factor.am: Հարյուրավոր ֆրանսիացի դիվանագետներ Փարիզում մասնակցել են Ֆրանսիայի ԱԳՆ աշխատակիցների համընդհանուր գործադուլին, որն անցկացվել է նախարարական պալատի դիմաց։ Ցուցարարները շենքի դիմաց «Պրոֆեսիոնալ դիվանագետները գործադուլ են անում», «Դիվանագիտությունը վտանգի տակ է» գրությամբ հսկայական պաստառներ են պարզել, հաղորդում է ՏԱՍՍ-ի թղթակիցը։

Ֆրանսիացի դիվանագետների արհմիությունների ասոցիացիաների կողմից կազմակերպված սոցիալական բողոքի ակցիան նպատակ ունի ցույց տալ արտաքին քաղաքական գերատեսչության աշխատակիցների անհամաձայնությունը կազմակերպչական բարեփոխումների հետ։ Ապրիլին իշխանությունների կողմից հաստատված բարեփոխումներն արմատապես փոխում են դիվանագիտական ​​կորպուսի կազմավորման սկզբունքները։

Դրա համաձայն՝ խորհրդականների և բանագնացների կորպուսը կկորցնի առանձին մասնագիտական ​​ոլորտի կարգավիճակը, այդ մասնագետները կմիավորվեն «պետական ​​կառավարիչների» միասնական կորպորացիայի մեջ՝ պրեֆեկտների և ֆինանսական տեսուչների հետ միասին։ Սա նշանակում է, որ այսուհետ բարձր դիվանագիտական ​​պաշտոններում կարող են նշանակվել պետական ​​կառավարման այլ ոլորտների պաշտոնյաներ, այլ ոչ միայն հատուկ կրթություն ստացած և կարիերայի բոլոր աստիճաններով անցած դիվանագիտական ​​ծառայության մասնագետները։

Ֆրանսիայի դիվանագիտական ​​կորպուսի ներկայացուցիչները մտավախություն ունի, որ այժմ ամենահեղինակավոր պաշտոնները կստանան ոչ թե պրոֆեսիոնալները, այլ տարբեր գերատեսչությունների «դեսանտայինները»։