Ալեքսանդր Լուկաշենկո

Բելառուսը փակել է հարևան երկրների հետ ցամաքային սահմանները |factor.am|

factor.am: Բելառուսի Պետական սահմանային կոմիտեն հայտարարել է, որ հարևան երկրներում համաճարակային իրավիճակով պայմանավորված` հանրապետությունը ժամանակավորապես սահմանափակում է ցամաքային անցակետերից մուտքը երկրի տարածք Լատվիայից, Լիտվայից, Լեհաստանից և Ուկրաինայից ժամանած անձանց որոշակի խմբերի համար, գրում է ՌԻԱ Նովոստին: Նշվում է, որ սահմանափակումները չեն վերաբերում դիվանագիտական ներկայացուցչությունների և հյուպատոսական գրասենյակների աշխատակիցներին: Որոշումը չի տարածվում նաև միջազգային բեռնափոխադրումներ իրականացնող տրանսպորտային միջոցների վարորդների, միջազգային երկաթուղային երթևեկի գնացքների և լոկոմոտիվային անձնակազմի անդամների վրա:

14:49 - 05 նոյեմբերի, 2020

Վլադիմիր Պուտինը Ալեքսանդր Լուկաշենկոյի հետ քննարկել է Լեռնային Ղարաբաղի շուրջ ստեղծված իրավիճակը |armenpress.am|

armenpress.am: Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ, որի ընթացքում, ի թիվս այլ հարցերի, քննարկվել է Լեռնային Ղարաբաղի շուրջ ստեղված իրավիճակը: Այս մասին հաղորդագրություն է տարածել Կրեմլի մամուլի ծառայությունը: «Քննարկվել է Լեռնային Ղարաբաղի հակամարտության կարգավորման խնդիրը»,- նշված է հաղորդագրության մեջ: Պայմանավորվածություն է նաև ձեռք բերվել շարունակել շփումները տարբեր մակարդակներում:

23:26 - 04 նոյեմբերի, 2020

Լուկաշենկոն պաշտոնանկ է արել ներքին գործերի նախարարին |azatutyun.am|

azatutyun.am: Բելառուսի նախագահ Ալեքսանդր Լուկաշենկոն այսօր պաշտոնանկ է արել ներքին գործերի նախարար Յուրի Կարաևին։ Նրա փոխարեն այդ պաշտոնում նշանակվել է Իվան Կուբրակովը, որ մինչ օրս զբաղեցնում էր ներքին գործերի Մինսկի քաղաքային գլխավոր վարչության պետի պաշտոնը։ Արդեն նախկին ներքին գործերի նախարարը նշանակվել է Գրոդնոյի մարզում նախագահի օգնական-տեսուչի նորաստեղծ պաշտոնում։ Բելառուսում օգոստոսին սկիզբ առած հետընտրական ցույցերին զուգահեռ, ընդդիմությունն ու միջազգային իրավապաշտպան կառույցները հենց Կարաևին էին մեղադրում իրավապահների կողմից բողոքի ակցիաների մասնակիցների նկատմամբ անհամաչափ ուժի կիրառման հրաման արձակելու համար։

14:24 - 29 հոկտեմբերի, 2020

Լրանում է Լուկաշենկոյի հրաժարականի համար ընդդիմության տված վերջնաժամկետը․ Մինսկում ուժայինները կենտրոնացվում են |azatutyun.am|

azatutyun.am: Բելառուսի ընդդիմությունը նախագահ Ալեքսանդր Լուկաշենկոյին մինչև հոկտեմբերի 25-ը հրաժարական տալու «ժողովրդական վերջնաժամկետ» էր տվել։ Այսօր ակնկալվում է մեծ հանրահավաք։ Բելառուսի իշխանությունները առավոտից ավտոբուսներով ոստիկանական ուժեր են տեղափոխում քաղաքի կենտրոն։ Մետրոպոլիտենի 12 կայարաններ փակվել են։ Ներքին գործերի նախարարությունը հայտարարել է, որ հանրահավաքը թույլատրված չէ։

16:14 - 25 հոկտեմբերի, 2020

Մինսկում ընդդիմությունը կրկին փողոց է դուրս գալիս |azatutyun.am|

azatutyun.am: Բելառուսի մայրաքաղաք Մինսկում մեկնարկում է ընդդիմության հերթական կիրակնօրյա բողոքի ակցիան՝ նախագահ Լուկաշենկոյի հրաժարականի պահանջով։ Այս անգամ բողոքի ակցիայի կազմակերպիչները այն անվանել են «Պարտիզանական երթ»։ Բողոքի ակցիայից առաջ Մինսկի ոստիկանությունը քաղաքի կենտրոնում անվտանգության արտակարգ միջոցառումներ է ձեռնարկել, փակվել են մետրոյի մի շարք կայարաններ։ Ռուսաստանյան գործակալությունների տեղեկություններով` նախագահ Լուկաշենկոյի նստավայրի՝ Անկախության պալատի մոտ զրահամեքենաների և ջրցան մեքենաների կուտակումներ են նկատվում։ Նախօրեին Մինսկում ավանդական դարձած կանանց երթ էր կազմակերպվել, որի մասնակիցներից առնվազն 58-ը բերման էին ենթարկվել։

17:17 - 18 հոկտեմբերի, 2020

Լուկաշենկոյի խոսքով` վերջին կես տարվա ընթացքում Բելառուսն Ադրբեջանին ռազմական բեռներ չի մատակարարել

Հանրապետության նախագահ Արմեն Սարգսյանն այսօր հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ։ Այս մասին տեղեկացնում են ՀՀ նախագահի պաշտոնական կայքից։ Նախագահները քննարկել են Հայաստանում և Բելառուսում ներկա իրավիճակին առնչվող հարցեր։ Նախագահ Սարգսյանը Բելառուսի նախագահին մանրամասն տեղեկություններ է ներկայացրել Արցախի դեմ Ադրբեջանի սանձազերծած ագրեսիայի հետևանքով ստեղծված իրադրության վերաբերյալ: Արմեն Սարգսյանը, մասնավորապես, անդրադարձել է որոշ լրատվամիջոցների կողմից վերջին օրերին շրջանառվող այն լուրերին՝ թե Բելառուսը վերջերս ռազմական նշանակության բեռ է մատակարարել Ադրբեջանին։ Նախագահ Լուկաշենկոն, այդ տեղեկատվությունը կեղծ բնութագրելով, հստակ ընդգծել է, որ վերջին կես տարվա ընթացքում Բելառուսի կողմից՝ ռազմաարդյունական համալիրի գծով, ո՜չ Ադրբեջանին, և ո՜չ էլ Հայաստանին ռազմական բեռների որևէ մատակարարում չի իրականացվել։

21:49 - 04 հոկտեմբերի, 2020

Բայդենը Լուկաշենկոյին «բռնապետ» է անվանել |tert.am|

tert.am: ԱՄՆ նախկին փոխնախագահ, Դեմոկրատական կուսակցությունից նախագահի թեկնածու Ջո Բայդենը Բելառուսի նախագահ Ալեքսանդր Լուկաշենկոյին «բռնապետ» է անվանել։ Այդպիսի հայտարարությամբ քաղաքական գործիչը հանդես է եկել Reuters գործակալությանը տված հարցազրույցում:«Նախագահը, որը վախենում և թաքնվում է սեփական քաղաքացիներից, հրաժարվում է ընդունել ժողովրդի կամքը, ոչ լեգիտիմ, բռնապետ և թույլ առաջնորդ է»,- հայտարարել Է Բայդենը:Նա նաև ընդգծել է, որ ԱՄՆ-ի գործող նախագահ Դոնալդ Թրամփը մինչ այժմ Բելառուսի իրադրության վերաբերյալ չի հնչեցրել իր դիրքորոշումը։«Մինչդեռ, նախագահ Թրամփը հրաժարվում է հանդես գալ Լուկաշենկոյի գործողությունների դեմ կամ հաջակցություն ժողովրդավարամետ շարժմանը»,- նշել է Բայդենը։

10:56 - 26 սեպտեմբերի, 2020

Մինսկն արձագանքել է այն հայտարարություններին, որ Արևմուտքը Լուկաշենկոյին օրինական նախագահ չի ճանաչում |shantnews.am|

shantnews.am: Արևմուտքի մի քանի երկրների փորձերը, կասկածի տակ դնել Բելառուսի նախագահ Ալեքսանդր Լուկաշենկոյի օրինականությունը, չի արտացոլում միջազգային հանրության կարծիքը։ РИА Новости գործակալության փոխանցմամբ՝ նման կարծիք է արտահայտել Բելառուսի Արտաքին գործերի նախարարությունը։ Գերատեսչության մամուլի ծառայության հայտարարության մեջ նշված է, որ Բելառուսի ժողովուրդը, որը իշխանության միակ աղբյուրն է և ինքնիշխանության կրողը, կատարել է իր ընտրությունը։ «Հենց դա որոշիչ նշանակություն ունի։ Առանձին դերակատարների կողմից արտաքին օրինականացման որոշ հորինված գործընթացներ բոլոր տեսանկյուններից չնչին են։ Մենք վաղուց միջազգայնորեն ճանաչված անկախ երկիր ենք և հավասար իրավունքներ ունենք, ինչպես միջազգային արենայում գտնվող մյուս երկրները»,- նշել են գերատեսչությունում։ Բելառուսի արտգործնախարարությունը նաև հիշեցրել է, որ «ներքին գործերին միջամտելու արգելքը միջազգային իրավունքի առանցքային սկզբունքներից է, որն ամրագրված է ՄԱԿ-ի Կանոնադրության 2-ր հոդվածում»։ «Այդ պատճառով բելառուսներն ինքնուրույն և առանց արտաքին միջամտության ընտրում են իրենց պետության ղեկավարին, խորհրդարանը և տեղական խորհուրդները։ Բելառուսի ժողովուրդն ինքնահռչակ «օրինականացնողների» կողմից իր իշխանության «օրինականացման» կարիք չունի», – հավելել են Բելառուսի ԱԳՆ-ում։ Հիշեցնենք, որ սեպտեմբերի 23-ին տեղի է ունեցել Ալեքսանդր Լուկաշենկոյի երդմնակալության արարողությունն՝ առանց նախապես հայտարարելու, առանց ուղիղ եթերով հեռարձակման։ Լուկաշենկոյի երդմնակալությունից հետո Բելառուսի քաղաքացիները կրկին ցույցեր էին կազմակերպել տարբեր քաղաքներում։

19:53 - 24 սեպտեմբերի, 2020

Լուկաշենկոն երդմնակալության արարողությունը համարում է Բելառուսի ներքին գործը |shantnews.am|

shantnews.am: Նախագահի երդմնակալության արարողությունը միայն Բելառուսի ներքին գործն է, և պարտադիր չէ նախազգուշացնել արտասահմանյան տերություններին: Այս մասին սեպտեմբերի 24-ին հայտարարել է Բելառուսի նախագահ Ալեքսանդր Լուկաշենկոն Չինաստանի դեսպան Ցույ Ցիմինի հետ հանդիպմանը: Ըստ Լուկաշենկոյի՝ քննադատության համար եղել է միայն մեկ պատճառ. արարողությունը դարձրել են «գաղտնիք», հայտնում է BelTA- ն: «Գիտեք, շուրջ 2 հազար մարդ հրավիրվել է երդմնակալությանը՝ զինվորականների հետ միասին: Եվ դա գաղտնի պահել, գործնականում, անհնար է»,- ասել է նա:

13:55 - 24 սեպտեմբերի, 2020

Լուկաշենկոյի երդմնակալության դեմ բողոքի ցույցեր Մինսկում. ցուցարարների դեմ բիրտ ուժ է կիրառվել |azatutyun.am|

azatutyun.am: Բելառուսի նախագահ Ալեքսանդր Լուկաշենկոյի երդմնակալության դեմ բողոքողներին Մինսկում ցրել են բիրտ ուժի և ջրցան մեքենաների միջոցով: Այնուամենայնիվ, հարյուրավոր մարդիկ չէին լքում մայրաքաղաքի կենտրոնը: Մինսկում դեռ երեկ առավոտից ինքնաբուխ ցույցերի մասնակիցներին բերման էին ենթարկում: Երեկոյան, երբ մոտ 5 հազար մարդ էր հավաքվել, անվտանգության ուժերը սկսել են գործել ծայրաստիճան կոշտ՝ գործի են դրվել ջրցան մեքենաները՝ ջրի փոխարեն ինչ-որ նարնջագույն հեղուկով, նաև մահակներ և էլեկտրաշոկերներ: Կան վիրավորներ: Անվտանգության ուժերի աշխատակիցները, այդ թվում նաև՝ քաղաքացիական հագուստով, հարվածում էին մեքենաներին, որոնց վարորդները ձայնային ազդանշաններով իրենց համերաշխությունն էին հայտնում ցուցարարներին: Ականատեսները նաև կրակոցներ են լսել: Առնվազն 160 մարդ բերման է ենթարկվել: Օրվա հերոսը «Յանդեքս» տաքսու վարորդն էր, ում հաջողվել է տանել մի ցուցարարի, որին հետապնդում էին հատուկ նշանակության ջոկատները:

10:33 - 24 սեպտեմբերի, 2020

ԱՄՆ-ն Լուկաշենկոյին չի համարում Բելառուսի օրինական ընտրված առաջնորդ |pastinfo.am|

pastinfo.am: ԱՄՆ-ն հրաժարվել է Բելառուսի օրինական ընտրված նախագահ համարել Ալեքսանդր Լուկաշենկոյին։ Այս մասին, ինչպես հաղորդում է ՌԻԱ Նովոստի-ն, հայտնել է Պետդեպարտամենտի ներկայացուցիչը։ «Օգոստոսի 9-ի ընտրությունները ո՛չ ազատ էին, ո՛չ ազնիվ։ Հայտարարված արդյունքները շինծու էին և լեգիտիմություն չէին արտացոլում։ Միացյալ Նահանգները չի կարող Ալեքսանդր Լուկաշենկոյին համարել երկրի օրինական ընտրված առաջնորդ»,- ասել է զրուցակիցը՝ մեկնաբանելով Լուկաշենկոյի երդմնակալության արարողությունը։

09:57 - 24 սեպտեմբերի, 2020

Լուկաշենկոյի «երդմնակալությունը» չի նշանակում իր ճանաչումը որպես Բելառուսի ղեկավար․ Ուկրաինայի ԱԳՆ

Ալեքսանդր Լուկաշենկոյի երդմնակալության արարողությունը չի նշանակում նրա ճանաչումը Բելառուսի լեգիտիմ նախագահ: Այս մասին հայտնում է РИА Новости-ն՝ հղում տալով Ուկրաինայի արտաքին գործերի նախարար Դմիտրի Կուլեբային: «Ուկրաինան երբեք ոչ մի կերպ չի միջամտել Բելառուսի ներքին գործերին և միշտ կաջակցի բելառուս ժողովրդին: Հաշվի առնելով Բելառուսում ընտրական գործընթացի և իրադարձությունների հետագա զարգացումը՝ Ալ. Լուկաշենկոյի այսօրվա «երդմնակալությունը» չի նշանակում իր ճանաչումը որպես Բելառուսի Հանրապետության ղեկավար»,- գրել է նա թվիթերյան իր էջում:

09:26 - 24 սեպտեմբերի, 2020

Անկախության պալատում տեղի է ունենում Ալեքսանդր Լուկաշենկոյի երդմնակալության արարողությունը

Այս պահին Մինսկի Անկախության պալատում տեղի է ունենում Բելառուսի նախագահ Ալեքսանդր Լուկաշենկոյի երդմնակալության արարողությունը։ Այս մասին հայտնում է «Բելտա» լրատվական գործակալությունը։ Արարողությանը հրավիրված է մի քանի հարյուր մարդ, այդ թվում՝ բարձրաստիճան պաշտոնյաներ, խորհրդարանի և Հանրաետական խորհրդի ներկայացուցիչներ, պետական մարմինների ու կազմակերպությունների, տեղական ինքնակառավարման մարմինների ղեկավարներ, հանրապետական ԶԼՄ-ներր ներկայացուցիչներ, մշակույթի, գիտության և սպորտի գործիչներ։

13:29 - 23 սեպտեմբերի, 2020

«Լուկաշենկոն օրինական ղեկավար չէ, բայց մենք կաշխատենք նրա հետ». ԵՄ դիվանագիտության ղեկավար |tert.am|

tert.am: Եվրամիության կողմից Բելառուսի նախագահ Ալեքսանդր Լուկաշենկոյի վերընտրման օրինականությունը չճանաչելը չի նշանակում, որ Բրյուսելը չի աշխատի նրա հետ: Այս մասին սեպտեմբերի 21-ին հայտարարել է ԵՄ դիվանագիտության ղեկավար Ժոզեպ Բորելը, գրում է eadaily.com կայքը:«Այն փաստը, որ մենք այստեղ ժողովրդավարական լեգիտիմություն չենք տեսնում, չի նշանակում, որ մենք չենք հասկանում` ինչ իրողություններ կան», -հայտարարել է Բորելը:Նրա խոսքերով` ԵՄ-ում հասկանում են «նրանց (Բելառուսի իշխանությունների) հետ աշխատելու անհրաժեշտությունը»:Միևնույն ժամանակ, նա նշել է, որ ստեղծված իրավիճակում պաշտոնական Մինսկի հետ շփումները քաղաքական մակարդակով, ինչպես նաև Արևելյան գործընկերության շրջանակներում կարող են պակաս ինտենսիվ լինել, քան նախկինում: Բորելն ընդգծել է, որ ԵՄ-ի մոտ նման իրավիճակ է ստեղծվել նաև Վենեսուելայի պարագայում, որտեղ Եվրամիությունը Նիկոլաս Մադուրոյին չի ճանաչում որպես երկրի օրինական ղեկավար, բայց շարունակում է հնարավորինս աշխատել նրա հետ:

16:40 - 22 սեպտեմբերի, 2020

Եվրամիության արտգործնախարարները հանդիպել են Բելառուսի ընդդիմության լիդերին |azatutyun.am|

azatutyun.am: Եվրամիության երկրների արտաքին գործերի նախարարները Բրյուսելում հանդիպել են Բելառուսի ընդդիմության լիդեր Սվետլանա Տիխանովսկայային: Եվրամիությունը քննարկում է Բելառուսի տասնյակ ղեկավարների նկատմամբ նոր պատժամիջոցներ սահմանելու խնդիրը, չի բացառվում, որ արգելափակումներ կիրառվեն անձամբ նախագահ Ալեքսանդր Լուկաշենկոյի նկատմամբ: Բելառուսում վեց շաբաթ շարունակ բողոքի ցույցեր են: Օգոստոսի 9-ին տեղի ունեցած նախագահական ընտրություններում, ըստ պաշտոնական տվյալների, հաղթել է գործող նախագահը: Տիխանովսյական, ով ընտրություններից հետո ապաստանել է Լիտվայում, ըստ ԿԸՀ-ի, երկրորդ տեղն է գրավել: Բելառուսում վիճահարույց ընտրություններից հետո տեղի ունեցող բողոքի բազմամարդ ակցիաների հազարավոր մասնակիցներ ձերբակալվել են, ցուցարարների, այդ թվում` կանանց նկատմամբ իրավապահները բիրտ ուժ են կիրառել: Զոհվել է առնվազն երեք մարդ: Արևմտյան երկրները չեն ճանաչում Լուկաշենկոյի հաղթանակը: Բելառուսի ղեկավարը 26 տարի է իշխում, նա պնդում է, թե բողոքի շարժումը ղեկավարվում է Բելառուսը կազմաքանդելու նպատակ հետապնդող արևմտյան երկրների կողմից: Ռուսաստանը սատարում է Լուկաշենկոյին: Եվրոպական միության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը Տիխանովսկայայի հետ հանդիպումից հետո ասել է, որ «արտգործնախարարները շատ տպավորված են բելառուս ժողովրդի ու հատկապես կանանց խիզախությամբ, նրանք իսկական լիդերություն են դրսևորում»: Բորելը նաև հերքել է Մինսկի և Մոսկվայի պնդումներն այն մասին, թե Եվրամիությունն իբր միջամտում է Բելառուսի ներքին գործերին: «Դեմոկրատիան և մարդու իրավունքները Եվրամիության հիմնարար արժեքներ են, և ինքնությունը, դրանց պաշտպանությունը չի կարող դիտվել որպես միջամտություն»,- ասել է Ժոզեպ Բորելը: Երեկ Մինսկում տեղի է ունեցել բողոքի հերթական երթ, որին մասնակցել է ավելի քան 100 հազար մարդ, հարյուրավոր ցուցարարներ ձերբակալվել են:

15:13 - 21 սեպտեմբերի, 2020

Ալեքսանդր Լուկաշենկոն շնորհավորական ուղերձ է հղել ՀՀ նախագահին և վարչապետին

Բելառուսի նախագահ Ալեքսանդր Լուկաշենկոն բելառուսական ժողովրդի և իր անունից շնորհավորել է Հայաստանի Հանրապետության նախագահ Արմեն Սարգսյանին և Հայաստանի Հանրապետության վարչապետ Նիկոլ Փաշինյանին ՝ ՀՀ անկախության տոնի առթիվ: Այս մասին հայտնում են Բելառուսի նախագահի մամուլի ծառայությունից: Արմեն Սարգսյանին ուղղված շնորհավորական ողերձում Բելառուսի նախագահն ասում է, որ ապավինելով բարեկամության ամուր ավանդույթներին և փոխշահավետ գործընկերության սկզբունքներին ՝ Բելառուսը և Հայաստանը հետեւողականորեն զարգացնում են քաղաքական, առևտրատնտեսական և հումանիտար համագործակցությունը: «Մեր երկրները կապված են ամուր բարեկամական հարաբերություններով, փոխադարձ միտվածությամբ` ուղղված կառուցողական քաղաքական երկխոսության զարգացմանը, ինչպես նաև բոլոր ոլորտներում արդյունավետ գործընկերությանը»,- ասել է Լուկաշենկոն: Փաշինյանին ուղղված շնորհավորական ուղերձում Ալեքսանդր Լուկաշենկոն համոզմունք է հայտնել, որ հետագա համատեղ աշխատանքը կապահովի դրական դինամիկան երկկողմ առևտրատնտեսական հարաբերություններում նոր փոխշահավետ նախագծերի իրականացմանը և Եվրասիական տնտեսական միության շրջանակներում համագործակցության ներուժի բացահայտմանը:

14:45 - 21 սեպտեմբերի, 2020