Վարուժան Ավետիսյան

«Սասնա ծռեր» համահայկական կուսակցության վարչության անդամ, ՀՀ Զինված Ուժերի պահեստազորի գնդապետ։

Ծնվել է 1970 թվականի հուլիսի 28-ին Մարտունի քաղաքում։ Ավարտել է Մարտունու Ս. Դարբինյանի անվան N3 միջնակարգ դպրոցը։ 1987-1992 թթ․ սովորել է ԵՊՀ իրավաբանական ֆակուլտետում։ 1994 թվականի ապրիլ-հունիս ամիսներին եղել է ՀՀ ՊՆ զորամասի հրամանատարի օգնական-իրավական հարցերով սպա, 1998 թվականին՝ ՀՀ զինվորական քննիչ։

1999-2000 թթ․ աշխատել է որպես ՀՀ ՊՆ Անձնակազմի հետ տարվող աշխատանքի վարչության ավագ սպա-իրավաբան, 2000-2002 թթ․՝ ՀՀ ՊՆ Արտաքին հարաբերությունների և ռազմական համագործակցության վարչության բաժանմունքի պետ։ 2002-2003 թթ․ եղել է ՀՀ ՊՆ Սպաների որակավորման բարձրացման դասընթացի դասախոս։ 2004-2008 թթ․՝ ՀՀ ՊՆ Պաշտպանական քաղաքականության վարչության բաժնի պետի տեղակալ։ 2008-2013 թթ․ աշխատել է ՀՀ ՊՆ Դրաստամատ Կանայանի անվան ազգային ռազմավարական հետազոտությունների ինստիտուտի «Հայկական բանակ» ռազմագիտական հանդեսի գլխավոր խմբագրի տեղակալ-ինստիտուտի իրավաբան։ Հանդիսանում է Հիմնադիր Խորհրդարան կազմակերպության փոխնախագահ, «100-ամյակն առանց ռեժիմի» նախաձեռնության ղեկավարներից։ 2016 թ․ հուլիսի 17-ին Սասնա Ծռեր խմբավորման կազմում մասնակցել է Երևան քաղաքի Էրեբունի թաղամասում գտնվող ՊՊԾ գնդի գրավմանը։ Խմբի մյուս անդամների հետ ձերբակալվել է։

2018 թ․ հեղափոխությունից հետո՝ օգոստոսի 17-ին խափանման միջոցը փոխվել է, և նա ազատ է արձակվել։ 2018թ․ դեկտեմբերին խորհրդարանական ընտրություններում առաջադրվել է որպես պատգամավորության թեկնածու՝ գլխավորելով «Սասնա ծռեր» համահայկական կուսակցության նախընտրական ցուցակը։

ՄԻ պաշտպանն այցելել է «Նուբարաշեն» ՔԿՀ․ առանձնազրույց է ունեցել նաև Վարուժան Ավետիսյանի հետ

ՄԻ պաշտպանն այցելել է «Նուբարաշեն» ՔԿՀ․ առանձնազրույց է ունեցել նաև Վարուժան Ավետիսյանի հետ

Մարդու իրավունքների պաշտպան Անահիտ Մանասյանը չհայտարարված այց է իրականացրել ԱՆ «Նուբարաշեն» քրեակատարողական հիմնարկ։ Այս մասին հայտնել է ՄԻՊ գրասենյակը։ Պաշտպանին ուղեկցել է ՄԻՊ աշխատակազմի Կանխարգելման ազգային մեխանիզմի իրականացման համակարգող-խոշտանգումների և վատ վերաբերմունքի կանխարգելման վարչության պետ Լաուրա Գասպարյանը։ Անահիտ Մանասյանը հանդիպում է ունեցել քրեակատարողական հիմնարկի ղեկավար անձնակազմի հետ և քննարկել ազատությունից զրկված անձանց պահման պայմաններին, առողջապահական մարմինների բուժական հիմնարկներ տեղափոխելու, տրանսպորտային միջոցներին առնչվող մի շարք հարցեր: Այցի շրջանակում Պաշտպանն առանձնազրույց է ունեցել նաև դատապարտյալ Վարուժան Ավետիսյանի հետ։ Անահիտ Մանասյանը տեղում ծանոթացել է նրա առողջական վիճակին և անհրաժեշտ փաստաթղթերին։ Պաշտպանի այցելությունները քրեակատարողական հիմնարկներ և ազատությունից զրկման այլ վայրեր կրում են շարունակական բնույթ:
19:59 - 18 հուլիսի, 2023
Վարուժան Ավետիսյանի որդու ձերբակալումը դատարանը համարել է ապօրինի

Վարուժան Ավետիսյանի որդու ձերբակալումը դատարանը համարել է ապօրինի

Դատարանը Վարուժան Ավետիսյանի որդու՝ Դավիթ Ավետիսյանի, ձերբակալումը համարել է ապօրինի: Այս մասին տեղեկանում ենք «Ազգային Ժողովրդավարական Բևեռ» կուսակցության ֆեյսբուքյան էջից։ Փաստաբան Արայիկ Պապիկյանի տեղեկացմամբ՝ Երևան քաղաքի Առաջին ատյանի դատարանի դատավոր Ա. Հովհաննիսյանը Վարուժան Ավետիսյանի որդու՝ Դավիթ Ավետիսյանի 72 ժամյա ձերբակալումը ճանաչել է անօրինական: Դատարանը գտնում է, որ քննիչի կայացրած որոշումը, համաձայն որի Դավիթ Ավետիսյանը ձերբակալվել է, չի համապատասխանել օրենքին, Դավիթի իրավունքներն ու ազատությունները սահմանափակվել են ապօրինակաբար: Հիշեցնենք, հուլիսի 2-ի կեսօրին Դավիթ Ավետիսյանը «Անգլիական» այգու մոտ հանդիպել էր Նիկոլ Փաշինյանին և վերջինիս ասել, որ պատասխան է տալու մեր նահատակված հերոսների համար, որից հետո Դավիթին բռնությամբ բերման էին ենթարկել ոստիկանության Կենտրոնի բաժին, ապա քննիչը ձերբակալման որոշում էր կայացրել, ինչն էլ փաստաբանը բողոքարկել էր: Նշենք, որ Դավիթ Վարուժանի Ավետիսյանին մեղադրանք է առաջադրվել, նրա նկատմամբ կիրառվել է փախանման միջոց (ստորագրություն երկրից չհեռանալու մասին):
09:15 - 12 հուլիսի, 2023
«Քիչ առաջ ստացանք դատախազի կայացրած որոշումը Դավիթի նկատմամբ հանրային քրեական հետապնդում իրականացնելու մասին»․ Արայիկ Պապիկյան
 |aravot.am|

«Քիչ առաջ ստացանք դատախազի կայացրած որոշումը Դավիթի նկատմամբ հանրային քրեական հետապնդում իրականացնելու մասին»․ Արայիկ Պապիկյան |aravot.am|

aravot.am: «Մենք քիչ առաջ ստացանք դատախազի կայացրած որոշումը Դավիթի նկատմամբ հանրային քրեական հետապնդում իրականացնելու մասին»,- ձերբակալվածների պահման վայրից ԱԺԲ խորհրդի անդամ Վարուժան Ավետիսյանի որդու՝ Դավիթ Ավետիսյանի ազատ արձակվելուց հետո տեղեկացրեց Դավիթ Ավետիսյանի փաստաբան Արայիկ Պապիկյանը։ Արայիկ Պապիկյանը տեղեկացրեց՝ Դավիթն արդեն մեղադրյալ է․ «Նա մեղադրվում է խուլիգանություն կատարելու մեջ՝ քրեական օրենսգրքի 297-րդ հոդվածի 1-ին մասով։ Դավիթի նկատմամբ ընտրվեց նաև չբացակայելու մասին խափանման միջոց։ Եվ միաժամանակ նաև որոշում կայացվեց ձերբակալումից ազատելու մասին»։ Արայիկ Պապիկյանի համար սա սպասելի էր․ «Արտառոց բան չկար։ Դավիթի հնչեցրած արտահայտությունների մասին մենք երեք դատավարական փաստաթուղթ ենք ստացել՝ ձերբակալման մասին որոշում, քրեական հետապնդման մասին որոշում և խափանման միջոց ընտրելու մասին որոշում։ Այդ երեք փաստաթղթերի մեջ Դավիթին վերագրվող արտահայտություններն ու խոսքերը, որոնք ուղղված են Նիկոլ Փաշինյանին, յուրաքանչյուր տեղ տարբեր կերպ է գրված։ Այնպիսի զգացողություն է, որ այդ միակ անձը՝ ոստիկանության օպերլիազորը, որը վկայել է Դավիթի դեմ, անընդհատ տարբեր բան է ասել, հավանաբար չեն կողմնորոշվում՝ ինչ ձևակերպում գրել, որը կարող է բնորոշ լինել հայհոյանքին, առնվազն երեքի մեջ էլ տարբեր բաների մասին է խոսքը։ Դավիթը մեղադրվում է խուլիգանություն կատարելու մեջ, երբ մոտեցել է Փաշինյանին և այդ բառերը ասել, դա գնահատում են՝ որպես հայհոյանք»։ Հարցին՝ ի՞նչ պետք է լինի հետագա ընթացքը, փաստաբանը պատասխանեց․ «Հավանաբար կարճ ժամանակ հետո նախնական քննությունը կավարտվի, քանի որ, ըստ էության, այստեղ քննելու ոչինչ չկա։ Կա ոստիկանի մեկ ցուցմունք, կան այլ փաստաթղթեր, որոնցից մենք տեղեկություն չունենք։ Գործը կուղարկվի դատարան, որը պիտի կայացնի վճիռ Դավիթի կողմից խուլիգանություն կատարելու կամ չկատարելու մասին։ Եթե դատարանը ևս կմտածի, որ դավաճան կամ վիժվածք բառերը հայհոյանքներ են և, օրինակ, դրանք, որոնք ասվել են Նիկոլ Փաշինյանին, ուղղված են եղել հանրությանը, այսինքն՝ եթե կգտնեն, որ այդ պահին Նիկոլ Փաշինյանը հանրություն է եղել, ապա Դավիթին կարող են մեղադրել նաև Տիտանիկի խորտակման մեջ։ Եթե դատարանը նման կարծիք չի ունենա, Դավիթը պետք է արդարացվի օբյեկտիվորեն»։
13:49 - 05 հուլիսի, 2023
ԱԺԲ-ն հանրահավաք, ապա երթ իրականացրեց՝ Վարուժան Ավետիսյանի խնդրի լուծման պահանջով

ԱԺԲ-ն հանրահավաք, ապա երթ իրականացրեց՝ Վարուժան Ավետիսյանի խնդրի լուծման պահանջով

«Ազգային-ժողովրդավարական բևեռն» այսօր՝ նոյեմբերի 26-ին, հերթական հանրահավաքը, ապա երթ իրականացրեց՝ Վարուժան Ավետիսյանի խնդրի լուծման պահանջով։Կազմակերպիչների խոսքով՝ այսօրվա հանրահավաքը նվիրված է աշխարհաքաղաքական զարգացումներին ևս, սակայն հիմնական ասելիքը վերաբերելու է Վարուժան Ավետիսյանին, նրա առողջական վիճակին, նրան անհապաղ քաղաքացիական հիվանդանոց տեղափոխելուն։  Անդրադարձավ նոյեմբերի 23-ին Երևանում կայացած ՀԱՊԿ Հավաքական անվտանգության խորհրդի նիստին՝ ԱԺԲ խորհրդի անդամ Վահե Գասպարյանն ասաց, որ դրա արդյունքներով Հայայաստանը ոչինչ չստացավ, քանի որ ակնկալում էր հստակ գնահատական գոնե քաղաքական, եթե ոչ ռազմական աջակցության տեսքով․ «Փոխարենը ՀԱՊԿ-ը ստացավ այն, որ ՀՀ-ն մնաց ՀԱՊԿ կազմում և որպես ՀԱՊԿ անդամ՝ հնարավորություն չի ունենա օգտվել Արևմուտքի բազմաթիվ առաջարկներից», - ասաց նա՝ նշելով, որ հիմա քաղաքական շատ գործիչներ՝ այդ թվում ռուսական և ամերիկայն, «հիացած գրառումներ են անում», թե Փաշինյանը չստորագրեց «ՀԱՊԿ Հավաքական անվտանգության խորհրդի հռչակագրի և Հայաստանի Հանրապետությանը օժանդակություն ցուցաբերելու համատեղ միջոցառումների մասին» նախագիծը, Գասպարյաննի խոսքով՝ Հայաստանն այս քայլով էլ ոչինչ չստացավ։  «Երբ հանրային պահանջ է առաջանում Հայաստանում, Կրեմլը միշտ ինչ-որ խաղ է գտնում Փաշինյանի հետ, որ չեզոքացնի այն։ Պատերազմից հետո առաջացել էր Փաշինյանի հեռացման հանրային պահանջ, որը չեզոքավեց Քոչարյանի, նիախկինների միջոցով, Նիկոլը գնա նախկինները հետ կգան և այլն։ Հիմա ՀԱՊԿ-ից դուրս գալու հանրային պահանջը վարպետորեն չեզոքացնում են այս էժան Նիկոլ-Պուտին-Լուկաշենկո խաղերով», - հանրահավաքի իր ելույթում նշեց ԱԺԲ խորհրդի անդամը։ ԱԺԲ համակիր Աննա Հարությունյանը անդրադարձավ Վարուժան Ավետիսյանին քաղաքացիական հիվանդանոց տեղափոխելու խնդրին․ «Հուսով եմ՝ ամբողջ ազգն է գիտակցում, որ կշեռքի նժարին դրված է մարդու լինել-չլինելու հարցը։ Բավակա՛ն է, համախմբվենք մեկ մտքի շուրջ, հասկացե՛ք՝ մարդու իրավունքներ են խախտվում։ Ռեժի՛մ, զգուշացի՛ր և վախեցի՛ր ազգային գաղափարը կրող երիտասարդներից»։ Ելույթներից հետո հանրահավաքի մասնակիցները երթ իրականացրին․ այսօրվա երթը Վարուժան Ավետիսյանի խնդրի լուծման պահանջով էր։ Գլխավոր լուսանկարը՝ «Ազգային-ժողովրդավարական բևեռ»-ի ֆեյսբուքյան էջից
20:23 - 26 նոյեմբերի, 2022
Վարուժան Ավետիսյանը հետազոտվել է «Էրեբունի» ԲԿ-ում. ստացիոնար բուժման կարիք չի արձանագրվել

Վարուժան Ավետիսյանը հետազոտվել է «Էրեբունի» ԲԿ-ում. ստացիոնար բուժման կարիք չի արձանագրվել

ՀՀ արդարադատության նախարարությունը հայտնում է, որ  Վարուժան Ավետիսյանը 12.11.22թ և 13.11.22թ.  ենթարկվել էր զննության՝ «Քրեակատարողական բժշկության կենտրոն» ՊՈԱԿ-ի «Նուբարաշեն» ստորաբաժանման բժշկական անձնակազմի կողմից, իսկ 18.11.22թ-ին՝ մի շարք լրահետազոտությունների ամբուլատոր պայմաններում, որոնց արդյունքներով ախտաբանական փոփոխություններ չեն արձանագրվել։ Ելնելով ազատազրկված անձի գանգատներից՝ «Քրեակատարողական բժշկության կենտրոն» ՊՈԱԿ կողմից ցուցվել էին կատարել պլանային հետազոտություններ և խորհրդատվություններ ստացիոնար պայմաններում։ ՊՈԱԿ կողմից տրամադրված՝ պետության կողմից անվճար սպասարկման ուղեգրով, ստացիոնար պայմաններում վերոնշյալը իրականացնելու նպատակով, Վարուժան Ավետիսյանը 24.11.2022 թվականին տեղափոխվել է իր իսկ կողմից նախընտրած «Էրեբունի» բժշկական կենտրոն։ Ինչպես հայտնում են ՀՀ արդարադատության նախարարությունից, «Էրեբունի» բժշկական կենտրոնում կատարված հետազոտությունների և խորհրդատվությունների արդյունքում բժիշկ-մասնագետների կողմից բուժման և մասնավորապես ստացիոնար բուժման կարիք չի արձանագրվել։ Նույն օրը Վարուժան Ավետիսյանին դուրս են գրել «Էրեբունի» բժշկական կենտրոնից և տեղափոխել ՀՀ ԱՆ «Նուբարաշեն» քրեակատարողական հիմնարկ։ Ներկա պահին Վարուժան Ավետիսյանի առողջական վիճակը բավարար է:
16:40 - 26 նոյեմբերի, 2022
ԱԺԲ-ն ՄԻՊ գրասենյակի մոտ բողոքի ցույց իրականացրեց՝ Վարուժան Ավետիսյանին հիվանդանոց տեղափոխելու պահանջով

ԱԺԲ-ն ՄԻՊ գրասենյակի մոտ բողոքի ցույց իրականացրեց՝ Վարուժան Ավետիսյանին հիվանդանոց տեղափոխելու պահանջով

«Ազգային-ժողովրդավարական բեւեռ»-ն այսօր ՄԻՊ գրասենյակի մոտ բողոքի ցույց իրականացրեց՝ Վարուժան Ավետիսյանին հիվանդանոց տեղափոխելու պահանջով։ Բողոքի ցույցի մասնակիցների հետ հանդիպմանը ՄԻՊ գրասենյակից հայտնեցին, որ ամենօրյա ռեժիմով հետեւում են Ավետիսյանի առողջությանը, այսօր եւս տեղեկություն ունեն, որ նա առողջական նույն վիճակում է․ փոփոխություն համարյա չկա։  «Հայտնեցին, որ Վարուժան Ավետիսյանի ցանկությամբ պլանային կարգով պատրաստ են տեղափոխել, որ բժշկական հետազոտություններ անցի, նա կարող է ընտրել իր բժշկին, որը կայցելի քրեակատարողական հիմնարկ եւ կանի համապատասխան պրոցեդուրաները», - նշեց ակցիայի մասնակիցների մեկը։ Մասնակցի խոսքով՝ ՄԻՊ գրասենյակում իրենց պահանջները որոշ չափով են բավարարվել, իսկ Հյուսիսային պողոտայում իրենց նստացույցը շարունակելու են, մինչեւ չհասնեն իրենց նպատակին։ Հիշեցնենք, որ նոյեմբերի 12-ին լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Արդարադատության նախարարությունից հայտնել են, որ նոյեմբերի 12-ին և 13-ին Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Իսկ ՄԻՊ ներկայացուցիչները այցելել են Ավետիսյանին։ Վերջինս նրանց ասել է, որ  իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում։ Վարուժան Ավետիսյանի պաշտպան Արայիկ Պապիկյանը հայտնել էր, որ տեսակցել է Ավետիսյանին։ Նա պնդել էր, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ «Ինքնիշխան Հայաստան» կուսակցության ղեկավար Դավիթ Սանասարյանը իր հերթին հայտարարել էր, որ անազատության մեջ գտնվող Վարուժան Ավետիսյանի կյանքին վտանգ է սպառնում. «Միջնորդում եմ, որպեսզի Վարուժանին տեղափոխեն քաղաքացիական հոսպիտալ, որտեղ և պատշաճ հետազոտություն կանցնի»,- նշված էր Սանասարյանի գրառման մեջ։ Հայաստանի Եվրոպական կուսակցությունը ևս միացել էր Վարուժան Ավետիսյանին պատշաճ բժշկական օգնություն ապահովելու կոչին։  Արդարադատության նախարարությունը նոյեմբերի 18-ին ևս մեկ հաղորդագրություն տարածեց, որով հայտնեց, թե Վարուժան Ավետիսյանը կրկին ենթարկվել է զննության. արձանագրված հեմոդինամիկ տվյալները եղել են նորմայի սահմանում։  «Ազգային-ժողովրդավարական բեւեռ»-ն արդեն մի քանի անգամ է, ինչ անցկացնում է բողոքի ակցիա՝  Վարուժան Ավետիսյանին քաղաքացիական հիվանդանոց տեղափոխելու պահանջով։ Լուսանկարը՝ «Ազգային-ժողովրդավարական բեւեռ»-ի ֆեյսբուքյան էջից
16:45 - 22 նոյեմբերի, 2022
Հայաստանի Եվրոպական կուսակցությունը միանում  է Վարուժան Ավետիսյանին պատշաճ բժշկական օգնություն ապահովելու կոչին

Հայաստանի Եվրոպական կուսակցությունը միանում է Վարուժան Ավետիսյանին պատշաճ բժշկական օգնություն ապահովելու կոչին

Հայաստանի Եվրոպական կուսակցությունը հայտարարություն է տարածել. «Հայաստանի Եվրոպական կուսակցությունն իր ձայնն է միացնում իշխանությանը հասցեագրված հանրության բազմաթիվ ներկայացուցիչների կոչին՝ մարդասիական վերաբերմունք հանդես բերել «Սասնա ծռեր» խմբակցության անդամ Վարուժան Ավետիսյանի նկատմամբ եւ ապահովել նրան պատշաճ բժշկական օգնություն։ ՀԵՎԿ֊ը անցյալում էլ էր դիմում նման խնդրանքներով, եւ անցյալ տարվա ապրիլին մեր հորդորին ի պատասխան բուժօգնություն ցուցաբերվեց «Սասնա ծռեր» խմբակցության մեկ այլ անդամին` Արմեն Բիլյանին, ով հացադուլի 21-րդ օրը տեղափոխվեց հիվանդանոց եւ երկու վիրահատություն տարավ։ Գթասրտությունը, արդարությունը, ինչպես նաեւ արդարադատությունը չի լինում հատվածային եւ ընտրովի, հակառակ դեպքում այն վերածվում է կեղծավորության եւ ուրացումի։ Առանց արդարության եւ արդարադատության անհնար է Հայոց պետականության կայացումը»։
18:02 - 21 նոյեմբերի, 2022
ԱԺԲ անդամները նստացույց և ստորագրահավաք են իրականացնում Հյուսիսային պողոտայում

ԱԺԲ անդամները նստացույց և ստորագրահավաք են իրականացնում Հյուսիսային պողոտայում

Այս պահին Ազգային-ժողովրդավարական բևեռի անդամները նստացույց և ստորագրահավաք են իրականացնում Հյուսիսային պողոտայում՝ Վարուժան Ավետիսյանին քաղաքացիական հիվանդանոց տեղափոխելու պահանջով։ Երեկ էլ ԱԺԲ անդամները նույն պահանջով նստացույց էին իրականացրել Արդարադատության նախարարության շենքի աջև։ Վարուժան Ավետիսյանի պաշտպան Արայիկ Պապիկյանը հայտնել է, որ տեսակցել է Ավետիսյանին։ Նրա խոսքով՝ թեև Ավետիսյանը հատուկ գանգատներ չի ներկայացնում, բայց հաշվի առնելով նրա առողջական վիճակը և այն տենդենցները, որ վերջին օրերին եղել են, կարող է ստեղծվել այն իրավիճակը, որ նա ունեցել է 2021թ․-ին։ Նա կարծիք է հայտնել, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ Հիշեցնենք, որ նոյեմբերի 12-ին լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Վարուժան Ավետիսյանի պաշտպան Արայիկ Պապիկյանը հայտնել էր, որ տեսակցել է Ավետիսյանին։ Նա պնդել էր, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ «Ինքնիշխան Հայաստան» կուսակցության ղեկավար Դավիթ Սանասարյանը իր հերթին հայտարարել էր, որ անազատության մեջ գտնվող Վարուժան Ավետիսյանի կյանքին վտանգ է սպառնում. «Միջնորդում եմ, որպեսզի Վարուժանին տեղափոխեն քաղաքացիական հոսպիտալ, որտեղ և պատշաճ հետազոտություն կանցնի»,- նշված էր Սանասարյանի գրառման մեջ։  Արդարադատության նախարարությունը նոյեմբերի 18-ին ևս մեկ հաղորդագրություն տարածեց, որով հայտնեց, թե Վարուժան Ավետիսյանը կրկին ենթարկվել է զննության. արձանագրված հեմոդինամիկ տվյալները եղել են նորմայի սահմանում։ 
15:59 - 19 նոյեմբերի, 2022
Վարուժան Ավետիսյանը կրկին ենթարկվել է զննության. նրա առողջական վիճակը բավարար է

Վարուժան Ավետիսյանը կրկին ենթարկվել է զննության. նրա առողջական վիճակը բավարար է

Վարուժան Ավետիսյանը կրկին ենթարկվել է զննության. արձանագրված հեմոդինամիկ տվյալները եղել են նորմայի սահմանում։ Այս մասին հայտնում են արդարադատության նախարարությունից։    «Վարուժան Ավետիսյանը մշտապես գտնվում է «Քրեակատարողական բժշկության կենտրոն» ՊՈԱԿ-ի «Նուբարաշեն» բժշկական անձնակազմի հսկողության տակ:   Այսօր՝ նոյեմբերի 18-ին, քրեակատարողական հիմնարկում կատարված ընդունելության ժամանակ Վ.Ավետիսյանը ներկայացրել է, որ երեկ երեկոյան է ունեցել գանգատ ինքնազգացողության հետ կապված, որն այս պահին անցել է և ըստ դատապարտյալի` ներկա պահին որևէ դեղորայքի կարիք չունի: Դատապարտյալը ներկայացրել է նաև որոշակի գանգատներ առողջական վիճակի հետ կապված, որոնք վերջինիս խոսքերով կրում են մշտական բնույթ:   Նախորդ ընդունելության ժամանակ վերոնշյալ գանգատները չներկայացնելու վերաբերյալ դատապարտյալը պարզաբանել է, որ գանգատի բնույթից ելնելով՝ կարևորություն չի տվել։    Զննության արդյունքում արձանագրված հեմոդինամիկ տվյալները եղել են նորմայի սահմանում։   Վ.Ավետիսյանը ենթարկվել է մի շարք հետազոտությունների: Վերջիններիս արդյունքներից ելնելով՝ ըստ անհրաժեշտության կորոշվի բուժման հետագա ընթացքը։ Ներկա պահին Վ. Ավետիսյանի առողջական վիճակը բավարար է»,- ասված է հաղորդագրության մեջ։     Հիշեցնենք, որ նոյեմբերի 12-ին լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Արդարադատության նախարարությունից հայտնել են, որ նոյեմբերի 12-ին և 13-ին Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Իսկ ՄԻՊ ներկայացուցիչները այցելել են Ավետիսյանին։ Վերջինս նրանց ասել է, որ  իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում։ Վարուժան Ավետիսյանի պաշտպան Արայիկ Պապիկյանը հայտնել էր, որ տեսակցել է Ավետիսյանին։ Նա պնդել էր, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ «Ինքնիշխան Հայաստան» կուսակցության ղեկավար Դավիթ Սանասարյանը իր հերթին հայտարարել էր, որ անազատության մեջ գտնվող Վարուժան Ավետիսյանի կյանքին վտանգ է սպառնում. «Միջնորդում եմ, որպեսզի Վարուժանին տեղափոխեն քաղաքացիական հոսպիտալ, որտեղ և պատշաճ հետազոտություն կանցնի»,- նշված էր Սանասարյանի գրառման մեջ։
16:27 - 18 նոյեմբերի, 2022
Նստացույց՝ Վարուժան Ավետիսյանին քաղաքացիական հիվանդանոց տեղափոխելու պահանջով

Նստացույց՝ Վարուժան Ավետիսյանին քաղաքացիական հիվանդանոց տեղափոխելու պահանջով

Արդարադատության նախարարության դիմաց նստացույց է՝ Վարուժան Ավետիսյանին քաղաքացիական հիվանդանոց տեղափոխելու պահանջով։ Ըստ «Ազգային - Ժողովրդավարական Բևեռ»-ի հաղորդագրության՝ ՀՀ ոստիկանությունը մեծաթիվ ուժեր է կենտրոնացրել արդարադատության նախարարության շենքի մոտ և խոչընդոտում է Բևեռի երիտասարդական թևի նստացույցի ընթացքը։  Հիշեցնենք, որ նոյեմբերի 12-ին լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Արդարադատության նախարարությունից հայտնել են, որ նոյեմբերի 12-ին և 13-ին Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Իսկ ՄԻՊ ներկայացուցիչները այցելել են Ավետիսյանին։ Վերջինս նրանց ասել է, որ  իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում։ Վարուժան Ավետիսյանի պաշտպան Արայիկ Պապիկյանը հայտնել էր, որ տեսակցել է Ավետիսյանին։ Նա պնդել էր, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ «Ինքնիշխան Հայաստան» կուսակցության ղեկավար Դավիթ Սանասարյանը իր հերթին հայտարարել էր, որ անազատության մեջ գտնվող Վարուժան Ավետիսյանի կյանքին վտանգ է սպառնում. «Միջնորդում եմ, որպեսզի Վարուժանին տեղափոխեն քաղաքացիական հոսպիտալ, որտեղ և պատշաճ հետազոտություն կանցնի»,- նշված էր Սանասարյանի գրառման մեջ։ Լուսանկարները՝ «Ազգային - Ժողովրդավարական Բևեռ»-ի ֆեյսբուքյան էջից
12:10 - 18 նոյեմբերի, 2022
Վարուժան Ավետիսյանի կյանքին վտանգ է սպառնում․ միջնորդում եմ, որպեսզի նրան տեղափոխեն քաղաքացիական հոսպիտալ․ Դավիթ Սանասարյան

Վարուժան Ավետիսյանի կյանքին վտանգ է սպառնում․ միջնորդում եմ, որպեսզի նրան տեղափոխեն քաղաքացիական հոսպիտալ․ Դավիթ Սանասարյան

«Ինքնիշխան Հայաստան» կուսակցության ղեկավար Դավիթ Սանասարյանը ֆեյսուբքյան իր էջում գրառում է կատարել՝ նշելով, որ անազատության մեջ գտնվող Վարուժան Ավետիսյանի կյանքին վտանգ է սպառնում.   «Վարուժան Պարսամի Ավետիսյանի կյանքին վտանգ է սպառնում. ունենալով առողջական լուրջ խնդիրներ, գտնվում է անազատության մեջ։   Միջնորդում եմ, որպեսզի Վարուժանին տեղափոխեն քաղաքացիական հոսպիտալ, որտեղ և պատշաճ հետազոտություն կանցնի։   ԱԺԲ-ն եթե ունի երաշխավորողների դիմում, ապա պատրաստ եմ ստորագրել։ Առողջություն Վարուժանին»,- նշված է գրառման մեջ։   Հիշեցնենք, որ նոյեմբերի 12-ին լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Արդարադատության նախարարությունից հայտնել են, որ նոյեմբերի 12-ին և 13-ին Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Իսկ ՄԻՊ ներկայացուցիչները այցելել են Ավետիսյանին։ Վերջինս նրանց ասել է, որ  իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում։ Վարուժան Ավետիսյանի պաշտպան Արայիկ Պապիկյանը հայտնել էր, որ տեսակցել է Ավետիսյանին։ Նա պնդել էր, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։
14:33 - 17 նոյեմբերի, 2022
Վարուժան Ավետիսյանի պաշտպանը պնդում է, որ Ավետիսյանի՝ բժիշկների հսկողության ներքո գտնվելը կարևոր է

Վարուժան Ավետիսյանի պաշտպանը պնդում է, որ Ավետիսյանի՝ բժիշկների հսկողության ներքո գտնվելը կարևոր է

Վարուժան Ավետիսյանի պաշտպան Արայիկ Պապիկյանը հայտնել է, որ տեսակցել է Ավետիսյանին։ Նրա խոսքով՝ թեև Ավետիսյանը հատուկ գանգատներ չի ներկայացնում, բայց հաշվի առնելով նրա առողջական վիճակը և այն տենդենցները, որ վերջին օրերին եղել են, կարող են հանգեցնել այն վիճակին, որ նա ունեցել է 2021թ․-ին։ Նա կարծիք է հայտնել, որ քաղաքացիական հիվանդանոցում բժիշկների հսկողության տակ գտնվելը չափազանց կարևոր է։ Հիշեցնենք, որ երեկ լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Արդարադատության նախարարությունից հայտնել են, որ նոյեմբերի 12-ին և 13-ին Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Իսկ ՄԻՊ ներկայացուցիչները այցելել են Ավետիսյանին։ Վերջինս նրանց ասել է, որ  իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում։
11:49 - 14 նոյեմբերի, 2022
ՄԻՊ-ը և Արդարադատության նախարարությունն անդրադարձել են ազատազրկված Վարուժան Ավետիսյանի առողջական վիճակի վատթարացման մասին տեղեկություններին

ՄԻՊ-ը և Արդարադատության նախարարությունն անդրադարձել են ազատազրկված Վարուժան Ավետիսյանի առողջական վիճակի վատթարացման մասին տեղեկություններին

Ի պատասխան տարբեր հրապարակումներով հնչեցվող մտահոգությունների՝ Մարդու իրավունքների պաշտպանի աշխատակազմը տեղեկացնում է, որ Պաշտպանի հանձնարարությամբ իր ներկայացուցիչները դեռևս այս տարվա նոյեմբերի 10-ին այցելել են «Նուբարաշեն» ՔԿՀ-ում պատիժը կրող դատապարտյալ Վարուժան Ավետիսյանին։ Այս մասին հայտնում են ՀՀ ՄԻՊ աշխատակազմից։ Նշենք, որ նոյեմբերի 12-ին լրատվամիջոցներով տեղեկություն է տարածվել, ըստ որի՝ Վարուժան Ավետիսյանի առողջական վիճակը վերջին օրերին վատացել է: «Վ․ Ավետիսյանը Պաշտպանի ներկայացուցիչներին ներկայացրել է առողջական վիճակի վերաբերյալ տեղեկություններ, նշել նաև, որ բուժման համար անհրաժեշտ հետազոտությունները հնարավոր է իրականացնել արտերկրում՝ Գերմանիայում։ Վ. Ավետիսյանը հայտնել է, որ նախկինում՝ 2014 թվականին և 2021 թվականի հունվար և ապրիլ ամիսներին, հիվանդության հետ կապված ունեցել է կրիզներ, որից հետո տևական ժամանակ վերականգնվել է: Ըստ Վ. Ավետիսյանի՝ իր մոտ առկա հիվանդությունը Հայաստանում ախտորոշել հնարավոր չի եղել: Իր հետազոտությունների արդյունքները նորմայի սահմաններում են, սակայն ինքն իրեն վատ է զգում (առողջական վիճակի վերաբերյալ առավել մանրամասն տեղեկատվությունը չի ներկայացվում բժշկական գաղտնիք պարունակելու և դրանք հրապարակելու վերաբերյալ Վ. Ավետիսյանի համաձայնության բացակայության պատճառով)։ Վ. Ավետիսյանը Պաշտպանի ներկայացուցիչներին տեղեկացրել է նաև, որ իր ախտորոշումների համապատասխանությունը ՀՀ կառավարության 2006 թվականի մայիսի 6-ի N 825-Ն որոշմամբ սահմանված պատժի կրելուն խոչընդոտող հիվանդությունների կողմնորոշիչ ցանկի հետ որոշելու հարցի հետ կապված ներկայացված դիմումը գտնվում է միջգերատեսչական հանձնաժողովի քննարկման տիրույթում։ Միևնույն ժամանակ, այցի պահին Վ. Ավետիսյանը Պաշտպանի ներկայացուցիչներին չի ներկայացրել որևէ գանգատ կամ բողոք, այդ թվում՝ առողջական վիճակի, ՔԿՀ-ում ոչ պատշաճ բժշկական սպասարկման կամ այլ հարցերի վերաբերյալ։ Վ. Ավետիսյանը հավելել է, որ ներկայում Պաշտպանի աշխատակազմի միջամտության և աջակցության անհրաժեշտությունը չկա, և խնդրել է նաև իր առողջական վիճակի համար անհանգստացող անձանց իր անունից փոխանցել, որ իր մոտ ամեն ինչ կարգին է: Պաշտպանի ներկայացուցիչները Վ. Ավետիսյանին առաջարկել են խնդիրներ առաջանալու դեպքում դիմել Պաշտպանին: Այդուհանդերձ, Պաշտպանի աշխատակազմի ներկայացուցիչները այս օրերին մշտական կապի մեջ են ՔԿՀ աշխատակազմի և «Քրեակատարողական բժշկության կենտրոն» ՊՈԱԿ-ի Նուբարաշեն ստորաբաժանման բժշկական անձնակազմի ներկայացուցիչների հետ և ամենօրյա պարբերականությամբ քննարկել են Վ. Ավետիսյանի առողջական վիճակին առնչվող հարցերը։ Նույն տրամաբանությամբ, այսօր և երեկ ևս ՄԻՊ ներկայացուցիչները կապ են հաստատել «Քրեակատարողական բժշկության կենտրոն» ՊՈԱԿ-ի Նուբարաշեն ստորաբաժանման բժշկական անձնակազմի ներկայացուցիչների հետ Վ. Ավետիսյանի առոջական վիճակի վերաբերյալ, վերջիններս հայտնել են, որ իրականացվել է ընդունելություն, առողջական վիճակի հետ կապված գանգատներ չի ներկայացրել, հեմոդինամիկ տվյալները եղել են նորմայի սահմաններում: Մարդու իրավունքների պաշտպանը հաջորդիվ ևս իր ուշադրության կենտրոնում է պահելու Վարուժան Ավետիսյանի առողջական վիճակին, պատշաճ բուժօգնության տրամադրմանը և այլ իրավունքների իրացման հարցերը»,- նշված է ՄԻՊ հաղորդագրության մեջ։ ՀՀ արդարադատության նախարարություն ևս հաղորդագրություն է տարածել՝ տարածված տեղեկության վերաբերյալ վերաբերյալ․ «Երեկ և այսօր՝ 13.11.2022թ.-ին Վարուժան Ավետիսյանը ենթարկվել է բուժզննության. ազատազրկված անձի առողջական վիճակը գնահատվել է լավ, գանգատներ չի ներկայացրել։ Երեկ լրատվամիջոցներով տարածվել էր տեղեկություն այն մասին, որ Վարուժան Ավետիսյանի առողջական վիճակը վերջին օրերին վատացել է: Նույն օրը՝ 12.11.22թ-ի երեկոյան համայցի ժամանակ, հերթապահ բուժքրոջ կողմից կատարվել է Վարուժան Ավետիսյանի ընդունելություն, որի ժամանակ ազատազրկված անձը որևէ գանգատ չի ներկայացրել, օբյեկտիվ զննության արդյունքում հեմոդինամիկ տվյալները եղել են նորմայի սահմաններում. Զ/Ճ 130/85, պուլսը 82 զարկ/րոպե, սատուրացիան 96, ջերմաստիճանը 36,2։ 13.11.22թ-ին կատարվել է ընդունելություն ստորաբաժանման ղեկավարի ժամանակավոր պաշտոնակատարի կողմից, որի արդյունքում ազատազրկված անձի առողջական վիճակը գնահատվել է լավ, վերջինիս կողմից գանգատ չի ներկայացվել, օբյեկտիվ զննության տվյալները' նորմայի սահմաններում։ Վ. Ավետիսյանի կողմից նշվել է, որ վերջին անգամ առողջական վիճակի հետ կապված գանգատ ունեցել է 2021թ.-ի ապրիլ ամսին»։
15:19 - 13 նոյեմբերի, 2022
Ձերբակալվել են Վարուժան Ավետիսյանը և Սասնա Ծռերի այլ անդամներ

Ձերբակալվել են Վարուժան Ավետիսյանը և Սասնա Ծռերի այլ անդամներ

Սասնա Ծռեր համահայկական շարժման ֆեյսբուքյան էջից տեղեկանում ենք, որ ձերբակալվել է Ազգային-ժողովրդական բևեռի խորհրդի անդամ Վարուժան Ավետիսյանը։ «Ձերբակալվել են Սասնա Ծռեր ապստամբական խմբի այլ հայտնի անդամներ։ Ձերբակալությունների դավադիր օպերացիան ռեժիմն իրականացրել է սինխրոնացված՝ սկսած Երևանի ժամանակով առավոտյան ժամը 6-ից։ Հայաստանի Հանրապետությունը բռնազավթած թշնամական ռեժիմը Հայաստանի Հանրապետության հիմնադրումը որոշել է նշել Հայաստանի Հանրապետության նվիրյալ պաշտպաններին բանտեր ուղարկելով»,- նշված է գրառման մեջ։ Պավել Մանուկյանի փաստաբան Զարուհի Փոստանջյանը իր ֆեյսբուքյան էջում հայտնել է, որ «առավոտյան ժամը 06:30-ին տասը տղամարդ, որոնցից հինգը ոստիկանանի համազգեստով, ներխուժել են Պավել Մանուկյանի տուն և առևանգելով նրան՝ տարել են անհայտ ուղղությամբ»։ Նա ընդգծել է, որ դեպքը տեղի է ունեցել «առանց իրավական հիմքեր ներկայացնելու և առանց որևէ պարզաբանման», ու դիմել է ՀՀ ԱԱԾ տնօրենին, ՀՀ ոստիկանապետին ու Գլխավոր դատախազությանը՝ պահանջելով․ «Հրապարակել Որոշումը, եթե իհարկե գոյություն ունի [որոշում], համաձայն որի՝ իմ պաշտպանյալ Պավել Մանուկյանը զրկվել է անձնական ազատությունից։ Տրամադրել տեղեկություն Պավել Մանուկյանի գտնվելու վայրի վերաբերյալ։ Իսկ եթե դուք կապ չունենք Պավել Մանուկյանի առևանգման հետ, ապա հայտնեք՝ ինչ միջոցներ են ձեռնարկվում բացահայտելու ցեղասպան թուրքերի վայրագությունները Երևանում»։ Հավելենք, որ փաստաբան Մուշեղ Շուշանյանն էլ գրել է․ «Սա նշանակում է, որ ՍԾ-երի (Սասնա Ծռերի- խմբ․) նկատմամբ դատավճիռը մտել է ուժի մեջ, և տղաներին վերադարձնում են բանտ»։
11:02 - 28 մայիսի, 2022
Ի պատասխան Արմեն Բիլյանի և Ալեք Ենիգոմշյանի հայտարարությունների․ պետք է պատրաստ լինենք նաև այնպիսի հարվածների, որոնք կհասցվեն մեր շրջանակում եղած մարդկանց միջոցով

Ի պատասխան Արմեն Բիլյանի և Ալեք Ենիգոմշյանի հայտարարությունների․ պետք է պատրաստ լինենք նաև այնպիսի հարվածների, որոնք կհասցվեն մեր շրջանակում եղած մարդկանց միջոցով

«Սասնա Ծռեր» խմբավորման նախկին անդամ Արմեն Բիլյանը հանդես է եկել հայտարարությամբ, որով անհիմն ու անհեթեթ մեղադրանքներ ու պահանջներ է ներկայացրել Ժիրայր Սեֆիլյանին և «Սասնա Ծռեր» խմբավորման նախկին ղեկավար անդամներին։ Ցավով արձանագրում եմ, որ հարգարժան Ալեք Ենիգոմշյանն իր հայտարարությամբ միացել է Արմեն Բիլյանի հայտարարությանը։Մինչ հիշյալ հայտարարությունների վերաբերյալ իմ մոտեցումները ներկայացնելը, հարկ եմ համարում ընդգծել, որ դրանցում բերված փաստարկումները հիմնվում են ոչ թե փաստերի, այլ գաղափարական-քաղաքական մոտեցումների, հայացքների, ապա նաեւ` դրանցից ծնված անձնական վերաբերմունքի վրա։ Ալեք Ենիգոմշյանի մասով խոսքը հիմնականում վերաբերվում է տարածաշրջանում և Հայաստանի ապագայի առմամբ Ռուսաստանի դերի ու նրա հետ հարաբերությունների վերաբերյալ տարաձայնություններին։Ալեք Ենիգոմշյանն Ազգային-ժողովրդավարական բևեռի ստեղծումից առաջ և հետագայում նեղ շրջանակում մի քանի անգամ ասել է, որ Ռուսաստանի հետ կապված իր և մեր տեսակետները տարբեր են և ինքը համաձայն չէ մեզ հետ։ Նա սխալ է համարում, որ Հայաստանը պետք է պոկվի Ռուսաստանից և մոտենա Արևմուտքին։ Այդ էր պատճառը, որ նա չի մասնակցել Բևեռի գործունեությանը, այդ թվում՝ հանրահավաքներին ու երթերին։ Հիմա՝ մեզ ներկայացվող պահանջների ու մեղադրանքների վերաբերյալ իմ մոտեցումների մասին։ 1) Առհասարակ` ինձ համար սկզբունքորեն անընդունելի են հայտարարությունների համատեքստը և դրդապատճառները։ Դրանցով ըստ էության ասվում է, որ. ա) Հայաստանը զավթած չեկիստական համակարգը վերջնականապես ու անդառնալիորեն հաղթել է հայ ազգին, բ) «Սասնա Ծռերն» այդ համակարգի դեմ ապստամբած մարդիկ չեն, այլ հանցագործներ, գ) նրանք պետք է ընդունեն համակարգի խաղի կանոնները, նրա գործիք դատարանը և անհատապես՝ ամեն մեկն իր գլխի ճարը տեսնելու տրամաբանությամբ, ենթարկվեն համակարգի թելադրանքին։ Մինչդեռ մենք համոզված ենք, որ հայ ժողովրդի ազգային-ազատագրական պայքարի շնորհիվ և կարևոր արտաքին գործոնների ազդեցությամբ չեկիստական համակարգը տապալվելու է, Հայաստանում ճանաչվելու է ապստամբության իրավունքը և «Սասնա Ծռեր» խմբավորման նախկին անդամները անպարտ են ճանաչվելու և նրանց նկատմամբ քրեական հետապնդումը դադարեցվելու է։ Իսկ առայժմ Հայաստանը գաղութացված է, չունի դատարան եւ արդարադատություն, ուստի ներկայումս հնարավոր չէ բացահայտել ճշմարտությունը և հասնել արդարության։ Բացի այդ, ինչպես արդեն ասացի, մենք ապստամբել ենք, հանցանք չենք գործել։ Բռնապետական, առավել ևս՝ գաղութացված երկրներում, որպիսին նաև Հայաստանն է, բոլոր զոհերը լինում են համակարգի մեղքով։ Մեր ապստամբության ժամանակ ևս այդպես է եղել։ Մենք չենք կարող ընդունել գաղութային համակարգի կանոններն ու ենթարկվել նրա ողորմածությանը, ինչպես ըստ էության պահանջվում է մեզանից։ Մենք չենք կարող ուրանալ մեր ապստամբությունը։ Արդարադատություն կլինի միայն այն ժամանակ, երբ Հայաստանը կազատագրվի և կունենա դատարան։ Առայժմ ստիպված ենք առնչվել համակարգի դավադրություններին, որոնցով առանց խտրականության կիրառվում են բոլոր անբարո և ապօրինի մեթոդներն ու միջոցները։ Միևնույն ժամանակ, թեկուզ Հայաստանում չկա պետություն, դատարան և արդարադատություն, ես կամ մեր քաղաքական ուժի որևէ այլ ղեկավար անձ չի կարող և իրավունք չունի ստանձնել պետության ու դատարանի գործառույթներ և նրանց փոխարեն բացահայտել ճշմարտությունն ու որոշել պատասխանատվության ենթակա անձին։ Կարճ ասած` մերժում ենք այլընտրանքային հրապարակային «դատավարություն» կազմակերպելու կամ այլոց կազմակերպած նման «դատավարությանը» մասնակցելու բոլոր ակնկալիքները, եթե այդպիսիք կան։ 2) Հայտարարություններում ըստ էության նշվում է, որ Ժիրայր Սեֆիլյանը և «Սասնա Ծռեր» խմբավորման ղեկավարները գիտեն, թե ով է իրականում պատահաբար կրակել ոստիկան Գագիկ Մկրտչյանի վրա, սակայն ոչ միայն լռում են, այլև ենթադրյալ կրակողին չեն ստիպում, որ վեր կենա ու հայտարարի այդ մասին։ Նախ պետք է հիշեցնեմ, որ «Սասնա Ծռեր» խմբավորումը գոյություն չունի 2018-ի գարնանից, ինչի մասին եղել է պաշտոնական հայտարարություն։ Սակայն, եթե նույնիսկ խնբավորումը պահպանված լիներ, նրանցից որևէ մեկի նկատմամբ իր համոզմունքներին ու ցանկությանը դեմ գնալով լռելու կամ խոսելու ցուցում, հարկադրանք կամ այլ ներգործություն չէր կարող լինել։ Այսուհետև ևս չի լինելու։ Անձամբ ես ականատես չեմ դեպքին, բայց ականատես եմ, որ Արմեն Բիլյանն այլ վայրում է եղել և զենք չի ունեցել։ Այս ամենի մասին բազմիցս հայտարարել եմ ԶԼՄ-ներով և միայն ոստիկանների զոհվելու հանգամանքների վերաբերյալ ցուցմունք եմ տվել դատավարության ժամանակ, թեպետ չեմ ընդունել ու չեմ ընդունում չեկիստական համակարգի դատարանին։ Հակառակ սկզբունքիս ցուցմունք տվել եմ այն պարզ պատճառով, որպեսզի հասարակությունը զոհերի մասով իմանա ճշմարտությունը և հնարավորություն ստեղծվի Արմեն Բիլյանի խափանման միջոցը փոփոխելու համար։ Դրանից ավելին դուրս է իմ համոզմունքի տիրույթից։ 3) Հայտարարվում է, որ Ժիրայր Սեֆիլյանը և այլ ղեկավար անձինք գործարքի են գնացել իշխանության հետ, ինչի հետևանքով Արմեն Բիլյանն է փաստորեն մեղավոր նշանակվել։ Այս հայտարարությունը հիմնավորող որևէ ապացույց չի ներկայացվում և չի կարող ներկայացվել, քանի որ նման բան չի եղել։ Դա պարզապես անհնար է։ Միայն անհեթեթ ու անհիմն ենթադրություններ են, որոնց հնարավոր չէ պատասխանել։ 4) Ժիրայր Սեֆիլյանը և այլ ղեկավար անձինք նաև մեղադրվում են, որ անուշադրության են մատնել Արմեն Բիլյանին և նրա ընտանիքին, իսկ անձամբ Սեֆիլյանն իբր թե կոպիտ է խոսել Բիլյանի մոր հետ։ Այս հարցում բարոյական սահմանի խնդիր կա, ուստի ընդամենը կպատասխանեմ, որ բանտից դուրս գալուց հետո Ժիրայր Սեֆիլյանն այցելել է Բիլյանի մորը։ Բնականաբար, նրա հետ եղել է հարգալից, այլ կերպ պարզապես չէր կարող լինել։ Բարեբախտաբար, խոսակցությանը ներկա է եղել նաև 3-րդ անձ, ով անհրաժեշտության դեպքում կվկայի ասվածը։ Սակայն հետագայում Բիլյանի մայրը մեղմ ասած չի ցանկացել շփվել և հարաբերություններ պահպանել։ Այդուհանդերձ, նման իրավիճակում արվել է հնարավորը։ 5) Ժիրայր Սեֆիլյանին անհասկանալի մեղադրանք է ներկայացվում, որ Արմեն Բիլյանի համար չի ապահովել բարձրակարգ պաշտպանների ծառայություններ։ Մի կողմ թողնելով այն հանգամանքը, որ մեր գործը քաղաքական է և դրա վերաբերյալ դատական որոշումները կայացվում են ըստ քաղաքական որոշումների, հիշեցնում եմ, որ առաջին ատյանի դատարանում Բիլյանը սպանության մեղադրանքի մասով արդարացվել է։ Իսկ վերաքննիչում հակառակ որոշումը կայացվեց, որովհետեւ քաղաքական որոշում էր փոփոխվել։ Ամփոփելով, եզրակացնում եմ, որ․ 1) Դիտարկվող հայտարարություններով մեկնարկած քարոզչական հարձակման միջոցով «Սասնա Ծռեր» խմբավորման նախկին անդամներից առանձնացվում և որպես զոհ ընդգծվում է Արմեն Բիլյանը, որպեսզի հանրային ուշադրությունը շեղվի «Սասնա Ծռեր» խմբավորման մյուս նախկին անդամներից, մինչդեռ նրանցից Սմբատ Բարսեղյանը նույնպես 25 տարվա պատժաչափով գտնվում է բանտում, իսկ մնացածը ևս ծանր պատժաչափերով սպասում են իրենց բանտարկությանը։ Հատկապես այն իրավիճակում, երբ երեսուն տարի շարունակվող գաղութացմամբ ու կեղեքմամբ երկիրն աղետի հասցրածները և պատերազմում պարտության մեղավորները, որոնք մեղավոր են նաև հազարավոր զինծառայողների և տասնյակ ոստիկանների զոհվելու համար, փաստորեն անպատիժ են, համակարգի դեմ ապստամբածներից միայն Արմեն Բիլյանին զոհի կերպարանքով ներկայացնելու, իսկ մնացածին հեղինակազրկելու և պատժելու միտումը շատ ակնհայտ է դարձնում այս քարոզչական հարձակման աղբյուր չեկիստական համակարգին և նրա դրդապատճառները։ 2) Տեղի ունեցող քարոզչական հարձակման հիմնական դրդապատճառն այն է, որ Կրեմլին ենթակա գաղութային համակարգի դեմ պայքարում հիմնական ազգային ուժ Բևեռը թափ է առնում։ Այս հարձակումը մանրակրկիտ կերպով պլանավորվել է ամիսներ առաջ։ Բիլյանին երկրորդ անգամ շատ ավելի խիստ պատժաչափ տալն ու կալանավորելն այդ պլանն իրագործելու առաջին քայլն էր։ Դա հնարավորություն է տալիս օգտագործելու Բիլյանի վիճակը և ստեղծելու խղճի հանգամանքը չարաշահելու համար անհրաժեշտ հուզական-զգացմունքային մթնոլորտ։ 3) Թշնամի համակարգը ձեռքերը ծալած չի նստելու։ Որքան Բևեռն ուժ է հավաքում և ծավալվում, այնքան ավելի բարդ, ծրագրված ու հզոր հարվածներ ենք ստանալու։ Եվ, թեկուզ շատ ցավալի է, բայց պետք է պատրաստ լինենք նաև այնպիսի հարվածների, որոնք կհասցվեն մեր շրջանակում եղած մարդկանց միջոցով։ Համոզված ենք, որ որքան ծանր լինեն Բևեռին հասցվող հարվածները, Բևեռն այնքան ավելի է ամրանալու և հզորանալու։   Վարուժան ԱՎԵՏԻՍՅԱՆ «Սասնա Ծռեր» խմբավորման նախկին անդամ Ազգային-ժողովրդավարական բևեռի խորհրդի անդամ
11:18 - 23 հունվարի, 2022