Բենյամին Նեթանյահու

Բենյամին Նեթանյահուն Իսրայելի վարչապետն է եղել 1996-1999թթ և 2009-2021թվականներին։

1982 թվականին Բենյամին Նեթանյահուն նշանակվել է ԱՄՆ-ում Իսրայելի դեսպանատան քաղաքական բաժնի պետ։ 1982 թվականին Բենյամին Նեթանյահուն դարձել է ԱՄՆ-ում Իսրայելի փոխդեսպան։ Այնուհետեւ 1984 թվականից մինչեւ 1988 թվականը եղել է ԱՄՆ-ում Իսրայելի դեսպան։ Իսրայել վերադառնալուց հետո 1988 թվականին Նեթանյահուն ընտրվել է Քնեսեթի (Իսրայելի Ազգային Ժողով) պատգամավոր՝ Լիկուդ կուսակցություից։ Ապա դարձել է Իսրայելի արտաքին գործերի նախարարի տեղակալ։ 1993 թվականին Բենյամին Նեթանյահուն ընտրվել է Լիկուդ կուսակցության ղեկավար եւ գլխավորել Քնեսեթի (Իսրայելի Ազգային Ժողով) ընդդիմությունը։

Ազգերը քայքայվում են ոչ թե արտաքին ճնշումից, այլ առաջին հերթին ներքին պառակտման պատճառով․ Նեթանյահու |tert.am|

tert.am: Իսրայելը ներկայումս կանգնած է գոյության սպառնալիքի առաջ, և երկրին անհրաժեշտ է ազգային միասնություն, հինգշաբթի օրը հայտարարել է վարչապետ Բենիամին Նեթանյահուն։ Այս մասին փոխանցում է ՌԻԱ Նովոստին։ «Մենք պետք է ջախջախենք Գազայի հատվածում ահաբեկչական առանցքը, ազատենք պատանդներին և ետ մղենք Իրանի կողմից բխող ամբողջական վտանգը. սրանք շատ մեծ խնդիրներ են, որոնք պահանջում են երկու բան. առաջինը վճռականությունն է, երկրորդը՝ միասնությունը։ Ազգերը քայքայվում են ոչ թե արտաքին ճնշումից, այլ առաջին հերթին ներքին պառակտման պատճառով։ Այն պետք է վերանա հենց հիմա, քանի որ մենք կանգնած ենք էկզիստենցիալ սպառնալիքի առաջ, իսկ էկզիստենցիալ սպառնալիքի դեպքում մենք միավորում ենք ուժերը, ոչ թե բաժանում դրանք: Սա է ամենակարեւորը»,- ասել է նա։

Այսօր 10:06

Մենք բացարձակ հաղթանակի ճանապարհին ենք. Նեթանյահուն մերժել է ՀԱՄԱՍ-ի՝ հրադադարի վերաբերյալ առաջարկները |tert.am|

tert.am: Իսրայելի վարչապետ Բինյամին Նեթանյահուն մերժել է պաղեստինյան ՀԱՄԱՍ խմբավորման՝ Գազայում հրադադարի հաստատման եռափուլ նախագծում ներկայացված առաջարկները: Փոխարենը նա հայտարարել է, որ Իսրայելի ռազմական հարձակումը Գազայի հատվածում կշարունակվի՝ մինչև առաջիկա ամիսներին «բացարձակ հաղթանակի» հասնելը: Ինչպես գրում է politico.com-ը, Նեթանյահուն ՀԱՄԱՍ-ի առաջ քաշած պայմանները՝ հրադադարի և պատանդների ազատ արձակման վերաբերյալ, որակել է «զառանցանք»՝ կոշտ քննադատելով ցանկացած պայմանավորվածություն, որը պատերազմից հետո զինյալների խմբին ամբողջությամբ կամ մասնակի վերահսկոողություն կտա Գազայի հատվածի նկատմամբ:Նեթանյահուն այս մեկնաբանություններն արել է ԱՄՆ պետքարտուղար Էնթոնի Բլինկենի հետ հանդիպումից անմիջապես հետո: «ՀԱՄԱՍ-ի զառանցական պահանջներին հանձնվելը, որոնք մենք հիմա լսեցինք, ոչ միայն չի հանգեցնի գերիներին ազատելուն, այլ պարզապես կտանի դեպի ևս մեկ կոտորածի», - ասել է Նեթանյահուն երեկոյան մամուլի ասուլիսում: «Մենք բացարձակ հաղթանակի ճանապարհին ենք»,- ասել է նա՝ հավելելով, որ գործողությունը կտևի ամիսներ, ոչ թե տարիներ։ Շարունակությունը՝ սկզբնաղբյուր կայքում

09:45 - 08 փետրվարի, 2024

Նեթանյահուն ասել է, որ միշտ դիմադրելու է Պաղեստին պետության ստեղծմանը |tert.am|

tert.am: Իսրայելի վարչապետ Բենիամին Նեթանյահուն մերժել է Պաղեստինի պետականության հեռանկարը Գազայում Իսրայել-ՀԱՄԱՍ պատերազմի ավարտից հետո՝ խոստանալով այդ հարցում դիմակայել Միացյալ Նահանգներին, որի ղեկավարությունը հրապարակավ հայտարարություններում նշել է, որ Իսրայելի կողքին պետք է նաև Պաղեստին պետություն ստեղծվի, գրում է timesofisrael.com-ը:Նեթանյահուն հայտարարել է, որ ինքը Միացյալ Նահանգներին ասել է, որ դեմ է Գազայում հակամարտության ավարտից հետո Պաղեստին պետության ստեղծմանը:Նրա խոսքով՝ Իսրայելի քաղաքացիների մեծ մասը դեմ է պաղեստինյան պետության ստեղծմանը, և ինքը միշտ կդիմադրի դրան:Մամուլի ասուլիսում Նեթանյահուն խոստացել է շարունակել հարձակումը Գազայում «մինչև լիակատար հաղթանակ»՝ ՀԱՄԱՍ-ի ոչնչացումը և մնացած իսրայելցի պատանդների վերադարձը, ավելացնելով, որ դա կարող է տևել «ավելի շատ ամիսներ»:

13:07 - 19 հունվարի, 2024

Իսրայելը պատրաստ է քաղաքական միջոցներով կարգավորել «Հըզբոլլահի» հետ հակամարտությունը. Նաթանյահու |armenpress.am|

armenpress.am: Իսրայելը պատրաստ է «Հեզբոլլահ»-ի հետ հակամարտությունը լուծել քաղաքական ճանապարհով, բայց եթե նրանք չօգնեն, ապա «այլ» տարբերակները կօգտագործվեն, կիրակի հայտարարել է Իսրայելի վարչապետ Բենիամին Նեթանյահուն։ Այս մասին գրում է ՌԻԱ «Նովոստի»-ն:«Ես առաջարկում եմ «Հեզբոլլահ»-ին քաղել այն դասը, որը ՀԱՄԱՍ-ն արդեն քաղել է վերջին ամիսներին. ոչ մի ահաբեկիչ ապահովագրված չէ: Մենք վճռական ենք պաշտպանելու մեր քաղաքացիներին և հյուսիսային բնակիչներին անվտանգ վերադարձնելու իրենց տները: Սա ազգային նպատակ է, որը կիսում են բոլորը, և մենք պատասխանատու ենք դրան հասնելու համար: Եթե ստացվի, մենք դա կանենք քաղաքական ճանապարհով, իսկ եթե ոչ, ապա կգործենք այլ կերպ»,- ասել է Իսրայելի վարչապետը՝ բացելով նախարարների կաբինետի նիստը։

16:36 - 07 հունվարի, 2024

Իսրայելը կշարունակի պատերազմը Գազայի հատվածում և կանգ չի առնի, մինչև չհաղթի. Նեթանյահու |1lurer.am|

1lurer.am: Բենիամին Նեթանյահուն հայտարարել է, որ Իսրայելը կշարունակի պատերազմը Գազայի հատվածում և կանգ չի առնի, մինչև չհաղթի: Նրա խոսքով՝ ՀԱՄԱՍ-ի զինյալները 2 տարբերակ ունեն՝ կա՛մ հանձնվել, կա՛մ զոհվել։ Իսրայելի վարչապետը հավելել է, որ Իսրայելի նպատակներից է նաև ազատ արձակել Գազայի հատվածում պահվող պատանդներին: ՀԱՄԱՍ-ը ևս չի պատրաստվում կանգ առնել: Շարժումը հայտարարում է՝ չեն ազատի պատանդներին, եթե ՑԱԽԱԼ-ը չդադարեցնի Գազայի հատվածին հարվածները: ԶԼՄ-ները գրում են, որ ՀԱՄԱՍ-ը նաև մերժել է մեկշաբաթյա հրադադարի հաստատման Իսրայելի առաջարկը՝ տասնյակ պատանդների ազատ արձակման դիմաց։ Նշվում է, որ բանակցությունները դեռ շարունակվում են, շարժումը ցանկանում է, որ Իսրայելն ավելի լուրջ զիջումների գնա: Բախումները շարունակվում են: Իսրայելական կողմը հայտնում է Գազայում ՀԱՄԱՍ-ի՝ վերգետնյա և ստորգետնյա ենթակառուցվածքով «էլիտար թաղամասի» նկատմամբ վերահսկողություն հաստատելու մասին: ՑԱՀԱԼ-ի տվյալով՝ թաղամասում տեղակայված է եղել արմատական կազմակերպության ռազմական և վարչական ղեկավարությունը։ Իսրայելը զորաշարժեր է իրականացնում Հորդանան գետի Արևմտյան ափին, հաղորդվում է զոհերի մասին: Փոխադարձ հարվածների մասին են հայտնում ՑԱԽԱԼ-ը և Լիբանանի տարածքում տեղակայված «Հեզբոլլահը»: ՑԱՀԱԼ-ը հայտնել է նաև Սիրիայի տարածքի ուղղությամբ պատասխան հարվածների մասին: Իսրայելա-պաղեստինյան էսկալացիայի զոհերի թիվն ավելանում է: Գազայի հատվածում հոկտեմբերի 7-ից ի վեր առնվազն 20 հազար մարդ է զոհվել, այդ թվում՝ 8 հազար երեխա, 6 հազարից ավելի մարդ անհետ կորած է համարվում։ Վիրավորների թիվը հատում է 52 500-ը: Իսրայելական կողմը հայտնում է 1200 զոհի մասին: Իսրայելցի զինվորականների շրջանում զոհերի թիվը հասնում է 469-ի:

13:13 - 21 դեկտեմբերի, 2023

Իսրայելը կշարունակի ռազմական գործողությունները մինչև հաղթանակի հասնելը. Նեթանյահու |1lurer.am|

1lurer.am: Իսրայելի վարչապետ Բենիամին Նեթանյահուն հայտարարել է, որ կշարունակեն ռազմական գործողությունները մինչև հաղթանակի հասնելը: Նա շեշտել է, որ «ոչինչ, այդ թվում՝ միջազգային ճնշումը, չի ստիպի Իսրայելին՝ դադարեցնել ՀԱՄԱՍ-ի դեմ պատերազմը»։ Նա այդ հայտարարությունն արել է ՄԱԿ-ի Գլխավոր ասամբլեայի կողմից հրադադարի պահանջով ոչ պարտադիր բանաձև ընդունելուց մեկ օր անց: Իսրայելի արտաքին գործերի նախարար Էլի Քոհենը արձագանքել է ՄԱԿ-ի գլխավոր վեհաժողովի ընդունած բանաձևին: Նա հայտարարել է, որ պատերազմը կշարունակվի «միջազգային աջակցությամբ կամ առանց դրա»։ ՄԱԿ-ի Գլխավոր ասամբլեան 153 կողմ, 10 դեմ, 23 ձեռնպահ ձայներով քվեարկել էր հօգուտ զինադադար պահանջող բանաձևի։ Այսպիսով՝ նոյեմբերին նույն հարցով կայացած քվեարկությունից հետո 32 երկիր փոխել է իր դիրքորոշումը և միացել զինադադարին կողմ երկրների ցանկին։

12:47 - 14 դեկտեմբերի, 2023

Պուտինն ու Նեթանյահուն հեռախոսազրույց են ունեցել |azatutyun.am|

azatutyun.am: Հեռախոսազրույց են ունեցել Ռուսաստանի նախագահ նախագահ Վլադիմիր Պուտինը և Իսրայելի վարչապետ Բենիամին Նեթանյահուն։ Ուշադրության կենտրոնում է եղել Գազայի հատվածի աղետալի հումանիտար իրավիճակը, հակամարտության գոտում տիրող իրավիճակը, հաղորդում է ռուսական կողմը։ Վլադիմիր Պուտինը, ըստ հաղորդագրության, հաստատել է ահաբեկչությունն իր բոլոր դրսևորումներով չընդունելու եւ դատապարտելու դիրքորոշումը, նշել է, որ չափազանց կարևոր է, որ ահաբեկչական սպառնալիքներին հակազդելը խաղաղ բնակչության համար նման սարսափելի հետևանքների չհանգեցնի։

18:27 - 10 դեկտեմբերի, 2023

Նեթանյահուն կտրականապես մերժել է Գազայի հատվածում միջազգային ուժեր տեղակայելու գաղափարը |news.am|

news.am: Իսրայելի վարչապետ Բենիամին Նեթանյահուն կտրականապես մերժել է Գազայի հատվածում միջազգային ուժեր տեղակայելու գաղափարը՝ ասելով, որ Իսրայելի պաշտպանության բանակը պետք է պահպանի հսկողությունը պատերազմից հետո Գազայի հատվածի զինաթափման վրա։ «Գազան պետք է զինաթափվի. Եվ կա միայն մեկ ուժ, որը կարող է դա ապահովել, և այդ ուժը Իսրայելի պաշտպանության բանակն է»,- ասել է Նեթանյահուն: «Ոչ մի միջազգային ուժ չի կարող պատասխանատվություն կրել դրա համար»,- ասաց նա։ «Մենք տեսել ենք, թե ինչ է տեղի ունեցել այլ վայրերում, որտեղ միջազգային ուժեր են բերվել ապառազմականացման նպատակով», - շարունակել է նա՝ ակնարկելով UNIFIL-ի ձախողումը Լիբանանի հարավում՝ ապառազմականացնելու տարածքը 2006 թվականի Երկրորդ լիբանանյան պատերազմից հետո:

10:02 - 06 դեկտեմբերի, 2023

Նեթանյահուն վտանգում է ողջ Մերձավոր Արևելքի անվտանգությունն՝ իր քաղաքական կյանքը երկարացնելու համար․ Էրդողան |azatutyun.am|

azatutyun.am: Իսրայելի վարչապետ Բենիամին Նեթանյահուի կառավարությունը վտանգում է ողջ Մերձավոր Արևելքի անվտանգությունն ու ապագան՝ իր քաղաքական կյանքը երկարացնելու համար, Դոհայում, Պարսից ծոցի համագործակցության խորհրդի գագաթնաժողովում հայտարարել է Թուրքիայի նախագահ Ռեջեփ Թայիփ Էրդողանը։ Միջազգային հանրությունը չպետք է թույլ տա, որ «Գազայի հատվածում իրականացված վայրագությունները վերաճեն տարածաշրջանային պատերազմի, որը կներառի Սիրիան», ըստ Anadolu գործակալության, ասել է Էրդողանը՝ շեշտելով՝ Իսրայելի և Պաղեստինի պատերազմի հարցով Թուրքիայի առաջնահերթությունը կրակի անհապաղ և մշտական դադարեցումն է և Գազայի հատված մարդասիրական օգնության անխափան առաքման ապահովումը։ Իսրայելի գործողությունները Գազայի հատվածում որակելով հանցագործություն մարդկության դեմ՝ Էրդողանը շեշտել է՝ Իսրայելը ռազմական հանցագործությունների համար պետք է պատասխանատվության ենթարկվի։ «17 հազար անմեղ պաղեստինցիների մահը, հիմնականում՝ երեխաներ և կանայք, հանցագործություն է մարդկության դեմ, ռազմական հանցագործություն։ Իսրայելը չպետք է հեշտ ազատվի պատասխանատվությունից»,- մասնավորապես, ասել է Թուրքիայի ղեկավարը։ Մոտ մեկ շաբաթ տևած ժամանակավոր հրադադարից հետո ծանր ռազմական գործողությունները Գազայում շարունակվում են, Իսրայելի օդուժը հարվածներ է հասցնում ԱՄՆ-ի և ԵՄ-ի կողմից ահաբեկչական կազմակերպություն ճանաչված «Համաս»-ի դիրքերին, որին Թել Ավիվը մեղադրում է կրակի դադարեցման ռեժիմը խախտելու համար: «Ռազմական գործողությունների վերսկսմամբ մենք ընդգծում ենք՝ Իսրայելի կառավարությունը հավատարիմ է պատերազմի նպատակներին՝ ազատել մեր պատանդներին, վերացնել «Համաս»-ը և երաշխավորել, որ Գազայի հատվածը երբեք վտանգ չի ներկայացնի Իսրայելի բնակիչների համար», - հայտարարել է Իսրայելի վարչապետ Բենյամին Նեթանյահուի գրասենյակը։

09:31 - 06 դեկտեմբերի, 2023

Նեթանյահուն դրական է գնահատել ՀԱՄԱՍ-ի հետ գործարքի երկարաձգումը |hetq.am|

hetq.am: Իսրայելի վարչապետ Բենյամին Նեթանյահուն ԱՄՆ նախագահ Ջո Բայդենի հետ հեռախոսազրույցից հետո հայտնել է, որ դրական է գնահատում ՀԱՄԱՍ-ի հետ՝ Գազայի հատվածում հումանիտար դադարի մասով պայմանավորվածության երկարաձգման հնարավորությունը։ Այդ մասին նա հայտնել է իր տեսաուղերձում, որը հրապարակվել է Իսրայելի վարչապետի տելեգրամյան ալիքում։ «Մենք ամեն օր ևս 10 պատանդ ազատ արձակելու հնարավորություն ունենք։ Դա լավ բան է»,- ասել է նա։ Նեթանյահուն նաև նշել է, որ հումանիտար դադարից հետո Իսրայելի պաշտպանության բանակը Գազայի հատվածում կվերսկսի ռազմական գործողությունները։ Ինչպես ավելի վաղ հայտնել էր Սպիտակ տունը, երկու երկրների առաջնորդները համաձայնության էին եկել, որ «աշխատանքները դեռևս ավարտված չեն, և նրանք կշարունակեն հասնել բոլոր պատանդների ազատ արձակմանը»։

12:29 - 27 նոյեմբերի, 2023

Թուրքիան Իսրայելի վարչապետի դեմ հայց է ներկայացրել ՄՔԴ՝ մեղադրելով նրան ցեղասպանության մեջ |armeniasputnik.am|

armeniasputnik.am: Թուրքիան հայց է ներկայացրել Միջազգային քրեական դատարան Իսրայելի վարչապետ Բենիամին Նեթանյահուի դեմ: Տեղեկությունը հայտնում են տեղական լրատվամիջոցները՝ հղում անելով իշխող «Արդարություն և զարգացում» կուսակցության փաստաբաններին։ Անկարան Իսրայելի կառավարության ղեկավարին մեղադրում է Գազայի հատվածում ցեղասպանության մեջ։ «Այսօր, ներկայացնելով Թուրքիայի Հանրապետության քաղաքացիների խիղճը, մենք հայց ենք ներկայացրել Հաագայի Միջազգային քրեական դատարան ընդդեմ 21-րդ դարի Հիտլերի` Իսրայելի վարչապետ Նեթանյահուի, որը պետք է դատարանի առաջ կանգնի Գազայի հատվածում իր իրականացրած ցեղասպանության և մարդկության դեմ բոլոր հանցագործությունների համար», - հայտարարել է փաստաբան Մեթին Կյուլյունքը: Ավելի վաղ Էրդողանը հայտարարել էր, որ Նեթանյահուին այլևս իր զրուցակիցը չի համարում, և որ «ջնջել է նրան»:

20:45 - 14 նոյեմբերի, 2023

Շուրջ 1400 ցուցարարներ Իսրայելի խորհրդարանի մոտ պահանջել են Նեթանյահուի հրաժարականը |news.am|

news.am: Մոտ 1,4 հազար մարդ Երուսաղեմում Իսրայելի Քնեսեթի (խորհրդարանի) շենքի մոտ բողոքի ցույց է անցկացրել՝ պահանջելով վարչապետ Բենիամին Նեթանյահուի հրաժարականը, գրում է The Times of Israel թերթը։ Ակցիան տեղի է ունեցել պաղեստինյան արմատական ՀԱՄԱՍ շարժման գրոհայինների հարձակման 30-օրյա տարելիցի օրը։ Միջոցառումը կազմակերպել են երկրի հարավային շրջանների վրա հարձակման ժամանակ զոհված մարդկանց հարազատները։ Ակցիայի առաջին մասը տեղի է ունեցել առանց քաղաքական պահանջների. մասնակիցները մոմերով գետնին գրել են «7.10» (հոկտեմբերի 7), ինչպես նաև ցանկապատի վրա փակցրել են Գազայի հատվածում պահվող 240 պատանդների լուսանկարները: Ակցիայի երկու կազմակերպիչներ՝ Մաոզ Ինոնը, ում տարեց ծնողները սպանվել են ՀԱՄԱՍ-ի զինյալների կողմից, և Յակով Գոդոն, որը կորցրել է որդուն, վրան են խփել խորհրդարանի մոտ և ասել, որ այնտեղ կապրեն այնքան ժամանակ, քանի դեռ Նեթանյահուն չի հեռանալ պաշտոնից։ Նրանք նշել են, որ դեմ են Գազայի հատվածում պատերազմին եւ պահանջում են հրադադար։

09:58 - 08 նոյեմբերի, 2023

Նեթանյահուն հայտարարել է, որ պատրաստ է մարտերում փոքր դադարների, բայց ոչ հրադադարի |armenpress.am|

armenpress.am: Իսրայելի վարչապետ Բենյամին Նեթանյահուն հայտարարել է, որ իր երկիրը կարող է դիմել մարտերում «փոքրիկ մարտավարական դադարների», որպեսզի թույլ տա Գազայի հատված հումանիտար օգնության մատակարարում կամ այնտեղից գերիների դուրսբերում։ Այնուամենայնիվ, նա մերժել է հրադադարի կոչերը՝ չնայած միջազգային ճնշմանը։ Այս մասին Նեթանյահուն հայտնել է ABC News պարբերականին տված հարցազրույցում։ «Գազայում համընդհանուր հրադադար տեղի չի ունենա՝ առանց մեր գերիների ազատ արձակման։ Ինչ վերաբերում է փոքր մարտավարական դադարներին՝ մեկ ժամ այստեղ, մեկ ժամ այնտեղ, ապա մենք նախկինում էլ նման բան արել ենք։ Կարծում եմ՝ հաշվի կառնենք հանգամանքները, որպեսզի թույլ տանք, որ ապրանքները, հումանիտար ապրանքները ներս մտնեն կամ մեր գերիները, առանձին գերիներ, դուրս բերվեն։ Բայց չեմ կարծում, թե համընդհանուր հրադադար կլինի», - հայտնել է Նեթանյահուն։ Իսրայելի վարչապետը հավելել է, որ հրադադարը կխոչընդոտեր պատերազմ վարելու իր երկրի ջանքերին, ինչպես նաև գերիներին ազատ արձակելու գործընթացին, քանի որ պաղեստսինյան ՀԱՄԱՍ արմատական շարժման վրա, Նեթանյահուի համոզմամբ, միայն ազդում է «մեր գործադրած ռազմական ճնշումը»։ ԱՄՆ նախագահ Ջո Բայդենը նոյեմբերի 6-ին Բենյամին Նեթանյահուի հետ հեռախոսազրույցում վերահաստատել է իր աջակցությունն Իսրայելին և շեշտել խաղաղ բնակիչներին պաշտպանելու անհրաժեշտությունը։ Գազա քաղաքը շրջափակման մեջ վերցնելուց հետո Իսրայելը հայտարարել է ՀԱՄԱՍ-ի ռազմական օբյեկտներից մեկը գրավելու և ստորգետնյա թունելներում թաքնվող զինյալների վրա հարձակում սկսելու մասին։ Հոկտեմբերի 7-ին Իսրայելի վրա ՀԱՄԱՍ-ի անակնկալ հարձակումից հետո, երբ Իսրայելում սպանվեց 1400 մարդ, իսկ 240 մարդ գերեվարվեց, Իսրայելը շարունակում է հարվածներ հասցնել Գազայի հատվածին։ Այդ հարվածների հետևանքով պաղեստինցիների շրջանում զոհերի թիվը գերազանցել է 10 000-ը, նրանց թվում կա 4100 երեխա։ Թե՛ Իսրայելը, թե՛ ՀԱՄԱՍ-ը անտեսել են ռազմական գործողությունները դադարեցնելու կոչերը։ Իսրայելը պնդում է, որ նախ ազատ արձակվեն գերիները, իսկ ՀԱՄԱՍ-ը հայտարարում է, որ նրանք ազատ չեն արձակվի, քանի դեռ Գազան հարվածների է ենթարկվում։

09:41 - 07 նոյեմբերի, 2023

Նեթանյահուն կառավարության նիստերից հեռացրել է նախարարներից մեկին՝ միջուկային զենքի հնարավոր կիրառման մասին հայտարարության համար |1lurer.am|

1lurer.am: Իսրայելի վարչապետ Բենիամին Նեթանյահուն Երուսաղեմի և հրեական պետության ժառանգության հարցերով նախարար Ամիհայ Էլիյահուին հեռացրել է կառավարության նիստերին մասնակցելուց՝ Գազայի հատվածին միջուկային հարված հասցնելու հնարավորության մասին նրա հայտարարությունից հետո։ «Ամիհայ Էլիյահուի բառերը չեն համապատասխանում իրականությանը։ Իսրայելը և ՑԱԽԱԼ-ը գործում են միջազգային իրավունքի բարձրագույն չափանիշներին համապատասխան»,- ասել է Նեթանյահուն: Ընդդիմության առաջնորդ Յաիր Լապիդը միջուկային հարվածի մասին բառերն անվանել է «սարսափելի և խելագար» և Նեթանյահուին կոչ է արել պաշտոնանկ անել Էլիյահուին: «Լավ է, որ Իսրայելի անվտանգության համար պատասխանատու չեն այդ մարդիկ»,- ասել է պաշտպանության նախարար Յոավ Գալանտը: Ավելի վաղ, Kol Berama ռադիոկայանի եթերում Էլիյահուն հայտարարել էր, որ Գազայի հատվածի վրա միջուկային ռումբ նետելը դիտարկվող տարբերակներից մեկն է։ Ժամեր անց նախարարը նշել է, որ ատոմային ռումբի մասին պնդումը փոխաբերական է։

11:56 - 06 նոյեմբերի, 2023

Էրդողանը հայտարարել է, որ խզում է կապերը Իսրայելի վարչապետի հետ |azatutyun.am|

azatutyun.am: Թուրքիայի նախագահ Ռեջեփ Էրդողանը այսօր հայտարարել է, որ խզում է կապերը Իսրայելի վարչապետ Բենյամին Նեթանյահուի հետ Գազայի հատվածում Իսրայելի գործողությունների պատճառով։ «Նեթանյահուն այլևս որևէ մեկը չէ, ում հետ մենք կարող ենք խոսել, մենք նրան դուրս ենք գրել», - Աստանայից Թուրքիա վերադառնալու ճանապարհին նախագահական օդանավում ասել Էրդողանը լրագրողներին, հավելելով, թե ջանքեր կգործադրվեն, ամեն ինչ կանի Իսրայելի կողմից մարդու իրավունքների խախտումների և պատերազմական հանցագործությունների գործը Միջազգային քրեական դատարան հասցնելու համար։ «Մեր համապատասխան գերատեսչությունները, մասնավորապես, Արտգործնախարարությունը կանի այդ աշխատանքը», - նշել է Թուրքիայի ղակավար։ Էրդողանը միաժամանակ ասել է, որ կապերը լիովին խզել հնարավոր չէ, հատկապես միջազգային դիվանագիտության մեջ։ Նա հայտնել է, որ Թուրքիայի հետախուզական ծառայության ղեկավար Իբրահիմ Քալընը գլխավորում է Թուրքիայի միջնորդական ջանքերը պատերազմը ավարտելու համար։ Նա բանակցում է իսրայելական կողմի, ինչպես նաև Պաղեստինի ու «Համաս»-ի հետ։ Իսկ Նեթանյահուն, Էրդողանի խոսքերով՝ կրում է բռնության գլխավոր պատասխանատվությունը և կորցրել է իր քաղաքացիների աջակցությունը։ Էրդողանը հայտարարել է, որ բախումներից հետո Թուրքիան պատրաստ է Գազայի համար հանդես գալ որպես երաշխավոր երկիր։ Միեւնույն ժամանակ Թուրքիան հետ է կանչել Թել Ավիվում Անկարայի դեսպան Շաքիր Թորունլարին՝ Գազայի հատվածում տեղի ունեցող իրադարձությունների հետ կապված խորհրդակցությունների համար։

17:04 - 04 նոյեմբերի, 2023

Նեթանյահուն հեռախոսազրույց է ունեցել Պուտինի հետ |news.am|

news.am: Իսրայելի վարչապետ Բենիամին Նեթանյահուն հեռախոսազրույց է ունեցել ՌԴ նախագահ Վլադիմիր Պուտինի հետ, հայտնում է Haaretz-ը։ Ավելի վաղ, Կրեմլի մամուլի ծառայությունը հայտնել էր ՌԴ նախագահի և Սիրիայի, Եգիպտոսի, Իրանի և Պաղեստինի նախագահների հեռախոսազրույցների մասին։

21:07 - 16 հոկտեմբերի, 2023