Դոնալդ Թրամփ

ԱՄՆ 45-րդ նախագահ, Հանրապետական կուսակցության անդամ։

Ծնվել է 1946թ. հունիսի 14-ին։ 1968 թվականին ավարտել է Փենսիլվանիայի համալսարանի Ուորթոնի դպրոցի տնտեսագիտության բակալավրիատը։ 1971 թվականին ժառանգել է հորը պատկանող անշարժ գույքի և բնակարանային շինարարության ընկերությունը, կարճ ժամանակ անց այն վերանվանելով «The Trump Organization»։ 1996-2015 թվականներին հանդես է եկել «Միսս ԱՄՆ» գեղեցկության մրցույթի ժյուրիի կազմում՝ տվյալ ժամանակահատվածում հանդիսանալով նաև տվյալ նախագծի սեփականատերը։ Կամեո ձևաչափով նկարահանվել է բազմաթիվ հեռուստաշոուներում և գեղարվեստական ֆիլմերում։

2000 թվականին ուժերն է փորձել ԱՄՆ նախագահական ընտրություններում, սակայն մասնակցության հայտը ետ է վերցրել քվեարկության նախօրեին։ Լայնամասշտաբ ճանաչման է հասել նաև «NBC»-ի հեղինակային «Աշակերտը» ռեալիթի հեռուստաշոուից, որի ժամանակ մասնակիցները պայքարում էին Թրամփի մոտ աշխատանքի անցնելու համար (2004-2015)։ 2016 թվականին «Ֆորբս» պարբերականի կողմից ճանաչվել է աշխարհի 324-րդ և ԱՄՆ-ի՝ 156-րդ ամենահարուստ անձ։ 

2015 թվականի հունիսին Թրամփը հայտարարում է ԱՄՆ նախագահական ընտրություններում մասնակցության մասին՝ արագորեն դառնալով Հանրապետական կուսակցության առաջադիրը։ 2016 թվականի մայիսին մնացած հանրապետական թեկնածուների մասնակցության դադարեցումից հետո, Թրամփն ի վերջո պաշտոնապես դառնում է ընտրություններում գլխավոր հանրապետական թեկնածուն։

2016 թվականի նոյեմբերի 8-ին ընտրվել է ԱՄՆ 45-րդ նախագահ` հաղթելով դեմոկրատ Հիլարի Քլինթոնին։ Նախագահի լիազորությունները Թրամփը ստանձնեց 2017 թվականի հունվարի 20-ին։ 2020 թվականի ԱՄՆ նախագահական ընտրություններում պարտվում է Ջոզեֆ Բայդենին։

ԱՄՆ Կոնգրեսի հանձնաժողովը 2021 թ-ին Վաշինգտոնում տեղի ունեցած անկարգությունները պետական հեղաշրջման փորձ է որակել

ԱՄՆ Կոնգրեսի հանձնաժողովը 2021 թ-ին Վաշինգտոնում տեղի ունեցած անկարգությունները պետական հեղաշրջման փորձ է որակել

ԱՄՆ Կոնգրեսի՝ Կապիտոլիում ներխուժումը հետաքննող  հանձնաժողովը Վաշինգտոնում 2021 թ-ի հունվարի 6-ին տեղի ունեցած անկարգությունների համար գլխավոր պատասխանատու է ճանաչել այն ժամանակվա նախագահ Դոնալդ Թրամփին, գրում է DW-ն։ «Հունվարի 6-ը պետական հեղաշրջման, կառավարությունը տապալելու հանդուգն փորձի գագաթնակետն էր։ Բռնությունը պատահական չէր։ Դա Թրամփի վերջին փորձն էր», - հայտարարել է հանձնաժողովի նախագահ, դեմոկրատ կոնգրեսական Բեննի Թոմփսոնը հունիսի 9-ի երեկոյան հանրային լսումների առաջին փուլի բացման ժամանակ։ Քննչական հանձնաժողովի փոխնախագահ, հանրապետական Լիզ Չեյնին արձանագրել է․ «Նախագահ Թրամփն ամբոխին կանչել է, հավաքել և վառել  «հարձակման կրակը»»։ Կապիտոլիումի գրոհից հետո ԱՄՆ Կոնգրեսի Ներկայացուցիչների պալատի հանձնաժողովն ուսումնասիրել է ավելի քան 140 հազար փաստաթուղթ և զրուցել ավելի քան հազար ականատեսների հետ՝ պարզելու համար Թրամփի դերն այն ժամանակվա իրադարձություններում։ Չեյնիի խոսքով՝ քննչական հանձնաժողովը եկել է այն եզրակացության, որ այն ժամանակվա նախագահն ընտրություններում խարդախության անարդար մեղադրանք է հնչեցրել, խրախուսել հուզումները՝ միջամտելու փոխարեն, և կոռուպցիայի է դիմել՝ նախագահի պաշտոնում մնալու համար։   Ենթադրյալ խարդախությունն ընտրություններում Պլանավորված վեց նիստերից մեկի շրջանակում, որը հեռարձակվում էր ուղիղ եթերում, հանձնաժողովի տեսադաշտում էին Թրամփի կարևորագույն խորհրդականներն ու ընտանիքի անդամները։ Լսումներին հրավիրվել էր նաև երկու ականատես՝ ոստիկան Քերոլայն Էդվարդզը, որն անկարգությունների հետևանքով գանգուղեղային վնասվածք է ստացել և օպերատոր Նիկ Քուեսթեդը, որը տեսանկարահանել է Proud Boys խմբավորման աջ ծայրահեղականներին։ Կոնգրեսականները ցուցադրել են տեսագրություններն ու Թրամփի դուստր Իվանկայի և նրա ամուսին Ջարեդ Քուշների, ԱՄՆ նախկին փոխնախագահ Մայք Փենսի և գլխավոր դատախազ Ուիլյամ Բարի ցուցմունքները։ Թրամփի շտաբի անդամներն, այդ թվում՝ նրա դուստր Իվանկան, քննչական հանձնաժողովի տվյալներով, հերքել են ընտրություններում ենթադրյալ զեղծարարության մասին նախկին նախագահի կեղծ պնդումները։ Ավելի վաղ նույն բանն էին արել նաև մի շարք դատարաններ, պաշտոնյաներ և Թրամփի վարչակազմի անդամներ։ Միաժամանակ Դոնալդ Թրամփը մինչ օրս չի հրաժարվել այն պնդումներից, թե 2020 թ-ի նախագահական ընտրություններում իր պարտությունը մասշտաբային խարդախության հետևանք էր։ Լսումների առաջին փուլի նախաշեմին նա կտրուկ քննադատել է քննչական հանձնաժողովի գործունեությունը։ Թրամփը չի բացառում, որ կրկին իր թեկնածությունն առաջադրելու է 2024 թ-ին ԱՄՆ նախագահի ընտրություններում։ Նորա Վանյան
16:10 - 10 հունիսի, 2022
Բայդենը նշել Է այն պայմանները, որոնց դեպքում կմասնակցի 2024-ի ընտրություններին |armenpress.am|

Բայդենը նշել Է այն պայմանները, որոնց դեպքում կմասնակցի 2024-ի ընտրություններին |armenpress.am|

armenpress.am: Սպիտակ տան ղեկավար Ջո Բայդենը հայտարարել է իր նախորդ հանրապետական Դոնալդ Թրամփի հետ 2024 թվականի հաջորդ նախագահական ընտրություններում պայքարելու պատրաստակամության մասին: «Եթե ես առողջ լինեմ, ինչպես եւ այժմ, ապա կրկին քվեարկության կդնեմ իմ թեկնածությունը»,- դեկտեմբերի 22-ին ասել է Բայդենն ABC հեռուստաընկերությանը տված հարցազրույցում, իսկ ԱՄՆ-ի 45-րդ նախագահի հետ հնարավոր նախընտրական արշավի մասին՝ հաղորդավարի հարցին պատասխանել է դրականորեն եւ տարակուսանքով հարցրել, թե ինչու ինքը «չպետք է (երկրորդ ժամկետի համար) առաջադի իր թեկնածությունը Թրամփի հետ որպես թեկնածու»։ ԱՄՆ-ում հերթական նախագահական ընտրությունները կայացան 2020 թվականի նոյեմբերի 3-ին: Քվեատուների կոլեգիան դեկտեմբերի 14-ին հաստատեց քվեարկության արդյունքները, որոնց համաձայն հաղթանակ տարավ դեմոկրատ Բայդենը: Թրամփը երկար ժամանակ չէր ընդունում պարտությունը եւ դիմում էր դատարաններ՝ մի շարք նահանգներում ընտրողների քվեների վերահաշվարկ անցկացնելու պահանջով, հաղորդել է ՏԱՍՍ-ը:
10:48 - 23 դեկտեմբերի, 2021
Նյու Յորքի դատախազությունը պաշտոնական մեղադրանք է առաջադրել Trump Organization-ին |azatutyun.am|

Նյու Յորքի դատախազությունը պաշտոնական մեղադրանք է առաջադրել Trump Organization-ին |azatutyun.am|

azatutyun.am: Նյու Յորքի դատախազությունն անցած գիշեր պաշտոնական մեղադրանք է առաջադրել Միացյալ Նահանգների նախկին նախագահ Դոնալդ Թրամփի ընտանիքին պատկանող ընկերությունները միավորող Trump Organization հոլդինգին և դրա ֆինանսական տնօրեն Ալեն Վայսելբերգին։ Թրամփի բիզնես կայսրության ներկայացուցիչները կասկածվում են «անօրինական վճարումների լայնածավալ և հանդուգն մեխանիզմի ստեղծման մեջ»։ Ամերիկացի քննիչների պնդմամբ՝ Թրամփին պատկանող ընկերությունները 15 տարի շարունակ խուսափել են հարկերից, ինչպես նաև զբաղված են եղել խարդախությամբ, ունեցվածքի բռնագրավումներով և փաստաթղթերի կեղծմամբ։ Վայսելբերգը, ով Դոնալդ Թրամփի ընկերությունում աշխատում է արդեն 48 տարի, մեղադրվում է պետությանն առնվազն 1 միլիոն 700 հազար դոլարի վնաս հասցնելու մեջ։ CNN-ի տեղեկություններով՝ ներկայացված մեղադրանքները ԱՄՆ նախկին նախագահին ուղղակիորեն չեն առնչվում, սակայն դատախազությունում հույս ունեն, որ Վայսելբերգը կհամագործակցի քննիչների հետ։ «Նյու Յորքի դատախազությունում չեն բացառում, որ նրա ցուցմունքները կարող են առանցքային նշանակություն ունենալ թե՛ ողջ հետաքննության և թե՛ Դոնալդ Թրամփին հնարավոր մեղադրանքների առաջադրման տեսանկյունից» , - պնդում է CNN-ը։ Թրամփին պատկանող ընկերության ներկայացուցիչները, մինչդեռ, մեղադրանքները կտրականապես հերքում են։ Ինքը նախկին նախագահը Նյու Յորքի դատախազության գործողությունները «վհուկների որս» է անվանել։
13:03 - 02 հուլիսի, 2021
Բայդենը չեղյալ է հայտարարել Մեքսիկայի հետ սահմանին պատի ֆինանսավորման նախագծերը |tert.am|

Բայդենը չեղյալ է հայտարարել Մեքսիկայի հետ սահմանին պատի ֆինանսավորման նախագծերը |tert.am|

tert.am: ԱՄՆ-ի նախագահ Ջո Բայդենը չեղյալ է հայտարարել ԱՄՆ-ի և Մեքսիկայի սահմանին պատի կառուցման նախագծերը, որոնց համար օգտագործվել են Պենատգոնի միջոցները․ այժմ այդ միջոցների մի մասը կօգտագործվի պատի կառուցումից բնապահպանական վնասի դեմ պայքարելու համար, հայտարարել է Պենտագոնի մամուլի քարտուղարի տեղակալ Ջամալ Բրաունը, հաղորդում է The Washington Post-ը։   2019 թվականի փետրվարի 15-ին ԱՄՆ-ի հեռացող նախագահ Դոնալդ Թրամփը Մեքսիկայի հետ սահմանին արտակարգ դրության ռեժիմ սահմանելու մասին հռչակագիր էր ստորագրել։ Արտակարգ դրության ռեժիմի սահմանման գլխավոր պատճառներից մեկը առանց Կոնգրեսի հավանության ամերիկա-մեքսիկական սահմանին պատի կառուցման ֆինանսավորման համար միջոցներ ստանալու անհրաժեշտությունն էր։   Առավել մանրամասն՝ սկզբնաղյուր կայքում։
10:31 - 01 մայիսի, 2021
Ռուսաստանն ուզում էր ոչնչացնել Իրանի ԱԳՆ ձեռքբերումները․ Իրանական ԶԼՄ-ները հրապարակել են ԱԳ նախարարի չհրապարակված հարցազրույցից հատվածներ

Ռուսաստանն ուզում էր ոչնչացնել Իրանի ԱԳՆ ձեռքբերումները․ Իրանական ԶԼՄ-ները հրապարակել են ԱԳ նախարարի չհրապարակված հարցազրույցից հատվածներ

Իրանական ԶԼՄ-ները հրապարակել են երկրի արտաքին գործերի նախարար Ջավադ Զարիֆի հետ չհրապարակված հարցազրույցից հատվածներ։ Հարցազրույցի ժամանակ Զարիֆը բողոքում է, որ Իրանի Իսլամական հեղափոխության պահապանների կորպուսը խառնվում է այլ պետությունների հետ հարաբերությունների մեջ՝ անտեսելով ԱԳՆ-ի վարող քաղաքականությունը։ Նա քննադատում է անցյալ տարի հունվարին սպանված գեներալ Քասեմ Սուլեյմանիին, քանի որ վերջինս, ըստ նրա, Մոսկվայի հետ համատեղ փորձել է սաբոտաժի ենթարկել Իրանի միջուկային պայմանագիրն Արևմուտքի հետ։  Այս մասին գրում է BBC.com-ը։ Իրանի ԱԳ նախարարի 3 ժամանոց հարցազրույցի ձայնագրությունը հայտնվել է Iran International հեռուստաալիքի ձեռքերում։ Դրա պատճենը ունի նաև BBC-ի պարսկական ծառայությունը։ Հարցազրույցի հրապարակումից մեկ ժամ անց Իրանի ԱԳՆ պաշտոնական ներկայացուցիչ Սաիդ Հաթիբզադեն հայտարարել է, որ ձայնագրությունը խմբագրվել է՝ խեղաթյուրելով նախարարի խոսքերի իմաստը։ Ինչպես պնդում են նյութը հրապարակած ԶԼՄ-ները, հարցազրույցը դեռևս մարտին իրականացրել էր լրագրող Սաիդ Լեյլազը, որը մոտ է կառավարության տնտեսական բլոկին։ Ծրագրի հեղինակները մտադրվել էին հարցազրույցը հրապարակել, երբ հունիսի 18-ին կայանալիք նախագահական ընտրություններից հետո  Հասան Ռոհանիի կառավարությունը վայր կդներ իր լիազորությունները։ Զարիֆը կոշտ քննադատության է ենթարկում գեներալ Քասեմ Սուլեյմանիին, որը գլխավորում էր Իսալամական հեղափոխության պահապանների կորպուսի էլիտար հատուկ զորաջոկատներից մեկը։ Այսօր Սուլյեմանին Իրանում հայտարարվել է մարտիրոս ու ազգային հերոս։ Համարվում է, որ հենց նա է համոզել ՌԴ նախագահ Վլադիմիր Պուտիտնին խառնվել սիրիական հակամարտության մեջ 2015թ․ Մոսկվա կատարած այցի ժամանակ։  Պատերազմը Սիրիայում ու միջուկային պայմանագիրը Զարիֆի խոսքով՝ Սուլեյմանիի հետ բանակցությունները 2015թ․ նախաձեռնել էր Մոսկվան, որի նպատակն էր չեղարկել այդ օրերին կնքված միջազգային միջուկային պայմանագիրն Իրանի հետ։ Պայմանավորվածությունների էությունը այն էր, որ Թեհրանը պարտավորվում էր սահմանափակել միջուկային ծարգիրը, որի դիմաց հանվում էին իր նկատմամբ մտցված կոշտ պատժամիջոցները, որոնք մեծ հարված էին հասցնում Իրանի տնտեսությանը։ Ինչպես պնդում է Զարիֆը, Մոսկվան Սուլեյմանիին հրավիրել էր բանակցությունների միջուկային պայմանագրերի ստորագրումից 10 օր հետո, որպեսզի սաբոտաժի ենթարկի այդ պայմանավորվածությունները։Զարիֆի խոսքով՝ Ռուսաստանն ցանկանում էր օգտագործել իրանական բանակը՝ Սիրիայի տարածքում ցամաքային գրոհի համար։ Իրանը հերքում է իր մասնակցությունը սիրիական հակամարտությանը, թեև 2016թ․ BBC պարսակական ծառայությունը հաստատել է, որ Թեհրանը Սիրիա է տեղափոխում հազարավոր աֆղանացիներ կառավարական ուժերի կողմում պատերազմելու համար։ Զարիֆը չի պարզաբանում ռազմական գործողությունների ու միջուկային պայամանավորվածությունների սաբոտաժի միջև փոխկապակցվածությունը, սակայն, նրա խոսքով, Սուլեյմանին կապ է ունեցել երկուսի հետ էլ՝ իր գործողություններում շրջանցելով Իրանի ԱԳՆ-ն։  «Այս այցը նախաձեռնել էր Մոսկվան, ու Իրանի ԱԳՆ-ն որևէ կերպ չեր կարող ազդել դրա վրա։ Այցի նպատակն էր չեղարկել գործարքը»,- ասում է նախարար Զարիֆը։ «Ռուսաստանն ուզում էր ոչնչացնել Իրանի ԱԳՆ ձեռքբերումները», - ասում է նախարարը։ Այդ պատճառով ինքը ստիպված էր կիրառել «կոշտ ու ոչ դիվանագիտական լեզու» Ռուսասատնի ԱԳ նախարար Սերգեյ Լավրովի հետ զրույցներում։ 2018թ․ ԱՄՆ այդ ժամանակ նախագահ Դոնալդ Թարմփի հրահանգով ԱՄՆ-ն դուրս եկավ միջուկային համաձայնագրից ու մտցրեց լրացուցիչ պատժամիջոցներ Իրանի դեմ։ Դրանից հետո Իրանը նորից ձեռնամուխ եղավ միջուկային արգելված աշխատանքներին։ Ապրիլի սկզբին ԱՄՆ-ն միացավ Վիեննայում տեղի ունեցող բանակացություններին, որոնք միտված էին վերականգնելու Իրանի հետ միջուկային համաձայնագիրը։   Ինչպես նշում է Իրանի ԱԳ նախաարը, Ռուսաստանը սկսեց քայլեր ձեռնարկել, որ Իրանի ու Արևմուտքի միջև  միջուկային պայմանավորվածությունները չեղարկվեն նախքան պայմանագրի կնքումը՝ հատկապես ակտիվ գործելով պայմանագրի ստորագրմանը նախորդած վերջին շաբաթվա ընթացքում։ «Ռուսները չէին հավատում, որ պայմանագիրը կստորագրվի։ Այդ ժամանակ Ռուսաստանն ու Ֆրանսիան առաջարկեցին, որ պայմանավորվածությունն ուժի մեջ մնալու համար Իրանը 6 ամիսը մեկ պետք է հաստատի իր մանդատը ՄԱԿ Անվտանգության խորհրդում»,- նշում է Զարիֆը՝ հավելելով, որ դա նշանակում էր, որ ամեն 6 ամիսը մեկ Իրանը ստիպված կլիներ պայմանավորվածություն ձեռք բերեր Անվտանգության խորհրդի 5 մշտական ու 10 ժամանակավոր անդամների հետ։ Իրանի ու ԱՄՆ գլխավորությամբ Արևմուտքի փոխհարաբերությունների կարգավորումը հակասում է Ռուսաստանի շահերին, դրա համար էլ միջուկային պայմնագիրը ևս հակասում էր վերջինիս հետաքրքրություններին»,- ասում է Զարիֆը։Պատերազմը հաղթում էր դիվանագիտությանը «Սուլեյմանին անընդհատ խառնվում էր դիվանագիտական գործընթացների մեջ»,- բողոքում է Իրանի ԱԳՆ ղեկավարը։Նրա խոսքով՝ գեներալը պահանջներ էր ներկայացնում նախարարությանը՝ առանց հաշվի առնելու Զարիֆի դիրքորոշումը։ «Պատերազմը միշտ հաղթում էր դիվանագիտությանը»,- ասում է Զարիֆը՝ իր դերը արտաքին քաղաքականությանը վերաբերող հացերի կայացման ժամանակ զրոյական որակելով։ ԱԳ նախարարը նաև պատմում է 2020թ․ հունվարին Սուլեյմանիի սպանությանը հետևած իրադարձությունների մասին, երբ իրանական ՀՕՊ-ը ոչնչացրել էր ուկրաինական ուղևորատար ինքնաթիռը՝ այն շփոթելով թևավոր հրթիռի հետ։Ինքնաթիռի կործանումից հետո մի քանի օր Իրանը հերքում էր իր պատասխանատվությունը։ Ինչպես պատմում է Զարիֆը, ինքը եկել էր ուժայինների հետ խորհրդակցության ու առաջարկել․ «Եթե հրթիռ է հասցրել հարված ինքնաթիռին, եկեք քննարկենք, թե ինչպես նվազեցնենք վնասները։ Ի պատասխան դրան՝ իրեն կարգադրեցին գնալ ու Թվիթերում գրել, որ ոչինչ չի եղել»։   Թարգմանությունը՝ Լիլիթ Հարությունյանի
15:22 - 27 ապրիլի, 2021
Բայդենը մեկնաբանել է Թրամփի իմփիչմենթի գործով Սենատի քվեարկության արդյունքները |tert.am|

Բայդենը մեկնաբանել է Թրամփի իմփիչմենթի գործով Սենատի քվեարկության արդյունքները |tert.am|

tert.am: Կապիտոլիումի գրոհը տխուր էջ է ԱՄՆ պատմության մեջ, իսկ Դոնալդ Թրամփի դեմ մեղադրանքների էությունը կասկածի ենթակա չէ, հայտարարել Է ԱՄՆ նախագահ Ջո Բայդենը՝ մեկնաբանելով Սենատում՝ նախկին նախագահին իմփիչմենթի ենթարկելու հարցով քվեարկությունը, գրում է CNN-ը։ «Թեև վերջնական քվեարկությունը չի հանգեցրել դատապարտման, մեղադրանքների էությունը կասկածի ենթակա չէ», -ասված է Բայդենի հայտարարության մեջ, որը տարածել է Սպիտակ տունը: Բայդենի խոսքով՝ «նույնիսկ նրանք, ովքեր դեմ էին քննադատությանը, ինչպես, օրինակ, Սենատում փոքրամասնության առաջնորդ Մակքոնելը, կարծում են, որ Դոնալդ Թրամփը մեղավոր է իր պարտքը չկատարելու համար և գործնականում բարոյապես պատասխանատու է Կոնգրեսի շենքում տեղի ունեցած սադրանքի համար»: Ավելի վաղ հաղորդվել էր, որ ԱՄՆ Կոնգրեսի Սենատն արդարացրել է ԱՄՆ նախկին նախագահ, հանրապետական Դոնալդ Թրամփին նրան իմփիչմենթ հայտարարելու գործի շրջանակում։ Թրամփին իմփիչմենթ հայտարարելու համար անհրաժեշտ էր 100 սենատորից 67-ի կողմ քվեարկությունը: Հօգուտ իմփիչմենթի քվեարկել էր 57, դեմ՝ 43 սենատոր, և ոչ բավարար թվով կողմ ձայների առկայությամբ նախագիծը մերժվել էր:
11:09 - 14 փետրվարի, 2021
Սենատը հրաժարվել է Թրամփի իմփիչմենթը ճանաչել հակասահմանադրական |1lurer.am|

Սենատը հրաժարվել է Թրամփի իմփիչմենթը ճանաչել հակասահմանադրական |1lurer.am|

1lurer.am: ԱՄՆ Սենատը նախկին նախագահ Դոնալդ Թրամփին իմփիչմենթ հայտարարելը հակասահմանադրական չի ճանաչել՝ հայտնում է The Hill-ը: Քվեարկության ժամանակ 55 սենատոր կողմ է քվեարկել իմփիչմենթի օրինականությանը, 45-ը՝ դեմ: Դեմոկրատների հետ կողմ է արտահայտվել նաև հինգ հանրապետական: Ըստ այս արդյունքի՝ պարբերականը քիչ հավանական է համարում Սենատի աջակցությունը Թրամփին իմփիչմենթի ենթարկելու Ներկայացուցիչների պալատի որոշմանը: Դրա համար անհրաժեշտ է սենատորների երկու երրորդի համաձայնությունը: Իմփիչմենթի ընթացակարգի օրինականության հարցը քվեարկության էր դրել հանրապետական ​​սենատոր Ռենդ Փոլը, որի համոզմամբ՝ Թրամփը չի խախտել օրենքը, իսկ դեմոկրատները պարզապես փորձում են հաշիվներ մաքրել նրա հետ: Դեմոկրատ կոնգրեսականների ու որոշ հանրապետականների կարծիքով՝ Թրամփը պատասխանատու է հունվարի սկզբին Կապիտոլիումի տարածքում տեղի ունեցած անկարգությունների համար: Թրամփին սատարող ցուցարարները ներխուժեցին Կոնգրեսի շենք: Իսկ այդ միջադեպից առաջ երկրի նախկին նախագահը նրանց հորդորել էր չդադարեցնել պայքարը: Ըստ դեմոկրատների, հենց այս կոչն էլ ցուցարարներին դրդեց ագրեսիվ գործողությունների:
13:11 - 27 հունվարի, 2021
Հանրապետականները եւ դեմոկրատները համաձայության են եկել Սենատում լիազորությունների բաժանման շուրջը |armenpress.am|

Հանրապետականները եւ դեմոկրատները համաձայության են եկել Սենատում լիազորությունների բաժանման շուրջը |armenpress.am|

armenpress.am: Հանրապետականները եւ դեմոկրատները միմյանց հետ համաձայնության են եկել ԱՄՆ-ի Կոնգրեսի Սենատում համատեղ կառավարման եւ ֆիլիբաստերի («ֆլիբուստիերության»)՝ օրենսդիր մարմնի վերին պալատում փոքրամասնության իրավունքների ապահովման համար քննարկումների արհեստական ձգձգման ընթացակարգի պահպանման շուրջը: Հունվարի 25-ի երեկոյան այդ մասին հայտնել Է Սենատում հանրապետական փոքրամասնության առաջնորդ Միթչ Մակքոնելը Twitter-ի իր Էջում: «Այսօր երկու դեմոկրատ սենատորներ հավաստեցին, որ չեն քվեարկի ֆիլիբաստերի վերացման օգտին: Նրանք համաձայնվել են նախագահ Ջո Բայդենի եւ ինձ հետ, որ Սենատում ոչ մի մեծամասնություն չպետք Է վերացնի երկու կուսակցությունների ապագա փոքարմասնությունների իրավունքը,- ասված Է հայտարարության մեջ: - Օրենսդրական «ֆիլիբուսիերությունը» Սենատում լիազորությունների բաժանման շուրջը 2001 թվականի համաձայնության հանգուցային մասն Է (հանրապետականների եւ դեմոկրատների մոտ տեղերի հավասար քանակության դեպքում): Այս երաշխիքներով եւ անհամբերությամբ սպասում եմ դեպի առաջ շարժմանն իշխանության բաժանան շուրջը համաձանության այդ մոդելի նախադեպի միջոցով»: Երկու կուսակցությունների ներկայացուցիչներն այժմ հավասար քանակթյամբ տեղեր են վերահսկում Սենատում՝ 50-ական: Սակայն, քանի որ փոխնախագահի պաշտոնն այժմ զբաղեցնում Է դեմոկրատ Քամալա Հարիսը, նրա կուսակիցների մոտ ավտոմատ կերպով առավելություն Է առաջանում: Ըստ օրենսդրության՝ Միացյալ Նահանգների վարչակազմի ղեկավարի տեղակալը Սենատի ղեկավարն Է եւ կարող Է քվեարկել, եթե այս կամ այլ հարց քննարկելիս օրենսդիրների դիքորոումները բաժանվեն հավասար չափով: Այժմ որեւիցե նախաձեռնության շուրջը քննարկումների դադարեցման համար պահանջվում Է 100 սենատորներից 60-ի ձայնը: Իսկ դեմոկրատներն ավելի վաղ առաջարկում Էին որոշումների ընունումը պարզ մեծամասնությամբ, ինչը փոքրամասնությանը կզրկեր ֆիլիբաստերի մարտավարությունն օգտագործելու հնարավորությունից: Վերին պալատում իշխանության բաժանման շուրջը համաձայնության բացակայությունը կսպառնար Բայդենի օրենսդրական հարցերի առաջադրմանը, նշել Է The Washington Post թերթը: ԱՄՆ-ում ֆիլիբաստերի պրակտիկայում ռեկորդը պատկանում Է Հարավային Կարոլինայի նահանգից սենատոր Սթրոմ Թերմոնդին (1902 – 2003), որը 1957 թվականին ամբիոնից անընդհատ խոսել Է 24 ժամ 18 րոպե, հաղորդել Է ՏԱՍՍ-ը:
12:06 - 26 հունվարի, 2021
Ներկայացուցիչների տունը Սենատին է փոխանցում Թրամփի իմպիչմենտի մեղադրական եզրակացությունը |azatutyun.am|

Ներկայացուցիչների տունը Սենատին է փոխանցում Թրամփի իմպիչմենտի մեղադրական եզրակացությունը |azatutyun.am|

azatutyun.am: ԱՄՆ հանրապետական նախագահ Դոնալդ Թրամփին հունվարի 13-ին իմպիչմենտի ենթարկած Կոնգրեսի Ներկայացուցիչների տունն այսօր Սենատին է փոխանցելու «ապստամբություն հրահրելու» հոդվածով մեղադրական եզրակացությունը: Գործը հարուցվում է Վաշինգթոնում հունվարի 6-ի զանգվածային անկարգությունների և Կոնգրեսի շենք Թրամփի աջակիցների ներխուժելու փաստերով: Ամերիկյան օրենքների համաձայն, իմպիչմենտի պարագայում Ներկայացուցիչների տունը հանդես է գալիս որխպես մեղադրող կողմ, իսկ դատավորների դերը ստանձնում են սենատորները: Դատավարությւնը սկսվելու է փետրվարի 8-ին, ինչի մասին անցա շաբաթ հայտնել է Սենատում դեմոկրատականների մեծամասնության ղեկավար Չաք Շումերը: Թրամփին քվեարկությամբ մեղավոր ճանաչելու համար կպահանջվի, որ առնվազն 17 հանրապետական սենատորներ միանան դեմոկրատական գործընկերներին, ինչը վերլուծաբանները հավանական չեն համարում: Նախատեսվում է նաև երկրորդ քվեարկությունը, որով Ներկայացուցիչներիի տունը Սենատին առաջակվում է Թրամփին զրկել ապագայում ևս մեկ անգամ նախագահ առաջադրվելու իրավունքից:
14:48 - 25 հունվարի, 2021