Օլաֆ Շոլց

Օլաֆ Շոլցը Գերմանիայի կալնցլերն է։ Այդ պաշտոնը զբաղեցնում է 2021 թվականից։

Սա ռուս ժողովրդի պատերազմը չէ, այլ Պուտինինը. Գերմանիայի կանցլերը դեմ է ռուսների համար շենգենյան վիզաների տրամադրման հնարավոր արգելքին
 |tert.am|

Սա ռուս ժողովրդի պատերազմը չէ, այլ Պուտինինը. Գերմանիայի կանցլերը դեմ է ռուսների համար շենգենյան վիզաների տրամադրման հնարավոր արգելքին |tert.am|

tert.am: Գերմանիայի կանցլեր Օլաֆ Շոլցը չի պաշտպանում ռուսների համար շենգենյան վիզաների տրամադրման հնարավոր արգելքը՝ նշելով, որ Ուկրաինայում տեղի ունեցող իրադարձությունները «ռուս ժողովրդի պատերազմը» չեն։Ինչպես նշում է ՏԱՍՍ-ը, այս մասին նա հայտարարել է Օսլոյում Սկանդինավյան խորհրդի նիստի շրջանակում համատեղ մամուլի ասուլիսում։«Ես կարծում եմ, որ սա ռուս ժողովրդի պատերազմը չէ, սա (Ռուսաստանի նախագահ Վլադիմիր) Պուտինի պատերազմն է, և մենք պետք է շատ հստակ լինենք այս հարցում»,- ասել է Շոլցը՝ պատասխանելով ռուսների համար շենգենյան վիզաների տրամադրման հնարավոր դադարեցման մասին հարցին։Այսպիսով, Գերմանիայի կառավարության ղեկավարն անուղղակիորեն հաստատել է, որ Բեռլինը դեմ է բոլոր ռուսաստանցիների համար վիզային սահմանափակումներին։
09:33 - 16 օգոստոսի, 2022
Շոլցը խոստովանել է՝ առաջիկա ամիսներին Գերմանիան լուրջ խնդիրների առաջ է կանգնելու
 |azatutyun.am|

Շոլցը խոստովանել է՝ առաջիկա ամիսներին Գերմանիան լուրջ խնդիրների առաջ է կանգնելու |azatutyun.am|

azatutyun.am: Գերմանիայի կանցլեր Օլաֆ Շոլցը խոստացել է, որ իր կառավարությունը կօգնի քաղաքացիներին, եթե նրանք չկարողանան վճարել էներգիայի համար, սակայն խոստովանել է, որ առաջիկա ամիսներին երկիրը լուրջ խնդիրների առաջ է կանգնելու։ Վառելիքի գների աճը, որն առաջացել է Ուկրաինայի դեմ Ռուսաստանի պատերազմի պատճառով, շատերի համար լուրջ ֆինանսական բեռ է դարձել Գերմանիայում և նրա սահմաններից դուրս: «Մենք կանենք ամեն ինչ՝ օգնելու քաղաքացիներին հաղթահարել այս դժվար ժամանակաշրջանը», - ասել է Շոլցը՝ ելույթ ունենալով Բեռլինում: Նա նշել է, որ կառավարության կողմից արդեն ձեռնարկվում են բազմաթիվ միջոցառումներ՝ երկրի բնակիչների ֆինանսական խնդիրները մեղմելու և ռուսական նավթին, ածուխին ու գազին այլընտրանքային էներգիայի աղբյուրներ գտնելու համար։ Հարցին, թե արդյո՞ք նա մտավախություն ունի, որ դժգոհությունը կարող է վերաճել բողոքի ցույցերի, Շոլցը նշել է, որ Գերմանիան սոցիալական ապահովման ուժեղ ավանդույթներ ունի։ «Ես չեմ հավատում, որ մեր երկրում անկարգություններ կլինեն», - ասել է կանցլերը՝ միևնուն ժամանակ խոստովանելով, որ այս ձմռանը «շատ պահանջներ» կլինեն, քանի որ երկիրը փորձում է համատեղել էներգիայի պակասը՝ միջուկային էներգիայից և հանածո վառելիքից աստիճանաբար հրաժարվելու վաղեմի ծրագրերի հետ:
13:00 - 12 օգոստոսի, 2022
G7 երկրները համատեղ պայքարում են համաշխարհային տնտեսությունում առկա ճգնաժամի դեմ․ Շոլց

G7 երկրները համատեղ պայքարում են համաշխարհային տնտեսությունում առկա ճգնաժամի դեմ․ Շոլց

«Մեծ յոթնյակի» (G7) երկրների առաջնորդները համատեղ պայքար են մղում համաշխարհային տնտեսությունում իրավիճակի վատթարացման դեմ, DW-ի փոխանցմամբ՝ հայտարարել է Գերմանիայի կանցլեր Օլաֆ Շոլցը գերմանական Էլմաու ամրոցում աշխատանքային նիստից հետո, որը նվիրված էր գլոբալ ֆինանսական հարցերին։ «G7-ի բոլոր անդամները մտահոգություն ունեն ճգնաժամերի առնչությամբ, որոնց հարկադրաբար բախվում ենք ներկա պահին», - ասել է նա՝ նշելով մի շարք երկրներում տնտեսական ճի տեմպերի նվազումը, գնաճի ավելացումը, հումքի պակասն ու մատակարարման շղթաներում խաթարումները։ Ըստ Շոլցի՝ խոսքը լուրջ խնդիրների մասին է։ «Այդ պատճառով էլ մենք նաև պետք է համատեղ պատասխանատվություն կրենք։ Սակայն ես մեծապես վստահ եմ, որ գագաթնաժողովի շրջանակում կհաջողվի միասնության և վճռականության շատ հստակ ազդակ հղել, - հավելել է քաղաքական գործիչը։ Նորա Վանյան
22:00 - 26 հունիսի, 2022
Ռուսաստանի հետ գործընկերությունը տեսանելի ապագայում անհնար է․ Շոլց

Ռուսաստանի հետ գործընկերությունը տեսանելի ապագայում անհնար է․ Շոլց

Ռուսաստանի հետ գործընկերությունը, որը հիշատակվում է ՆԱՏՕ-ի 2010 թ-ի ռազմավարական հայեցակարգում, տեսանելի ապագայում անհնար է նրա ագրեսիվ, կայսրական դիրքորոշման պատճառով, DW-ի փոխանցմամբ, ասել է Գերմանիայի կանցլեր Օլաֆ Շոլցը՝ երկրի խորհրդարանում ներկայացնելով Բեռլինի դիրքորոշումը ՆԱՏՕ-ի, «Մեծ յոթնյակի» և ԵՄ կայանալիք գագաթնաժողովներին։ ՆԱՏՕ-ի անդամ երկրների հանդիպումից, որը կայանալու է հունիսի 28-30-ը Մադրիդում, Շոլցն ակնկալում է միասնականության և վճռականության ազդակ՝ ուկրաինական պատերազմի ֆոնին։ Միաժամանակ, ինչպես նշել է կանցլերը, խելամիտ չէր լինի խզել ՆԱՏՕ-Ռուսաստան հիմնարար ակտը, քանի որ դա միայն շահեկան կլինի ՌԴ նախագահին և նրա քարոզչությանը։ 1997 թ-ին ստորագրված փաստաթղթում ամրագրված են սկզբունքներ, որոնք, ըստ Շոլցի, Պուտինն այդքան կոպտորեն խախտում է՝ հրաժարում բռնությունից, սահմանների նկատմամբ հարգանք, անկախ պետությունների ինքնիշխանություն։   Նորա Վանյան
18:30 - 22 հունիսի, 2022
Մակրոնի, Շոլցի և Դրագիի պատմական այցը Կիև․ Politico

Մակրոնի, Շոլցի և Դրագիի պատմական այցը Կիև․ Politico

Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցն ու Իտալիայի վարչապետ Մարիո Դրագին օրերս Կիև են ժամանել Ռուսաստանի կողմից Ուկրաինա ներխուժումից հետո առաջին անգամ։ Politico-ն այս այցը «պատմական» է անվանում և մանրամասներ ներկայացնում։ Հոդվածը հրապարակում ենք կրճատումներով․ «Առաջնորդները գիշերը գնացքով Կիև են ուղևորվել, որտեղ նրանց «դիմավորել է» օդային տագնապի ազդանշանը՝ շարունակվող ռուսական ներխուժման ֆոնին։ Նրանք Ուկրաինայի սահմանը հատել են Լեհաստանի կողմից։ «Մենք պատրաստվում ենք հանդիպել նախագահ Զելենսկուն և այցելել ռազմական գործողությունների վայր, որտեղ զանգվածային սպանություններ են տեղի ունեցել, այնուհետև պլանավորված շփումներ ենք ունենալու նախագահ Զելենսկու հետ», - լրագրողներին ասել էր Մակրոնը Կիևի երկաթուղային կայրանում։ Այս այցը «եվրոպական միասնության և աջակցության ուղերձն է ուկրաինացիներին», հավելել էր Ֆրանսիայի նախագահը։ Եվրոպացի առաջնորդներն այցելել են Կիևից դեպի հյուսիս-արևմուտք տեղակայված Իրպեն քաղաք, որտեղ ռուսաստանցի զավթիչներն ավերել են շենքեր և ենթադրաբար խոշտանգել և սպանել են խաղաղ բնակիչներին շաբաթներ տևած օկուպացիայի ընթացքում՝ նախքան այն պահը, երբ ուկրաինական  ուժերը նրանց դուրս են մղել այդ տարածքից։ Երկրների առաջնորդները քաղաքի վերականգնման հարցերը քննարկել են Ուկրաինայի տարածքային զարգացման նախարար Ալեքսեյ Չեռնիշովի հետ։ «Մենք ամեն ինչ կվերականգնենք», - ասել է Դրագին մամուլի ներկայացուցիչներին։ Մակրոնն Իրպենում ասել է․ «Սա միաժամանակ հերոսական քաղաք է, որովհետև հենց այստեղ, ի թիվս այլ վայրերի, ուկրաինացիները կանգնեցրել են Կիևը գրոհող ռուսական բանակը»։ Շոլցը հավելել է, որ Իրպենը «ռուսական ագրեսիվ պատերազմի դաժանության օրինակն է, որը պարզապես ուղղված է ոչնչացմանը և զավթմանը»։ Ֆրանսիացի դիվանագետներից մեկը լրագրողներին հայտարարել է, որ պատերազմի ավարտից հետո Մոսկվայի և Կիևի միջև «անհրաժեշտ է երկխոսություն՝ պարզելու համար, թե ինչպես ենք կառուցելու կայուն խաղաղություն»՝ Ուկրաինայի անվտանգության երաշխիքներով և Ուկրաինա-ՆԱՏՕ հարաբերությունների բնույթի որոշմամբ։ Նա հավելել է․ «Զելենսկին պետք է որոշի, թե ինչն է իր համար ռազմական հաղթանակ համարվելու․․․ մենք կողմ ենք լիակատար հաղթանակին և [Ուկրաինայի] տարածքային ամբողջականության վերականգնմանը, ներառյալ այն տարածքները, որոնք գրավել են ռուսաստանցիները, այդ թվում՝ Ղրիմը»։ Եվրամիության երեք առաջատար երկրների առաջնորդների համատեղ այցը կարևոր խորհրդանշական կշիռ ունի, հատկապես՝ հաջորդ շաբաթ ԵՄ առաջնորդների կայանալիք հանդիպման նախաշեմին, որի ընթացքում նրանք որոշելու են Ուկրաինային անդամակցության թեկնածուի կարգավիճակ շնորհելու հարցը։ Թե ինչ կասեն այս հարցի մասին Մակրոնը, Շոլցն ու Դրագին, դեռևս հայտնի չէ։ «Թեկնածուի կարգավիճակի վերաբերյալ փոխհամաձայնություն չկա, թեկնածուի կարգավիճակ չշնորհելու շուրջ նույնպես փոխհամաձայնություն չկա։ Բայց, կարծես, երրորդ տարբերակի շուրջ կա՝ թեկնածուի կարգավիճակ՝ որոշակի պայմաններով», - ասել է թեմային լավատեղյալ դիվանագետներից մեկը։ Ռումինիայի նախագահ Կլաուս Յոհաննիսը միացել էր երեք երկրների առաջնորդներին արդեն Կիևում»։   Նորա Վանյան  
14:56 - 17 հունիսի, 2022
Գերմանիայի, Իտալիայի, Ֆրանսիայի և Ռումինիայի առաջնորդներն Ուկրաինա են ժամանել

Գերմանիայի, Իտալիայի, Ֆրանսիայի և Ռումինիայի առաջնորդներն Ուկրաինա են ժամանել

Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը, Իտալիայի վարչապետ Մարիո Դրագին և Ռումինիայի նախագահ Կլաուս Յոհաննիսն Ուկրաինա են ժամանել։ Նրանք այցելել են Կիևի շրջանի Իրպեն քաղաք, հայտնում է ՈւՆԻԱՆ-ը։ Մասնավորապես, այս երկրների առաջնորդները շրջել են քաղաքում, տեսել ավերածություններն ու ծանոթացել վերականգնման պլաններին։ Ինչպես նշել է Գերմանիայի կառավարության պաշտոնական ներկայացուցիչ Շտեֆեն Հեբեշտրայտը, չորս պետությունների առաջնորդները մտադիր են աջակցության և համերաշխության ազդակ հղել Ուկրաինայի նախագահ Վլադիմիր Զելենսկուն և Ուկրաինայի ժողովրդին։ Նախագահ Զելենսկու գրասենյակի ղեկավար Անդրեյ Երմակը հայտնել է, որ նշված երկրների ղեկավարները Վլադիմիր Զելենսկու հետ այսօր քննարկելու են, մասնավորապես, պարենային անվտանգության, զենքի և Ուկրաինային աջակցություն ցուցաբերելու հարցերը։ Երմակը նշել է, որ ակնկալիքներ կան, որ նրանք կսատարեն Ուկրաինային ԵՄ անդամակցության թեկնածուի կարգավիճակի տրամադրման հայտը։   Նորա Վանյան Հետևե՛ք մեզ նաև Telegram-ում  
15:43 - 16 հունիսի, 2022
Դուք պատասխանատու եք մեր զոհված զինվորների և խաղաղ բնակիչների համար. Զելենսկու գրասենյակը բաց տեքստով մեղադրել է Գերմանիայի կանցլերին |tert.am|

Դուք պատասխանատու եք մեր զոհված զինվորների և խաղաղ բնակիչների համար. Զելենսկու գրասենյակը բաց տեքստով մեղադրել է Գերմանիայի կանցլերին |tert.am|

tert.am: Գերմանիայի կանցլեր Օլաֆ Շոլցը պատասխանատվություն է կրում զոհված ուկրաինացիների համար, քանի որ նա Ուկրաինային չի տալիս իր խոստացած ծանր սպառազինությունը։ Այս մասին գերմանական Bild հրատարակությանը տված հարցազրույցում ասել է նախագահի աշխատակազմի ղեկավարի խորհրդական Ալեքսեյ Արեստովիչը։«Եթե բավական քանակություն (զենք) լինի, մենք կհաղթենք պատերազմում: Երբ Արևմուտքը մեզ տվեց 120 հեռահար հրետանի, իրավիճակը ճակատում անմիջապես փոխվեց: Երեք օրվա ընթացքում ռուսները կորցրին հարձակման արագությունը», - ասել է Արեստովիչը:Նա հիշեցրել է, որ Գերմանիան Ուկրաինային խոստացել է փոխանցել 88 «Լեոպարդ» տանկ, 50 «Գեպարդ» ինքնագնաց զենիթային կայանք։«Դա բավական կլիներ ուկրաինական բանակում երկու բրիգադի համար: Հիմա, եթե մենք ունենայինք երկու բրիգադ ինչ-որ տեղ առաջնագծում, մենք կարող էինք հետ գրավել Խերսոնը կամ հեռացնել նրանց Պոպասնայից և Սևերոդոնեցկից: Այսօր երկու բրիգադը մեծ ուժ է»,- ասել է նա:    Հետևե՛ք մեզ նաև Telegram -ում
13:55 - 15 հունիսի, 2022
Գերմանիան կորցնում է իր ազդեցությունը Եվրամիությունում․ Politico

Գերմանիան կորցնում է իր ազդեցությունը Եվրամիությունում․ Politico

Politico  պարբերականը գրում է Եվրամիությունում Գերմանիայի ազդեցության նվազման և դրա  պատճառների մասին։ Հոդվածը ներկայացնում ենք կրճատումներով․ «Տարիներ շարունակ Գերմանիան Եվրամիության առաջատար երկիրն էր, ԵՄ-ում Կենտրոնական և Արևելյան Եվրոպայի երկրների ձայնը, որոնք փնտրում էին Բեռլինի հովանավորությունը, առաջնորդությունը, երբեմն էլ՝ ցանկանում հստակ հրահանգներ լսել։  Սակայն վերջերս տեղի ունեցած մի շարք զարգացումներ խաթարել են Բեռլինի հեղինակությունը և ազդեցությունը Կենտրոնական և Արևելյան Եվրոպայում և, որ ավելի կարևոր է, Եվրախորհրդի գագաթնաժողովում հավաքված առաջնորդների շրջանում։ Դրա պատճառներից են անցյալ տարի կանցլեր Անգելա Մերկելի բազմամյա պաշտոնավարման ավարտը, Բեռլինում ավելի բարդ եռակուսակցական իշխող կոալիցիայի կազմավորումը և մի շարք քաղաքական սխալներ, Ռուսաստանի քաղաքականության և ուկրաինական պատերազմի հետ կապված հակասական հայտարարությունները։ Այս ամենի արդյունքը Բեռլինի ազդեցության զգալի թուլացումն է և մյուս երկրների՝ իրենց ճանապարհով գնալու պատրաստակամությունը, որոշ դեպքերում էլ ֆրանս-գերմանական դաշինքին բացահայտ մարտահրավեր նետելը, որն, ըստ ԵՄ բազմաթիվ պաշտոնյաների և դիվանագետների, տարիներ շարունակ եղել է ԵՄ որոշումների կայացման կենտրոնում։ «Մեզ պետք չէ Գերմանիայի հովանավորությունը, - ասում է Արևելյան Եվրոպայի դիվանագետներից մեկը։ - Լեհաստանն իրեն լավ է դրսևորել Ռուսաստանի հարցում, [ուկրաինացի] փախստականներին ընդունելու, գազից աստիճանաբար հրաժարվելու հարցերում։ Բալթյան երկրները խելացի ղեկավարություն ունեն։ Բուլղարիայում նոր, ավելի մեծ վստահություն վայելող կառավարություն է ձևավորվել։ Ռումինիայում իրավիճակը կայուն է»։ Գերմանիայի հեղինակության նսեմացումը վառ ձևով արտահայտվեց այս շաբաթ, երբ ԵՄ պետությունների ղեկավարներն ամեն կերպ փորձում էին համաձայնության գալ ռուսական նավթի էմբարգոյի շուրջ և հաղթահարել Հունգարիայի վարչապետ Վիկտոր Օրբանի համառ դիմադրությունը։ Նախկինում, երբ Օրբանը խոչընդոտում էր ԵՄ առաջարկներին, հաճախ Մերկելին  խնդրում էին միջնորդել։ Եվրամիությունում Մերկելի և Բեռլինի ազդեցությունը կասկածներ չէր առաջացնում։ Այս անգամ Գերմանիային մեղադրում էին այն բանի  համար, որ նա փորձում է օգուտ քաղել խողովակաշարով մատակարարվող նավթի նկատմամբ էմբարգո չսահմանելու առաջարկից։ Բեռլինը բազմիցս հերքել է այս առաջարկին իր մասնակցությունը և վերջնարդյունքում խոստացել է մինչև այս տարեվերջ հրաժարվել ռուսական նավթի ներկրումից՝ որպես հստակ նշան, որ ոչինչ չի շահելու խողովակաշարով նավթի մատակարարման շարունակումից։ Սակայն այն փաստը, որ ԵՄ մյուս անդամ երկրներն այդիպի կասկածներ ունեին, ընդգծում է Բեռլինի նկատմամբ խաթարված վստահությունը։ Իսկ ավելի վաղ Եվրահանձնաժողովի նախագահ, Գերմանիայի պաշտպանության նախկին նախարար Ուրսուլա ֆոն դեր Լյայենի այցը Բուդապեշտ ոչ մի բեկում չէր մտցրել նավթի ներկրման արգելքի շուրջ առկա անհամաձայնությունում։  Փոխարենը Եվրախորհրդի նախագահ, Բելգիայի նախկին վարչապետ Շառլ Միշելին էր բաժին ընկել փոխզիջում գտնելը, որը Հունգարիան, ի վերջո, ընդունեց, իսկ Միշելը հիմքեր գցեց ոչ միայն նավթի արգելքի, այլև պատժամիջոցների ամբողջ վեցերորդ փաթեթի ընդունման համար։ Մերկելին փոխարինած Օլաֆ Շոլցն այս հարցում առանցքային դեր չխաղաց։ «Շոլցն իսկական խնդիր է։ Նա պարզապես շահախնդիր գերմանացի է, փոխզիջում ձևավորող չէ, ինչպես Մերկելը։ Ոչ ոք չի փոխարինի Մերկելին», - ասում է ԵՄ դիվանագետներից մեկը։ Սակայն գերմանացի պաշտոնյաներից մեկը դեմ է արտահայտվում այս պնդումներին՝ ասելով, որ «ան փաստը, որ քննադատությունը գալիս է այսքան մեծ քանակությամբ երկրներից, վկայում է այն մասին, որ Գերմանիան առաջատար դեր է խաղում» այս դժվար պահին ԵՄ մակարդակով փոխզիջումների հասնելու գործում։ Թեև ոչ մի պետության ղեկավար չի ստանձնել Մերկելի՝ որպես ազդեցիկ միջնորդի դերը, Իտալիայի վարչապետ և Եվրոպական կենտրոնական բանկի նախկին նախագահ Մարիո Դրագին, որը հայտարարել էր, թե բանկը կանի «հնարավոր ամեն ինչ» եվրոգոտու ճգնաժամի ժամանակահատվածում, այն առաջնորդն է, որն այժմ մեծ կշիռ ունի։ Սակայն Իտալիան տասնամյակներով անկայուն քաղաքականության և ֆինանսական կառավարման բեռ ունի, ինչը սահմանափակում է Իտալիայի ազդեցության շրջանակն՝ անկախ նրանից, թե ով է վարչապետը։ Ինչ վերաբերում է Ֆրանսիայի նախագահ Էմանուել Մակրոնին, ապա համարվում է, որ նա չի կարողանում մի կողմ թողնել իր էգոն և մեծությունն՝ աննկատ, բայց ազդեցիկ մեկը դառնալու համար, որը փոխզիջումների վրա հիմնված քաղաքականություն կձևավորի և կազդի որոշումների կայացման վրա։ Որոշ արևելաեվրոպական դիվանագետներ և պաշտոնյաներ ասում են, թե դեռ հույս ունեն, որ Բեռլինը վերադարձնելու է իր դիրքերը՝ վերականգնելով իր հեղինակությունը միջազգային հարաբերություններում արտգործնախարար Աննալենա Բերբոկի միջոցով, որը նրանց վրա ավելի խարիզմատիկ և ինքնավստահ մարդու տպավորություն է թողել, քան Շոլցը։ Լատվիայի վարչապետ Կրիշյանիս Կարինշը դեմ է արտահայտվել Ֆրանսիային ձայնի ավելի մեծ իրավունք տրամադրելուն՝ դրա փոխարեն Գերմանիային կոչ անելով վերադարձնել իր առաջատար դիրքը։ «Մեր տեսակետից շատ ավելի լավ կլիներ, որ Գերմանիան ավելի առաջատար դեր խաղար։ Իմ հայացքները չեն փոխվել Գերմանիայի կառավարության փոփոխման հետևանքով»,- ասել է նա Politico-ին։ Որոշ պաշտոնյաների համար միայն ժամանակի հարց է այն, թե երբ Բեռլինը կվերահաստատվի ԵՄ ամենահեղինակավոր և ամենաազդեցիկ մայրաքաղաքի դերում»։ Նորա Վանյան
14:22 - 03 հունիսի, 2022
Օլաֆ Շոլցը հայտարարել է Ուկրաինային սպառազինության նոր համակարգերի տրամադրման մտադրության մասին

Օլաֆ Շոլցը հայտարարել է Ուկրաինային սպառազինության նոր համակարգերի տրամադրման մտադրության մասին

Գերմանիան մտադիր է մոտակա շաբաթների ընթացքում Ուկրաինային սպառազինության նոր համակարգեր մատակարարել, հայտարարել է Գերմանիայի կանցլեր Օլաֆ Շոլցն այսօր երկրի խորհրդարանում տեղի ունեցած քննարկումների ժամանակ։ Նրա խոսքով՝ Կիևը կստանա Iris-T փոքր հեռահարության «օդ-օդ» դասի հրթիռներ՝ հակաօդային պաշտպանության ամենաժամանակակից համակարգը, որն ունի Գերմանիան, գրում է DW-ն։ Այդպիսի մի համալիրն Ուկրաինային թույլ կտա «ռուսական օդային գրոհներից պաշտպանել մի ամբողջ խոշոր քաղաք», հստակեցրել է Շոլցը։ Բացի այդ, Կիևին կտրամադրվի գերժամանակակից ռադիոլոկացիոն կայան՝ հակառակորդի հրետանու կոորդինատների տեղորոշման համար։ IRIS-T SLM համակարգերը 40 կմ հեռահարություն ունեն։ Սակայն, գերմանական որոշ լրատվամիջոցների տվյալներով՝ Ուկրաինայում դրանք կարող են ամբողջությամբ շահագործման մեջ մտցվել այս տարվա նոյեմբերից ոչ շուտ։Նորա Վանյան
15:33 - 01 հունիսի, 2022
Գերմանիան շուտով կունենա Եվրոպայում՝ ՆԱՏՕ-ի կազմում ամենամեծ բանակը. Շոլց |tert.am|

Գերմանիան շուտով կունենա Եվրոպայում՝ ՆԱՏՕ-ի կազմում ամենամեծ բանակը. Շոլց |tert.am|

tert.am: Գերմանիայի կանցլեր Օլաֆ Շոլցը հայտարարել է, որ Գերմանիան շուտով կունենա «Եվրոպայի ամենամեծ ավանդական բանակը» Հյուսիսատլանտյան դաշինքի երկրների շարքում։ Այս կարծիքը նա հայտնել է երկուշաբթի երեկոյան Neue Berliner Redaktionsgesellschaft, Stuttgarter Zeitung և Stuttgarter Nachrichten թերթերին տված հարցազրույցում, գրում է ՏԱՍՍ-ը։ «Գերմանիան շուտով կունենա Եվրոպայում ամենամեծ ավանդական բանակը ՆԱՏՕ-ի կազմում»,- ասել է Շոլցը՝ հավելելով, որ դա զգալիորեն կուժեղացնի Գերմանիայի և նրա դաշնակիցների անվտանգությունը։Միևնույն ժամանակ, կանցլերը չի հասկանում Ուկրաինային ռազմական աջակցության բացակայության պատճառով գերմանական իշխանությունների հասցեին հնչող քննադատությունները ինչպես երկրի ներսում, այնպես էլ արտերկրում։«Մենք զենք ենք փոխանցել և ավելի շատ զենք ենք մատակարարելու: Այդ պատվերները կատարվում են»,- ընդգծել է Շոլցը՝ նկատի ունենալով ծանր սպառազինության մատակարարումը, որը համաձայնեցվել է արդյունաբերության հետ։Եզրափակելով Շոլցը նշել է, որ Գերմանիայի բոլոր դաշնակիցները գիտեն, որ «Բունդեսվերը չունի օգտագործման համար պատրաստ մեքենաների մեծ պաշարներ, որոնք կարող են պարզապես առաքվել»:
11:02 - 31 մայիսի, 2022
Գերմանիայի կանցլերը կոչ է արել Եվրամիությանն Ուկրաինայի արագ անդամակցության չսպասել

Գերմանիայի կանցլերը կոչ է արել Եվրամիությանն Ուկրաինայի արագ անդամակցության չսպասել

Գերմանիայի կանցլեր Օլաֆ Շոլցը երկրի խորհրդարանում այսօր ունեցած իր ելույթի ժամանակ ասել է, որ պետք չէ սպասել Եվրամիությանը Կիևի անդամակցության վերաբերյալ արագ որոշումների, գրում է DW-ն։ Այս հարցում նա սատարել է Ֆրանսիայի նախագահ Էմանուել Մակրոնին, որը կարծում է, որ դա «մի քանի ամսվա կամ մի քանի տարվա հարց չէ»։ ԵՄ անդամակցությանը սպասող մյուս թեկնածուների նկատմամբ արդարության նկատառաւմներից ելնելով՝ պետք չէ կրճատել եվրաինտերգման ուղին, ասել է Գերմանիայի կանցլերը։ Նա հավելել է, որ, ըստ ամենայնի, Եվրահանձնաժողովն Ուկրաինայի հայտի վերաբերյալ իր գնահատականը կներկայացնի հունիսի վերջին։ Շոլցն իր ելույթում նաև կողմ է արտահայտվել Ուկրաինային ծանր սպառազինության մատակարարմանը։ «Մեզ բոլորիս ընդհանուր նպատակ է միավորում․ թույլ չտալ Ռուսաստանին հաղթել այս պատերազմում։ Ուկրաինան պետք է դիմանա», - ընդգծել է նա։   Նորա Վանյան
15:30 - 19 մայիսի, 2022
Դիվանագիտական կարգավորումը հնարավոր է միայն ՌԴ զորքերի դուրսբերումից հետո․ Շոլցն ու Զելենսկին հեռախոսազրույց են ունեցել

Դիվանագիտական կարգավորումը հնարավոր է միայն ՌԴ զորքերի դուրսբերումից հետո․ Շոլցն ու Զելենսկին հեռախոսազրույց են ունեցել

Գերմանիայի կանցլեր Օլաֆ Շոլցը և Ուկրաինայի նախագահ Վլադիմիր Զելենսկին հեռախոսով քննարկել են ռազմական և հումանիտար իրավիճակն Ուկրաինայում։ «Նրանք եզրակացության են եկել, որ Ուկրաինայի և Ռուսաստանի միջև բանակցությունների միջոցով հակամարտության դիվանագիտական կարգավորումը կպահանջի Ռուսաստանի կողմից ռազմական գործողությունների անհապաղ դադարեցում և ռուսական զորքերի դուրսբերում Ուկրաինայից», - DW-ի փոխանցմամբ՝ ասել է Գերմանիայի կառավարության պաշտոնական ներկայացուցիչ Շտեֆեն Հեբեշտրայտը։ Վլադիմիր Զելենսկին Շոլցի հետ բանակցություններն «արդյունավետ» է անվանել։ «Քննարկել ենք իրավիճակը ճակատում, ՌԴ վրա գործադրվող ճնշումը շարունակելու հարցը, պատժամիջոցների խստացումը, խաղաղության հասնելու հեռանկարները։ Գնահատում ենք Գերմանիայի աջակցությունն, այդ թվում՝ պաշտպանական։ Հույսեր ենք կապում ԵՄ-ին Ուկրաինայի լիիրավ անդամակցության ճանապարհին Գերմանիայի հետագա աջակցության հետ», - գրել է Ուկրաինայի նախագահը Թվիթերում։   Նորա Վանյան
15:14 - 17 մայիսի, 2022