#armVote

2021 թվականի հունիսի 20-ին Հայաստանում կանխատեսվում են խորհրդարանական արտահերթ ընտրություններ: 

2021 թվականի մարտի 18-ին ՀՀ վարչապետ Նիկոլ Փաշինյանը հայտարարեց, որ այս որոշումը կայացվել է ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի ու «Բարգավաճ Հայաստան» խմբակցության ղեկավար Գագիկ Ծառուկյանի հետ քննարկումներից հետո։

ՀՀ Սահմանադրությունը սահմանում է, որ խորհրդարանական արտահերթ ընտրություններ անցկացնելու համար Ազգային ժողովը պետք է արձակվի, դրա համար վարչապետը պետք է հրաժարական ներկայացնի, որից հետո 2 շաբաթում 2 անգամ անընդմեջ չընտրվի նոր վարչապետ, այնուհետեւ ոչ շուտ, քան 30 եւ ոչ ուշ, քան 45 օր հետո նշանակվեն նոր ընտրություններ։

Այս գործընթացի համար վարչապետը հրաժարական է ներկայացրել 2021 թվականի ապրիլի 25-ին, եւ արդեն մեկ անգամ չի ընտրվել։ Վարչապետի ընտրության հարցով հաջորդ նիստը կգումարվի մայիսի 10-ին։

Քաղաքական մի շարք ուժեր կարեւորում են նախքան ընտրությունները Ընտրական օրենսգրքի փոփոխությունների ընդունումը։ Խորհրդարանական մեծամասնությունը հայտարարել էր, որ Օրենսգրքում փոփոխություններ անելու որոշում ունեն, դրանցից որոշներն արդեն ընդունվել են, մասնավորապես, ռեյտինգային ընտրակարգը վերացվել է։ ԸՕ փոփոխությունների մեծ փաթեթը դեռեւս ընդունված չէ։

Կարող եք կատարել նվիրատվություն հետևյալ հղումով՝

Նվիրաբերել
Հայաստանի դեմոկրատական կուսակցությունը չի ճանաչում արտահերթ ընտրությունների արդյունքները

Հայաստանի դեմոկրատական կուսակցությունը չի ճանաչում արտահերթ ընտրությունների արդյունքները

Հայաստանի դեմոկրատական կուսակցությունը հայտարարություն է տարածել չի ճանաչում արտահերթ ընտրությունների արդյունքները։ Այս մասին ասվում է կուսակցության հայտարարության մեջ։ «ՀՀ կենտրոնական ընտրական հանձնաժողովը 2021 թվականի մայիսի 31-ին կայացրել է «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրություններին մասնակցելու համար Հայաստանի դեմոկրատական կուսակցության ընտրական ցուցակը գրանցելու մասին» թիվ 101-Ա որոշումը, որով գրանցել է Հայաստանի դեմոկրատական կուսակցության ընտրական ցուցակը Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրություններին մասնակցելու համար։ Հայաստանի դեմոկրատական կուսակցության ընտրական ցուցակում ընդգրկված Տիգրան Գրիշայի Արզաքանցյանը (1-ին հերթական համար) գրանցվել է պատգամավորի թեկնածու։ Ինչպես նախընտրական ժամանակահատվածում, այնպես էլ ընտրությունների օրը, իշխանությունների գործողությունները միտված են եղել թուլացնելու իրենց ընդդիմախոսներին։ Հայաստանի դեմոկրատական կուսակցության դեմ այդ գործողությունները դրսևորվել են, մասնավորապես, նրանում, որ դեռևս 2021 թվականի հունիսի 2-ին (այս մասին, ի դեպ, պարզ է դարձել միայն 2021 թվականի հունիսի 10-ին) ՀՀ ոստիկանության անձնագրային և վիզաների վարչության կողմից սեփական նախաձեռնությամբ հարուցվել է ոչ իրավաչափ վարչական վարույթ, որը միտված է եղել Հայաստանի դեմոկրատական կուսակցության ընտրական ցուցակում ընդգրկված Տիգրան Գրիշայի Արզաքանցյանի (1-ին հերթական համար), որպես պատգամավորի թեկնածուի, գրանցումն անվավեր ճանաչելուն։ Ընդ որում, լավ հասկանալով ընտրական գործընթացների սեղմ ժամկետները, ինչպես նաև թեկնածուի կողմից պետական մարմինների գործողությունների և նրանց կողմից կայացված վարչական ակտերի բողոքարկման արդյունքում ընտրական գործընթացների առանձնահատկությունների հաշվառմամբ առաջացող իրավական փակուղիները, պատկան մարմիններն արել են հնարավորը, որպեսզի Հայաստանի դեմոկրատական կուսակցության ընտրական ցուցակում ընդգրկված Տիգրան Գրիշայի Արզաքանցյանը (1-ին հերթական համար) զրկված լինի իր իրավունքների խախտումները վերականգնելու և ընտրություններին մասնակցելու հնարավորությունից։ Իսկ իշխանությունների կողմից ամեն գնով վերարտադրվելու ձգտումը դրսևորվել է նաև ընտրությունների օրը տեղի ունեցած բազմաթիվ խախտումներով։ Հիմք ընդունելով վերոգրյալը՝ Հայաստանի դեմոկրատական կուսակցությունը հայտարարում է, որ չի ճանաչում Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքները»,-ասված է հայտարարության մեջ։
Այսօր 00:25
Դիտորդները չպետք է լինեն փաշինյանական «Քաղաքացիական պայմանագրի» դակիչ․ «Հայաստան» դաշինք

Դիտորդները չպետք է լինեն փաշինյանական «Քաղաքացիական պայմանագրի» դակիչ․ «Հայաստան» դաշինք

Դիտորդները չպետք է լինեն փաշինյանական «Քաղաքացիական պայմանագրի» դակիչ։ Այս մասին հայտարարություն է տարածել «Հայաստան» դաշինքը։   «Հայաստանում արտահերթ խորհրդարանական ընտրությունների մոնիտորինգի արդյունքներով միջազգային դիտորդական առաքելությունը հունիսի 21-ին մամուլի ասուլիսում ներկայացրեց իր նախնական հետընտրական հայտարարությունը: Դիտորդները նշել են, որ ընտրությունները հիմնականում պատշաճ են անցկացվել, սակայն որոշ էական մտահոգություններ, այնուամենայնիվ, առկա են: Այսօր «Հայաստան» դաշինքը հայտարարեց, որ հրաժարվում է ընդունել ընտրությունների արդյունքները, որոնք նախատեսվում է բողոքարկել Հայաստանի Սահմանադրական դատարանում: Դաշինքը նաև ջանք կգործադրի ընտրությունների մյուս մասնակիցներին մոբիլիզացնելու ուղղությամբ` ինչպես ընտրությունների արդյունքները բողոքարկելու, այնպես էլ ընտրական գործողությունների տարբեր դրվագներ վիճարկելու նպատակով: «Հայաստան» դաշինքը պարբերաբար լուրջ մտահոգություններ է ներկայացրել միջազգային հանրությանը նախընտրական արշավի ընթացքում իշխող ուժի կողմից համակարգային խախտումների վերաբերյալ: Դաշինքը նաև համոզիչ ապացույցներ տրամադրեց ԵԱՀԿ/ԺՄԻԳ դիտորդական առաքելությանը և Հայաստանում գործող այլ օտարերկրյա առաքելությունների: Խախտումները ներառում էին պաշտոնական դիրքի չարաշահում, վարչական ռեսուրսների չարաշահում, ատելության խոսքի տարածում, քրեական արդարադատության չարաշահումներ և այլն: 2021 թվականի խորհրդարանական ընտրությունները հակասում են 1990 թվականի Կոպենհագենի փաստաթղթով ամրագրված սկզբունքներին, ինչպես նաև այլ միջազգային պարտավորություններին։ Հարկ է արձանագրել, սակայն, որ մտահոգությունները մնացին ընտրությունների միջազգային դիտորդական առաքելությունների կողմից անպատասխան։ Ակնհայտ է, որ միջազգային դիտորդներին չի հաջողվել պահպանել անկողմնակալության և անկախության նվազագույն պահանջները։ Միջազգային դիտորդները չպետք է լոկ դակիչ լինեն Փաշինյանի քաղաքացիական պայմանագրի համար: Այս ընտրությունների արդյունքները, ըստ էության, փաստում են, որ հասարակության հավատը ընտրական այս գործընթացի նկատմամբ խարխլվել է խոշոր հակասությունների պատճառով, որոնք ավելի են ընդգծում հրատապ փոփոխությունների անհրաժեշտությունը: Զարմանալի չէ, որ շատ ընտրողներ մտահոգված են ընտրությունների լեգիտիմությամբ և դրանց արդյունքների ճշգրտությամբ։ Ընտրական գործընթացների նկատմամբ հասարակության վստահությունը կարևոր նշանակություն ունի ընտրություններին մասնակցության և դրա արդյունքների ընդունման ապահովման տեսանկյունից: Սա խիստ կարևոր է, երբ ընտրությունները տեղի են ունենում այնպիսի բարդ պայմաններում, ինչպիսին է Լեռնային Ղարաբաղի 2020 թվականի պատերազմը, հատկապես երբ գրանցվում են քաղաքական բևեռացման նման բարձր մակարդակներ»,-ասված է հայտարարության մեջ։
23:09 - 21 հունիսի,2021
Վաղը առավոտվանից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, ովքեր երկխոսելու, քննարկելու հակվածություն ունեն․ Նիկոլ Փաշինյան

Վաղը առավոտվանից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, ովքեր երկխոսելու, քննարկելու հակվածություն ունեն․ Նիկոլ Փաշինյան

Երկրորդ առաջարկն եմ անում հանրային, քաղաքական կյանքի ձեզ հայտնի մասնակիցներին․ Դուք գիտեք, որ ժողովրդից գողացվածի վերադարձը մեր հրատապ օրակարգն է միշտ եղել։ Նախորդ երեք տարիների ընթացքում մենք ոչ մեկից ոչ մի բան չենք խլել, չնայած կաորղ էինք։ Մենք ցանկացել ենք, որ երկրում գործեն ինտիտուտներ, որոնք դուրս կլինեն անձերի և անհատների քմահաճույքից, և այսօր արդեն «Ապօրինի գույքի բռնագանձման» մեխանիզմը գործարկված է, որը անխուսափելի գործելու է։ Բայց ես իմ նախորդ առաջարկի տրամաբանության մեջ ուզում եմ առաջարկել բոլոր այդօրինակ մարդկանց և հիշեցնել, որ մեր ընդունած օրենսդարական փոփոխությունների արդյունքում մարդիկ, ովքեր ունեն նմանատիպ խնդիրներ, կարող են բանակցել պետության հետ գողացվածը ինքնակամ վերադարձնելու վերաբերյալ, և ես բոլոր այդ մարդկանց կոչ եմ անում հենց էսօրվանից չկորցնել հնարավորությունը և չհասցնել նրան, որ պետական թափանիվները սկսեն գործել։  Այս մասին այսօր ՔՊ կուսակցության հանրահավաքի ժամանակ ասաց վարչապետի պաշտոնակատար Նիկոլ Փաշինյանը։ Իր ելույթում Փաշինյանը մասնավորապես ասաց․ «Վաղը առավոտվանից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, ովքեր երկխոսելու, քննարկելու հակվածություն ունեն։ Եվ ես նաև հույն ունեմ, որ ժողովուրդը այս մանդատը տալիս է ինձ, որովհետև մենք, այո՛,  մեր երկրի և ժողովրդի պատմության այս փուլում պիտի գնանք մեր մշակութային, գիտական, տնտեսական, բիզնես, հանրային և քաղաքական ներուժի համախմբմանը։ Ես նման երկխոսության կոչ եմ անում նաև բոլոր այն կառույցներին, սեգմենտներին, որոնց հետ մենք այս ընթացքում բանավեճ և հակադրություն ենք ունեցել։ Մենք պարզում ենք ձեզ համախմբման մեր ձեռքը՝ ընդգծելով, որ դա չի կարող որևէ կերպ կասկածի տակ դնել ժողովրդի առաջ մեր ստանձնած պարտավորությունը՝ գործադրելու պողպատե մանդատը և Հայաստանում հաստատելու իրավունքի և օրենքի դիկտատուրա։  Ես հոգևոր և կազմակերպչական երկխոսության կոչ եմ անում նաև մեր երկրի հոգևոր առաջնորդներին, որովհետև հավատում եմ, որ այն, ինչ տեղի ունեցավ երեկ խորհրդարանական ընտրություններում՝ ձայն բազմաց, ձայն Աստծո, և Աստծո ձայնին, առավել ևս, որևէ հոգևոր սպասավոր հակադրվելու իրավունք չունի։ Եվ մենք պիտի նորոգենք մեր երկրի հոգևոր կյանքը նույնպես»։  Փաշինյանի խոսքով, ոմանք փորձեցին նորից իրենց նեղ քաղաքական նպատակների համար հակադրություններ սերմանել Արցախի և Հայաստանի հայության միջև և ընդգծեց, որ դա անթույլատրելի է։ Հայ ժողովուրդը, Հայաստանի կառավարությունը եղել է, կա և կլինի Արցախի կողքին, Արցախի ժողովրդի կողքին։ Փաշինյանը տեղեկացրեց, որ Հայաստանի կառավարությունը, սյուռքը համատեղ մեկնարկել են Արցախի կառավարության հետ 100 միլիարդ դրամի ներդրումային ծրագիր Արցախում՝ բնակարանաշինության ենթակառուցվածքների համար, դա ավելին է, քան 1990 թվականից ի վեր Արցախում կատարված բոլոր ներդրումները միասին վերցրած։ Խոսքը վերաբերում է «Հայաստան» համահայկական հիմնադրամի միջոցներով իրականացված ներդրումներին։ «Հայաստանում ճգնաժամը հաղթահարված է, և մենք բոլորով վերադառնում ենք Արցախի Հանրապետությանը զորավիգ լինելու, մեր բանակը բարեփոխելու, մեր երկրի տնտեսությունը զարգացնելու, մեր խոստացած 500 մանկապարտեզները և 300 դպրոցները, 2600 կմ ճանապարհները կառուցելու, առնվազն 7% տնտեսական աճ արձանագրելու, պետական բյուջեի եկամուտները մեծացնելու, Հայաստանը և Հայաստանցիներին հարստացնելու աշխատանքին»,- եզրափակեց Փաշինյանը։  Ես ասում էի ձեզ, որ չի լինելու հետընտրական պրոցես, և հետընտրական պրոցես չկա ու չի լինելու, որովհետև ընտրությունները տեղի են ունեցել օրինական, արդար, և ժողովուրդը կայացրել է իր որոշումը։ Ժողովրդի կայացրած որոշման հետ պարզապես անհրաժեշտ է հաշվի նստել։
22:26 - 21 հունիսի,2021
Հույս ունեմ՝ այսօր կարձանագրենք, որ նոյեմբերի 9-ին Հայաստանում սկսված ներքաղաքական ճգնաժամը հաղթահարված է․ Նիկոլ Փաշինյան

Հույս ունեմ՝ այսօր կարձանագրենք, որ նոյեմբերի 9-ին Հայաստանում սկսված ներքաղաքական ճգնաժամը հաղթահարված է․ Նիկոլ Փաշինյան

Վարչապետի պաշտոնակատար Նիկոլ Փաշինյանի ելույթը՝ ՔՊ կուսակցության հանրահավաքին․ «Մենք ասում էինք, որ ժողովուրդը ցույց կտա, որ իր դեմ խաղ չկա, և ժողովուրդը ցույց տվեց, որ իր դեմ խաղ չկա։ Եվ մենք ասում էինք այդ նույնը ոչ միայն ընդհանուր Հայաստանի ժողովրդի մասին, այլ մարզ առ մարզ, և ընտրությունների արդյունքում «Քաղաքացիական պայմանագիր» կուսակցությունը, այսինքն՝ ժողովուրդը, հաղթել է Սյունիքի մարզում, Վայոց ձորի մարզում, Արարատի մարզում, Արմավիրի մարզում, Շիրակի մարզում, Արագածոտնի մարզում, Լոռվա մարզում, Տավուշի մարզում, Գեղարքունիսի մարզում, նույնիսկ Կոտայքի մարզում և Երևան մայրաքաղաքում։  Այսօրվա հանրահավաքով մենք ամփոփում ենք նախընտրական քարոզարշավը, ընտրությունները։ Ես հույս ունեմ, որ մենք փաստացի այսօր կարձանագրենք, որ նոյեմբերի 9-ին Հայաստանում սկսված ներքաղաքական ճգնաժամը հաղթահարված է, և մենք վաղվանից վերադառնում ենք լիարժեք աշխատանքի։  Բայց պիտի արձանագրենք, որ պայմանները և միջավայրը այսօր էականորեն փոխված են, որովհետև Հայաստանի Հանրապետությունը մեր կառավարությանը, քաղաքական էս թիմին տվել է մանդատ երկրում հաստատելու իրավունքի և օրենքի դիկտատուրա։ Ժողովուրդը իրականացրել է պողպատե հեղափոխություն։ Ուզում եմ արձանագրել, որ հեղափոխությունից հետո արդեն երկրորդ անգամ մենք Հայաստանում իրականացրել ենք այնպիսի խորհրդարանական ընտրություններ, որ միջազգային բոլոր և տեղական բոլոր դիտորդների համաձայն՝ համապատասխանել են ժողովրդավարության չափանիշներին և եղել են լիովին օրինական։ Դիտորդները այնումենայնիվ մի հանգամանք նշել են, և մենք դա բոլորս գիտենք, որ, այո՛ այս քարոզչության, ընտրությունների ընթացքում կիրառվել է որոշակի ագրեսիվ հռետորաբանություն։ Ես հիմա նույնիսկ չեմ ուզում, որ մենք քննենք՝ ով սկսեց և ինչու։ Ուզում եմ կոչով դիմել քաղաքական գործընթացի և հանրային գործընթացի բոլոր մասնակիցներին․ Հայաստանի ժողովուրդը կայացրել է իր որոշումը, ստեղծել է նոր քաղաքական իրադրություն և նոր քաղաքական իրավիճակ, և այդ իրավիճակի առաջին կետը և հանգրվանը հետևյալն է․ ես առաջարկում եմ բոլոր քաղաքական ուժերին, քաղաքական, հանրային մասնակիցներին սկսել մի պարզ կետից՝ վերջ դնել հայհոյախոսությանը։ Ես առաջին հերթին մեր քաղաքական համախոհներին եմ կոչ անում, որ վերջ դնենք հայհոյախոսությանը, որոհետև Հայաստանի և Արցախի պատմության մեջ  նոր էջ է բացվում և մենք պետք է այդ էջը սկսենք ազգային և հանրային ներուժի համախմբմամբ, իրապես ժողովրդավար արժեքների, ազգային և պետական արժեքների վերահաստատմամբ։ Այո՛, ես ասում եմ, որ ինքս էլ օբյեկտիվ և սուբյելտիվ պատճառներով, գուցե ստիպված, գուցե կամա, գուցե ակամա չեմ խուսափել այդ տրամաբանությունից։ Բայց ես առաջինը ինքս եմ ստանձնում էդ պարտավորությունը և կոչ եմ անում մեր բոլոր կողմնակիցներին վերջ դնել հայհոյախոսությանը, անհարկի ագրեսիվությանը, անհարկի թշնամանքին, որովհետև մեքն լրջագույն մարտահրավերների առաջ ենք, և մենք պետք ա մեր պետականության կառուցման այս նոր և հրաշալի էջը բացենք։ Սա ամենևին չի նշանակում, սակայն, թե մենք նախկինում ժողովրդի առաջ մեր ստանձնած որևէ պարտավորությունից կհրաժարվենք։ Հայաստանում լինելու է անառարկելի օրինականություն, կարգուկանոն և պատասխանատվության անխուսափելիություն։
21:49 - 21 հունիսի,2021
Տեղի է ունեցել ժողովրդի ընտրություն, հաղթել է ժողովուրդը, և ես շնորհավորում եմ խորհրդարան անցած բոլոր երեք կուսակցություններին. Սամվել Բաբայան

Տեղի է ունեցել ժողովրդի ընտրություն, հաղթել է ժողովուրդը, և ես շնորհավորում եմ խորհրդարան անցած բոլոր երեք կուսակցություններին. Սամվել Բաբայան

«Միասնական հայրենիք» կուսակցության նախագահ Սամվել Բաբայանը շնորհավորական ուղերձ է հղել հաղթած քաղաքական ուժերին և ետընտրական կոչ է արել ժողովրդին։ «Հարգելի' հայրենակիցներ, մի քանի օր առաջ ես ասել եմ, որ այս ընտրություններում հաղթողներ և պարտվողներ չեն լինելու, քանի որ  ցանկացած դասավորումների դեպքում  հաղթելու է ժողովուրդը, որովհետև ընտրությունը կատարում է ժողովուրդը:  Այսօր ես կրկնում եմ`տեղի է ունեցել ժողովրդի ընտրություն, հաղթել է ժողովուրդը, և ես ձեզ շնորհավորում եմ, հարգելի' հայ ժողովուրդ: Թո'ղ ձեր բոլոր սպասումներն իրականանան: Հատուկ երախտագիտությունս եմ հայտնում իմ ընտրողներին. 14.935 ընտրողներից յուրաքանչյուրին, ով իր ձայնը տվեց ինձ և մեր «Ազատական» կուսակցությանը, ով հավատաց և ընդունեց մեր Միասնական Հայրենիքի զարգացման իմ ծրագրին: Ես միշտ ձեզ հետ եմ և միշտ ծառայելու եմ իմ ժողովրդին: Ես հպարտ եմ իմ  հանդեպ ունեցած ձեր վստահությամբ և ձեր այն անսասան համոզմամբ, որ  միշտ ձեր առաջ եղել եմ և լինելու եմ ազնիվ: Ես երբեք չեմ ստել, երբեք շահի համար իմ դիրքորոշումը չեմ փոխել, և այս նախընտրական շրջանում ես հավատարիմ եմ մնացել իմ սկզբունքներին:  Ես չեմ գնացել քաղաքական տրամադրությունների և սպասումների քմահաճույքի ետևից: Իմ ամեն մի խոսք, անկախ նրանից` ասվել է այն լրագրողների հետ զրույցում, թե ընտրողների հետ հանդիպման ժամանակ, ճշմարտություն է: Եվ միշտ այդպես կլինի: Ես շնորհավորում եմ խորհրդարան անցած բոլոր երեք կուսակցություններին և քաղաքական ուժերին. կո'չ եմ անում  ձեզ մի կողմ թողնել ձեր անձնական շահերն ու հավակնությունները և սկսել աշխատել իր ձայնը ձեզ վստահած ժողովրդի  շահերից: Այսօր ձեր վրա, որպես օրենսդրական մարմին, ծանր բեռ է ընկած: Մեզ անհրաժեշտ է Սահմանադրություն, որը ճանապարհ կբացի դեպի ուժեղ զարգացած պետություն և դրանից բխող այնպիսի օրենսդրություն, որը կբացառի դրա երկակի մեկնաբանության բոլոր հնարավորություններն ու միջոցները, որպեսզի վերջապես պաշտպանվեն յուրաքանչյուր քաղաքացու իրավունքներն ու շահերը` անկախ նրա կարգավիճակից ու հնարավորություններից: Միայն այդ դեպքում է արմատախիլ լինելու կոռուպցիան և նրա դեմ կեղծ պայքարը: Ձեր ամեն մի ծրագիրը պետք է լինի իրագործելի և ուղղվի ժողովրդի կյանքի բարելավմանը:  Ես հույս ունեմ, որ քաղաքական ուժերն իրենց մեջ ուժ կգտնեն, որ չտանեն ժողովրդին մասնատման, չավելացնեն ցնցումներն այս դժվար ժամանակներում, այլ կհամախմբեն մեր ժողովրդին` հանուն  հզոր պետության»,- ասված է ուղերձում:
21:18 - 21 հունիսի,2021
Պահանջում եմ բոլոր գործատուներին, ովքեր կատարել են քայլեր, որոնց համար արդեն փոշմանել են, հենց վաղը՝ առավոտ 9-ից, սկսեն վերականգնել մարդկանց իրավունքները․ Սուրեն Պապիկյան

Պահանջում եմ բոլոր գործատուներին, ովքեր կատարել են քայլեր, որոնց համար արդեն փոշմանել են, հենց վաղը՝ առավոտ 9-ից, սկսեն վերականգնել մարդկանց իրավունքները․ Սուրեն Պապիկյան

ՏԿԵ նախարարի պաշտոնակատար Սուրեն Պապիկյանի ելույթը ՔՊ հանրահավաքին․ «687 414 քաղաքացի վստահության քվե է տվել, պողպատե մանդատ է տվել «Քաղաքացիական պայմանագիր» կուսակցությանն ու վարչապետի թեկնածու Նիկոլ Փաշինյանին։ Սա ձեր հաստատակամությունն է, որ փոխանցվել է մեզ։ Նաև պիտի արձանագրենք, 2021 թվականի հունիսի 20-ի արդյունքում մենք իշխանություն դառնալու հնարավորություն ենք ստացել ոչ միայն մեզ ընտրողների համար, այլև Հայաստանի յուրաքանչյուր քաղաքացու համար։ Մենք ևս մի անգամ պիտի արձանագրեք, որ Հայաստանի ներսում թշնամիներ չկան․ կա՛ օրենք, և Սահմանադրության ու օրենքների առաջ բոլորը հավասար են դրանից բխող բոլոր հետևանքներով։ Քարոզարշավի ընթացքում բազմաթիվ ահազանգեր, նամակներ ու բողոքներ ենք ստացել, որ ՏԻՄ-երում, մասնավոր սեկտորում ու բոլոր այն հնարավոր տեղերում, որտեղ նախկինի ուրվականներն ու իրենց համախոհներն ունեցել են հնարավորություն, մարդկանց պարտադրանքի, աշխատանքի իրավունքից զրկելու ու բազմաթիվ նմանատիպ այլ հարցեր։ Մենք խոսել ենք բազմիցս, որ հունիսի 20-ից հետո մենք կգնանք այդ մարդկանց հետևից։ Դա ամենևին նախընտրական խոստում չէր, դա Հայաստանի քաղաքացու իրավունքի վերականգնման մասին էր։ Ես անձամբ վաղվանից ձեռնամուխ եմ լինելու իմ իրավասության տիրույթում գտնվող բոլոր քաղաքացիների իրավունքի վերականգնմանը։ Ու հիմա այս ամբիոնից պահանջում եմ բոլոր այն գործատուներին, ովքեր թույլ են տվել խախտումներ կամ կատարել են քայլեր, որոնց համար ահաստատ արդեն փոշմանել են, հենց վաղը՝ առավոտ 9-ից, սկսեն վերականգնել մարդկանց իրավունքները»։  
21:03 - 21 հունիսի,2021
ԱԺ արտահերթ ընտրություններ, 20․06․21 - 21․06․21. թարմացվող

ԱԺ արտահերթ ընտրություններ, 20․06․21 - 21․06․21. թարմացվող

02:30 - Preliminary data publish by the CEC at the moment.  "Civil contract" party - 58.19% (198 586 votes) "Armenia" (Hayastan) bloc - 18.71% (63 847 votes) "I have the honor" bloc - 5.36% (18 308 votes) "Prosperous Armenia" party - 4.78% (16 323 votes)   00:24 - Preliminary data from 168 polling stations.  "Civil contract" party - 61.70% (21 423 votes) "Armenia" (Hayastan) bloc - 17.66% (6 131 votes) "I have the honor" bloc - 5․26% (1 828 votes) "Prosperous Armenia" party - 5․32% (1 848 votes)   23:49 - Preliminary data from 129 polling stations.  "Civil contract" party - 61.63% "Armenia" (Hayastan) bloc - 17.87% "I have the honor" bloc - 5․88% "Prosperous Armenia" party - 5․05%   23:22 - The Central Electoral Commission has published preliminary data received from 80 polling stations. "Civil contract" party - 58․04% "Armenia" (Hayastan) bloc - 28.01% "I have the honor" bloc - 5․66% "Prosperous Armenia" party - 5․11%   22:23 - A total of 650 voters (diplomats accredited to foreign countries) were eligible to cast their ballot electronically, of which 500 participated in the election, and 45 ballots were invalid.     21:15 - As of 20:00, according to preliminary data, out of 2 593 572 citizens eligible to vote, 1 281 174 citizens or 49.4% of voters took part in the voting. [Tigran Mukuchyan, the Chairman of the CEC]   21:10 - Out of 109 726 citizens eligible to vote, 66 252 citizens or 60․38% of voters took part in the voting in Syunik province. Out of 46 620 citizens eligible to vote, 26 132 citizens or 56․05% of voters took part in the voting in Vayots Dzor province. Out of 109 690 citizens eligible to vote, 58 666 citizens or 53․48% of voters took part in the voting in Tavush province.   21:09 - Out of 189 527 citizens eligible to vote, 86 173 citizens or 45․47% of voters took part in the voting in Gegharkunik province. Out of 233 552 citizens eligible to vote, 109 141 citizens or 46.73% of voters took part in the voting in Lori province. Out of 242 022 citizens eligible to vote, 121 212 citizens or 50․08% of voters took part in the voting in Kotayk province. Out of 226 763 citizens eligible to vote, 93 510 citizens or 41․24% of voters took part in the voting in Shirak province.   21:06 - Out of 117 472 citizens eligible to vote, 58 737 citizens or 50% of voters took part in the voting in Aragatsotn province. Out of 223 360 citizens eligible to vote, 113 625 citizens or 50․87% of voters took part in the voting in Ararat province. Out of 235 840  citizens eligible to vote, 104 880 citizens or 44․47% of voters took part in the voting in Armavir province.   21:03 - Out of 859 000 citizens eligible to vote, 442 846 citizens or 51.55% of voters took part in the voting in Yerevan.   20:49 - In general, 1 billion 370 million 673 thousand 654.5 AMD was paid by all parties and party alliances, of which 1 billion 169 million 256 thousand 822.4 drams was spent. The balance is 201 million 416 thousand 832.1 drams. [Tigran Babikyan, the head of the CEC Control and Audit Service]   20:37 - The observers of the CIS Interparliamentary Assembly mission didn′t record any serious violations during the first 9 hours of voting in the snap parliamentary elections in Armenia. This was reported to TASS by Igor Komarovskiy, the coordinator of the mission. According to him the electoral process was quite calm as of 5:00 pm.    20:05 - The time provided for holding snap parliamentary elections has ended. All active polling stations must be closed. Only the citizens who entered the polling station before 8:00 pm can continue.   19:52 - As of 19:00 on June 20, the office of the Human Rights Defender received 145 calls and applications related to the election process, 941 publications in social media and mass media were studied.   18:00 - As of 17:00, out of 2 593 572 citizens eligible to vote, 989 972 citizens or 38.17% of voters took part in the voting. [Armen Smbatyan, Secretary of the CEC]   16:46 - Hrant Bagratyan, the leader of the "Freedom" (Azatutyun) party voted in the snap parliamentary elections. Bagratyan stated that he had voted for change. He sees the future of Armenia as he wrote in their program. "We came to save the homeland. This is the frontline. This is a war that we will win. We are not a losing type," says Bagratyan.    15:27 - I observe the elections in Yerevan, people are actively coming to vote, all the parties running in the elections are represented at the polling stations and information about the candidates is available to citizens. The elections are held calmly, no violations were registered.[Russian Senator Vadim Dengin]   15:26 - As of 14:00, out of 2 593 572 citizens eligible to vote, 695 626 citizens or 26.82% of voters took part in the voting. [Silva Markosyan, member of the CEC]   14:57 - Karin Tonoyan, the leader of the" 5165 "movement took part in the voting. The PM candidate of the party voted for the Armenian and Armenia.    14:53 - I voted for sovereign Armenia, for the Armenia that Aram Manukyan, Garegin Nzhdeh, Monte Melkonyan, Leonid Azgaldyan, Robert Abajyan and thousands of boys of our last war dreamed of. [Vahe Gasparyan, PM candidate of the "National Democratic Pole" party]   14:52 - Narine Martirosyan, the 3rd number on the electoral list of the "Sovereign Armenia" party, was detained after leaving the polling station. I recently contacted her and she said they had apologized for what had happened. We condemn such unprofessional behvior of law enforcement agencies. [Davit Sanasaryan, PM candidate of the "Sovereign Armenia" party]   14:22 - At the invitation of Armenia the CIS observers started working on May 31. The observation mission is carried out by 96 observers - representatives from Belarus, Kazakhstan, Kyrgyzstan, Moldova, Russia, Tajikistan, Uzbekistan, as well as the CIS Inter-Parliamentary Assembly, the CSTO Inter-Parliamentary Assembly, the Russian-Belarusian Union and the CIS staff. "Among them there are many experienced diplomats, deputies, people who participated in many elections. We have formed the CIS observation mission from experienced individuals," the head of the mission assured.   14:12 - Tigran Urikhanyan, PM candidate of the "Our Home is Armenia" party, took part in the voting. He stated that if their votes will not be enough for a political majority in parliament and for forming an independent government, then those forces that want to join them will discuss it.    14:09 - Levon Ter-Petrosyan, the first president of the Republic of Armenia and PM candidate of the Armenian National Congress, took part in the voting. He didn‘t answer the questions of journalists.   13:50 - I made my choice 33 years ago. I voted for the secure, sovereign, economically developed Republic of Armenia and Artsakh, for the powerful Armenian army and the inviolability of our borders. Since this morning we have been closely following the events and in the afternoon we will make an interim statement and after the voting is over we will make main statement. [Serzh Sargsyan]   13:43 - I voted for the republic, as well as for the democratic future of the Republic of Armenia. What is happening in our country is extremely important and essential for the future of our state. We are faced with the choice of existence of the Republic of Armenia. This election will strengthen Armenia's subjectivity. [Arman Babajanyan, PM candidate of the "Shirinyan-Babajanyan" allaince]    13:16 - People should calm down, these are just elections. The people decide anyway. There will be tension, because 3-4 of the 26 parties will pass and the rest will lose. [Samvel Babayan, the PM candidate of the "Liberal" party]   13:10 - Our observation mission has been operating here for a month now. And this is clearly a very important day for our mission. We have more than 100 teams that are located all over the country and are conducting monitoring. Following the outbreak of the coronavirus pandemic, this is the first observation mission in which the OSCE/ODIHR is deploying short-term observers. About 200 short-term observers are already deployed here. [Owen Murphy, head of the OSCE/ODIHR observation Mission]   12:58 - Those who want to see the EU flag next to the Armenian flag will vote for us. I voted for peace, for development, for everything that fits into the idea of a European Armenia. [Tigran Khzmalyan, leader of the European Party of Armenia]   12:47 - I voted for safe homeland, for a strong, developing and prosperous Armenia. Gagik Tsarukyan, the PM candidate of the Prosperous Armenia party, said this in an interview with journalists after voting. When asked whether he is ready to go to rallies if the election results do not satisfy him, Tsarukyan replied that if everything is going in order, then why make a fuss? "If the people didn't want to vote, what should I do?", he said.   12:25 -As of 11:00, out of 2 593 572 citizens eligible to vote, 316 291 citizens or 12.2% of voters took part in the voting. [Laura Galstyan, CEC Deputy Chairman]   12:19 - The "Civil Contract" party is going tp appeal the decision of the Central Electoral Commission that applied a warning to the PM candidate Nikol Pashinyan. The commission's decision is not reasoned at all. Yesterday the CEC applied a warning against the "Civil Contract" party and Nikol Pashinyan for violating the order of the day of silence.    11:27 - The opposition is not responsible for it (tension after the elections - ed.). The de facto government is responsible for it. I think there will be no post-election developments because the election results will prove who will form the government in Armenia. [Artur Vanetsyan, the PM candidate of the "I Have the Honor" (“Pativ Unem”) alliance]   11:25 - Nikol Pashinyan, the acting Prime Minister of Armenia and the PM candidate of the "Civil Contract" party, has just voted. After voting he didn′t respond to the questions of journalists.   11:02 - Arman Babajanyan, the PM candidate of the "Shirinyan-Babajanyan" alliance, said that his car was shot at.    10:25 - We are voting for solidarity and to restore peace in the country. We have said that tomorrow is the time to restore internal political solidarity and reconciliation in the country. Of course, it could have been done earlier, but the elections are a chance for us to take that step in this situation. I have high hopes that solidarity and the restoration of peace will not have an alternative for us, because our challenges are much bigger than we imagine. In this sense, we simply have no alternative. We must put aside our small truths for the sake of a greater truth, for the sake of a greater value, which is the state, our statehood. [Edmon Marukyan after voting]   10:25 - People who predict some kind of tension think in the logic of old Armenia. It′s impossible to hold fair elections and expect some aggravation. Free and fair elections are a guarantee that we will move to a stable period, there will be more stability from tomorrow. Levon Ter-Petrosyan thinks in the logic of 96, the rest think in the logic of 1998, 2003, 2008. [Armen Grigoryan, the Security Council Secretary]   10:10 - Yesterday the Central Electoral Commission warned the "Civil Contract" party and Nikol Pashinyan for violating the order of the day of silence. That measure of responsibility was applied only to this party during the pre-election campaign. ["Armenia" (Hayastan) alliance]   09:40 - The voter lists include 2 593 572 voters. 2008 polling stations are set up, 12 of which are in criminal institutions and will open later. The remaining 1.996 polling stations are already open. 8 international and foreign observer organizations with 483 international observers will follow the elections. [Tigran Mukuchyan, the Chairman of the Central Electoral Commission]   09:30 - A working group of the Human Rights Defender has been formed to independently monitor the electoral process in both the central and regional offices of Shirak, Gegharkunik, Syunik and Tavush regions.    09:20 - President Armen Sarkissian voted at the polling station located in the building of the Union of Writers.   09:05 - All 1996 polling stations are serving voters. At the moment we have no complaints about violations. [Armen Smbatyan, CEC Secretary]   08:00 - Since the beginning of this year Nikol Pashinyan has held meetings with representatives of parliamentary and extra-parliamentary political forces. The last meeting was with Gagik Tsarukyan, after which it was announced that snap parliamentary elections will be held on June 20. The pre-election campaign started on June 7 and lasted until June 18. Yesterday was a day of silence. 25 forces are running in the elections including 4 blocs and 22 parties (two parties participate with a joint list).
20:39 - 21 հունիսի,2021
Մարուքյանը ԵԽԽՎ-ում կոչ է արել պատժամիջոցներ կիրառել ընդդեմ Ադրբեջանի ռազմաքաղաքական ղեկավարության

Մարուքյանը ԵԽԽՎ-ում կոչ է արել պատժամիջոցներ կիրառել ընդդեմ Ադրբեջանի ռազմաքաղաքական ղեկավարության

ՀՀ ազգային ժողովի «Լուսավոր Հայաստան» կուսակցության ղեկավար Էդմոն Մարուքյանը ԵԽԽՎ նիստում եվրոպացի գործընկերներին կոչ է արել հստակ և միանշանակ կերպով անդրադառնալ Ադրբեջանի գործողություններին, պատժամիջոցներ կիրառել՝ ընդդեմ Ադրբեջանի ռազմաքաղաքական բռնապետական ղեկավարության, Հայաստանի հետ միասնական քայլեր ձեռնարկել՝ շուտափույթ ավարտին հասցնել համար գերիների վերադարձի գործընթացը: Մարուքյանն իր ելույթում ուշադրություն է հրավիրել այն փաստի վրա, որ նոյեմբերի 9-ի հրադադարից հետո մինչ այժմ ադրբեջանական իշխանությունը դեռևս չի ազատել հայ գերիներին, այդ թվում՝ քաղաքացիական անձանց, կանանց։ «Այսօր 13 հայ ռազմագերու դատավարություն է նշանակված Ադրբեջանում։ Այսինքն, շինծու քրեական գործեր են հարուցված նրանց դեմ Ադրբեջանում, ինչը խախտում է միջազգային մարդասիրական իրավունքը. Նախագահ Ալիևը հայտարարում է, որ չի վերադարձնի ռազմագերիներին, քանի դեռ չի ստացել ականապատված տարածքների քարտեզները։ Այսինքն՝ նա քաղաքականացնում է հումանիտար հարցը և բացահայտում, որ հայ ռազմագերիները որպես պատանդ են պահվում Ադրբեջանում։ Մենք ունենք նաև տեղեկություններ այն մասին, որ որոշ հայ գերիներ (այդ թվում՝ կանայք) տանջամահ են արվել ադրբեջանական բանտերում»,-ասել է Մարուքյանը: Նա ԵԽԽՎ-ում հիշեցրել է, որ մայիսի 12-ին ադրբեջանական զինված ուժերն ապօրինի կերպով հատել են հայկական սահմանն ու այդ հատվածում առաջ եկել 3.5 կմ, ապօրինի առաջխաղացմամբ ամրացել ՀՀ Սյունիքի մարզի Սև լճի տարածքում։ Մարուքյանը շեշտել է, որ ադրբեջանական զինված ուժերի ապօրինի ներկայությունը Սև լճի տարածքում բացարձակապես անթույլատրելի է և կոպտորեն խախտում է Հայաստանի տարածքային ամբողջականությունն ու ՄԱԿ-ի Կանոնադրության 2-րդ հոդվածը։ Պատգամավորը ուշադրություն է հրավիրել այն փաստին, որ Ադրբեջանի կողմից եռակողմ հայտարարության այսպիսի տևական և անօրինական խախտումները լրջորեն խոչընդոտում են այդ հայտարարության ամբողջական կիրառմանը և նոր սպառնալիքներ ստեղծում տարածաշրջանի անվտանգության ու խաղաղության համար։ «Ըստ այդմ՝ կոչ ենք անում մեր եվրոպացի գործընկերներին հստակ և միանշանակ կերպով անդրադառնալ Ադրբեջանի գործողություններին, կիրառել սանկցիաներ ընդդեմ Ադրբեջանի ռազմաքաղաքական բռնապետական ղեկավարության, մեզ հետ կատարել միասնական քայլեր՝ շուտափույթ ավարտին հասցնելու համար գերիների փոխանակման գործընթացը՝ առանց նախապայմանների և արհեստական խոչընդոտների, ինչպես շինծու քրեական գործերն են, ինչպես նաև վերահաստատելու ՀՀ տարածքային ամբողջականությունը՝ ստիպելով Ադրբեջանի ռազմական ղեկավարությանը հանել իր ստորաբաժանումները հայկական տարածքներից»,-ասել է Մարուքյանը:
19:59 - 21 հունիսի,2021
Քաղաքացուն և շտաբի պետին մեղադրանք է առաջադրվել

Քաղաքացուն և շտաբի պետին մեղադրանք է առաջադրվել

ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում իրականացված բազմակողմանի քննությամբ պարզվել են քվեարկության գաղտնիությունը խախտելու դեպքի մի շարք հանգամանքներ: Ինչպես արդեն տեղեկացրել ենք, 2021 թ. հունիսի 20-ին թիվ 29/20 ընտրատեղամասում քաղաքացին քվեարկություն կատարելուց հետո փորձել է ընտրատեղամասից դուրս բերել քվեաթերթիկ, ինչը կանխվել է հանձնաժողովի նախագահի կողմից: Նույն օրը բերման ենթարկված քաղաքացին հայտարարել է, որ ժամը 11:00-ի սահմաններում՝ նշված ընտրատեղամասում ընտրություն կատարելուց հետո, քվեաթերթիկը վերցրել է իր հետ, որպեսզի ԱԺ արտահերթ ընտրությանը մասնակցող կուսակցություններից մեկի շտաբի ղեկավարի հորդորով այն փոխանցի վերջինիս: Ձեռք բերված բավարար ապացույցների համակցությամբ՝ քաղաքացուն մեղադրանք է առաջւադրվել՝ ՀՀ քրեական օրենսգրքի 34-154-րդ հոդվածի 1-ին մասով, իսկ շտաբի պետին՝ ՀՀ քրեական օրենսգրքի 154-րդ հոդվածի 1-ին մասով: Միջնորդություններ են ներկայացվել Կոտայքի մարզի ընդհանուր իրավասության դատարան՝ կալանավորումը որպես խափանման միջոց կիրառելու մասին: Նախաքննությունը շարունակվում է:
19:36 - 21 հունիսի,2021
Ընտրակաշառք տալու և ստանալու դեպքեր Արարատում. 2 քրգործով որպես կասկածյալ է ներգրավվել 9 անձ

Ընտրակաշառք տալու և ստանալու դեպքեր Արարատում. 2 քրգործով որպես կասկածյալ է ներգրավվել 9 անձ

ՀՀ ԱԱԾ Արարատի մարզային վարչությունում նախապատրաստված նյութերով փաստական տվյալներ են ստացվել այն մասին, որ Արարատի մարզի Մասիս քաղաքի մի խումբ բնակիչներ, նախնական համաձայնության գալով, 2021թ. հունիսի 20-ին նշանակված ՀՀ Ազգային ժողովի արտահերթ ընտրություններին մասնակցելու և կուսակցությունների դաշինքի, դրա ցուցակում ընդգրկված պատգամավորի թեկնածուի օգտին կողմ քվեարկելու համար, ընտրական ցուցակներում ընդգրկված  մի քանի ընտրողներին  անձամբ և միջնորդների միջոցով 2021թ. հունիսի 9-ից մինչև հունիսի 19-ն ընկած ժամանակահատվածում առաջարկել և խոստացել են տրամադրել 20.000-ական ՀՀ դրամ կաշառք: Դեպքերի առթիվ ՀՀ գլխավոր դատախազությունում հարուցվել է քրեական գործ՝ ՀՀ քրեական  օրենսգրքի 154.2-րդ հոդվածի 1-ին մասով, 4-րդ մասի 1-ին և 2-րդ կետերով, 154.9-րդ հոդվածի 1-ին մասով: ՀՀ ԱԱԾ քննչական դեպարտամենտում իրականացվող նախաքննության շրջանակներում ձեռնարկված միջոցառումների արդյունքում մի խումբ անձանց կողմից նախնական համաձայնությամբ երկու կամ ավելի անձ ընտրակաշռք տալու կասկածանքով  ձերբակալվել է մեկ անձ: Առերևույթ ընտրակաշառքի երկրորդ դեպքն արձանագրվել է Արարատի մարզի Նորամարգ գյուղում: Մասնավորապես, Ոստիկանության Մասիսի բաժնում օպերատիվ տեղեկություններ են ստացվել Արարատի մարզի Նորամարգ գյուղում 2021թ. հունիսի 20-ին ՀՀ-ում կայանալիք ԱԺ արտահերթ ընտրություններին մասնակցող դաշինքի օգտին ընտրակաշառք տալու վերաբերյալ: Նախապատրաստված նյութերով պարզվել է, որ Նորամարգ գյուղի երկու բնակիչ, նախնական համաձայնության գալով, խմբի կազմում, ԱԺ արտահերթ ընտրություններին մասնակցող դաշինքի օգտին քվեներ ապահովելու համար Նորամարգ գյուղի տարածքում գումարի տեսքով բաժանում են ընտրակաշառք՝ անձամբ բնակիչներին այցելությունների կամ հանդիպումների ժամանակ, ինչպես նաև որոշակի առումով կաշառքի շուրջ համաձայնություններ են ձեռք բերում բջջային հեռախոսակապի միջոցով: Դեպքերի առթիվ ՀՀ ոստիկանության Մասիսի բաժնում և Արարատի մարզի դատախազությունում ՀՀ քրեական օրենսգրքի 154․2-րդ հոդվածի 1-ին մասով և նույն հոդվածի 4-րդ մասի 2-րդ կետի հատկանիշներով  հարուցվել են  քրեական գործեր:   Նախաքննության ընթացքում փաստական տվյալներ են ստացվել, որ Ն.Մ.-ն Վ.Հ.-ի հետ բանավոր պայմանավորվածություն է ձեռք բերել հունիսի 20-ին կայանալիք ԱԺ արտահերթ ընտրությունների ժամանակ ընտրապայքարին մասնակցող դաշինքի օգտին քվեներ ապահովելու համար մարդկանց «հավաքագրելու» շուրջ, նրանից ստացել մոտ 540.000 ՀՀ դրամ գումար, որը բաժանել են իրենց մտերիմ շուրջ 36 անձի` որպես ընտրակաշառք` դաշինքի օգտին քվերկելու համար՝ յուրաքանչյուր անձին տալով 15.000 ՀՀ դրամ: Կատարել է ստացողների ցուցակագրում, որը տվել է Վ.Հ.-ին: 2021թ. հունիսի 19-ին Վ. Հ.-ն ձերբակալվել է, սակայն ավելի ուշ դատարանի որոշմամբ ձերբակալումը ճանաչվել է ոչ իրավաչափ: Քրեական գործով ենթադրյալ ընտրակաշառք տալու կասկածանքով ներգրավվել է 2, իսկ ստանալու կասկածանքով՝ 6 անձ: Նրանցից 7-ի նկատմամբ որպես խափանման միջոց է ընտրվել չհեռանալու մասին ստորագրությունը: Քրեական գործը քննչական ենթակայության կարգով ՀՀ գլխավոր դատախազությունից փոխանցվել է ՀՀ ՀՔԾ-ին՝ նախաքննությունը շարունակելու համար:  Երկու քրեական գործեի շրջանակներում միջոցներ են ձեռնարկվում նաև այլ անձանց ներգրավվածությունը պարզելու, նրանց արարքներին քրեաիրավական գնահատականներ տալու համար:  
19:24 - 21 հունիսի,2021
ՀՀ նախագահի, ԵԱՀԿ ԺՀՄԻԳ տնօրենի և ԵԱՀԿ ԽՎ գլխավոր քարտուղարի հանդիպմանը կարևորվել է ՀՀ-ում ժողովրդավարական ինստիտուտների ամրապնդումը

ՀՀ նախագահի, ԵԱՀԿ ԺՀՄԻԳ տնօրենի և ԵԱՀԿ ԽՎ գլխավոր քարտուղարի հանդիպմանը կարևորվել է ՀՀ-ում ժողովրդավարական ինստիտուտների ամրապնդումը

Հանրապետության նախագահ Արմեն Սարգսյանը հունիսի 21-ին ընդունել է ԵԱՀԿ ժողովրդավարական հաստատությունների և մարդու իրավունքների գրասենյակի (ԺՀՄԻԳ) տնօրեն Մատեո Մեկաչիին և ԵԱՀԿ խորհրդարանական վեհաժողովի գլխավոր քարտուղար Ռոբերտո Մոնտելային, ովքեր դիտորդական առաքելություն են իրականացրել ՀՀ Ազգային ժողովի արտահերթ ընտրությունների ընթացքում: Ինչպես  տեղեկացնում են Հայաստանի Հանրապետության նախագահի աշխատակազմի հասարակայնության հետ կապերի վարչությունից, հյուրերը նախագահ Սարգսյանին տեղեկություններ են ներկայացրել ԵԱՀԿ ԺՀՄԻԳ-ի, ԵԱՀԿ ԽՎ-ի և ԵԽ ԽՎ-ի համատեղ դիտորդական առաքելության ընթացքում կատարված աշխատանքների, ընտրական գործընթացի վերաբերյալ իրենց դիտարկումների մասին, ինչպես նաև փոխանցել պատրաստված զեկույցի ամբողջական տարբերակը: «Նախագահ Սարգսյանը շնորհակալություն է հայտնել կառույցների ղեկավարներին և հանձինս նրանց՝ դիտորդական առաքելությանը, կատարված աշխատանքների համար»,- ասվում է հաղորդագրության մեջ: Ըստ աղբյուրի՝ հանդիպմանը մտքեր են փոխանակվել Հայաստանում ժողովրդավարական արժեքների և ինստիտուտների ամրապնդման կարևորության, ինչպես նաև Հայաստանի հետ ԵԱՀԿ ԺՀՄԻԳ-ի և ԵԱՀԿ խորհրդարանական վեհաժողովի համագործակցության մասին: Անդրադարձ է եղել մասնավորապես նախագահական ինստիտուտի հետ փոխգործակցությանը: ԵԱՀԿ ԺՀՄԻԳ տնօրենն ու ԵԱՀԿ ԽՎ գլխավոր քարտուղար նշել են, որ իրենց կառույցները տարիներ շարունակ համագործակցում են Հայաստանի հետ և պատրաստակամ են շարունակելու աջակցությունը ժողովրդավարական ինստիտուտների կարողությունների զարգացմանը:  
19:10 - 21 հունիսի,2021
Ընտրությունները չդարձան քաղաքական գործընթաց․ «Պատիվ ունեմ» դաշինքի հայտարարությունը

Ընտրությունները չդարձան քաղաքական գործընթաց․ «Պատիվ ունեմ» դաշինքի հայտարարությունը

«Պատիվ ունեմ» դաշինքը հայտարարություն է տարածել․   «Հարգելի՛ հայրենակիցներ, Ավարտվեց մեր երկրի համար ճակատագրական մի նոր շրջափուլ։ Ավա՜ղ, ինչպես և կանխատեսում էինք, այս ընտրությունները չդարձան Հայաստանի և Արցախի անվտանգության ապահովման, պետության ինքնիշխանության վերականգնման, կորսված արժանապատվության վերագտնման ընտրություններ։ Այս արդյունքները ոչ թե լույս են թունելի վերջում, այլ, ցավոք՝ խավարի մի նոր թանձրացում։   Ընտրությունները չդարձան քաղաքական գործընթաց, չվերածվեցին Հայաստանը անդունդի եզրից հետ քաշելու ճանապարհային քարտեզի: Փոխարենը մենք ականատես եղանք ուժային մարմինների կողմից ապօրինաբար ընդդիմության դեմ բռնաճնշումների, ընդդիմադիր ակտիվ գործիչների բնակարաններում և ընդդիմության շտաբներում անհիմն խուզարկությունների ու ձերբակալությունների, ակտիվիստների և շտաբի անդամների գաղտնալսումների, այդպիսով՝ նախընտրական փուլում և ընտրությունների օրը ընդդիմության աշխատանքի խոչընդոտման բազմաթիվ աղաղակող դեպքերի, ինչպես նաև իշխանության կողմից վարչական լծակների կիրառմամբ ընտրողներին ակնհայտ ուղղորդման դեպքերի: Այս խայտառակ ընտրություններով ոչ թե լուծվել են մեր ժողովրդի խնդիրները, այլ ստեղծվելու են նոր՝ առավել դժվար հաղթահարելի խոչընդոտներ Հայաստանի և Արցախի անվտանգ, կայուն ու արժանապատիվ ապագայի համար, մեր ազգային շահը կապիտուլյանտ իշխանությունների կողմից շարունակվելու է ստորադասվել այլևայլ շահերի: Հայտարարում ենք, որ ստացված արդյունքները չենք ճանաչում որպես Արցախյան վերջին պատերազմի տարածքային և մարդկային կորուստների լեգիտիմացում, որպես աշխարհաքաղաքական առևտրում Հայաստանի՝ մանրադրամի կարգավիճակի ամրագրում, որպես ազգայինի պարտություն ստահոդ և անբարո իրականությանը։ Միաժամանակ վստահ ենք, որ իրական ընդդիմադիր դաշտը պետք է ընդունի նաև իր սխալներն ու բացթողումները։   Ընտրությունների գնալը հետպատերազմյան շոկային և երկրում ստեղծված ճգնաժամային իրավիճակում սխալ էր, բայց ավելի մեծ սխալ է անհաջողության ողջ բեռը հասարակության վրա բարդելը։ Պայքարը շարունակվելու է։ Մենք իրավունք չունենք մեր պետության ինքնիշխանությունը զիջած և ժողովրդին մոլորեցրած ազգադավներին թողնելու մեր պապերի սրբազան հողն ու մեր զավակների թանկ ապագան այդ հողի վրա: Մեր հետագա որոշումներն ու քայլերը բխեցվելու են այս տրամաբանությունից: Միաժամանակ շնորհակալություն ենք հայտնում մեր դաշինքի օգտին քվեարկած մեր բոլոր պատվարժան հայրենակիցներին։ Ձեր մտահոգ և պատվաբեր ձայները, սպասելիքներն ու հույսերը լինելու են մեր որոշումների հիմքում»:
19:05 - 21 հունիսի,2021
ԵԱՀԿ և ԵԽԽՎ դիտորդները գնահատել են Հայաստանում խորհրդարանական ընտրությունների օրինականությունը |1lurer.am|1lurer.am

ԵԱՀԿ և ԵԽԽՎ դիտորդները գնահատել են Հայաստանում խորհրդարանական ընտրությունների օրինականությունը |1lurer.am|1lurer.am

1lurer.am1lurer.am: ԵԱՀԿ դիտորդական առաքելության ղեկավարող Օուեն Մերֆին այսօր հրավիրված ասուլիսի ժամանակ, անդրադառնալով Հայաստանում կայացած արտահերթ ընտրություններին, նշել է, որ իրենք մեկ ամսից ավելի է՝ Հայաստանում են, հետևել են նաև նախընտրական քարոզարշավին ու դե որոշ ժամանակ մնալու են այստեղ՝ ուսումնասիրելու, թե ինչպես են վերջնական տեսքի բերվում ընտրության արդյունքները, բողոքարկումները։ «Մեզ համար այս ամբողջ ընթացքում խոչընդոտներ չեն առաջացել, իշխանությունները բաց, թափանցիկ կերպով մեզ հետ համագործակցել են, մենք համագործակցել ենք քաղաքացիական հասարակության ներկայացուցիչների, կուսակցությունների ներկայացուցիչների հետ և գրեթե բոլոր ոլորտներում պրոֆեսիոնալ աշխատանքի ենք հանդիպել»,- ասել է Մերֆին։ Եվրախորհրդի Խորհրդարանական վեհաժողովի (ԵԽԽՎ) առաքելության ղեկավար Յորգոս Կատրուգալոսն էլ ընդգծել է, որ Հայաստանի խորհրդարանի արտահերթ ընտրությունների ժամանակ տեղի ունեցած խախտումները չեն ազդի քվեարկության արդյունքների վրա: Կատրուգալոսը, սակայն, այն կարծիքին է, որ բոլոր խախտումները պետք է ուսումնասիրել՝ անկախ դրանց բնույթից:  Նշենք, որ ընդհանուր առմամբ ԵԱՀԿ և ԵԽԽՎ առաքելությունների կազմում ներկայացված են եղել 353 դիտորդ 37 երկրներից, այդ թվում՝ ԺՀՄԻԳ-ի կողմից տեղակայված 249 փորձագետներ, երկարաժամկետ և կարճաժամկետ դիտորդներ, 80 խորհրդարանականներ և աշխատակազմի անդամներ ԵԱՀԿ Խորհրդարանական վեհաժողովից, ինչպես նաև 24 անձ ԵԽԽՎ-ից:
18:45 - 21 հունիսի,2021