Հայաստան համահայկական հիմնադրամ

Հիմնադրվելով 1992 թվականին՝ «Հայաստան» համահայկական հիմնադրամը եզակի մի կառույց է, որի նպատակն է ստեղծել համահայկական ցանց, աջակցել Հայաստանին և աշխարհի հայերին և իրականացնել Հայաստանի և Արցախի կայուն ու համաչափ զարգացումը ապահովող ծրագրեր։

Հիմնադրման օրվանից ի վեր՝ «Հայաստան» համահայկական հիմնադրամը Հայաստանում և Արցախում իրականացրել է շուրջ 1300 խոշոր ծրագիր ենթակառուցվածքների, առողջապահության, սոցիալական ապահովության, արվեստի և սպորտի բնագավառներում։ Հիմնադրամի աշխատանքներն իրականացվում են 19 երկրներում գործող 21 տեղական մարմինների և գործընկեր կազմակերպությունների ակտիվ մասնակցության և աջակցության միջոցով։

2018 թ․ սեպտեմբերի 24-ին հիմնադրամի գործադիր տնօրեն է նշանակվել Հայկակ Արշամյանը։ 

Հիմնադրամի միջոցներով 2021-ին Արցախում սկիզբ դրված շուրջ 80 մլն դոլարի ծրագրերն անխտիր իրականացվում են. Հայկակ Արշամյան

Հիմնադրամի միջոցներով 2021-ին Արցախում սկիզբ դրված շուրջ 80 մլն դոլարի ծրագրերն անխտիր իրականացվում են. Հայկակ Արշամյան

«Հայաստան» համահայկական հիմնադրամի միջոցներով 2021-ին Արցախում սկիզբ դրված 80 մլն դոլար արժեքով 43 մեծածավալ ծրագրերն անխտիր իրականացվում են, որոշ ծրագրեր ավարտվել կամ ավարտման փուլում են: Այս մասին ասաց Հիմնադրամի գործադիր տնօրեն Հայկակ Արշամյանը Հիմնադրամի հոգաբարձուների խորհրդի 31-րդ հերթական նիստին՝ ներկայացնելով 2021 թվականի գործունեության հաշվետվությունը: Արշամյանը նախ ընդգծեց, որ 2021 թվականը լի էր բազմաթիվ մարտահրավերներով, և 44-օրյա պատերազմի ծանր հետևանքները մնում էին մեծամասամբ չհաղթահարված: Պատերազմի հետևանքով առերեսվել են ցավալի իրողությունների հետ: «Հիմնադրամը՝ որպես համահայկական ազգային կառույց, իր աշխարհասփյուռ ցանցով առաջին իսկ օրվանից այդ խնդիրների լուծման առաջնագծում էր: Հայաստան-սփյուռք կառուցողական համագործակցության շնորհիվ այն իր առջև դրեց հեռուն գնացող համարձակ նպատակներ՝ բազմաբնույթ կենսական ծրագրեր իրականացնելով Հայաստանում և Արցախում, նաև՝ սփյուռքում: Տարիներ շարունակում Հիմնադրամի կողմից իրականացվող հիմնական ծրագրերը սկսեցին կրել էլ ավելի մեծածավալ բնույթ և ներկայացան նոր ձևաչափով՝ ընդգրկելով այնպիսի ոլորտներ, ինչպիսիք են առողջապահությունը, հումանիտար օգնության տրամադրումը, սոցիալական աջակցությունը, կրթությունը, ենթակառուցվածքների վերականգնումն ու զարգացումը և այլն: Աննախադեպ թափ առավ նաև Արցախում իրականացվող բնակարանաշինությունը»,- ասաց Հիմնադրամի տնօրենը: Ընդհանուր առմամբ 2021-ի ընթացքում իրականացվել են ավելի քան 70 ծրագրեր, որոնց մի մասը երկարաժամկետ ծրագրեր են և շարունակվում են այս տարի՝ 2022 թվականին, մի մասն էլ կավարտվեն 2023 թվականին: Հիմնադրամի 2021 թվականին անցկացրած հեռուստամարաթոնը տարբերվել է իր ձևաչափով, այն ներկայացվել է «Կենսունակ սահմանային համայնքներ» խորագրով հաշվետու ֆիլմի տեսքով՝ ամփոփելով 2020-2021 թվականներին Հիմնադրամի իրականացրած ծրագրերը: Հեռուստամարաթոնին հավաքագրվել է 12 մլն 351 հազար դոլար՝ աշխարհի բոլոր անկյուններից: «Կարծում ենք, որ Հայաստանի և Արցախի սահմանային համայնքների զարգացումը պետք է մնա Հիմնադրամի և համայն հայության ուշադրության կենտրոնում: Եվ այս տարվա դրամահավաքները պետք է լինեն հենց 2021 թվականի հեռուստամարաթոնի տրամաբանության մեջ: Դրանով Հիմնադրամը կապահովի թե՛ ծրագրային ճկունությունը, և թե իր ուշադրության կենտրոնում կպահի Հայաստանի սահմանային համայնքները, ինչպես նաև Արցախը»,- ասաց Արշամյանը: Նրա խոսքով՝ 2021 թվականի մարտի 15-ին Հոգաբարձուների խորհրդի նիստի ընթացքում հավանության արժանացած՝ ընդհանուր առմամբ շուրջ 80 մլն դոլար արժեքով Արցախում սկիզբ դրված 43 մեծածավալ ծրագրերն անխտիր իրականացվում են: Ավելին՝ որոշներն ավարտվել կամ ավարտման փուլում են: 22 ծրագիր շարունակական է: Դրանք ավարտին կհասցվեն 2022 և 2023 թվականներին: Տարվա ընթացքում Արցախում իրականացվել են բազմաթիվ հավելյալ փոքր ու միջին ծրագրեր՝ ելնելով դրանց խիստ անհրաժեշտությունից և հրատապությունից: ««Հայաստան» հիմնադրամը, առողջապահության ոլորտում համագործակցելով Արաբկիր և Կոշ վերականգնողական կենտրոնների, ինչպես նաև՝ Զինվորի տան հետ, բնականոն կյանք է վերադարձրել և վերադարձնում պատերազմի ժամանակ վիրավորում ստացած հարյուրավոր զինծառայողների՝ ապահովելով նրանց ֆիզիկական և հոգեբանական վերականգնումը: Հիմնադրամը նաև պատերազմի տուժած զինվորներին և նրանց ընտանիքներին հնարավորություն է ընձեռել մասնագիտանալու ՏՏ և այլ մասնագիտությունների ոլորտներում՝ ապահովելով նրանց աշխատանքի ընդունումը»,- ասաց Արշամյանը: Հիմնադրամը նաև ջրամատակարարման ոլորտում Հայաստանում և Արցախում իրականացնում է ջրատարների կառուցում 8 համայնքներում՝ ընդհանուր առմամբ 97.5 կմ երկարությամբ՝ համայնքի բնակիչներին ապահովելով շուրջօրյա խմելու և ոռոգման ջրով: Արևային էներգիայի ծրագրերի շրջանակներում Սյունիքի սահմանամերձ համայնքներում՝ Շուռնուխում, Արավուսում, Դավիթ Բեկում, Խոզնավարում բնակելի տների տանիքներին տեղադրվել են արևային ջրատաքացուցիչներ, ինչը հնարավորություն է տվել տեղի բնակիչներին ապահովել շուրջօրյա տաք ջրամատակարարմամբ: «Ինչ վերաբերում է ճանապարհաշինության ոլորտին, ապա հիմնադրամը Արցախում վերակառուցում և հիմնանորոգում է առավել կենսական տարածքներն իրար կապող ավելի քան 50 կմ ավտոճանապարհ»,- նշեց նա: Հիմնադրամի ուշադրության կենտրոնում է նաև դպրոցաշինության բնագավառը: Արցախում Հիմնադրամն իրականացրել է միջնակարգ դպրոցների վերանորոգում ու վերակառուցում, նաև Արցախի պետական համալսարանի տարածքում կառուցել ու վերակառուցել է մասնաշենքեր: Սյունիքում ևս դպրոցների վերանորոգում է իրականացվել: Ինչ վերաբերում է բնակարանաշինությանը, ապա բնակելի համալիրներ ու թաղամասեր են կառուցվում Արցախում Ստեփանակերտի Թումանյան, Տիգրան Մեծ փողոցներում, Ասկերանի շրջանի Աջափնյակ, Իվանյան և Հովսեփական համայնքներում: Այդ կերպ բնակարաններով կապահովվի շուրջ 1063 ընտանիք: Հայաստանում Գյումրիի Մուշ 2 թաղամասում կառուցվել է երկու բնակարանային համալիր՝ նախատեսված 36 ընտանիքի համար, որի շահառուները 1988-ի աղետից տուժած տնակային ավաններում բնակվող բազմազավակ, սոցիալապես անապահով, նաև վերջին պատերազմի ընթացքում զոհված անձանց ընտանիքներն են: Նույն թաղամասում արդեն իսկ սկսվել են ևս 2 շենքի կառուցման աշխատանքներ՝ նախատեսված 60 ընտանիքի համար: Հաշվետվության վերջում Հիմնադրամի գործադիր տնօրենը շնորհակալությունը հայտնեց բոլոր նվիրատուներին:
14:44 - 25 հունիսի, 2022
Հիմնադրամի համահայկական ընդգրկումը բացառում է որևէ քաղաքական միտում, նախընտրություն կամ ազդեցություն․Վահագն Խաչատուրյան

Հիմնադրամի համահայկական ընդգրկումը բացառում է որևէ քաղաքական միտում, նախընտրություն կամ ազդեցություն․Վահագն Խաչատուրյան

«Հայաստան» համահայկական հիմնադրամի համահայկական ընդգրկումը բացառում է որևէ քաղաքական միտում, նախընտրություն կամ ազդեցություն, ուստի հիմնադրամի խորհրդի անդամներն ու ամբողջ աշխատակազմը պետք է ջանք ու եռանդ չխնայեն, որպեսզի այն զերծ լինի որևէ քաղաքական շահարկումից կամ կասկածներից, աշխատի թափանցիկ ու հրապարակային: Հիմնադրամի հոգաբարձուների խորհրդի 31-րդ նիստի ընթացքում այս մասին շեշտեց ՀՀ նախագահ, Հիմնադրամի հոգաբարձուների խորհրդի նախագահ Վահագն Խաչատուրյանը: Այս մասին հաղորդում են ՀՀ նախագահի աշխատակազմից։ Ինչպես ավելի վաղ հայտնել էինք, նիստին մասնակցում էին նաև ՀՀ վարչապետ Նիկոլ Փաշինյանը, Արցախի Հանրապետության նախագահ Արայիկ Հարությունյանը: ՀՀ նախագահը նախ ընդգծեց, որ այս տարվա հանդիպման առիթը տոնական է. լրանում է համահայկական հիմնադրամի 30-ամյակը: «Ստեղծման օրվանից ի վեր հիմնադրամը դարձել է այն կարևոր համազգային գաղափարն ու առանցքը, որի շուրջ մենք համախմբվել ենք, քննարկել ազգային պետական նշանակության հարցեր և փորձել գտնել լուծումներ: Հիմնադրամը իրավամբ համահայկական այն կառույցն է, ոը գուցե թե չունի նմանօրինակը՝ ոչ իր բովանդակությամբ, ոչ էլ իր կազմակերպչական ձևով»,- ասաց Խաչատուրյանը: Նա հավելեց՝ ուստի նաև այս պատճառով է, որ յուրաքանչյուրի և մասնավորապես հոգաբարձուների խորհրդի անդամների ամենօրյա աշխատանքը պետք է միտված լինի հիմնադրամի հանրահռչակմանը, նրա վարկանիշն ու առաքելությունն անբասիր պահելուն: «Հիմնադրամի համահայկական ընդգրկումը բացառում է որևէ քաղաքական միտում, նախընտրություն կամ ազդեցություն: Ուստի, հարկ չկա անգամ շեշտելու, որ հիմնադրամի խորհրդի անդամներն ու ամբողջ աշխատակազմը պետք է ջանք ու եռանդ չխնայեն, որպեսզի այն զերծ լինի որևէ քաղաքական շահարկումից կամ կասկածներից: Նաև այս պատճառով է, որ բոլորս պետք է երաշխավորենք հիմնադրամի թափանցիկ, հաշվետու և հրապարակային աշխատելաոճը»,- ասաց նախագահ Խաչատուրյանը: Այս նպատակի կյանքի կոչման համար նախագահն ակնկալում է, որ մինչև ընթացիկ ամսվա վերջը պատրաստ կլինեն Հաշվեքննիչ պալատի համապատասխան ուսումնասիրությունների արդյունքները: Նա լիահույս է, որ Պալատի զեկույցը նպաստելու է վստահության մթնոլորտի կայացմանն ու լույս է սփռելու ընդհանուր իրավիճակի վրա: Նախագահը նաև շնորհակալություն հայտնեց հիմնադրամի նվիրատուներին, հիմնադրամի ցանցին ու աշխատակազմին՝ անմնացորդ նվիրումի և իրականացրած անխոնջ աշխատանքի համար:
12:47 - 25 հունիսի, 2022
ՀՀ նախագահը հանդիպում է ունեցել «Հայաստան» համահայկական հիմնադրամի տնօրեն Հայկակ Արշամյանի հետ

ՀՀ նախագահը հանդիպում է ունեցել «Հայաստան» համահայկական հիմնադրամի տնօրեն Հայկակ Արշամյանի հետ

Հանրապետության նախագահ Վահագն Խաչատուրյանն այսօր հանդիպում է ունեցել «Հայաստան» համահայկական հիմնադրամի գործադիր տնօրեն Հայկակ Արշամյանի հետ: Հանդիպմանն անդրադարձ է եղել Համահայկական հիմնադրամի կողմից իրականացվող աշխատանքներին:Հայկակ Արշամյանը ներկայացրել է Գյումրիի «Մուշ-2» թաղամասում «Հայաստան» համահայկական հիմնադրամի կողմից կառուցվող բնակելի շենքերի և մանկապարտեզի աշխատանքների ընթացքը։ Հիմնադրամի տնօրենը հայտնել է նաև, որ առաջին փուլով Շուռնուխ, Խոզնավար, Արավուս և Դավիթ Բեկ համայնքներում տեղադրվել են արևային ջրատաքացուցիչներ, վերանորոգվել են Տեղ, Կոռնիձոր, Վաղատուր, Ճակատեն, Դավիթ Բեկ համայնքների դպրոցները: Անդրադարձ է եղել նաև պատերազմում զոհվածների ընտանիքներին ու հարազատներին աջակցության տրամադրման ծրագրերին:
18:39 - 08 հունիսի, 2022
Քննիչ հանձնաժողովի գործունեության ժամկետը կերկարաձգվի. ԱԺ-ն առաջին ընթերցմամբ ընդունեց նախագիծը |hetq.am|

Քննիչ հանձնաժողովի գործունեության ժամկետը կերկարաձգվի. ԱԺ-ն առաջին ընթերցմամբ ընդունեց նախագիծը |hetq.am|

hetq.am: Խորհրդարանի հերթական նիստում առաջին ընթերցմամբ քննարկվեց «Քաղաքացիական պայմանագիր» խմբակցության պատգամավոր Սերգեյ Բագրատյանի հեղինակած ԱԺ կանոնակարգ սահմանադրական օրենքում փոփոխություններ կատարելու նախագիծը: Պատգամավորը փոփոխություններով առաջարկում է քննիչ հանձնաժողովի գործունեության ժամկետը վեց ամսից դարձնել մեկ տարի: Պատգամավորը նախագիծը ներկայացնելիս հիշատակեց բոլոր այն քննիչ հանձնաժողովները, որոնք ձևավորվել են տարբեր գումարման խորհրդարաններում և որոնց ժամկետը երկարաձգվել է: ՔՊ-ական պատգամավորներն անդրադարձան ընդդիմության ձևավորած «Հայաստան համահայկական հիմնադրամ»-ի` պատերազմի ժամանակ հանգանակած միջոցների վերաբերյալ քննիչ հանձնաժողովի գործունեությանը` նշելով, որ ընդդիմությունը, չկարողանալով որևէ ապօրինություն պարզել, մնաց միայն շահարկումների դաշտում: Ըստ Արուսյակ Ջուլհակյանի` դա պետական մարմինները վարկաբեկելու հերթական փորձն էր ընդդիմության համար, որին այնքան անլուրջ վերաբերվեցին, որ չեկան ժամկետը երկարաձգելու նիստին: Հիշեցնենք, որ ընդդիմությունը բոյկոտում է նիստերի աշխատանքը, նրանք փողոցային պայքար են իրականացնում: Նախագծի հեղինակ Սերգեյ Բագրատյանը համաձայնեց պատգամավորի դիտարկման հետ, որ նպատակը շահարկում էր և ուրիշ ոչինչ: Բագրատյանի խոսքով` հանձնաժողով հրավիրված որևէ պաշտոնատար անձ չի հրաժարվել մասնակցությունից, և երբ ընդդիմադիր պատգամավորները հասկացել են, որ հիմնադրամի միջոցների որևէ յուրացում չի եղել, փորձել են հարցը շահարկման դաշտ տանել: Ջուլհակյանն արձագանքեց` խնդիրը ոչ թե ժամկետներն են, այլ քննիչ հանձնաժողովների կարողությունների, համապատասխան փորձագետների բացակայությունը: Սերգեյ Բագրատյանը համաձայնեց` ամենակարևոր հարցն այն է, որ խորհրդարանական քննիչ հանձնաժողովները համապատասխան ռեսուրսներ չունեն, չեն կարողանում տարբեր փորձագետների հրավիրել: «Բայց օրենքում նշված չէ, որ միջոցներ պետք է տրամադրվեն, միակ ռեսուրսը, որ անվճար է, ժամանակն է, որ կարող ենք տալ հանձնաժողովին»,- ասաց Բագրատյանը: Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն առաջարկեց անցումային դրույթներով հնարավորություն տալ 44-օրյա պատերազմի դեպքերը քննող հանձնաժողովի գործունեության վրա ևս տարածել նախագծով առաջարկվող փոփոխությունները: Նա նշեց, որ տաս հազարից ավելի փաստաթուղթ են ուսումնասիրում: Նախագծի հարակից զեկուցող, Արդարադատության փոխնախարար Գրիգոր Մինասյանն ասաց, որ եթե նախագծի հեղինակը դեմ չէ, կարող են նախագծի առաջինից երկրորդ ընթերցում քննարկել այդ առաջարկը: Լիլիթ Ստեփանյանն էլ առաջարկեց նախագծով ամրագրել, որ քննիչ հանձնաժողովի գործունեության ժամկետը չի կարող ավելին լինել, քան 18 ամիս: Տնտեսական հարցերի մշտական հանձնաժողովի փոխնախագահ Բաբկեն Թունյանը ևս հանձնաժողովի համապատասխան կարողությունների բացակայության մասին խոսեց` ասելով, որ պետք է մտածեն այդ հարցը լուծելու մասին, այլլապես ստացվում է, որ ամիսներով աշխատում են, սակայն անարդյունավետ: Նախագիծը երկար քննարկումներից հետո առաջին ընթերցմամբ դրվեց քվեարկության և ընդունվեց:
11:56 - 25 մայիսի, 2022
«Հայաստան» համահայկական հիմնադրամի ներկայացուցիչներն այցելել են Տավուշի մարզ

«Հայաստան» համահայկական հիմնադրամի ներկայացուցիչներն այցելել են Տավուշի մարզ

«Հայաստան» համահայկական հիմնադրամի գործադիր տնօրեն Հայկակ Արշամյանը և հիմնադրամի ներկայացուցիչներն այցելել են Տավուշի մարզ՝ ծանոթանալու Բերքաբեր և Բաղանիս համայնքներում իրականացվող կենսական նշանակություն ունեցող ջրամատակարարման ծրագրերի շինաշխատանքների ընթացքին: Այս մասին հայտնում են հիմնադրամի գրասենյակից, մանրամասնելով, որ Բերքաբեր համայնքում հանդիպել են համայնքի ղեկավարի հետ և հետևել պոմպակայանի, բաշխիչ ավազանի և խողովակաշարերի շինարարական աշխատանքներին, նաև քննարկել հեռանկարային ծրագրեր: Նշվում է, որ Բերքաբերում իրականացվող  ջրամատակարարման ծրագիրը նպաստում է ոռոգելի հողատարածքների ընդլայնմանը:   Ծրագրի ավարտից հետո ոռոգելի հողատարածքները կավելանան ավելի քան 140 հեկտարով: Հաջորդիվ  հիմնադրամի թիմն այցելել է Բաղանիս համայնք:  Ծանոթացել է խմելու ջրի համար նախատեսված գլխամասային կառուցվածքի և մոտեցնող ջրագծի շինարարական  աշխատանքների ընթացքին: Տվյալ ծրագրի իրականացումից հետո Բաղանիս համայնքը կունենա նոր արտաքին ջրագիծ, ինչը կապահովի համայնքի 24–ժամյա ջրամատակարարումը: 3200մ երկարությամբ նոր ջրագծի  շինարարությունը սկսվել է նախորդ տարվա հոկտեմբերից, աշխատանքն ընթանում է բարդ ռելիեֆային, երբեմն նույնիսկ տեխնիկայի համար անհասանելի պայմաններում, մոտ 1400 մետրն անցնում է անտառապատ տեղանքով: «Հայաստան» համահայկական հիմնադրամը շարունակում է կենսական նշանակության ծրագրեր իրականացրել թե՛ ՀՀ և թե՛ Արցախի տարբեր համայնքներում:
16:45 - 17 փետրվարի, 2022
Բաթոյանը հրավիրվել է «Հայաստան» հիմնադրամից բյուջե փոխանցված միջոցների օգտագործումն ուսումնասիրող քննող հանձնաժողով |armenpress.am|

Բաթոյանը հրավիրվել է «Հայաստան» հիմնադրամից բյուջե փոխանցված միջոցների օգտագործումն ուսումնասիրող քննող հանձնաժողով |armenpress.am|

armenpress.am: 2019-2020 թթ. ՀՀ աշխատանքի և սոցիալական հարցերի նախկին նախարար Զարուհի Բաթոյանը «Հայաստան» համահայկական հիմնադրամի կողմից հավաքագրված և ՀՀ պետական բյուջե փոխանցված միջոցների օգտագործումն ուսումնասիրող ԱԺ քննիչ հանձնաժողովի նիստում ներկայացնում է նախարարության մասով իրականացված աշխատանքները, պատասխանում պատգամավորների հարցերին: Բաթոյանի խոսքով, մասնավորապես պատերազմի շրջանում Հայաստանում միայն պետական միջոցներով կարող էին ապահովվել 3500 անձի համար կացության նվազագույն պայմաններ: «Նկատի ունենալով, որ 90 հազարից ավելի արցախցիներ էին Երևան ժամանում՝ այս մասով մենք չունեինք այլ տարբերակ, քան մեր հասարակության աջակցությանն ապավինելու: Եվ ի պատիվ մեր հայրենակիցների, նաև մասնավոր սեկտորի, մենք կարողացանք այնպես անել, որ որևէ արցախցի չգիշերի դրսում: Իհարկե շատ-շատ էին դժվարությունները, չեմ կարող ասել, որ խնդիրներ չկային»,-ասաց Բաթոյանը: Արցախցիների համար կացության, սննդի ապահովումը, ըստ Բաթոյանի, իրականացվել է հիմնականում մասնավոր սեկտորի, բարեգործական կազմակերպությունների միջոցով: «Այս ծրագրերին «Հայաստան» համահայկական հիմնադրամը որևէ անմիջական ֆինանսական աջակցություն չի իրականացրել»: Բաթոյանի խոսքով՝ նախարարությունը հիմնականում համակարգման աշխատանքներ է իրականացրել, երբ դիմել են բարերարներ, բարեգործներ, իրենք ուղղորդել են, որ այդ աջակցությունը լինի ուղղակիորեն: Արծվիկ Մինասյանը հետաքրքրվեց, թե արդյոք Բաթոյանը երբևէ մասնակցե՞լ է քննարկման, որտեղ խոսք կգնար կառավարությանը փոխանցվող՝ համահայկական հիմնադրամի միջոցների շրջանակում որոշակի ծրագրեր իրականացնելուն: Բաթոյանը հիշեց քննարկումներ, որոնք հատկապես ուղղված են եղել առողջապահական միջոցառումներին: «Ես կարող եմ հիշել հատկապես Շտապօգնության մեքենաների, առողջապահական ծառայությունների հետ կապված որոշակի միջոցառումներ, որտեղ ի սկզբանե հիշատակվել է «Հայաստան» համահայկական հիմնադրամի աջակցությունը»,-ասաց նա՝ նշելով, որ հիմնադրամի աջակցությունը հիմնականում ուղղված է եղել ոչ թե սննդի կամ կացության հարցերին, այլ հիմնականում առողջապահական հրատապ խնդիրների լուծմանը, որոնք առկա են եղել այդ ժամանակ:
17:15 - 12 հունվարի, 2022
Պատերազմի ընթացքում հայտարարված համազգային դրամահավաք-արշավին մասնակցել է շուրջ 750 հազար նվիրատու |armenpress.am|

Պատերազմի ընթացքում հայտարարված համազգային դրամահավաք-արշավին մասնակցել է շուրջ 750 հազար նվիրատու |armenpress.am|

armenpress.am: 2020 թվականի սեպտեմբերի 27-ին հայտարարված «Մենք ենք, մեր սահմանները. բոլորս Արցախի համար» համազգային դրամահավաք-արշավին մասնակցել է շուրջ 750 հազար նվիրատու: Այս մասին ասաց «Հայաստան» համահայկական հիմնադրամի գործադիր տնօրեն Հայկակ Արշամյանը՝ ԱԺ «Հայաստան» համահայկական հիմնադրամի կողմից հավաքագրված եւ ՀՀ պետական բյուջե փոխանցված միջոցների օգտագործումն ուսումնասիրող քննիչ հանձնաժողովի նիստում: Հանձնաժողովը նախագահող՝ «Հայաստան» խմբակցության պատգամավոր Արծվիկ Մինասյանը Արշամյանին խնդրեց ներկայացնել դրամահավաքի անցկացման նպատակները, դրամահավաքի վերաբերյալ հրապարակային հայտարարությունները, դրամահավաքին մասնակցող անձանց քանակը: Հիմնադրամի տնօրենը հիշեցրեց դրամահավաք-արշավի մեկնարկը պայմանավորված էր Ադրբեջանի կողմից սանձազերծված պատերազմով: «Համազգային դրամահավաքին ընդհանուր առմամբ մասնակցել է շուրջ 750  հազար նվիրատու, որից 500 հազար նվիրատուի գումարներն ուղիղ եկել են հիմնադրամի տարբեր հաշիվներին: Հիմնադրամն ունի դրամային հաշիվներ ԿԲ-ում, նաև հաշվեհամարներ՝ տարբեր մասնավոր բանկերում, գանձապետական հաշվեհամար չունի: Այդ 500 հազար նվիրատուի մի լուրջ հատվածը եկել է արտասահմանից»,-ասաց Արշամյանը: Այդ թվերը մոտավոր են: Նվիրատուների մի լուրջ հատվածի ուղղակի նույնականացնել չի լինում, կարճ հաղորդագրությունների միջոցով 1000 դրամներ փոխանցած անձանց անհատական տվյալներ չկան: Բացի այդ առցանց նվիրատվություններ կատարած բազմաթիվ նվիրատուներ չեն նշել իրենց անուն-ազգանունները: Արշամյանը վստահեցրեց, որ դրամահավաքի մեկնարկը համաձայնեցվել է հոգաբարձուների խորհրդի նախագահի, խորհրդի մի շարք անդամների, ինչպես նաև ՀՀ կառավարության հետ: «Դա համազգային ջանք է եղել, և հիմնադրամը սեպտեմբերի 27-ին ուղղակի չի արթնացել և ասել, որ դրամահավաք է սկսում: Ռազմական դրության պայմաններում պետք է այդ ամեն ինչը համաձայնեցնել համապատասխան կառույցների հետ, թե արդյոք ճի՞շտ է, որ հիմնադրամը դա անի: Ի վերջո, այդ կոնսենսուսային որոշումն է եղել, որ համազգային դրամահավաքն իրականացվի բացառապես հիմնադրամի միջոցով: Այսինքն՝ հիմնադրամը կամուրջ է հանդիսացել պատերազմի մարտահրավերները դիմագրավելու համար դրամահավաք իրականացնելու առումով»,-ասաց հիմնադրամի տնօրենը: «Պատիվ ունեմ»-ից Հայկ Մամիջանյանը հետաքրքրվեց, թե դրամահավաքը ո՞վ է նախաձեռնել, դա եղե՞լ է պատվեր կառավարության կողմից, առաջա՞րկ ՀՀ նախագահի կողմից, թե՞ հիմնադրամի տնօրենն ինքն է առաջարկել դա պաշտոնատար անձանց: Արշամյանը պատասխանեց՝ «և, և, և»:
17:04 - 11 հունվարի, 2022
Հայաստանը, Արցախն ու Սփյուռքը նորովի ուժով կհաղթահարեն բոլոր դժվարությունները. «Հայաստան» հիմնադրամի ուղերձը

Հայաստանը, Արցախն ու Սփյուռքը նորովի ուժով կհաղթահարեն բոլոր դժվարությունները. «Հայաստան» հիմնադրամի ուղերձը

«Հայաստան» համահայկական հիմնադրամը շնորհակալություն է հայտնել բոլորին, ովքեր մասնակցել են մարդկային մեկ ժպիտ, հույս ու ապագային նորովի նայելու հնարավորություն տվող հիմնադրամի ծրագրերին: «Վերջին երկու տարիներն իրապես բարդ էին՝ բոլոր առումներով: Առ այսօր շարունակվող համավարակը դեռ չհաղթահարած՝ մեկ տարի առաջ նրան հետևեց պատերազմն իր ծանր հետևանքներով: Արդյունքում բախվեցինք ցավալի իրականությանը՝ հոգեպես և ֆիզիկապես վիրավորված զինվորներ, անօթևան մնացած արցախցիներ, ավերված ենթակառուցվածքներով Արցախ, սոցիալապես անկում ապրած սահմանային համայնքներ` իրենց խնդիրներով (ոռոգման ջուր, արոտավայրերի կորուստ, տնտեսական անկում): Սակայն, օր առաջ համախմբվելով այս մարտահրավերների հաղթահարման շուրջ, Հայաստան-Սփյուռք կառուցողական սերտ համագործակցության շնորհիվ, COVID-19-ի և պատերազմի բռնկման առաջին օրերից մեծածավալ աշխատանքներ իրականացվեցին թե՛ համավարակը մեղմելու և թե՛ հետպատերազմյա ճգնաժամը հաղթահարելու ուղղությամբ:   Միասնական գործելու արդյունքում, հարյուրավոր զինվորներ, իրենց վերագտնելով, վերադարձան բնականոն կյանք, Արցախում կառուցվող բազմաբնակարան շենքերի, առանձնատների, կրթօջախների ու ռազմավարական ճանապարհների շնորհիվ արցախցիները նոր կյանք են սկսում՝ ապագայի հույսով։   Սյունիքի և Տավուշի բազմաթիվ համայնքներում իրականացվող զարգացման ծրագրերի շնորհիվ սահմանային բնակավայրերի մեր հայրենակիցներն էլ ավելի ամուր կկանգնեն իրենց հողում, իսկ Գյումրիի բնակարանային լայնածվալ ծրագիրը հնարավորություն կտա սոցիալապես անապահովներին փոխել իրենց կյանքի որակն ու բարեկեցիկ կյանք սկսել: Հիմնադրամի մեծածավալ պարբերական ֆինանսական աջակցության շնորհիվ ամոքվում են ծանր սոցիալ-տնտեսական իրավիճակում հայտնված լիբանանահայության խնդիրները։   Հայաստանը, Արցախն ու Սփյուռքը կամրջվելով միասնական նպատակների շուրջ՝ նորովի ուժով կհաղթահարեն բոլոր դժվարությունները: Կարևորը՝ այսօր ընթացող այս կենսական նշանակության ծրագրերի շարունակականության ու նոր ծրագրերի մեկնարկի ապահովումն է:   Շնորհակալություն բոլորին, ովքեր մասնակցել են մարդկային մեկ ժպիտ, հույս ու ապագային նորովի նայելու հնարավորություն տվող հիմնադրամի ծրագրերին»,- ասվում է հիմնադրամի ուղերձում:    
16:10 - 31 դեկտեմբերի, 2021
Արցախում «Հայաստան» հիմնադրամի գործունեության դադարեցման տեղեկատվությունը չի համապատասխանում իրականությանը. պարզաբանում

Արցախում «Հայաստան» հիմնադրամի գործունեության դադարեցման տեղեկատվությունը չի համապատասխանում իրականությանը. պարզաբանում

Լրատվամիջոցներում տարածված տեղեկատվությունը, թե «Հայաստան» համահայկական հիմնադրամը պատրաստվում է դադարեցնել գործունեությունն Արցախում, չի համապատասխանում իրականությանը։  «Լրատվամիջոցներում տարածված տեղեկատվությունը, թե «Հայաստան» համահայկական հիմնադրամը պատրաստվում է դադարեցնել գործունեությունն Արցախում, չի համապատասխանում իրականությանը։ Հիմնադրամը շարունակում է բնականոն գործունեություն ծավալել և Արցախում ունի բազում կարևոր լայնածավալ ծրագրեր, որոնց մի մասն արդեն ավարտվել է, իսկ մյուս մասն ընթացքում է։ Այս պահին հիմնադրամն Արցախում իրականացնում է շուրջ 40 մեծածավալ տարաբնույթ ծրագրեր, ընդհանուր առմամբ՝ շուրջ 70 միլիոն դոլար արժեքով։ Կառուցվում է 1100 բնակարան և առանձնատուն, 50 կմ-ից ավել ռազմավարական տարբեր ճանապարհներ, ավարտին է հասնում Արցախի պետական համալսարանի կառուցումը, վերանորոգվում և կառուցվում են դպրոցներ, իրականացվում է ջրամատակարարման երեք խոշոր ծրագիր և այլն։ Հիմնադրամի շուրջ անհիմն շահարկումները վնասում են մեր ընդհանուր գործին,- ասված է «Հայաստան» համահայկական հիմնադրամի տարածած հայտարարությունում։
09:51 - 29 դեկտեմբերի, 2021
Վարչապետը հանձնարարել է աուդիտի համար հասանելի դարձնել «Մենք ենք, մեր սահմանները» դրամահավաքի սկզբնական բոլոր փաստաթղթերը․ «Հայաստան» հիմնադրամ

Վարչապետը հանձնարարել է աուդիտի համար հասանելի դարձնել «Մենք ենք, մեր սահմանները» դրամահավաքի սկզբնական բոլոր փաստաթղթերը․ «Հայաստան» հիմնադրամ

«Հայաստան» համահայկական հիմնադրամը հաղորդագրություն է տարածել հոգաբարձուների խորհրդի 2021 թվականի նոյեմբերի 27-ի 30-րդ նիստի օրակարգի 1-ին կետի վերաբերյալ, որում ասվում է․«Հայաստան» համահայկական հիմնադրամի հոգաբարձուների խորհուրդը լսեց «Մենք ենք, մեր սահմանները» համազգային դրամահավաքի շրջանակներում հավաքագրված և 2020 թվականի ընթացքում Հայաստանի Հանրապետությանը նվիրաբերված դրամական միջոցների  նպատակային օգտագործման վերաբերյալ  խորհրդի կողմից ստեղծված աշխատանքային խմբի, հիմնադրամի հաշվեքննությունն իրականացնող աուդիտորական կազմակերպության և ՀՀ ֆինանսների նախարարի զեկույցները և դրանք ընդունեց ի գիտություն։Աշխատանքային խումբը հայտնեց, որ դրամական միջոցների ոչ նպատակային կիրառման մասին հավաստի որևէ ապացույց չի ստացել, ինչպես նաև աշխատանքային խումբն ու արտաքին աուդիտորը զեկուցեցին, որ իրավական սահմանափակումները խոչընդոտել են ՀՀ կառավարության կողմից ծախսված գումարների սկզբնական փաստաթղթերի ուսումնասիրումը:ՀՀ վարչապետը դիմեց ՀՀ հաշվեքննիչ պալատին՝ առաջարկելով դիտարկել այս հարցով կատարվելիք հաշվեքննություններում աշխատանքային խմբին և աուդիտորական կազմակերպությանը փորձագիտական մակարդակով ներգրավելու հնարավորությունը:ՀՀ վարչապետը հայտարարեց Կառավարության թափանցիկ և հաշվետվողական գործելու պատրաստակամության մասին. աշխատանքային խմբի և արտաքին աուդիտորական կազմակերպության համար հասանելի դարձնել սկզբնական բոլոր փաստաթղթերը՝ աշխատանքներն ամբողջականացնելու համար և, որը շատ էական է,  վստահեցնել թե՛ խորհրդին, թե՛ հանրությանը, որ Հիմնադրամի ներդրումները Կառավարության խողովակներով պատշաճ կերպով են օգտագործվել։Հոգաբարձուների խորհուրդն ուշադրության կենտրոնում կպահի այս հարցը և, ըստ անհրաժեշտության, վերստին կանդրադառնա դրան։Խորհուրդը, արժևորելով Հիմնադրամի դերը աշխարհասփյուռ հայությանը համընդհանուր նպատակի շուրջ համախմբելու գործում, կրկին շնորհակալություն  հայտնեց բոլոր նվիրատուներին և աջակիցներին։
16:46 - 01 դեկտեմբերի, 2021
«Հայաստան» հիմնադրամի գումարները չարաշահողները բացահայտվելու և պատժի են ենթարկվելու. Արծվիկ Մինասյան |tert.am|

«Հայաստան» հիմնադրամի գումարները չարաշահողները բացահայտվելու և պատժի են ենթարկվելու. Արծվիկ Մինասյան |tert.am|

tert.am: Եթե քննիչ հանձնաժողովը վերջում եզրակացնի, որ «Հայաստան» հիմնադրամի` բյուջե փոխանցված միջոցները եղել են արդարացված, անկախ քաղաքական տարաձայնություններից, հայտարարելո՞ւ եք,  որ խնդիր գոյություն չի ունեցել և վերականգնել հիմնադրամի հանդեպ վստահությունը։ Այս մասին հարց ուղղելով հանձնաժողովի նախագահ, «Հայաստան» խմբակցության պատգամավոր Արծվիկ Մինասյանին, ասաց իշխող խմբակցության պատգամավոր Բաբկեն Թունյանը։ Ի պատասխան| Արծվիկ Մինասյանը նշեց․«Բոլոր այն մարդիկ, ովքեր ակնկալում են այս հանձնաժողովից արդյունավետ աշխատանք, երբեք կասկածներ չպետք է ունենան հանձնաժողովի աշխատանքների հետ կապված։ Այո, ես որպես հանձնաժողովի նախագահ հրապարակային ասում եմ` մեր նպատակը ճշմարտությունը վեր հանելն է, հաստատել կամ հերքելը միջոցների օգտագործման օրինականությունը։  Եթե կան չարաշահումներ, ապա պատշաճ ընթացք ենք տալու մեղավորներին բացահայտելու և պատժի ենթարկելու համապատասխան վարույթներ հարուցելուն, անելու ենք ամեն ինչ, որ  վերականգվեն անարդյունավետ կամ ապօրինի օգտագործված գումարները, ինչպես նաև  ՀՀ խաթարված հեղինակությունը։ Ի վերջո «Հայաստան» հիմնադրամը Հայաստանի անկախության տարիների պատմության մեջ ամենակայացած ինստիտուտներից մեկն է եղել»։
17:41 - 30 նոյեմբերի, 2021
«Հայաստան» հիմնադրամի գործադիր տնօրեն է վերընտրվել Հայկակ Արշամյանը

«Հայաստան» հիմնադրամի գործադիր տնօրեն է վերընտրվել Հայկակ Արշամյանը

Այսօր` նոյեմբերի 27–ին, տեղի է ունեցել «Հայաստան» համահայկական հիմնադրամի հոգաբարձուների խորհրդի 30-րդ նիստը, որը վարել է Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանը:  Հիմնադրամի տարածած հաղորդագրության համաձայն՝ նիստին մասնկացում էին հոգաբարձուների խորհրդի 23 անդամները, որից 4-ը՝ հեռավար: Նիստի բացմանը մասնակիցները մեկ րոպե լռությամբ հարգեցին Արցախի և Հայաստանի սահմանների պաշտպանության ժամանակ զոհված զինծառայողների հիշատակը: «Նիստի առաջին հարցը վերաբերում էր Հայաստանի Հանրապետությանը նվիրաբերված դրամական միջոցների ուսումնասիրությանը, որի վերաբերյալ հնչեցին մի քանի զեկույցներ: Խորհուրդը մանրամասն քննարկեց զեկույցները և որոշում կայացրեց հանդես գալ հայտարարությամբ, որը կհրապարակվի մոտ ապագայում: «Իրավիճակը և իրադարձություններն իրենց ազդեցությունն են թողել նաև «Հայաստան» համահայկական հիմնադրամի գործունեության և աշխատանքների վրա՝ ինչպես Հայաստանում, այնպես էլ Արցախում»,–ասել է նախագահ Արմեն Սարգսյանը և հավելել,-«ներկայումս ավելի է հասունացել Հիմնադրամի արդիականացման պահը: Պետք է որդեգրել նոր մտածողություն, լայնորեն կիրառել նոր տեխնոլոգիաներ, գտնել կազմակերպական նոր մոդելներ»: Հիմնադրամի գործադիր տնօրեն Հայկակ Արշամյանը ներկայացրեց 2020-21 թթ. Արցախի և Հայաստանի մի շարք համայնքների առողջապահական, սոցիալական, մշակութային, ինչպես նաև ենթակառուցվածքների զարգացմանն ուղղված լայնածավալ ծրագրերը: Համաձայն օրակարգի՝ հաստատվեցին 2020թ. համախմբված ֆինանսական և ծրագրային հաշվետվությունները, 2021 թվականի բյուջեն, ինչպես նաև քննարկվեցին Հիմնադրամի հետագա անելիքները: Խորհուրդը որոշում կայացրեց երեք տարի ժամկետով հաստատել Հայկակ Արշամյանին գործադիր տնօրենի պաշտոնում։ «Հոգաբարձուների խորհրդի 30-րդ նիստն անցավ կառուցողական մթնոլորտում: Եղան բազմաթիվ հարցադրումներ, որոնց տրվեցին հստակ և սպառիչ պատասխաններ»,– նշեց Հիմնադրամի գործադիր տնօրեն Հայկակ Արշամյանը նիստի ավարտից հետո: Հիմնադրամի հոգաբարձուների խորհուրդը ևս մեկ անգամ շնորհակալություն հայտնեց հարյուր հազարավոր նվիրատուներին, որոնք իրենց անգնահատելի ներդրումն են ունեցել այս ծանր ժամանակահատվածում հայրենիքի զորացման գործում»- ասված է հաղորդագրությունում:
19:32 - 27 նոյեմբերի, 2021
Ավելի է հասունացել «Հայաստան» հիմնադրամի արդիականացման պահը. ՀՀ նախագահ |armenpress.am|

Ավելի է հասունացել «Հայաստան» հիմնադրամի արդիականացման պահը. ՀՀ նախագահ |armenpress.am|

armenpress.am: Հայաստանի Հանրապետության նախագահ, «Հայաստան» համահայկական հիմնադրամի  հոգաբարձուների խորհրդի նախագահ Արմեն Սարգսյանը ակնկալում է, որ հիմնադրամում իրականացվող համապատասխան ուսումնասիրությունների արդյունքները լույս կսփռեն իրավիճակի վրա և կծառայեն վստահության մթնոլորտի ձևավորմանը: «Հայաստան» համահայկական հիմնադրամի Հոգաբարձուների խորհրդի 30-րդ նիստին ՀՀ նախագահը բացման իր խոսքում նշեց, որ նոյեմբերի 27-ի նիստը տեղի է ունենում փորձություններով և մարտահրավերներով լի բարդ ժամանակահատվածում՝ ի դեմս Ադրբեջանի կողմից Արցախի դեմ  սանձազերծած պատերազմի, Հայաստանի ինքնիշխան  տարածքի հանդեպ ռազմական  ագրեսիայի, ինչպես նաև համավարակի հետևանքների: Նախագահ Սարգսյանը առաջարկեց մեկ րոպե լռությամբ հարգել հայրենիքի անվտանգության և պաշտպանության համար զոհվածների և համավարակի հետևանքով մահացած հայրենակիցների հիշատակը: «Բնականաբար իրավիճակը և իրադարձությունները իրենց ազդեցությունն են թողել  նաև «Հայաստան» համահայկական հիմնադրամի գործունեության և աշխատանքների վրա, ինչպես Հայաստանում, այնպես էլ Արցախում: Հիմնադրամի աշխատանքների ուղղվածությունը ենթարկվել է իրավիճակով պայմանավորված , չնախատեսված սրբագրումների: Այսօրվա նիստում տեղեկացրին նաև այդ մասին: Որպես «Հայաստան» համահայկական հիմնադրամի հոգաբարձուների խորհրդի նախագահ, որպես Հայաստանի Հանրապետության նախագահ, որպես հիմնադրամին նվիրատու և  որպես հայ, ցավ եմ ապրում անվստահության խոսակցությունների և արձագանքների համար»,- ընդգծեց ՀՀ նախագահը: Արմեն Սարգսյանի խոսքով` հիմնադրամը անցել է երկար ու դժվարին ճանապարհ, և պետք է ամեն ինչ անի սխալներն ու թերությունները շտկելու և վստահությունը վերականգնելու համար: Մյուս կողմից, ըստ նախագահի, ավելի է հասունացել հիմնադրամի արդիականացման պահը: «Պետք է որդեգրել նոր մտածողություն, լայնորեն կիրառել  նոր տեխնոլոգիաներ, գտնել կազմակերպման նոր մոդելներ»,- շեշտեց Սարգսյանը: Նախագահը շնորհակալություն հայտնեց բոլոր հայրենակիցներին, նվիրատուներին և բարերարներին: «Ուրախ եմ, որ օրերս կայացած հեռուստամարաթոնին հանգանակվել է զգալի գումար: Բոլորիս մաղթում եմ արդյունավետ աշխատանք և կառուցողական քննարկումներ»,- եզրափակեց Սարգսյանը: Հոգաբարձուների խորհրդի 30-րդ նիստին խորհրդի 30 անդամներից ներկա են 18-ը, հեռավար կարգով մասնակցում է 5 խորհրդի անդամ, հիմնադրամի տեղական մարմինների ատենապետեր և ներկայացուցիչներ: Նիստին մասնակցում է  նաև ՀՀ վարչապետ Նիկոլ Փաշինյանը: Օրակարգում են ընդգրկվել են հետևյալ հարցերը. «Մենք ենք մեր սահմանները» համազգային դրամահավաքի շրջանակներում հավաքագրված և 2020թ. հոկտեմբերի 8-ից մինչև նոյեմբերի 1-ն ընկած ժամանակահատվածում թվով ինը պայմանագրերով Հայաստանի Հանրապետությանը նվիրաբերված 52,703,114,113 ՀՀ դրամի նպատակային օգտագործման վերաբերյալ ուսումնասիրության քննարկում, «Հայաստան» համահայկական հիմնադրամի գործադիր վարչության 2011 թվականի տարեկան բյուջեի հաստատում, հիմնադրամի գործադիր վարչության 2020 թվականի հունվարի 1-ից մինչև 2020 թվականի դեկտեմբերի 31-ն ընկած ժամանակահատվածում տարեկան համախմբված ֆինանսական և ծրագրային տարեկան հաշվետվությունների հաստատում, 2021թ. նոյեմբերի 27-ից երեք տարի ժամկետով Հայկակ Արշամյանին «Հայաստան» համահայկական հիմնադրամի գործադիր տնօրենի պաշտոնում նշանակելու մասին քննարկում:
11:40 - 27 նոյեմբերի, 2021