Սմբատ Սաիյան

ՀՀ Աշխատանքի և սոցիալական հարցերի նախարարի գործող տեղակալ։ Ծնվել է 1975թ. սեպտեմբերի 25-ին։

Կրթությունը

1993 – 1998 ԵՊՀ, պատմության ֆակուլտետ

2002 – 2006 ԵՊՀ , իրավաբանական ֆակուլտետ (հեռակա, երկրորդ մասնագիտություն):

Աշխատանքային փորձը

2000-2002 թ. ՀՀ աշխատանքի և սոցիալական հարցերի նախարարություն, սոցիալական ապահովագրության վարչություն, 1-ին կարգի մասնագետ

2002 –2002 հունվարից ապրիլ ՀՀ աշխատանքի և սոցիալական հարցերի նախարարություն, սոցիալական ապահովագրության և կենսաթոշակային ապահովության վարչություն, սոցիալական ապահովագրության բաժին, բաժնի պետի պաշտոնակատար

2002 –2002 ապրիլից նոյեմբեր ՀՀ աշխատանքի և սոցիալական հարցերի նախարարություն, սոցիալական ապահովագրության և կենսաթոշակային ապահովության վարչություն, սոցիալական ապահովագրության բաժին, բաժնի պետ

2002–2004 ՀՀ աշխատանքի և սոցիալական հարցերի նախարարություն, սոցիալական ապահովագրության և կենսաթոշակային ապահովության վարչություն, սոցիալական ապահովագրության բաժին, առաջատար մասնագետ

2004 – 2006 ՀՀ աշխատանքի և սոցիալական հարցերի նախարարություն, սոցիալական ապահովագրության և կենսաթոշակային ապահովության վարչություն, սոցիալական ապահովագրության բաժին, բաժնի պետ

2006–2010 ՀՀ աշխատանքի և սոցիալական հարցերի նախարարություն, սոցիալական ապահովագրության և կենսաթոշակային ապահովության վարչություն, վարչության պետ

2010-2012 ՀՀ աշխատանքի և սոցիալական հարցերի նախարարություն, կենսաթոշակային ապահովության վարչություն, վարչության պետ

2012-2017 ՀՀ աշխատանքի և սոցիալական հարցերի նախարարություն, սոցիալական ապահովության պետական ծառայություն, ծառայության պետի առաջին տեղակալ

2017թ.-ից ՀՀ աշխատանքի և սոցիալական հարցերի նախարարություն, նախարարի տեղակալ։

Մեկնարկում են հիպոթեկային նոր ծրագրեր՝ ուղղված երեխա ունեցող ընտանիքներին |armenpress.am|

armenpress.am: Հայաստանում ժողովրդագրական իրավիճակի բարելավման հարցերը կառավարության ուշադրության կենտրոնում են: Մշակվել և փուլ առ փուլ կյանքի են կոչվում տարբեր ուղղություններով ծրագրեր, որոնք իրենց ազդեցությունը կթողնեն ժողովրդագրական իրավիճակի բարելավման վրա: Հրավիրված ասուլիսում ՀՀ աշխատանքի և սոցիալական հարցերի նախարարի տեղակալ Սմբատ Սաիյանը նշեց, որ դեռ 2017 թվականին ՄԱԿ-ի բնակչության հիմնադրամի պատվերով կատարված ուսումնասիրությամբ վերհանվել են անձի վերարտադրողական վարքագծի վրա ազդող հիմնական գործոնները: Ըստ ուսումնասիրությունների՝ առաջին տեղում աշխատանքն է, եկամտաստեղծ գործունեությամբ զբաղվելը, երկրորդ տեղում՝ բնակարանային ապահովության խնդիրները: ՀՀ վարչապետի ղեկավարությամբ գործում է ժողովրդագրական իրավիճակի բարելավման խորհուրդ: Այդ խորհրդի շրջանակում ծավալված քննարկումների արդյունքում մշակվել են մի քանի ուղղություններով ծրագրեր, որոնք արդեն կյանքի են կոչվում: «Առաջիինն այն է, ինչին ականատես ենք լինում: Հուլիսի 1-ից բարձրանում է առաջին և երկրորդ ծնված երեխայի միանվագ նպաստի չափը: Այսօր, համապատասխանաբար, 50 հազար և 150 հազար դրամի փոխարեն կսահմանվի 300 հազար դրամ»,- ասաց Սմբատ Սաիյանը: Հաջորդ ուղղությունը բնակարանային ապահովության աջակցության ծրագրերն են՝ ուղղված երեխա ունեցող ընտանիքներին: Այս տարվա հուլիսի 1-ից կմեկնարկեն նաև այս ուղղությամբ նախատեսված ծրագրերը: Առաջինը միանվագ դրամական աջակցությունն է՝ ուղղված մարզերում բնակարան ձեռք բերող անձանց: «Առաջին ծրագրի շրջանակում մարզային բնակավայրում հիպոթեկային վարկով բնակելի անշարժ գույք ձեռք բերող ընտանիքներին տրվում է միանվագ աջակցություն բնակարանի արժեքի հինգ տոկոսի չափով, բայց ոչ ավելի, քան մեկ միլիոն դրամը: Տրամադրվող աջակցության չափը կապված է ընտանիքում երեխաների առկայության հետ: Ծրագրից օգտվելու համար պարտադիր պայման է ընտանիքում երկու անչափահաս երեխայի առկայությունը»,- ասաց նախարարի տեղակալը: Երկրորդը կանխավճարի ապահովագրության ծրագիրն է: Երկրորդ ծրագրի շրջանակում պետությունը քաղաքացուն հատկացնում է որոշակի աջակցություն, որն ուղղվում է կանխավճարի ապահովագրությանը: Պետությունն, ըստ էության, ապահովագրում է շահառուի կանխավճար վճարելու պարտավորությունը: Երրորդ ծրագրի համաձայն՝ հիպոթեկային վարկ մարող ընտանիքում, եթե հուլիսի 1-ից երեխա է ծնվում, ապա պետությունը որոշակիորեն կմարի այդ հիպոթեկային վարկի մայր գումարի մի մասը: «Մասնավորապես, մարզային բնակավայրում, եթե դա լինի առաջին կամ երկրորդ երեխան, ապա աջակցությունը հիպոթեկային վարկի 10 տոկոսի չափով է, իսկ Երևանում հինգ տոկոսի չափով: Եթե ընտանիքում երրորդ և հաջորդ երեխան է ծնվում, ապա մարումների չափը մարզային բնակավայրում կկազմի 50 տոկոս, Երևանում՝ 25 տոկոսի չափով»,- ասաց նա: Նախարարի տեղակալը վստահեցրեց, որ սրանք բնակարանային ապահովության միակ ծրագրերը չեն: Առաջիկայում ականատես կլինենք նոր ծրագրերի: Նախատեսվում է շինարարության տեսքով նպատակային ծրագրեր իրականցնել մարզերում: Մարզային բնակավայրերում այդ խնդիրը սուր է դրված: Բնակարանաշինարարության բացակայությունը, ըստ էութան, թույլ չի տալիս մեր հայրենակիցներին օգտվել եկամտահարկի վերադարձի ծրագրից:

15:49 - 29 հունիսի, 2020