Գավառ

Գավառ, քաղաք Հայաստանում, Գեղարքունիքի մարզկենտրոնն է։ Գտնվում է Գեղամա լեռնաշղթայի արևելյան լանջին, Գավառագետի ստորին հոսանքի ավազանում։ Հեռավորությունը Երևանից 98 կմ է։

Գավառի 19/5 ընտրատեղամասում քաղաքացին չի կարողանում քվեարկել. մարզպետարանն ու անձնագրայինը տարբեր բաներ են ասում |hetq.am|

Գավառի 19/5 ընտրատեղամասում քաղաքացին չի կարողանում քվեարկել. մարզպետարանն ու անձնագրայինը տարբեր բաներ են ասում |hetq.am|

Գլխավոր նկարը՝ hetq.am-ի hetq.am:  Գեղարքունիքի մարզի Գավառ քաղաքի բնակիչ Վիկտորյա Կարապետյանը վաղ առավոտյան ընտրատեղամաս է այցելել՝ մասնակցելու ՏԻՄ ընտրություններին, սակայն արդեն ավելի քան 1.5 ժամ է (ընտրատեղամաս է եկել ժամը 9:00-ի սահմաններում), ինչ քաղաքացին չի կարողանում ընտրել։ Ստիպված եղավ երկու անգամ ընտրատեղամասից Գավառի անձնագրային բաժանմունք գնալ-գալ։ Քաղաքացու անձնագիրը նոր է, տրվել է նախօրեին՝ դեկտեմբերի 4-ին, ընտրողների էլեկտրոնային համակարգում նրա անունը չի ամրագրվել, կտրոն տրամադրող սարքն էլ չի «ճանաչում» Վիկտորյային։ Մարզպետարանում այլ բան են ասում, անձնագրային բաժանմունքում՝ այլ։ «Ինձ տեղեկանք են տրամադրել ու անձնագիրս, որ կարող եմ մասնակցել, հիմա էլ ասում են գնա 9-րդ ձև բեր։ Բայց անձնագրայինից էլ ասում են, որ անձնագիրը հենց 9-րդ ձև է։ Հիմա չեմ կարողանում քվեարկել»,- ասում է Վիկտորյա Կարապետյանը։ Հանձնաժողովի նախագահը այս հարցով զանգել է Գեղարքունիքի մարզպետարան, որտեղից մարզպետարանի գլխավոր քարտուղարի տեղակալ Ալբերտ Աղեկյանը հորդորել է քաղաքացուն գնալ անձնագրային բաժանմունք և ստանալ «9-րդ ձև» կոչվող փաստաթուղթը։ Սակայն, Գավառի անձնագրերի և հրավերների բաժնի պետ Սերգեյ Լազյանը քաղաքացուն հրաժարվել է տալ թուղթը՝ նշելով, որ իրավունք չունի այն տալ, քանի որ քաղաքացուն արդեն իսկ տրվել է անձնագիր։ Ըստ Գավառի 19/5 ընտրատեղամասի հանձնաժողովի նախագահ Անժելան Բադոյանի՝ իրենց տվել են նաև համարակալված կտրոններ, և եթե սարքը կտրոնը չի տպում, իրենք այդ համարակալված կտրոնը պետք է օգտագործեն, թույլ տան, որ քաղաքացին քվեարկի։ Սակայն, Կենտրոնական ընտրական հանձնաժողովից առայժմ չեն թույլատրում այդ եղանակով քաղաքացուն թույլ տալ ընտրել։ Քաղաքացին դեռ սպասում է ընտրատեղամասում։  Առավել մանրամասն՝ hetq.am-ում
11:19 - 05 դեկտեմբերի, 2021
Քննչական կոմիտեն նյութեր է նախապատրաստում Գավառի ԲԿ-ում նորածնի մահվան դեպքի առթիվ

Քննչական կոմիտեն նյութեր է նախապատրաստում Գավառի ԲԿ-ում նորածնի մահվան դեպքի առթիվ

ՀՀ քննչական կոմիտեի Գեղարքունիքի մարզային քննչական վարչությունում նյութեր են նախապատրաստվում Գավառի բժշկական կենտրոնում նորածնի մահվան դեպքի առթիվ։ Ինչպես տեղեկացնում են ՀՀ քննչական կոմիտեի տեղեկատվության և հասարակայնության հետ կապերի բաժնից, 2021թ. մարտի 18-ին, ժամը 09:20-ին՝ Գավառի բժշկական կենտրոնից ՀՀ ոստիկանության Գավառի բաժին հաղորդում է ստացվել այն մասին, որ իրենց մոտ կեսարյան վիրահատության ժամանակ նորածին երեխա է մահացել, երեխայի հարազատները վիճաբանել են և կոտրել հիվանդանոցի դուռը: «Նյութերի նախապատրաստման ընթացքում պարզվել է, որ Գեղարքունիքի մարզի Կարմիրգյուղ համայնքի բնակչուհին 2021թ. մարտի 18-ին, ժամը 7-ի սահմաներում դիմել է վերոհիշյալ բժշկական կենտրոն, որտեղ կատարվել է կեսարյան վիրահատում և կինը ունեցել է հավանական մահացած պտուղ»,- ասվում է հաղորդագրության մեջ: Ըստ աղբյուրի՝ դեպքի առթիվ Գեղարքունիքի մարզային քննչական վարչությունում նախապատրաստվում են նյութեր:
18:28 - 19 մարտի, 2021
Փաշինյանը շրջել է Գավառում, ծանոթացել քաղաքացիների խնդիրներին |armenpress.am|

Փաշինյանը շրջել է Գավառում, ծանոթացել քաղաքացիների խնդիրներին |armenpress.am|

armenpress.am: ՀՀ վարչապետ Նիկոլ Փաշինյանը շրջայց է կատարել Գավառ քաղաքում: Այս մասին Փաշինյանը գրել է «Ֆեյսբուք»-ի իր էջում և տեսանյութ հրապարակել: Վարչապետը քաղաքացիների հետ զրույցում նշեց, որ պատերազմից հետո երկրի առջև ծառացել են բազմաթիվ խնդիրներ, որոնք պետք է լուծել: «Ամենացավոտ խնդիրը գերիների, անհետ կորածների խնդիրն է, պետք է օր առաջ լուծենք: Ցավոք իրադարձություններ կան, որ խանգարում են այդ խնդրի լուծմանը, բայց պետք է լուծենք»,- ասաց Փաշինյանը: Քաղաքացիներից ոմանք վարչապետի հետ հանդիպման ընթացքում խնդրեցին քայլեր ձեռնարկել նաև տարածվող ապատեղեկատվությունները վերցնելու ուղղությամբ: «Արդեն պետք է սովորած լինեք՝ սուտը ճշտից տարբերել, ամեն ասածի պետք չէ հավատալ: Նոյեմբերից սկսած ինչքան տեղեկություններ են տրվել, հիմա կարող եք գոնե վերլուծելով սուտը ճշտից տարբերել»,- ասաց Փաշինյանը:
16:34 - 09 մարտի, 2021
Հայաստանը նորովի կառուցելու մեր տեսլականը պետք է շատ ակտիվ իրագործվի. վարչապետը խորհրդակցություն է անցկացրել Գեղարքունիքի մարզպետարանում

Հայաստանը նորովի կառուցելու մեր տեսլականը պետք է շատ ակտիվ իրագործվի. վարչապետը խորհրդակցություն է անցկացրել Գեղարքունիքի մարզպետարանում

Վարչապետ Նիկոլ Փաշինյանն այցելել է Գեղարքունիքի մարզ՝ ընթացիկ և առաջիկա ծրագրերը, ռազմավարական խնդիրները քննարկելու նպատակով: Մարզպետարանում կայացած խորհրդակցությանը մասնակցել են նաև Տարածքային կառավարման և ենթակառուցվածքների նախարար Սուրեն Պապիկյանը, Էկոնոմիկայի նախարարի տեղակալ Տիգրան Գաբրիելյանը, Գեղարքունիքի մարզպետ Գնել Սանոսյանը, փոխմարզպետները և պաշտոնատար այլ անձինք: Նախքան քննարկումը վարչապետ Փաշինյանը նշել է.«Մեր մարզային հերթական խորհրդակցությունը տեղի է ունենում Գեղարքունիքի մարզում, և այսօրվա մեր օրակարգում սոցիալ-տնտեսական, անվտանգային հարցեր են: Գեղարքունիքի մարզը նաև սուբվենցիոն ծրագրերի մասով ամենաակտիվ մարզերից է, և մենք այսօր նորակառույց դպրոց այցով սկսեցինք մեր աշխատանքային օրը: Պետք է նաև այս տրամադրությունը փոխանցենք՝ Հայաստանը նորովի կառուցելու մեր տեսլականը պետք է շատ ակտիվ իրագործվի: Ընդ որում, իրագործվի ոչ միայն պետության, կառավարության, համայնքների կողմից, այլև պետք է քաջալերենք նաև մասնավորին՝ այդ կառուցման, ներդրման գործընթացին մասնակցելու: Իհարկե, դրա համար շատ կարևոր է մեր երկրի սոցիալ-հոգեբանական վիճակը, անվտանգային միջավայրը: Գեղարքունիքի մարզի շուրջ նույնպես անվտանգային միջավայրի փոփոխություն է տեղի ունեցել: Մենք այսօր դրա հետ կապված հարցր նույնպես կքննարկենք՝ թե ինչպես ենք այս նոր իրավիճակում ապահովելու մեր անվտանգությունը, ինչպես ենք այս նոր միջավայրում մարդկանց, մեր քաղաքացիների ունեցած մտավախությունները փարատելու, նրանց բարձրացրած հարցերին պատասխանելու»: Անցնելով օրակարգային հարցերին՝ Գեղարքունիքի մարզպետ Գնել Սանոսյանը նշել է, որ հաջող և որակի խիստ պահպանմամբ իրականացվում են պետություն-համայնք մասնակցությամբ սուբվենցիոն ծրագրերը: Մարզպետն ընդգծել է, որ 2019 թվականին որակի հետ կապված առաջացած խնդիրները նախորդ տարվա ընթացքում ամբողջությամբ վերացվել են, և շինարարական կազմակերպությունները գիտեն` անորակ շինարարությունը չի ընդունվելու: Ըստ մարզպետի, իրականացվող սուբվենցիոն ծրագրերը ներառում են բոլոր ոլորտները` ենթակառուցվածքներ, մանկապարտեզներ, ջրագծեր, ճանապարհներ և այլն: Գնել Սանոսյանի խոսքով` 2018 թվականին մարզում իրականացվել են 3 մլրդ դրամի սուբվենցիոն ծրագրեր, 2019-ին` 5,5 մլրդ դրամի, 2020-ին` 6 մլրդ դրամի: Ընթացիկ տարվա համար ներկայացվել է 8,5 մլրդ դրամի ծրագրերի հայտ: Միաժամանակ, մարզպետը տեղեկացրել է, որ ընդհանուր առմամբ նախորդ տարի մարզում, այլ ծրագրերի հետ միասին, իրականացվել են 20 մլրդ դրամի աշխատանքներ: Գեղարքունիքում նախորդ տարվա ընթացքում սուբվենցիոն ծրագրերի շրջանակում վերակառուցվել է 37 կմ ճանապարհ, իսկ այլ հատկացումների արդյունքում վերակառուցված ճանապարհների ծավալը հասել է 120 կմ-ի: Հաջող իրականացվում են նաև դպրոցների վերակառուցման աշխատանքներ. այդ ծրագրերի թիվը հասնում է 5-ի: Գնել Սանոսյանը նշել է, որ մարզում առաջնահերթություն է տրվում զբոսաշրջության, գյուղատնտեսության, էներգետիկայի ոլորտներին: Գյուղտեխնիկայի լիզինգային ծրագրերն արդյունավետ իրականացվում են, նախորդ տարի համայնքները համալրվել են 60-ից ավելի տեխնիկական միջոցներով: Աճ է նկատվում անասնապահության ոլորտում. միայն Արծվանիստ համայնքում իրականացվում է 15 մլրդ դրամ արժողությամբ ներդրումային ծրագիր` ֆերմերային խոշոր տնտեսություն հիմնելու նպատակով: Մարզն ունի 181 հազար հա արոտավայր, որից չի օգտագործվում 124 հազար հա-ն: Պատասխանատուների խոսքով՝ հիմնական խնդիրն արոտավայրերի անհասանելիությունն է: Վարչապետը կարևորել է բարձրարժեք գյուղատնտեսությունը խթանող ծրագրերի իրականացումը, ենթակառուցվածքների զարգացումը` արոտավայրերի ճանապարհները հասանելի դարձնելու, խմոցիների ապահովման համար: Զեկուցվել է, որ մարզում 98 հա կաթիլային ոռոգմամբ այգիներ են հիմնվել, ինտենսիվ այգիների ծավալը գնալով ավելանում է: Համաշխարհային բանկի հետ համագործակցությամբ իրականացվում է արոտների ջրարբիացման ծրագիրը, որի շրջանակում այս տարի մարզում նախատեսվում է արոտավայրերում կառուցել 2 կմ ջրագիծ, 4 խմոցի, բարելավել ճանապարհները: Զեկուցվել է նաև, որ Գեղարքունիքում առկա 81 հազար հա վարելահողերից օգտագործվում է կեսը: Նիկոլ Փաշինյանը նշել է, որ կառավարությունը շարունակելու է գյուղատնտեսության զարգացման, արդյունավետության բարձրացման թիրախային ծրագրերը, որոնք կնպաստեն վարելահողերի օգտագործման ծավալների ավելացմանը: Անդրադառնալով էներգետիկայի ոլորտին` Գնել Սանոսյանը նշել է, որ ընթացիկ տարում մեկնարկելու է Մեծ Մասրիկի ենթակայանի կառուցման շինարարությունը, նոր ծրագրերի միջոցով խթանվում է նաև արևային էներգետիկայի զարգացումը: Մարզպետը տեղեկացրել է, որ պատերազմից հետո Գեղարքունիքի մարզում դեռևս շարունակում են մնալ 1700 արցախցիներ. մարզպետարանը վերջիններիս կարիքները պահում է ուշադրության կենտրոնում, ապահովում է կենցաղային անհրաժեշտ պայմաններով, երեխաները հաճախում են մարզի ուսումնական հաստատություններ: Անդրադառնալով անվտանգային միջավայրին` 2-րդ բանակային կորպուսի հրամանատարը Արայիկ Հարությունյանը զեկուցել է, որ բանակային կորպուսն անվտանգության ապահովման խնդիրը հաջող իրականացնում է, իսկ առաջիկա կարևորագույն խնդիրն է առաջնագծի ենթակառուցվածքների բարելավումն ու ինժեներական աշխատանքների իրականացումը: Զեկուցվել է, որ առաջնագծում իրավիճակը հանգիստ է և գտնվում է լիարժեք վերահսկողության ներքո: Զեկույցներով հանդես են եկել նաև Դատախազության, Քննչական կոմիտեի և Ոստիկանության մարզային վարչությունների ղեկավարները՝ ներկայացնելով իրավակարգի ապահովմանն ուղղված աշխատանքների ընթացքը: Խորհրդակցությունից հետո վարչապետը հանդիպել է Գավառի կենտրոնական հրապարակում հավաքված քաղաքացիներին, լսել նրանց խնդիրներն ու պատասխանել հարցերին։
13:29 - 09 մարտի, 2021
Գավառի բժշկական կենտրոնը սեփական միջոցների հաշվին ձեռք է բերել բժշկակական նորագույն 3 սարքավորում

Գավառի բժշկական կենտրոնը սեփական միջոցների հաշվին ձեռք է բերել բժշկակական նորագույն 3 սարքավորում

Գավառի բժշկական կենտրոնը սեփական միջոցների հաշվին ձեռք է բերել բժշկակական նորագույն 3 սարքավորում։ Այս մասին հայտնում է Գեղարքունիքի մարզպետ Գնել Սանոսյանը։Հեմոդիալիզի բաժանմունքի համար ձեռք է բերվել նոր հեմոդիալիզի ապարատ: Այն շատ կարեւոր է հաստատությունում բուժում ստացողների համար, քանի որ հին սարքավորումները մաշված էին ու դժվարությամբ էին ծառայում իրենց նպատակին: Այժմ արդեն ծառայությունը մատուցվում է նորագույն սարքավորումներով: Վիրահատական բաժանմունքի համար գնվել է ինտրաօպերացիոն ռենտգեն սարքավորում, որի միջոցով արդեն կատարվում է բարդ վիրահատություններ: Ռենտգեն սարքավորումը թե՛ տրավմատոգոլոգիական, թե՛ այլ կարգի վիրահատությունների ժամանակ անսխալ կողմնորոշելու է վիրաբույժներին: Մի կողմից հեշտանում են վիրահատությունները մյուս կողմից՝ դրանք կատարվում են ճշգրտորեն: Ձեռք է բերվել նաև վերջին սերնդի հեմոտոլոգիական անալիզատոր, որն իրականացնում է արյան ընդհանուր քննություն՝ լեյկոֆորմուլայով։ Այն հնարավորություն կընձեռի՝ իրականացնել նաև COVID-19 - ով հիվանդների արյան ընդհանուր քննություն։ Սարքավորումների ձեռքբերման համար ԲԿ-ի տնտեսված միջոցներից ծախսվել է 16 միլիոն դրամ: Բոլոր երեք սարքավորումներն էլ արդեն ծառայում են իրենց նպատակին: Լիահույս եմ, որ տեխնիկական վերազինումից հետո Գավառի բժշկական կենտրոնում էականորեն կբարելավվի բուժսպասարկումը, կբարձրանա մատուցվող ծառայությունների որակը:
17:24 - 27 հուլիսի, 2020
Գավառ քաղաքի 7 փողոցներում կկառուցվի լուսավորության ցանց

Գավառ քաղաքի 7 փողոցներում կկառուցվի լուսավորության ցանց

Գավառ քաղաքի Կարեյան, Բարեկամության, Պետրովի, Ղամարյան եղբայրների, Կահիրեի, Գ. Նարեկացի փողոցներում եւ Ազատություն փողոցի 2-րդ նրբանցքում ՀՀ կառավարության կողմից իրականացվող սուբվենցիոն ծրագրերի շրջանակներում այս տարի կկառուցվի լուսավորության ցանց, կկատարվի կենտրոնական հրապարակի լուսասյուների տեղափոխություն: Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տվյալներով՝ ծրագրի ընդհանուր արժեքը կազմում է 38 միլիոն 704 հազար դրամ, որի 60 տոկոսը կամ 23 միլիոն 222 հազար դրամը հատկացնում է ՀՀ կառավարությունը, 40 տոկոսը կամ 15 միլիոն 482 հազարը՝ Գավառի համայնքապետարանը: Գավառի քաղաքապետարանի փոխանցմամբ՝ լուսավորության ցանցը կառուցվում է շուրջ 5200 մետր երկարությամբ: Վերոնշյալ փողոցներում տեղադրվելու է 171 լուսատու՝ ԼԵԴ համակարգով: «Այս ծրագրի իրականացման արդյունքում որոշակիորեն կընդլայնվի քաղաքի լուսավորության ցանցը, որն այժմ կազմում է շուրջ 65 տոկոս: Ծրագրի շահառու կլինեն մոտ 1300 տնտեսություն՝ 4500 բնակչությամբ: Վերոնշյալ փողոցները կունենան ժամանակակից չափորոշիչներին համապատասխան լուսավորություն, որը երեկոյան ժամերին կնպաստի բնակչության անվտանգ տեղաշարժին: Շինարարական աշխատանքների մրցույթն արդեն հայտարարված է»,-ներկայացրեցին քաղաքապետարանից: 
11:52 - 03 հուլիսի, 2020
Հայտնի է՝ ում կրակոցներից են սպանվել Գավառի միջադեպի մասնակից, քննիչ Զոհրաբ Պարոնիկյանը եւ Վահե Ավետիսյանը |armtimes.com|

Հայտնի է՝ ում կրակոցներից են սպանվել Գավառի միջադեպի մասնակից, քննիչ Զոհրաբ Պարոնիկյանը եւ Վահե Ավետիսյանը |armtimes.com|

armtimes.com: Գավառի արյունալի միջադեպերի առթիվ հարուցված քրեական գործի նախաքննությամբ հիմնավորվել է, որ Զոհրաբ Պարոնիկյանը եւ Վահե Ավետիսյանը մահացել են Արմեն Հայթյանի կրակոցների հետեւանքով: Այս մասին այսօր հրավիրված ասուլիսի ժամանակ ասաց Քննչական կոմիտեի ՀԿԳ գլխավոր վարչության քննիչ Արմեն Միքայելյանը՝ ցույց տալով դեպքի վայրից արդեն հայտնի դարձած տեսանյութի կադրերը. «Տեսանյութում երեւում է, որ Պարոնիկյանի ավտոմեքենայի կանգնելուց հետո նրա մեքենայի աջ հատվածին մոտենում է Վահե Ավետիսյանը, կանգնում է նաեւ Արմեն Հայթյանի ավտոմեքենան, եւ կրակահերթ է արձակվում. առաջինը հենց սպանվում է Պարոնիկյանը, ընկնում է գետնին, ապա՝ Վահե Ավետիսյանը:» Միքայելյանի խոսքով՝ Արմեն Հայթյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 1-ին, 6-րդ կետերով և 235-րդ հոդվածի 1-ին մասով (երկու և ավելի անձանց, շատերի կյանքի համար վտանգավոր եղանակով սպանության և ապօրինի կերպով հրազեն ձեռք բերելու, պահելու և կրելու համար):  Դատարանի որոշմամբ Հայթյանի նկատմամբ որպես խափանման միջոց է ընտրվել կալանավորումը: Զոհրաբ Պարոնիկյանը 2013-14 թվականներին աշխատել է պաշտպանության նախարարությունում՝ որպես քրեագետ մասնագետ. 2014 թվականից ծառայության էր անցել Քննչական կոմիտեի զինվորական քննչական վարչության 5-րդ կայազորում: Մյուս սպանվածը՝ Նորատուսի բնակիչ Վահե Ավետիսյանը, ըստ շրջանառվող տեղեկությունների, Պարոնիկյանի հետ ազգակցական կապ ուներ: Շարունակությունը՝ armtimes.com-ում
16:13 - 22 հունիսի, 2020
Գավառի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից |armtimes.com|

Գավառի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից |armtimes.com|

armtimes.com: Ապրիլի 28-ին Գավառում տեղի ունեցած միջադեպերի հետեւանքով տուժած 5 քաղաքացիներն ապաքինվել են եւ դուրս գրվել հիվանդանոցներից: «Արմենիա» բժշկական կենտրոնի վիրաբուժական գծով տնօրեն Աշոտ Կուրղինյանն ասաց, որ նրանց վիճակը գնահատվել է բավարար. «Այնպիսի վիճակ էր, որ ստացիոնար բուժման կարիք այլեւս չկար, ուղղակի վերքերի մշակման, վիրակապ փոխելու գործ էր մնացել»: Երկու քաղաքացիները «Արմենիա» բ/կ-ից դուրս են գրվել տասն օր առաջ՝ մայիսի 25-ին: «Հերացի» թիվ 1 հիվանդանոցային համալիրի մամուլի խոսնակ Շուշան Դանիելյանն էլ մեզ տեղեկացրեց, որ իրենց մոտ բուժում ստացած 3 քաղաքացիները եվս դուրս են գրվել. 2-ը՝ մոտ երկու շաբաթ, 1-ը՝ երեք օր առաջ: Հիշեցնենք՝ ապրիլի 28-ին Գավառի Ազատության պողոտայում հնչել էին կրակոցներ, ինչի հետեւանքով սպանվել էր 2, վիրավորվել 4 հոգի: Վիրավորներից 2-ը տեղափոխվել էին Գավառի, 2-ը՝ Երեւանի հիվանդանոցներ: Դրանից հետո, սակայն, իրավիճակը չէր հանդարտվել, եւ մարզի բնակիչները շտապել էին հիվանդանոց՝ վիրավորների հետ սպանվածների համար հաշվեհարդար տեսնելու: Հիվանդանոցում գրանցվել էր 2-րդ միջադեպը. կոտրելով դռներն ու պատուհանները՝ նրանք ներխուժել էին հիվանդասենյակներ եւ վնասվածքներ հասցրել վիրավորներից մի քանիսին: Ընդհանուր առմամբ, վիրավորվել էր 5 հոգի, այդ թվում՝ վիրավորներից մեկին խնամողը:   Շարունակությունը՝ armtimes.com-ում։
18:43 - 06 հունիսի, 2020
Գավառում տեղի ունեցած միջադեպերի գործով որպես մեղադրյալ ներգրավված է 30 անձ, որոնցից մեկը՝ սպանության համար

Գավառում տեղի ունեցած միջադեպերի գործով որպես մեղադրյալ ներգրավված է 30 անձ, որոնցից մեկը՝ սպանության համար

ՀՀ քննչական կոմիտեի հատկապես կարևոր գործերի քննության գլխավոր վարչությունում՝ Գավառում երկու անձի սպանության և չորս անձի հրազենային մարմնական վնասվածքներ պատճառելու, մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ քննվող քրեական գործով շարունակվում են իրականացվել մեծածավալ քննչական և դատավարական այլ գործողություններ: Այս պահի դրությամբ, քրեական գործով որպես մեղադրյալ ներգրավված է 30 անձ, որոնցից  25-ը՝ ՀՀ քրեական օրենսգրքի  225-րդ հոդվածի 2-րդ և 4-րդ մասերով՝ «Գավառի բժշկական կենտրոն»-ում զանգվածային անկարգություններին մասնակցելու, մեկը՝ ՀՀ քրեական օրենսգրքի 225-րդ հոդվածի 2-րդ մասով և 34-104-րդ հոդվածի 1-ին մասով՝ նույն կենտրոնում զանգվածային անկարգություններին մասնակցելու  և սպանության փորձի համար, իսկ  երեքը՝ 34-104-րդ հոդվածի 2-րդ մասի 1-ին, 6-րդ և 7-րդ կետերով և 235-րդ հոդվածի 1-ին մասով՝ Գավառի «Ազատության» փողոցում խմբի կողմից, երկու և ավելի անձանց, շատերի կյանքի համար վտանգավոր եղանակով սպանության փորձի, ապօրինի կերպով հրազեն ձեռք բերելու, պահելու և կրելու , իսկ մեկը՝ ՀՀ քրեական օրենսգրքի 104-րդ հոդվածի 2-րդ մասի 1-ին, 6-րդ կետերով և 235-րդ հոդվածի 1-ին մասով՝ երկու և ավելի անձանց, շատերի կյանքի համար վտանգավոր եղանակով սպանության և ապօրինի կերպով հրազեն ձեռք բերելու, պահելու և կրելու համար: Վերոնշյալ 30 մեղադրյալներից 19-ը կալանավորվել է, իսկ 3-ի նկատմամբ որպես խափանման միջոց կալանավորումն ընտրելու վերաբերյալ ներկայացված միջնորդությունները բավարարվել են, և հայտարարվել է հետախուզում: 8 մեղադրյալի նկատմամբ կալանավորումը որպես խափանման միջոց ընտրելու վերաբերյալ ներկայացված միջնորդությունները մերժվել են: Նախաքննությունը շարունակվում է:Ձեռք բերված ապացույցների հիման վրա կայացվող դատավարական որոշումների մասին տեղեկատվություն կտրամադրվի պարբերաբար:Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
13:54 - 05 հունիսի, 2020
Գավառում տեղի ունեցած միջադեպերի գործով որպես մեղադրյալ ներգրավված է 28 անձ, որոնցից 3-ի նկատմամբ հայտարարվել է հետախուզում

Գավառում տեղի ունեցած միջադեպերի գործով որպես մեղադրյալ ներգրավված է 28 անձ, որոնցից 3-ի նկատմամբ հայտարարվել է հետախուզում

ՀՀ քննչական կոմիտեի հատկապես կարևոր գործերի քննության գլխավոր վարչությունում՝ Գավառում երկու անձի սպանության և չորս անձի հրազենային մարմնական վնասվածքներ պատճառելու, մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ քննվող քրեական գործով շարունակվում են իրականացվել մեծածավալ քննչական և դատավարական այլ գործողություններ: Զանգվածային անկարգություններին մասնակցելու համար որպես մեղադրյալ է ներգրավվել ևս 4 անձ, որոնցից 3-ի նկատմամբ հայտարարվել է հետախուզում: Մեղադրյալների նկատմամբ խափանման միջոցը կալանավորում ընտրելու վերաբերյալ միջնորդությունները քննարկման փուլում են: Այս պահի դրությամբ, քրեական գործով որպես մեղադրյալ ներգրավված է 28 անձ, որից 25-ը՝ «Գավառի բժշկական կենտրոն»-ում զանգվածային անկարգություններին մասնակցելու և դրանց ընթացքում կոչեր հնչեցնելու համար, մեկ անձի՝ նույն կենտրոնում նաև սպանության փորձի, իսկ երկու անձի՝ Գավառի Ազատության փողոցում խմբի կողմից, երկու և ավելի անձանց, շատերի կյանքի համար վտանգավոր եղանակով սպանության փորձի, ապօրինի կերպով հրազեն ձեռք բերելու, պահելու և կրելու համար: Ավելի վաղ տեղեկացրել էինք, որ իրականացված մեծածավալ քննչական և դատավարական գործողությունների, ինչպես նաև՝ օպերատիվ-հետախուզական միջոցառումների արդյունքում հայտնաբերվել են միջադեպին և փոխհրաձգությանը մասնակցած անձանց ավտոմեքենաներից 10-ը, ինչպես նաև՝ հանցագործության գործիք հանդիսացող հրազենից 2-ը, նշանակվել են փորձաքննություններ:Նախաքննությունը շարունակվում է:Ձեռք բերված ապացույցների հիման վրա կայացվող դատավարական որոշումների մասին տեղեկատվություն կտրամադրվի պարբերաբար:Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
17:55 - 19 մայիսի, 2020
Գավառի հիվանդանոցում անկարգություններին մասնակցելու մեջ մեղադրվողը առերեսվել է վկաների հետ. նա մեղադրանքը չի ընդունում
 |armtimes.com|

Գավառի հիվանդանոցում անկարգություններին մասնակցելու մեջ մեղադրվողը առերեսվել է վկաների հետ. նա մեղադրանքը չի ընդունում |armtimes.com|

armtimes.com: Ապրիլի 28-ին Գավառում տեղի ունեցած արյունալի միջադեպերի առթիվ հարուցված քրեական գործով մեղադրյալների թիվը հասել է 24-ի. նրանցից մեկին մեղադրանք է առաջադրվել Ազատության փողոցում շատերի կյանքի համար վտանգավոր եղանակով սպանության փորձի եւ ապօրինի զենք-զինամթերքի համար: Այս մասին այսօր հայտարարեց Քննչական կոմիտեն՝ հավելելով, որ որոշում է կայացվել եւս 4 անձի ձերբակալելու մասին: Հիշեցնենք՝ ապրիլի 28-ին Գավառի Ազատության պողոտայում հնչել էին կրակոցներ, ինչի հետեւանքով սպանվել էր 2, վիրավորվել 4 հոգի: Վիրավորներից 2-ը տեղափոխվել էին Գավառի, 2-ը՝ Երեւանի հիվանդանոցներ: Դրանից հետո, սակայն, իրավիճակը չէր հանդարտվել, եւ մարզի բնակիչները շտապել էին հիվանդանոց՝ վիրավորների հետ սպանվածների համար հաշվեհարդար տեսնելու: Հիվանդանոցում գրանցվել էր 2-րդ միջադեպը. կոտրելով դռներն ու պատուհանները՝ նրանք ներխուժել էին հիվանդասենյակներ եւ վնասվածքներ հասցրել վիրավորներից մի քանիսին: Ընդհանուր առմամբ, վիրավորվել էր 5 հոգի, այդ թվում՝ վիրավորներից մեկին խնամողը: Առաջին բուժօգնություն ցուցաբերելուց հետո նրանք տեղափոխվել էին Երեւան: Դեպքի առթիվ Քննչական կոմիտեում հարուցվել է մի քանի քրեական գործ, որոնք միացվել են մեկ վարույթում: Քրգործը հարուցվել է, մասնավորապես, սպանության, սպանության փորձի, ապօրինի զենք-զինամթերքի, գույքը դիտավորությամբ վնասելու կամ ոչնչացնելու եւ զանգվածային անկարգությունների փաստերի առթիվ: ՀՀ ոստիկանապետ Արման Սարգսյանի հանձնարարությամբ էլ Ոստիկանության ներքին անվտանգության վարչությունում սկսվել էր ծառայողական քննություն, որը ընթացքի մեջ է: «Հայկական ժամանակ»-ի հետ զրույցում մեղադրյալներից մեկի փաստաբան, հանրային պաշտպան Արթուր Հարությունյանը որոշ մանրամասներ հայտնեց՝ անվտանգության նկատառումներից ելնելով՝ խնդրելով չհրապարակել իր պաշտպանյալի անունը: Վերջինս Գեղարքունիքի մարզի Նորատուս գյուղից է, մեղադրվում է ՀՀ ՔՕ-ի 225-րդ հոդվածի 2-րդ մասի հատկանիշներով՝ բռնության գործադրմամբ, գույքի վնասմամբ կամ ոչնչացմամբ զանգվածային անկարգություններին մասնակցելու համար եւ առաջադրված մեղադրանքը չի ընդունում: Պաշտպան Արթուր Հարությունյանի խոսքով՝ մեղադրանքը վերաբերում է Գավառի հիվանդանոցում տեղի ունեցած միջադեպին. ըստ նախաքննական մարմնի՝ հիվանդանոցի մուտքի մոտ, ապա նաեւ՝ ներսում, նա հարվածել է շուրջը գտնվող իրերին, կոտրել, ինչը, սակայն, նա հերքում է. «Իմ պաշտպանյալը, իմանալով կատարվածի մասին, լսելով, որ համագյուղացիներից մարդ է մահացել, որոշներն էլ հիվանդանոցում են, գնացել է այնտեղ, ինչպես ասում են, բոլորը գնացել են, ինքն էլ է գնացել, դեպքի վայրում այդ օրը այդ ժամին լինելու հանգամանքը պաշտպանական կողմը չի վիճարկում, բայց զանգվածային անկարգության որակման ենթակա արարք, որպես այդպիսին, նա չի կատարել»: Ըստ Հարությունյանի՝ «Բավականաչափ մեծ քանակությամբ մարդ է հավաքված եղել, կոնկրետ թիվ չի ասել, բայց ասել է, որ շատ էին, եւ ես չեմ կարծում, թե հաշվի  առնելով՝ ինչ դեպք է տեղի ունեցել՝ ինչ-որ մեկը կկարողանա հստակ ասել, թե ինքը ինչ էր անում հիվանդանոցի մոտ, ինքը կարող էր պարզապես հայտնվել այնտեղ, որովհետեւ եթե ոչ ամբողջ գյուղը, գյուղի մեծ մասը այնտեղ է եղել, բայց այնտեղ հայտնվելու հանգամանքը ինքնին չի ենթադրում որեւէ հանցավոր կամ օրենքով արգելված արարք կատարելու մտադրություն»: Մեր հարցին՝ հիվանդանոց ներխուժելու նպատակը ո՞րն է եղել, պաշտպանը պատասխանեց. «Իր ասելով՝ ման էին գալիս իրենց համագյուղացիներին, ընկերներին, սակայն ոչ մի ակտիվ գործողություն չկատարելով՝ այդ պահին գիտակցել է, որ անելու բան չունի, դուրս է եկել եւ հեռացել»: Դիտարկմանը, որ մարզպետի խոսքով՝ հիվանդանոցի տարածքը տեսանկարահանվում էր, եւ տեսանյութերը իրավապահներին են տրամադրվել, պաշտպանն ասաց, որ մեղադրանք առաջադրելու օրվա դրությամբ նրա մեղադրանքի հիմքում տեսանյութի մասին խոսք չի եղել. «Եթե անգամ քրեական գործում նման տեսանյութ լինի, բավականաչափ ժամանակ է պետք, որպեսզի նախաքննական մարմինն այն ուսումնասիրի, զննի, հետեւություններ անի, եւ եթե տեսնի, որ ինչ-որ գործողություններ կան, որոնք պիտի ավելացվեն այս կամ այն անձի մեղադրանքի ծավալում, որեւէ ձեւով սահմանափակված չէ դա անել»: Հարցին, թե այդ պարագայում ինչի հիման վրա է նախաքննական մարմինը իր պաշտպանյալին մեղադրանք առաջադրել, պաշտպանը պատասխանեց, որ եղել են ականատես վկաների ցուցմունքներ, որոնց հետ իր պաշտպանյալը նաեւ առերեսվել է: Թե քանիսն են նրանք եւ ինչի շուրջ է եղել առերեսումը, պաշտպանը չմանրամասնեց՝ հաշվի առնելով նախաքննական գաղտնիությունը, միայն նշեց, որ իր պաշտպանյալը պնդել է սեփական դիրքորոշումը: Ինչ վերաբերում է Ազատության փողոցում, ինչպես նաեւ՝ դրան նախորդած ժամանակահատվածում Գավառի եւ Նորատուսի բնակիչների միջեւ տեղի ունեցած միջադեպերին, Արթուր Հարությունյանի խոսքով՝ դրանց հետ իր պաշտպանյալը որեւէ առնչություն չունի: Հարությունյանի տեղեկություններով, սակայն, ողջ պատմությունը չնչին բանից է սկսվել, եւ քանի որ հանգեցրել է մարդկային կորուստների, իր պաշտպանյալի նկատմամբ վտանգը լինելու է, մինչեւ իրավիճակը հանգուցալուծում չստանա: Հարցին, թե ինչ նկատի ունի չնչին բան ասելով, Հարությունյանը պատասխանեց, որ խոսքը երիտասարդ տղաների փողոցային վիճաբանության մասին է. «Կատարվածը պետք է դիտարկել այդ ամբողջության մեջ, սա մի դեպք է՝ իր փոքրիկ դեպքերով. չլիներ այդ ամենը՝ չէին լինի Ազատության փողոցի, ապա նաեւ հիվանդանոցի միջադեպերը»,- շեշտեց նա: Նշենք, որ Հարությունյանի պաշտպանյալի մեղադրանքն առաջադրվել է մայիսի 1-ին, ինչից հետո միջնորդություն է ներկայացվել դատարան նրա նկատմամբ կալանավորումը որպես խափանման միջոց ընտրելու վերաբերյալ: Երեւանի ընդհանուր իրավասության դատարանը, դատավոր Դավիթ Հարությունյանի նախագահությամբ, քննվելով նախաքննական մարմնի միջնորդությունը, որոշել է այն բավարարել: Դատարանի որոշման հետ պաշտպանական կողմը համաձայն չէ եւ այն արդեն բողոքարկել է Վերաքննիչ դատարան: Դրա վերաբերյալ որոշում դեռեւս չկա: Շարունակությունը՝ armtimes.com կայքում։
23:05 - 14 մայիսի, 2020
Գավառում տեղի ունեցած միջադեպերի գործով մեղադրանք է առաջադրվել 23 անձի

Գավառում տեղի ունեցած միջադեպերի գործով մեղադրանք է առաջադրվել 23 անձի

ՀՀ քննչական կոմիտեի հատկապես կարևոր գործերի քննության գլխավոր վարչությունում՝ Գավառում երկու անձի սպանության և չորս անձի հրազենային մարմնական վնասվածքներ պատճառելու, մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ քննվող քրեական գործով շարունակվում են իրականացվել մեծածավալ քննչական և դատավարական այլ գործողություններ: Ինչպես տեղեկացրին ՀՀ քննչական կոմիտեի տեղեկատվության և հասարակայնության հետ կապերի բաժնից, նշված քրեական գործով ձեռք բերված բավարար ապացույցների համակցությամբ, այս պահի դրությամբ, մեղադրանք է առաջադրվել 23 անձի, 4-ի վերաբերյալ որոշում է կայացվել նրանց ձերբակալելու մասին: Նրանցից 1-ին  մեղադրանք է առաջադրվել՝ 34-104-րդ հոդվածի (սպանության փորձ) 2-րդ մասի 6-րդ, 7-րդ կետերով և 235-րդ հոդվածի 1-ին մասով՝ Գավառ քաղաքի Ազատության փողոցում տեղի ունեցած միջադեպի ընթացքում առերևույթ սպանության փորձերի համար: Վերջինս կալանավորվել է: Բացի այդ, մեծածավալ քննչական և դատավարական գործողությունների, ինչպես նաև՝օպերատիվ-հետախուզական միջոցառումների արդյունքում հայտնաբերվել են միջադեպին և  փոխհրաձգությանը մասնակցած անձանց ավտոմեքենաներից 10-ը, որոնք խուզարկվել են և դրանցով նշանակվել են մի շարք փորձաքննություններ: Հայտնաբերվել է նաև դեպքի ժամանակ նշված անձանց մոտ գտնված զենքերից 2-ը, որոնցով ևս փորձաքննություններ են նշանակվել: Վերը նշված դեպքերի առթիվ հարուցվել էին քրեական գործեր՝ ՀՀ քրեական օրենսգրքի 104-րդ հոդվածի (սպանություն) 2-րդ մասի 6-րդ կետի, 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի, 34-104-րդ հոդվածի (սպանության փորձ) 2-րդ մասի 1-ին և 7-րդ կետերի, 185-րդ հոդվածի (գույքը դիտավորությամբ ոչնչացնելը կամ վնասելը) 1-ին մասի, 225-րդ հոդվածի (զանգվածային անկարգություններ) 2-րդ մասի հատկանիշներով, որոնք միացվել են մեկ վարույթում և նախաքննության կատարումը, ՀՀ քննչական կոմիտեի նախագահի հանձնարարությամբ, իրականացնում է ՀՀ քննչական կոմիտեի հատկապես կարևոր գործերի քննության գլխավոր և Գեղարքունիքի մարզային քննչական վարչությունների քննիչներից կազմված խումբը: Նախաքննությունը շարունակվում է: Ձեռք բերված ապացույցների հիման վրա կայացվող դատավարական որոշումների մասին ՀՀ քննչական կոմիտեն տեղեկատվություն կտրամադրի պարբերաբար: Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
18:35 - 12 մայիսի, 2020
Գավառում տեղի ունեցած միջադեպերի գործով, այս պահի դրությամբ, կա 21 մեղադրյալ, ևս 5 անձ ձերբակալվել է, իսկ 4-ի վերաբերյալ՝ որոշումներ են կայացվել ձերբակալելու մասին

Գավառում տեղի ունեցած միջադեպերի գործով, այս պահի դրությամբ, կա 21 մեղադրյալ, ևս 5 անձ ձերբակալվել է, իսկ 4-ի վերաբերյալ՝ որոշումներ են կայացվել ձերբակալելու մասին

ՀՀ քննչական կոմիտեի հատկապես կարևոր գործերի քննության գլխավոր վարչությունում՝ Գավառում երկու անձի սպանության և չորս անձի հրազենային մարմնական վնասվածքներ պատճառելու, մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ քննվող քրեական գործով մեղադրանք է առաջադրվել 21 անձի,  ևս  5 անձ ձերբակալվել է, իսկ 4-ի վերաբերյալ որոշումներ են կայացվել` զանգվածային անկարգություններին մասնակցելու կասկածանքով ձերբակալելու մասին: Միջնորդություններ են ներկայացվել դատարան՝ 5 անձանց նկատմամբ կալանավորումը որպես խափանման միջոց կիրառելու վերաբերյալ:     Վերը նշված դեպքերի առթիվ հարուցվել էին քրեական գործեր՝ ՀՀ քրեական օրենսգրքի 104-րդ հոդվածի (սպանություն) 2-րդ մասի 6-րդ կետի, 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի, 34-104-րդ հոդվածի (սպանության փորձ) 2-րդ մասի 1-ին և 7-րդ կետերի, 185-րդ հոդվածի (գույքը դիտավորությամբ ոչնչացնելը կամ վնասելը) 1-ին մասի, 225-րդ հոդվածի (զանգվածային անկարգություններ) 2-րդ մասի հատկանիշներով, որոնք միացվել են մեկ վարույթում և նախաքննության կատարումը, ՀՀ քննչական կոմիտեի նախագահի հանձնարարությամբ, իրականացնում է ՀՀ քննչական կոմիտեի հատկապես կարևոր գործերի քննության գլխավոր և Գեղարքունիքի մարզային քննչական վարչությունների քննիչներից կազմված խումբը: Նախաքննությունը շարունակվում է:Ձեռք բերված ապացույցների հիման վրա կայացվող դատավարական որոշումների մասին տեղեկատվություն կտրամադրվի պարբերաբար:Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
17:45 - 07 մայիսի, 2020
Գավառում տեղի ունեցած միջադեպերի գործով մեղադրանք է առաջադրվել  17 անձի

Գավառում տեղի ունեցած միջադեպերի գործով մեղադրանք է առաջադրվել 17 անձի

ՀՀ քննչական կոմիտեի հատկապես կարևոր գործերի քննության գլխավոր վարչությունում՝ Գավառում երկու անձի սպանության և չորս անձի հրազենային մարմնական վնասվածքներ պատճառելու, մի խումբ անձանց կողմից բռնությամբ և գույքը ոչնչացնելով զուգորդված զանգվածային անկարգությունների դեպքերի առթիվ քննվող քրեական գործով մեղադրանք է առաջադրվել արդեն 17 անձի, ևս 4 անձ ձերբակալվել է` զանգվածային անկարգություններին մասնակցելու կասկածանքով: Այս մասին տեղեկացրին ՀՀ քննչական կոմիտեի տեղեկատվության և հասարակայնության հետ կապերի բաժնից։ «Վերը նշված դեպքերի առթիվ հարուցվել էին քրեական գործեր՝ ՀՀ քրեական օրենսգրքի 104-րդ հոդվածի (սպանություն) 2-րդ մասի 6-րդ կետի, 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի, 34-104-րդ հոդվածի (սպանության փորձ) 2-րդ մասի 1-ին և 7-րդ կետերի, 185-րդ հոդվածի (գույքը դիտավորությամբ ոչնչացնելը կամ վնասելը) 1-ին մասի, 225-րդ հոդվածի (զանգվածային անկարգություններ) 2-րդ մասի հատկանիշներով, որոնք միացվել են մեկ վարույթում և նախաքննության կատարումը, ՀՀ քննչական կոմիտեի նախագահի հանձնարարությամբ, իրականացնում է ՀՀ քննչական կոմիտեի հատկապես կարևոր գործերի քննության գլխավոր և Գեղարքունիքի մարզային քննչական վարչությունների քննիչներից կազմված խումբը: Նախաքննությունը շարունակվում է:     Ձեռք բերված ապացույցների հիման վրա կայացվող դատավարական որոշումների մասին տեղեկատվություն կտրամադրվի պարբերաբար»,- նշված է հաղորդագրության մեջ: Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
21:53 - 06 մայիսի, 2020