Ռուսաստանի Սանկտ Պետերբուրգ քաղաքում մեկնարկել է Պետերբուրգի 25-րդ միջազգային տնտեսական համաժողովը, պաշտոնական բացումն արել է Սանկտ Պետերբուրգի նահանգապետ Ալեքսանդր Բեգլովը, հայտնում է «Ինտերֆաքսը»։
«Մենք մեր համաժողովից ակնկալում ենք բաց և անմիջական երկխոսություն, այն շատ կարևոր է ռուսաստանցի և օտարերկրացի գործընկերների համար», - ասել է նա։
Համաժողովն իր աշխատանքը սկսել է հունիսի 15-ին և կավարտի հունիսի 18-ին։ Ուրբաթ օրը՝ հունիսի 17-ին, լիագումար նիստին ելույթ կունենա Ռուսաստանի նախագահ Վլադիմիր Պուտինը։
Համաժողովի գլխավոր թեման այս տարի հետևյալն է․ «Նոր աշխարհ՝ նոր հնարավորություններ»։ Գործնական ծրագիրը ներառում է մարտահրավերների քննարկում, որոնց բախվել է Ռուսաստանը, անդրադարձ նոր տնեսական կարգերին և շատ այլ հարցերի։
Կայանալու են միջպետական բիզնես-երկխոսություններ և թեմատիկ բիզնես-նախաճաշներ, գործարար շրջանակների հանդիպումներ։ Նախատեսված են հանդիպումներ Չինաստանի, Եգիպտոսի, Թուրքիայի, Իրանի, Աֆրիկայի և Լատինական Ամերիկայի, Հարավարևելյան Ասիայի պետությունների ասոցիացիայի գործարար շրջանակների ներկայացուցիչների հետ։
Նորա Վանյան
Հետևե՛ք մեզ նաև Telegram-ում
comment.count (0)