Արծվիկ Մինասյան

Արծվիկ Մինասյանն ութերորդ գումարման խորհրդարանի «Հայաստան» խմբակցության պատգամավոր է։

1995թ. ավարտել է ԵՊՀ տնտեսագիտության ֆակուլտետը․ 1998թ.՝ ԵՊՀ ասպիրանտուրան: 2001թ.՝ ԵՊՀ իրավաբանական ֆակուլտետը։

1996-1999թթ. աշխատել է ՀՀ ֆինանսների եւ էկոնոմիկայի նախարարությունում: 1998 թվականից դասավանդում է ԵՊՀ տնտեսագիտության ֆակուլտետում:

2005-2007թթ. եղել է ՀՀ աշխատանքի եւ սցիալական հարցերի նախարարի տեղակալը: 2016թ. փետրվար-հոկտեմբեր ամիսների՝ ՀՀ էկոնոմիկայի նախարար, 2016-2018թթ.՝ ՀՀ բնապահպանության նախարար, 2018թ. մայիս-հոկտեմբեր ամիսներին՝ ՀՀ տնտեսական զարգացման եւ ներդրումների նախարար:

2019 թվականից ՀՅԴ Գերագույն մարմնի անդամ է:

2007-2012թթ. և 2012-2016թթ. եղել է ԱԺ պատգամավոր։

2021թ. հունիսի 20-ին ԱԺ պատգամավոր է ընտրվել «Հայաստան» կուսակցությունների դաշինքի համապետական ընտրական ցուցակով:

Տարեց տղամարդկանց ծեծելու համար մեղադրվող երիտասարդները կմնան կալանքի տակ

 |factor.am|

Տարեց տղամարդկանց ծեծելու համար մեղադրվող երիտասարդները կմնան կալանքի տակ |factor.am|

factor.am: Շիրակի մարզի ընդհանուր իրավասության դատարանի դատավոր Ռոման Սմբատյանն այսօր քննեց Գյումրու Երևանյան խճուղու կանգառներից մեկում ընդդիմադիրների կազմակերպած ավտոերթի օրը տարեց տղամարդկանց նկատմամբ բռնություն գործադրելու մեղադրանքով կալանավորված հինգ երիտասարդների՝ Գոռ Մաթևոսյանի, Գոռ Սարգսյանի, Տարոն Մանուկյանի, Արսեն Մարտոյանի, Գևորգ Մուրադյանի խափանման միջոցը փոխելու փաստաբանների միջնորդությունը։ Փաստաբաններն այս գործով անցնող կալանավորվածներից յուրաքանչյուրին ներկայացրեցին առանձին-առանձին՝ միջնորդելով կալանքը փոխել երկրից չբացակայելու մասին ստորագրությամբ։ Երիտասարդներին անձնական երաշխավորություն ներկայացրեցին նաև ԱԺ պատգամավորներ Արծվիկ Մինասյանն ու Արամ Վարդևանյանը։ Ըստ պատգամավորների՝ երիտասարդները պատերազմի մասնակիցներ են, ոմանք նաև վիրավորում են ստացել, նրանցից մի քանիսը պարգևատրվել են Արցախի Հանրապետության նախագահի կողմից։ 3 տուժողների շահերը պաշտպանում էր Արցախի Հանրապետության փաստաբանների պալատի անդամ Կարեն Բարսեղյանը։ Նա տուժողների անունից հայտարարեց, որ նրանք բողոք, պահանջ չունեն։ Տուժողներից մեկը ներկայացել էր դատարան, սակայն չմասնակցեց դատական նիստին։ Դատարանը որոշումը հրապարակեց քիչ առաջ՝ անփոփոխ թողնելով նրանց խափանման միջոցը։
21:37 - 02 հունիսի, 2022
Ընթանում է  Փաշինյանի դեմ պետական դավաճանության հոդվածով քրեական գործ չհարուցելու որոշման դեմ բողոքի քննությունը․ իրավիճակը մի պահ լարվեց |news.am|

Ընթանում է Փաշինյանի դեմ պետական դավաճանության հոդվածով քրեական գործ չհարուցելու որոշման դեմ բողոքի քննությունը․ իրավիճակը մի պահ լարվեց |news.am|

news.am: ՀՀ վերաքննիչ դատարանում, որտեղ ընթանում է վարչապետ Նիկոլ  Փաշինյանի դեմ պետական դավաճանության հոդվածով քրեական գործ չհարուցելու որոշման դեմ բողոքի քննությունը, իրավիճակը կտրուկ լարվեց, երբ դատավոր Կարեն Բիշարյանը որոշում կայացրեց նիստերի դահլիճից հեռացնել անհետ կորած զինծառայողի հարազատ Արսեն Ղուկասյանին։ Արսեն Ղուկասյանը հայտարարեց, որ զոհված եւ անհետ կորած զինծառայողների հարազատներին չեն կարող զրկել ձայնի իրավունքից, դատավորը հորդորեց տեղից չխոսել, ապա դատական սանկցիա կիրառեց՝ նրան դահլիճից հեռացնելու որոշում կայացնելով։ Վիճաբանություն ու քաշքշուկ սկսվեց դատական կարգադրիչների եւ հարազատների միջեւ։ Նիստն ընդմիջվեց։ Հիշեցնենք, որ բողոքը ներկայացրել են «Հայաստան» խմբակցության պատգամավոր Արծվիկ Մինասյանը եւ փաստաբան Հակոբ Մարտիրոսյանը։ Դեռեւս 2021 թվականի հունիս ամսին նրանք հանցագործության մասին հաղորդում էին ներկայացրել, մասնավորապես, պահանջելով քրեական գործ հարուցել Նիկոլ Փաշինյանի կողմից կատարված առերեւույթ պետական դավաճանության փաստի առթիվ։
15:07 - 25 մայիսի, 2022
Փաշինյանի դեմ քրգործ հարուցելու պահանջով բողոքը քննող դատավոր Բիշարյանին ինքնաբացարկի միջնորդություն ներկայացվեց |news.am|

Փաշինյանի դեմ քրգործ հարուցելու պահանջով բողոքը քննող դատավոր Բիշարյանին ինքնաբացարկի միջնորդություն ներկայացվեց |news.am|

news.am: Վարչապետ Նիկոլ Փաշինյանի կողմից առերեւույթ պետական դավաճանության հատկանիշներով քրեական գործ հարուցելու պահանջով փաստաբան Հակոբ Մարտիրոսյանի եւ «Հայաստան» խմբակցության պատգամավոր Արծվիկ Մինասյանի կողմից բերված բողոքի քննությանը Վերաքննիչ քրեական դատարանի դատավոր Կարեն Բիշարյանին ինքնաբացարկի միջնորդություն ներկայացվեց։ Ըստ փաստաբանի՝ դատավոր Կարեն Բիշարյանին բողոքը մակագրվել է դատարանի նախագահի կողմից՝ ձեռքով, ընդ որում, երաշխիքներ չեն ներկայացվել՝ արդյոք պահպանվել է օրենքով սահմանված՝ այբբենական մակագրման կարգը։ Պատգամավոր Մինասյանի խոսքով՝ բավարար ջանքեր չեն ցուցաբերվել նախագահողի կողմից՝ մակագրման ընթացակարգի վերաբերյալ տեղեկատվություն ներկայացնելու առումով։ Դատախազներ Արմեն Մուրադյանը եւ Արշակ Մարտիրոսյանն էլ առարկեցին միջնորդության դեմ՝ նշելով, որ միջնորդությունն անհիմն է եւ ենթակա է մերժման։ Անդրադառնալով ներկայացված առարկությանը՝ Արծվիկ Մինասյանն ասաց. «Տպավորություն է, որ մենք առաջին անգամն ենք քննարկում այս հարցերը։ Այդ դեպքում ո՞ւր էին դատախազները, երբ դատավորն ասում էր՝ ծանուցել է, եւ իրենք չեն եկել դատական նիստին, բայց գալիս են այստեղ ծնողների բողոքի հիման վրա եւ հայտարարում, որ դատարանից ծանուցում չեն ստացել։ Այս պահի դրությամբ անաչառ դիտորդի մոտ ձեւավորված հստակ պատկերացում կարող է լինել այն, որ դատարանն օրենքի հիման վրա ստեղծված դատարան չէ»։ Նշենք, որ դեռեւս 2021 թվականի հունիս ամսին նրանք հանցագործության մասին հաղորդում էին ներկայացրել, մասնավորապես, պահանջելով քրեական գործ հարուցել Նիկոլ Փաշինյանի կողմից կատարված առերեւույթ պետական դավաճանության փաստի առթիվ։ Ներկայացված հանցագործության մասին հաղորդմամբ Հակոբ Մարտիրոսյանը ներկայացրել է փաստական հանգամանքներ, որոնք առերեւույթ վկայում են Նիկոլ Փաշինյանի կողմից թշնամի պետությանն օգուտ տալու մասին՝ ի վնաս ՀՀ-ի։ Դատախազության կողմից հաղորդմանը պատշաճ կարգով ընթացք չտալու հանգամանքը դիտարկվել է որպես անգործություն եւ դատախազության անգործության դեմ փաստաբանը բողոք է ներկայացրել դատարան։ Երեւանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ,  մերժել էր բողոքը։ Դատարանի այս որորշման դեմ վերաքննիչ բողոք է ներկայացվել, որը մակագրվել է Վերաքննիչ քրեական դատարանի դատավոր Կարեն Բիշարյանին։
16:04 - 23 մայիսի, 2022
Իրավական տեսանկյունից թույլատրելի է մի քրեական գործի շրջանակում հայտնաբերված  հանցագործության հատկանիշներով երկրորդը հարուցել․ Մինասյանի պնդումը սխալ է

Իրավական տեսանկյունից թույլատրելի է մի քրեական գործի շրջանակում հայտնաբերված հանցագործության հատկանիշներով երկրորդը հարուցել․ Մինասյանի պնդումը սխալ է

«Հայաստան» խմբակցության քարտուղար, «Հայ հեղափոխական դաշնակցություն» կուսակցության անդամ Արծվիկ Մինասյանը Tert.am-ին տված հարցազրույցում օրերս ոչ ճշգրիտ պնդումներ է արել։ Մասնավորապես, խոսելով Հակակոռուպցիոն կոմիտեի վերջերս տարածած հաղորդագրությունից, ըստ որի՝ ՀՅԴ-ն Ազգային ժողովի եւ տեղական ինքնակառավարման մարմինների 2021 թվականի ընտրությունների ընթացքում ընտրակաշառք է բաժանել՝ ասել է․ «Իրավական տեսակետից անթույլատրելի է, երբ դու, օրինակ, հավաքների հրահրման, նյութական շահագրգռվածության հոդվածով փորձում ես իբր գործընթաց իրականացնել, բայց հետո մի հատ այլ գործ ես սկսում, որտեղ հիմքը, որն ինքնին արդեն ապօրինի է, չի կարող հիմք դառնալ երկրորդ գործողության համար»։  Արծվիկ Մինասյանը, ըստ ամենայնի, նկատի ունի երկու կամ ավելի անձանց հավաքներին մասնակցելու համար նյութապես շահագրգռելու հատկանիշներով մայիսի 6-ին Քննչական կոմիտեում հարուցված քրեական գործը, որի շրջանակում խուզարկություն է իրանացվել գործով մեղադրյալ ներգրավված անձանց բնակարաններում, ինչի արդյունքում հայտնաբերվել են ձեռագիր նշումներով նոթատետրեր։ Դրանց վերաբերյալ ավելի ուշ հաղորդագրություն է տարածել Հակակոռուպցիոն կոմիտեն՝ նշելով, որ ՀՅԴ կուսակցության Արմավիրի տարածքային մարմնի ղեկավար Ա. Մ.-ի բնակության վայրում հայտնաբերված նոթատետրերը բովանդակում են 2021 թ․ տեղի ունեցած ԱԺ եւ ՏԻՄ ընտրությունների ժամանակ ընտրողներին տարբեր չափերի կաշառք տալու վերաբերյալ տեղեկություններ․ «Ընտրակաշառք տալու, ստանալու եւ ընտրակաշառքի միջնորդության առերևույթ հանցագործության դեպքերի առթիվ Հակակոռուպցիոն կոմիտեում հարուցվել է քրեական գործ»,- ասված է հաղորդագրության մեջ։  Այսինքն՝ Մինասյանը, հավաքներին առնչվող քրեական գործը (եւ/կամ իրականացված խուզարկությունը) որակելով ապօրինի, ասում է, թե իրավական տեսանկյունից անթույլատրելի է դրա շրջանակում երկրորդ գործողությունն իրականացնել (երկրորդ քրեական գործը հարուցել)։ Իրականում, սակայն, դա այդպես չէ։ ՀՀ քրեական դատավարության օրենսգրքի 176-րդ հոդվածը սահմանում է քրեական գործ հարուցելու առիթները։ Ըստ այդ հոդվածի 3-րդ մասի՝ քրեական գործ հարուցելու առիթ է իր լիազորություններն իրականացնելիս քննիչի կողմից հանցագործության մասին տվյալների, հանցագործության նյութական հետքերի եւ հետևանքների հայտնաբերումը։ Այսինքն՝ բոլոր այդ դեպքերում, երբ իր լիազորություններն իրականացնելով՝ քննիչը հայտնաբերում է որեւէ հետք կամ տվյալ, որն առերեւույթ վկայում է նոր հանցագործության մասին, ապա դա առիթ է նոր քրեական գործ հարուցելու համար։ Ավելին, նույն օրենսգրքի 27-րդ հոդվածը սահմանում է, որ դա քննիչի պարտականությունն է։ Մասնավորապես, ըստ այդ հոդվածի 1-ին մասի՝ քննիչը պարտավոր է իր իրավասության սահմաններում քրեական գործ հարուցել հանցագործության հատկանիշներ հայտնաբերելու յուրաքանչյուր դեպքում, օրենքով նախատեսված բոլոր միջոցառումները ձեռնարկել հանցագործություն կատարած անձանց եւ հանցագործության, ինչպես նաեւ դրա կատարման հանգամանքները բացահայտելու համար: Իսկ այն հանգամանքը, որ տվյալ դեպքում ոչ թե Քննչական կոմիտեի քննիչն է հարուցել նոր քրեական գործը, այլ հայտնաբերված նյութերը փոխանցել է Հակակոռուպցիոն կոմիտեին, որտեղ էլ այն հարուցվել է, պայմանավորված է նրանով, որ ընտրակաշառքի դեպքերին առնչվող գործերի քննությունը, համաձայն Քրեական դատավարության օրենսգրքի 190-րդ հոդվածի, իրականացնում են Հակակոռուպցիոն կոմիտեի քննիչները։ Հետեւաբար, անկախ այն հանգամանքից, որ պայմանականորեն ասած, առաջին քրեական գործը պատգամավորը համարում է ապօրինի, իրավական տեսանկյունից թույլատրելի է դրա շրջանակում հայտնաբերված հանցագործության հատկանիշներով երկրորդ քրեական գործը հարուցել։ Ինչ վերաբերում է խուզարկության օրինականությանը, Քրեական դատավարության օրենսգրքի 225-րդ հոդվածի համաձայն՝ բնակարանի խուզարկությունն իրականացվում է միայն դատարանի որոշմամբ։ Քննչական կոմիտեի մամուլի քարտուղար Վարդան Թադեւոսյանը մեր հարցին ի պատասխան հայտնեց, որ տվյալ դեպքում դատարանի թույլտվությունն առկա է եղել, եւ խուզարկությունն իրականացվել է դրա հիման վրա։ Նույն հարցազրույցում խոսելով «Դիմադրություն» շարժման նկատմամբ իշխանությանը սատարող որոշ շրջանակների դրսեւորած վերաբերմունքից՝ Արծվիկ Մինասյանն ասում է․ «Փորձում են կուրորեն ցեխհարձակումներ իրականացնել «Դիմադրություն» շարժման կամ դրա ներկայացուցիչների նկատմամբ, էն երիտասարդ գործիչների, որոնք այս օրերին «Դիմադրություն» շարժման շրջանակում ներկայանում են հանրությանը, ասենք, չգիտեմ, կարող են վերցնել Իշխան Սաղաթելյանին, Աննա Գրիգորյանին, Արամ Վարդեւանյանին եւ պիտակավորել նախկիններ, արտահայտությունը անհասկանալի է, Աննա Գրիգորյանի կամ Արամ Վարդեւանյանի նախկինը ո՞րն է, երբ այդ մարդիկ որեւէ պետական պաշտոն անգամ չեն ունեցել»։ Մինչդեռ Արամ Վարդեւանյանի կենսագրությունն ուսունասիրելով՝ պարզ է դառնում, որ նա տարիներ շարունակ աշխատել է պետական համակարգում՝ զբաղեցնելով նաեւ պետական պաշտոններ։ Մասնավորապես, 2011-2012 թվականներին Վարդեւանյանը եղել է ՀՀ մարդու իրավունքների պաշտպանի աշխատակազմի քրեադատավարական իրավունքների վարչության մասնագետ, 2012 թ. մարտ-դեկտեմբեր ամիսներին՝ ՀՀ ՄԻՊ աշխատակազմի իրավական վերլուծության վարչության պետի ժամանակավոր պաշտոնակատար, առաջատար մասնագետ, 2012-2014 թթ.՝ ՄԻՊ աշխատակազմի իրավական վերլուծության վարչության պետ եւ ՀՀ սահմանադրական դատարանում ՀՀ մարդու իրավունքների պաշտպանի ներկայացուցիչ: 2014-2016 թթ. Վարդեւանյանը եղել է ՀՀ ՍԴ նախագահի խորհրդական, 2016-2017 թթ.՝ ՀՀ վարչապետի օգնական, իսկ  2017- 2018 թթ.՝ ՀՀ վարչապետի ավագ օգնական: Այդ ժամանակ գործող «Հանրային ծառայության մասին» օրենքի համաձայն՝ վարչապետի օգնականի պաշտոնները ներառված են պետական հայեցողական պաշտոնների շարքում։ Նշենք նաեւ, որ գործող օրենքի համաձայն էլ, ի թիվս այլնի, դրանց շարքում են ներառվել նաեւ ՍԴ նախագահի խորհրդականի, ՄԻՊ աշխատակազմի դեպարտամենտի պաշտոնները։ Այսպիսով, Արծվիկ Մինասյանի այդ պնդումը եւս, թե Արամ Վարդեւանյանը նախկինում որեւէ պետական պաշտոն չի զբաղեցրել, իրականությանը չի համապատասխանում։   Միլենա Խաչիկյան
18:24 - 12 մայիսի, 2022
Վարչապետը որոշ դեպքերում հնարավորություն կունենա համայնքի ղեկավարի ԺՊ նշանակել. ԱԺ-ն առաջին ընթերցմամբ ընդունեց նախագիծը

 |armenpress.am|

Վարչապետը որոշ դեպքերում հնարավորություն կունենա համայնքի ղեկավարի ԺՊ նշանակել. ԱԺ-ն առաջին ընթերցմամբ ընդունեց նախագիծը |armenpress.am|

armenpress.am:  «Քաղաքացիական պայմանագիր» խմբակցության պատգամավորներն առաջարկում են Տեղական ինքնակառավարման մասին օրենքում լրացումներ կատարել, ինչի արդյունքում կլուծվի խոշորացված համայնքների ՏԻՄ կառավարման խնդիրը: Նախագծի հեղինակներն են «Քաղաքացիական պայմանագիր» խմբակցության պատգամավորներ Վահագն Հովակիմյանը, Վլադիմիր Վարդանյանը և Արփինե Դավոյանը: Վահագն Հովակիմյանը ներկայացրեց, թե ինչու է անհրաժեշտություն առաջացել նախագիծը հրատապ ռեժիմով քննարկել: «ՏԻՄ ընտրությունների արդյունքում ստեղծվել է մի իրավիճակ, որ որոշ համայնքներում ՏԻՄ կառավարման բնականոն ընթացքը խաթարվել է, և այս օրենսդրական նախաձեռնության հրատապությունը դրանով է պայմանավորված, որպեսզի այն համայնքներում, որտեղ նման խնդիր է ստեղծվել, ՏԻՄ կառավարումը բնականոն շարունակվի և քաղաքացիների սպասարկումը վերականգնվի»,- ասաց Հովակիմյանը: «Հայաստան» խմբակցության քարտուղար Արծվիկ Մինասյանը հետաքրքրվեց, թե ո՞ր համայնքներին է վերաբերվում խնդիրը, որ հրատապության խնդիր է առաջացել: Հովակիմյանը հարցին ի պատասխան ասաց, որ այս պահն նման խնդիր կա Վանաձոր համայնքում: «Այնտեղ ավագանու առաջին նիստը դատարանի որոշմամբ ուղղակի արգելվել է: Դատարանը արգելել է այդ նիստը գումարել մինչև դատական ակտի կայացումը ու դա, ըստ էության, մինչև հուլիս շարունակվելու է: Ստեղծվել է մի վիճակ, որ նորընտիր ավագանին իր կամքից անկախ չի կարող նիստ գումարել և համայնքի բնականոն գործունեությունը խաթարված է»,- ասաց Հովակիմյանը: Հովակիմյանը շեշտեց` խորհրդարանի պարտականությունն է իր լիազորությունների շրջանակներում ապահովել Հայաստանի Հանրապետության ողջ տարածքում բնականոն կյանքը: «Եթե կա որևէ օրենսդրական բաց, որի հետևանքով Հայաստանի Հանրապետության որևէ համայնքում խնդիր է առաջանում և այդ խնդիրը օրենսդրական մակարդակում է, խորհրդարանը պարտավոր է այդ խնդիրը լուծել: Սա մեր պարտականությունն է»,- ընդգծեց Հովակիմյանը: Նախագծով առաջարկվում է «Տեղական ինքնակառավարման մասին» օրենքի 102-րդ անցումային դրույթում ավելացնել 6-րդ մաս հետևյալ բովանդակությամբ. եթե օրենքով միավորված համայնքի ավագանու առաջին նիստն ավագանու լիազորությունները ստանձնելու պահից քսան օրվա ընթացքում չի գումարվում կամ «Տեղական ինքնակառավարման մասին» օրենքի 69-րդ հոդվածի 2-րդ մասով սահմանված կարգով այդ ավագանու լիազորությունները վաղաժամկետ դադարեցվում են, ապա Հայաստանի Հանրապետության վարչապետը նշանակում է համայնքի ղեկավարի պաշտոնակատար մինչեւ օրենքով սահմանված կարգով նորընտիր համայնքի ղեկավարի լիազորությունների ստանձնումը: «Սա փաստում է այն հանգամանքը, որ այս գործիքը կարող է կիրառվել միայն խոշորացվող համայնքների դեպքում: Այլ կերպ ասած, սա ընդհանուր դրույթների և ընդհանուր կարգավորումների մեջ չի»,- ասաց Հովակիմյանը: Խորհրդարանն առաջին ընթերցմամբ ընդունեց առաջարկված օրինագիծը: Օրինագծին կողմ քվեարկեց 57, դեմ՝ 4 պատգամավոր:
14:03 - 01 ապրիլի, 2022
Հայկական հին, ավանդական կուսակցությանը հարիր չէ․ Դենիս Ավտոնոմովը՝ Դաշնակցության դիրքորոշման մասին |factor.am|

Հայկական հին, ավանդական կուսակցությանը հարիր չէ․ Դենիս Ավտոնոմովը՝ Դաշնակցության դիրքորոշման մասին |factor.am|

factor.am: Լուգանսկն ու Դոնեցկը անկախ ճանաչող երկրներին որևէ օգուտ չի լինի։ Այսօր հրավիրված ասուլիսում հայտարարեց Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը՝ անդրադառնալով ԱԺ «Հայաստան» խմբակցությունից ՀՅԴ-ն ներկայացնող պատգամավոր Արծվիկ Մինասյանի հայտարարությանն այն մասին, թե Հայաստանը չպետք է դեմ արտահայտվի Ռուսաստանի կողմից ինքնահռչակ Դոնեցկի և Լուգանսկի անկախությունը ճանաչելու որոշմանը, քանի որ դա բխում է մեր ազգային շահերից, Արցախյան հիմնախնդրից։ «Կա արդեն ԱԳ նախարարության պաշտոնական դիրքորոշումը։ Իսկ Դաշնակցության կարծիքը մեզ հայտնի է։ Կարծում եմ, որ հայկական հին, ավանդական կուսակցությանը, որը շատ բան է արել Հայաստանի ստեղծման համար, հարիր չէ սա»,- ասաց նա։
16:06 - 23 փետրվարի, 2022
Մենք դիտարկում են Հայոց ցեղասպանության միջազգային ճանաչումը տարածաշրջանային անվտանգության կոնտեքստում. Միրզոյան |armtimes.com|

Մենք դիտարկում են Հայոց ցեղասպանության միջազգային ճանաչումը տարածաշրջանային անվտանգության կոնտեքստում. Միրզոյան |armtimes.com|

armtimes.com: «Հայաստան» խմբակցության քարտուղար Արծվիկ Մինասյանն այսօր ԱԺ-կառավարություն հարցուպատասխանի ժամանակ ընդգծեց, որ ՀՀ ազգային անվտանգային ռազմավարության մեջ հստակ գրված է, որ Հայ ժողովրդի ազգային նպատակներն են Հայոց ցեղասպանության միջազգային ճանաչումը, հետևանքների հաղթահարումը և վերացումը: Պատգամավորը  ՀՀ ԱԳ նախարար Արարատ Միրզոյանից հետաքրքրվեց՝ արդյոք գործող կառավարությունը շարունակո՞ւմ է այս նպատակները պահպանել: ԱԳ նախարար Արարատ Միրզոյանը վստահեցրեց, որ Հայաստանի կառավարությունը հետևողականորեն շարունակում է իրականացնել բոլոր այն քայլերը, որոնց վերաբերյալ հանձնառություն է ստանձնել կառավարության ծրագրում: «Ծրագրում հստակ արձանագրված է, որ ՀՀ-ն շարունակելու է իր ջանքերը ինչպես Հայոց ցեղասպանության միջազգային ճանաչմանը, այնպես էլ աշխարհում մարդկության դեմ նման հանցագործության հետագա դրսևորումների կանխմանն ուղղված»: Արծվիկ Մինասյանը կրկնեց իր հարցը և ասաց՝ազգային անվտանգության կոնկրետ ռազմավարության այդ ձևակերպումը շարունակվո՞ւմ է պահպանվել: Արարատ Միրզոյանն էլ ասաց, որ իրենք դիտարկում են Հայոց ցեղասպանության միջազգային ճանաչումը նաև Հայաստանի և հայ ժողովրդի, և տարածաշրջանային անվտանգության կոնտեքստում՝ իբրև հավելյալ երաշխիք հայ ժողովրդի համար:
17:51 - 09 փետրվարի, 2022
Քննարկման փուլում ենք, առաջիկայում կներկայացնենք մեր որոշումը․ Արծվիկ Մինասյանը՝ նախագահի թեկնածու առաջադրելու մասին |tert.am|

Քննարկման փուլում ենք, առաջիկայում կներկայացնենք մեր որոշումը․ Արծվիկ Մինասյանը՝ նախագահի թեկնածու առաջադրելու մասին |tert.am|

tert.am: Մենք ներկայումս քննարկման փուլում ենք։ Մի քանի չափանիշներ նկատի առնելով՝ առաջիկայում ավելի կոնկրետ կհայտարարենք։ Այս մասին ԱԺ խորհրդարանական ճեպազրույցների ընթացքում հայտարարեց «Հայաստան» խմբակցության քարտուղար Արծվիկ Մինասյանը՝ անդրադառնալով հարցին՝ քննարկու՞մ են նախագահի թեկնածուի տարբերակներ, առաջադրման հարց։ Հարցին՝ քննարկում են առաջադրելու՞ են, թե՞ ոչ, Մինասյանն արձագանքեց՝ միանշանակ։ «Այն չափանիշները, որոնք ամրագրված են նաև Սահմանադրությամբ և ենթադրում են նախագահի կարգավիճակի՝ համազգային նպատակների հետապնդող և համախմբում ապահովող անձին բնորոշ չափանիշներ, բնականաբար թեկնածության և առաջադրման մասով կներկայացնենք մեր որոշման մասին»,-ասաց նա։ Դիտարկմանը, որ ըստ Նիկոլ Փաշինյանի՝ նախագահը պետք է ներդաշնակ լինի իշխող ուժի հետ, Մինասյանն արձագանքեց, թե առաջիկայում ավելի հստակ կներկայացնեն իրենց չափանիշները։ «Նիկոլ Փաշինյանի խոսքը վերաբներում էր իր իշխանությանը, և ակնհայտ էր, որ այս խոսքի մեջ չկար այն հիմնական նպատակադրումը, որն անհրաժեշտ է մեր այսօրվա վիճակից դուրս գալու համար։ Նախագահը չի կարող միայն քաղաքական մեծամասնության «սրտի» նախագահը լինել»,-ասաց Մինասյանը։ «Հայաստան» խմբակցության պատգամավոր Աննա Գրիգորյանի կարծիքով էլ՝ Փաշինյանի այդ հայտարարությունը նշանակում է, որ նա որպես ՀՀ նախագահ ուզում է տեսնել մեկին, որն ընդհանրապես որևէ առարկություն չի հնչեցնի որևէ հարցի վերաբերյալ։ «Այսինքն՝ մարդ, որը լուռ կլինի և անհաղորդ կլինի երկրում ստեղծված իրավիճակին»,-նշեց պատգամավորը։
12:37 - 25 հունվարի, 2022
Պատերազմի ընթացքում հայտարարված համազգային դրամահավաք-արշավին մասնակցել է շուրջ 750 հազար նվիրատու |armenpress.am|

Պատերազմի ընթացքում հայտարարված համազգային դրամահավաք-արշավին մասնակցել է շուրջ 750 հազար նվիրատու |armenpress.am|

armenpress.am: 2020 թվականի սեպտեմբերի 27-ին հայտարարված «Մենք ենք, մեր սահմանները. բոլորս Արցախի համար» համազգային դրամահավաք-արշավին մասնակցել է շուրջ 750 հազար նվիրատու: Այս մասին ասաց «Հայաստան» համահայկական հիմնադրամի գործադիր տնօրեն Հայկակ Արշամյանը՝ ԱԺ «Հայաստան» համահայկական հիմնադրամի կողմից հավաքագրված եւ ՀՀ պետական բյուջե փոխանցված միջոցների օգտագործումն ուսումնասիրող քննիչ հանձնաժողովի նիստում: Հանձնաժողովը նախագահող՝ «Հայաստան» խմբակցության պատգամավոր Արծվիկ Մինասյանը Արշամյանին խնդրեց ներկայացնել դրամահավաքի անցկացման նպատակները, դրամահավաքի վերաբերյալ հրապարակային հայտարարությունները, դրամահավաքին մասնակցող անձանց քանակը: Հիմնադրամի տնօրենը հիշեցրեց դրամահավաք-արշավի մեկնարկը պայմանավորված էր Ադրբեջանի կողմից սանձազերծված պատերազմով: «Համազգային դրամահավաքին ընդհանուր առմամբ մասնակցել է շուրջ 750  հազար նվիրատու, որից 500 հազար նվիրատուի գումարներն ուղիղ եկել են հիմնադրամի տարբեր հաշիվներին: Հիմնադրամն ունի դրամային հաշիվներ ԿԲ-ում, նաև հաշվեհամարներ՝ տարբեր մասնավոր բանկերում, գանձապետական հաշվեհամար չունի: Այդ 500 հազար նվիրատուի մի լուրջ հատվածը եկել է արտասահմանից»,-ասաց Արշամյանը: Այդ թվերը մոտավոր են: Նվիրատուների մի լուրջ հատվածի ուղղակի նույնականացնել չի լինում, կարճ հաղորդագրությունների միջոցով 1000 դրամներ փոխանցած անձանց անհատական տվյալներ չկան: Բացի այդ առցանց նվիրատվություններ կատարած բազմաթիվ նվիրատուներ չեն նշել իրենց անուն-ազգանունները: Արշամյանը վստահեցրեց, որ դրամահավաքի մեկնարկը համաձայնեցվել է հոգաբարձուների խորհրդի նախագահի, խորհրդի մի շարք անդամների, ինչպես նաև ՀՀ կառավարության հետ: «Դա համազգային ջանք է եղել, և հիմնադրամը սեպտեմբերի 27-ին ուղղակի չի արթնացել և ասել, որ դրամահավաք է սկսում: Ռազմական դրության պայմաններում պետք է այդ ամեն ինչը համաձայնեցնել համապատասխան կառույցների հետ, թե արդյոք ճի՞շտ է, որ հիմնադրամը դա անի: Ի վերջո, այդ կոնսենսուսային որոշումն է եղել, որ համազգային դրամահավաքն իրականացվի բացառապես հիմնադրամի միջոցով: Այսինքն՝ հիմնադրամը կամուրջ է հանդիսացել պատերազմի մարտահրավերները դիմագրավելու համար դրամահավաք իրականացնելու առումով»,-ասաց հիմնադրամի տնօրենը: «Պատիվ ունեմ»-ից Հայկ Մամիջանյանը հետաքրքրվեց, թե դրամահավաքը ո՞վ է նախաձեռնել, դա եղե՞լ է պատվեր կառավարության կողմից, առաջա՞րկ ՀՀ նախագահի կողմից, թե՞ հիմնադրամի տնօրենն ինքն է առաջարկել դա պաշտոնատար անձանց: Արշամյանը պատասխանեց՝ «և, և, և»:
17:04 - 11 հունվարի, 2022
Դա մեր ազգային նպատակներին չի ծառայելու․ Մինասյանը՝ հայ-թուրքական հարաբերությունների վերաբերյալ Թուրքիայի հայտարարության մասին |tert.am|

Դա մեր ազգային նպատակներին չի ծառայելու․ Մինասյանը՝ հայ-թուրքական հարաբերությունների վերաբերյալ Թուրքիայի հայտարարության մասին |tert.am|

tert.am: Շատ ակնհայտ է, որ Թուրքիան, Ադրբեջանը այսօր թուլացած ՀՀ-ից և իրենց շահերն սպասարկող իշխանություններից ցանկանում են պոկել ամեն ինչ։ Այս մասին լրագրողների հետ ճեպազրույցում ասաց ԱԺ «Հայաստան» խմբակցության քարտուղար Արծվիկ Մինասյանը՝ անդրադառնալով Թուրքիայի ԱԳՆ հայտարարությանը, որ հայ-թուրքական հարաբերությունների կարգավորման համար հատուկ ներկայացուցիչ պետք է նշանակվի երկու կողմերից էլ, և հարցին՝ ինչպե՞ս է ինքը՝ որպես ընդդիմության ներկայացուցիչ, վերաբերվում այս գործընթացին։ «Այս վտանգավոր միտումը, ի վերջո, տանելու մեր պետականության վերջնական կործանմանը։ Այս մարդիկ կա՛մ չեն գիտակցում, կա՛մ հատուկ են անում այդպես, որ մենք անընդհատ հայտնվենք թուրք-ադրբեջանական ճիրաններում»,-ասաց պատգամավորը։ Հարցին՝ ի՞նչ զարգացումներ եղան, որ Անկարայից նման հայտարարություն է հնչում, Մինասյանն արձագանքեց, թե այդ հարցը պետք է ուղղել իշխանություններին, քանի որ նրանք էին կառուցողական որակում Ադրբեջանի ղեկավարին, դրական ազդակներ էին ստանում Թուրքիայից։ «Ակնհայտ է, որ սա մեր ազգային նպատակներին չի ծառայելու»,-նշեց ընդդմիադիր խմբակցության քարտուղարը։ Հարցին՝ ՀՅԴ-ն դե՞մ է, որ ՀՀ-ն ու Թուրքիան փորձեն բարիդրացիական հարաբերություններ ձևավորել, Մինասյանն արձագանքեց․ «Եթե խոսքն առանց նախապայմանների հարաբերությունների հաստատման մասին է, բազմիցս ենք ասել, որ դրան համաձայն ենք։ Բայց երբ ասում ենք՝ բարիդրացիական, ու՞մ հետ բարիդրացիական՝ մի պետության, մի իշխանության, որն ուզում ոչնչացնե՞լ քեզ։ Իր հետ ի՞նչ բարիդրացիություն։ Դու պետք է միջազգային իրավունքի շրջանակներում քո իրավունքները պաշտպանես»,-ասաց նա՝ հարց հնչեցնելով՝ առանց ազգային իրավունքները պաշտպանելու, ազգին պատուհասած արհավիրքները ճանաչելու, հետևանքները վերացնելու ի՞նչ բարիդրացիական հարաբերություններ կարող են լինել։ «Եթե ձեր թշնամին, թեև ձեր հարևանն է, պատրաստ է ամեն օր և ամեն ժամ մորթել, ոչնչացնել ձեզ, ձեր տունը խլել ձեր ձեռքից, իր հետ ի՞նչ բարիդրացիություն եք ուզում»,-ասաց նա։ Ըստ Մինասյանի՝ մի բան հստակ է՝ սա նոր գործընթաց չէ, ինչու՞ էին Թուրքիան ու Ադրբեջանը մինչև պատերազմի սկիզբը հրաժարվում։ «Եթե իրենք այս գործընթացով հասնում են իրենց նպատակին, դա մեր շահերի՞ց է բխում։ Այսինքն՝ ՀՀ-ի, Արցախի, հայ ժողովրդի ոչնչացումն իրենց նպատակն է, և իրենք նման քայլ են իրականացնում, եթե ՀՀ իշխանությունը մի փոքր ազգային մտածողություն ունենա, չպե՞տք է գնահատի՝ ինչու են նրանք անպայման ուզում այս նպատակն իրականացնել»,-նշեց պատգամավորը։
13:05 - 14 դեկտեմբերի, 2021
Ընդդիմությունը պնդում է՝ հանձնաժողովի փոխնախագահի թեկնածուի վերաառաջադրման պահանջ չկա |armenpress.am|

Ընդդիմությունը պնդում է՝ հանձնաժողովի փոխնախագահի թեկնածուի վերաառաջադրման պահանջ չկա |armenpress.am|

armenpress.am: ՀՀ ազգային ժողովի ընդդիմությունը պնդում է, որ Պաշտպանության և անվտանգության հարցերի մշտական հանձնաժողովի նախագահի տեղակալի թեկնածուի վերաառաջադրման՝ օրենքով նախատեսված պահանջ չկա, Արթուր Ղազինյանի թեկնածությունը պահպանվում է: Այս մասին լրագրողների հետ զրույցում ասաց «Հայաստան» խմբակցության քարտուղար Արծվիկ Մինասյանը: Ընդդիմադիր երկու խմբակցությունները նոյեմբերի 30-ին հանդես էին եկել համատեղ հայտարարությամբ, մանրամասն գնահատական տվել ստեղծված իրավիճակին: «Արձանագրվել է, որ «Հայաստան» խմբակցությունն առաջադրել է թեկնածու, որի շուրջ ընդդիմությունը միասնական է: Եվ ոչ օրենքով, ոչ Սահմանադրությամբ որևէ ձևով պարտադրանք չկա, որ խմբակցությունը անընդհատ պետք  վերաառաջադրի: Ավելին՝ այդ հայտարարության մեջ արձանագրել ենք, որ վերաառաջադրման՝ օրենքով նախատեսված պահանջը չկա, հետևաբար այս թեկնածուն պահպանվում է այնքան ժամանակ, քանի դեռ քաղաքական մեծամասնությունն իր դիրքորոշումը չի փոխել»,- ասաց նա: «Հայաստան» խմբակցության քարտուղարն այդ նույն հայտարարությունն Անդրանիկ Քոչարյանին նաև գրավոր է ուղարկել: Քոչարյանն էլ գրավոր կերպով տեղեկացրել է, որ թեկնածուն պետք է առաջադրվի: Սակայն ընդդիմությունը պնդում է, որ կանոնակարգը չի պահանջում նման բան: Անդրանիկ Քոչարյանի հայտարարությունը, որ ընդդիմության կողմից չկա առաջադրված թեկնածու, ըստ Մինասյանի՝ չի համապատասխանում օրենքին:  «Թափուր պաշտոն առաջանալու դեպքում 5 օր հետո պետք է անցկացվի ընտրություն: Այս պաշտոնն ի սկզբանե թափուր է եղել, առաջադրումը եղել է օրենքի շրջանակում, և այդ առաջադրումը չի փոխվել: Ընդդիմությունը հայտարարությամբ վերահաստատել է, որ վերաառաջադրման անհրաժեշտություն չկա, նույն թեկնածուն է»,- ասաց Մինասյանը: Նա Անդրանիկ Քոչարյանին առաջարկեց մասնագիտական լուրջ թիմ հավաքել և վերլուծել օրենքի դրույթները: Ըստ ընդդիմության՝ իշխանությունը ցանկանում է վերցնել այդ պաշտոնը: «Չեն դիտարկում օրենքի որևէ դրույթ, ապա իրավական դաշտում համարժեք գնահատական կստանան: Սրանից հետո իրենք ինչ անեն, կդիտվի անօրինական գործողություն՝ բացառությամբ մեկ գործողության, որ նորից քվեարկության դնեն Արթուր Ղազինյանի թեկնածությունը»,- ասաց Մինասյանը:
13:00 - 14 դեկտեմբերի, 2021
Սա իրավաքաղաքական գնահատական է. Մինասյանը ներկայացրեց Ալեն Սիմոնյանի հրաժարականը պահանջելու հիմնավորումը |armenpress.am|

Սա իրավաքաղաքական գնահատական է. Մինասյանը ներկայացրեց Ալեն Սիմոնյանի հրաժարականը պահանջելու հիմնավորումը |armenpress.am|

armenpress.am: ՀՀ ազգային ժողովի ընդդիմադիր «Հայաստան» խմբակցությունն ԱԺ նախագահ Ալեն Սիմոնյանի հրաժարականի պահանջը ներկայացնում է որպես իրավաքաղաքական գնահատական: «Հայաստան» խմբակցության քարտուղար Արծվիկ Մինասյանը թեմային անդրադարձավ ԱԺ ճեպազրույցում: «Այս առաջարկը կրում է իրավաքաղաքական բնույթ»,-ասաց Մինասյանը: «Հայաստան» դաշինքն այս առաջարկով վերաբերմունք է ցուցաբերում ԱԺ նախագահի նկատմամբ, որը, ըստ ընդդիմության պատկերացրած չափանիշների, չի կարող իրականացնել ԱԺ նախագահի պարտականությունները: Անդրադառնալով հարցին, թե արդյոք մինչև ԱԺ նախագահի հրաժարականի հարցը օրակարգ բերելը քննարկե՞լ են դաշինքի ղեկավար, երկրորդ նախագահ Ռոբերտ Քոչարյանի հետ՝ Մինասյանն ասաց. «Ցանկացած կարևորագույն հարց քննարկման առարկա է դառնում դաշինքում»: Քննարկումներ իրականացվում են ինչպես դաշինքի մաս կազմող ՀՅԴ-ում, «Վերածնվող Հայաստան»-ում և երկրորդ նախագահի քաղաքական թիմում՝ առանձին-առանձին, այնպես էլ համատեղ: Անդրադառնալով հրաժարականի պահանջի հիմնավորումներին՝ Մինասյանն ասաց՝ ընդդիմությունը կարծում է, որ ԱԺ նախագահը միջազգային հարթության մեջ կատարում է հայտարարություններ, որոնք ռիսկեր են բերում արտաքին քաղաքականության համար: Որպես երկրորդ հիմնավորում նա մատնանշեց գերիների վերաբերյալ ԱԺ նախագահի հայտարարությունը, որը տարածում էր գտել համացանցում: Որպես երրորդ հիմնավորում Մինասյանը նշեց, թե ԱԺ նախագահը ԱԺ նիստերին լարվածություն է ստեղծում, չի կարևորում ԱԺ-ում կարգուկանոնը, քաղաքական ճիշտ մշակույթը, ներկայացուցչական ժողովրդավարության հիմնարար արժեքները:   Խմբակցությունը միևնույն ժամանակ գիտի՝ շատ հավանական է, որ այդ որոշման նախագիծը չընդունվի: Ավելի վաղ Ազգային ժողովի նախագահ Ալեն Սիմոնյանը հայտարարել էր, որ ԱԺ ներքին փաստաթղթաշրջանառության համակարգի միջոցով իրեն ուղարկվել է ընդդիմության կողմից շրջանառության մեջ դրված նախագիծ, որով պահանջում են իր հրաժարականը:
13:07 - 13 դեկտեմբերի, 2021
Արծվիկ Մինասյանն անդրադարձավ թուրքական ապրանքների ներկրման արգելքի հնարավոր երկարաձգման հարցին |armenpress.am|

Արծվիկ Մինասյանն անդրադարձավ թուրքական ապրանքների ներկրման արգելքի հնարավոր երկարաձգման հարցին |armenpress.am|

armenpress.am: ՀՀ ազգային ժողովի ընդդիմադիր «Հայաստան» խմբակցության քարտուղար Արծվիկ Մինասյանն անդրադարձավ Հայաստան թուրքական ծագման վերջնական սպառման ապրանքների ներկրման արգելքի վերաբերյալ հարցին: Մինասյանն ԱԺ ճեպազրույցում, մասնավորապես, հիշեցրեց, որ դեռևս տարիներ առաջ այս նախաձեռնության հեղինակը եղել է նախկին՝ իրենց կառավարությունը: Նա կարևորեց արգելքը այն ապրանքների մասով, որոնք Հայաստանում արտադրելու հնարավորություն կա, զուգահեռ տեղական արտադրողներին աջակցությունը, որ կարողանան համարժեք և առավել առաջանցիկ տեմպերով նման որակի ապրանքների արտադրությունը կազմակերպել: Մինասյանը գործող կառավարության իրականացրածը համարեց մասնակի, թերի: «Միայն ֆորմալ կամ անվանական սահմանափակումը բավարար չէ, որ այն հիմնարար նպատակին հասնենք: Ուստի, եթե ամբողջական դառնա փաթեթը, այն օգտակար կարող է լինել»,- ասաց պատգամավորը: Սակայն Մինասյանը թերահավատորեն է վերաբերվում, որ կառավարությունը դա լիարժեքորեն կանի:
12:09 - 13 դեկտեմբերի, 2021
«Հայաստան» խմբակցությունն առաջարկում է գերիների հարազատների մասնակցությամբ ԱԺ-ում լսում անցկացնել |armenpress.am|

«Հայաստան» խմբակցությունն առաջարկում է գերիների հարազատների մասնակցությամբ ԱԺ-ում լսում անցկացնել |armenpress.am|

armenpress.am: ՀՀ ազգային ժողովի ընդդիմադիր «Հայաստան» խմբակցությունն առաջարկում է գերիների հարցով լսում անցկացնել՝ հրավիրելով ինչպես գերիների, անհետ կորած համարվող անձանց հարազատներին, այնպես էլ պատկան մարմինների ներկայացուցիչներին: Այս մասին ԱԺ դեկտեմբերի 8-ի նիստում ասաց խմբակցության քարտուղար Արծվիկ Մինասյանը: «Նկատի առնելով երեկվանից գերիների, անհետ կորածների հարազատների պահանջներն ու վրդովմունքը, ԱԺ շենքի հարակից տարածքում մեր հայրենակիցների հավաքը՝ առաջարկում ենք կոնսենսուսով որոշում կայացնել այսօր՝ կառավարության հետ հարցուպատասխանից հետո անցկացնել լսում՝ հրավիրելով Նիկոլ Փաշինյանին, պաշտպանության նախարարին, ԱԱԾ տնօրենին, արտաքին գործերի նախարարին, ինչպես նաև հարազատների ներկայացուցիչներին՝ հնչեցվող հարցերին պատասխաններ տալու համար»,- ասաց Մինասյանը: Պատգամավորը նշեց՝ հայրենակիցները բազմաթիվ հարցեր են հնչեցնում, և հիմա դա շատ իրական հնարավորություն է, որ այստեղ բոլոր հարցերին պատասխաններ տրվեն: Հիշեցնենք, որ երեկ՝ դեկտմբերի 7-ին, գերիների ու անհետ կորածների ծնողները հավաքվել էին Կառավարության շենքի դիմաց և պահանջում էին Ալեն Սիմոնյանի հետ հանդիպում։ Նշենք, որ երեկ մամուլում տարածվել էր տեսանյութ, որտեղ ԱԺ նախագահ Ալեն Սիմոնյանը մի անձի հետ խոսելիս անդրադառնում է գերիների թեմային՝ երկխոսության ընթացքում ասելով․ «Ես էդ գերիներին համարում եմ, որ արդեն իրանք չկան, իմ համար չկան։ Իսրայելը, երբ որ տեռորիստը վերցնում է ինքնաթիռ, ինքը տեռորիստի հետ չի բանակցում, ինքը խփում ա էդ ինքնաթիռը։ Իսկ գիտե՞ք՝ էդ գերիները ովքեր են։ էն մարդիկ են, որոնք զենքը դրել և փախել և մոլորվել են։ Ես սա բարձր չեմ կարող ասել։ Ձեզ չի՞ հետաքրքրում՝ ինչի՞ էդ գերիների ծնողները հիմա ակտիվ չեն։ Որովհետև էդ մարդիկ գիտեն, որ էդ մարդիկ դասալքություն են արել, իրանք զենքը դրել և փախել են, հայտնվել են գերության մեջ»։
10:38 - 08 դեկտեմբերի, 2021
«Հայաստան» հիմնադրամի գումարները չարաշահողները բացահայտվելու և պատժի են ենթարկվելու. Արծվիկ Մինասյան |tert.am|

«Հայաստան» հիմնադրամի գումարները չարաշահողները բացահայտվելու և պատժի են ենթարկվելու. Արծվիկ Մինասյան |tert.am|

tert.am: Եթե քննիչ հանձնաժողովը վերջում եզրակացնի, որ «Հայաստան» հիմնադրամի` բյուջե փոխանցված միջոցները եղել են արդարացված, անկախ քաղաքական տարաձայնություններից, հայտարարելո՞ւ եք,  որ խնդիր գոյություն չի ունեցել և վերականգնել հիմնադրամի հանդեպ վստահությունը։ Այս մասին հարց ուղղելով հանձնաժողովի նախագահ, «Հայաստան» խմբակցության պատգամավոր Արծվիկ Մինասյանին, ասաց իշխող խմբակցության պատգամավոր Բաբկեն Թունյանը։ Ի պատասխան| Արծվիկ Մինասյանը նշեց․«Բոլոր այն մարդիկ, ովքեր ակնկալում են այս հանձնաժողովից արդյունավետ աշխատանք, երբեք կասկածներ չպետք է ունենան հանձնաժողովի աշխատանքների հետ կապված։ Այո, ես որպես հանձնաժողովի նախագահ հրապարակային ասում եմ` մեր նպատակը ճշմարտությունը վեր հանելն է, հաստատել կամ հերքելը միջոցների օգտագործման օրինականությունը։  Եթե կան չարաշահումներ, ապա պատշաճ ընթացք ենք տալու մեղավորներին բացահայտելու և պատժի ենթարկելու համապատասխան վարույթներ հարուցելուն, անելու ենք ամեն ինչ, որ  վերականգվեն անարդյունավետ կամ ապօրինի օգտագործված գումարները, ինչպես նաև  ՀՀ խաթարված հեղինակությունը։ Ի վերջո «Հայաստան» հիմնադրամը Հայաստանի անկախության տարիների պատմության մեջ ամենակայացած ինստիտուտներից մեկն է եղել»։
17:41 - 30 նոյեմբերի, 2021