18:43 - 19 հունիսի, 2022
Ուկրաինայի խորհրդարանը ԵՄ երկրներին կոչ է արել Ուկրաինային անդամակության թեկնածուի կարգավիճակ շնորհել
Ուկրաինայի Գերագույն Ռադան Եվրամիության անդամ երկրներին կոչ է արել կողմ քվեարկել Ուկրաինային ԵՄ անդամի թեկնածության կարգավիճակ տրամադրելուն։ Կոչով դիմելու այս որոշմանը կողմ է արտահայտվել Ռադայի 315 պատգամավոր, հայտնում է ՈւՆԻԱՆ-ը։
Ուկրաինային այս կարգավիճակի շնորհման վերաբերյալ քվեարկությունը կկայանա հունիսի 23-24-ին ԵՄ գագաթնաժողովի ընթացքում։
Ռադան կոչ է արել նաև առավելագույն հնարավոր տնտեսական և ֆինանսական աջակցությունը ցուցաբերել Ուկրաինային՝ իր ինքնիշխանության, տարածքային ամբողջականության պահպանման, ժողովրդավարական ինստիտուտների և մակրոֆինանսական կայունության ապահովման համար։
Նորա Վանյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)