Պետք է գնալ երկրում հստակ ստանդարտներ ունենալու ճանապարհով․ Փաշինյան
13:44 - 18 օգոստոսի, 2022

Պետք է գնալ երկրում հստակ ստանդարտներ ունենալու ճանապարհով․ Փաշինյան

Պետք է գնալ երկրում հստակ ստանդարտներ ունենալու ճանապարհով, որովհետև անորակ իրականության հետ կոմպրոմիսն անխուսափելիորոն բերելու է աղետի։ Այս մասին այսօր՝ կառավարության նիստի ընթացքում ասաց վարչապետ Նիկոլ Փաշինյանը։ 

«Եկեք չգնանք կոմպրոմիսների. ես չեմ ասում՝ «գերանդին» առնենք, աջուձախ փակենք, արգելենք ամեն ինչ, բայց պետք է պահպանենք անվտանգության կանոնները։ Պետք է գնանք նոր ստանդարտների։ Հիմա ամեն տարի գարնանը ես հրավիրում եմ, ասում եմ՝ սեզոնը բացվել է, մեր երկրում էսքան կարուսել է աշխատում։ ԱԻՆ-ի ՊՈԱԿ-ն, այո, պետք է գնա, բայց ինձ համար ակնհայտ է, որ ինչքան էլ տեղեկանքներով ամեն ինչ նորմալ է,  առաջիկա ժամանակում՝ իքս պահի, մի աղետ ունենալու ենք, որովհետեւ եթե մենակ վիզուալ մեր կարուսելներին նայում ես, 70 տոկոսն աղետի նախանշան է։ Քանի՞ հոգի ոնց կտուժի, զոհ կլինի՞, թե՞ չի լինի, քանի՞ հոգի կլինի, հետո կասենք՝ էսքան տարի չէի՞նք տեսնում, որ էդ ամեն ինչը տեղի է ունենում»,- ասաց Նիկոլ Փաշինյանը։

Ըստ Նիկոլ Փաշինյանի՝ երկրի առաջ խնդիրները ծագել են այն կոմպրոմիսների պատճառով․ «Մենք անընդհատ ասել ենք՝ մարդիկ տուն են պահում, բա ի՞նչ անեն այդ մարդիկ։ Պետք է դադարեցնել սա»։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել