ենք օգնում այն մարդկանց, որոնք ավելի շատ են զգում դրա կարիքը․ վարչապետ

Եթե օգնությունը բաժանենք բոլորին, կստացվի` ավելի պակաս ենք օգնում այն մարդկանց, որոնք ավելի շատ են զգում դրա կարիքը․ վարչապետ

Աջակցության համար մեզ համար ամենակարևորը հասցեականություն ապահովելն է։ Երեխաներ կան, որ օգնության կարիք չունեն այն չափով, ինչ չափով մյուս երեխաները։ Ես ինքս չորս երեխա ունեմ, երկուսն անչափահաս են, բայց չեմ կարծում, որ իրենք պիտի օգտվեն պետության աջակցությունից։ Մեր խնդիրը հասցեականությունն է։ Այս մասին ֆեյսբուքի ուղիղ եթերում հայտարարեց վարչապետ Նիկոլ Փաշինյանը՝ անդրադառնալով քաղաքացիներից մեկի այն հարցին, թե ինչու՞ նոր նախագծում որոշվեց ,որ միանվագ օգնություն կստանան այն մայրերը, որոնք չեն աշխատում և նպաստառու չեն։ «Իսկ եթե օգտվեին բոլոր երեխաները ավելի նպատակահարմար չէ՞ր լինի։ Թող չլինի 100 հազար, լինի 20 հազար, բայց բոլորն օգտվեն։ Ամեն դեպքում ծանր վիճակը բոլորի համար է ծանր։ Կան մարդիկ, որոնք հեռացված չեն աշխատանքից, բայց մատնվել են հարկադիր պարապուրդի և ունեն անչափահաս երեխա»,- գրել էր քաղաքացին: Վարչապետ Փաշինյանը բացատրեց կառավարության տրամաբանությունը․ «Շատ են ասում, թե մարդկանց բաժանում եք խմբերի, բաժանարար գծեր եք տանում։ Ուզում եմ բացատրել, թե ինչու ենք խումբ-խումբ իրականացնում այդ օգնությունների աջակցության որոշումները՝ հասցեականության համար։ Բարեկեցիկ խավի երեխաներ նույնպես կան, չէ՞, մեր երկրում, գուցե երեխաներ կան, որոնց ծնողների եկամուտներն այս ընթացքում ոչ թե նվազել, այլ ավելացել են։ Եթե մենք օգնությունը բաժանենք բոլորին, կստացվի, որ ավելի պակաս ենք օգնում այն մարդկանց, որոնք ավելի շատ են զգում այդ օգնության կարիքը»։ Ըստ Նիկոլ Փաշինյանի՝ կառավարությունը տարբեր խավերի օգնության տրամադրման ծրագրեր է իրականացնում․ օգնում են նրանց, ովքեր այս ընթացքում աշխատանքից ազատվել են, նրանց, ովքեր աշխատանքից ազատվել են և ունեն երեխաներ, կամ ովքեր որոշակի ոլորտների աշխատողներ են, հարկադիր արձակուրդում են, բայց չեն վճարվում։«Մենք այդպիսի մարդկանց համար էլ ծրագրեր ունենք։ Կանխավարկածն այն չէ, որ բոլորին գտնում ենք, այլ այն, որ եթե մի ընտանիքն այս մի ծրագրին չի համապատասխանում, մյուսին համապատասխանի։ Ենթադրենք՝ 59 տարեկան մեկը, որ որևէ ծրագրից չի օգտվում, մեծ է հավանականությունը, որ ապրում է մի ընտանիքում, որտեղ կա երեխա, և այս չափանիշով է օգտվում կամ ապրում է ընտանիքում, որն օգտվում է տնտեսական աջակցման ծրագրից և այլն»,- ասաց նա։ Վարչապետը նշեց՝ հաջորդ կարևոր առանձնահատկությունն այն է, որ իրենց ծրագրերը սպառիչ չեն․ «9 հակաճգնաժամային միջոցառում ենք ընդունել և պայմանավորվել ենք, որ պետք է անընդհատ մոնիթորինգ անենք ու պարզենք, թե ում ենք բաց թողել, որպեսզի լրացնենք»։Փաշինյանն ասաց՝ գիտեն, որ կան բազմաթիվ ձեռնարկություններ, որտեղ մարդիկ արձակուրդի են ուղարկված, բայց չեն վճարվելու, սակայն այսօր ՊԵԿ-ի բազաներում այդ հանգամանքը դեռ չի երևում, այն կերևա մինչև ապրիլի 20-ը, երբ եկամտահարկի հաշվետվությունները լինեն։ «Այդ ժամանակ հստակ կտեսնենք՝ ինչքան մարդ է, որ հարկադիր արձակուրդի է գնացել և չի վճարվել, և ինչքան մարդ է, որ գտնվել է ու վճարվել։ Այսպես հնարավորություն կունենանք առավել կարիքավորներին օգնելու առավել հասցեական, իսկ մինչ այդ, իհարկե, մենք կանգնած չենք, 9 ծրագիր ընդունել ենք, որոնց մի մասն արդեն իսկ աշխատում է, մյուս մասը այս շաբաթվա ընթացքում կաշխատի»,- ասաց վարչապետ Նիկոլ Փաշինյանը։
21:00 - 06 ապրիլի, 2020
Մենք վճռական ենք դատական համակարգի բարեփոխումները մինչեւ վերջ տանելու հարցում՝ այդ թվում լուծելով ՍԴ-ի թնջուկը․ Փաշինյան

Մենք վճռական ենք դատական համակարգի բարեփոխումները մինչեւ վերջ տանելու հարցում՝ այդ թվում լուծելով ՍԴ-ի թնջուկը․ Փաշինյան

Դատական օրենսդրության մեջ տեղի ունեցած փոփոխություններն արդեն ընդունվել են ԱԺ-ում, եւ երբ ՀՀ նախագահը ստորագրի օրենքը, մենք դատական համակարգի բարեփոխումների մի նոր, կարեւոր փուլ կթեւակոխենք: Ֆեյսբուքյան ուղիղ եթերում այս մասին ասաց ՀՀ վարչապետ Նիկոլ Փաշինյանը՝ ի պատասխան օգտատօրոջ հարցի, թե  ի՞նչ օրենք կարելի է ընդունել կամ ի՞նչ սահմանափակումներ կարելի է դնել, որ նույն պատճառաբանությամբ դատական գործընթացները այլեւս չձգձգվեն եւ ունենան իրենց տրամաբանական ու իրավական վերջաբանները եւ ի՞նչ արդյունք տվեց հայտարարված vetting֊ը դատական համակարգում։ «Դատավորների բարեվարքության ստուգում տեղի կունենա, ընդհանրապես, հակակոռուպցիոն քաղաքականությունը դատական համակարգում ավելի խիստ ռելսերի վրա կդրվեն: Նույնիսկ ճգնաժամից առաջ միջազգային զեկույցներում, որտեղ նշվում էր Հայաստանի համաշխարհային մակարդակով շատ բարձր տնտեսական աճի ցուցանիշը, նաեւ ընդգծվում էր, որ այսօր տնտեսական բարեփոխումենրի եւ տնտեսական աճի հետագա հաջող ընթացքի համար անհրաժեշտ է կատարել դատաիրավական համակարգի էֆեկտիվ բարեփոխումներ»,-ասաց Փաշինյանը։ Նա շեշտեց՝ իրենք վճռական են դատական համակարգի բարեփոխումները մինչեւ վերջ տանելու հարցում՝ այդ թվում լուծելով ՍԴ-ի թնջուկը: «Ինչպես հայտնի է, այդ կապակցությամբ սահմանադրական հանրաքվե է նշանակված»,-հավելեց գործադիրի ղեկավարը:  
20:41 - 06 ապրիլի, 2020
Այս շրջանում մեր ուսուցիչները ֆանտաստիկ աշխատանք են անում․ հպարատանում եմ, շնորհակալություն եմ հայտնում․ Փաշինյան

Այս շրջանում մեր ուսուցիչները ֆանտաստիկ աշխատանք են անում․ հպարատանում եմ, շնորհակալություն եմ հայտնում․ Փաշինյան

Այս շրջանում մեր ուսուցիչները ֆանտաստիկ աշխատանք են անում։ Ֆեյսբուքյան ուղիղ եթերում ի պատասխան օգտատիրոջ հարցի՝ նկատեց ՀՀ վարչապետ Նիկոլ Փաշինյանը։ Քաղաքացին մի նկատառում է արել՝ գերլարված ռեժիմով աշխատող ուսուցիչներին գուցե արժե պարգեւավճարներ տալ։ Փաշինյանն ասաց, որ վերջին 1,5 տարվա ընթացքում անընդհատ քննարկում էին հեռավար կրթության զարգացումը, եւ, ինչպես ասում են՝ շաբաթը ուրբաթից շուտ եկավ եւ պարզվեց, որ ՀՀ-ի կրթական համակագը գոնե մի 80 տոկոսով պատրաստ է հեռավար կրթություն իրականացնելու․ «Մեր ուսուցիչներով հպարատանում եմ, շնորհակալություն եմ հայտնում։ 2020-ի հունվարի մեկից ուսուցիչների աշխատավարձի նվազագույն չափը բարձրացվել է մինչեւ 108 հազար դրամ, իսկ 2019-ի սեպտեմբերցից ՝շուրջ տասը տոկոսով բարձրացել է։ Ճգնաժամի պայմաններում ենք աշխատում հիմա, այս պահին չեմ ուզում այնպիսի խոստումենր տալ, որոնք այս ճգնաժամային պայմաններում կարող են հավելյալ խնդիրներ առաջացնել։ Հիմա բազմաթիվ սոցիալական խավերի պիտի օգնենք, սկսել ենք այդ պրոցեսը, այս պահին միայն այսքանը կարող եմ ասել»,- ասաց վարչապետը՝ դարձյալ իր շնորհակալությունը հայտնելով բոլոր ուսուցիչներին։ Նա նաեւ մի նրբություն նշեց՝ այսօր բազմաթիվ մարդիկ դարձել են գործազուրկ, նրանք շատ կուզենային աշխատել, իերնց աշխատավարձը ստանալ, եւ վատ չէ, որ այս պայմաններում ուսուցիչները կարողանում են լիարժեք աշխատել ու ստանալ աշխատավարձ։
20:22 - 06 ապրիլի, 2020
Վարկավորման գործընթացն սկսվել է, մինչև 1 մլն դրամանոց վարկեր են տրվում` 0% տոկոսադրույքով. Նիկոլ Փաշինյան

Վարկավորման գործընթացն սկսվել է, մինչև 1 մլն դրամանոց վարկեր են տրվում` 0% տոկոսադրույքով. Նիկոլ Փաշինյան

Կառավարությունը հիմնականում զրոյացրել է գյուղատնտեսական, գյուղացիական վարկերի տոկոսադրույքները։ Դուք, ըստ ամենայնի, խոսում եք միկրո վարկի մասին, մենք այդ միկրովարկերի տոկոսները նույնպես զրոյացրել ենք։ Ձեր նշած «Ակբա-Կրեդիտ Ագրիկոլ բանկ»-ը, տեղյակ եմ, որ շուրջ 2 մլրդ դրամի պաշարներ ունի, որ պետք է տրամադրի քաղաքացիներին։ Այս մասին հայտարարեց վարչապետ Նիկոլ Փաշինյանը՝ պատասխանելով քաղաքացիներից մեկի այն մտահոգությանը, թե բանկերը վարկեր չեն տրամադրում, ինչի պատճառով գյուղացիները չեն կարողանում սկսել գյուղատնտեսական ակտիվ աշխատանքները։Քաղաքացին, մասնավորապես, գրել էր․ «Դուք խրախուսում եք գյուղացիների ակտիվ աշխատանքը, բայց ինչպե՞ս շարունակեն գյուղատնտեսական աշխատանքներն այն գյուղացիները, որոնք չունեն բավարար գումար աշխատանքը սկսելու համար և սպասում են վարկերի։ Բայց բանկերը վարկեր չեն տրամադրում։ Դիմել ենք «Ակբա-Կրեդիտ Ագրիկոլ բանկ» փետրվարին, սակայն մինչ օրս արձագանք չկա։ Ոչ մի տարի այսպիսի խնդիր չի եղել»։Վարչապետը շարունակեց, որ իրեն առավոտյան լուսանկարներով ահազանգեր են ուղարկել, որ «Ակբա» բանկերում քաղաքացիների հերթ է, որոնք արդեն սկսել են վարկեր ստանալ։ «Եվ ահազանգում էին կորոնավիրուսի պատճառով, որ սոցիալական հեռավորությունը պահպանված չէ։ Վարկավորման գործընթացն արդեն սկսվել է և՛ Ձեր նշած բանկում, և՛ այլ բանկերում։ Ընդ որում, ասեմ՝ մինչև 1 մլն դրամանոց վարկեր են տրվում` 0% տոկոսադրույքով»,- նշեց Նիկոլ Փաշինյանը՝ ավելացնելով՝ Կառավարությունը հետևում է՝ երբ այդ 2 մլրդ դրամանոց պաշարը սպառվի, նոր միջոցներ կներդնեն, որ հատկապես այս տարի, մեր այն հայրենակիցները, որոնք ցանկանում են ստանալ վարկեր, և ունեն համապատասխան վարկային պատմություն, այդ վարկերը ստանան։«Ուզում եմ ընդգծել, որ մենք բազմաթիվ այլ ծրագրեր ենք իրականացնում․ մեր հակաճգնաժամային երկրորդ միջոցառումն է դա, և այնտեղ նույնպես զրոյացրել ենք վարկերը, և որոշ դեպքերում խրախուսում ենք, որ այդ վարկերը տրվեն՝ խելացի անասնաշենքերի, հակակարկտային ցանցերի, կաթիլային ոռոգման պարագայում։ Այս տարվանից բոլոր այդ վարկերը զրո տոկոսով ենք տրամադրելու»,- ասաց վարչապետը։ Փաշինյանն ավելացրեց, որ հընթացս հետևելու են, և եթե տեսնեն, որ հասանելիությունը բավարար չափով ապահովված չէ, ծրագրերում փոփոխություններ կանեն։ 
20:14 - 06 ապրիլի, 2020