17:31 - 10 օգոստոսի, 2022
Հացահատիկով և պարենով բեռնված ևս երկու նավ է շարժվել Ուկրաինայից |factor.am|
factor.am: Եվս երկու նավ, որոնք հացահատիկ և պարենամթերք են տեղափոխում, լքել են Ուկրաինան։ Այս մասին հայտնել են Ուկրաինայի Ենթակառուցվածքների նախարարությունից, գրում է VOA-ն։
Նավերը Սև ծովով պետք է անցնեն Բոսֆորը՝ Ռուսաստանի հետ ուկրաինական նավահանգիստներով գյուղմթերքի արտահանումը հեշտացնելու համաձայնագրի համաձայն։
Նախարարությունը ֆեյսբուքյան իր էջում հայտնել է, որ Օդեսայից հարավ գտնվող Չեռնոմորսկից երկու նավ է մեկնել՝ ընդհանուր 70 հազար տոննա հացահատիկով և պարենով բեռնված։
Զեկույցում ասվում է, որ մի նավը՝ Ռահմի Յագգին, 5300 տոննա պարեն կմատակարարի Թուրքիա, իսկ մյուսը՝ Ocean Lion-ը, մոտ 65,000 տոննա եգիպտացորեն կտեղափոխի Հարավային Կորեա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)