Մեծ Բրիտանիա

Պետական կարգը՝ միապետություն
Մայրաքաղաքը՝ Լոնդոն
Տարածքը՝ 244 հզ. կմ
Բնակչությունը՝ 59,8 մլն
Պետական լեզուն՝ անգլերեն
Դրամական միավորը՝ ֆունտ ստեռլինգ

Միացյալ Թագավորությունն ունի մասամբ կարգավորվող շուկայական տնտեսություն։ Ըստ շուկայական փոխարժեքների՝ Միացյալ Թագավորությունը համարվում է աշխարհում 8-րդ և Եվրոպայում 2-րդ (Գերմանիայից հետո) ամենամեծ տնտեսություն ունեցող պետությունը։ Թագուհու գանձապետարանը, որը գլխավորում է կանցլերը, պատասխանատու է բրիտանական կառավարության կողմից հասարակական ֆինանսական և տնտեսական քաղաքականության մշակման և կիրառման համար։

Անգլիայի բանկը կամ Միացյալ Թագավորության կենտրոնական բանկը պատասխանատու է ազգային արտարժույթի՝ ֆունտ ստերլինգի թողարկման համար։ Տուրիզմը համարվում է բրիտանական տնտեսության ամենակարևոր մասը, և 2004թ․ 27 մլն զբոսաշրջիկներով պետությունը զբաղեցնում է 6-րդ տեղը համաշխարհային տուրիզմի շարքերում, իսկ Լոնդոնը համարվում է զբոսաշրջիկների կողմից ամենաշատ այցելվող քաղաքը աշխարհում։

Մեծ Բրիտանիան պատրաստ է ակտիվորեն մասնակցել հետպատերազմյան Ուկրաինայի վերականգմանը

 |armenpress.am|

Մեծ Բրիտանիան պատրաստ է ակտիվորեն մասնակցել հետպատերազմյան Ուկրաինայի վերականգմանը |armenpress.am|

armenpress.am: Մեծ Բրիտանիան ամենաակտիվ մասնակցությունն է ունենալու հետպատերազմյան Ուկրաինայի վերականգմանը, իսկ առայժմ ձգտում է օգնել նրան ռազմական տեխնիկայի մատակարարումներով: Ինչպես տեղեկացնում է  «ՌԻԱ Նովոստի»-ին, այս մասին հայտարարել է Մեծ Բրիտանիայի արտաքին գործերի նախարար Լիզ Թրասը: «Մեծ Բրիտանիան մտադիր է ամենաակտիվ մասնակցությունն ունենալ հետպատերազմյան Ուկրաինայի վերակառուցմանը: Դրա համար անհրաժեշտ է ստեղծել «Մարշալի պլանի» նոր տարբերակը: Իսկ առայժմ մենք ձգտում ենք օգնել Ուկրաինային ռազմական տեխնիկայի մատակարարումներով», - ասել է Թրասը Պրահայում, որտեղ նա այցով այնտեղ էր գտնվում: Մեծ Բրիտանիայի ԱԳ նախարարի խոսքով՝ Արեւմուտքի երկրներին անհրաժեշտ է անել ամեն ինչ, որպեսզի Ուկրաինան հաղթի Ռուսաստանի հետ հակամարտությունում: «Հակառակ դեպքում Արևմուտքի երկրները չեն կարողանա իրենց անվտանգ զգալ», - հավելել է Թրասը:
18:40 - 27 մայիսի, 2022
ՀՀ ԿԳՄՍ նախարարը Լոնդոնում հանդիպել է դիվանագիտական և կրթամշակութային ոլորտների ներկայացուցիչների հետ

ՀՀ ԿԳՄՍ նախարարը Լոնդոնում հանդիպել է դիվանագիտական և կրթամշակութային ոլորտների ներկայացուցիչների հետ

ՀՀ կրթության, գիտության, մշակույթի և սպորտի նախարար Վահրամ Դումանյանը և նախարարի տեղակալ Ժաննա Անդրեասյանը Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) կատարած այցի ընթացքում մի շարք հանդիպումներ են ունեցել կրթամշակութային ոլորտների ներկայացուցիչների հետ:   Այս մասին հայտնում են ՀՀ կրթության, գիտության, մշակույթի և սպորտի նախարարությունից։ Մայիսի 25-ին Վահրամ Դումանյանը և Ժաննա Անդրեասյանը հանդիպում են ունեցել Մեծ Բրիտանիայի և Հյուսիսային Իռլանդիայի Միացյալ Թագավորության ԱԳՆ և Բրիտանական խորհրդի ներկայացուցիչների հետ: «Մեծ Բրիտանիայում՝ ՀՀ դեսպանատանը, հայկական պատվիրակությունը հանդիպել է Արևելյան Եվրոպայի և Կենտրոնական Ասիայի դեպարտամենտի գործադիր տնօրեն Ջասթին Մըք Քենզի Սմիթի, Օտարերկրյա համագործակցության և զարգացման հայաստանյան գրասենյակի ներկայացուցիչ Ռեբեկա Էտկինսոնի հետ: Հանդիպման ընթացքում քննարկվել են կրթության ոլորտի առաջնահերթություններին, հնարավոր համագործակցության եղանակներին ու մշակութային ժառանգությանն առնչվող հարցեր: Հանդիպմանը ներկա է եղել նաև Բրիտանական խորհրդի հայաստանյան մասնաճյուղի տնօրեն Ադդեհ Հովասափյանը: Լոնդոնի համալսարանական քոլեջի կրթության ինստիտուտում ՀՀ ԿԳՄՍ նախարարն ու փոխնախարարը հանդիպել են պրոֆեսորադասախոսական կազմի և միջազգային համագործակցության ոլորտի ներկայացուցիչների հետ և քննարկել կրթության բարեփոխման հնարավորությունները»,- ասվում է հաղորդագրության մեջ: Մեծ Բրիտանիայի և Հյուսիսային Իռլանդիայի Միացյալ Թագավորություն  կատարած այցի շրջանակում Ժաննա Անդրեասյանն այցելել է Դարթֆորդի դպրոց: Շրջայցի ընթացքում ԿԳՄՍ փոխնախարարը դպրոցի տնօրենի և աշխատակազմի հետ քննարկել է դպրոցի ներքին վերահսկողության համակարգի, կառավարման մոդելների, ինչպես նաև ուսուցիչների վերապատրաստման և խրախուսման համակարգերին վերաբերող մի շարք հարցեր:
21:16 - 26 մայիսի, 2022
Վահրամ Դումանյանը Լոնդոնում հանդիպումներ է ունեցել դիվանագիտական և կրթամշակութային ոլորտների ներկայացուցիչների հետ

Վահրամ Դումանյանը Լոնդոնում հանդիպումներ է ունեցել դիվանագիտական և կրթամշակութային ոլորտների ներկայացուցիչների հետ

ՀՀ կրթության, գիտության, մշակույթի և սպորտի նախարար Վահրամ Դումանյանը և նախարարի տեղակալ Ժաննա Անդրեասյանը Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) կատարած այցի ընթացքում մի շարք հանդիպումներ են ունեցել կրթամշակութային ոլորտների ներկայացուցիչների հետ: Մայիսի 25-ին Վահրամ Դումանյանը և Ժաննա Անդրեասյանը հանդիպում են ունեցել Մեծ Բրիտանիայի և Հյուսիսային Իռլանդիայի Միացյալ Թագավորության ԱԳՆ և Բրիտանական խորհրդի ներկայացուցիչների հետ: Մեծ Բրիտանիայում՝ ՀՀ դեսպանատանը, հայկական պատվիրակությունը հանդիպել է Արևելյան Եվրոպայի և Կենտրոնական Ասիայի դեպարտամենտի գործադիր տնօրեն Ջասթին Մըք Քենզի Սմիթի, Օտարերկրյա համագործակցության և զարգացման հայաստանյան գրասենյակի ներկայացուցիչ Ռեբեկա Էտկինսոնի հետ: Հանդիպման ընթացքում քննարկվել են կրթության ոլորտի առաջնահերթություններին, հնարավոր համագործակցության եղանակներին ու մշակութային ժառանգությանն առնչվող հարցեր: Հանդիպմանը ներկա է եղել նաև Բրիտանական խորհրդի հայաստանյան մասնաճյուղի տնօրեն Ադդեհ Հովասափյանը: Լոնդոնի համալսարանական քոլեջի կրթության ինստիտուտում ՀՀ ԿԳՄՍ նախարարն ու փոխնախարարը հանդիպել են պրոֆեսորադասախոսական կազմի և միջազգային համագործակցության ոլորտի ներկայացուցիչների հետ և քննարկել կրթության բարեփոխման հնարավորությունները: Հավելենք, որ Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) կատարած այցի շրջանակում Ժաննա Անդրեասյանն այցելել է Դարթֆորդի դպրոց: Շրջայցի ընթացքում ԿԳՄՍ փոխնախարարը դպրոցի տնօրենի և աշխատակազմի հետ քննարկել է դպրոցի ներքին վերահսկողության համակարգի, կառավարման մոդելների, ինչպես նաև ուսուցիչների վերապատրաստման և խրախուսման համակարգերին վերաբերող մի շարք հարցեր:
13:07 - 26 մայիսի, 2022
ՀՀ ԿԳՄՍ նախարարությունն ու Բրիտանական խորհուրդը փոխըմբռնման հուշագիր են ստորագրել

ՀՀ ԿԳՄՍ նախարարությունն ու Բրիտանական խորհուրդը փոխըմբռնման հուշագիր են ստորագրել

ՀՀ կրթության, գիտության, մշակույթի և սպորտի նախարար Վահրամ Դումանյանը Համաշխարհային կրթական ֆորումի աշխատանքներին մասնակցելու նպատակով Մեծ Բրիտանիայի և Հյուսիսային Իռլանդիայի Միացյալ Թագավորություն (Լոնդոն) կատարած այցի շրջանակում մայիսի 24-ին հանդիպում է ունեցել Բրիտանական խորհրդի գլխավոր տնօրեն Սքոթ Մաքդոնալդի հետ: Ինչպես հայտնում են ԿԳՄՍ նախարարությունից, հանդիպմանը ներկա են եղել նաև նախարարի տեղակալ Ժաննա Անդրեասյանը և Միացյալ Թագավորությունում ՀՀ արտակարգ և լիազոր դեսպան Վարուժան Ներսեսյանը: Ողջունելով և շնորհակալություն հայտնելով Համաշխարհային կրթական ֆորումի շրջանակում հայաստանյան պատվիրակությանը հյուրընկալելու և Բրիտանական խորհրդի  ու ՀՀ ԿԳՄՍ նախարարության միջև փոխգործակցության և ոլորտային համագործակցության զարգացման նոր հնարավորություն ընձեռելու համար՝ Վահրամ Դումանյանը փաստել է, որ Բրիտանական խորհուրդը Հայաստանում իր աշխատանքների մեկնարկից ի վեր (2001 թ.) շարունակում է կառուցել կրթամշակութային հարաբերություններ՝ յուրահատուկ կամուրջ հանդիսանալով երկու երկրների միջև. «ԿԳՄՍ նախարարությունը միշտ էլ բարձր է գնահատել Բրիտանական խորհրդի կողմից Հայաստանի Հանրապետությունում անգլերենի որակյալ կրթության իրականացմանն ուղղված ջանքերը և այն հսկայական աշխատանքը, որը նպատակաուղղված է անգլերենի ուսուցման միջոցով երկու երկրների միջև արվեստի, կրթության և մշակույթի ոլորտներում սերտ համագործակցության ապահովմանը։ Դա է պատճառը, որ 2021 թվականին ՀՀ ԿԳՄՍ նախարարության ու Բրիտանական խորհրդի հայաստանյան գրասենյակի միջև կնքվել է Բրիտանական խորհրդի անգլերենի և կրթության ծրագրի շրջանակում համագործակցության վերաբերյալ փոխըմբռնման հուշագիրը»: Նախարարը հավելել է, որ Բրիտանական խորհրդի հայաստանյան գրասենյակի հետ գործընկերության շրջանակում ՀՀ ԿԳՄՍ նախարարության տեսլականին և գերակայություններին համապատասխան կատարվել են շատ կարևոր աշխատանքներ հետևյալ ուղղություններով. Հայաստանի դպրոցների շարունակական մասնագիտական կողմնորոշման քաղաքականության և շրջանակի մշակում, «Ապագա անգլերեն. ճանապարհներ դեպի գերազանցություն» ծրագրի միջոցով անգլերենի ուսուցման համակարգում հետազոտության իրականացում, խորքային ուսումնասիրություն և նորարարությունների խթանում, «Անգլերենի ազդեցությունը» հետազոտական ուսումնասիրության և «Կոդավորման հմտություններ. կապակցենք ներկան ապագային»  նախագծերի իրականացում: Բրիտանական խորհրդի հայաստանյան գրասենյակի հետ գործընկերությամբ մշակվել է  նաև  Ուսուցիչների շարունակական մասնագիտական զարգացման հայեցակարգը, որը կներառի ՀՀ ուսուցչական համակազմի շարունակական մասնագիտական զարգացման ողջ տեսլականը: Այդ հայեցակարգը հիմք կհանդիսանա ՀՀ ուսուցիչների վերապատրաստման ծրագրերի մշակման, մասնագիտական չափանիշների սահմանման, այդ ողջ գործընթացի քարտեզագրման  և  իրականացման  համար։ Բրիտանական խորհրդի գլխավոր տնօրեն Սքոթ Մաքդոնալդը, իր հերթին շնորհակալություն հայտնելով վստահության և արդյունավետ համագործակցության համար, ընդգծել է. «Մենք ուրախ ենք, որ համագործակցությունը ներառում է տարբեր ուղղություններ: Ես հավատում եմ, որ մենք ճիշտ ուղու վրա ենք, ուստի Բրիտանական խորհուրդը պատրաստակամ է շարունակելու և առավել ամրապնդելու փոխգործակցությունը»: Հանդիպման ընթացքում ՀՀ ԿԳՄՍ նախարար Վահրամ Դումանյանը և Բրիտանական խորհրդի գլխավոր տնօրեն Սքոթ Մաքդոնալդը ստորագրել են փոխըմբռնման հուշագիր, որի նպատակն է ամրապնդել Բրիտանական խորհրդի «Անգլերենի ծրագրի» շրջանակում իրականացվող համագործակցությունը: Նոր հուշագրով աջակցություն է ցուցաբերվելու Բրիտանական խորհրդի կողմից մշակված «Հայաստանի Հանրապետության պետական դպրոցներում շարունակական մասնագիտական զարգացման քաղաքականությունը և շրջանակը» փաստաթղթի գործարկմանը: Այդ գործընթացում ներառվելու է անգլերենի 1000 ուսուցիչ, և փորձարկվելու է Շարունակական մասնագիտական զարգացման (ՇՄԶ) շրջանակը: Հուշագրով միաժամանակ նախատեսվում են Հայաստանի Հանրապետության պետական դպրոցներում անգլերենի ուսուցիչների համար նաև առցանց ՇՄԶ ծրագրերի իրականացումն ու ներդնումն ուսուցիչների համայնքի առցանց հարթակի միջոցով: «Միացյալ Թագավորության կատարած այցի շրջանակում ՀՀ ԿԳՄՍ նախարարությունը և Բրիտանական խորհուրդը վերահաստատում են իրենց պատրաստակամությունը շարունակական համագործակցության համատեքստում՝ ստորագրելով նոր փոխըմբռնման հուշագիր: Այս հուշագրով ուսուցիչների մասնագիտական զարգացման տրամաբանությունը կամբողջանա, և կփորձարկվի անգլերենի հազար ուսուցիչների շրջանում՝ ճանապարհ բացելով կարևոր բարեփոխման համար։ Կարծում եմ, որ այս համագործակցությունը նոր հեռանկարներ է բացելու առաջիկայում կրթամշակութային ոլորտում հայ-բրիտանական համագործակցության զարգացման խորացման համար»,- ամփոփել է Վահրամ Դումանյանը: Կրթական ֆորումի շրջանակում ՀՀ ԿԳՄՍ նախարար Վահրամ Դումանյանը և փոխնախարար Ժաննա Անդրեասյանը հանդիպել են նաև Մեծ Բրիտանիայի և Հյուսիսային Իռլանդիայի Միացյալ Թագավորության Բարձրագույն կրթության որակի ապահովման կենտրոնի գործադիր տնօրեն Ալասթեր Դելեյնիի, Ֆինլանդիայի կրթության նախարար Լի Անդերսենի հետ: Հանդիպումների ընթացքում քննարկվել են երկկողմ համագործակցության հեռանկարներին առնչվող հարցեր: Համաշխարհային կրթական ֆորումին մասնակցում են ավելի քան 200 երկրների պատվիրակություններ, այդ թվում՝ 112 երկրների նախարարներ:
15:54 - 25 մայիսի, 2022
Ռուսաստանը պատժամիջոցներ է սահմանել Մեծ Բրիտանիայի խորհրդարանի 154 անդամների դեմ

Ռուսաստանը պատժամիջոցներ է սահմանել Մեծ Բրիտանիայի խորհրդարանի 154 անդամների դեմ

Ռուսաստանը՝ որպես պատասխան միջոց, անհատական պատժամիջոցներ է սահմանել Մեծ Բիտանիայի Լորդերի պալատի 154 անդամների դեմ, «Ինտերֆաքսի» հաղորդմամբ՝ հայտնում է ՌԴ ԱԳՆ-ն։ «Ի պատասխան մարտին ՌԴ Դաշնային ժողովի Դաշնության խորհրդի գրեթե ողջ կազմը պատժամիջոցային ցանկում ներառելու մասին Բեծ Բրիտանիայի կառավարության ընդունած որոշման՝ փոխադարձության հիմքով անհատական սահմանափակումներ են կիրառվում բրիտանական խորհրդարանի Լորդերի պալատի 154 անդամների նկատմամբ», - ասված է ԱԳՆ հաղորդագրությունում։ Գերատեսչությունը նշել է, որ Լորդերի պալատի անդամները, որոնց արգելվում է Ռուսաստան մուտք գործել, «անմիջական ներդրում են ունեցել Լոնդոնի կողմից հակառուսական պատժամիջոցների մշակման գործում»։ Ռուսաստանի «սև ցուցակի» ընդլայնման աշխատանքը շարունակվելու է, ընդգծել է ՌԴ ԱԳՆ-ն։   Նորա Վանյան
18:27 - 24 մայիսի, 2022
Լոնդոնը կօգնի պաշտպանվել Մոլդովային՝ Ռուսաստանի հնարավոր հարձակման դեպքում |azatutyun.am|

Լոնդոնը կօգնի պաշտպանվել Մոլդովային՝ Ռուսաստանի հնարավոր հարձակման դեպքում |azatutyun.am|

azatutyun.am: Մեծ Բրիտանիայի արտգործնախարար Լիզ Թրասը անհրաժեշտ է համարում «զինել Մոլդովան ՆԱՏՕ-ի չափանիշներին համապատասխան», որպեսզի Քիշնևը կարողանա պաշտպանվել ռուսական հնարավոր ագրեսիայից։ Այս մասին բրիտանացի պաշտոնյան ասել է The Telegraph-ի հետ զրույցում։ Թրասի խոսքերով՝ այժմ Լոնդոնն ու դաշնակիցները քննարկում են, թե ինչպես օգնել փոքր երկրներին պաշտպանել իրենց՝ հաշվի առնելով «Ռուսաստանի նախագահ Վլադիմիր Պուտինի հավակնությունները»: «Պուտինը հստակ հայտարարել է Ռուսաստանի ընդլայնման իր հավակնությունների մասին: Այն փաստը, որ Կիևը գրավելու նրա փորձերը անհաջող են եղել, չի նշանակում, որ նա հրաժարվել է այդ հավակնություններից», - ասել է Թրասը: Մոլդովայում հնարավոր պատերազմի շուրջ մտավախությունն աճել է ռուսաստանցի բարձրաստիճան զինվորականներից մեկի հայտարարությունից հետո, թե Մոսկվան նպատակ ունի ցամաքային միջանցք ստեղծել Ուկրաինայի հարավով մինչև Մերձդնեստր: Անցած շաբաթներին Մոլդովայից անջատվել ձգտող և Մոսկվայի աջակցությունը վայելող Մերձդնեստրի իշխանությունները մի շարք պայթյունների մասին են հայտնել, որոնց թիրախը, ըստ պնդումների, ռազմավարական նշանակության կառույցներ էին։ Տեղի պաշտոնական աղբյուրների համաձայն՝ կրակոցներ են հնչել նաև Մերձդնեստրի գյուղերից մեկում, որտեղ զենքի ռուսաստանյան հսկայական պահեստ է տեղակայված։ Մոսկվան այդ միջադեպն «ահաբեկչական գործողություն» է որակել:  
18:55 - 21 մայիսի, 2022
Էրդողանն ու Ջոնսոնը քննարկել են Ուկրաինայից հացահատիկի մատակարարումների ապաշրջափակման հարցը |armenpress.am|

Էրդողանն ու Ջոնսոնը քննարկել են Ուկրաինայից հացահատիկի մատակարարումների ապաշրջափակման հարցը |armenpress.am|

armenpress.am: Մեծ Բրիտանիայի վարչապետ Բորիս Ջոնսոնը և Թուրքիայի նախագահ Ռեջեփ Թայիփ Էրդողանը պայմանավորվել են համատեղ աշխատել Ուկրաինայից հացահատիկի մատակարարման ուղիներն ապաշրջափակելու ուղղությամբ։ Այս մասին ասվում է Էրդողանի հետ բանակցություններից հետո Ջոնսոնի գրասենյակի տարածած հայտարարության մեջ: «Վարչապետը ողջունել է Թուրքիայի առաջատար դերը [ուկրաինական] ճգնաժամի կարգավորման հարցում, նրանք պայմանավորվել են աշխատել միասին՝ բացելու ուկրաինական հացահատիկի պաշարների մատակարարման կենսական կարևորության ուղիները և թուլացնելու պարենի համաշխարհային գների աճը», - ասվում է հայտարարության մեջ: Նշվում է, որ երկու քաղաքական գործիչները «արտահայտել են իրենց ընդհանուր խորը մտահոգությունը» Ուկրաինայում շարունակվող հակամարտության և «եվրաատլանտյան տարածաշրջանում անվտանգության ու կայունության վրա դրա հեռահար հետևանքների վերաբերյալ»: Անդրադարձ է կատարվել նաև ՆԱՏՕ-ի ընդլայնման հարցին: Ջոնսոնը հույս է հայտնել, որ Թուրքիան կարճ ժամանակում կլուծի տարաձայնությունները դաշինքի անդամ դառնալ ցանկացող Ֆինլանդիայի ու Շվեդիայի հետ:
11:23 - 21 մայիսի, 2022
Մեծ Բրիտանիան պատժամիջոցներ է սահմանել ռուսական երեք ավիաընկերությունների դեմ

Մեծ Բրիտանիան պատժամիջոցներ է սահմանել ռուսական երեք ավիաընկերությունների դեմ

Մեծ Բրիտանիան այսօր հայտարարել է, որ նոր պատժամիջոցներ է սահմանում Ռուսաստանի «Աերոֆլոտ», «Ուրալյան ավիաուղիներ», «Ռոսիա» ավիաընկերությունների դեմ՝ թույլ չտալու համար, որպեսզի նրանք վաճառեն բրիտանական օդանավակայաններում ինքնաթիռների չօգտագործվող վայրէջքատեղերը, գրում է Reuters-ը։ Մեծ Բրիտանիայի կառավարությունը հայտարարել է, որ, իր գնահատականով, վայրէջքատեղերն արժեն  50 մլն ֆունտ (61,9 մլն դոլար)։ «Մենք արդեն փակել ենք մեր օդային տարածքը ռուսական ավիաուղիների համար։ Այսօր մենք հոգ ենք տանում, որպեսզի նրանք չկարողանան կանխիկացնել մեր օդանավակայաններում իրենց շահեկան վայրէջքատեղերը։ Յուրաքանչյուր տնտեսական պատժամիջոց ընդգծում է մեր հստակ ուղերձը [Ռուսաստանի նախագահ Վլադիմիր] Պուտինին․ մենք կանգ չենք առնելու, մինչև որ Ուկրաինան չհաղթի», - ասել է Մեծ Բրիտանիայի արտգործնախարար Լիզ Թրասը։ Ռուսական այս երեք ավիաուղիների ակտիվները կսառեցվեն։   Նորա Վանյան
14:44 - 19 մայիսի, 2022
«Մեծ յոթնյակի» ԱԳ նախարարներն ընդգծել են, որ չեն ճանաչում Ուկրաինայի սահմանների փոփոխությունները |shantnews.am|

«Մեծ յոթնյակի» ԱԳ նախարարներն ընդգծել են, որ չեն ճանաչում Ուկրաինայի սահմանների փոփոխությունները |shantnews.am|

shantnews.am: Յոթնյակի (G7) երկրները (Մեծ Բրիտանիա, Գերմանիա, Իտալիա, Կանադա, ԱՄՆ, Ֆրանսիա և Ճապոնիա) ընդգծել են, որ չեն ճանաչում Ուկրաինայի սահմանների փոփոխությունները, փոխանցում է ՏԱՍՍ-ը: ««Մեծ յոթնյակի» երկրների արտգործնախարարները պնդում են, որ Ուկրաինային զենք կմատակարարեն «այնքան ժամանակ, քանի դեռ դա անհրաժեշտ է»,- այս մասին ասվում է Գերմանիայի հյուսիսում գտնվող Վանգելս կոմունայում եռօրյա հանդիպման արդյունքներով G7 երկրների արտգործնախարարների ընդունած համատեղ հայտարարության մեջ։ G7-ի արտգործնախարարները կարծում են, որ Ուկրաինայում իրավիճակը վատթարացրել է համաշխարհային տնտեսության զարգացման հեռանկարները։ Ուկրաինայում Ռուսաստանի գործողությունները, նրանց գնահատմամբ, «վատթարացրին համաշխարհային տնտեսության զարգացման հեռանկարները՝ հանգեցնելով պարենամթերքի, վառելիքի և էներգիայի գների աճին»։ Նախարարները Ռուսաստանին կոչ են արել վերջ տալ Ուկրաինայից «հացահատիկի արտահանման շրջափակմանը»։ «Սա կարող է լինել միայն առաջին քայլը»,- ասվում է հայտարարության մեջ։ Փաստաթղթում նշվում է, որ մոտ 43 միլիոն մարդ սովից մեկ քայլ է հեռու։ G7-ը Չինաստանին կոչ է անում նաև չօգնել Ռուսաստանին և չշրջանցել Մոսկվայի դեմ պատժամիջոցները։ Ռուսաստանի Դաշնության նախագահը ավելի վաղ ընդգծել էր, որ Ռուսաստանի դեմ արևմտյան պատժամիջոցները հարվածում են այն երկրների տնտեսություններին, որոնք դրանք պարտադրում են, ինչպես նաև հրահրում են համաշխարհային ճգնաժամ։
14:43 - 14 մայիսի, 2022
Մեծ Բրիտանիան պատժամիջոցներ է սահմանել Ալինա Կաբաևայի և Պուտինի նախկին կնոջ նկատմամբ

Մեծ Բրիտանիան պատժամիջոցներ է սահմանել Ալինա Կաբաևայի և Պուտինի նախկին կնոջ նկատմամբ

Մեծ Բրիտանիան պատժամիջոցներ է սահմանել նախկին մարմնամարզիկ Ալինա Կաբաևայի և ևս 11 անձանց նկատմամբ, որոնք, ըստ բրիտանական իշխանության, Ռուսաստանի նախագահ Վլադիմիր Պուտինի մերձավոր շրջապատից են, գրում է BBC-ի ռուսական ծառայությունը։ Պատժամիջոցային ցանկում են հայտնվել նաև Կաբաևայի տատը, Պուտինի նախկին կին Լյուդմիլա Օչերետնայան, նախագահի հորեղբորորդի Միխայիլ Պուտինն, ինչպես նաև «Գազֆոնդ» կենսաթոշակային հիմնադրամի ղեկավար Յուրի Շամալովը, որին Մեծ Բրիտանիայի ԱԳՆ-ն անվանում է Պուտինի նախկին փեսա Կիրիլ Շամալովի եղբայր։ Պատժամիջոցներն ուղված են «ստվերային ցանցին, որը Պուտինի համար ապահովում է շքեղ կենսակերպ», հայտարարել է Մեծ Բրիտանիայի արտգործնախարար Լիզ Թրասը։ «Մենք շարունակելու ենք պատժամիջոցներ կիրառել նրանց նկատմամբ, ովքեր սատարում են պուտինյան ագրեսիան, մինչև որ Ուկրաինան հաղթանակ տանի», - հավելել է նա։ «Պուտինի պաշտոնական ակտիվները համեստ են, իսկ նրա կենսակերպը ֆինանսավորվում է ընտանիքի, ընկերների և էլիտայի միջոցով։ Պուտինը հույսը դնում է ընտանիքի, մանկության ընկերների և ընտրյալ էլիտայի վրա, որոնք շահույթ ունեն նրա կառավարումից և, իրենց հերթին, աջակցում են նրա կենսակերպին։ Որպես պարգև՝ նրանք ստանում են պետության գործերի վրա ազդելու հնարավորություն», - ասված է ԱԳՆ հայտարարությունում։ Նորա Վանյան
18:12 - 13 մայիսի, 2022
Մեծ Բրիտանիան և Ճապոնիան ռազմական համաձայնագիր են ստորագրել |lragir.am|

Մեծ Բրիտանիան և Ճապոնիան ռազմական համաձայնագիր են ստորագրել |lragir.am|

lragir.am: Ճապոնիայի վարչապետ Ֆումիո Կիսիդան և Մեծ Բրիտանիայի վարչապետ Բորիս Ջոնսոնը Լոմդոնում ստորագրել են համաձայնագիր, որը թույլ է տալիս երկու երկրների զինված ուժերի մուտքը միմյանց տարածք զորավարժությունների և արտակարգ իրավիճակներին արձագանքման համար։ Միաժամանակ երկու երկրների վարչապետները հայտարարել են, որ «ամբողջ աշխարհի ժողովրդավարական երկրները պետք է միասնական կանգնեն ավտորիտար ռեժիմների դեմ», գրում է BBC-ն։ Միացյալ Թագավորության հետ համաձայնագրի նախապատրաստումը սկսվել էր սեպտեմբերին, երբ բրիտանական կառավարությունը որոշեց ակտիվացնել գործունեությունը Ասիա-Խաղաղօվկիանոսյան տարածաշրջանում (այս շրջադարձի մի մասն էր ԱՄՆ-ի և Ավստրալիայի հետ AUKUS դաշինքի ստեղծումը՝ համատեղ դիմակայելու համար Չինաստանին): Ապրիլի վերջին Ավստրալիայում Ճապոնիայի դեսպանը բացահայտեց, որ Տոկիոն աշխատանքներ է տանում միանալու Five Eyes հետախուզական դաշինքին (ԱՄՆ, Մեծ Բրիտանիա, Ավստրալիա, Կանադա, Նոր Զելանդիա), որի շրջանակներում դաշնակիցները կիսում են իրենց ամենագաղտնի հետախուզական տեղեկությունները:
10:16 - 06 մայիսի, 2022
Մեծ Բրիտանիան Մոսկվայի բորսան զրկել է ճանաչված բորսայի կարգավիճակից

Մեծ Բրիտանիան Մոսկվայի բորսան զրկել է ճանաչված բորսայի կարգավիճակից

Մեծ Բրիտանիան այսօր չեղարկել է Մոսկվայի ֆոնդային բորսայի (MOEX)՝ ճանաչված բորսայի կարգավիճակը՝ կասեցնելով որոշ հարկային արտոնություններ նոր ներդրողրի համար, գրում է Reuters-ը։ Մեծ Բրիտանիան որոշ բորսաների շնորհում է ճանաչված բորսայի կարգավիճակ, որը թույլ է տալիս դրանցում վաճառվող արժեթղթերի մասով օգտվել հատուկ հարկային արտոնություններից։ Այս որոշումը չի տարածվի այն ներդրումների վրա, որոնք արվել են Մոսկովյան բորսայում մինչ այս, սակայն նորերի վրա կտարածվի։ Մեծ Բրիտանիան իր այս քայլի մասին հայտնել էր դեռ նախորդ ամիս և հայտարարել էր, որ դա պատասխան է այն սահմանափակումներին, որոնք Ռուսաստանի բանկը կիրառել էր օտարերկրյա ներդրողների նկատմամբ՝ հղում անելով փետրվարի 28-ին սահմանված արգելքին։ Այն թույլ չէր տալիս բրոքերներին արժեթղթերի վաճառքի գործարքներ կատարել Ռուսաստանի ոչ ռեզիդենտների հրահանգով։ «Սա կկասեցնի գումարների ներդրումը ռուսական ակտիվների մեջ և հստակ ազդակ կլինի, որ միտք չունի նոր ներդրումներ անել Ռուսաստանում», - ասել է Մեծ Բրիտանիայի ֆինանսների նախարարության ֆինանսական քարտուղար Լյուսի Ֆրեյզերը։   Նորա Վանյան  
15:54 - 05 մայիսի, 2022
ԱՄՆ-ում ու Ֆրանսիայում թռչնագրիպի բռնկումներ են սկսվել |factor.am|

ԱՄՆ-ում ու Ֆրանսիայում թռչնագրիպի բռնկումներ են սկսվել |factor.am|

factor.am: ԱՄՆ-ում ու Ֆրանսիայում թռչնագրիպի բռնկումներ են։ ԱՄՆ պատմության ընթացքում վիրուսի այս բռնկումը ծավալներով երկրորդն է։ Այստեղ ոչնչացվել է շուրջ 35 միլիոն թռչուն։ Իսկ Ֆրանսիայում սա երբևէ գրանցված ամենավատ բռնկում է․ այստեղ ոչնչացվել է 16 միլիոն թռչուն։ Վիրուսի տարածման դեպքեր են գրանցվել նաև Մեծ Բրիտանիայում, Իտալիայում ու Իսպանիայում։ԱՄՆ-ում և Ֆրանսիայում օրգանական և ազատության մեջ ապրող հավերը հայտնվել են արգելափակման մեջ: Ձու ածող հավերը, որոնք սովորաբար բացօթյա տարածքներում շրջելու հասանելիություն են ունեցել, այլևս չեն կարող ազատ շրջել բացօթյա տարածքներում, քանի որ որոշ ամերիկացի և եվրոպացի ֆերմերներ ժամանակավորապես փակ են պահում թռչուններին՝ թռչնագրիպի մահացու բռնկման պատճառով։ Reuters-ի հաղորդմամբ՝ այս մասին հայտնել են ձու արտադրողները և ոլորտի ներկայացուցիչները: Այս ամենն անակնկալ է գնորդների համար, որոնք արդեն իսկ ավելի թանկ են վճարում ձվի համար՝ վարակված հավերին ոչնչացնելու պատճառով: Սպառողները հավելյալ գումար են վճարում մասնագիտացված ֆերմաներից օրգանական ձվերի գնման համար՝ մտածելով, որ հավերը նախկինի պես արևի տակ ազատորեն շրջելու հնարավորություն ունեն։ Նշվում է, որ թռչուններին փակի տակ պահելն առայժմ ամենաանվտանգ միջոցն է, քանի որ թռչնագրիպի մեկ դեպքը հանգեցնում է ամբողջ ֆերմայի ոչնչացմանը: Վիրուսը կարող է վարակել նաև մարդկանց, թեև մասնագետներն ասում են, որ ռիսկն առայժմ ցածր է։
19:51 - 02 մայիսի, 2022
Պեսկովը Մոլդովային և Վրաստանին զենք մատակարարելու մասին Թրասի առաջարկը սպառնալիք է անվանել եվրոպական անվտանգությանը

Պեսկովը Մոլդովային և Վրաստանին զենք մատակարարելու մասին Թրասի առաջարկը սպառնալիք է անվանել եվրոպական անվտանգությանը

Ռուսաստանի նախագահի մամուլի քարտուղար Դմիտրի Պեսկովը մեկնաբանել է Բրիտանիայի ԱԳՆ ղեկավար Լիզ Թրասի հայտարարությոնը՝ Մոլդովային և Վրաստանին մատակարարվող զենքի ավելացման անհրաժեշտության մասին։ Կրեմլի ներկայացուցիչը հայտարարել է, որ նման գործողություններն անվտանգային սպառնալիք կստեղծեն եվրոպական աշխարհամասի համար, գրում է «Կոմերսանտը»։ «Ուկրաինային և մյուս երկրներին զենքով, հատկապես՝ ծանր զինատեսակներով ապահովման միտումն ինքնին գործողություններ են, որոնք սպառնում են աշխարհամասի անվտանգությանն, անկայունություն են սադրում»,- ասել է Պեսկովը։ Նախօրեին Բրիտանիայի ԱԳՆ-ն հայտարարել էր, որ արևմտյան երկրները պետք է Կիևին ավելի շատ տանկեր և ինքնաթիռներ տրամադրեն։ Բացի այդ, գերատեսչությունը նշել էր Մոլդովայի և Վրաստանի համար ռազմական ներուժի ավելացման անհրաժեշտության մասին։ Լիզ Թրասը նշել է, որ միջազգային այն գործիքներն ու կազմակերպությունները, որոնք ստեղծվել են Երկրորդ աշխարհամարտից և Սառը պատերազմից հետո հակամատությունների կանխարգելման համար, «անհաջողության են մատնվել», և դա պետք է առիթ լինի դրանց վերանայման համար։ Իր հերթին, Մեծ Բրիտանիայի պաշտպանության նախարար Բեն Ուոլեսը հայտարարել էր, որ Ուկրաինան իրավունք ունի գրոհելու Ռուսաստանի տարածքում ռազմական ենթակառուցվածքների օբյեկտները՝ միջազգային իրավունքի համաձայն։   Նորա Վանյան
15:49 - 28 ապրիլի, 2022