Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։

Կրեմլը հուսով է, որ Փաշինյանն ու Պուտինը տեսանելի հեռանկարում կքննարկեն առկա բոլոր խնդիրները |civilnet.am|

Կրեմլը հուսով է, որ Փաշինյանն ու Պուտինը տեսանելի հեռանկարում կքննարկեն առկա բոլոր խնդիրները |civilnet.am|

civilnet.am: Կրեմլը հուսով է, որ տեսանելի հեռանկարում ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանը անձամբ կկարողանան քննարկել երկու երկրների հարաբերություններում առկա բոլոր հարցերը: Այս մասին ապրիլի 10-ին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։ «Մենք հույս ունենք, որ տեսանելի ապագայում ղեկավարները անձամբ հնարավորություն կունենան քննարկել նման հարցերը, եթե դրանք օրակարգում են»,- ասել է Պեսկովը։ Ավելի վաղ Նիկոլ Փաշինյանը հայտարարել էր, որ Հայաստանը Ռուսաստանի հետ հարաբերություններում «ոչ մի սխալ քայլ» չի արել, սակայն «հակառակ դեպքերը բազմաթիվ են»:

14:26 - 10 ապրիլի, 2024

Պուտինը Միքայել Աղասանդյանին ազատել է ՀԱՊԿ-ում ՌԴ լիազոր ներկայացուցչի պաշտոնից |tert.am|

Պուտինը Միքայել Աղասանդյանին ազատել է ՀԱՊԿ-ում ՌԴ լիազոր ներկայացուցչի պաշտոնից |tert.am|

tert.am: ՌԴ նախագահ Վլադիմիր Պուտինը փոխարինել է ՀԱՊԿ-ում ՌԴ լիազոր ներկայացուցչին. Միքայել Աղասանդյանի փոխարեն նշանակվել է ԱԳՆ հատուկ նշանակության դեսպան Վիկտոր Վասիլևը, համապատասխան հրամանագրերը տեղադրված են իրավական ակտերի պաշտոնական հրապարակման կայքում, հայտնում է ՌԻԱ «Նովոստի»-ն:«Հավաքական անվտանգության պայմանագրի կազմակերպությունում Ռուսաստանի Դաշնության մշտական և լիազոր ներկայացուցիչ նշանակել Ռուսաստանի Դաշնության արտաքին գործերի նախարարության գլխավոր դեսպան Վիկտոր Լվովիչ Վասիլևին», - ասված է փաստաթղթում։Մեկ այլ հրամանագրով Պուտինը Միքայել Աղասանդյանին ազատել է այդ պարտականություններից։Երկու հրամանագրերն էլ ուժի մեջ են մտնում ստորագրման օրվանից՝ ապրիլի 9-ից։

14:11 - 09 ապրիլի, 2024

Պուտինի ու Էրդողանի շփումները նախապատրաստվում են. Պեսկով
|factor.am|

Պուտինի ու Էրդողանի շփումները նախապատրաստվում են. Պեսկով |factor.am|

factor.am: ՌԴ-ի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի միջև շփումները նախապատրաստվում են և հնարավոր են տեսանելի ապագայում, սակայն ստույգ ժամկետները դեռ որոշված չեն։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։ «Բարձր մակարդակով շփումները, ընդհանուր առմամբ, նախապատրաստվում են։ Ռուս-թուրքական ամենաբարձր մակարդակով շփումների ժամկետները դեռ որոշված չեն։ Բայց կա ըմբռնում, որ դրանք տեղի կունենան տեսանելի ապագայում»,- ասել է Պեսկովը։ Նա նաև նշել է, որ երկու երկրները փորձում են վերացնել հակառուսական պատժամիջոցներից բխող բանկային փոխանցումների հետ կապված խնդիրները։ «Բոլոր ֆինանսական հարցերում աշխատանքային մակարդակով անընդհատ շփումներ են իրականացվում՝ ստեղծված իրավիճակից ելք գտնելու համար։ Որոշակի խնդիրներ կան, բայց ակնհայտ է, թե որն է այդ խնդիրների պատճառը։ Սա լուրջ վնաս է հասցնում ինչպես մեր, այնպես էլ Թուրքիայի տնտեսական օպերատորների շահերին»,- ասել է ՌԴ նախագահի մամուլի խոսնակը։

16:33 - 08 ապրիլի, 2024

ՌԴ-ն չունի ոչ բարեկամական երկրներ, կան ոչ բարեկամական էլիտաներ. Պուտին
|tert.am|

ՌԴ-ն չունի ոչ բարեկամական երկրներ, կան ոչ բարեկամական էլիտաներ. Պուտին |tert.am|

tert.am: ՌԴ նախագահ Վլադիմիր Պուտինը վստահեցրել է, որ Ռուսաստանը չի ջնջի համաշխարհային մշակույթը, ինչպես անում են ռուսական մշակույթի հետ Արևմուտքում։ «Համաշխարհային մշակույթի ձեռքբերումները շատ են այն երկրներում, որոնց մենք այսօր անվանում ենք ոչ բարեկամական։ Չնայած մենք չունենք ոչ բարեկամական երկրներ, մենք ունենք ոչ բարեկամական էլիտաներ այդ երկրներում», - ասել է Պուտինը։ Փոխանցում է ՏԱՍՍ-ը։ Նա ընդգծել է. «ինչ վերաբերում է այս երկրների մշակույթին, ապա մենք երբեք չենք փորձել այնպիսի բան, ինչպիսին այս երկրների ղեկավարներն են փորձում անել ռուսական մշակույթի հետ, ընդհակառակը, մենք կարծում ենք, որ ռուսական մշակույթը համաշխարհային մշակույթի մաս է, և մենք հպարտ ենք դրանով», - ասել է Պուտինը։

20:59 - 27 մարտի, 2024

Մոսկովյան ահաբեկչության մեջ ուկրաինական հետքեր տեսնելու փորձը կանխատեսելի էր. Զելենսկի
|1lurer.am|

Մոսկովյան ահաբեկչության մեջ ուկրաինական հետքեր տեսնելու փորձը կանխատեսելի էր. Զելենսկի |1lurer.am|

1lurer.am: Ուկրաինայի նախագահ Վոլոդիմիր Զելենսկին ուղերձով է հանդես եկել` հայտարարելով, որ Վլադիմիր Պուտինը և այլք փորձում են «Կրոկուս սիթի հոլ»-ի ահաբեկչության պատասխանատվությունը գցել ուրիշի վրա, և կիրառվող մեթոդները միշտ նույնական են: Ըստ Զելենսկու` այս ահաբեկչության մեջ ուկրաինական հետքեր տեսնելու փորձն իր համար կանխատեսելի է եղել:

11:00 - 24 մարտի, 2024

Պուտինը մարտի 24-ը համազգային սգո օր է հայտարարել |1lurer.am|

Պուտինը մարտի 24-ը համազգային սգո օր է հայտարարել |1lurer.am|

1lurer.am: Ռուսաստանի նախագահ Վլադիմիր Պուտինը հանդես է եկել ուղերձով՝ կապված մերձմոսկովյան «Կրոկուս սիթի հոլ» առևտրի կենտրոնի համերգասրահում տեղի ունեցած ահաբեկչություն հետ: Նա մարտի 24-ը համազգային սգո օր է հայտարարել: «Բոլոր նրանք, ովքեր կրակել և սպանել են մարդկանց, հայտնաբերվել և ձերբակալվել են, նրանք շարժվելիս են եղել դեպի Ուկրաինա, որտեղ ուկրաինական կողմից պատրաստվել է սահմանը հատելու «պատուհան»: Մոսկվայում և այլ շրջաններում լրացուցիչ հակաահաբեկչական միջոցառումներ են սահմանվել»,- ասել է Պուտինը: Նա վստահեցրել է, որ բոլոր մեղավորները կհայտնաբերվեն և կպատժվեն: ՌԴ նախագահի խոսքով՝ երկրի հատուկ ծառայություններն աշխատում են ահաբեկիչների հանցակիցներին հայտնաբերելու ուղղությամբ: «Ոչ մեկին չի հաջողվի խուճապ և տարաձայնություն սերմանել մեր հասարակության մեջ: Ամենածանր փորձություններից հետո Ռուսաստանը միշտ էլ ավելի է ուժեղացել, այդպես կլինի նաև հիմա»,- նշել է Պուտինը:

16:54 - 23 մարտի, 2024

Պուտինն ու Լուկաշենկոն հեռախոսազրույց են ունեցել
|1lurer.am|

Պուտինն ու Լուկաշենկոն հեռախոսազրույց են ունեցել |1lurer.am|

1lurer.am: Ռուսաստանի նախագահ Վլադիմիր Պուտինը հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ, որը ցավակցություն է հայտնել «Կրոկուս Սիթի Հոլլում» տեղի ունեցած ահաբեկչության կապակցությամբ: Այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը: «Կողմերը հաստատել են ահաբեկչության դեմ պայքարում փոխգործակցության պատրաստակամությունը»,- ասել է Պեսկովը։ Հիշեցնենք, որ մարտի 23-ին ահաբեկչություն է տեղի ունեցել Մոսկվայի «Կրոկուս Սիթի Հոլ»-ում: Կան զոհեր եւ վիրավորներ։ Շենքում հնչած կրակոցներից հետո նռնակ կամ հրկիզող նռնակներ են նետվել, ինչի հետևանքով հրդեհ է բռնկվել եւ մարդիկ մնացել են շենքում արգելափակված։ Ժամեր շարունակ փրկարարները աշխատել են հրդեհը մարելու եւ մարդկանց տարհանելու ուղղությամբ։ ՌԴ ԱԴԾ-ից հայտնել են 11 մարդու, այդ թվում՝ 4 ահաբեկիչների ձերբակալության մասին, որոնք անմիջական մասնակցություն են «Կրոկուս»-ի ահաբեկչությանը։

14:44 - 23 մարտի, 2024

Մենք սգում ենք Ռուսաստանի ժողովրդի հետ միասին. Նիկոլ Փաշինյանը ցավակցական հեռագիր է հղել Վլադիմիր Պուտինին

Մենք սգում ենք Ռուսաստանի ժողովրդի հետ միասին. Նիկոլ Փաշինյանը ցավակցական հեռագիր է հղել Վլադիմիր Պուտինին

ՀՀ վարչապետ Նիկոլ Փաշինյանը ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին Մոսկվայում տեղի ունեցած ահաբեկչության կապակցությամբ։ Հեռագրում ասված է. «Հարգելի Վլադիմիր Վլադիմիրի, Անկեղծ վշտակցությամբ ընդունեցի Մոսկվայում տեղի ունեցած և անմեղ մարդկանց կյանքեր խլած ահաբեկչության ողբերգական լուրը։ Հայաստանը խստորեն դատապարտում է այս անմարդկային հանցագործությունը խաղաղ բնակչության դեմ։ Խորին ցավակցություններս եմ հայտնում Ձեզ։ Մենք սգում ենք Ռուսաստանի ժողովրդի հետ միասին և վշտակցության ու զորակցության խոսքեր ենք հղում անդառնալի կորուստ կրած զոհերի ընտանիքների անդամներին և հարազատներին»։

08:36 - 23 մարտի, 2024

Ճապոնիան չի շնորհավորի Պուտինին վերընտրվելու կապակցությամբ. Ճապոնիայի ԱԳՆ |shantnews.am|

Ճապոնիան չի շնորհավորի Պուտինին վերընտրվելու կապակցությամբ. Ճապոնիայի ԱԳՆ |shantnews.am|

shantnews.am: Ճապոնիան չի շնորհավորի Վլադիմիր Պուտինին նախագահի պաշտոնում վերընտրվելու կապակցությամբ, ուրբաթ «ՌԻԱ Նովոստիին» հայտնել է Ճապոնիայի արտաքին գործերի նախարարությունը՝ զերծ մնալով մեկնաբանություններից։ «Ճապոնիայի կառավարությունը շնորհավորանքներ չի հղում նախագահ Պուտինին նախագահի պաշտոնում վերընտրվելու կապակցությամբ: Մենք ձեռնպահ ենք մնում այլ մանրամասների պատասխանելուց»,- ՌԻԱ Նովոստիի հարցին պատասխանել են ԱԳՆ-ից։ Նախագահական ընտրությունները Ռուսաստանում տեղի են ունեցել մարտի 15-ից 17-ը։ Ռուսաստանի Կենտրոնական կոմիտեի ղեկավար Էլլա Պամֆիլովան հինգշաբթի օրը կայացած նիստում հայտարարել է քվեարկության պաշտոնական արդյունքները՝ Վլադիմիր Պուտինը հավաքել է ձայների 87,28%-ը, Նիկոլայ Խարիտոնովը՝ 4,31%, Վլադիսլավ Դավանկովը՝ 3,85%, Լեոնիդ Սլուցկին՝ 3,20։ %:

09:31 - 22 մարտի, 2024

Պուտինի պարտությունը ժողովրդավարության համար կյանքի ու մահվան հարց է. Զելենսկի
|tert.am|

Պուտինի պարտությունը ժողովրդավարության համար կյանքի ու մահվան հարց է. Զելենսկի |tert.am|

tert.am: Ուկրաինայի դեմ ռազմական դիմակայությունում ՌԴ նախագահ Վլադիմիր Պուտինի պարտությունը կյանքի ու մահվան հարց է համայն ժողովրդավարական աշխարհի համար։ Այս մասին իր ուղերձում ասել է Ուկրաինայի նախագահ Վլադիմիր Զելենսկին։ Նա նշել է, որ երբ Պուտինը պարտվի, ժողովրդավարական աշխարհը «գալիք սերնդի համար լավ հեռանկար կունենա»։ «Մենք պետք է տոկուն լինենք տարբեր մարտահրավերների առաջ, որպեսզի հաղթահարենք Պուտինին և չհայտնվենք այնպիսի իրավիճակում, երբ Արևմուտքի ուժի վերաբերյալ կասկածներն օգնեն այս խելագարին», - ընդգծել է Զելենսկին։ Նա հավելել է, որ հանդիպել է ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ։ «Ես երախտապարտ եմ մեր ազգին և ժողովրդին Ամերիկայի աջակցության համար, և կենսական նշանակություն ունի, որ ամերիկյան ղեկավարությունը հաստատակամ մնա միջազգային իրավունքի գերակայությունը պաշտպանելու գործում», - ասել է Ուկրաինայի նախագահը։ Ավելի վաղ Պենտագոնի ղեկավար Լլոյդ Օսթինը հայտարարել էր, որ ԱՄՆ-ը թույլ չի տա Ուկրաինային պարտվել։ Նա վստահեցրել էր, որ դաշնակիցները ուղիներ են փնտրում Ուկրաինային անխափան օգնություն ցուցաբերելու համար։

09:37 - 21 մարտի, 2024

Ռայիսին և Պուտինը քննարկել են Հարավային Կովկասում իրավիճակը
|factor.am|

Ռայիսին և Պուտինը քննարկել են Հարավային Կովկասում իրավիճակը |factor.am|

factor.am: Իրանի և Ռուսաստանի նախագահներ Էբրահիմ Ռայիսին ու Վլադիմիր Պուտինը հեռախոսազրույց են ունեցել։ Ռայիսին շնորհավորել է Պուտինին՝ ՌԴ նախագահի պաշտոնում վերընտրվելու կապակցությամբ և հույս հայտնել, որ Ռուսաստանի նոր կառավարությունը հարմար հիմքեր կդնի հարաբերությունների հետագա ընդլայնման ու զարգացման, երկու ժողովուրդների միջև տարբեր ոլորտներում կառուցողական համագործակցության համար: Իրանական կողմի տարածած հայտարարության մեջ նշվում է, որ երկու նախագահներն անդրադարձել են նաև ընդհանուր տարածաշրջանային շահերին, այդ թվում՝ կովկասյան տարածաշրջանում, գրում է Mehr-ը։ Նկատենք, որ ռուսական կողմի տարածած հաղորդագրության մեջ չկա Կովկասում տիրող իրավիճակին անդրադարձի մասին։ «Միջազգային օրակարգը դիտարկելիս անդրադարձ է եղել, մասնավորապես, պաղեստինա-իսրայելական հակամարտության գոտում ստեղծված ճգնաժամային իրավիճակին։ Երկու կողմերն էլ լուրջ մտահոգություն են հայտնել խաղաղ բնակչության շարքում զոհերի թվի աճի և Գազայի հատվածում մարդասիրական իրավիճակի աղետալի վատթարացման կապակցությամբ»,- նշվում է Կրեմլի տարածած հաղորդագրությունում։

17:32 - 19 մարտի, 2024

ԱՄՆ կշարունակի աշխատել՝ հիմնվելով այն իրողության վրա, որ Պուտինը ՌԴ նախագահն է․ Սպիտակ տուն

|factor.am|

ԱՄՆ կշարունակի աշխատել՝ հիմնվելով այն իրողության վրա, որ Պուտինը ՌԴ նախագահն է․ Սպիտակ տուն |factor.am|

factor.am: ԱՄՆ նախագահի ազգային անվտանգության հարցերով խորհրդական Ջեյք Սալիվանը ճեպազրույցում խոսել է ՌԴ նախագահական ընտրություններում Վլադիմիր Պուտինի հաղթանակի մասին։ Պատասխանելով հարցին՝ կա՞ արձագանք Պուտինի հաղթանակին, որը նախագահ է լինելու մինչև 2030 թվականը, Սալիվանն ասել է, որ նախ՝ ընտրությունների ելքում անկանխատեսելի ոչինչ չկար, քանի որ Պուտինը փակել է քաղաքական տարածքը և իր քաղաքական հակառակորդներին։ «Նրա քաղաքական հակառակորդներից ոմանք ողբերգական կերպով մահացան։ Այնպես որ, այս ընտրություններում ազատ կամ արդար ոչինչ չկար, և դրանց ելքը կանխորոշված էր։ Երկրորդ՝ իրականությունն այն է, որ Պուտինը Ռուսաստանի նախագահն է։ Մենք ստիպված ենք եղել այդ իրականության հետ առնչվել Ուկրաինայի պատերազմի ամբողջ ընթացքում, Ռուսաստանի մյուս ագրեսիայի ընթացքում, ԱՄՆ ազգային շահերին հակասող այլ քայլերի ընթացքում, որոնք մենք տեսել ենք այս նախագահից և նրա ղեկավարությամբ՝ Ռուսաստանի Դաշնությունից։ Եվ մենք շարունակելու ենք գործ ունենալ այդ իրականության հետ»,- ասել է Սալիվանը։ Նա ընդգծել է՝ այդ իրողությունը չի հերքում այն փաստը, որ այս ընտրությունները չեն համապատասխանել ազատության կամ արդարության որևէ չափանիշի։ Հավելենք, որ ըստ ՌԴ ԿԸՀ տվյալների՝ Պուտինն ընտրություններում ստացել է ձայների 87,28 տոկոսը։

13:20 - 19 մարտի, 2024

Փաշինյանը շնորհավորել է Պուտինին՝ նախագահի պաշտոնում վերընտրվելու առիթով

Փաշինյանը շնորհավորել է Պուտինին՝ նախագահի պաշտոնում վերընտրվելու առիթով

Վարչապետ Նիկոլ Փաշինյանը շնորհավորական ուղերձ է հղել Վլադիմիր Պուտինին՝ Ռուսաստանի Դաշնության նախագահի պաշտոնում վերընտրվելու առիթով: Ուղերձում ասված է. «Հարգելի Վլադիմիր Վլադիմիրի, Ընդունեք շնորհավորանքներս Ռուսաստանի Դաշնության նախագահի պաշտոնում վերընտրվելու առթիվ։ Հուսով եմ, որ երկկողմ հետաքրքրություն ներկայացնող բոլոր ոլորտներում երկխոսությունը կզարգանա՝ ի շահ Հայաստանի և Ռուսաստանի ժողովուրդների։ Մաղթում եմ Ձեզ, հարգելի Վլադիմիր Վլադիմիրի, առողջություն, երջանկություն և հետագա հաջողություններ Ձեր գործունեության մեջ»։

12:30 - 19 մարտի, 2024

Սերժ Սարգսյանը շնորհավորական ուղերձ է հղել Վլադիմիր Պուտինին

Սերժ Սարգսյանը շնորհավորական ուղերձ է հղել Վլադիմիր Պուտինին

ՀՀ երրորդ նախագահ, ՀՀԿ նախագահ Սերժ Սարգսյանը շնորհավորական ուղերձ է հղել Վլադիմիր Պուտինին` ՌԴ նախագահի ընտրություններում համոզիչ հաղթանակի առթիվ, մաղթել նրան քաջառողջություն, երջանկություն և նորանոր հաջողություններ պատասխանատու պետական պաշտոնում, իսկ Ռուսաստանի եղբայրական ժողովրդին՝ խաղաղություն, կայունություն և բարօրություն: Հայտնում են երրորդ նախագահի գրասենյակից։ Նշենք, որ մինչ այժմ ՀՀ գործող բարձրաստիճան պաշտոնյաներից ոչ մեկը չի շնորհավորել Վլադիմիր Պուտինին ընտրություններում հաղթելու առթիվ։

12:19 - 19 մարտի, 2024

Պուտինը հայտարարել է, որ համաձայն է եղել Նավալնիի փոխանակմանը
|tert.am|

Պուտինը հայտարարել է, որ համաձայն է եղել Նավալնիի փոխանակմանը |tert.am|

tert.am: ՌԴ գործող նախագահ և նախագահի թեկնածու Վլադիմիր Պուտինը հայտարարել է, որ համաձայն է եղել ընդդիմադիր գործիչ Ալեքսեյ Նավալնիի փոխանակմանը։ Ինչպես նշել է Պուտինը նախընտրական շտաբում լրագրողների հետ զրույցում, Նավալնիի մահից մի քանի օր առաջ իրեն պատմել են Նավալնիին արևմտյան երկրներում անանզատության մեջ պահվող մի քանի անձանց հետ փոխանակելու առաջարկի մասին։ «Կարող եք հավատալ ինձ, կարող եք չհավատալ, բայց այն մարդը, որը դիմել էր ինձ, խոսքը դեռ չէր ավարտել, երբ ես ասացի` համաձայն եմ»,- ասել է ՌԴ առաջնորդը՝ շեշտելով, որ համաձայնել է միայն մեկ պայմանով, որ փոխանակումից հետո Նավալնին չպետք է վերադառնա ՌԴ։ Հիշեցնենք, որ Ալեքսեյ Նավալնին մահացել է փետրվարի 16-ին Յամալ-Նենեցյան ինքնավար օկրուգի Խարպ գյուղի հատուկ ռեժիմի ԻԿ-3 «Բևեռային գայլ» գաղութում։ Նրա մահվան մասին եզրակացության մեջ նշվում է, որ քաղաքական գործիչը մահացել է բնական մահով։ Այլ մանրամասներ չեն հաղորդվում։ Քաղաքական գործչի կողմնակիցները կարծում են, որ նա սպանվել է։ Քաղաքական գործչի այրին՝ Յուլիան, խոստացել է շարունակել ամուսնու գործը։

10:55 - 18 մարտի, 2024

Արձանագրությունների 99.01%–ը մշակվել է, Պուտինին ձայն է տվել ռուսաստանցիների 87,33%–ը |armeniasputnik.am|

Արձանագրությունների 99.01%–ը մշակվել է, Պուտինին ձայն է տվել ռուսաստանցիների 87,33%–ը |armeniasputnik.am|

armeniasputnik.am: Ռուսաստանի նախագահական ընտրություններում առաջատարը Վլադիմիր Պուտինն է՝ ձայների 87,33% - ով: Դա հետևում է արձանագրությունների 99,01% - ի մշակումից հետո ԿԸՀ-ի հրապարակած տվյալներից։ ՌԴ նախագահի թեկնածու և գործող նախագահ Վլադիմիր Պուտինը (ինքնառաջադրված) հավաքում է ձայների 87,33 տոկոսը, Պետդումայի Հեռավոր Արևելքի և Արկտիկայի զարգացման կոմիտեի ղեկավար Նիկոլայ Խարիտոնովը (ՌԴԿԿ) հավաքում է ձայների 4,31 տոկոսը, Լիբերալ դեմոկրատական կուսակցության նախագահ Լեոնիդ Սլուցկին՝ ձայների 3,19 տոկոսը, Պետդումայի փոխխոսնակ Վլադիսլավ Դավանկովը («Նոր մարդիկ»)՝ ձայների 3,79 տոկոսը: Դաշնության խորհուրդը նախագահական ընտրությունները նշանակել է 2024 թվականի մարտի 17-ին: Քվեարկությունը տեղի է ունեցել երեք օր՝ մարտի 15-ին, 16-ին և 17-ին:

09:20 - 18 մարտի, 2024