Աղվան Վարդանյան

Աղվան Վարդանյանն 8-րդ գումարման Ազգային ժողովի «Հայաստան» խմբակցության պատգամավոր է։

Ծնվել է 1958թ. հոկտեմբերի 7-ին Նախիջևանում: 1982թ. ավարտել է ԵՊՀ բանասիրական ֆակուլտետը:

1991-93թթ. եղել է «Երկիր» օրաթերթի գլխավոր խմբագիր, 1996-98թթ.՝ «Երևան» տեղեկատվական-վերլուծական կենտրոնի ղեկավար:

1990-93թթ. եղել է Հայաստանի գրողների միության քարտուղար, 2003-2008թթ.՝ ՀՀ աշխատանքի և սոցիալական հարցերի նախարար:

1990-2018թթ. եղել է ՀՅԴ անդամ: 2018-ի մայիսին հեռացվել է կուսակցությունից։

Ընտրվել է ՀՀ ԱԺ 2-րդ, 3-րդ, 4-րդ, 5-րդ, 6-րդ գումարումների պատգամավոր: Եղել է ԱԺ ՀՅԴ խմբակցության ղեկավար եւ քարտուղար:

2021թ. հունիսի 20-ին ԱԺ պատգամավոր է ընտրվել «Հայաստան» կուսակցությունների դաշինքի համապետական ընտրական ցուցակով:

 

«Ինչպե՞ս կարելի է չցավակցել Իրանին, իսկ Թուրքիայի հետ սիլի-բիլի անել»․ Աղվան Վարդանյան
 |news.am|

«Ինչպե՞ս կարելի է չցավակցել Իրանին, իսկ Թուրքիայի հետ սիլի-բիլի անել»․ Աղվան Վարդանյան |news.am|

news.am: ԱԺ «Հայաստան» խմբակցության պատգամավոր Աղվան Վարդանյանի համար անհասկանալի է՝ ինչու Հայաստանը Իրանում տեղի ունեցած երկրաշարժի առնչությամբ ցավակցական ուղերձ չհղեց, իսկ հիմա Թուրքիա փրկարարներ են ուղարկում: «Երկրաշարժ եղավ նաեւ Իրանում, ես չեմ հիշում, որ նրանք նույնիսկ ցավակցական մի բան ասեին Իրանի վերաբերյալ: Սա ի՞նչ է նշանակում, նշանակում է, որ այս մարդիկ կուլ են գնացել, տրվել են, հանձնվել են, պատրաստ են չորս կողմի վրա պտտվել ու հանձնվել», - ԱԺ-ում լրագրողների հետ զրույցում ասաց Վարդանյանը: «Ինչպե՞ս կարելի է Իրանին չցավակցել, Թուրքիային ցավակցել, ինչպե՞ս կարելի է Թուրքիայի մասին ասել ամենավերջին բաները, իսկ հետո սկսել սիլի-բիլի անել Թուրքիայի հետ», - հավելեց Վարդանյանը: Հիշեցմանը, որ նախկին իշխանություններն էլ 2012-ին Թուրքիա օգնություն են ուղարկել երկրաշարժից տուժածներին, Աղվան Վարդանյանն ասաց, որ ինքը դեմ չէ հումանիտար օգնությանն ու փրկարարներին Թուրքիա ուղարկելուն, բայց չի կարելի այսօր մի բան ասել, հետո մեկ այլ քայլ անել։ «44-օրյա պատերազմի ժամանակ Թուրքիայի մասնակցության մասին տասնյակ հարցազրույցներ է տվել ու Թուրքիայի մասին ինչ ասես չի ասել: Դրանից հետո, երբ սկսեցինք իբր թե Ադրբեջանի հետ խաղաղություն խաղալ, սկսեցին իբր Թուրքիային սիրաշահել, որ Թուրքիայի միջոցով խաղաղություն հաստատեն: տեսակն է իրենց այդպիսին, զիջող են, ապիկար են, անկարող են»,-ասաց նա:
15:44 - 08 փետրվարի, 2023
Երկու լավ նորություն ունեմ․ առաջինը՝ ապաշրջափակվելու ենք, երկրորդ լավ նորությունը՝ ՔՊ չի լինելու․ Աղվան Վարդանյան
 |news.am|

Երկու լավ նորություն ունեմ․ առաջինը՝ ապաշրջափակվելու ենք, երկրորդ լավ նորությունը՝ ՔՊ չի լինելու․ Աղվան Վարդանյան |news.am|

news.am: Արտակարգ դատարաններից, ձեր մեքենաների արագությունից թույլ տվեք ձեզ բերել իրական օրակարգ. Արցախը շրջափակված է, Քարվաճառը հանձված է, երկրորդ ճանապարհ չկա: Այս մասին այսօր՝ դեկտեմբերի 23-ին, ԱԺ արտահերթ նիստում մի քանի նախագծերի քննարկումից հետո ունեցած ելույթում ասաց «Հայաստան» խմբակցության պատգամավոր Աղվան Վարդանյանը։ «ՔՊ–ի խոստացած երրորդ՝ Կապան–Ջրական ճանապարհը, կարծեմ, չի կառուցվել, հիմա էլ փակ է Բերձոր–Լաչին միջանցքը, որը, կարծեմ, նախկիններն են բացել։ Ծայրահեղ սահմանային իրավիճակ: Նոր բան չէ,  90–92–ին էլ էր Արցախը շրջափակված բոլոր կողմերից, Հայաստանի հետ միակ կապն ուղղաթիռն էր․ բայց կա մի աննշան տարբերություն՝ այն ժամանակ և՛ Արցախում, և՛ ՀՀ–ում իշխանություն կար, երկուսի նպատակը նույնն էր՝ անկախ պետականություն և Արցախ, Արցախն իբր անկախ պետականության հիմք։ Հիմա Հայաստանում ՔՊ իշխանությունն է, առանց պետական մտածողության, առանց Արցախի, իշխանություն՝ իշխանության համար»,–ասաց պատգամավորը։ Նրա խոսքով՝ Արցախում նույն վիճակն է, կամ սրա ածանցյալը նաև խառն են. «Չկա համախմբում, չկա քաղաքական–պետական կամք՝ ճգնաժամը հանգուցալուծելու: Միակ քաղաքականութունը խնդրել ուրիշներին, որ մեր օգտին մի բան անեն․ մուրացկանություն: Մուրացկանին չեն հարգում, խղճում են, օգնեն էլ, մուրացկան է մնում: Այսինքն, պետություն չկա, որ պարտադրի, որ իր շահը դարձնի այլոցը շահը։ Հարգելի խորհրդարան, բայց երկու լավ նորություն ունեմ․ առաջին՝ ինչպես 90–ականներին՝ ապաշրջափակվելու ենք բոլոր առումներով, Հայաստանը, Արցախը տարածաշրջանում գործոն են դառնալու,  երկրորդ լավ նորությունը՝ ՔՊ չի լինելու»,–եզրափակեց Վարդանյանը։
12:08 - 23 դեկտեմբերի, 2022
Նվազագույն աշխատավարձը 7 հազար դրամով բարձրացնելը լուծում չէ, պետք է ինդեքսավորում անել. Թադեւոս Ավետիսյան |news.am|

Նվազագույն աշխատավարձը 7 հազար դրամով բարձրացնելը լուծում չէ, պետք է ինդեքսավորում անել. Թադեւոս Ավետիսյան |news.am|

news.am: Նվազագույն աշխատավարձի 7 հազար դրամով կամ 10 տոկոսով բարձրացումը ոչ միայն ուշացած է, այլեւ ոչ համարժեք ահագնացող գնաճի ֆոնին: Այս մասին, այսօր՝ նոյեմբերի 16-ին, ԱԺ-ում հայտարարեց «Հայաստան» խմբակցության պատգամավոր Թադեւոս Ավետիսյանը: «Իրական լուծումը ոչ թե նվազագույն աշխատավարձը 7 հազար դրամով բարձրացումն է, այլ նվազագույն աշխատավարձի ինդեքսավորումը, որի նախագիծը մերժվել է քաղաքական մեծամասնության կողմից: Մինչեւ հիմա արձանագրված գնաճը նվազագույն սպառողական զամբյուղի արժեքը բարձրացրել է առնվազն երկու անգամ ավել 2020-ի հունվարի 1-ից հետո, երբ չի բարձրացել նվազագույն աշխատավարձը: Գնաճի բոլոր նախադրյալները կան. մինչեւ հաջորդ տարվա ավարտը զամբյուղի եւ նվազագույն աշխատավարձի ձեր առաջարկած չափի տարբերությունը լինելու է շուրջ երեք անգամ: Այսինքն նվազագույն զամբյուղը բարձրանալու է մինչեւ 80-85 հազար, իսկ դուք առաջարկում եք 75 հազար դրամ: Այնպես որ, սա լուծում չէ, դրա համար մենք քվեարկեցինք ձեռնպահ»,-ասաց նա: ՔՊ-ական Բաբկեն Թունյանն էլ արձագանքեց. «Մեր ընդդիմադիր գործընկերները բոլոր հնարավորություններն ունեին անցած ամիսներին թե հանձնաժողովների նիստերի, թե քննարկումների ժամանակ իրենց  առաջարկությունները ներկայացնեին: Հույս ունեմ, որ հետագայում այդ աշխատաոճը եւ հարցերը կքննարկվեն այն տեղում, որտեղ պետք է քննարկվեն»: «Հայաստան» խմբակցությունից Աղվան Վարդանյանը հակադարձեց՝ հիշեցնելով, որ իրենք երկու անգամ հանդես են եկել օրենսդրական նախաձեռնությամբ. «Դուք նույնիսկ չեք քվեարկել, որ այդ հարցերը մտնեն օրակարգ, երբ առաջարկում էինք 2023 թվականից այն դարձնել 80 հազար դրամ»: Այդուհանդերձ, նախագիծն ընդունվեց, որին կողմ քվեարկեց 68, ձեռնպահ՝ 27 պատգամավոր: Այդ նախագծով նախատեսվում է նվազագույն աշխատավարձը 68 հազար դրամի փոխարեն սահմանել 75 հազար դրամ:
11:11 - 16 նոյեմբերի, 2022
Հիմա փողոցում ժամանկավոր դադար է, եւ մենք լիարժեք օգտագործելու ենք այս գործիքակազմը. Աղվան Վարդանյան |news.am|

Հիմա փողոցում ժամանկավոր դադար է, եւ մենք լիարժեք օգտագործելու ենք այս գործիքակազմը. Աղվան Վարդանյան |news.am|

news.am: Հարգելի խորհրդարան, այս իշխանության անդամներ, մենք այստեղ ենք եւ դուք ստիպված եք համակերպվել այս փաստի հետ: Այս մասին այսօր՝ նոյեմբերի 15-ին, ԱԺ-ում հայտարարեց «Հայաստան» խմբակցության պատգամավոր Աղվան Վարդանյանը՝ անդրադառնալով նրան, որ երկար դադարից հետո ընդդիմությունը վերադարձել է խորհրդարան: Նա նաեւ նշեց. «Սա Հայաստանի ԱԺ-ն է, նաեւ մեզ այստեղ գործուղած քաղաքացիների Ազգային ժողովը: Ձեր սեփականությունը չէ: Հարգելի ժողովուրդ, երկար ժամանակ բոյկոտել ենք նիստերը, որովհետեւ փողոցում էինք պայքարում այս իշխանության կործանարար քաղաքականության դեմ: Հիմա փողոցում դադար է ժամանակավոր, եւ մենք լիարժեք օգտագործելու ենք այս գործիքակազմը: Մենք այստեղ ենք մեր օրակարգով՝ Հայաստանի եւ Արցախի մեր քաղաքացիներին հուզող կարեւորագույն հարցերի օրակարգով: Հայ ժողովրդի համար այս դժվար ժամանակներում այս իշխանությունը սպառնալիք է պետականության եւ հայկականության համար: Այս իշխանությամբ Հայաստանն ու Արցախը ապագա չունեն, ապագա  չունի մեր ժողովուրդը: Մենք այստեղ ենք՝ թույլ չտալու, որ կործանարար ընթացքն անշրջելի դառնա»:
10:14 - 15 նոյեմբերի, 2022
Աղվան Վարդանյանը հայտարարեց՝ ընդդիմությունը լավ չի աշխատել, լայն հանրային աջակցություն չի ապահովել, սակայն չի համակերպվելու


 |armenpress.am|

Աղվան Վարդանյանը հայտարարեց՝ ընդդիմությունը լավ չի աշխատել, լայն հանրային աջակցություն չի ապահովել, սակայն չի համակերպվելու |armenpress.am|

armenpress.am: ՀՀ ազգային ժողովի ընդդիմադիր «Հայաստան» խմբակցության պատգամավոր Աղվան Վարդանյանը հայտարարեց, որ ընդդիմությունն իշխանությանը հեռացնելու պայքարում լավ չի աշխատել, լայն հանրային աջակցություն չի ստացել, բայց չեն հարմարվելու, շարունակելու են պայքարը: Վարդանյանը նման տեսակետ հայտնեց խորհրդարանական ճեպազրույցում: Աղվան Վարդանյանը նախ անդրադարձավ իշխանությանը: Նա իշխանությանը, երկրի ղեկավարին մեղադրեց մի շարք հարցերում, այդ թվում երկրում «միակուսակցականություն» ստեղծելու փորձի, պատերազմի, Արցախի հարցում «զիջումների», տարբեր ուժային կառույցների պարգևավճարներ տալու և շատ այլ հարցերում: Ապա հարցրեց, թե ինչո՞ւ երկրի ղեկավարը չի հեռանում: Նա նաև անդրադարձավ իշխանությանը հեռացնելու համար իրենց պայքարին: «Մեղավոր ենք, չենք կարողացել, փորձել ենք, անձնազոհության ենք գնացել, բայց լայն հանրային աջակցություն չենք ապահովել, ուրեմն լավ չենք աշխատել: Հիմա էլ դժվար որոնումների մեջ ենք, վստահ եղեք՝ չենք համակերպվելու, հեռացնելու ենք: Մեղադրեք մեզ, բայց նաև մտածեք, թե դուք ինչ եք արել»,-ասաց Վարդանյանը: Նա վստահեցրեց, որ այդտեղ իշխանության պայքարի հարց չկա, պետության, հայկական ինքնության, արժանապատվության հարց է, իրենց օրակարգն է անվտանգությունը, բանակը, ներքին համախմբումը, հավասարակշռված արժանապատիվ արտաքին քաղաքականությունը: «30 տարի Արցախն ազգային գաղափար էր, հիմա էլ պետք է լինի, նաև պետականությունն ու հայկական ինքնությունը: Մենք շարունակելու ենք, Արցախը, սփյուռքը պետք է շարժվեն»,-նշեց պատգամավորը:
13:24 - 10 հոկտեմբերի, 2022
«Դիմադրություն» շաժման ներկայացուցիչները Արցախում հանդիպել են խմբակցությունների, Արցախի պաշտոնաթող նախագահների հետ

«Դիմադրություն» շաժման ներկայացուցիչները Արցախում հանդիպել են խմբակցությունների, Արցախի պաշտոնաթող նախագահների հետ

«Դիմադրություն» շաժման ներկայացուցիչները հունիսի 21-23-ը եռօրյա այցով գտնվել են Արցախի Հանրապետությունում, հանդիպումներ ունեցել քաղաքական ուժերի, ԱՀ Ազգային Ժողովի բոլոր խմբակցությունների, պետական կառույցների ներկայացուցիչների և ԱՀ պաշտոնաթող նախագահների հետ: Այս մասին հայտնում են «Հայաստան» դաշինքից։ ՀՀ ԱԺ փոխնախագահ Իշխան Սաղաթելյանը, պատգամավորներ Տիգրան Աբրահամյանը, Աղվան Վարդանյանը, Արամ Վարդեւանյանը, Արթուր Սարգսյանը եւ Գեղամ Մանուկյանը Արցախի ԱԺ պատգամավորների հետ այցելել են Ասկերանի, Մարտակերտի եւ Մարտունու շրջաններ, հանդիպել բնակիչների, ՏԻՄ ղեկավարների հետ: Առանձին հանդիպում է կայացել նաև Ստեփանակերտի քաղաքապետարանում՝ մայրաքաղաքի վարչական ղեկավարության, աշխատակազմի, կրթական ու մշակութային հաստատությունների տնօրենների մասնակցությամբ:Հանդիպումների ընթացքում «Դիմադրություն» շարժման համակարգող Իշխան Սաղաթելյանը ներկայացրել է շարժման ընթացքը, մարտահրավերներն ու առաջիկա անելիքները:Ընդգծվել է, որ «Դիմադրություն» շարժման՝ առավել համահայկական ու ընդգրկուն դարձնելու համատեքստում առանցքային տեղ ունի Արցախի Հանրապետությունը։Պայմանավորվածություններ են ձեռք բերվել, որ հակառակ Հայաստանի օրվա իշխանությունների՝ Արցախի Հանրապետության հետ ողջամիտ ու պատշաճ փոխգործակցության բացակայությանը, պետք է իրականացվեն համատեղ ծրագրեր եւ փոխայցելություններ։Վերահաստատվել է, որ Արցախի իշխանությունների և ժողովրդի համար ուղենիշ է մնում 2022 թվականի ապրիլի 14-ին ԱՀ ԱԺ-ի կողմից միաձայն ընդունված հայտարարությունը, որում ամրագրվել են Արցախի ապագայի շուրջ առանցքային սկզբունքներն ու կարմիր գծերը:
14:47 - 23 հունիսի, 2022
Նվազագույն աշխատավարձը 80 հազար դրամ դարձնելու «Հայաստան» խմբակցության նախագիծը չմտավ նստաշրջանի օրակարգ |news.am|

Նվազագույն աշխատավարձը 80 հազար դրամ դարձնելու «Հայաստան» խմբակցության նախագիծը չմտավ նստաշրջանի օրակարգ |news.am|

news.am: Ազգային ժողովն այսօր՝ ապրիլի 12-ին, քվեարկությամբ մերժեց նստաշրջանի օրակարգ մտցնել «Նվազագույն աշխատավարձի մասին» օրենքում փոփոխություններ կատարելու մասին օրենքի նախագիծը, որը նախաձեռնել էր ընդդիմադիր «Հայաստան» խմբակցությունը: Օրինագծի հեղինակ «Հայաստան» խմբակցության պատգամավոր Աղվան Վարդանյանը նախագծով առաջարկում էր նվազագույն աշխատավարձը 68 հազար դամից հասցնել 80 հազար դրամի՝ հաշվի առնելով հանրապետությունում  արձանագրված գնաճը: Նա քվեարկությունից առաջ հրաժարվեց ելույթ ունենալ, իսկ ՔՊ խմբակցության ղեկավար Հայկ Կոնջորյանը հայտարարեց, որ իրենք դեմ են քվեարկելու: Հիշեցնենք, որ ԱԺ սոցիալական հարցերի մշտական հանձնաժողովը նախորդ շաբաթ բացասական եզրակացություն էր տվել այս նախագծին:
11:47 - 12 ապրիլի, 2022
Ընդդիմությունն առաջարկում է նվազագույն աշխատավարձը դարձնել 80 հազար. ԱԺ հանձնաժողովը հավանություն չտվեց |armenpress.am|

Ընդդիմությունն առաջարկում է նվազագույն աշխատավարձը դարձնել 80 հազար. ԱԺ հանձնաժողովը հավանություն չտվեց |armenpress.am|

armenpress.am: ՀՀ ազգային ժողովի աշխատանքի և սոցիալական հարցերի մշտական հանձնաժողովը բացասական եզրակացություն տվեց «Հայաստան» խմբակցության ներկայացրած օրենքի նախագծին, որով առաջարկվում  նվազագույն աշխատավարձը 68 հազարից բարձրացնել՝ դարձնելով 80 հազար դրամ: «Նվազագույն ամսական աշխատավարձի մասին» Հայաստանի Հանրապետության օրենքում փոփոխություններ կատարելու մասին օրենքի նախագիծն ԱԺ նիստում ներկայացրեց խմբակցության պատգամավոր Աղվան Վարդանյանը: Վարդանյանը հիշեցրեց, որ «Հայաստան» խմբակցությունը մեկ անգամ ևս առաջարկել էր նվազագույն ամսական աշխատավարձի բարձրացում, սակայն առաջինը լիագումար նիստերի օրակարգում չի ընդգրկվել, հանձնաժողովում ստացել էր բացասական եզրակացություն: «Նախագիծը լրամշակվել է: Ներկայացված նախագծով առաջարկվում է նվազագույն աշխատավարձը սահմանել 80 հազար դրամ: Փոփոխություններ են կատարվում նաև ժամավարձով վարձատրվող աշխատակիցների համար, փոփոխվում են ժամային տարիֆային դրույքի նվազագույն չափերը»,-ասաց Վարդանյանը՝ առաջարկելով, որ կարգավորումը ուժի մեջ մտնի 2023-ի հունվարից: Կառավարությունից նշել էին, որ փոփոխությունները հղի են մի շարք վտանգներով՝ չձևակերպված զբաղվածություն, սպառողական գների, բյուջետային ծախսերի, բիզնեսի վրա հարկային բեռի աճ: Ըստ Վարդանյանի՝ առկա հնարավոր ռիսկերը հակակշռվում են բազմաթիվ այլ դրական փոփոխություններով: «Հատկապես այս փուլում, երբ վերջին 2-3 տարիներին ունենք գնաճի բավականին բարձր ցուցանիշներ, պարտավոր ենք որպես ԱԺ, որպես պատգամավորներ մտածել մեր հարյուր հազարավոր քաղաքացիների մասին, որոնց գնողունակությունը կտրուկ անկում է ապրել»,-ասաց պատգամավորը: «Քաղաքացիական պայմանագիր» խմբակցության պատգամավոր Հերիքնազ Տիգրանյանը հետաքրքրվեց, թե արդյոք այս կարգավորմամբ միայն մասնավոր հատվածի նվազագույն աշխատավարձի վրա՞ են դրականորեն ազդում, իսկ հանրային ծառայության աշխատավարձերը կապված են բազային աշխատավարձի հետ, և նախագծով բազային աշխատավարձի փոփոխություն չի՞ ենթադրվում: «Բնականաբար սա ենթադրելու է նաև Հանրային ծառայության ոլորտում որոշակի փոփոխություն»,- պատասխանեց Վարդանյանը: ՀՀ աշխատանքի և սոցիալական հարցերի փոխնախարար Ռուբեն Սարգսյանը ներկայացրեց կառավարության եզրակացությունը: Նա հիշեցրեց, որ կառավարության 2021-2026 թթ ծրագրով նախատեսված է մինչև 2026թ ձեռնարկել քայլեր՝ աշխատավարձը մինչև 85 հազար սահմանելու համար: «Նվազագույն աշխատավարձի բարձրացումը պետք է ուղեկցվի համապատասխան տնտեսական հնարավորությամբ` որպես լրացուցիչ ծախսի ֆինանսավորման աղբյուր»,-ասաց նա: Ըստ փոխնախարարի՝ պատգամավորի ներկայացրած նախագծում բացակայում են տնտեսական հիմնավորվածության տեսանկյունից վերլուծությունները: Նրա խոսքով՝ նվազագույն ամսական աշխատավարձի չհիմնավորված բարձրացումը կարող է հանգեցնել ՀՆԱ-ի և զբաղվածության մակարդակի նվազմանը, ինչը կարող է բերել նաև գնաճի ճնշումների: Ներկայացված նախագիծն առաջարկում է 17 տոկոսով բարձրացնել նվազագույն աշխատավարձի չափը: «Մեր կանխատեսումներով՝ այս նախագծի ընդունման դեպքում պետբյուջեի ծախսը կավելանա տարեկան կտրվածքով շուրջ 99.1 մլրդ դրամի չափով»,-նշեց փոխնախարարը՝ հորդորելով անփոփոխ թողնել օրենքը: Երկար քննարկումից հետո նախագիծը հանձնաժողովում ստացավ բացասական եզրակացություն:
13:26 - 05 ապրիլի, 2022
Աղվան Վարդանյանն առաջարկեց ազատել գրքերի տպագրությունը ԱԱՀ-ից․ նախագիծը չընդգրկվեց նիստերի օրակարգ |armenpress.am|

Աղվան Վարդանյանն առաջարկեց ազատել գրքերի տպագրությունը ԱԱՀ-ից․ նախագիծը չընդգրկվեց նիստերի օրակարգ |armenpress.am|

armenpress.am: «Հայաստան» խմբակցության պատգամավոր Աղվան Վարդանյանն առաջարկեց գրքերի տպագրությունը և դրա համար անհրաժեշտ նյութերի ներմուծումը ազատել ավելացված արժեքի հարկից։ Աղվան Վարդանյանը նշեց, որ օրենքի նպատակը ընթերցանության, կրթվածության խթանումն է, հրատարակչական գործին աջակցելը։ «Կարծում եմ մեր հիմնական խնդիրներից մեկը հենց գրքի, ընթերցանության հանդեպ վերաբերմունքն է և ,կարծում եմ, սա միայն կբարելավի խնդիրը։ Ուզում եմ տեղեկացնել պատգամավորներին, որ աշխարհի շուրջ 30 երկրներում, ինչպիսիք են օրինակ Կանադան, Լիբանանը, Հորդանանը, Մեծ Բրիտանիան, Ուկրաինան, Նորվեգիան, Հարավային Ամերիկայի երկրները, գրքերի համար սահմանել են զրո տոկոս ավելացված արժեքի հարկ, իսկ մի շարք երկրներում, ինչպես օրինակ Սինգապուրը, Ճապոնիան, Թայլանդը, Իռլանդիան, Բելգիան, Կիպրոսը, տպագրված գրքերի համար սահմանված է ավելացված արժեքի հարկի արտոնություն նվազման դրույքաչափի կիրառման միջոցով։ Նույն իրավիճակն է մեր հարևան երկրներում Թուրքիայում սահմանված է 8 տոկոս ավելացված արժեքի հարկ, Վրաստանում ու Ադրբեջանում նույնպես արտոնություններ են սահմանված»,- ասաց Վարդանյանը։ Պատգամավորի խոսքով՝ նախագիծը քննարկվել է Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովում, սակայն իշխող «Քաղաքացիական պայմանագիր» խմբակցությունը ձեռնպահ է  քվեարկել, և այդ առումով նախագիծը բացասական եզրակացություն է ստացել։ «Հույս ունեմ խորհրդարանը կկարևորի գրքի հանդեպ վերաբերմունքը, մեր հասարակության կրթվածության մակարդակի բարձրացումը և այս հարցը կընդգրկի օրակարգ»,- հավելեց Վարդանյանը։ Նախագծի հարակից զեկուցող, «Քաղաքացիական պայմանագիր» խմբակցության պատգամավոր Թագուհի Ղազարյանը նշեց, որ Հայաստանում ևս կան արտոնություններ գրահրատարակչական ոլորտում, և գրքերի մի մասը, օրինակ՝ մանկական գրականությունը, ուսումնամանկավարժական ձեռնարկները, ազատված են հարկերից։ «Նախագծով առաջարկվում է նաև գեղարվեստական ու հրապարակախոսական գրականությունը ազատել հարկերից, սակայն նախագծի երկրորդ հատվածը էլ ավելի խնդրահարույց է, որտեղ առաջարկվում է ներկրվող հումքը ազատել հարկերից, ինչը մեր կարծիքով, շատ դժվար է տարորոշել։ Եթե ավելի գործնական լինի բացատրությունը, գուցե,  դիտարկենք։ Դժվար է որոշել, թե օրինակ այն թուղթը, որը ներմուծվում է Հայաստանի Հանրապետություն, հրատարակչական է, թե օրինակ բուկլետ կամ անձեռոցիկ պատրաստելու համար է»,- ասաց Ղազարյանը։ Պատգամավորը առաջարկեց  դեմ քվեարկել նախագիծը լիագումար նիստում քննարկելու առաջարկին։ Աղվան Վարդանյանն իր հերթին խնդրեց Ղազարյանին սխալ գնահատականներ չտալ օրենսդրական նախաձեռնությանը։ «Տեղեկացնեմ խորհրդարանին, որ տիկին Ղազարյանը հիմնականում խոսեց նախագծի խնդրահարույց երկրորդ կետի վերաբերյալ՝ հումքի ներմուծման ապրանքները ևս ազատել ԱԱՀ-ից։ Տեղեկացնում եմ, որ հանձնաժողովի նիստում քննարկման ժամանակ առաջարկել եմ, որ եթե իրենք հարցեր են տեսնում, պատրաստ եմ երկրորդ կետը հանել և թողնել միայն գրքերի համար ԱԱՀ-ի հանումը, բայց, ցավոք, հանձնաժողովը դրան չարձագանքեց»,- ասաց Վարդանյանը։ Նախագիծը լիագումար նիստի օրակարգ չընդգրկվեց, 60 պատգամավոր «դեմ» քվեարկեց առաջարկին, 30-ը՝ «կողմ», 1 պատգամավոր «ձեռնպահ» էր։
11:11 - 22 մարտի, 2022
Ազգային ժողովը քննարկում է դրոշի առավելագույն հանրայնացմանն ուղղված նախագիծը |1lurer.am|

Ազգային ժողովը քննարկում է դրոշի առավելագույն հանրայնացմանն ուղղված նախագիծը |1lurer.am|

1lurer.am: Ազգային ժողովը քննարկում է «Հայաստան» խմբակցության պատգամավոր Աղվան Վարդանյանի հեղինակած ««Հայաստանի Հանրապետության դրոշի մասին» ՀՀ օրենքում լրացում և փոփոխություններ կատարելու մասին» և «Վարչական իրավախախտումների վերաբերյալ Հայաuտանի Հանրապետության օրենսգրքում լրացումներ կատարելու մասին» օրինագծերի փաթեթն առաջին ընթերցմամբ ընդունելու հարցը: «Հիմնական նպատակը դրոշի առավելագույն հանրայնացումն է, պետականության հանդեպ քաղաքացիների, հատկապես երեխաների ու երիտասարդների հարգալից վերաբերմունքի ամրապնդումն է: ՀՀ-ում, ցավոք, չի ձևավորվել լայնամասշտաբ գործածման պրակտիկա, ինչը վկայում է պետությունից և նրա խորհրդանիշներից բնակչության որոշակի օտարվածության մասին»,- ասաց Վարդանյանը: Առաջարկվում է ընդլայնել դրոշի գործածման տարածքները և կրթական, գիտական, մշակութային, սպորտային բոլոր կազմակերպությունների, ինչպես նաև պետության ու համայնքի կողմից հիմնադրված բոլոր իրավաբանական անձանց համար սահմանել դրոշի գործածման պարտավորություն: «Առաջարկվում է նաև կանոնակարգել պետական խորհրդանիշների հետ ուղղակիորեն առնչվող երեք տոների՝ Սահմանադրության օրվա, Հանրապետության և Անկախության տոների ժամանակ հանրային վայրերին հարող շենքերի վրա պետական դրոշի գործածման կարգը»,- ասաց Վարդանյանը: Հարցը քննարկվել է ԱԺ պետաիրավական հարցերի հանձնաժողովի նիստում ու ստացել դրական եզրակացություն: «Կառավարության դիրքորոշումն օրենսդրական այս փոփոխության նկատմամբ դրական է: Այսօր մենք իսկապես կարիք ունենք պետական խորհրդանիշների հանդեպ հանրային վերաբերմունքի նորոգման»,- ասաց ԿԳՄՍ նախարարի տեղակալ Արա Խզմալյանը:  Միաժամանակ Խզմալյանը մի քանի դիտարկումներ մեջբերեց՝ մի մասը՝ տեխնիկական, մյուսը՝ սկզբունքային բնույթի:  «Անհրաժեշտ է հստակ նշել այն պահանջները, որոնց խախտման համար առաջանալու է պատասխանատվություն»,- ասաց Խզմալյանը: 
12:54 - 09 փետրվարի, 2022
ԱԺ-ն նիստերի օրակարգ չընդգրկեց նվազագույն ամսական աշխատավարձը բարձրացնելու նախագիծը |armenpress.am|

ԱԺ-ն նիստերի օրակարգ չընդգրկեց նվազագույն ամսական աշխատավարձը բարձրացնելու նախագիծը |armenpress.am|

armenpress.am: «Հայաստան» խմբակցությունն առաջարկում է նվազագույն ամսական աշխատավարձը բարձրացնել՝ 68 հազար դրամից դարձնելով 100 հազար դրամ: Ազգային ժողովում նախագիծը ներկայացրեց «Հայաստան» խմբակցության պատգամավոր Աղվան Վարդանյանը։ «Վերջին անգամ նվազագույն աշխատավարձը բարձրացել է  2019 թվականին՝ 55 հազար դրամից դառնալով 68 հազար դրամ։ Ասեմ, որ պետության պատմության մեջ եղել է նաև նվազագույն աշխատավարձի 160 տոկոսով ավելացում։ Հիմնավորումը նվազագույն աշխատավարձի բարձրացման՝ սպառողական նվազագույն արժեքը այսօր 73 հազար 400 դրամ է, մեկ տարում աճել է 1,7 տոկոսով, թանկացել է ջուրը, գազը, լույսը, սպառողական գները աճել են 7,2 տոկոսով, սննդամթերքը՝ 11,7 տոկոսով։ Սա դեռ վիճակագրություն է։ Վերանայված սոցիալական խարտիան թելադրում է, որ նվազագույն և միջին աշխատավարձի հարաբերակցությունը ցանկալի է լինի 60 տոկոս, նորմալ է, եթե 50 տոկոս է և չի կարող 40 տոկոսից ցածր լինել։ Միջին աշխատավարձը Հայաստանում 2020 թվականի դեկտեմբեր ամսին, ըստ վիճակագրության, 255 հազար դրամ է։ Կառավարությունը բացասական եզրակացություն է տվել այս նախագծին, ռիսկեր է տեսնում»,- ասաց Վարդանյանը։ Պատգամավորը նշեց, որ տասնյակ հազարավոր քաղաքացիներ աշխատում են, բայց ծայրը ծայրին չեն հասցնում, աղքատ են, իսկ այս կառավարությունը եկել էր նրանց բարեկեցությունը բարձրացնելու, աղքատությունը վերացնելու խոստումով։ «Ասեմ, որ հանձնաժողովում շատ սիրով մեծ քննարկում ենք արել և ես, իբրև զեկուցող, նաև մի շարք կառուցողական առաջարկություններ եմ արել»,- ասաց Վարդանյանը՝ նշելով, որ Առողջապահության և սոցիալական հարցերի մշտական հանձնաժողովը բացասական եզրակացություն է տվել օրենքի նախագծում։Առողջապահության եւ սոցիալական հարցերի մշտական հանձնաժողով Հերիքնազ Տիգրանյանը նշեց, որ առաջարկել է հետաձգել նախագծի քննարկումը և ներկայացնել նոր լրամշակված նախագիծ, ինչին հիմնական զեկուցողը չի համաձայնել և այս նախագիծը այս տեսքով ստացել է բացասական եզրակացություն։ Տիգրանյանը կոչ արեց  դեմ քվեարկել նախագծին։ Նախագիծը քվեարկությամբ ստացավ 31 կողմ, 61 դեմ ձայն. Նախագիծը նիստի օրակարգ չընդգրկվեց։
11:12 - 08 փետրվարի, 2022