Իջևան

Իջևան (նախկինում՝ Քարվանսարա), քաղաք Հայաստանի Տավուշի մարզում, Աղստև գետի ափին, Երևանից 142 կմ հեռավորության վրա։ Հանդիսանում է մարզի վարչական կենտրոնը։ Քաղաքի կարգավիճակ ստացել է 1961 թվականին։ Բնակչություն-19 099 (2018 թվականի դրությամբ)։

Համայնքի ղեկավարի ժամանակավոր պաշտոնակատարը Հայկ Ղալումյանն է։

ՔՊ-ն Իջևանում առաջատար է․ ԿԸՀ նախնական տվյալներ

ՔՊ-ն Իջևանում առաջատար է․ ԿԸՀ նախնական տվյալներ

Տավուշի մարզի Իջևան համայնքում երեկ՝ նոյեմբերի 14-ին անցկացվել են ՏԻՄ ընտրություններ՝ համամասնական ընտրակարգով։ Ընտրությանը մասնակցում էր երկու ուժ՝ ՀՅԴ-ն և «Քաղաքացիական պայմանագիր» կուսակցությունը։ Ըստ Կենտրոնական ընտրական հանձնաժողովի նախնական տվյալների՝ ՀՅԴ-ն ստացել է 1964 ձայն կամ 15․86%, իսկ ՔՊ-ն՝ 10 003 ձայն կամ 80․78%։ ՔՊ-ի ավագանու ցուցակը գլխավորում է համայնքապետի պաշտոնակատար Արթուր Ճաղարյանը, իսկ ՀՅԴ-ի ավագանու ցուցակը՝ Վահան Ղազումյանը։ Նշենք, որ Իջևանում ընտրողների ընդհանուր թիվը  33 090 է, քվեարկությանը մասնակցել է 12 383-ը կամ 37․42%-ը։ Անվավեր քվեաթերթիկների քանակը 414 է։ Հիշեցնենք, որ երեկ ՏԻՄ համամասնական ընտրակարգով ընտրություններ են անցկացվել Ստեփանավան, Կապան և Իջևան համայնքներում, իսկ Արզնի և Լերմոնտովո համայնքներում՝ մեծամասնական ընտրակարգով հերթական ընտրություններ: Արզնի համայնքում ընթանում է ավագանու անդամի ընտրություն, Լերմոնտովոյում՝ համայնքի ղեկավարի և ավագանու անդամի ընտրություններ:
09:41 - 15 նոյեմբերի, 2021
Սուրեն Պապիկյանը ներկայացրել է Իջևանի քաղաքապետի պաշտոնակատարին

Սուրեն Պապիկյանը ներկայացրել է Իջևանի քաղաքապետի պաշտոնակատարին

Տարածքային կառավարման և ենթակառուցվածքների նախարար Սուրեն Պապիկյանը Իջևանի համայնքապետարանի աշխատակազմին է ներկայացրել քաղաքապետի պաշտոնակատար Արթուր Ճաղարյանին: Այս մասին հայտնեցին ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժնից։ Շնորհակալություն հայտնելով Տավուշի նորանշանակ մարզպետ Հայկ Ղալումյանին համայնքի ղեկավարման ընթացքում արդյունավետ աշխատանքի համար, նախարարը հույս է հայտնել, որ նոր նշանակումների արդյունքում սահմանային մարզի զարգացմամբ էլ ավելի կամրապնդվի Տավուշի մարզի և Իջևան քաղաքի միջև կապը։ Նախարարը հաջողություն է մաղթել Արթուր Ճաղարյանին իրեն վերապահված գործառույթներն իրականացնելու գործում, միաժամանակ հորդորելով աշխատակազմին՝ աջակցել նորանշանակ պաշտոնակատարի գործունեությանը և որպես պետական կառավարման կարևորագույն օղակի ներկայացուցիչներ՝ նպաստել երկրի կայունությանն ու առաջընթացին: Սուրեն Պապիկյանը կարևորել է նաև Իջևան համայնքի խոշորացման գործընթացով պայմանավորված առաջիկայում սպասվող ՏԻՄ ընտրությունները և դրանց ուղղությամբ նախապատրաստական աշխատանքները: Իջևանի համայնքապետի պաշտոնակատար Արթուր Ճաղարյանը շնորհակալություն է հայտնել բարձր վստահության համար՝ հավաստիացնելով, որ քաղաքի առջև ծառացած բոլոր խնդիրները կլուծվեն համագործակցության մթնոլորտում:
17:59 - 09 ապրիլի, 2021
ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Առողջապահական և աշխատանքի տեսչական մարմնի հյուսիսային տարածքային կենտրոնի մասնագետների ստուգայցերն այսօր ընթացել են Վանաձոր, Գյումրի, Իջևան քաղաքների դեղատներում, գեղեցկության սրահներում, առևտրի մանրամեծածախ կետերում, գրասենակներում։ ԱԱՏՄ տեսուչները տնտեսավարողների մոտ դիտարկել են ախտահանիչ նյութերի առկայությունը, դրանց պարունակությունն ու մակնշումը։ Տեսչական մարմինը հայտնում է, որ ստուգվել է տարածքների ախտահանման գործընթացը, օգտագործված դիմակների համար նախատեսված փակ աղբամանների առկայությունը, գրանցամատյանների լրացման կարգը։ Տեսչականի աշխատակիցներն, ընդհանուր առմամբ, արձանագրել են տեղում շտկվող խախտումներ, ինչի մասին իրազեկվել են տնտեսավարողները։ ԱԱՏՄ-ն հիշեցնում է՝ վարակի տարածումը կանխելու միակ ելքը կանխարգելիչ նորմերի պահպանումն է։
21:17 - 04 դեկտեմբերի, 2020
ԱԱԾ-ն բացահայտել է պաշտոնատար անձի կողմից առանձնապես խոշոր չափերի դրամական միջոցների հափշտակման դեպք

ԱԱԾ-ն բացահայտել է պաշտոնատար անձի կողմից առանձնապես խոշոր չափերի դրամական միջոցների հափշտակման դեպք

ՀՀ ազգային անվտանգության ծառայությունը, հետևողական և անզիջում պայքար մղելով կոռուպցիոն տարաբնույթ դրսևորումների դեմ և հավատարիմ լինելով դրանք արմատախիլ անելու իր որդեգրած քաղաքականությանը, կոռուպցիայի հակազդմանն օրենքով իրեն վերապահված գործառույթների շրջանակներում ձեռնարկված օպերատիվ-հետախուզական միջոցառումների և քննչական գործողությունների արդյունքում բացահայտել է առանձնապես խոշոր չափերի դրամական միջոցների հափշտակման դեպք: Փաստական տվյալներ են ստացվել, որ Իջևանի քաղաքապետի պաշտոնը նախկինում զբաղեցրած պաշտոնատար անձը, քաղաքապետարանի ենթակայության ներքո գործող համայնքային ոչ առևտրային կազմակերպության տնօրենի հետ նախնական համաձայնությամբ և պաշտոնեական դիրքի օգտագործմամբ, քաղաքապետարանի կարիքների համար տարբեր ապրանքանյութական արժեքներ ձեռք բերելու և քաղաքի բարեկարգման աշխատանքներ կատարելու համար հիշյալ կազմակերպությանը վստահված միջոցներից փոխանցել է գումարներ, որոնք ուղղվել են տարբեր տնտեսվարող սուբյեկտներին, որից հետո կազմվել են ապրանքների մատակարարման և աշխատանքների ընդունման-հանձնման կեղծ պաշտոնական փաստաթղթեր, իսկ փոխանցված առանձնապես խոշոր չափերի դրամական միջոցները՝ հափշտակվել։ Բացի այդ, վերոհիշյալ տնօրենը ծառայության շահերին հակառակ և պաշտոնեական դիրքի օգտագործմամբ համայնքային ոչ առևտրային կազմակերպության տարբեր հաստիքների հրամանագրել է իրականում աշխատանքի չհաճախող 7 քաղաքացիների, թույլատրել է նրանց անվամբ 2014-2020 թթ. ընթացքում որպես աշխատավարձ դուրս գրել իրեն վստահված առանձնապես խոշոր չափերով գումարներ՝ դրանով իսկ վատնելով դրանք։ Առերևույթ հանցագործության դեպքերի առթիվ ՀՀ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի համապատասխան հոդվածներով, կատարվում է նախաքննություն: Ձեռնարկված համապատասխան միջոցառումների արդյունքում պարզվել է, որ յուրացվել և վատնվել է նախնական տվյալներով ընդհանուր 17.6 միլիոն ՀՀ դրամ գումար: Համապատասխան միջոցառումներ են ձեռնարկվում պատճառված վնասի չափը հստակեցնելու, հանցագործության կատարմանը ներգրավված անձանց շրջանակը պարզելու և պատասխանատվության ենթարկելու ուղղությամբ։
19:02 - 28 փետրվարի, 2020
Իջևանի ոստիկանները բացահայտել են Լուսաձոր համայնքի ղեկավարի ապօրինությունները

Իջևանի ոստիկանները բացահայտել են Լուսաձոր համայնքի ղեկավարի ապօրինությունները

Ոստիկանության Իջևանի բաժնի հետաքննության բաժանմունքում նախապատրաստված նյութերի շրջանակում ձեռնարկված հետախուզական միջոցառումներով փաստական տվյալներ են ձեռք բերվել Լուսաձոր համայնքում կատարված ապօրինությունների վերաբերյալ։ Ըստ քննությանը հայտնի տվյալների՝ համայնքի ղեկավարը, պաշտոնեական դիրքը ծառայության շահերին հակառակ օգտագործելով, 2017-ից 2019 թվականների ընթացքում կազմակերպել է ձևական աճուրդներ և տարբեր մակերեսներով գյուղատնտեսական ու էներգետիկ նշանակության հողատարածքներ է վաճառել  տարբեր անձանց, այդ թվում՝ որդուն։ Նյութերի նախապատրաստման ընթացքում բացահայտվել է ձևական աճուրդի 7 դրվագ։ Վաճառված հողատարածքների գումարը ընդհանուր 1 միլիոն 700 հազար դրամից ավելի է։ Դեպքերի առթիվ ոստիկանության Իջևանի բաժնում պաշտոնեական կեղծիքի հատկանիշներով քրեական գործ է հարուցվել , որն ուղարկվել է Տավուշի մարզի դատախազություն։
20:30 - 21 փետրվարի, 2020
Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել

Ոստիկանության Իջևանի բաժնի ծառայողները, համագործակցելով Տավուշի մարզային վարչության ու բնապահպանության և ընդերքի տեսչական մարմնի աշխատակիցների հետ, հայտնաբերել են ածուխի երեք արտադրամաս: Դրանցում արտադրված փայտածուխի վերաբերյալ համապատասխան փաստաթղթերը բացակայել են։Իջևանում գործող մի արտադրամասում հայտնաբերվել են փայտածուխի պատրաստման տարաներ, 285 պարկ փայտածուխ և մի քանի խորանարդ մետր վառելափայտ։ Մեկ այլ արտադրամասում հայտնաբերվել են փայտածուխի պատրաստման տարաներ, 110 պարկ փայտածուխ, սղոցման թափոն և այլն։ Տավուշի մարզի գյուղերից մեկի արտադրամսում էլ հայտնաբերվել են փայտածուխի պատրաստման տարաներ, 1883 պարկ փայտածուխ և վառելափայտ։ Այս դեպքում ևս համապատասխան փաստաթղթերը բացակայել են։ Արտադրամասերի գործունեությունը կասեցվել է։Դեպքերի առթիվ նյութեր են նախապատրաստվում։ Այս մասին տեղեկացնում է ՀՀ ոստիկանությունը:
09:42 - 18 փետրվարի, 2020
Իջևանի ոստիկաններն առանց փաստաթղթերի աշխատող փայտածուխի արտադրամասեր են հայտնաբերել

Իջևանի ոստիկաններն առանց փաստաթղթերի աշխատող փայտածուխի արտադրամասեր են հայտնաբերել

Ոստիկանության Իջևանի բաժնի ծառայողները, համագործակցելով Տավուշի մարզային վարչության ու բնապահպանության և ընդերքի տեսչական մարմնի աշխատակիցների հետ, հայտնաբերել են ածուխի երեք արտադրամաս, որոնցում արտադրված փայտածուխի վերաբերյալ համապատասխան փաստաթղթերը բացակայել են։ Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, Իջևանում գործող մի արտադրամասում հայտնաբերվել են փայտածուխի պատրաստման տարաներ, 285 պարկ փայտածուխ և մի քանի խորանարդ մետր վառելափայտ։ Մեկ այլ արտադրամասում հայտնաբերվել են փայտածուխի պատրաստման տարաներ, 110 պարկ փայտածուխ, սղոցման թափոն։ Տավուշի մարզի գյուղերից մեկի արտադրամասում էլ հայտնաբերվել են փայտածուխի պատրաստման տարաներ, 1883 պարկ փայտածուխ և վառելափայտ։ Այս դեպքում ևս համապատասխան փաստաթղթերը բացակայել են։ Արտադրամասերի գործունեությունը կասեցվել է։ Ոստիկանությունը դեպքերի առթիվ նյութեր է նախապատրաստվում։
21:11 - 17 փետրվարի, 2020
Տավուշի մարզպետն ուռճացրել է մարզում թափուր աշխատատեղերի աշխատավարձերի չափը |fip.am|

Տավուշի մարզպետն ուռճացրել է մարզում թափուր աշխատատեղերի աշխատավարձերի չափը |fip.am|

fip.am։ Տավուշի մարզի Իջևան քաղաքում հուլիսի 17-ին անտառահատումների արգելքի դեմ բողոքի ցույցի ժամանակ Տավուշի մարզպետ Հայկ Չոբանյանը հայտարարել էր, որ մարզում առկա են թափուր աշխատատեղեր՝ տարբեր մասնագիտություններով և բարձր վարձատրությամբ։ «Ինչ վերաբերում է աշխատանքային հնարավորություններին, վաղն առավոտյան մեր կայքում հայտարարություն կբացվի, վաղվա համար՝ առնվազն 50 աշխատատեղ՝ 8 000-15 000 դրամ օրական»,- հայտարարել էր մարզպետը (2:05-ից 2։23)։ Փաստերի ստուգման հարթակը որոշեց պարզել, թե իրականում քանի թափուր աշխատատեղ կա Տավուշի մարզում, և արդյո՞ք մարզպետի նշած օրական 8000-15,000 հազար դրամ աշխատավարձի մասին տեղեկությունը համապատասխանում է իրականությանը։  Տավուշի մարզպետարանից, ըստ այդմ, մեզ հայտնեցին, որ մարզում առկա աշխատատեղերի ցանկը ներկայացված է Աշխատանքի և սոցիալական հարցերի նախարարության զբաղվածության պետական գործակալության՝ www.employment.am կայքում։ Կայքում ներկայացված են մարզում առկա թափուր աշխատատեղերը՝ ըստ Իջևանի, Դիլիջանի, Բերդի և Նոյեմբերյանի ստորաբաժանումների։ Ընդհանուր առմամբ, հուլիսի 30-ի դրությամբ Տավուշի մարզի համար կայքում ներկայացված է 387 թափուր աշխատատեղ, դրանցից 111-ը՝ Իջևանում։ Հուլիսի 30-ի դրությամբ առկա թափուր աշխատատեղերից առաջարկվող աշխատավարձով ամենաբարձրը Դիլիջանի ստորաբաժանման՝ 300 000 դրամ աշխատավարձով տեղեկատվական տեխնոլոգիաների սպասարկման մասնագետի աշխատանքի հայտարարությունն է։ Ստացվում է, որ լավագույն դեպքում մեկ ամսում լրիվ զբաղվածությամբ (22 աշխատանքային օր) աշխատողը կստանա 13 640 դրամ օրական։ Դրանից բարձր, առավել ևս՝ 15 000 դրամ օրական աշխատավարձով աշխատանքի հայտարարություն հուլիսի 30-ի դրությամբ չկա։ Հայտարարությունների 17 տոկոսում պահանջվում են կրթության ոլորտի մասնագետներ՝ տարբեր առարկաների ուսուցիչներ, դասվարներ և այլն, նույնքան՝ 17 տոկոս աշխատատեղերն էլ օպերատոր-մեքենավարի աշխատանքի համար են, աշխատատեղերի 10 տոկոսը բաժին է ընկնում պայմանագրային զինծառայությանը, իսկ 7 տոկոսի դեպքում էլ առողջապահության ոլորտի մասնագետների կարիք կա՝ բժիշկներ, բուժքույրեր։ Պահանջարկ կա նաև սպասարկման ոլորտում՝ խոհարարներ, մատուցողներ և այլն։ Մարզում առկա 250 000 դրամ ամսական աշխատավարձով (11 360 դրամ օրական՝ 22 աշխատանքային օրվա համար) առաջարկվող 5 աշխատանքից 4-ը բժշկության ոլորտից են, 200 000 դրամով կա մեքենավարի և ոսկերիչի աշխատանք, իսկ 175 000 դրամով կամ օրական 7 950 դրամ աշխատավարձով պահանջվում է շտապբուժօգնության կայանի երկու բժիշկ։  Իսկ Իջևանում առկա աշխատատեղերից ամենաբարձր վարձատրվողը բանվորի, նախագծողի, վարորդի աշխատանքներն են՝ 150 000-ական դրամ աշխատավարձով։ Աշխատատեղերի 19 տոկոս հայտարարություններում բանվորներ են պահանջվում։ Մարզկենտրոնում ներկայացված թափուր աշխատատեղերի 36 տոկոսը պայմանագրային ծառայողի աշխատանքի համար է, 21 տոկոսը՝ ուսուցչի։ Նշենք, որ Զբաղվածության պետական ծառայությունն այդքան էլ տարածված միջոց չէ գործազուրկների շրջանում աշխատանքի հայթայթման համար։ Ազգային վիճակագրական կոմիտեի տվյալներով՝ Հայաստանում 2017-ին Զբաղվածության պետական ծառայություն է դիմել գործազուրկների ընդամենը 6 տոկոսը, իսկ ծանոթների, բարեկամների օգնությանը դիմել է աշխատանք փնտրող գործազուրկների 40 տոկոսը։ Այսպիսով, Տավուշի մարզպետ Հայկ Չոբանյանի հայտարարությունը մարզում առկա աշխատատեղերի մասով համապատասխանում է իրականությանը, սակայն աշխատավարձերի չափի մասով մարպետն ուռճացրել է։
11:21 - 01 օգոստոսի, 2019
Ոստիկանները բացահայտել են Իջևանում կատարված ապօրինությունները

Ոստիկանները բացահայտել են Իջևանում կատարված ապօրինությունները

ԱԱԾ-ից ոստիկանության ԿՀԴՊ գլխավոր վարչություն օպերատիվ տվյալներ էին ստացվել Իջևանի քաղաքային մշակույթի տան նախկին տնօրենի թույլ տված ապօրինությունների վերաբերյալ։ Նյութերի նախապատրաստման ընթացքում գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման, Տավուշի մարզային վարչությունների և Իջևանի բաժնի ծառայողները ձեռնարկել են օպերատիվ-հետախուզական միջոցառումներ՝ պարզելով հետևյալը։ Նախնական տվյալներով՝ 2016 թվականին Իջևանի քաղաքային մշակույթի տան նախկին տնօրենը հաստատությունում որպես մեթոդիստ գրանցել է մի անձի, որը փաստացի աշխատանքի չի ներկայացել, իսկ նրա անվամբ դուրս գրված աշխատավարձը՝ ընդհանուր 644․000 դրամ, տնօրենը վատնել է։ ԱԱԾ-ից ոստիկանության ԿՀԴՊ գլխավոր վարչություն ստացված մեկ այլ օպերատիվ տվյալների համաձայն՝ «Իջևանի վերնատուն» պատկերասրահի նախկին տնօրենն է չարաշահումներ թույլ տվել։ Ոստիկանության ծառայողները, օպերատիվ-հետախուզական միջոցառումների արդյունքում, փաստական տվյալներ են ձեռք բերել, որ նա 2016-ից 2018 թվականներին ամուսնու և երեխաների հետ բնակվել է մայրաքաղաքում ու փաստացի աշխատանքի չի ներկայացել, սակայն ստացել է ընդհանուր 5․000․000 դրամ աշխատավարձ։ Բացի այդ, պարզվել է, որ աշխատանքի չի ներկայացել նաև պատկերասրահում որպես լրագրող գրանցված մի աշխատակից։ Նրա անվամբ դուրս գրված աշխատավարձը՝ ընդհանուր 3․000․000 դրամ, տնօրենը վատնել է։ Դեպքերի առթիվ քրեական գործեր են հարուցվել։ Հանգամանանքերը նախաքննությամբ պարզվում են։   ՀՀ ոստիկանություն
10:16 - 01 օգոստոսի, 2019