#armVote

2021 թվականի հունիսի 20-ին Հայաստանում կանխատեսվում են խորհրդարանական արտահերթ ընտրություններ: 

2021 թվականի մարտի 18-ին ՀՀ վարչապետ Նիկոլ Փաշինյանը հայտարարեց, որ այս որոշումը կայացվել է ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի ու «Բարգավաճ Հայաստան» խմբակցության ղեկավար Գագիկ Ծառուկյանի հետ քննարկումներից հետո։

ՀՀ Սահմանադրությունը սահմանում է, որ խորհրդարանական արտահերթ ընտրություններ անցկացնելու համար Ազգային ժողովը պետք է արձակվի, դրա համար վարչապետը պետք է հրաժարական ներկայացնի, որից հետո 2 շաբաթում 2 անգամ անընդմեջ չընտրվի նոր վարչապետ, այնուհետեւ ոչ շուտ, քան 30 եւ ոչ ուշ, քան 45 օր հետո նշանակվեն նոր ընտրություններ։

Այս գործընթացի համար վարչապետը հրաժարական է ներկայացրել 2021 թվականի ապրիլի 25-ին, եւ արդեն մեկ անգամ չի ընտրվել։ Վարչապետի ընտրության հարցով հաջորդ նիստը կգումարվի մայիսի 10-ին։

Քաղաքական մի շարք ուժեր կարեւորում են նախքան ընտրությունները Ընտրական օրենսգրքի փոփոխությունների ընդունումը։ Խորհրդարանական մեծամասնությունը հայտարարել էր, որ Օրենսգրքում փոփոխություններ անելու որոշում ունեն, դրանցից որոշներն արդեն ընդունվել են, մասնավորապես, ռեյտինգային ընտրակարգը վերացվել է։ ԸՕ փոփոխությունների մեծ փաթեթը դեռեւս ընդունված չէ։

Կարող եք կատարել նվիրատվություն հետևյալ հղումով՝

Նվիրաբերել
Հայտնի են Վերին Դվինում և Արզնիում քվեարկության նախնական արդյունքները

Հայտնի են Վերին Դվինում և Արզնիում քվեարկության նախնական արդյունքները

2023 թվականի հոկտեմբերի 29-ին Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի համայնքում կայացել են համայնքի ղեկավարի մեծամասնական ընտրակարգով հերթական ընտրություններ։ Քվեարկության նախնական արդյունքները հետևյալն են․ Վերին Դվին համայնք- համայնքի ղեկավարի թեկնածուներ Զաքարյան Դմիտրի Միխայիլի 42 քվե Յակովլեվ Վյաչեսլավ Իվանի 138 թվե Պետրովա Լյուդմիլա Ալեքսանդրի 626 քվե Ընտրողների ընդհանուր թիվը՝1545, քվեարկությանը մասնակցել է 818-ը։ Վերին Դվին համայնք- ավագանու անդամի թեկնածուներ Ամիրյան Նաիրա Մարտինի 35 քվե Գևորգյան Արամ Իշխանի 97 քվե Թամրազով Սարգոն Հակոբի 81 քվե Միխաիլով Սերգեյ Միխայիլի 91 քվե Միրզոեւ Ստեփան Արսենի 32 քվե Յակովլեւ Մարկ Պավելի 67 քվե Յակովլեւա Ջուլետտա Ալեքսեյի 30 քվե Յուխանաեւ Վլադիսլավ Վալենտինի 59 քվե Նիկոլաեւ Յուրա Կոնստանտինի 45 քվե Պետրովա Անյա Լյովայի 100 քվե Սարգսյան Աշոտ Սենիկի 36 քվե Վլասյան Կարեն Սամվելի 45 քվե Տամրազով Վասիլի Ռոլանդի 55 քվե Արզնի համայնք- համայնքի ղեկավարի թեկածուներ Ավագյան Վարդան Ալբերտի 236 քվե Իվանով Էմիլ Տիմոֆեյի-113 քվե Միրզոեւ Ալեքսանդր Գեորգիի 292 քվե Միրզոեւ Ֆելիքս Վալերիեւիչ 372 քվե Չոբանյան Կորյուն Աղասարի 103 քվե Արզնի համայնքում ընտրողների թիվը 2132 է, քվեարկությանը մասնակցել է 1164-ը։
11:24 - 30 հոկտեմբերի, 2023
Վերին Դվին և Արզնի համայնքներում մեծամասնական ընտրակարգով հերթական ընտրություններ են

Վերին Դվին և Արզնի համայնքներում մեծամասնական ընտրակարգով հերթական ընտրություններ են

Այսօր Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի համայնքում համայնքի ղեկավարի մեծամասնական ընտրակարգով հերթական ընտրություններ են: ԿԸՀ-ից տեղեկանում ենք՝ Վերին Դվին համայնքի ընտրողների թիվը 1545 է, իսկ Արզնի համայնքինը՝ 2132։ Նշված ընտրություններն անցկացնելու համար Վերին Դվին համայնքում կազմավորվել է 1, Արզնի համայնքում՝ 2 տեղամաս: Առավոտյան` ժամը 8.00-ին, ՀՀ ընտրական օրենսգրքով սահմանված կարգով բացվել են ընտրությունների համար ձևավորված  3 ընտրական տեղամասերը և ընդունել առաջին ընտրողներին: ՏԻՄ ընտրությունների ժամանակ ընտրողների էլեկտրոնային գրանցման նպատակով օգտագործվում է 7 տեխնիկական սարքավորում: Ընտրությունները լուսաբանելու համար որևէ ԶԼՄ չի հավատարմագրվել։ Չեն հավատարմագրվել նաև դիտորդական առաքելություն իրականացնող հասարակական կազմակերպություններ։ Ընտրությունների քվեարկության մասնակիցների թիվը, ըստ համայնքների, այսօր՝ ժամը 12.00-ից սկսած, երեքժամյա պարբերականությամբ կհրապարակվի Կենտրոնական ընտրական հանձնաժողովի կայքում:
10:28 - 29 հոկտեմբերի, 2023
Ավագանու մի շարք անդամներ ինքնաբացարկի դիմում են ներկայացրել. մի մասը պաշտոններ կստանա |hetq.am|

Ավագանու մի շարք անդամներ ինքնաբացարկի դիմում են ներկայացրել. մի մասը պաշտոններ կստանա |hetq.am|

hetq.am: Երեւանի ավագանու «Քաղաքացիական պայմանագիր» կուսակցության անդամներ Կամսար Բաբինյանը, Հակոբ Բալայանը, Արամ Ազատյանը, Սուրեն Գրիգորյանը, «Մայր Հայաստան» կուսակցությունների դաշինքի ավագանու անդամներ Ադրինե Ավագյանը, Դուստրիկ Մխիթարյանը, «Հանրապետություն» կուսակցությունից Սարգիս Մադաթյանը դիմումներ են ներկայացրել ավագանու անդամի լիազորությունները վաղաժամկետ դադարեցնելու մասին։ Այս մասին Երևանի ավագանու հոկտեմբերի 26-ի արտահերթ նիստում հայտնեց քաղաքապետ Տիգրան Ավինյանը։ Նշենք, որ Սուրեն Գրիգորյանը և Սարգիս Մադաթյանը քաղաքապետի տեղակալների թեկնածուներ են։ Այսօր ավագանու արտահերթ նիստում կքննարկվի քաղաքապետի առաջին տեղակալի և մյուս տեղակալների ընտրության հարցը։ Իսկ Արամ Ազատյանը քաղաքապետի հոկտեմբերի 25-ի որոշմամբ՝ նշանակվել է Երևանի Արաբկիր վարչական շրջանի ղեկավար։ Ըստ լրատվամիջոցներում տարածվող լուրերի՝ Կամսար Բաբինյանը նշանակվել է Աջափնյակի ղեկավար, սակայն քաղաքապետի որոշումը դեռ հրապարակված չէ։ Տիգրան Ավինյանը հայտնեց, որ Կենտրոնական ընտրական հանձնաժողովի արձանագրությամբ՝ լիազորությունները վաղաժամկետ դադարեցրած ավագանու անդամի մանդատները տրվել են ՔՊ կուսակցության ընտրական ցուցակի հերթական հաջորդ թեկնածուներ Արման Բարխուդանյանին, Հեղինե Ոսկանյանին, Զինա Չալիկյանին, Լևոն Լևոնյանին, «Մայր Հայաստան» կուսակցությանը՝ Արմեն Քոչարյանին, Գրիգոր Իսկանդարյանին, «Հանրապետություն»-ը՝ Մհեր Բեջանյանին։
10:52 - 26 հոկտեմբերի, 2023
ԿԸՀ-ն ավագանու անդամների լիազորությունները վաղաժամ դադարեցնելու հինգ արձանագրություն է ստացել

ԿԸՀ-ն ավագանու անդամների լիազորությունները վաղաժամ դադարեցնելու հինգ արձանագրություն է ստացել

Կենտրոնական ընտրական հանձնաժողովը հոկտեմբերի 20-ի հերթական նիստում ուժը կորցրած է ճանաչել Երևանի ավագանու անդամի մի շարք թեկնածուների գրանցումները՝ վերջիններիս ինքնաբացարկի դիմումների հիմա վրա։ Այսպիսով, 2023 թվականի սեպտեմբերի 17-ին կայացած Երևանի ավագանու ընտրություններին մասնակցած «Քաղաքացիական պայմանագիր» կուսակցության ընտրական ցուցակում ընդգրկված ավագանու անդամի թեկնածուներ՝ Անդրանիկ Գագիկի Գասպարյանի,Արտակ Գրիգորի Հովակիմյանի, Սամվել Էդուարդի Ղուկասյանի,Վահե Մանվելի Հակոբյանի, Միքայել Ռաֆայելի Օհանյանի, Արմեն Պետրոսի Մհերյանի, Լուսինե Վիկտորի Դայանի, Ռազմիկ Սամվելի Մկրտչյանի, Ռոման Վարազդատի Համբարձումյանի գրանցումներն ուժը կորցված են ճանաչվել։  Ինքնաբացարկի դիմումներն օրենքով սահմանված կարգով վավերացված  են եղել նոտարական կարգով, հետևաբար վերոնշյալ անձինք նիստին չեն ներկայացել (բացառությամբ Ռոման Համբարձումյանի, որը ներկայացել է նիստին)։ ԿԸՀ-ն Երևան համայնքի ղեկավարից ստացել է ավագանու անդամների լիազորությունները վաղաժամ դադարեցնելու հինգ արձանագրություն։ ԿԸՀ-ից հայտնում են, որ Երևանի ավագանու  «Քաղաքացիական պայմանագիր» խմբակցության անդամներ Կամսար Բաբինյանը, Հակոբ Բալայանը,Արամ Ազատյանը ինքնաբացարկի դիմումներ են ներկայացրել։ Լիազորությունները վաղաժամկետ դադարած ավագանու անդամների մանդատները տրվել է կուսակցության ընտրական ցուցակի հերթական հաջորդ թեկնածուներ Արման Գագիկի Բարխուդարյանին, Հեղինե Մկրտիչի Ոսկանյանին, Զինա Վարդանի Չալիկյանին։ Երևանի ավագանու «Մայր Հայաստան» խմբակցության անդամներ Ադրինե Ավագյանը և Դուստրիկ Մխիթարյանն ինքնաբացարկի դիմումներ են ներկայացրել։ Լիազորությունները վաղաժամկետ դադարած ավագանու անդամների մանդատները տրվել է «Մայր Հայաստան» կուսակցությունների դաշինքի ընտրական ցուցակի հերթական հաջորդ թեկնածուներ՝ Արմեն Մանվելի Քոչարյանին, Գրիգոր Գագիկի Իսկանդարյանին։ Թիվ 1, 2, 3, 4, 6, 7, 8, 10 ԸԸՀ-ներն առաջարկել են Երևանի ավագանու ընտրությունների ժամանակ խախտումներ արձանագրած ՏԸՀ անդամներին զրկել լիցենզիայից։ ԿԸՀ-ն բավարարել է դիմումների մի մասը՝ լիցենզիայից զրկելով 14 անձի։
17:58 - 20 հոկտեմբերի, 2023
Երևանի ավագանու ընտրություններում հաղթեց ժողովրդավարությունը, ընտրողը. Նիկոլ Փաշինյան

Երևանի ավագանու ընտրություններում հաղթեց ժողովրդավարությունը, ընտրողը. Նիկոլ Փաշինյան

Երեւանի ավագանու ընտրություններում հաղթեց ժողովրդավարությունը, հաղթեց ընտրողը եւ հաղթեց հեղափոխությունը։ Այսպես եմ ասում, որովհետև բոլորս հասկանում էինք Երեւանի ավագանու ընտրությունների քաղաքական նշանակությունը եւ կարեւորությունը․ այս ընտրություններում ձայների բաշխվածությունը կարող էր էականորեն փոխվել, 50-150 քվե ձայների տարբերությամբ քաղաքական իրադրությունը կարող էր փոխվել։ Այս մասին այսօր հայտարարեց վարչապետ Նիկոլ Փաշինյանը՝ Հանրային հեռուստաընկերությանը տված հարցազրույցում։  Փաշինյանը նշեց` իրենք արդեն երկու անգամ անառարկելիորեն ապացուցել են իրենց վստահեցումը, թե «մենք մեր ձեռքերը կկտրենք, բայց որևէ քաղաքացու քվեի ձեռք չենք տա»:  Հարցին` ընտրությունների արդյունքներից քաղաքական հետևությունը որն է, վարչապետը պատասխանեց. «Այն ուժերը, որ հանդես են եկել որպես հեղափոխության արժեքների կրող ու պաշտպան, հավաքել են 60 տոկոսից ավելի ձայն, ուրիշ բան` ով է անկեղծորեն նվիրված այդ արժեքներին, ով է մանիպուլացնում։ Լավ առիթ է, որ նորընտիր քաղաքապետը ցուցաբերի համախմբելու կարողություն, այդ թվում`ընդդիմադիրների ծրագրերի համադրելի դրույթների նկատմամբ սեփականատիրական վերաբերմունք ունենա»: Նիկոլ Փաշինյանը՝ ի պատասխան Պետրոս Ղազարյանի դիտարկմանը, որ Տիգրան Ավինյանի ընտրվելը կախված էր Վարդան Ղուկասյանի ղեկավարած քաղաքական ուժի՝ ավագանու նիստին գալ-չգալուց, ասել է․ «Եթե ուզում եք հարցնել՝ ընտրությունների արդյունքները մեզ մտածելու առիթ տալի՞ս են, ապա պատասխանեմ՝ այո՛, տալիս են․․․ Մտածելու, վերլուծելու, բայց այս փուլում ես չեմ ուզում՝ մենք որևէ կերպ քննարկման առարկա դարձնենք ընտրողի որոշումը»։  
23:50 - 10 հոկտեմբերի, 2023
Երկրորդ փուլ թույլ տալ չի կարելի այս իրավիճակում. Վարդան Ղուկասյանի պատասխանը՝ Մարությանին |news.am|

Երկրորդ փուլ թույլ տալ չի կարելի այս իրավիճակում. Վարդան Ղուկասյանի պատասխանը՝ Մարությանին |news.am|

news.am: Երկրորդ փուլ թույլ տալ չի կարելի այս իրավիճակում, երբ որ ադրբեջանական զորքը կանգնած է Երասխի մոտ, երբ որ 100 հազար փախստական լցվել է Հայաստան եւ յուրաքանչյուր կոպեկը կարեւոր է: Այս մասին հայտարարել է «Հանրային ձայն» կուսակցության ղեկավար Վարդան Ղուկասյանը՝ արձագնաքելով Հայկ Մարությանի հայտարարությանը:«Երկրորդ փուլ թույլ տալ, որ ընկնել  քուչա-քուչա քարոզարշավ անել, ես դա ոչ ընդունում եմ, ոչ էլ դա անող եմ: Կա այսպիսի մի վտանգ, ամենամեծ վտանգը, ռոբասերժական կլանը չպիտի իր դիրքերն ամրապնդի: Ես որպես ընդդիմություն ավելի նախընտրում եմ, որ սրանք չամրապնդվեն, քան թե Ավինյանը չվերարտադրվի: Ավինյանը եթե վերարտադրվի, օրենքը թույլ է տալիս մի տարի հետո անվստահություն հայտնել եւ հեռացնել, բայց երբ  ռոբասերժական կլանը ամրապնդվեց, դա կլինի Հայաստանի Հանրապետության վերջը լիակատար, կդառնա գուբերնիա՝ առանց Սյունիքի: Ես գնացի ինձ համար անընդունելի գորրծարքի, սակայն Հայկ Մարությանը ասաց, որ կամ ինքը քաղաքապետ կլինի, կամ՝ քաղաքապետ չի լինի, ես էլ պատասխանեցի՝ դու չես լինի քաղաքապետ: Հիմա ինձ քաղաքապետի ընտրությունների հարցը չի հուզում, ինձ հետաքրքիր է ինչ է լինելու մինչեւ ամսի 10-ը»,- ասաց նա: Հիշեցնենք, որ Երեւանի նախկին քաղաքապետ, «Ազգային առաջընթաց» կուսակցության կողմից քաղաքապետի թեկնածու Հայկ Մարությանը հայտարարել էր, որ բոյկոտելու են ավագանու առաջին նիստը նոր ընտրությունների գնալու համար, եւ «Հանրային ձայն» կուսակցությանը առաջարկել էր նույնպես բոյկոտել՝ իշխանության վերարտադրություն թույլ չտալու համար: Նշենք, որ «Հանրային ձայն» կուսակցությունը սեպտեմբերի 17-ին կայացած Երևանի ավագանու ընտրությունների արդյունքներով ստացել է 7 մանդատ:  Ընտրություններին մասնակցած եւ ընտրական շեմը հաղթահարած ոչ մի քաղաքական ուժ չունի 33 մանդատ, որը պետք է քաղաքապետ ընտրելու համար:
10:20 - 02 հոկտեմբերի, 2023
ԿԸՀ-ն բաշխել է հոկտեմբերի 29-ի ՏԻՄ ընտրություններում ՏԸՀ նախագահի և քարտուղարի պաշտոնները

ԿԸՀ-ն բաշխել է հոկտեմբերի 29-ի ՏԻՄ ընտրություններում ՏԸՀ նախագահի և քարտուղարի պաշտոնները

ՀՀ կենտրոնական ընտրական հանձնաժողովը բաշխել է 2023 թվականի հոկտեմբերի 29-ի ՏԻՄ ընտրություններում տեղամասային ընտրական հանձնաժողովի նախագահի և քարտուղարի պաշտոններն Ազգային ժողովում խմբակցություն ունեցող կուսակցության, կուսակցությունների դաշինքների միջև։ Արարատի մարզի Վերին Դվին և Կոտայքի մարզի Արզնի համայնքներում հոկտեմբերի 29-ին մեծամասնական ընտրակարգով հերթական ընտրություններ են։ Տեղամասային ընտրական հանձնաժողովներում հանձնաժողովի նախագահի և քարտուղարի պաշտոններն Ազգային ժողովում խմբակցություն ունեցող կուսակցության, կուսակցությունների դաշինքների միջև «Ընտրություններ» ավտոմատացված համակարգի միջոցով բաշխվել են հետևյալ համամասնությամբ` «Քաղաքացիական պայմանագիր» կուսակցություն` 2 -ական, «Հայաստան» կուսակցությունների դաշինք` 1-ական, «Պատիվ ունեմ» կուսակցությունների դաշինք` 0 -ական։ Բաշխումն իրականացվում է ԱԺ խմբակցությունների ստացած մանդատների համամասնությամբ։ Տեղամասային ընտրական հանձնաժողովներում անդամներ նշանակելու մասին հայտերը Կենտրոնական ընտրական հանձնաժողով ներկայացվում են 2023 թվականի սեպտեմբերի 29-ից հոկտեմբերի 4-ը` մինչև ժամը 18.00-ն: Տեղամասային ընտրական հանձնաժողովների անդամ կարող են նշանակել միայն ԱԺ խմբակցությունները և Ընտրատարածքային ընտրական հանձնաժողովները (յուրաքանչյուրը 2 անդամ): ԿԸՀ-ն ՏԸՀ անդամ նշանակելու իրավասություն չունի։
16:34 - 29 սեպտեմբերի, 2023
«Մայր Հայաստան» խմբակացությունն ամբողջ կազմով չի ներկայանա Երևանի ավագանու առաջին նիստին

«Մայր Հայաստան» խմբակացությունն ամբողջ կազմով չի ներկայանա Երևանի ավագանու առաջին նիստին

Կենտրոնական ընտրական հանձնաժողովը սեպտեմբերի 28-ի նիստում գրանցել է Երևանի ավագանու ընտրված անդամներին։ Նորընտիր ավագանիում «Մայր Հայաստան» խմբակցության կազմը ներկայացնում ենք ստորև․   1. Թևանյան Անդրանիկ Նորիկի   2. Փոստանջյան Զարուհի Համազասպի   3. Սուքիասյան Մանուկ Հենրիկի   4. Հարոյան Սամվել Անուշավանի   5. Մխիթարյան Դուստրիկ Վանուշի   6. Մանուկյան Մեսրոպ Գևորգի   7. Հակոբյան Սամվել Ռուբիկի   8. Ավագյան Ադրինե Էդուարդի   9. Պետրոսյան Թաթուլ Ռուշանի   10. Աղեկյան Սոննա Սուրենի   11. Ստեփանյան Գևորգ Արմենակի   12. Հայրապետյան Նարինե Սլավիկի   Ինչպես նախապես տեղեկացրել էինք՝ ոչ իշխանական թեկնածուի շուրջ կոնսենսուսի բացակայության պայմաններում «Մայր Հայաստան» դաշինքն ընտրում է նիստին չներկայանալու և քվորում չապահովելու միջոցով Երևանի ավագանու նոր ընտրություններ անցկացնելու ճանապարհը։
12:28 - 29 սեպտեմբերի, 2023
«Հանրային ձայն» կուսակցությունն արձագանքել է Հայկ Մարությանի հայտարարությանը |1lurer.am|

«Հանրային ձայն» կուսակցությունն արձագանքել է Հայկ Մարությանի հայտարարությանը |1lurer.am|

1lurer.am: «Հանրային ձայն» կուսակցության ղեկավար Վարդան Ղուկասյանը արձագանքել է «Ազգային առաջընթաց» կուսակցության քաղաքապետի թեկնածու Հայկ Մարությանի հայտարարությանը, որով վերջինս առաջարկում էր միանալ Երևանի ավագանու առաջին նիստը բոյկոտելու իրենց որոշմանը` այդպիսով քաղաքապետի նոր ընտրությունների կազմակերպման հիմք ստեղծելով: Ղուկասյանը հիշեցրել է` ժամանակին հատուկ առաջարկով դիմել է Մարությանին, սակայն համաձայնության չեն եկել: Այժմ նա պատրաստ է միանալ «Ազգային առաջընթաց» կուսակցության և «Մայր Հայաստան» դաշինքի որոշմանը` Ավագանու առաջին նիստը բոյկոտելու մասին, սակայն մի պայմանով` եթե իր հետ պայմանագիր կնքեն` ամեն երրորդ թաղապետի պաշտոնն իր ուժին հանձնելու մասին: Ղուկասյանը 10 օր ժամանակ է տվել Մարությանին որոշում կայացնելու համար։ Հիշեցնենք, որ երեկ Հայկ Մարությանը հայտարարեց` իր խմբակցությունը պատրաստվում է գնալ նոր ընտրության, ավելի վաղ «Մայր Հայաստան» դաշինքն էր հայտարարել, որ կոնսենսուսի բացակայության պայմաններում առաջարկում է Երևանի ավագանու նոր ընտրություններ:
10:43 - 29 սեպտեմբերի, 2023
Կոնսենսուսի բացակայության պայմաններում «Մայր Հայաստանը» առաջարկում է Երևանի ավագանու նոր ընտրություններ

Կոնսենսուսի բացակայության պայմաններում «Մայր Հայաստանը» առաջարկում է Երևանի ավագանու նոր ընտրություններ

«Մայր Հայաստան» դաշինքը կոնսենսուսի բացակայության պայմաններում առաջարկում է Երևանի ավագանու նոր ընտրություններ։ Այս մասին հայտարարություն է տարածել դաշինքը։ ««Մայր Հայաստան» դաշինքը, լիարժեքորեն հանձնառու լինելով իր հայտարարած սկզբունքներին, մասնավորապես՝ հասնելու ամբողջական իշխանափոխության և նոր ազգային իշխանությունների ձևավորման, որի համար Երևանի ավագանու ընտրությունները դիտարկվում են որպես մեկնարկային քայլ, ինչի համար ստացել է մեր համաքաղաքացիների անգնահատելի վստահությունը, գտնում է, որ ոչ իշխանական դաշտում կոնսենսուսը միակ պայմանն է, որի պարագայում հնարավոր է հասնել «Քաղաքացիական պայմանագրի» իշխանազրկմանը։ Հաշվի առնելով այս առումով մեր հանրության հետ ազնվորեն գործելու անհրաժեշտությունը՝ կոչ ենք անում ավագանու ընտրությունների արդյունքում ընդդիմադիր հռչակված կուսակցություններին հանդես գալու աներկբա հայտարարություններով և դիրոքորոշումներով, որոնք տարաբնույթ մեկնաբանությունների տեղիք չեն տա և հնարավորություն կընձեռեն միասնական ջանքերով բացառելու գործող իշխանության վերարտադրումը։ Կոնսենսուսի բացակայության պարագայում՝ նիստին չներկայանալու և քվորում չապահովելու միջոցով Երևանի ավագանու նոր ընտրությունների անցկացումը կմնա միակ լուծումը ստեղծված իրավիճակում»,- ասված է հաղորդագրության մեջ։ 
16:13 - 28 սեպտեմբերի, 2023
Երևանի ավագանու ընտրությունների արդյունքները չի բողոքարկել մասնակից ոչ մի քաղաքական ուժ
 |armenpress.am|

Երևանի ավագանու ընտրությունների արդյունքները չի բողոքարկել մասնակից ոչ մի քաղաքական ուժ |armenpress.am|

armenpress.am:  Երևանի ավագանու ընտրությունների արդյունքների բողոքարկման ժամկետը լրացել է սեպտեմբերի 27-ին, մասնակից 14 քաղաքական ուժերից որևէ մեկը չի բողոքարկել: Այս մասին հայտարարեց Կենտրոնական ընտրական հանձնաժողովի նախագահ Վահագն Հովակիմյանը ԿԸՀ նիստում: Վահագն Հովակիմյանը Կենտրոնական ընտրական հանձնաժողովին, ողջ ընտրական համակարգին շնորհակալություն հայտնեց ազատ, արդար, թափանցիկ ընտրություններ կազմակերպելու համար՝ հաշվի առնելով այն հանգամանքը, որ երեկ՝ սեպտեմբերի 27-ին լրացել է ընտրությունների բողոքարկման ժամկետը: Եվ 14 մասնակից քաղաքական ուժերից որևէ մեկը ընտրությունների արդյունքները չի բողոքարկել Վարչական դատարան: «Ընտրություններն անցել են մրցակցային, բուռն, լարված պայմաններում, բայց այն փաստը, որ 14 մասնակիցներից որևէ մեկը չի բողոքարկել ընտրության արդյունքները, ինքնին փաստում է, որ ընտրական համակարգն իր պարտականություններն ամբողջությամբ կատարել է: Եվ ազատ, արդար, թափանցիկ ու մրցակցային ընտրությունները մեզանում արդեն կայացած իրողություն են: Դա նաև ընդունում են քաղաքական ուժերը, որոնք մասնակցել են ընտրություններին»,-ասաց Հովակիմյանը: Երևանի ավագանու ընտրություններն անցկացվել էին սեպտեմբերի 17-ին: Ընտրություններում մասնակից 14 քաղաքական ուժերից անցողիկ շեմը հաղթահարել է 5-ը: Անցողիկ շեմը հաղթահարած ուժերն են «Քաղաքացիական պայմանագիր» կուսակցությունը, «Ազգային առաջընթաց» կուսակցությունը, «Մայր Հայաստան» դաշինքը, «Հանրային ձայն» կուսակցությունը և «Հանրապետություն» կուսակցությունը։
15:54 - 28 սեպտեմբերի, 2023
Մարությանը դեմ չէ «Հանրային ձայնի» պայմանին, սակայն ինքը չի կարողանա վարչության պետ նշանակել․ պետք է հայտարարվի մրցույթ

Մարությանը դեմ չէ «Հանրային ձայնի» պայմանին, սակայն ինքը չի կարողանա վարչության պետ նշանակել․ պետք է հայտարարվի մրցույթ

Երևանի քաղաքապետի թեկնածու Հայկ Մարությանը ֆեյսբուքյան ուղիղ եթերում խոսեց նաեւ Երևանի ավագանու ընտրություններից և նշեց՝ սա, իհարկե, կարեւոր թեմա չէ, ոչ մեկը չի էլ ուզում խոսել դրա մասին, սակայն օրենքը պարտադրում է, որ արդեն մի քանի օրից առաջին նիստը լինի, որտեղ պետք է լինի Երևանի քաղաքապետի ընտրությիւնը։ Նա հիշեցրեց իր առաջարկը, ըստ որի՝ ընդդիմադիր ուժերը անկախ քաղաքական հայացքներից պետք է ընտրեին մեկ ընդդիմադիր թեկնածու ու այդպիսով զրկեին իշխանությանը վերարտադրվելու հնարավորությունից։ Նա նշեց, որ առաջարկին չի արձագանքել «Հանրապետություն» կուսակցությունը, ինչը թույլ է տալիս ենթադրել, որ իրենք միանում են ՔՊ-ին։ «Անգամ եթե միանան, ապա միասին ունենում են 32 մանդատ, իսկ քաղաքային իշխանուլյունը ձևավորելու համար հարկավոր է 33, որն ունի այսպես ասած «իրական ընդդիմությունը»։ «Մայր Հայաստան» դաշինքը համաձայնել է տալ իրենց ձայները այդ միասնական թեկնածուրին առանց որևէ նախապայմանի։ Իրենց մաիկ ասելիքն այն էր, որ իրենք ուզում են լսել, որ այդ քաղաքական ուժը ուզում է, որ իշխանափոխություն լինի, այսինքն՝ ոչ միայն քաղաքային։ Բնականաբար, մենք դրա մասին բազմիցս հայտարարել եմ, հիմա ևս մեկ անգամ ասում եմ, որ մեր թիմը կարծում է, որ պիտի լինի իշխանափոխոպթյուն։ «Հանրային ձայնը» հայտարարեց, որ համաձայն են, սակայն այն պայմանով, որ վերահակողության վարչության պետի պաշտոնը տրվի իրենց կուսակզությանը։  Բացարձակ դեմ բան չունենք այստեղ, միակ բանը որ այստեղ մեզ խանգարում է, ի դեպ մեզ ձեռք կտա, որ լավ, պրոֆեսիոնալ մեկը գա ղեկավարի, բայց քանի որ վարչության պետը, ինքնին համայնքային ծառայող է, քաղաքապետը չի կարող նշանակել, լինում է մրցույթ և այդ մրցույթի շնորհիվ նոր ընտրվում է վարչության պետ։ Նա ընթերցեց համապատաախան օրենքը, ապա նշեց՝ չեն կարող այս պաշտոնը խոսք տալ, որևէ քաղաքական ուժի։ Նա ասաց, որ եթե ունեն լավ մասնագետ, որը կկարողանա գլուխ հանել ու լավ ձեւով վերահսկել համակարգը, թող գա, մասնակցի մրցույթին, հաղթեք այն, մեծ հաճույքով կնշանակենք։ Մարությանը նշեց՝ կխնդրի նաև, որ ստուգումները սկսեն հենց իրենից։ Դրա հետ կապված, Մարությանի խոսքով, իրենց մասնագետները հետաքրքիր լուծում են գտել․ այն է՝ ստեղծել Ավագանու քննող հանձնաժողով, որը պետք է ստեղծվի որևէ խմբակացության, այդ դեպքում՝ «Հանրային ձայնը» կուսակցության պահանջով, իսկ նախագահն էլ կլինի այդ կուսակցությունից։  Մարությանը նշեց՝ այդ հանձնաժողովի օգնությամբ կարող են ստուգել այն ամենը ինչ կուզեն, բոլոր փաստաթղթերը կտրամադրվեն, իր կողմից էլ հանձնարական կլինի՝ հատուկ ուշադրություն տրամադրվի այդ հանձնաժողովին։ Այդ հանձնաժողովը իր գործունեության արդյունքների մասին եզրակացությունը ներկայացնելու է Ավագանու նիստում․ այսինքն՝ բացի ստուգելուց, կարող են նաև հանրային ձևով ներկայացնել և բոլորն էլ կիմանան այդ մասին։   
19:56 - 27 սեպտեմբերի, 2023