Հռոմի Պապ

Ցանկանում եմ աղոթել այն մարդկանց համար, որոնք անարդարացիորեն պահվում են օտար երկրներում․ Հռոմի պապ

Ցանկանում եմ աղոթել այն մարդկանց համար, որոնք անարդարացիորեն պահվում են օտար երկրներում․ Հռոմի պապ

Այսօր` սեպտեմբերի 19-ին, Նորին Սրբություն Ֆրանցիսկոսը Ս․ Պետրոս հրապարակում հավաքվածների համար աղոթքից հետո ասել է․ «Ցանկանում եմ աղոթել այն մարդկանց համար, որոնք անարդարացիորեն պահվում են օտար երկրներում, ու դժբախտաբար գոյություն ունեն մի քանի դեպքեր, տարբեր ու երբեմն բարդ իրավիճակներ։ Հույս ունեմ, որ արդարության  իրագործմամբ, այդ մարդիկ հնարավորինս շուտ կվերադառնան իրենց հայրենիքը»։ Այս մասին հայտնում են Սուրբ Աթոռում ՀՀ դեսպանությունից։ Նշենք, որ ավելի վաղ՝ ս․թ․ ապրիլի 4-ին, ԼՂ հակամարտությանը վերաբերող իր հերթական ուղերձում Հռոմի Պապն ուղղակիորեն անդրադարձել էր ապօրինաբար պահվող հայ ռազմագերիներին ու քաղաքացիական անձանց՝ նշելով․ «Թող որ նա (Աստված) թույլ տա հակամարտությունների ընթացքում գերեվարվածներին, հատկապես արևելյան Ուկրաինայում և Լեռնային Ղարաբաղում, ապահով, ողջ և առողջ վերադառնան իրենց ընտանիքներ, ու թող նա ոգեշնչի համաշխարհային առաջնորդներին՝ սանձելու նոր սպառազինությունների մրցավազքը»։  
18:14 - 19 սեպտեմբերի,2021
Մեկնարկում է Հռոմի պապի այցը Հունգարիա և Սլովակիա |azatutyun.am|

Մեկնարկում է Հռոմի պապի այցը Հունգարիա և Սլովակիա |azatutyun.am|

azatutyun.am: Մեկնարկել է Հռոմի Ֆրանցիսկոս պապի առաջին արտասահմանյան ուղևորությունը վերջերս վիրահատության ենթարկվելուց հետո: Հռոմի պապը նախ Բուդապեշտում կարճատև կանգառ կանի, որտեղ նախատեսված է հանդիպում ծայրահեղ աջ պոպուլիստ համարվող Հունգարիայի վարչապետ Վիկտոր Օրբանի հետ: Կաթոլիկ եկեղեցու առաջնորդը սեպտեմբերի 12 -ին ընդամենը յոթ ժամ կանցկացնի Բուդապեշտում, կես ժամ կտևի նրա հանդիպումը Հունգարիայի նախագահ Յանոշ Ադերի հետ: Հռոմի պապը հետևողականորեն կոչ է անում կառավարություններին օգնել պատերազմից և աղքատությունից փրկված բոլոր կրոնների դավանող մարդկանց, իսկ Օրբանը հայտնի է որպես Եվրոպա մուտք գործել ցանկացող փախստականներից պաշտպանվող: Այցի կազմակերպիչների պնդմամբ` Հռոմի պապը հրավիրված է պատարագ մատուցելու՝ սեպտեմբերի 12 -ին փակելու միջազգային կրոնական համաժողովը, ի տարբերություն Սլովակիայի, ուր 84-ամյա հովվապետը պաշտոնական այցով է մեկնելու: Այս այցը նաև ավելի ընդգրկուն է, այն կտևի ավելի քան երկու օր:
11:43 - 12 սեպտեմբերի,2021
Արամ Ա-ն Հռոմի Պապին խնդրել է նպաստել հայ ռազմագերիների վերադարձին

Արամ Ա-ն Հռոմի Պապին խնդրել է նպաստել հայ ռազմագերիների վերադարձին

Վատիկան մէջ վերջերս տեղի ունեցած Լիբանանի քրիստոնեայ հոգևոր պետերու ժողովի ընթացքին, Ն.Ս.Օ.Տ.Տ. Արամ Ա. Վեհափառ Հայրապետը յարմար առիթով Ֆրանչիսկոս Պապին հետ առանձին անդրադարձաւ Արցախի պատերազմի հետևանքներուն և յատկապէս ցարդ Ազրպէյճանի մօտ գտնուող հայ գերիներու վերադարձի հարցին:   Վեհափառ Հայրապետը յիշեցուց, թէ միջազգային օրէնքի տրամադրութիւններուն դէմ է պատերազմի գերիներուն նկատմամբ Ազրպէյճանի ցուցաբերած հակաօրինական մօտեցումը: Նորին Սրբութիւնը իր ջերմ շնորհակալութիւնը յայտնեց Պապին, որ անդրադարձած էր գերիներու հարցին և խնդրեց, որ յարմար առիթով դարձեալ անդրադառնայ մեր ժողովուրդը յուզող յիշեալ հարցին՝ օգտակար հանդիսանալով գերիներու շուտափոյթ վերադարձին:   Հայրապետը նոյն հարցին շուրջ նաև խօսեցաւ Վատիկանի պետական քարտուղար Քարտինալ Փարոլինին հետ:   Այս մասին Վեհափառ Հայրապետը մանրամասնութիւններ փոխանցեց Վատիկանի մօտ Հայաստանի Հանրապետութեան դեսպան Կարէն Նազարեանին:  
12:46 - 03 հուլիսի,2021