Արման Աբովյան

Արման Վլադիմիրի Աբովյանը (սեպտեմբերի 9, 1973) «Բարգավաճ Հայաստան» կուսակցության անդամ է, ՀՀ ԱԺ 7-րդ գումարման պատգամավոր, «Բարգավաճ Հայաստան» խմբակցության քարտուղար։

19912. ընդունվել է Հայկական բաց համալսարան: 1991-2001թթ․ աշխատել է ամերիկյան «Խաղաղության կորպուսում», 2001-2012թթ․՝ Հայաստանում ԱՄՆ դեսպանատանը, 2013-2015թթ․ եղել է «ՈւկրԲուդ» պետական ընկերության տնօրենի խորհրդական, 2015-2018թթ․ աշխատել է Ուկրաինայում Հայաստանի դեսպանի խորհրդական:

2018 թվականի սեպտեմբերի 23-ին կայացած Երեւանի ավագանու արտահերթ ընտրությունների արդյունքում «Բարգավաճ Հայաստան կուսակցության։ համամասնական ցուցակով ընտրվել է Երեւան քաղաքի ավագանու անդամ։ 2018-ի դեկտեմբերի 9-ին կայացած ԱԺ ընտրություններում պատգամավոր է ընտրվել ԲՀԿ համապետական ցուցակով։

Քաղաքական ուժերը մանրամասներ են հայտնել ՏԻՄ ընտրություններից հետո կոալիցիա կազմելու հարցի վերաբերյալ |armenpress.am|

Քաղաքական ուժերը մանրամասներ են հայտնել ՏԻՄ ընտրություններից հետո կոալիցիա կազմելու հարցի վերաբերյալ |armenpress.am|

armenpress.am: Հայաստանի տարբեր մարզերում տեղեկան ինքնակառավարման մարմինների ընտրությունների արդյունքներով որոշ համայնքներում քաղաքական ուժերը չեն ձևավորվել մեծամասնություն (50+1) և ստիպված են լինելու կոալիցիա կազմել կամ համագործակցել անցողիկ շեմը անցած քաղաքական ուժերի հետ։ Այս կապակցությամբ «Արմենպրես»-ը փորձեց պարզել, թե արդյոք քաղաքական ուժերը պատրաստ են համագործակցել և կոալիցիա կազմել մյուս քաղաքական ուժերի հետ, ո՞ր քաղաքական ուժերի հետ նրանք որևէ դեպքում կոալիցիա չեն կազմելու։ «Քաղաքացիական պայմանագիր» կուսակցությունը մեծամասնություն չի ձևավորել Թալին, Արաքս, Վարդենիս, Արարատ, Ախուրյան, Ամասիա, Արթիկ, Վայք և Նոյեմբերյան համայնքներում։ «Քաղաքացիական պայմանագիր» խմբակցության պատգամավոր Վահագն Ալեքսանյանը նշեց, որ իրենք բանակցում են միայն առողջ քաղաքական ուժերի հետ։ «Հենց այս պահի դրությամբ առողջ ուժերի հետ բանակցություններ վարվում են, և դրանք բավականին հաջող ընթանում են»,- հավելեց Ալեքսանյանը։ Ալեքսանյանն ընդգծեց՝ ՔՊ-ն բացառում է ՀՀ երկրորդ նախագահ Ռոբերտ Քոչարյանի ու ՀՀ երրորդ նախագահ Սերժ Սարգսյանի և նրանց հետ առնչվող քաղաքական ուժերի հետ բանակցություններ վարելը։ «Բարգավաճ Հայաստան» կուսակցությանը հաջողվել է հաղթել Աբովյան համայնքում, սակայն ԲՀԿ-ն նույնպես մեծամասնություն չի ձևավորել։ Կուսակցության անդամ Արման Աբովյանը բացառում է իշխող քաղաքական ուժի հետ կոալիցիա կազմելը, որն Աբովյանում գրավել է երկրորդ տեղը։ Համայնքում անցողիկ շեմը հաղթահարել են նաև «Հանրապետություն» կուսակցությունը և ՀՅԴ-ն: «Կմեջբերեմ նախընտրական ցուցակի առաջին համար Էդուարդ Բաբայանի խոսքերը, ով բացառել է իշխանության հետ կոալիցիա կազմելու հարցը, իսկ մնացած ուժերի հետ համագործակցելու առումով զերծ կմնամ ներկայումս ինչ-որ բան ասել»,- ասաց Աբովյանը։ «Մամիկոն Ասլանյան» դաշինքը հաղթանակ է տոնել Վանաձորում և այնտեղ նույնպես որոշիչ դեր են ունենալու անցողիկ շեմը հաղթահարած քաղաքական ուժերը։ Դաշինքի քաղաքապետի թեկնածու Մամիկոն Ասլանյանը նշեց, որ պատրաստ են համագործակցել ցանկացած քաղաքական ուժի հետ, սակայն քաղաքական կոալիցիա չեն պատրաստվում կազմել։ «Կաշխատենք, կտեսնենք: Ում հետ ինչ պայմանավորվածություն ձեռք բերենք, ըստ այդմ առաջ կշարժվենք, սակայն քաղաքական կոալիցիաներ չենք պատրաստվում կազմել։ Բնականաբար, համագործակցելու ենք բոլոր քաղաքական ուժերի հետ. 5 տարի միասին աշխատելու ենք, ինչպե՞ս կարող ենք չհամագործակցել»,- ընդգծեց Ասլանյանը։ «Ապրելու երկիր» կուսակցությունը իր հերթին հաջողության է հասել Փարաքար համայնքում։ Կուսակցության նախագահ Մանե Թանդիլյանն ասաց, որ ներկայումս ամփոփիչ աշխատանքներ են տարվում։ «Ամփոփումը կավարտենք, կհասկանանք իրավիճակը, որից հետո կհայտարարենք՝ որտեղ ինչպես ենք անելու»,- հավելեց Թանդիլյանը։ «Իմ հզոր համայնք» կուսակցության և «Վերակազմյալ սոցիալ-դեմոկրատ հնչակյան» կուսակցության ներկայացուցիչների հետ չհաջողվեց կապ հաստատել, որոնք հաջողության էին հասել համապատասխանաբար Վեդի և Նաիրի համայնքներում՝ չձևավորելով մեծամասնություն։
11:21 - 07 դեկտեմբերի, 2021
Արման Աբովյանը զերծ մնաց «Հայաստան» դաշինքի հետ հնարավոր համագործակցությունը մեկնաբանելուց |armenpress.am|

Արման Աբովյանը զերծ մնաց «Հայաստան» դաշինքի հետ հնարավոր համագործակցությունը մեկնաբանելուց |armenpress.am|

armenpress.am: «Բարգավաճ Հայաստան» կուսակցությունը նախկինում բացառել է «Քաղաքացիական պայմանագիր» կուսակցության հետ համագործակցությունը, սակայն «Հայաստան» դաշինքի հետ հնարավոր համագործակցության մասին հստակ ոչինչ չի հայտնում: Այս մասին մամուլի ասուլիսին ասաց ԲՀԿ խմբակցության քարտուղար Արման Աբովյանը: «Ես կրկնում եմ այն դիրքորոշումը, որը «Բարգավաճ Հայաստան» կուսակցության ղեկավարն է արտահայտել՝ Նիկոլ Փաշինյանի կամ ՔՊ-ի հետ մենք կոալիցիա չենք ստեղծելու, դա բացառված է: Մնացած ուժերի հետ կապված բոլոր գործընթացների մասին առայժմ զերծ կմնամ խոսելուց»,- նշեց Աբովյանը՝ պատասխանելով լրագրողի հարցին՝ արդյոք իրենք որևէ կոալիցիա կստեղծեն այլ ուժի, օրինակ «Հայաստան» դաշինքի հետ: Նա ընդգծեց, որ քաղաքական զարգացումներ են ընթանում և ավելորդ կարծիքներ դեռևս պետք չէ ասել:
14:31 - 11 հունիսի, 2021
Անհրաժեշտություն ենք տեսնում ՌԴ հետ կնքել նոր ռազմաքաղաքական պայմանագիր. Արման Աբովյան

Անհրաժեշտություն ենք տեսնում ՌԴ հետ կնքել նոր ռազմաքաղաքական պայմանագիր. Արման Աբովյան

Այսօր «Բարգավաճ Հայաստան» կուսակցության ասուլիսի ընթացքում Արման Աբովյնաը  ներկայացրեց կուսակցության նախընտրական ծրագրի այն հատվածը, որը վերաբերում է ՀՀ անվտանգային համակարգին։ Իր խոսքում Աբովյանը մասնավորապես ասաց․ «Հարգելի գործընկերներ, մենք գիտենք, որ առաջնային խնդիրը, որը այսօր ծառացել է Հայաստանի Հանրապետության, մեր բոլորի առջև դա անվտանգությունն է, այսօրվա Հայաստանում նվազագույնը՝ շատ վատ վիճակում է։ Բոլոր այն համակարգերը, որոնք այս կամ այն կերպ ապահովում էին Հայաստանի անվտանգությունը ՝ քայքայված են։ Իհարկե, պետք է լինել իրատես և պետք է դուրս գալ բոլոր հորինված գաղափարներից և հասկանալ շատ պարզ մի իրողություն, առաջնայինը մենք պետք  է վերականգնենք մեր հարաբերությունները  մեր դաշնակից, ինչու ոչ մեր զինակից, եղբայրական գործընկերոջ՝ Ռուսաստանի հետ։ Մենք շատ հստակ և պարզ նշում ենք մեր ծրագրի մեջ, որ ամենակարևորը՝  մեր հարաբերություններն են ՌԴ-ի հետ, այս պարագայում անվտանգության ոլորտում, պետք  է մաքսիմալ ընդլայնվեն, որքան հնարավոր է։ Դրա հետ մեկտեղ նաև անհրաժեշտություն ենք տեսնում Ռուսաստանի Դաշնության հետ կնքել նոր ռազմաքաղաքական պայմանագիր, որը կլինի ավելի արդիական և ավելի լավ կհամապատասխանի բոլոր այն իրավիճակներին, որի առջև այսօր կանգնած է ՀՀ-ն։ Պետք է դադարել խաղալ անվտանգության հետ, պետք է շատ հստակ հասկանալ, որ եթե մենք ուզում ենք ապրել անվտանգ երկրում, ապա ՌԴ հետ մեր հարաբերությունների ընդլայնումը անխուսափելի է։ Դրա հետ մեկտեղ պետք  նշել շատ կարևոր մի բան, մեր գերնպատակը եղել է, կա ու մնում է Արցախի Հանրապետության, Արցախի ժողովրդի անվտանգությունը և Արցախի Հանրապետության միջազգային ճանաչումը։ Նորություն չեմ ասում, դա եղել է մեր գործունեության առաջնահերթությունը։ Այսօր առկա է նաև  Արցախի տարածքի անվտանգության  և տարածքային ամբողջականության վերականգնման խնդիրը։ Այո, պետք է նշեմ, որ մենք դիտարկում ենք, որ Արցախի Հանրապետության տարածքային ամբողջականության վերականգնումը պետք է լինի խաղաղ, բանակցային ճանապարհով, բայց եթե մենք չունենանք հզոր անվտանագային համակարգ, ապա խաղաղ բանակցային ճանապարհով այդ հարցը, մեր գոյության հարցը չի լուծվի։ Դրա հետ մեկտեղ պետք է հասկանալ, որ եթե դու չունես հզոր բանակ, ապա դու չունես ոչինչ, որովհետև առանց բանակի , առանց հզոր բանակի երկիրը պարզապես դատապարտված է նվազագույնը միշտ լինել ծանր իրավիճակում՝ բոլոր առուևմներով։ Մենք նախատեսում ենք բանակի կտրուկ և որքան հնարավոր է արագ արդիականացում, բանակը պետք է համալրվի և որքան հնարավոր է շուտ, ամենանոր և գերժամանակակից զինատեսակներով։ Անցյալ պատերազմը ցույց տվեց, որ բոլորիս առաջ մեծ ծավալի աշխատանք է կանգնած և մենք ուղղակի պարտավոր ենք բոլոր ռեսուրսները ներդնենք բանակի մարտունակության վերականգնման համար։ Դրա հետ մեկտեղ մենք պետք է հասկանանք, որ բանակը պետք է լինի պրոֆեսիոնալ, դա նշանակում է, որ բանակայինների սոցիալական և բոլոր մյուս  ապահովությունները պետք էլինեն ամենաբարձր մակարդակում։ Սկսած աշխատավարձից, վերջացրած սոցիալական ապահովմամբ։ Ինչ վերաբերում է միջազգային բլոկին, կրկին նորություն չեմ ասի, մենք պետք  է զարգացնենք մեր հարաբերությունները մեր դաշնակիցների հետ։ Ինչպես նշեցի առաջնայինը իհարկե ՌԴ-ն է։ Դրա հետ մեկտեղ մենք պետք է գտնենք նոր, ինչու ոչ ավելի կրեատիվ տարբերակներ համագործակցության՝ բոլոր այն միջազգային կառույցների հետ, որոնց մեջ մենք ներգրավված ենք։ Իհարկե, չեմ կարող չընդգծել սփյուռքի դերակատարությունը։ Սփյուռքը չպետք է լինի անտեսված , լինի լոկ ֆինանսական միջոցների հայթայթման միջոց։ Սփյուռքը կա և  շարունակում  է մնալ այն ֆունդամենտներից մեկը, որի վրա կառուցվում են թե՛ ՀՀ անվտանգությունը, թե՛ Արցախի անվտանգությունը, թե՛ ընդհանրապես հայ ժողովրդի զարգացումը։ Այս կոնտեքստում կարևոր է նշել, որ Սփյուռքի դերակատարման բարձրացումը պետք է լինի առաջնահերթություններից մեկը։ Դրա հետ մեկտեղ մենք երբեք չենք հակադրվում այն միջազգային կառուցների հետ, որոնց մեջ մենք ներգրավված չենք, եթե մենք մի միջազգային կազմակերպության  անդամ ենք դա չի նշանակում, որ մյուս կազմակերպությունների հետ հակադրվում ենք։ Այն ֆորմատները, որոնց մեջ մենք գտնվում ենք գոյություն ունի անհրաժեշտություն այդ ֆորմատների ներքո մեր դերակատարության կտրուկ բարձրացումը։ Այլ կերպ ամբողջ կոմպլեքսը, թե՛ արտաքին հարաբերությունների, թե՛ անվտանգության ապահովել չի լինի»։ 
13:16 - 07 հունիսի, 2021
Վահե Էնֆիաջյանը չի ներառվել ԲՀԿ ցուցակում․ Արման Աբովյան |tert.am|

Վահե Էնֆիաջյանը չի ներառվել ԲՀԿ ցուցակում․ Արման Աբովյան |tert.am|

tert.am: ԱԺ «Բարգավաճ Հայաստան» խմբակցության քարտուղար Արման Աբավյանը պատասխանել է լրագրողների այն հարցին, թե ինչու ԲՀԿ ընտրացուցակում չկան առանցքային դեմքերը, Աբովյանը պատասխանեց՝ գոյություն ունի սերնդափոխության տրամաբանություն, և եթե կուսակցությունը, քաղաքական ուժը ուզում է լինել լիարժեք, պետք է միշտ փոփոխություններ լինեն։ «Պետք է ճանապարհ հարթվի նոր մարդկանց, երիտասարդների համար։ Ինչ վերաբերում է մեր գործընկերներին, որոնք այս կամ այն ձևաչափով չեն ներգրավվել այս ցուցակի մեջ, ապա խնդրում եմ «մութ սենյակում սև կատու չփնտրել»։ Գոյություն ունի պարզ գաղափար՝ մենք մեր գործընկերների հետ, ԲՀԿ անդամների հետ դեռ երկար ճանապարհ ունենք անցնելու»,-ասաց նա։ ԱԺ փոխխոսնակ Վահե Էնֆիաջյանի վերաբերյալ հարցին`վերջինս առհասարակ չկա՞ ցուցակում, թե առաջին տասնյակում չէ, Աբովյանն արձագանքեց՝ նա չի ներառվել։ Աբովյանի ներկայացմամբ՝ ԲՀԿ ցուցակում 90-ից ավել, մինչև 100 թեկնածու կա։ Շարունակությունը՝ tert.am-ում։ 
16:45 - 26 մայիսի, 2021
Մենք մեր առջև չենք դնում ոչ մի կոալիցիայի նպատակ, նույնիսկ չենք էլ դիտարկում, մենք գնում ենք հաղթելու և ձևավորելու իշխանություն. Արման Աբովյան |tert.am|

Մենք մեր առջև չենք դնում ոչ մի կոալիցիայի նպատակ, նույնիսկ չենք էլ դիտարկում, մենք գնում ենք հաղթելու և ձևավորելու իշխանություն. Արման Աբովյան |tert.am|

tert.am: Պետք է հասկանանք մի բան՝ թուրք խուժանը մտել է մեր տարածք, որի մասին մենք զգուշացնում էինք, ասում՝ անխուսափելի է, մտնելու է, որովհետև ինքը իրագործում է որոշակի նախագիծ, որի հիմնական նպատակը ՀՀ-ի մասնատումն է. այսօր լրագրողների հետ զրույցում ասաց ԲՀԿ խմբակցության քարտուղար Արման Աբովյանը: «Շանտաժիստը մտել է մեր տարածք և հիմա նախապայմաններ է դնում, եթե ինչ -որ մի քաղաքական համակարգ ենթարկվում է շանտաժիստի բոլոր պահանջներին, դադարելո՞ւ է շանտաժը, թե ոչ։ Չի դադարելու պարզ պատճառով՝ թե՛ Թուրքիան և թե՛ Ադրբեջանը նպատակ չունեն բարելավվելու Հայաստանի և Արցախի հետ իրենց հարաբերությունները, իրենք նպատակ չունեն տարածաշրջանում որոշակի դրական, դեպի կայունություն տանող քայլեր կատարելու: Եվ որքան ՀՀ իշխանությունները խոսում են դելիմիտացիայի, դեմարկացիայի մասին և ասում՝ եթե դա չլինի, զորքը չեն հանի, այդքան մեր իրավիճակը ավելի է ծանրանում»,- ընդգծեց նա: Դիտարկմանը, թե այս ամենը նաև կապված է ՀԱՊԿ-ի վարկանշի հետ, ստացվում է, որ Ադրբեջանը ոչ միայն հայկական կողմին է սադրում, այլ Ռուսաստանին և ՀԱՊԿ-ին, Աբովյանն ասաց. «Ադրբեջանը և Թուրքիան գնում են լարվածության գեներացման, որը միանշանակ ձեռնտու չէ ո՛չ ՀԱՊԿ-ին, ո՛չ Ռուսաստանին: Թե՛ ՀԱՊԿ-ն, թե՛ Ռուսաստանը շարժվում են հիմնական դերակատարի տեսլականի ներքո, Ադրբեջանը և Թուրքիան նպատակ ունեն ՀԱՊԿ-ին, Ռուսաստանին դուրս մղել տարածաշրջանից, եթե մենք կարծում ենք, թե ՀԱՊԿ-ն դա չի հասկանում, մենք սխալվում ենք: Այստեղ տեղի է ունենում տարածաշրջանային խաղ, և այդ խաղում մենք չպետք է լինենք լոկ դիտորդ կամ քաղաքական միավոր, որը ենթադրվում է, որ պետք է լինի ռազմական ճնշման տակ»: Շարունակությունը՝ tert.am-ում։ 
12:57 - 26 մայիսի, 2021
«Բարգավաճ Հայաստանը» վարչապետի թեկնածու չի առաջադրի․ Արման Աբովյան
 |civilnet.am|

«Բարգավաճ Հայաստանը» վարչապետի թեկնածու չի առաջադրի․ Արման Աբովյան |civilnet.am|

civilnet.am: «Բարգավաճ Հայաստանը» վարչապետի թեկնածու չի առաջադրի․ այսօր՝ ապրիլի 26-ին, լրագրողների հետ ճեպազրույցում հայտարարեց «Բարգավաճ Հայաստան» խմբակցության քարտուղար Արման Աբովյանը։  «ԲՀԿ-ն չի խաղա իշխանության դաշտում, ոչ մի դեպքում։ Ասում են՝ պառլամենտական ընդդիմությունը թող անպայման թեկնածու առաջադրի, մոռանում են շատ կարևոր մի պահ․ ես հիշեցնեմ, որ այդ դեպքում Նիկոլ Փաշինյանը ստանում է բարոյական իրավունք վերընտրվելու իր 83 պատգամավորների կողմից։ Այդ պարագայում մեկ տարվա ընթացքում գոյություն չունի իրավական ոչ մի լծակ, օրինակ՝ անվստահություն հայտնեն կամ պահանջներ դնեն։ Պառլամենտական քաղաքական ուժերի կողմից վարչապետի թեկնածու առաջադրելու դեպքում, իշխանության ձեռքերը կարձակվեն, որ անեն այն ամենը, ինչ ուզում են,- ասաց Աբովյանը։   «Մենք արդեն հայտարարել ենք, որ մասնակցելու ենք արտահերթ խորհրդարանական ընտրություններին, մասնակցելու ենք միայնակ, ցուցակը գլխավորելու է, իհարկե, պարոն Ծառուկյանը, և մեր վարչապետի թեկնածուն նա է։ Մենք գնում ենք հաղթելու»,- հավելեց ԲՀԿ պատգամավորը։
19:26 - 26 ապրիլի, 2021
Արարատ Միրզոյանը սխալվում է․ պատգամավորները պարգեւավճար են ստացել նաեւ 2020 թվականի սեպտեմբերին

Արարատ Միրզոյանը սխալվում է․ պատգամավորները պարգեւավճար են ստացել նաեւ 2020 թվականի սեպտեմբերին

Երեկ՝ մարտի 23-ին, Աժ 7-րդ գումարման 6-րդ նստաշրջանի հերթական նիստի ժամանակ «Իմ քայլը» խմբակցության պատգամավոր Սիսակ Գաբրիելյանն խոսեց «Բարգավաճ Հայաստան» եւ «Լուսավոր Հայաստան» խմբակցությունների ստացած պարգեւավճարների մասին։ Նա, մասնավորապես, նշեց․ «45 մլն դրամ պարգեւավճար է ստացել պարոն Ծառուկյանը եւ «Բարգավաճ Հայաստան» խմբակցությունը։ Մի անգամ տեսե՞լ եք, որ այդ մարդիկ դրա համար խոսեն։ Ընդհակառակը՝ դեմ են խոսել։ Մի 20 մլն էլ պարոն Մարուքյանն է ստացել եւ իր խմբակցությունը, բայց որեւէ մեկս չենք ասել, որ դա լրացուցիչ գործիքակազմ է»։ Գաբրիելյանին հակադարձեց «Բարգավաճ Հայաստան» խմբակցության քարտուղար Արման Աբովյանը՝ ասելով․ «Չգիտես՝ ինչու, պարոն Գաբրիելյանը չհնչեցրեց, որ մեկ տարի շարունակ «Բարգավաճ Հայաստան» խմբակցության բոլոր պատգամավորներն իրենց պարգեւավճարները անցյալ տարի գարնանը փոխանցում էին պանդեմիայի ֆոնդին, դե պարզ է, որ պատերազմը սկսեց՝ պատերազմի ֆոնդին»։ Աբովյանի այս ելույթից հետո դահլիճում վերջինիս ու Սիսակ Գաբրիելյանի միջեւ բանավեճ սկսվեց, որն էլ ընդհատեց ԱԺ նախագահ Արարատ Միրզոյանը՝ իր հերթին խոսելով ծավալված թեմայի մասին։ Միրզոյանն ասաց, թե Ազգային ժողովի պատգամավորները վերջին անգամ պարգեւավճար ստացել են 2020 թվականի փետրվար ամսի համար, եւ որ դրանից հետո Ազգային ժողովի որեւէ պատգամավոր պարգեւավճար չի ստացել։  Նախ նշենք, որ պատգամավորները պարգեւավճար ստանում են Ազգային ժողովի նախագահի կարգադրության համաձայն, որն էլ բաց տվյալ է, եւ յուրաքանչյուր ոք կարող է ստուգել ԱԺ նախագահի կարգադրությունները՝ մուտք գործելով Ազգային ժողովի կայքի «ԱԺ նախագահի որոշումներ, կարգադրություններ» բաժին։ Այսպիսով՝ կայքից տեղեկացանք, որ նախագահի կարգադրությամբ 2020 թվականի ընթացքում Ազգային ժողովի պատգամավորները պարգեւատրվել են 4 անգամ՝ փետրվարի 4-ի, մարտի 3-ի, մարտի 25-ի եւ սեպտեմբերի 18-ի կագրադրությունների համաձայն։ Փետրվարի 4-ին Ազգային ժողովի պատգամավորները պարգեւատրվել են պաշտոնային դրույքաչափի 30 %-ի չափով, որն, ըստ ամենայնի, տրամադրվել է հունվար ամսվա համար։  Հաջորդ կարգադրությունը, ինչի մասին խոսեց Արարատ Միրզոյանը, եղել է մարտի 3-ին, որի համաձայն՝ պատգամավորները դարձյալ պարգեւատրվել են իրենց պաշտոնային դրույքաչափի 30 %-ի չափով։ Այս դեպքում կարող ենք ենթադրել, որ սա տրամադրվել է փետրվար ամսվա համար՝ ինչպես նշեց Միրզոյանը, սակայն սա վերջինը չէր։  Նույն ամսվա ընթացքում՝ մարտի 25-ին, Միրզոյանի կարգադրությամբ ԱԺ պատգամավորները պարգեւատրվել են միանվագ դրամական աջակցությամբ՝ իրենց պաշտոնային դրույքաչափի 30%-ի չափով։ Սակայն հարկ է նշել, որ հենց այս նույն կարգադրության համաձայն՝ նշված պարգեւատրումներից պատգամավորների համաձայնությամբ փոխանցվել է կորոնավիրուսի դեմ պայքարի համար բացված գանձապետական ֆոնդին։ Եւ բացի նախորդ երեք պարգեւատրումների կարգադրություններից՝ կա եւս մեկը, որի մասին ԱԺ նախագահը մոռացել է։ Սեպտեմբերի 18-ին Ազգային ժողովի նախագահի կարգադրությամբ Ազգային ժողովի պատգամավորները դարձյալ պարգեւատրվել են, բայց եթե նախորդ երեք պարգեւատրումները եղել են պաշտոնային դրույքաչափի 30%-ի չափով, ապա այս անգամ պաշտոնային դրույքաչափի 75%-ի չափով։ Այսպիսով՝ Արարատ Միրզոյանի հնչեցրած միտքը, թե պատգամավորները վերջին անգամ պարգեւավճար են ստացել 2020 թվականի փետրվարի համար, իրականությանը չի համապատասխանում, քանի որ հենց իր կարգադրությամբ նրանք պարգեւավճար են ստացել նաեւ 2020 թվականի սեպտեմբերին։ Նարեկ Մարտիրոսյան
12:17 - 24 մարտի, 2021
Ռազմական դրության ռեժիմը վերացնելու առաջարկը մերժվել է |1lurer.am|

Ռազմական դրության ռեժիմը վերացնելու առաջարկը մերժվել է |1lurer.am|

1lurer.am: Ազգային ժողովի անվտանգության և պաշտպանության հարցերի մշտական հանձնաժողովն այսօր մերժել է խորհրդարանական ընդդիմության առաջարկը՝ վերացնել ռազմական դրության ռեժիմը: «Բարգավաճ Հայաստան» խմբակցության քարտուղար Արման Աբովյանի համոզմամբ՝ ռազմական դրության վերացումը կօգներ թոթափել երկրում քաղաքական լարվածությունը: Նրա գնահատմամբ՝ իշխանությունը ադեկվատ գնահատական չի տալիս իրավիճակին: Աբովյանը անդրադարձել է նաև Ծառուկյանի՝ արտահերթ ընտրության գնալու պատրաստակամության հայտարարությանը: «Պարոն Ծառուկյանը հայտարարել է, որ վարչապետի հրաժարականի և որքան հնարավոր է՝ շուտ արտահերթ ընտրությունների մասին: Ոչ մի պարագայում փողոցային պայքարը չի իջնելու շատ պարզ պատճառով՝ մինչև այս իշխանությունը չհեռանա, պայքարը շարունակվելու է»,- հայտարարել է պատգամավորը:
13:14 - 15 մարտի, 2021
Փաշինյանն է ասում է՝ ռազմական հեղաշրջում են ուզում անել, և գնում է Գլխավոր շտաբ, հանդիպում հրամանատարական կազմի հետ․ աբսուրդ է. Արման Աբովյան |tert.am|

Փաշինյանն է ասում է՝ ռազմական հեղաշրջում են ուզում անել, և գնում է Գլխավոր շտաբ, հանդիպում հրամանատարական կազմի հետ․ աբսուրդ է. Արման Աբովյան |tert.am|

tert.am: Իշխանությունը պետք է հասկանա, որ իրենց հրաժարականն անխուսափելի է, ես համոզված եմ դրանում, որովհետև ուրիշ տարբերակ չկա, այն զարգացումները, որ այսօր տեղի են ունենում, դեպի հասկանալի հանգուցալուծման տանելու տարբերակ չկա. Նիկոլ Փաշինյանի մուտքը ԱԳՆ խոչընդոտելու ակցիայի ընթացքում ասաց ԲՀԿ խմբակցության քարտուղար Արման Աբովյանը: «Հոգևորականների, մտավորականների, Գլխավոր շտաբի և կորպուսների հայտարարությունը ցույց է տալիս, որ իշխանությունը, որքան էլ ձևացնի, որ վերահսկում է իրավիճակը և կառավարում է երկիրը, դա, մեղմ ասած, այդքան էլ ճիշտ չէ, և այս ճգնաժամն ավելի խորանում է, այն բերում է հասարակության տարանջատման, բերում է տխրահռչակ թեզի՝ սևերի և սպիտակների ավելի խորացման, իսկ դա ահավոր մեծ վտանգ է ՀՀ գոյության համար»,- ասաց նա: Աբովյանը նշեց, որ մարտի 15-ից Ադրբեջանը և Թուրքիան լայնածավալ զորավարժություններ են անցկացնում, նախապատրաստական աշխատանքներ են տանում. «Էրդողանը զորահանդեսի ժամանակ Էնվեր Փաշային է անվանում լուսահոգի, Ալիևն էլ ամեն օր մատնանշում է այն սուտ, շինծու, հիմար թեզերը, որ Զանգեզուրը պատմական «ադրբեջանական» հող է, կովկասյան թաթարները Զանգեզուրը համարում են «Ադրբեջանի պատմական հող», կամ հայտարարում է, որ Երևանն է «ադրբեջանական», սա այն ազդակներն են, որ բոլորիս պետք է ստիպեն, որքան հնարավոր է, այս իրավիճակը հանգուցալուծվի, այսօր վտանգների մակարդակը աճում է ոչ թե օրեցօր, այլ ժամառժամ»: Անդրադառնալով հարցին, թե ԱԳ նախարարը հայտարարել է, որ Հայաստանում ռազմական հեղաշրջման փորձ չի արվել, մինչդեռ Նիկոլ Փաշինյանը հակառակն է պնդում, արդյո՞ք տարօրինակ չէ, որ իրարամերժ հայտարարութուններ են արվում, Աբովյանը նշեց. «Ինձ համար տարօրինակ չէ, որովհետև Նիկոլ Փաշինյանի անընդհատ հերքվող, անհասկանալի, անտրամաբանական հայտարարությունների շարքն այնքան լայն է, որ ես նույնիսկ չեմ ուզում սևեռվեմ այս կամ այդ հայտարարության վրա: Այո, ԱԳ նախարարն է հերքում, Նիկոլ Փաշինյանն է ասում՝ ռազմական հեղաշրջում և գնում է Գլխավոր շտաբ և հանդիպում նույն հրամանատարական կազմի հետ, ում ինքը մեղադրում է ռազմական հեղաշրջման մեջ, դա աբսուրդ է , կոչ եմ անում՝ մի վերլուծեք, չեք հասկանա, միևնույն է»: Շարունակությունը՝ tert.am-ում։
13:59 - 13 մարտի, 2021
ԵԱՀԿ խորհրդարանական վեհաժողովի ոչ մի քննարկման չեք մասնակցել, չնայած եղել եք մշտական անդամ․ Կոնջորյանը հակադարձեց Աբովյանին

ԵԱՀԿ խորհրդարանական վեհաժողովի ոչ մի քննարկման չեք մասնակցել, չնայած եղել եք մշտական անդամ․ Կոնջորյանը հակադարձեց Աբովյանին

«Բարգավաճ Հայաստան» խմբակցությունը` «Lուսավոր Հայաստան» խմբակցության հետ, հետամուտ լինելով, որ իրավիճակը, լարվածությունը մի քիչ թեթևացնի, առաջարկում է արտահերթ նիստ։ Արտահերթ նիստին ոչ ոք չի գալիս։ Այս մասին այսօր Ազգային ժողովի նիստի ընթացքում ասաց «Բարգավաճ Հայաստան» խմբակցության քարտուղար Արման Աբովյանը՝ դիմելով «Իմ քայլը» խմբակցության պատգամավորներին։ Նշենք, որ փետրվարի 25-ին և 26-ին խորհրդարանի ընդդիմադիր խմբակցությունները ցանկանում էին հրավիրել ԱԺ արտահերթ նիստ՝ կապված ԳՇ հայտարարության և դրանից հետո տեղի ունեցած իրադարձությունների հետ, սակայն խորհրդարանի մեծամասնությունը չէր ներկայացել ԱԺ խորհրդի երկու նիստերին էլ, ինչի հետևանքով դրանք չէին կայացել։ «Եթե դեմ էիք, գայիք և դեմ քվեարկեիք, ինչո՞ւ եք միտումնավոր պարալիզացնում խորհրդարանի աշխատանքը»,- հավելեց Աբովյանը։ Վերջինս իր ելույթում շեշտեց, որ օրակարգում 19 հարց է, որոնցից միայն մեկն է վերաբերում գերիների հարցին, դա էլ անկախ պատգամավոր է առաջարկել։ Աբովյանի խոսքով՝ մյուս բոլոր հարցերին նայելիս տպավորություն է, որ Հայաստանն առանձին ապրում է իր խնդիրներով, իսկ կառավարող ուժը առանձին օրակարգեր է փորձում գեներացնել։ «Չեք տեսնում, որ ձեր օրակարգը տանում է կատաստրոֆայի, բա ինչպե՞ս ենք դուրս գալու այս իրավիճակից»,- եզրափակեց Աբովյանը։ Վերջինիս հարցադրումներին իր ելույթում արձագանքեց «Իմ քայլը» խմբակցության պատգամավոր Հայկ Կոնջորյանը՝ ասելով․ «Ձեր ելույթից հետո ցանկացա ելույթ ունենալ, որովհետև դուք մեզ մեղադրում եք և հատկապես մեղադրում եք գերիների հարցով չխոսելու համար։ Ես համաձայն եմ, որ գերիների հարցը այսօր մեր պետության և մեզ համար համար  մեկ առաջնահերթությունն է։ Կարող եմ ընդունել ձեր քննադատությունը, որ մենք չեն օգտագործում  բոլոր հարթակները գերիների մասին, Արցախյան պատերազմի, դրա հետևանքների մասին խոսելու համար։ Ես ուզում եմ կոնկրետ օրինակով պատասխանել Ձեզ և Ձեզ այդ հարցը տալ։ Դուք, նախորդ տարվա փետրվար-մարտ ամիսներից սկսած, հանդիսանոմ եք ԵԱՀԿ խորհրդարանական վեհաժողովի պատվիրակության մշտական անդամ։ Երեք մշտական անդամ կա, որից 2-ը՝ իշխանությունից, մեկը՝ ընդդիմությունից։ Մենք այդ պահից սկսած մինչև այսօր ունեցել ենք 14 օնլայն քննարկում, կոնֆերանս ամենատարբեր հարցերի շուրջ։ 14 անգամ դուք հնարավորություն եք ունեցել ադրբեջանական պատվիրակների հետ  բանավիճել, բարձրաձայնել արցախյան հիմնահարցի հետ կապված խնդիրները։ Ոչ մի անգամ չեք մասնակցել»։ Կոնջորյանը նշեց, որ հանձնարարել է քարտուղարությանը, որ անդամները տեղեկանան հանդիպման մասին և ունենան քննարկման հղումները, որ բոլորը մասնակցեն այդ քննարկումներին։ Աբովյանը, Կոնջորյանի խոսքով, երբեք չի մասնակցել քննարկումներին։ Իմքայլական պատգամավորը նաև ընդգծեց, որ փետրվարի 24-26-ը տեղի է ունեցել ԵԱՀԿ խորհրդարանական վեհաժողովի ձմեռային նստաշրջանը, որը պատերազմից հետո առաջին ձմեռային նստաշրջանն էր։ Ըստ պատգամավորի՝ այս նստաշրջանին նույնպես Աբովյանը չի մասնակցել։  «Մենք պայմանավորվել էինք նույնսիկ, թե Դուք որ կոմիտեում եք լինելու, Դուք խոստացել էիք մասնակցել։ Դուք կրկին հնարավորություն ունեիք ադրբեջանցիների աչքերին նայելու, 400 պատգամավորների ներկայությամբ կարող էիք բարձրաձայնել գերիների հարցը։ Դուք գալիս, ասում եք գերիների հարցի մասին չեք խոսում, իմիտացիա եք ստեղծում։ Այո՜, Դուք կարող եք այստեղ մեզ քննադատել, բայց, հանուն արդարության, կատարեք նաև Ձեր պարտականությունները»,- եզրափակեց Կոնջորյանը։ Աբովյանն էլ իր հերթին հակադարձեց Կոնջորյանի առաջ քաշած տվյալներին՝ ասելով․ «Ինչ վերաբերում է իմ գործունեության այդ ուղղությանը՝ Ձեր խմբակցությունում առնվազն երկու մարդ կա, ով շատ լավ տեղյակ է իմ գործունեության մասին, թե ադրբեջանական պրոպականդայի դեմն առնելու, թե բոլոր մնացած հարցերին։ Այստեղ  մանիպուլյացիա մի արեք։ Դուք կարո՞ղ է տեղյակ չեք, որ երկրում քաղաքական ճգնաժամ է։ Ես Ձեզ տեղեկացնում եմ։ Երբ մեղադրանքներ եք հնչեցնում և մի քանի անգամ ասում եք՝ «ադրբեջանցիների ճակատին ասեիք» արտահայտությունը, ասեմ, որ մենք ձեզնից շատ ու ավելի դիպուկ ենք անում դա»։  Աբովյանը նշեց, որ, ըստ անհրաժեշտության, կարող է ներկայացնել «Բարգավաճ Հայաստան» խմբակցության պատգամավորների աշխատանքը, որն ուղղված է գերների հարցի լուծմանը։  Կոնջորյանն էլ արձագանքեց Աբովյանին՝ նշելով, որ կասկածի տակ չի դնում «Բարգավաճ Հայաստան» խմբակցության պատգամավորների աշխատանքը, սակայն պատգամավորը կրկին շեշտեց ԵԱՀկ խորհրդարանական վեհաժողվոի մշտական անդամի դերն ու կարևորությունը և այն հանգամանքը, որ Աբովյանը մեկ տարվա ընթացքում իր մտքերը չի արտահայտել այդ պլատֆորմում։ 
11:51 - 02 մարտի, 2021
Իշխանությունը բախումների տանելուց բացի՝ այլ գործիք չունի, Նիկոլ Փաշինյանից սթափություն չեմ ակնկալում. Արման Աբովյան |tert.am|

Իշխանությունը բախումների տանելուց բացի՝ այլ գործիք չունի, Նիկոլ Փաշինյանից սթափություն չեմ ակնկալում. Արման Աբովյան |tert.am|

tert.am: Ոչ մի դեպքում չի կարելի մարդկանց տանել բախումների, ապակայունացման և սրացումների, իշխանությունները բացի լարումը գեներացնելուց՝ այլ գործիք չունեն: Այս մասին ասաց ԱԺ ԲՀԿ խմբակցության քարտուղար Արման Աբովյանը: Ըստ նրա՝ ՝Նիկոլ Փաշինյանի իշխանությունը շարունակում է շահարկել 2008 թ․ մարտի 1-ի իրադարձությունները և փորձում է հիմա էլ դա դարձնել կատալիզատոր սադրանքների համար: «Փաստացի բոլորին կանգնեցնում են ծանրագույն ճգնաժամի առջև, որը իրականում վտանգում է ՀՀ գոյությունը: Բոլոր զարգացումների հնարավոր սրացման պատասխանատվությունը լիարժեք կրելու է փաշինյանական իշխանությունը»,-ասաց նա: Պատգամավորը նշեց, որ Փաշինյանից սթափություն, խոհեմություն չի ակնկալում, հորդորում է մարդկանց չտրվել սադրանքների և գնալ հանրային համերաշխության ճանապարհով: Ըստ նրա՝ Նիկոլ Փաշինյանը փորձում է տարաբնույթ մեթոդներով ցույց տալ, թե ժողովրդի մեջ հենարան ունի, ինչը այդպես չէ, որի մասին վկայում են տարածված ձայնագրությունները՝ ՔՊ-ականների կողմից մարդկանց հավաքագրելով հանրահավաքին բերելու հետ կապված:
17:17 - 01 մարտի, 2021
Իրավիճակը վերահսկողությունից դուրս չի գա, եթե ապակայունացման հիմնական գործոնը՝ Նիկոլ Փաշինյանը, հեռանա. Արման Աբովյան

Իրավիճակը վերահսկողությունից դուրս չի գա, եթե ապակայունացման հիմնական գործոնը՝ Նիկոլ Փաշինյանը, հեռանա. Արման Աբովյան

Ակնհայտորեն ամեն օր իրավիճակը սրվում է երկրում եւ Հայաստանը եւ Արցախը, ավելի ճիշտ այն մասնիկը Արցախի, որը մնացել է, իրականում վտանգված են, եւ մարդիկ, որոնք ուսադիր են կրում բոլորից ավելի լավ են հասկանում այդ վտանգները, իսկ վտանգների գեներացնողը Նիկոլ Փաշինյանն է։ Այս մասին «Հայրենիքի փրկության շարժման» հանրահավաքի ժամանակ Infocom-ի հետ զրույցում ասաց «Բարգավաճ Հայաստան» խմբակցության պատգամավոր Արման Աբովյանը։ «Ինքը պետք է հեռանա,  իսկ այն զավեշտալի հայտարարությունը, թե սա ռազմական հեղաշրջում է, կա՛մ շատ կինոներ են նայել, կա՛մ չեն հասկանում, թե ռազմական հեղաշրջումը որն է։ Ինչ վերաբերում է ռազմական հեղաշրջմանը, ապա այն համենայնդեպս քաղաքակիրթ հայտարարության տեսքով չի լինում։ Համենայնդեպս իրենց խորհուրդ կտամ՝ ի վերջո թույլ տան, որ Հայաստանը դուրս գա այս ահավոր իրավիճակից»։ Գլխավոր Շտաբի հայտարարության եւ Տիրան Խաչատրյանի աշխատանքից ազատման կապի վերաբերյալ Աբովյանն ասաց, որ իր կարծիքով՝ մի դրվագի պատճառով ԳՇ-ն այդպիսի հայտարարություն չէր անի։ Այստեղ կոմպլեքս է, իշխանությունը հետեւողական ոչնչացնում է երկիրը, բանակը, եւ սա բոլոր խնդիրների կոմպլեքսի արտահայտումն է։ «Ինձ համար յուրաքանչյուր դեպքում շատ կարեւոր է, որ երկրում չլինեն բախումներ, եւ իրավիճակը դուրս չգա վերահսկողությունից, իսկ իրավիճակը դուրս չի գա վերահսկողությունից միայն մեկ պայմանով, երբ ապակայունացման հիմնական գործոնը՝ Նիկոլ Փաշինյանը, հեռանա։ Մեր հարցին, թե Նիկոլ Փաշինյանի չհեռանալու դեպքում որոնք են իրենց հետագա քայլերը, Աբովյանը չմանրամասնեց։ Նշենք, որ ԶՈՒ Գլխավոր շտաբը հայտարարություն է տարածել, որով պահանջում է Նիկոլ Փաշինյանի հրաժարականը։ Վերջինս այս հայտարարությունը որակել է որպես ռազմական հեղաշրջման փորձ։ Նարեկ Մարտիրոսյան
19:35 - 25 փետրվարի, 2021
«Բարգավաճ Հայաստան» և «Լուսավոր Հայաստան» խմբակցությունները նախատեսում են համատեղ նիստ՝ կապված ստեղծված իրավիճակի հետ

«Բարգավաճ Հայաստան» և «Լուսավոր Հայաստան» խմբակցությունները նախատեսում են համատեղ նիստ՝ կապված ստեղծված իրավիճակի հետ

Վարչապետի հայտարարությունն ուղղակի սադրանք էր։ Այս մասին լրագրողների հետ զրույցում ասաց «Լուսավոր Հայաստան» խմբակցության պատգամավոր Գևորգ Գորգիսյանը։ «Կոչ եմ անում բոլոր քաղաքացիներին դուրս չգալ փողոց, չմասնակցել որևէ հանրահավաքի։ Խոսքը ոչ միայն վարչապետի հրավիրած, այլև վարչապետի դեմ հրավիրվող հանրահավաքների մասին է։ Այս իրավիճակում դա կարող է բերել բախումների, և ամեն ինչ պետք է արվի, որ այս իրավիճակը պարպվի։ Դրա համար կա ամենակարևոր քայլը․ վարչապետը պետք է հրաժարական տա»,- ասաց նա։ «Բարգավաճ Հայաստան» խմբակցության պատգամավոր Արման Աբովյանն էլ հայտնեց, որ «Բարգավաճ Հայաստան» խմբակցությունը «Լուսավոր Հայաստան»-ի հետ նախաձեռնում է համատեղ արտահերթ նիստ։ «Այս իրավիճակը անպայման պետք է քննարկվի և պետք է հանգուցալուծման բոլոր ճանապարհները պետք է բացահայտվեն։ Պետք է բոլոր պրոցեսները բերվեն այն դաշտ, որ հանկարծ բախումներ ցնցումներ չլինեն»,- ասաց նա։ Նշենք, որ ԶՈՒ Գլխավոր շտաբը հայտարարություն է տարածել, որով պահանջում է Նիկոլ Փաշինյանի հրաժարականը։ Վերջինս այս հայտարարությունը որակել է որպես ռազմական հեղաշրջման փորձ։
15:04 - 25 փետրվարի, 2021