Լեւոն Արոնյան

Հայ շախմատիստ, գրոսմայստեր։ 2005 եւ 2017 թվականների աշխարհի գավաթակիր, Հայաստանի հավաքականի կազմում 37-րդ, 38-րդ եւ 40-րդ համաշխարհային օլիմպիադաների, 2011 թվականի աշխարհի եւ 1999 թվականի Եվրոպայի թիմային առաջնությունների հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող, 2009 եւ 2013 թվականների Բիլբաո-Մեծ սաղավարտի հաղթող, արագ շախմատի 2009 թվականի աշխարհի չեմպիոն, 2006 եւ 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն։ 2011 թվականին Մոնակոյում նա մասնակցեց «կույր» եւ արագ շախմատի «Ամբեր» ավանդական մրցաշարին եւ դարձավ նրա վերջին հաղթողը (մրցաշարն այլեւս չի անցկացվելու)։

2014 թվականին Լեւոն Արոնյանն արժանացել է Երեւանի պատվավոր քաղաքացու կոչման։

Լևոն Արոնյանը և Սամվել Տեր-Սահակյանը ոչ-ոքի են ավարտել պարտիան «Գրանդ Սվիս»-ում 
 |armenpress.am|

Լևոն Արոնյանը և Սամվել Տեր-Սահակյանը ոչ-ոքի են ավարտել պարտիան «Գրանդ Սվիս»-ում |armenpress.am|

armenpress.am:  Ավարտին է մոտենում Մեծ Բրիտանիայի Մեն կղզում ընթացող ՖԻԴԵ-ի «Գրանդ Սվիս» մրցաշարը: Հայաստանը ներկայացնող շախմատիստներից 10-րդ` նախավերջին խաղափուլում Շանթ Սարգսյանը սև խաղաքարերով պարտության մատնեց ՋորդենՎան Ֆորեստին: Լևոն Արոնյանը և Սամվել Տեր-Սահակյանը խաղում էին իրար դեմ և խաղն ավարտվեց ոչ-ոքի արդյունքով: Գաբրիել Սարգսյանի, Հայկ Մարտիրոսյանի և Հրանտ Մելքումյանի խաղերը նույնպես կիսեցին միավորը: Մրցաշարի ավարտից մեկ խաղափուլ առաջ Սամվել Տեր-Սահակյանը ունի 6 միավոր և գտնվում է13-րդ հորիզոնականում: Մանուել Պետրոսյանը և Շանթ Սարգսյանը ունեն 5.5 միավոր, Գաբրիել Սարգսյանը՝ 5 միավոր, Հրանտ Մելքումյանը և Հայկ Մարտիրոսյանը՝ 4.5 միավոր։ Կանանց մրցաշարում Մարիամ Մկրտչյանը ունի 4 միավոր, Էլինա Դանիելյանը՝ 3 միավոր:
10:09 - 05 նոյեմբերի, 2023
Լևոն Արոնյանը Շախմատի համաշխարհային օլիմպիադայի հերթական տուրում չի խաղում Հայաստանի հավաքականի դեմ

 |armenpress.am|

Լևոն Արոնյանը Շախմատի համաշխարհային օլիմպիադայի հերթական տուրում չի խաղում Հայաստանի հավաքականի դեմ |armenpress.am|

armenpress.am: Հնդկաստանի Չեննայ քաղաքում մեկօրյա դադարից հետո վերսկսվել է Շախմատի համաշխարհային 44-րդ օլիմպիադան: Այսօր ընթանում են խաղի 7-րդ տուրի պարտիաները: Հայաստանի տղամարդկանց հավաքականը, որը 6 տուրից հետո վաստակած 12 միավորով միանձնյա գլխավորում է մրցաշարային աղյուսակը, 7-րդ տուրում մեր մրցակիցը ԱՄՆ հավաքական է: Սպիտակներով խաղացող առաջին համար Գաբրիել Սարգսյանի մրցակիցն այս տուրում Ֆաբիանո Կարուանան է, սևերով խաղացող Հրանտ Մելքումյանի մրցակիցը Ուեսլի Սոյը: Սամվել Տեր-Սահակյանի մրցակիցը Լեյներ Դոմինգես Պերեսն է, Ռոբերտ Հովհաննիսյանինը՝ Սեմ Շանկլանդը Հայ գրոսմայստեր Լևոն Արոնյանը, որը հանդես է գալիս ԱՄՆ հավաքականի կազմում, բաց է թողել այս տուրը: ԱՄՆ ընտրանին 11 միավորով երկրորդ տեղում է, իսկ լավագույն եռյակը եզրափակում է Հնդկաստանի երկրորդ թիմը: Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5) և Հնդկաստանի երկրորդ թիմին (2,5:1,5): Արման Փաշիկյանի գլխավորած թիմը միակն է, որը 6 հաղթանակ է տարել օլիմպիադայում: Հայաստանի կանանց հավաքականն էլ 7-րդ տուրում ուժերը չափում է Իսրայելի թիմի հետ: Սպիտակներով խաղացող առաջին համար Էլինա Դանիելյանի մրցակիցն է Մարսել Եֆրոիմսկին, սևերով խաղացող Լիլիթ Մկրտչյանինը՝ Դինա Բալենկայան: Աննա Սարգսյանի մրցակիցը Մաշա Կլինովան է, իսկ Սուսաննա Գաբոյանինը՝ Միչալ Լահավը: Հայաստանի հավաքականը նախորդ տուրերում առավելության է հասել Բոթսվանայի (4:0), Նորվեգիայի (4:0), Իռլանդիայի (4:0), Ինդոնեզիայի (3:1) և Անգլիայի (3,5:0,5) նկատմամբ, սակայն պարտվել է Էստոնիային (1,5:2,5) ու 10 միավորով բաժանում է 4-11-րդ տեղերը։ Համաշխարհային օլիմպիադայում կանցկացվի 11 տուր։
15:06 - 05 օգոստոսի, 2022
Լևոն Արոնյանը Ամերիկայի գավաթի կիսաեզրափակչում է |a1plus.am|

Լևոն Արոնյանը Ամերիկայի գավաթի կիսաեզրափակչում է |a1plus.am|

a1plus.am: ԱՄՆ-ն ներկայացնող հայ շախմատիստ Լևոն Արոնյանն Ամերիկայի գավաթի խաղարկության քառորդ եզրափակիչում հաղթեց Ռեյ Ռոբսոնին: Մեր հայրենակիցը չնայած պարտվեց դասական երկրորդ պարտիայում և մրցակցին թույլ տվեց հավասարեցնել հաշիվը, սակայն թայ-բրեյքում առավելության հասավ 1,5:0,5 հաշվով: Կիսաեզրափակիչում նա կհանդիպի ԱՄՆ ներկայացնող կուբացի գրոսմայստեր Լենիեր Դոմինգեսի հետ: Խաղարկությանը մասնակցող ամերիկահայ շախմատիստ Սամուել Սևյանը 1/4 եզրափակիչում 1,5:0,5 հաշվով հաղթեց փորձառու Վեսլի Սոյին: Նրա հաջորդ մրցակիցը ԱՄՆ-ն ներկայացնող իտալացի գրոսմայստեր Ֆաբիանո Կարուանան է, որը միայն «Արմագեդոնում» հաղթեց Ջեֆրի Սյոնգին: Ամերիկայի գավաթի խաղարկության մրցանակային հիմնադրամը 200 հազար դոլար է: Հաղթողը կստանա 50 հազար դոլար պարգևավճար, 2-րդ տեղը` 35 հազար: Նվազագույն պարգևավճարը 12 հազար դոլար է:
11:13 - 22 ապրիլի, 2022
Արոնյանը San Fermin Masters բլից մրցաշարի եզրափակչում է |armenpress.am|

Արոնյանը San Fermin Masters բլից մրցաշարի եզրափակչում է |armenpress.am|

armenpress.am: Գրոսմայստեր Լևոն Արոնյանը շարունակում է ելույթները San Fermin Masters բլից մրցաշարում: Առցանց մրցաշարի կիսաեզրափակիչում Լևոն Արոնյանը մրցեց Չինաստանից Դին Լիժենի հետ: Բլից շախմատի 8 պարտիաներից 3-ում Արոնյանը հաղթեց, 4-ն ավարտեց ոչ-ոքի, իսկ 1 պարտություն կրեց: Հայ շախմատիստը հաղթեց 5:3 հաշվով: Եզրափակիչում Արոնյանը կմրցի աշխարհի գործող չեմպիոն նորվեց Մագնուս Կարլսենի ու ԱՄՆ-ից Ուեսլի Սոյի զույգի հաղթողի հետ: San Fermin Masters-ն բլից շախմատի մրցաշար է, որին մասնակցում է 8 շախմատիստ: Գրոսմայստերները 8 պարտիայի հետո հաղթում են, եթե հավաքում են 4,5 միավոր: Ավելի վաղ Լևոն Արոնյանը հաղթել էր Goldmoney Asian Rapid 7-րդ միջազգային մրցաշարում: Արոնյանը դեռևս հանդես է գալիս Հայաստանի դրոշի ներքո: Օրեր առաջ նա հայտարարություն էր տարածել, որում տվել էր վերջին շրջանում իր անձի հետ կապված շրջանառվող հարցերի պատասխանները. Արոնյանը հեռանում է Հայաստանից: Նա կմիանա ԱՄՆ հավաքականին:
21:28 - 11 հուլիսի, 2021