Դավիթ Խաժակյան

Դավիթ Խաժակյանը Երևանի ավագանու «Լույս» խմբակցության անդամ, «Լուսավոր Հայաստան» կուսակցության կառավարման խորհրդի անդամ։

Ծնվել է 1994թ. ապրիլի 9-ին Երևանում: 2010թ. ավարտել է Հայաստանի պետական ճարտարագիտական համալսարանի հենակետային վարժարանը: 2010-2012թթ. սովորել է ՀՊՃՀ ռադիոտեխնիկայի և կապի համակարգերի ֆակուլտետում:

2012-2014թթ. սովորել է «Միկրոէլեկտրոնային սխեմաներ և համակարգեր» միջֆակուլտետային ամբիոնում: 2014թ. ստացել է բակալավրի աստիճանի գերազանցության դիպլոմ՝ «Ինֆորմատիկա և հաշվողական տեխնիկա» մասնագիտությամբ: 2016թ․ ավարտել է ՀՊԱՀ՝ ստանալով կենսագործունեության անվտանգության մագիստրոսի աստիճան։ 2016թ.-ից ՀՊԱՀ ասպիրանտ է։

2013 թվականից աշխատում է «Սինոփսիս Արմենիա» ընկերությունում որպես Որակի ապահովման մասնագետ։ 2014թ. hոկտեմբերի 28-ին ՏՏ ոլորտում ամենամյա մրցանակաբաշխության ժամանակ նախագահ Ս․ Սարգսյանի կողմից պարգևատրվել է «լավագույն բակալավր» անվանակարգում: 017թ. մայիսի 14-ին «ԵԼՔ» կուսակցությունների դաշինքի համամասնական ցուցակով ընտրվել է Երևանի ավագանու անդամ: 2018թ. սեպտեմբերի 23-ին «ԼՈՒՅՍ» դաշինքի համամասնական ցուցակով վերընտրվել է:

Մանդատից զրկեցին մի քանի վառ արտահայտված ընդդիմադիրների. նույնքան բացակայած այլ անդամներ շարունակելու են անհետևանք բացակայել նիստերից. Խաժակյան

Մանդատից զրկեցին մի քանի վառ արտահայտված ընդդիմադիրների. նույնքան բացակայած այլ անդամներ շարունակելու են անհետևանք բացակայել նիստերից. Խաժակյան

Այսօր մանդատից զրկեցին մի քանի վառ արտահայտված ընդդիմադիրների, որոնք նախորդ նստաշրջանում բացակայել են նիստերի մեծամասնությանը։ Այս մասին ֆեյբուքում գրել է «Լուսավոր Հայաստան» կուսակցության կառավարման խորհրդի անդամ Դավիթ Խաժակյանը։ «Ամբողջ քարոզարշավի ընթացքում ես պնդում էի, որ այս մարդիկ քաղաքային խնդիրներ լուծելու մտադրություն չունեն և չեն կիրառելու իրենց մանդատը։ Սա այլևս փաստ է։ Այս ընդդիմադիրներին լիարժեք արժանի է նաև գործող իշխանությունը։ Ժողովրդավարությունը դրոշակ դարձրած ուժը ԸՆՏՐՈՂԱԲԱՐ մանդատից զրկում է միայն սուր ընդդիմախոսներին։ Նույնքան բացակայած այլ ավագանու անդամներ շարունակելու են անհետևանք բացակայել ավագանու նիստերից։ Այսօրվա և ապագա քվեարկությունները որևէ կերպ չեն արտացոլելու ընտրողի քվեն, քանի որ ՔՊ-ից բացի մյուս ուժերը հանդես են եկել ընդդիմադիր դիրքերից, որոնք ընդամենը մեկ շաբաթ անց կհաստատեն հանրային տրանսպորտի անհամաչափ թանկացումը և այսպես շարունակ։ Համամասնական ընտրակարգի հերն անիծվեց»։
13:34 - 07 փետրվարի, 2024
Դուք կորցրել եք Դավիթ Խաժակյանի պես ավագանու անդամի կողմից ներկայացված լինելու հնարավորությունը. Էդմոն Մարուքյան

Դուք կորցրել եք Դավիթ Խաժակյանի պես ավագանու անդամի կողմից ներկայացված լինելու հնարավորությունը. Էդմոն Մարուքյան

Այս պահին Երևան քաղաքի բոլոր տեղամասերի քվեների հաշվարկով՝ տեխնիկական գիտությունների թեկնածու, Երևանի ավագանու անդամ, ԼՀԿ ավագանու ցուցակի առաջնորդ Դավիթ Խաժակյանը չի ընտրվել Երևանի ավագանու ապագա կազմում։ Այս մասին գրառում է կատարել ՀՀ հատուկ հանձնարարություններով դեսպան Էդմոն Մարուքյանը։  «Դավիթ Խաժակյանն անցած տարիներին պատշաճ, ազնիվ ու բարեխիղճ կերպով առանց որևէ վարձատրության ներկայացրել է Երևան քաղաքի բնակիչների շահերը Երևանի ավագանիում ու Եվրոպայի խորհրդի Տեղական և տարածքային իշխանությունների կոնգրեսում։ Դավիթ Խաժակյանն այլևս չի կարող ներկայացնել Երևանի բնակիչների շահերը ավագանիում, քանի որ նա չի ընտրվել այս ընտրապայքարում։ Դավիթ Խաժակյանը կորցրել է ձեզ ծառայելու հնարավորությունը, իսկ դուք կորցրել եք Դավիթ Խաժակյանի պես ավագանու անդամի կողմից ներկայացված լինելու հնարավորությունը։ Մենք մեր խորին երախտագիտությունն ենք հայտնում ԼՀԿ թիմի և Դավիթ Խաժակյանի օգտին քվեարկած յուրաքանչյուր քաղաքացուն։ Մենք դողալու ենք ձեր յուրաքանչյուր քվեի, ձեր վստահության վրա և շարունակելու ենք աշխատել ու պայքարել հանուն ինքնիշխան, ժողովրդավար և արդիական Հայաստանի Հանրապետության։ Միաժամանակ շնորհավորում ենք Երևանի ավագանու կազմում ժողովրդի կողմից ընտրված քաղաքական ուժերին և մաղթում նրանց հաջողություն՝ Երևան քաղաքի կառավարման գործում։ Աստված պահապան Հայաստանի Հանրապետությանը»,- գրել է Մարուքյանը։ 
11:07 - 18 սեպտեմբերի, 2023
Երևանի 5 տարվա կառավարումը կախված է հենց այս օրվանից. Խաժակյանը քվեարկել է հանուն եվրոպական մոդելի մայրաքաղաքի
 |armenpress.am|

Երևանի 5 տարվա կառավարումը կախված է հենց այս օրվանից. Խաժակյանը քվեարկել է հանուն եվրոպական մոդելի մայրաքաղաքի |armenpress.am|

armenpress.am: «Լուսավոր Հայաստան» կուսակցության՝ Երևանի քաղաքապետի թեկնածու Դավիթ Խաժակյանը ավագանու ընտրություններում կատարեց իր քվեարկությունը հանուն եվրոպական մոդելի մայրաքաղաքի: Քվեարկությունից հետո լրագրողների հետ զրույցում անդրադառնալով հարցին, թե հանուն ինչի՞ քվեարկեց՝ Խաժակյանն ասաց. «Հանուն եվրոպական մոդելի մայրաքաղաքի, հանուն զարգացող և հարմարավետ քաղաքի, հանուն աշխատող քաղաքապետարանի, աշխատող ավագանու: Շատ բանի անհրաժեշտություն ունենք, և հույս ունեմ, որ մեր քվեարկությունը հենց դրան էլ կծառայի»: Նա ասաց՝ ընտրվելու դեպքում ընթացակարգային լուրջ փոփոխություններ է պատրաստվում իրականացնել քաղաքապետարանի վարչություններում, բյուրոկրատիան չափազանց ծանր է, ընթացակարգերը, մեխանիզմները պետք է թեթևացնել: Խաժակյանը հաստիքացուցակի էական վերանայումների կարիք է տեսնում: Խաժակյանը նկատել է՝ քվեարկությանը մասնակցությունը դեռևս ցածր է: «Ակնհայտ է, որ այն 2018-ի մասնակցությանը չի հասնի, բայց ես հույս ունեմ, որ այս օրը և այս հորդորը կնպաստի, որ մարդիկ մասնակցեն, քվեարկեն, որովհետև 5 տարվա Երևանի կառավարումը կախված է հենց այս օրվանից»,-ասաց նա:
13:27 - 17 սեպտեմբերի, 2023
Սահմանային իրադրության, անելիքների և մրցակիցների մասին․ Խաժակյանի ելույթը  |news.am|

Սահմանային իրադրության, անելիքների և մրցակիցների մասին․ Խաժակյանի ելույթը |news.am|

news.am: Սեպտեմբերի 9-ին ԼՀԿ քաղաքապետի թեկնածու Դավիթ Խաժակյանը (Քվեաթերթիկ 11) իր համակիրների և քաղաքացիների հետ նախընտրական հանդիպման ժամանակ խոսել է այն մասին, թե ինչու է Երևանի ավագանու ընտրություններում կարևոր երևանցիների ակտիվ մասնակցությունը՝ հատկապես սահմանային լարվածության և անվտանգային մարտահրավերների պայմաններում։ Մասնավորապես նա նշել է, որ. «Յուրաքանչյուրս մեր տեղում պետք է մեր աշխատանքը լավ կատարենք, որպեսզի կարողանանք լուծել ոչ միայն մեր առջև կանգնած խնդիրները, այլև այն խնդիրները, որոնք կախված են մեր մասնակցությունից։ Ինչպես յուրաքանչյուր ընտանիքում պետության մեջ էլ լինում են խնդիրներ, Աստված մի արասցե, նաև ընտանիքներում լինում են դժբախտ դեպքեր, բայց ընտանիքի յուրաքանչյուր անդամ շարունակում է կատարել իր առջև դրված պարտականությունը։ Այդպես են նաև մեր պետության առջև կանգնած խնդիրները։ Երևանը մեր պետության մի տարրն է և ինչպիսի քաղաքային իշխանություն էլ որ ձևավորվի, հինգ տարի շարունակ այդ մարդիկ լուծելու են մեր քաղաքի խնդիրները։ Չի կարող քաղաքի աղբահանությունը կանգնեցվել, չի կարող տրանսպորտային համակարգը կանգնեցվել, լինի իրավիճակը այսպես լարված, թե ավելի սրվի՝ քաղաքը պետք է շարունակի գործել և որպես ավագանու անդամ ես պատասխանատու եմ կատարելու այն աշխատանքը, որը կատարել եմ վեց տարի շարունակ»։
15:12 - 10 սեպտեմբերի, 2023
2018–ից հետո այս ընտրությունները եզակի են անկանխատեսելիությամբ. Դավիթ Խաժակյան
 |armeniasputnik.am|

2018–ից հետո այս ընտրությունները եզակի են անկանխատեսելիությամբ. Դավիթ Խաժակյան |armeniasputnik.am|

armeniasputnik.am: Երևանի ավագանու ընտրությունները 2018 թվականից հետո եզակի են անկանխատեսելիությամբ, և արդյունքները կախված են լինելու մարդկանց կամարտահայտությունից։ Այսօր` քարոզարշավի առաջին օրը լրագրողների հետ զրույցում նշեց «Լուսավոր Հայաստան» կուսակցության կողմից առաջադրված քաղաքապետի թեկնածու Դավիթ Խաժակյանը։   «Իմ շանսերը գնահատելու են երևանցիները. 6 տարի շարունակ ես աշխատել եմ որպես ավագանու ընդդիմադիր անդամ, մեր ուժն ունեցել է 1 մանդատ, և այդ 1 մանդատով մենք արել ենք առավելագույնը, ընդհուպ համաքաղաքային խնդիրները լուծելու իմաստով։ Մարդկանց աջակցությունից է կախված լինելու այն մասշտաբը, որ մենք կհաղորդենք ընտրությունների արդյունքներով»,– ասաց Խաժակյանը։   Խոսելով այն մասին, թե իրենք առաջնային ինչ խնդիրներ են պատրաստվում Երևանում լուծել, եթե քաղաքային իշխանություն դառնան, Խաժակյանը մատնանշեց համատիրությունների հարցը։ Շեշտեց` իրենք միակ քաղաքական ուժն են, որը նախընտրական ծրագրում ներառել են այս խնդիրը։ «Մենք հստակ ասում ենք` պետք է դրանք վերացվեն, այն 4 մլրդ դրամը, որ հավաքագրվում է համատիրությունների կողմից, ամբողջությամբ պետք է ներդրվի բազմաբնակարան շենքերի բարեկարգման աշխատանքներում, իսկ այսօր դրանք 70-80 տոկոսով ծառայում են համատիրությունների ադմինիստրատիվ ծախսերին»,– նշում է Խաժակյանը։   Ավելի մանրամասն՝ armeninansputnik.am-ում։ 
20:40 - 23 օգոստոսի, 2023
Ադրբեջանը նպատակադրված կերպով շարունակում է անտեսել միջազգային հանրությունից հնչող կոչերը․ Դավիթ Խաժակյան

Ադրբեջանը նպատակադրված կերպով շարունակում է անտեսել միջազգային հանրությունից հնչող կոչերը․ Դավիթ Խաժակյան

Եվրոպայի խորհրդի տեղական և տարածքային իշխանությունների Կոնգրեսի հերթական նստաշրջանի ընթացքում Երևանի ավագանու «Լույս» խմբակցության անդամ Դավիթ Խաժակյանը բարձրաձայնել է Ադրբեջանի կողմից Լաչինի միջանցքի ապօրինի շրջափակման մասին։ Խաժակյանը Լաչինի միջանցքի շրջափակմանն անդրադարձել է ճգնաժամերի նկատմամբ քաղաքների դիմադրողականության կոնտեքստում՝ ընդգծելով, որ Լաչինի միջանցքի շրջափակման հետևանքով ԼՂ բնակչությունը կանգնած է հումանիտար աղետի շեմին, իսկ այդ պայմաններում մայրաքաղաք Ստեփանակերտի իշխանությունները քայլեր են ձեռնարկում ճգնաժամին դիմագրավելու համար։ Խաժակյանն ասել է, որ բազմաթիվ պետություններ, առաջատար միջազգային և հասարակական կազմակերպություններ, մարդու իրավունքների պաշտպան կազմակերպություններ ուղղակիորեն հորդորում են Ադրբեջանին հետևել ստանձնած պարտավորություններին և դադարեցնել Լաչինի շրջափակումը, իսկ Ադրբեջանը նպատակադրված կերպով շարունակում է անտեսել միջազգային հանրությունից հնչող բոլոր այս կոչերը։ «Լեռնային Ղարաբաղի բնակիչները պայքարում են ճգնաժամի դեմ, որն առաջացել է Ադրբեջանի կողմից Լաչինի միջանցքի շրջափակման հետևանքով։ Քաղաքական խնդիրների լուծման նպատակով Ադրբեջանը փակ է պահում այդ ճանապարհը և հումանիտար ճգնաժամի առաջ կանգնեցնում ԼՂ 120 հազար բնակչությանը։ Համաձայն ԼՂ մարդու իրավունքների պաշտպանի զեկույցի՝ Ստեփանակերտի գիշերօթիկ հաստատություններում, մանկական հիվանդանոցներում, մանկապարտեզներում և դպօրոցներում հայլևս հնարավոր չէ ապահովել երեխաների հատուկ սննադակարդը շրջափակումից առաջացած  մի շարք մթերքների բացակայության պատճառով։ Արդեն երկար ժամանակ է՝ սնունդն այնտեղ բաժանվում է կտրոնների միջոցով, քաղաքում իրականացվում են էներգախնայողության տարբեր ծրագրեր»,- ասել է Խաժակյանը։
15:56 - 03 մայիսի, 2023
Պահանջեք ձեր նախագահից կատարել իր ստանձնած պարտավորությունները․ Խաժակյանն արձագանքել է ադրբեջանցի պատվիրակի կեղծ թեզերին


  |armenpress.am|

Պահանջեք ձեր նախագահից կատարել իր ստանձնած պարտավորությունները․ Խաժակյանն արձագանքել է ադրբեջանցի պատվիրակի կեղծ թեզերին |armenpress.am|

armenpress.am: «Լուսավոր Հայաստան» կուսակցության կառավարման խորհրդի անդամ Դավիթ Խաժակյանը Եվրոպայի խորհրդի տեղական և տարածքային իշխանությունների Կոնգրեսի 44-րդ հերթական նստաշրջանի ընթացքում արձագանքել է ադրբեջանցի պատվիրակի Հումբաթ Հուսեյնովի կեղծ թեզերին, ով խոսել է անցյալում իբրև թե Հայաստանից տեղահանված ադրբեջանցիների իրավունքների մասին։ Արձագանքելով ադրբեջանցի պատվիրակի հայտարարություններին՝ նախ հիշեցրել է 2020 թվականի նոյեմբերի 9-ի եռակողմ հայտարարության 7-րդ դրույթը, որով Ադրբեջանը պարտավորվում էր երաշխավորել ներքին տեղահանված անձանց և փախստականների վերադարձը Լեռնային Ղարաբաղի տարածք և հարակից շրջաններ։  Խաժակյանը նշեց, որ ադրբեջանական կողմը հրաժարվում է կատարել այս պարտավորությունը, և հրաժարվում է վերադարձնել փախստականներին Շուշի, Հադրութ և այլ շրջաններ։ «Մենք քիչ առաջ լսեցինք Ադրբեջանի պատվիրակի ելույթը, ով խոսում էր Հայաստանից ինչ-որ պահանջներից։ Դուք գիտեք, որ Հայաստանը պատրաստ է խոսել խաղաղության օրակարգի շուրջ, և դա է կարևոր մեզ համար։ Եղել են բազմաթիվ պայմանավորվածություններ , և կարող ենք ասել, որ մենք պատրաստ ենք կատարել համաձայնեցված դրույթները։ Բայց այժմ, երբ Ադրբեջանի պատվիրակը խոսում է ինչ-որ տեղահանված մարդկանց վերադարձի մասին, ես պետք է ընթերցեմ 2020 թվականի նոյեմբերի 9-ի հայտարարության մի դրույթ, որը ստորագրել է նաև Ադրբեջանի նախագահը։ Հայտարարության 7-րդ կետով ասվում է, որ ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ՝ ՄԱԿ-ի փախստականների հարցերով գերագույն հանձնակատարի գրասենյակի վերահսկողության ներքո, բայց իրականությունն այլ է, որովհետև Ադրբեջանը հրաժարվում է կատարել այս պարտավորությունը։ Նրանք հրաժարվում են վերադարձնել փախստականներին Շուշի, Հադրութ և այլ շրջաններ, և այդքանով հանդերձ այս հարթակում նրանք խոսում են իրենց պահանջների մասին»,լ- ասել է Խաժակյանը։ Նա հավելել է, որ խաղաղություն հնարավոր կլինի ունենալ միայն այն դեպքում, երբ յուրաքանչյուր կողմ կատարում է իր պարտականությունները։ «Դուք տեղյակ եք, որ Լաչինի միջանցքը երկար ժամանակ է, ինչ փակված է, և մենք տեսանք ԵԽԽՎ իրավական և մարդու իրավունքների հարցերով հանձնաժողովի հայտարարությունը, որով ասվում է, որ Ադրբեջանը պարտավոր է բացել միջանցքը, քանզի դա Լեռնային Ղարաբաղը Հայաստանին կապող միակ ճանապարհն է։ Սակայն նրանք դա չեն անում՝ ստեղծելով հումանիտար ճգնաժամ Լեռնային Ղարաբաղում, իսկ այստեղ անում են նոր պահանջների վերաբերյալ հայտարարություններ։ Ես առաջարկում եմ Ադրբեջանի պատվիրակին խոսել իրենց նախագահի հետ և հորդորել իրականացնել բոլոր այն պարտավորությունները, որոնք նոյեմբերի 9-ից ստանձնել է Ադրբեջանը և ապաշրջափակել Լաչինի միջանցքը, քանզի Եվրոպայի խորհրդի անդամ պետությունը, քաղաքական շահերից ելնելով, չի կարող ստեղծել հումանիտար ճգնաժամ»,- եզրափակել է Խաժակյանը։  
14:29 - 27 մարտի, 2023
Երևանի քաղաքապետի պարտականությունները կկատարի քաղաքապետի առաջին տեղակալ Լևոն Հովհաննիսյանը․ Դավիթ Խաժակյան |tert.am|

Երևանի քաղաքապետի պարտականությունները կկատարի քաղաքապետի առաջին տեղակալ Լևոն Հովհաննիսյանը․ Դավիթ Խաժակյան |tert.am|

tert.am: Երևանի քաղաքապետի հրաժարականից հետո ավագանու կողմից նոր քաղաքապետի ընտրությունը պարտադիր չէ, այդ ընթացակարգի մասին հավելյալ պարզաբանումներ կարող են լինել։ Այս մասին այսօր լրագրողների հետ զրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը՝ հավելելով, որ Երևանի քաղաքապետի պարտականությունները կստանձնի քաղաքապետի առաջին տեղակալ Լևոն Հովհաննիսյանը։ «Արձանագրենք մի բան, որ Հրաչյա Սարգսյանի հրաժարականով գործադիրում ճգնաժամ չի առաջանում, որովհետև քաղապետի պարտականություններն իր բացակայության ժամանակ, այդ թվում և այս պահին, կատարում է իր առաջին տեղակալ Լևոն Հովհաննիսյանը, ով, կարծում եմ, ամբողջությամբ տիրապետում է իրավիճակին, և կառավարչական բաց, որպես այդպիսին, առաջանալ չի կարող», - ասաց Խաժակյանը։
20:10 - 17 մարտի, 2023
Նախատեսվել է օրենսդրական փոփոխություն, որպեսզի մասնավորից տրանսպորտային միջոցներ ձեռք բերվեն. Դավիթ Խաժակյան |1lurer.am|

Նախատեսվել է օրենսդրական փոփոխություն, որպեսզի մասնավորից տրանսպորտային միջոցներ ձեռք բերվեն. Դավիթ Խաժակյան |1lurer.am|

1lurer.am: Երևանի խնդիրները պահանջում են փորձառություն, և ես ուրախ եմ, որ մենք հիմա ունենք փորձառու քաղաքապետ, փորձառու փոխքաղաքապետներ՝ ի տարբերություն այն քաղաքապետի, որը փորձառու չէր և իմփիչմենթով հեռացվեց, հիմա դարձել է ընդդիմադիր լրատվամիջոցների սիրելին: Այդ մասին լրագրողների հետ ճեպազրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը: Խաժակյանն անդրադարձավ մայրաքաղաքի տրանսպորտային խնդրին: Խաժակյանի խոսքով՝ այն լուծումները, որոնք քննարկվել էին Երևանի քաղաքապետարանում Հայկ Մարությանի գլխավորությամբ, չէին կարող բերել խնդրի համակարգային լուծման: Նա նշեց, որ համայնքային միջոցներով և պետական աջակցությամբ խնդիրն արագ հնարավոր չէր լինի լուծել: «Նախատեսվել է օրենսդրական փոփոխություն, որպեսզի մասնավորից այդ տրանսպորտային միջոցները ձեռք բերվեն»,- նշեց Խաժակյանը: Նա ընդգծեց, որ մոտեցում փոխելով՝ կարճ ժամկետում խնդիրը չի կարող լուծվել, բայց դրա լուծման ճանապարհին են:
12:54 - 23 սեպտեմբերի, 2022
Կախա Կալաձեն առաջարկել է Երևանում անցկացնել Թբիլիսիի օրեր, Թբիլիսիում՝ Երևանի

Կախա Կալաձեն առաջարկել է Երևանում անցկացնել Թբիլիսիի օրեր, Թբիլիսիում՝ Երևանի

Պաշտոնական այցով Վրաստանի մայրաքաղաքում գտնվող Երևանի քաղաքապետի առաջին տեղակալ Լևոն Հովհաննիսյանի գլխավորած պատվիրակությունը հանդիպել է Թբիլիսիի քաղաքապետ Կախա Կալաձեի հետ: Երևանի քաղաքապետարանից տեղեկացնում են, որ պատվիրակության կազմում են Երևանի ավագանու «Իմ քայլը» խմբակցության ղեկավար Արմեն Գալջյանը, «Բարգավաճ Հայաստան» խմբակցության ղեկավար Միքայել Մանրիկյանը և «Լույս» խմբակցության ղեկավար Դավիթ Խաժակյանը: Ողջունելով երևանյան պատվիրակության անդամներին՝ Թբիլիսիի քաղաքապետը նկատել է, որ այցը ևս մեկ հնարավորություն է՝ նախանշելու առաջիկա անելիքներն ու քննարկելու նոր ծրագրերը: Կարևորելով երկու քույր քաղաքների միջև ձևավորված ջերմ հարաբերությունները՝ Կախա Կալաձեն առաջարկել է Երևանում անցկացնել Թբիլիսիի օրեր, և Թբիլիսիում՝ Երևանի: Շնորհակալություն հայտնելով հրավերի և ջերմ ընդունելության համար՝ Երևանի քաղաքապետի առաջին տեղակալն իր հերթին նշել է, որ Երևանը մեծապես կարևորում է տարբեր ոլորտներում Թբիլիսիի հետ գործակցության խորացումը: Լևոն Հովհաննիսյանը նաև նկատել է, որ երկու մայրաքաղաքներում մշակութային օրերի անցկացումը նոր որակ կհաղորդի ինչպես բարեկամական, այնպես էլ՝ գործընկերային կապերին: Հանդիպման ընթացքում կողմերն անդրադարձել են այն ոլորտներին, որոնց շրջանակում կարող են ծավալել փոխշահավետ և արդյունավետ գործակցություն՝ ի շահ երկու մայրաքաղաքների բնակիչների:
15:15 - 15 ապրիլի, 2022
Թեհմինա Վարդանյանն ու Դավիթ Խաժակյանը դեռևս չեն միացել Երևանի քաղաքապետին անվստահություն հայտնելու նախաձեռնությանը

Թեհմինա Վարդանյանն ու Դավիթ Խաժակյանը դեռևս չեն միացել Երևանի քաղաքապետին անվստահություն հայտնելու նախաձեռնությանը

Երեկ ուշ երեկոյան ծանուցվել ենք Երևանի քաղաքապետին անվստահություն հայտնելու նախաձեռնության վերաբերյալ։ Այս մասին իր ֆեյսբուքյան էջում գրել է Երևան քաղաքի ավագանու «Լույս» խմբակցություն անդամ Թեհմինա Վարդանյանը։ «Տեղեկացնում եմ, որ ես և գործընկերս՝ Դավիթ Խաժակյանը, դեռևս չենք միացել նախաձեռնությանը։ Առաջիկա օրերին, նախքան նախագծի մուտքագրվելը, կհայտնենք մեր տեսակետը»,- նշել է նա։ Նշենք, որ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել: Կառավարող խմբակցության անդամ Արմեն Կոտոլյանը հայտնել է, որ անհրաժեշտ 33 ստորագրությունից ավելին՝ նախնական տվյալներով 39-ն արդեն կա։ Ավագանու մի շարք անդամներ էլ արդեն հայտնել են, որ չեն միացել նախաձեռնությանը։
13:26 - 16 դեկտեմբերի, 2021